|
زوجي شاف رسالتي مع اهلي فالوتساب عنه
السلام عليكم
انا بصراحه متوهقه مع زوجي زوجي كان جالس لحاله ومعاه جوالي يطقطق فيه ويلعب شوية دخل على الوتساب بالغلط وعلى قروب العائلة وحصل كلامي عنه انه هو سوالفه ممله ومايعرف يسولف وحقق معي وانا قلتله انها مزحه وانا نيتي مزحه مو سبه فيه قام قالي وش يثبت لي انها مزحه؟؟؟ وقام يحقق وزعلان مني الحين وزعله قوي جدا يعني يقطع عني شغلات كثير واهمها الطلاق العاطفي شنو اسوي متوهقه هو ماراضي يصدق انها مزحه |
رد: زوجي شاف رسالتي مع اهلي فالوتساب عنه
هذي مو مزحة .. هذي غيبة "ذكرك اخاك بما يكره"
و للامانة يحق له ينجرح . اعتذري منه اكثر و ان شاء الله هالمشكلة تكون دافع لتغيير سلوكك جذريا و احترام شريك حياتك و عدم التهكم عليه |
رد: زوجي شاف رسالتي مع اهلي فالوتساب عنه
وعليكم السلام ورحمة الله وبركاته..
نعم أخطأت واثبتي له بالفعل، وليس بالقول افعلي أي شيء يحبه.. وهذا درس لك كي لا تخرجين خصوصياتك مع زوجك مهما كانت لأي أحد ولو أقرب الأقربون.. واحترمي ألفاظك التي تخرج عن زوجك ولا تذكريه إلا بخير وحب له دون أي استنقاص منه.. |
رد: زوجي شاف رسالتي مع اهلي فالوتساب عنه
كيف مزحة شي مايدخل العقل !!
الصدق كلامك يزعل تخيلي نفسك مكانة ولقيتي في قررب اخوانة كاتب عنك شي مو كويس بعدين قالك هذة مزحة >> ايش رده فعلك ؟؟ انتي لو قلتي خايفة عليك من المدح واحنا الحريم مابنحب نمدح ازواجنا قدام احد حتى مايحسدوننا ممكن يمشيها بس مزحة ؟؟ >> ماتدخل العقل الصراحة الله يحنن قلبة عليك ... حاولي تفاجأينه بحاجه يحبها ممكن يرضى ويحس بقيمتة عندك موفقة |
رد: زوجي شاف رسالتي مع اهلي فالوتساب عنه
عموما اللي سويتيه مو كويس، لكن لازم تشوفين لك مخرج، وانا اقترح انك تقولين له الحقيقه اخاف من عيون الناس تصيبنا ولذلك استخدمت هالاسلوب وانت عارف الناس ما تعطي خير، وهذا هو السبب الوحيد اني حابه احافظ ع بيتنا وانت لو تعرف مجتمعات الحريم بتعذرني..
اتوقع بتنحل كذا، لكن المهم ان تتذكرين ان هذا زوجك ومهما كان ما يجوز تذكرينه بسوء.. |
رد: زوجي شاف رسالتي مع اهلي فالوتساب عنه
هذي البربر بالوتس اب ونتايجها
ونتي تبين انسان كامل مكمل انتي يمكن فيك عيوب الدنيا كلها والمثل يقول الناقة ماتشوف عوجة رقبتها المفروض بدل ماتكتبين لهلك هالملاحظات قوليها لزوجك بسلوب حلو تكبرين بعينة يعني انتي متصورة ان اهلك بيعطونك حل سحري عشان زوجك يسولف معك يمكن انتي مملة بعد بس ما شكى لحد من حقة يزعل لانك طلعتي اسرار البيت |
رد: زوجي شاف رسالتي مع اهلي فالوتساب عنه
الحل
تعتذري لزوجك - أمام أهلك - ،، مثل ما - سخرتي منه - و تكبريه أمام أهلك و فعلا هذه ماهي مزحة |
رد: زوجي شاف رسالتي مع اهلي فالوتساب عنه
يعني شو استفدتي يوم تنشرين الصفات الشينه في زوجك قدام اهلك .. بدل ما تصارحينه بعيوبه اذا كانت صدق فيه ..
ومن حقه يزعل بصراحه .. وينجرح .. والله ماعرف شو اقولك .. غير انك تروحين تعتذرين له وتصالحينه وان شاء الله انه بيرضى ومستحيل انه ينسى .. |
رد: زوجي شاف رسالتي مع اهلي فالوتساب عنه
والله تلاقيه...... من اشياء كثيره منك لكنه انسان عنده ذوق
وما يبغا يجرحك تضمني ما يكون صوتك بشع بنظره وساكت؟ على الاقل هو كلامه ممل فقط بختصار ما كنتي تمزحي شفتيه رجل اخلاق قليتي ادبك عليه امام اهلك اعتذري وبرري كيف مدري تصرفي زي ما تحمستي مع اهلك بالحش فيه تحمسي تطلعي نفسك وتكسبي زوجك لو كرهك ما بينفعوك اهلك اللي تهايطين معهم على زوجك ترى هيبتك وهيبة عيالك بكره عند اهلك من هيبة زوجك يا حلوه كل ما نقصتي من قيمته كل ما استخفوا فيه حتى بالعزايم تلاقينهم يهتموا بازواج اخواتك لانهم ما ينقصوا قيمتهم امام اهلهم الله يعينه |
رد: زوجي شاف رسالتي مع اهلي فالوتساب عنه
أخيتي :
★ عليك الاعتذار منه حتى يرضى ★ ثم دعاء الله توبةً نصوحةً و إصلاح حالكما ★ عدم العودة الى الذنب كرَّةً أخرى !. و أخيرا : أرى صوابا فيمن نصحك رفع شأنه في حضور اهلك دون مبالغة ! |
رد: زوجي شاف رسالتي مع اهلي فالوتساب عنه
سؤال
هل ترضين يقول عنك نفس كلامك لهلة ..حطي نفسك مكانة وتخيلي الوضع لمدة دقيقتين بعدين انظري الي مشاعرك نحوة ياشين المراة الي تبربر عند اهلها وزميلاتها عن زوجها |
رد: زوجي شاف رسالتي مع اهلي فالوتساب عنه
احس الاعتذار امام الاهل بيحرجه اكثر
ويركزوا عليه وعلى كلامه اكثر من قبل لكن ان كنتي راعية نيه طيبه زي ما ذميتيه على انه مو سامع امدحيه على انه مو سامع برضو امدحي كرمه ، صبره عليك ، تحمله المسؤوليه وانه رجل قل مثله وغيرها مما ترينه ايجابي بزوجك ويا ليت مع المدح افتحي نفس السيره اللي خلتك تقولي هذا الكلام في نفس القروب وقولي العكس قولي عندي زوجي حبيبي اسولف معه سوالفه عندي بالدنيا ولو حد قالك مو تقولي سوالفه ممله قولي امزح على حبيبي لا والله ان سوالفه عندي بالدنيا يمكن هذا ينسيه شوي بس توقعي احجامه عن السوالف معك على طول او لفترة مو قصيره |
رد: زوجي شاف رسالتي مع اهلي فالوتساب عنه
بكل امانه كسرتي صورتك قدامه وكسرتي شخصيته قدام نفسه
شلون تبينه يرجع يثق فيك ويقدرك وهذ نظرتك له وين الحب وين الزووجة اللي تشوف زوجها هي وهي زوجها وترفض تنتقصه عيب الكلام اللي قلتيه استهزاء بشخصيته وقدام اهلك وش الرساله اللي تبينها توصلهم يستحقرونه!!! |
رد: زوجي شاف رسالتي مع اهلي فالوتساب عنه
اقتباس:
مع تحسين صورته مرة أخرى أمام الأهل؛ لأن خطأك كبير |
رد: زوجي شاف رسالتي مع اهلي فالوتساب عنه
احس الكلمة مو قوية كثير لدرجة التوبة النصوحة.
المهم اعتذري. وعادة الرجال ما يسولفوا كثير مع حريمهم و هل أهلك ركزوا على الكلمة كثير. ام مرت مرور الكرام. تفرق شوي |
رد: زوجي شاف رسالتي مع اهلي فالوتساب عنه
وجهة نظر
.............. ثم ان ذكر بعض الصفات الحقيقية في زوجك وان كانت مو حلوه في حقه واكيد بتضايقه لما يقرأها بس شيء طبيعي !! ، يعني كلكم يالاعضاء مافي احد منكم شكا عن زوجته او ولا عضوة شكت عن زوجها وذكرتم بعض الصفات الغير محببه إليكم فيهم!! يعني اوك زعلت من حقك أزعل حقك علي وأسفه وانتهى. لكن كن واقعي دايم تحكي عني كويس يعني !! ..... |
رد: زوجي شاف رسالتي مع اهلي فالوتساب عنه
مزحك ثقيل وانا اخوك .، اخس شي الزوجه اللي تقعد تنتقد زوجها عند اهلها وهي في الاساس مو بحاجه للانتقاد لا في مشكلة ولا شي ليه النقد هذا ؟
تخيلي نفسك بس يتكلم عنك مدري كيف بيكون رد فعلك كان شفنا موضوع هنا وان زوجي كل سي يحكيه لاهله ومتعبني والموال المعروف هذا |
رد: زوجي شاف رسالتي مع اهلي فالوتساب عنه
اقتباس:
هل هي فتوى شخصية أم أنها وجهة نظر في أمر محُسوم منذ قرون في كتاب من لدن حكيم خبير ؟؟!! على كلٍ ، لا صواب في أيٍّ منهما !!!! استخفافنا بالمشاكل الزوجية البسيطة - التي نحسبها شرارة عابرة - يولِّدَ حريقًا في القلوب نهاية المطاف ، ليتوج بطلاق شنيع لا مبرر له غير القيل و القال ....!!!!! هي ، كلمات صغيرة تعكس أسباب شيوع الانفصال الكبير الجنوني في الاوساط المسلمة !!! |
رد: زوجي شاف رسالتي مع اهلي فالوتساب عنه
طيب انا قلت لها اعتذري😮
التغافل شي طيب بالعلاقة الزوجية |
رد: زوجي شاف رسالتي مع اهلي فالوتساب عنه
اقتباس:
والغيبه ذنب عظيم |
رد: زوجي شاف رسالتي مع اهلي فالوتساب عنه
اقتباس:
::PPP::PPP::PPP::PPP |
رد: زوجي شاف رسالتي مع اهلي فالوتساب عنه
اقتباس:
رد رائع اصبتي كبد الحقيقة... بارك الله فيك |
| الساعة الآن 12:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©