|
خطيبي وعدم اهتمامه بنفسه مستجد رد 42
السلام عليكم ورحمة الله وبركاته
اخواني انا مملكة لي شهر ونص وعادي عندنا مكالمات وزيارات بس ممنوع تطلعي معاه برى البيت مشكلتي هي احس خطيبي مايهتم بنفسهولا بشكله ولا يهتم انا ايش لبست وايش كشخت حاولت ألفت انتباه وقلت له اني انا اكشخ عشانك والله لو البس له ايش مايهتم حتى لو ابي اتفنن له بأنواع الاكل مايهتم لامبالاه تخيلو مايلبس عقال نهائي أهديت له عقال وجاء لبسه شوي وتركه يقول يصدّع راْسه تخيلو يجي لابس ثوب بدون سروال طويل بس سروال نص نص قلت له ليش ماتلبس يقول ماصدقت اني اجي ازورك جيت طائر مايلبس بنطلون نهائي اسنانه وععع كلها من قدام سوسه مافيه أسنان نهائي لما يضحك اخاف منه حاولت أغير منه مافي امل كرهته وكرهت اني اهتم بنفسي وغير كذا لما يجي مايسولف ولا يفتح مواضيع حتى لما اكلمه بالجوال نفس الشي تعبت بجد ذبحتني التفكير فكرت بالانفصال بصراحة مو الانسان اللي تمنيته (تم تعديل العنوان ليتناسب مع المضمون) مستجدات الرد 39 http://66n.com/forums/showpost.php?p...0&postcount=39 مستجدات الرد42 http://66n.com/forums/showpost.php?p...8&postcount=42 |
رد: خطيبي وعدم اهتمامه بنفسه
ما شفتيه بالنظرة الشرعية ؟
|
رد: خطيبي وعدم اهتمامه بنفسه
من حقك
نبهيه عن طريقة الرسائل. ان الامر قد يصل للانفصال بصراحة سيكون الوضع أسوأ بعد الزواج و ترين ابشع وتجيك النصايح العالمية. انك انت روشيه وًحلقي له و قُصي أظافره. 😣 رأيي انفدي بجلدك |
رد: خطيبي وعدم اهتمامه بنفسه
مسز داني احس ان قوية من البداية تلوح بالانفصال
برأيي اذا عرسج قريب .. اجليه شوي بالواتس اب دزيله رسالة ان احب انك تهتم بنفسك وووو الخ يعني كلام لطيف بس حطي ببالج شغلة .. ترى محد يقدر يغير احد لا تقولين بتزوج وبيتغير محد يغير احد الا اذا هو فعلا يبي يتغير يعني اذا حاليا ما لمستي تغيير حططي ببالج انه راح يتم جذي بعد الزواج الا ان يشاء الله وبعدين المفروض شفتيه بالنظرة الشرعية |
رد: خطيبي وعدم اهتمامه بنفسه
اولا زي ماقالو الأعضاء المفروض شفتيه في النظرة الشرعية واقتنعتي !
ثانيا المعلومة الأكيدة ان الرجل والمرأة في أيام الملكة والخطبة يحاولون يظهرون بأجمل مظهر لهم فالي تشوفينه الآن هو احلى شي بعد الزواج بتشوفين الشكل والاهتمام الحقيقي قرري الآن افضل لك موفقة لكل خير |
رد: خطيبي وعدم اهتمامه بنفسه
يا اختي الكريمة هل قابلك في الرؤية الشرعية كاشخ ومهتم بمظهرة.
بصراحة وضعك ما يطمن جداً اذا من البداية ما في اهتمام ولا راحة بالمستقبل كيف راح تسيئ الأمور اذا لم يتغير. الله يعينك ولا حتى فترة الملكة جامل وش هل التفكير كأنة يوصلك رسالة هاذي هيئة شكلي. |
رد: خطيبي وعدم اهتمامه بنفسه
زين. عزيزتي
هذا انت قلتي محد يقدر يغير أحد. يعني بدون مثاليات. سيظل هكذا. احساس أنثى كم عمرك؟ و هل الانفصال في الملكة. امر عظيم عندكم. |
رد: خطيبي وعدم اهتمامه بنفسه
بلاش مثاليه وتاليف كلام خيالي
البنت معاها حق اذا ماحبته وملا عينها وحست انها يجذبها بكره بتتعب معاه وممكن تتهرب منه باي شكل استخيري وفكي خطوبتك والله مااستحمل كذا يصلح اسنانه ويهتم بنظافته او مع السلامه اذا الظاهر كذا اجل من داخل كيف |
رد: خطيبي وعدم اهتمامه بنفسه
اقتباس:
استهتار .. لان اكيد شكله هو نفسه في النظرة... والشكل والمظهر الخارجي يبان من اول لمحة... وممكن يكون حبها وتعلق فيها والانفصال راح يأثر على حياته الاجتماعية مستقبلا. الحل ؟؟؟؟؟ بماان اهلها لايمانعون المكالمات والمقابلة. تطالبه بالاهتمام بمظهره وشكله... |
رد: خطيبي وعدم اهتمامه بنفسه
بالعكس ينابيع
اولا شي طبيعي في الشوفة. جاء و هو ارتب من كذا و بعدين لما جاءت الزيارات. طلع على شكله ثانيا الاستهتار. هو الإكمال مع النفور. كأنها داخلة كورس جامعة. و بإمكانها تغير المسار و التخصص لما ما يعجبها او تغير المواد اختي. هل هو كذلك لا يهتم بنظافته. بعض النظر عن اسنانه. و ثيابه |
رد: خطيبي وعدم اهتمامه بنفسه
اقعدي معاه قعده جديه
|
رد: خطيبي وعدم اهتمامه بنفسه
اقتباس:
لا مش مثالية بس عالاقل من باب رفع العتب ومو يمكن محتاج دزه ويتعدل حاله ؟ ثانيا هي شافته بالنظرة الشرعية ترى باقول لج المستهتر مهما بلغ في كشخته يوم النظرة الا ما تلاقي عليه شيء وثانيا اوكي ياي النظرة مرتب بس اكيد ما كان مركب طقم اسنان يلمع! يعني شافت اسنانه اللي الحين لايعه جبدها منهم... فبالتالي بيلقى عليها جزء من اللوم فهي رفعا للعتب .. وللوم .. تكلمه بلطف عل وعسى يتعدل حاله الانفصال مو امر عظيم طبعا خصوصا ان توهم عالبر لكن مو مثل شرب الماي ولا مثل تبديل الفانيلة ما عجبتني ولا مش مقاسي اروح المحل ابدلها واذا ما رضوا يبدلونها باقطها وبشتري غيرها او بعطيها احد... |
رد: خطيبي وعدم اهتمامه بنفسه
مشكلتك بسيطة
كل انسان قابل للتغير كلميه قولي له اهتم بنفسك جربي وش خسرانه ممكن بعد الزواج يتحسن وممكن لا ودامه مو الانسان الي ببالك ليه توافقين ؟ بعدين البنات هنا اسلوبهم غريب ! على طول انفصال لو رجل منزل الموضوع كانو قلتو اصبر عليها بكرة تتغير وا وا رايي شخصي |
رد: خطيبي وعدم اهتمامه بنفسه
البعض يسألها هل شافته بالنظرة الشرعية!!
ياناس النظرة الشرعية عندنا البنت غالباً مرعوبة ومتوترة وعساها ترفع راسها للأسف الشديد، فكيف تبي تتعرف على الرجل المتقدم، حتى النظرة الشرعية ماتعطي 100% انطباع عموما الله يكون بعونك ويصبرك ويلطف بك ويعطيك ماهو خير أنتي شاوري وأدرسي الموضوع وهدي بالك، والله يكتب لك مافيه خير. |
رد: خطيبي وعدم اهتمامه بنفسه
انا ما شفت اسنان زوجي يوم النظرة
من الخجل يادوب شفته وجهه يعني لوفيه عيوب ماراح انتبه لها |
رد: خطيبي وعدم اهتمامه بنفسه
الزواج لعبة انتي وياها بعد الملكة قررتي الانفصال
عشانة ما يلبس سرول وعشان ما يلبس عقال وسنانة مسوسة عيونك وينها يوم النظرة الشرعية اذا ما شفتية عدل كان طلبتي نظرة شرعية ثانية ولايكون زواج الا على شي مقتنعة منة بس اشوف الزواج عندك لعبة وصدقيني لو نفصلتي بطلعين الف عيب بثاني اجل عشان سروال وعقال تبين الطلاق الله يعوضة بفضل منك |
رد: خطيبي وعدم اهتمامه بنفسه
^^^^^^^^^^^^
الله يعوضها بالأفضل منه ويعين الا بتطيح في حظه النظافة امرها مهم والا بتعيش عمرها كله في قرف وحتى لو نبهته وتغير ماراح تضمن أصلا انه يستمر بعد الزواج ... اذا كنتوا تقدروا تصبروا على زوجة وسخة معاكم حق تلوموها ... |
رد: خطيبي وعدم اهتمامه بنفسه
اقتباس:
والاول تحول. الان تشوفه وتتكلم معاه. والخجولة يسمونها دقة قديمة |
رد: خطيبي وعدم اهتمامه بنفسه
اقتباس:
تتكلمين كأنك شفتيه.... بعدين هي ماشاء الله تبارك الله جريئة بعدين حتى هي اكيد شافها ووجهها الوان واصباغ واذا غسلت وجهها بيبان المستخبي مثل اي بنت في الدنيا فهل من حقه يطلقها.؟ الكلام عام... وليس خاص بها |
رد: خطيبي وعدم اهتمامه بنفسه
هذه نظافة يا ينابيع
ما ادري اذا كنت متزوجة او لا بس ترى تسمعي من النساء عن نظافة رجالهم. ترى اذا ما كان نظيف من برة او مرتب تراه من داخل اعظم و قد مر مواضيع كثيرة هنا زوجات تتقزز من ازواجهن و النصيحة العامة. روشيه و احلقي له و فرشي اسنانه و جيبي الملقط رتبي سكسوكته و بوسيه على راْسه!! نصيحة تقتل في نظري. هي تهتم بنفسها لو بيتها لو بالاطفال. بشي بديهي نظافة البدن على العموم. ننتظر توضيح اكثر من الأخت احساس و يعني هل هو امر غير متقبِّل فهمه انها قد تكون لم ترى اسنانه!!! يحصل و مثل ما قالت خواطر. تخيل واحد يشكي من خطيبته انها مهملة بثيابها و لما تضحك يتقزز منها و لا تسولف. بيتحمل! |
رد: خطيبي وعدم اهتمامه بنفسه
اختي صاحبة الموضوع هذا زواج يعني تأبيدة وانتبهي اذا انت متقززة منه هذا شعور اولي يمكن مايروح مهما حصل
ياما ناس انفصلوا بعد الملكة والله عوض الجميع ، اذا منتي مرتاحة لنظافته وهيئته وشكله واسلوبه فصدقيني الانفصال افضل حل والله بيعوضك ويعوضه خير قبل الزواج انتو فبر الأمان وهذا من فضل الله عليكم كم قصص نعرفها لبنات ارغموا انفسهم على ازواج ماهم مرتاحين معاهم وبعدين ظل النفور موجود استخيري الله اكثر من مرة وتوكلي عليه ... موفقه لكل خير |
رد: خطيبي وعدم اهتمامه بنفسه
يسلمووو خواتي ع الردود
اول شي انا ماشفته نظره شرعيه وبعد الملكة بعد الزيارات لاحظت هالشي من ثاني اسبوع حاولت انفصل وهو متمسك فيني وأهلي عصبو علي علشان قررت الانفصال قالوا مافي شي يعيبه ماقلت لهم ع الاهتمام بنات ثاني شي مايعرف يتكلم مدري كيف مايفتح مواضيع والله تعبت نفسياً ابي عذر قوي للانفصال علشان اقنع اهلي |
رد: خطيبي وعدم اهتمامه بنفسه
قولي لهم ما متقبله شكله ، وكل الكلام اللي كتبتيه هنا ، بصراحه اشوف انك تستخيري مره ثانيه واكثر من مره
|
رد: خطيبي وعدم اهتمامه بنفسه
اقتباس:
هو ايضا ما شافك! الخطأ منك و من اهلك المفروض تشوفيه اكثر من مرة قبل الملكة هذا زواج مو لعبة عموما اتركيه افضلك و افضله و هو لن يتأثر بشيء فلوسه و مهره حيرجعله |
رد: خطيبي وعدم اهتمامه بنفسه
وعدني انه حيتغير مشكلتي عصبيه يعني اعطيه بوجهالكلمه قلت له احد يجي لخطيبته مايهتم بشكله وعدني انه حيتغير وقالي مالك الا سعادتك واللي يرضيك
|
رد: خطيبي وعدم اهتمامه بنفسه
إذا حبك وشاف إهتمامك بنفسك بيستحي من نفسه ويتغير ، سولفي له عن طريقة عنايتك بنفسك طريقة إستحمامك أهدي له منتجات أنتي تستخدمينها في الإستحمام ، إذا إتصل فيك لا تردين وكلميه بعد شوي قولي كنت أتروش ما أرتاح إلا أتروش كل يوم وأستخدم الشور جل (وإذكري الماركه ) والسنفره الفلانيه والديودرنت الفلاني ، تصدق ما أحب الناس الي مايهتمون بنظافتهم وكملي السيناريو عاد شغلي خيالك وقولي له يعالج أسنانه قبل الزواج وبيني له أهمية الأمر بالنسبه لك .
|
رد: خطيبي وعدم اهتمامه بنفسه
صدقيني الأمر بسيط مايستدعي الطلاق تقدرين تغيرينه بكل سهوله ، فيه نساء يعالجن مشاكل أكبر من كذا من خيانه وشرب خمر وإدمان مخدرات ، ماتدرين يمكن هالإنسان البسيط يصونك ويسعدك ، سمعت بنساء تحلق له الأماكن الحساسه تعوده على النظافه لين يدمنها .
|
رد: خطيبي وعدم اهتمامه بنفسه
مرحباً أختي
أنا لا ألبس عقال نهائي... عادتي وألبس سروال قصير تحت الثوب بعض الأحيان سواء في الخروج العادي أو بعض المناسبات ولست حريص على السروال الطويل بحيث يمنعني من الخروج وأما الأسنان فيمكنك أن تقترحي عليه أن يصلحها وتدلعي عليه بذلك وتابعيه إلى أن يصلحها وأما عدم مدحه فالغالب حسب رأيي أن هذا إنسان نظيف ماله في البنات والتميلح لهم طول عمره .. بل له إهتمامات أخرى البنات ليس من ضمنها رإيي الشخصي أن لا تتعجلي بأي أمر ويمكنك أن تطيلي فترة الملكة شوي لدراسته وإمكانية أن يستجيب للتغير للأفضل أما لا خصوصاً إذا كانت سمعته ودينه ومواصفاته طيبة فلا تفرطي فيه بسهولة أعانك الله |
رد: خطيبي وعدم اهتمامه بنفسه
اذا انسان كويس ويخاف الله وكريم واخلاقه زينه لا تفرطين فيه
يبدو انه انسان بسيط وما يفهم بهالامور كثير تقدرين انتي تثقفينه من هالناحية وينظف ويتعدل ع يدك وكون انه مايتكلم كثير فاحمدي ربك لانو شكله لسانه مو طويل وماراح يجرحك او يتعبك بالكلام بعد الزواج في نفسك او في بيتك او في اولادك كل رجل وعيبه ولو انفصلتي وارتبطتي باخر يهتم بنظافته ستجدي عنده عيب اخر تنزعجي وتتضايقي منه وبالنسبه لاسنانه اطلبي منه يلبسها كل المشاهر في التي في اسنانهم تركيب |
رد: خطيبي وعدم اهتمامه بنفسه
المشكلة الأساسية الأن تقول البنت ما شافتة رؤية شرعية بعد الملكة تفاجئت فية اشياء كثيرة ولا مرتاحة نفسياً هاذي مشكلة بعض العادات زواج العميان المفترض ترفضين الزواج منة من حقك الشرع تشوفين شريك حياتك في اي شخص كان.
استخيري مرة مرتين عسى ربي يفرج همك. |
رد: خطيبي وعدم اهتمامه بنفسه
شلون الأعضاء استنتجوا إنه قليل نظافة ومايتروش ومايحلق ؟
أنا إللي فهمته بس أسنانه مش مهتم فيها .. يعني لو يروح عيادة الأسنان ينظفونها ويعدلونها له .. العقال والسروال أحس أمرهم بسيط مش شي مقزز مثل الأسنان .. لكن أختي واضح إنك مش متقبلته حتى على تفكيره وكلامه مش بس مظهره .. كسر خاطري حسيته يحبك ويبي رضاك .. أعطي نفسك واعطيه فرصة أكبر ووقت أطول .. |
رد: خطيبي وعدم اهتمامه بنفسه
اقتباس:
شكله خام وعلى نياته كل شي ممكن يتعدل ويهتم بنفسه اكثر ما دام عنده القبول ولكن شخصيته محتاجه ان تتغير اكثر من شكله الخارجي كم عمره وما هو مؤهله الدراسي ؟ |
رد: خطيبي وعدم اهتمامه بنفسه
اقتباس:
الحين عروس ومايبي يكسرك بكلام ولا تصرفات تخليك تتركينه قبل الزواج بعد الزواج تسوين فيها العصبية بيكسر راسك انتبهي واهلك ماراح يوقفون معك من الاساس ماقتنعوا بكلامك انك ماتبينه تتوقعين يقتنعون بعد الزواج اضحكي عليه نعم اضحكي عليه خطيبتي ماعجبها فرقت اسناني الاماميه فيه فراغ بسيط بكل ادب قالت نفسي لما نبتسم يوم زواجنا يبان ضحكتك بيضاء واسنانك مرتبه ورحت للاسنان وسويت تقويم تستاهل اللبس سهله بعد الزواج مقدور عليه السوالف كثير مايعرف يسولف مع الانثى لكن مع اصحابه محبوب وسوالفه عادية |
رد: خطيبي وعدم اهتمامه بنفسه
اقتباس:
فحمدي ربك هذي نعمه ومن صالحك الرجال فررش اجل تبينه يسولف ويدردش ! اصبري الموضوع يحتاج له وقت جد الدنيا مقلوبه البنت تاخذ وتعطي والرجال حياوي |
رد: خطيبي وعدم اهتمامه بنفسه
والله ي قلبي النظافه شيء مهمممم
مهمممممم بين الزوجين ، ممكن من قرفه تصدينه وتحرمينه مستقبلا من حقوقه خاصه الاسنان هي اهم شيء من ناحية الريحه والمظهر مادري ليش في ناس اخر همهم اسنانهم اذا ضحكو سدو الدنيا بوجهي الاسنان مهمه ي جماعه للرجال وللبنات هي اهم شيء والله انا اهم شيء عندي الاسنان يوم شفت اسنان زوجي ماشالله خقيت على طول هذا بالشوفه والله النظافه ترفع الشخص الف منزله عند شريكه واللي ديدنه النظافه رح يظل نظيف ويلق طول عمره واللي ديدنه الوصاخه بيظل وصخ طول عمره حتى لو غيرها لاجل خاطر غيره يوم او يومين راح يرجع لطمالته لان هالشيء مش عن قناعه ، لازم تقنعي زوجك بالنظافه ، والاقتداء بسنة نبينا في النظافه مو مهم انا عندي الا النظافه ولا ثوب وعقال وسروال ذي مقدور عليها اذا تزوجتي لبسيه اللي تبين بس النظافه اهم ، مدري شدخل النظافه في انه مايعرف بنات في ناس مدودين ومخاوين بنات هالامور بعلم الغيب مانقدر نحكم عالطمل انه نظيف ومو مخاوي بنات والنظيف انه راعي بنات من وين جبتو هالشيء ؟؟ |
رد: خطيبي وعدم اهتمامه بنفسه
شوفي حبيبتي...
لو عساه من النظافة كل يوم يتريق بديتول و يتعشى بكلوركس شخص منتي مقتنعة فيه حطي حد لعلاقتج معاه لا تقولين بعد الزواج راح اقتنع به ... بعد الزواج بتتدبسين به اما اذا انتي مقتنعة به وبس هالشغلات مضايقتج فهذي مقدور عليها ممكن |
رد: خطيبي وعدم اهتمامه بنفسه
يسلمو حبايبي ع الردود انابعطيه فرصه يتغير واشوف لو ماتغير بأخذ قراري بس كيف اغيره لمحت له بس مادري هو فهمها او لا
|
رد: خطيبي وعدم اهتمامه بنفسه
فيه مشاكل الحل الوحيد معها ( قواة الوجه )
يعني حطي عينك بعينه ولاتستحين وقولي اللي ماتتحملينه بدون انفصال وخلافه قولي فلان انا بكره عندي موعد تنظيف أسنان وكذا الا تعال انت مابديت تراجع اسنان !! لا قال ليه سوي نفسك مصدومه قولي يووووه معروف المعاريس اول شي يسوونه يزينون وينظفون اسنانهم وانت اسنانك تحتاج صراحه نفس الشي اللبس قولي فلان لو سمحت تحرجني مع اهلي لاتجي الا لابس سروال طويل يصير شكلك اكشخ وكذا !! انا زوجي مع انه نظيف جدا ويهتم لكن فيه تفاصيل تفوت الرجال انا ماكنت اسكت حطيت نقط على الحروف لأني اعرف نفسي لو تقرفت من شخص اكرهه على طول لذلك حطيت شروط وخلاص فهمها على سبيل المثال اكرمكم الله اذا رجعت من برى ماتتمشى بالبيت بالشرابات وتسولف !!! على طول للمغسله تحذف الشراب في السله وتغسل اقدامك بالصابون وبعدين تمشي وتسولف المشكله بسيطه بس تحتاج قوه منك وشوية سيطره ودق بالكلام لين يفهم واذا شفتيه بدا يتغير امدحيه وعززي |
رد: خطيبي وعدم اهتمامه بنفسه
يعطيكم العافية على الردود
بصراحه صارحني انه مايقدر يروح الاسنان علشان اموره الماديه هو ترى مو موظف انا رضيت فيه لسبب شخصي خاص فيني هو طلع قرض علشان يدفع لي المهر ودفعه وباقي القرض خلاها لتكاليف الزواج امس حدد زواجنا وقلت له ع الاسنان قال والله ماقدر مدري كيف أخليه ياخذ من فلوس القرض ويصلح اسنانه لان هو من كلامه ان اسنانه تكلف يمكن علشان كذا ماراح . بالنسبه لي انا الحمدلله موظفه |
رد: خطيبي وعدم اهتمامه بنفسه مستجد رد 39
تفاعلتو معي في البدايه
|
| الساعة الآن 12:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©