|
ما الحل مع قسوة زوجي..!!؟
السلام عليكم
بطرح موضوع سريعاً وآسفه على جرآئتي امس كنا سهرانين وبنتي نامت حطيتها بالغرفتي وجيت نكمل السهرة.. غفت عيني شوي الساعه 3 الفجر تقريباً اثاري بنتي بكت وماسمعتها ( نايمه ياناس) قاعد ومنتظرني اصحى من نفسي واروح لها تخيلو كذا قاعد يسمعها تبكي حول 10 دقايق لما شافني ماقمت.. جاني وصرخ بصوت عالي حرام عليك قومي البنت بتموت من الصياح انا انفجعت والله ماعرفت شنو السالفه قمت ورحت لبنتي وهديتها ونومتها مره ثانيه جيته وقلت له حرام عليك تصحيني كذا وربي فجعتني قال لي اذا بكت البنت ماراح اصحيك الا كذا!!!!! حطيتها بخاطري والله جد شي يزعل طيب الواحد ماينام!!! مايغفى!!! اعوذبالله المهم.. نمت وتركته وطبعي ماحب طول الزعل جينا لليله اللي بعدها اثاري الأخ مطنقر ونفسيته محمضه من سالفة امس بالله منو المفروض يزعل انا ولا هو !! 😳 المهم جيت اسولف معاه عادي تكلم وسولفنا شوي جيت اقرب منه مبوز وهنا مشكلة زوجي تكفون ركزو معاي قال لي لا تقربين لو سمحتي انا اذا ليله تمر مايصير بيننا شي. عادي اقعد فترة طويله بدون مانقرب من بعض!!!!! امانه تقولون لي حد مثلي يعيش كذا !!!! قلت له يافلان ياعمري ياحبي انت اذا تقصد على امس نمت وتركت هذي ردة فعل ياخي خذيت بخاطري شوي زعلت من طريقتك وانت تصحيني..كان لحقتني وبتكون ليلتنا حلوة قال لا يعني لا انتي لازم تبادرين.. وانتي لازم تحاولين معاي الف محاوله ومحاوله في الليله الثانيه اللي بعد الزعل ولا تتركيني كذا لان لو تركتيني كذا افقد اعصابي ويزيد زعلي ومايهدا بالي سؤالي.. احترت معاه انا احياناً احس بالزعل احس تضايقت منه ومن حقي انام واتركه بس ارد وافكر مره ثانيه اقول مافيني حيل بكره اقعد اتقرب واساحل فيه كني سويت مصيبه زعول بخصوص هذا الشي بشكل ماتتصورون كيف بس من حقي اعيش حياة طبيعيه اطنقر واروح اتركه ريحو بالي تكفون.. كتبت ومارجعت قريت المكتوب آسفه على لخبطة كلامي |
رد: ما الحل مع قسوة زوجي..!!؟
اقلبي عليه
وازعلي انت و ابكي و قولي. مرة حسيتك قاسي علي لما فجعتني بصوتك و قولي كلام كثير محزن |
رد: ما الحل مع قسوة زوجي..!!؟
بتقلب ليلتها نكد يا مسز داني...
مرة طنشيه وتعاملي طبيعي ومرة ساحليه... ومرة عاتبي |
رد: ما الحل مع قسوة زوجي..!!؟
مع مسز داني
زوجك معدد صح |
رد: ما الحل مع قسوة زوجي..!!؟
اقتباس:
هو مو حاس انه ايضا ضايقها لكن لما يشوفها زعلانة. بيتحرك احساسه ثانيا هي بتبكي. ما بتصارخ يعني القصد تتمسكن |
رد: ما الحل مع قسوة زوجي..!!؟
بصراحة ماني شايف قسوة
ويوم يقومك عشان البنت اكيد شبعانة صياح وهذي ردات فعل اب حنون على بنيتة والاخت نايمة الضنى غالي وممكن يفكر يقول لو ماني موجود كان ماحد درى عنها بس انا ملاحظ عليك انك حساسة فوق الحد الطبيعي وهذا يرهق الرجل ويجعلة عصبي من طريقتك وسلوبك..الله يوفقك |
رد: ما الحل مع قسوة زوجي..!!؟
طنشيه
لا تكلميني ولا تبررين له ولاشي خليه وطنشيه |
رد: ما الحل مع قسوة زوجي..!!؟
اختي صاحبة المشكله...عاتبيه وبيني له انه غلطان بطريقته بتقويمك من النوم ...قوليله كنت مستغرقه وماسمعتها مالك حق تعاملني كذا...واكيد بينتبه لغلطه ويتداركه المرات الجايه مع التنبيه حتى لو كابر الحين وبين عكس ذلك،،
|
رد: ما الحل مع قسوة زوجي..!!؟
اقتباس:
فقط يقضها من نومها لان البنت شبعت صياح وشفيها يعني وليش غلطان ...بس صاحبة الموضوع حساسة من كل شي وراح تتعب في حياتها سوا من زوجها او من غيرة |
رد: ما الحل مع قسوة زوجي..!!؟
اقتباس:
حدثنا أصحاب محمد صلى الله عليه وسلم أنهم كانوا يسيرون مع النبي صلى الله عليه وسلم، فنام رجل منهم فانطلق بعضهم إلى حبل معه فأخذه ففزع، فقال رسول الله صلى الله عليه وسلم: لا يحل لمسلم أن يروع مسلما. رواه أبو داود وأحمد، وصححه الألباني |
رد: ما الحل مع قسوة زوجي..!!؟
ولم لم يهدئها بنفسه ؟ ،، غريبة هالحنية ..
الإيقاظ بهذا الشكل يسبب مشاكل صحية فنعم لك الحق بالزعل بهذا الموضوع .. الحل عندك خيارين إما تطبيق ماقاله وبكل مرة وبهالشي بتمشي حياتكم او الخيار الاخر وهو التطنيش لانك اعتذرتي مرة واحدة وله اختيار مواصلة الزعل من عدمه وانتهى .. |
رد: ما الحل مع قسوة زوجي..!!؟
غضِ النظر عن تصرف زوجك ، لا اتفق في طريقته و أسلوبه
لكن لدي سؤال / هل قل اهتمامك بزوجك بعد الطفلة ؟ قد يكون احد الأسباب في ردة فعله ، النكد لتفريغ كما يراه من قلة الاهتمام به ، وفقكم الله و زرع الحب بينكم |
رد: ما الحل مع قسوة زوجي..!!؟
وليش هو تارك بنته تبكي هالوقت ليش ماقام شالها كان ماصار شيء
|
رد: ما الحل مع قسوة زوجي..!!؟
اقتباس:
اعرف زوجي عدل عدل اسلوب اقلب عليه وابكي ومدري شنو مايفيييييد معاه كلللللش |
رد: ما الحل مع قسوة زوجي..!!؟
اقتباس:
زين أنا هذا اللي اسويه بس انا في جانب ثاني وسؤال ثاني في موضوعي ياليت تعطوني من حكمتكم فيه |
رد: ما الحل مع قسوة زوجي..!!؟
اقتباس:
ايه صح.. بس وش خص معدد او لا هل تفرق اللي يصحي زوجته معدد عن غيره..!!!! |
رد: ما الحل مع قسوة زوجي..!!؟
اقتباس:
تخيل حد يفجعك ويصحيك كذا شبيكون ردك عالعموم ياليت تشوف سؤال الثاني في موضوع كيف اتعامل مع هالوضع |
رد: ما الحل مع قسوة زوجي..!!؟
اقتباس:
هذا اللي قاعد يصير ارمي ورا ضهري بس شي يفجع ترا والله حد يصحيك كذا |
رد: ما الحل مع قسوة زوجي..!!؟
اقتباس:
ام مريمي كيف تطبيق كل ماقاله وضحي اكثر ياليت تفيدوني في سؤالي الثاني هو يهمني اكثر من تصحيته لي لانه موضوع يتكرر ورافع ضغطي |
رد: ما الحل مع قسوة زوجي..!!؟
اقتباس:
لا أبداً اهتمامي بزوجي لم يقل بعد ولادتي بس احس زوجي يحب يسبق على الزعل ليش ما ادري |
رد: ما الحل مع قسوة زوجي..!!؟
السلام عليكم ورحمة الله ،،
اختي الي اشوفه والله تعالى أعلم ،، ان زوجك من النوع الي يحب يرسلك رسالة انه في اشياء تزعلني وابغاك تتفادينها نهائيا وماني مستعد اتناقش او اساوم فيها اما بالنسبة لموضوع طريقة تصحيته لك ابدا ماله حق انسان غفت عينه ونام لا تفجعه الله لا يهينك تقدر تصحيه بطريقة حلوة وبعدين فعلا ليش ماحاول يحضن البنت ويهديها او اقل شي يجيبها عندك وانتي بتصحين اجلسي معاه جلسة مصارحة وقوليله كل الي فنفسك لو سمحت يا زوجي العزيز اذا جيت بتصحيني مرة ثانية في اي وقت صحيني بهدوء عشان ماتجبلي فجعة او حالة نفسية .. وانتهى |
رد: ما الحل مع قسوة زوجي..!!؟
بخصوص العلاقة اكيد مو طبيعي كيف يوميا لازم انت تبادري والا يزعل
لكن ما لك االا الصبر حبيبتي خاصة انك زوج معدد زوجك ايام وييروح الاعوام القليلة الاولى تكون هيك اصبري فيها بعدين يخف عليك الامر باذن الله اصبري على معامللته ما استطعت وطنشيه وحاولي لا تتركيله فرصة حتى يزعل عليك |
رد: ما الحل مع قسوة زوجي..!!؟
معليش يا اختي حتى لو ما همه
بس ما راح تضطري تعتذري له و هو غلطان انت ارضي لحالك لانك زعلانة. فهمت علي يعني انت اعكسي الموضوع و ازعلي و ابكي بتقولي ما يهمه و لا يحرك فيه شعرة. اوكي لكن بيبطل دور الزعلان. و ما راح تحتاجي انك تراضيه. مو القصد من بكاءك انه يراضيك القصد يبطل دور الزعلان |
رد: ما الحل مع قسوة زوجي..!!؟
اقتباس:
|
رد: ما الحل مع قسوة زوجي..!!؟
عروس الروض نصيحتي الك لحل المشكلة من جذرها لاني شايفة المشكلة الاساسية هي تصرف زوجك تجاه بكاء البنت ،هو اب مثل ما انت ام للبنت ومن الطبيعي اذا البنت بكت يساعدك ويسكتها واذا صار موعد رضاعتها وهو صاحي مفروض يتعاون معك ويحملها ويصحيك ترضعيها يعني الحل بيدك انك تعوديه يساعدك بالبنت طبعا الان وهو في مشكلة صعب يسمع منك لكن لما يهدا الوضع ركزي تعودي زوجك يساهم بالعناية بالبنت وقتها برحمك وبشعر بتعبك .
|
رد: ما الحل مع قسوة زوجي..!!؟
اقتباس:
وش بقت للمواقف الكبيرة بتصير دمعتها مالها قيمة بيعتبرها مثل دموع الاطفال تبكي ع الفاضي والمليان.. يعني تبكي وتزعل علشان صحاها من النوم تشوف بنتها.....دموع مالها قيمة عنده ولا راح تزيده الا قهر |
رد: ما الحل مع قسوة زوجي..!!؟
ينابيع
انت خل هالموقف يعدي هي ما راح تبكي حقيقة يعني بس لان هو ماخذ الموضوع زعل و مو مستاهل صح؟؟!! خلاص تقلب الموضوع انا ما قلت تولول او تروح بيت اَهلها او تصارخ يعني تحط يدها على خدها مهمومة. تمثل انها تُمسح دمعة و اذا حس انها فعلا زعلانة شوي يتحرك الاحساس اللي عنده. حتى لو ما عبر عن هالشي ع الاقل يبطل دور الزعلان و اذا وقف عن دور الزعلان هي ترجع طبيعي 😁وما يحتاج تراعي احد لان مافي احد زعلان و كل مرة يمثل دور الزعلان. تقلب عليه. اذا كان الموضوع هو فيه المخطي |
رد: ما الحل مع قسوة زوجي..!!؟
اقتباس:
|
رد: ما الحل مع قسوة زوجي..!!؟
ينابيع هي ما بتبكي
لانه صحاها من النوم بل لانه صرخ عليها و صار هو الزعلان |
رد: ما الحل مع قسوة زوجي..!!؟
عروس ، هو اعطاك الحل اللي يبغيه وهو ( مواصلة مراضاته الى ان يرضى دام شايف نفسه المجني عليه ! ) .. لك انت تختصري على نفسك كل هالقضية وتراضيه باسلوبه وتمشي حياتكم ..
عزيزتي عروس بغض النظر عن هالحادثة وماغيرها عند زعلك يقوم زوجك بمراضاتك ؟ ليس شرطا كلاميا بل فعليا ،، يقوم بواجباته تجاهكم ؟ هل يستحق ان تغضي النظر عن موضوع الزعل وتراضيه بكلمتين وتمشي الامور ؟ طبعا مش دائما ولكن التغيير يكون بتدرج ... الله يعينك ،، |
رد: ما الحل مع قسوة زوجي..!!؟
عادي يا اختي وتمضي الحياة انا عدة مرات يحصل هذا الامر يكون في الخارج مع اصحابه فانام من شدة التعب فعندما يدخل وييحتاج شئ ياتي للغرفة ويصرخ بأعلى صوته فاقوم مفجوعة ونتخاصم ولا استطيع العودة الى النوم فنتصالح ويكررها فعلمت انه لا يحب ان يجدني نائمةما اردته ربما غضب لانك نمت وتركتيه
|
رد: ما الحل مع قسوة زوجي..!!؟
اقتباس:
والموضوع بسيط جدا مو محتاج فتح موضوع وسماع بعض كلام الناصحات بغير معرفة بوضعك واحب اقولك زوجك يحبك وهذا استشفيتة من بعض ردودك ومواضيعك فالله يديمة يارب بنسب لسؤال الثاني اذا هذ الوضع جديد بطريقة تعاملة معك فالحوار والمصراحة هي الحل يافلان يازوجي ياحبيبي مو معقولة بقعد اساحلك على اتفة الامور وحنا كبار مو اطفال وضحي لة ان سلوبة متعب ومرهق وقد تفقد الحياة الزوجبة رونقها وقولي لة انا يوم اساحل من محبتي لك يافلان مابي مشاكل ولكن انا تعبت.. لازم توضيح الهدف من الحوار اما اذا هذا الوضع جز من شخصيتة من البداية ممكن تعديلة ولكن يبيلة طولة بال وصبر وبنفس الطريقة ممكن اعرف شخصية زوجك على بوصلة الشخصيات؟ الله يوفقك ويسر امرك ويسخركم لبعض يارب |
رد: ما الحل مع قسوة زوجي..!!؟
أختي الكريمة عروس..
لا تفقدي زوجك عروس فهو يحبك وراجعي مواضيعك السابقة لتعرفي ذلك جيدا، اسألي نفسك.. هل زوجك هو قاسي معك ولا فقط في هذا الموقف؟! مؤلم جدا أن نحصر حياتنا على موقف سلبي وننسى مميزات إنسان اخترناه كونه شريك حياتنا.. لا تجعلي هذه المواقف الصغيرة تأخذ حيزا من حياتك، تغاضي تجاهلي حينها سينظر لك نظرة أخرى ويحاسب نفسه على الذي صدر منه، إذا عاد كوني جدا طبيعية كما أنت دون إعتذار.. لا تقفي هنا بل استمري في الإستمتاع.. وانصحك بقراءة لا تهتم بصائر الأمور في العلاقات الزوجية لريتشارد كارلسون. |
رد: ما الحل مع قسوة زوجي..!!؟
|
رد: ما الحل مع قسوة زوجي..!!؟
^
^ ^ انا بعد حسيت كذا يا أمة الرحمن ان كأنه ردة فعل على حقه الشرعي |
رد: ما الحل مع قسوة زوجي..!!؟
شاكره لكم اخواني على كلامكم اللطيف
بس اني الشق الثاني من سؤالي هو الأهم ان مثلاً في ليلة من الليالي صار بيننا خلاف لو بسيط وعدت الليله بدون اي شي بيننا يزعل ويطنقر ومن قلبه بعد وجاء اليوم الثاني انا اتناسى الزعل واتعامل وياه عادي واتقرب منه يقول لا دام ليلة عدت وانتي بعيده عني عادي يعني يهون عليك باقي الليالي تكونين بعيده وماتقربين مني ويكون جد ماخذ بخاطره من موضوع الجماع اكثر من صلب نقاشنا نفسه اللي اختلفنا عليه يارب تكونون فاهمين علي كيف اتصرف ساعتها لانه يضغط على نفسه ويبين لي ان مابيك تقربين مني وانا عند كلمتي ويكون نفسيته متأكسده موليه 😅 كيف اتصرف يعني معقوله مانتضايق ولا ليله وحتى اذا تضايقنا لازم قبل حزة النوم اساحله وارمي الضيقه ولا شسوي تكفون فيدوني بهالموضوع.. واللي سألون اذا زوجي يستاهل اتغاضى عن موضوع انه يفجعني يوم يصحيني والله انه يستاهل ويعشقني من قلبه وبكل حواسه حبيت اوضح بس اهم شي جاوبوني على موضوع اللي فوق 👆🏻 |
رد: ما الحل مع قسوة زوجي..!!؟
هل انت عندك مقدرة تخليه يلين ؟خلاص الحل انك تخليه ياخذ حقه الشرعي بكل المحاولات
حتى لو قال اي انا ما أبغى. قولي له انك انت تبغي بعدين. بعديييين لو حبيتي تتناقشي عن الموقف. وًانه ما يصير ياخذ بخاطره على شيء غير مقصود و انت كريم و انا أستاهل انك تكون مرن معي و من هالكلاً |
رد: ما الحل مع قسوة زوجي..!!؟
مسز داني كلامك واقعي وباخذه بعين الاعتبار
ياليت اخواني الباقين يعطوني رايهم بعد |
رد: ما الحل مع قسوة زوجي..!!؟
احس زوجك لو عنده رغبه حقيقيه في الجماع ماكان
قال كذا لانه الي عنده رغبه مايجعل تركك له يوم واحد يجعله مايحس بالرغبه باقي الايام عندي احساس انه عانى من هذا الامر يعني ممكن كان هو يبادر لها بدون فايده فيخاف اذا ماعودك من البدايه تكوني زيها والله اعلم لكن تصرفه ماهو تصرف شخص راغب بل تصوف واحد يبغى يفرض أجنده معينه تمشي عليها بالقوه وتتعودي ... برأيي بالكلمه الحلوه تجيبي راسه وخليك دائماً مبادره ياعروس وفي نقطه حابه اقولها لك لا تتحسسي من كونك ثانيه بالعكس قوليها وراسك مرفوع ... |
رد: ما الحل مع قسوة زوجي..!!؟
اقتباس:
متفائله لما يقول اليوم مابي جماع لان امس مصاار شي مايقولها وهو غير راغب بالجماع بحق.. يقولها بزعل وتجهم وكثير يقول لي بعد مايهدا زعلنا لما اقولك مابي لان الليله اللي قبلها ماجيتيني اتألم وقلبي يعورني افهم مابي تتركيني بكذا حسيت انه موضوع الجماع بزواجة الأول ملخبط او مايمتعه او شبه معدوم والله العالم لاني ماحب احشر نفسي في مثل هذا الموضوع بس هذا اللي استنتجته يعني تشوفين مبادرتي ماراح تضرني مع الوقت يابعد عمري يامتفائله.. ماعليك انا دوم رافعه راسي بأذن الله لأن حياتي تعتبر جميلة .. لولا المنغصات اللي الكل يعيشها ولله الحمد من قبل ومن بعد |
| الساعة الآن 07:43 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©