|
زوجي يضربني من جديد
السلام عليكم و رحمة الله و بركاته
صباح الخير كان عندي مشكلة مطروحه هنا باختصار كنت ببيت اهلي بسبب ضرب زوجي لي و رجعت له بتعهد و اعتذار منه امام اهلي و اهله و رجعت له و كنت متوقعه انه تعدل و ماعاد بيمد يده علي و انه طول الفترة اللي جلستها عند اهلي كانت درس له لكن للأسف الشديد كل توقعاتي خابت طبعا لولا طفلي ما تنازلت و رجعت له لكن هو المحك هو اللي كاسر ظهري تفاجأت بمرور او مشكلة انه حاول يمد يده و ذكرته و نبهته و قلت له لا تضرب عشان ما ينعاد السيناريو كله و ابتعد المره اللي بعدها ضربني ! و ضرب مبرررح و جسمي صار كله كدمات وخدودي كان واضح عليها اثر اصابعه لانه ضربني برضو ع الوجه و لما انتهئ اخذ العصا و صار يضرب بطريقه لا انسانية و صار يطلب مني طلبات و اذل رفضت ضربني فيه من ضمن الطلبات حقه الخاص رغم اني ما امتنع و اعرف حرمة هالموضوع ... عرفت وقتها انه فعلا فقد عقله طبعا جوالي و لما يطلع من البيت يقفل الباب حتئ يتأكد اني ماراح اخرج مر يومين ثم خطط لسفره و ع طول سفرني و كنت مكرهه لكن خائفه منه بعد السفر كني نسيت و رجعت حياتي طبيعية نوعا ما بعدها برضو تمشكلنا و رجع بضرب تنتهي و جسمي كله تبقع بقع موف و زرقاأء و ضربني ع فمي و نزفت شفتي و تورمت صار اذا رفضت له طلب يركض عندي و يكتم انفاسي لين خلاص اختنق ثم انفذ اللي يبيه شفت الموووت بالحركة ذي او ياخذ بطانية و يلف راسي فيها و الله اني صرت افز من نومي بسبب هالحركة لكنه بكل مشكلة يسويها و انبسط اني اخاف منها اخر مره هددني بالسكين و انه خلاص بيذبحني و يرتاح انا فعلا صرت اشك فيه و اخاف منه فعلا يذبحني او يخنقني ليه عرضت كل هذا لأني مخنووووقه بكل مشكلة ينسحب الجوال و يتقفل الباب علي ليييييين تنتهي يا اما بصراخ منه انه خلاص انهي المشكلة. او اني ابلعها ممكن ما احد بيفيدني منكم لكن فعلا مو قادره اتصرف و لا قادره اكلم احد من اهلي لاني ما ابي فضايح اكثر و اذا هدأ وراح الشيطان عنه جلس يلومني و اني السبب بكل هذا و اللي سواه كله ردة فعل طبعا بدون اعتذار او مراضاة كله عتاب لي انا تعبت و انهنت و انكسرت الان متألمه من ضربه لي هذا الصباح قبل ما يطلع لدوامه ""::: اكمل بوقت لاحق |
رد: زوجي يضربني من جديد
وعليكم السلام ورحمة الله وبركاته استفزني موضوعك جداً, انظري للمستقبل مع هذا الرجل؛ هل ثمة مستقبل؟ صبرك على هذه المعاملة من أجل طفلك هو ايذاء لطفلك, سوف ينشأ مشوه نفسيا وهو يرى كل هذا العنف, أرجوك أنقذيه, وتأكدي أن الحياة بعيداً عن أحد الأبوين تكون أحياناً أصحّ للطفل وللأم من الحياة التي تعيشينها. أنتِ أيضاً لن تستطيعي أن تربي طفلك مالم تكوني أماً قوية, انتزعي حقك في الحياة الكريمة وحق ابنك بشرع الله الذي يؤكد على صون النفس عن كل مايهلكها ويؤذيها. هذا الرجل مريض تماماً أو ربما مدمن مخدرات. |
رد: زوجي يضربني من جديد
كل هذا الضرب والاهانه وبعدك صابره عليه .. !!
مادري شو اقولك بصراحه مافهمت وين المشكله .. بس مهمى كانت ما توصل انه يعنفك بهذه الطريقه .. هذا ضرب اجرامي في حقك .. ضرب بالعصي وكتم الانفاس !! اتمنى انك تروحي بيت اهلك ويتعهد انه ما يمد يده مره ثانيه .. او المحاكم واتمنى تكون اخر الحلول .. الله يصلحه ان شاء الله .. واتمنى انك ما تاخذي بكلامي الا بعد ما تشوفي رد عدد كبير من الاعضاء .. انا حكمت لاني رحمتك بسبب الضرب اللي تتعرضين له .. وشاوري نفسك وشوفي شو الحل اللي يريحك .. |
رد: زوجي يضربني من جديد
وش تنتظري ياأختي ؟ تنتظري لما يضربك أكثر الى أن تفقدي وعيك أو يتسبب لك في إعاقة دائمة لا سمح الله؟؟
اهربي منه والجأي الى اهلك وخبريهم بكل شي ,,موضوع الضرب لا تسكتي عنه أقل شي تحمي طفلك .. |
رد: زوجي يضربني من جديد
وعليكم السلام ورحمة الله وبركاته أعانك الله أختنا وحفظك وولدك من كل سوء .. وأسأله أن يكفيكي أذى زوجك وأن يصلحه ويهديه للأسف زوج بهذا التعامل يا يمكن العيش معه لا تسكتي عن حقوقك أختي الكريمة |
رد: زوجي يضربني من جديد
_ يا إختي وش مصبرك عليه ؟ وش حادك تتحملي كل هالعنف والضرب عشان ولدك ؟ ع اساس ولدك الآن عايش ببيئه صالحه واب واعي وناضج ومُحب صدقيني هاشئ له تأثير نفسي كبير عليه لازم تخبري اهلك يتصرفو معاه ، لاتسكتي عن حالك بكرا لاسمح الله يسببلك عاهه مستديمه ، وتخسري صحتك بسبب سكوتك |
رد: زوجي يضربني من جديد
ايش تستني؟؟
اللي وصلت معه للخنق والسكين ما تستغربي منه شي!! انفذي بجلك انتي وابنك وتعوضي خير لنفسىك وابنك |
رد: زوجي يضربني من جديد
حنا نسمع من طرف واحد ..ولكن هو ليش يضربك وش الاشياء الي ترفضين تسوينها هل هي مخالفة لشرع؟ ..او على الطالعة والنازلة ترفضين |
رد: زوجي يضربني من جديد
اقتباس:
انفذي بجلدك منه مو عارفة ايش تنتظري ..مريض ومستحيل إنسان سوي هذا يستاهل أكبر فضيحة |
رد: زوجي يضربني من جديد
اجمعي الادلة
احضري جوال اخر وشغلي به التسجيل سواء بصوت او بكاميره وبعد الهواش صوّري اثار الضرب بجسمك واشتغلي تجميع واول فرصة او مناسبة عائليه ارسلي الصور هذه لاهلك مالم تكوني تريدين الاستمرار معاه عاد وقتها تحملي الضرب بشتى انواعهه حتى تأتيه المنيه ويتوفاه الله لكن عندي ملاحظة سبحان الله كل هذا الضرب والجلد وسلوكك وصوتك وعنادك ماتغيرو! |
رد: زوجي يضربني من جديد
اي زوج يمد يده على زوجته هذا مب رجال و حرام عليه الرجولة
وش حادك تصبرين على عيشه زي كذا ؟ طفلك ؟ ياحبيبتي بكرا اذا كبر ولدك بيلومك ليش تصبرين على واحد زي كذا زوجك مريض نفسي و يستحيل العيش معاه .. مدري تنتظرين يجيب سكينه و يذبحك ؟؟ هذا كفوه واحد من اخوانك يروح له و يعلمه ان الله حق و يجلده مثل ما سوى فييك من ضرب و خنق و ذُل وأهانه نصيحه اخت وقفي المهزله اللي قاعدة تصير بحياتك و سببها زوج ما يخاف الله فيك . |
رد: زوجي يضربني من جديد
أعطنا أسباب صبرك على هذه الحياة
ولماذا تخشين من الفضيحة |
رد: زوجي يضربني من جديد
أختي العزيزة .. أتمنى منك الهرب من هذا الرجل ..بل هذا الوحش
فيه قصص مشابهة لقصتك انتهت بقتل الزوجة والأطفال كيف ترضينها على نفسك الله يسامحك يبقع فيك الضرب ويتم خنقك !!! من فهمك ان الزوج يحق له يمد يده أنا زوجي سابقا مد يده علي وكسرت راسه ما علي من أحد ولا منطق أنا تحولت لمجنونة لأني مقتنعة محد له حق يضربني حتى أمي نفسها... لا تجلسين دقيقة وحدة عنده روحي المستشفى خذي تقرير ضرب واعتداء اشتكيه بالمحكمة مرمطيه هذا المتخلف المريض بلا فضايح بلا هم انتي وولدك وراحتكم اولى من كل شيء خلي المحكمة تربيه وتخليه يجيب مصروف لولده بعد ما يطلقك غصبا عنه لا تصبرين وينتهي بك الأمر بعاهة مستديمة وقتها محد بيخدمك انتي وولدك وسيتم رميك في غرفة كضحية بدون حتى الاقتصاص من هذا المجرم شاطئ الراحة أخي الكريم أظنك ستدافع عن أي رجل حتى لو كان مغتصب للأطفال أظنك لست سوي نفسيا ..وشكرا . |
رد: زوجي يضربني من جديد
اقتباس:
أجيبي بكل صدق وصراحة على هذين السؤالين أولاً |
رد: زوجي يضربني من جديد
تأملي قوله تعالى "ولا تلقو بايديكم الى التهلكه"
السلامه والنجاه في مفارقته.. . |
رد: زوجي يضربني من جديد
ناوية تصبرين على هالوضع لين متى ؟؟ يا أختي اتركيه روحي لأهلك ولا عاد تفكرين ترجعين له إن شاء الله عندك 10 أطفال منه .. |
رد: زوجي يضربني من جديد
ضرب خنق و سكين و جالسه عنده
اتركيه نهائي بدون تفكير الا لو كان مريض نفسي لا ترجعي له الا بعد ان يتعالج |
رد: زوجي يضربني من جديد
سكوتك جنون.
لكن لما لا تقولين الموقف كامل. مليون بالمئة ماله حق وًيستحق القصاص لكن كيف توصل ردة فعله لهالجنون؟؟ الحين هو مسافر لو رجع؟ |
رد: زوجي يضربني من جديد
أختي صاحبة الموضوع طمئنينا عليك
أين أنت؟؟ |
رد: زوجي يضربني من جديد
تتوقعي يتعطاى المخدرات ؟
|
رد: زوجي يضربني من جديد
اتركيه واطلبي الطلاق فورا قبل مايذبحك او تسير فيك عاهه بسببه
دون النظر لنتائج هذا القرار |
رد: زوجي يضربني من جديد
اقتباس:
تبغاه يذبحها ماعتقد انها بالقوة والجرأه تسوي كذا... بعدين ليش تنضربين وش يطلب..... |
رد: زوجي يضربني من جديد
كيف بذبحها وًهي بتاخد الأدلة
و اروح بيت اَهلها؟ قصدك يذبحوه هو ضرب. |
رد: زوجي يضربني من جديد
الله يعينك ع نفسك اذا كان بعد كل هذا تقولين خايفة من الفضائح
بالله وين الفضائح ؟ |
رد: زوجي يضربني من جديد
اقتباس:
وهذي امور تتطلب قوة قلب ويمكن تنكفش اثناء العمل ساعتها ماحد بينفعها. كمان هي ماقالت اش نوعية طلباته لان احيانا يكون عند الطرف الاول سادية والثاني مازوخية |
رد: زوجي يضربني من جديد
اشكر كل من رد و تفاعل معي
و اقدر لكم كل كلكة كتبتوها يمكن البعض ما يعرف مشكلتي السابقة لكن زوجي باختصار عصبي و انا كذلك بعد المشكلة الكبيرة لما رجعت له حاولت اغير من طبعي و اضغط ع نفسي كثير عشان ما اهدم بيتي و فعلا مرت اشياء كثيرة مستفزه و كنت متماسكة لكن لكل شيء حد و كأن سبب المشاكل القديمة انا و لازم اقوم سلوكي بالوقت نفسه هو نفسه ما تغير و لا حاول يصلح من تعامله معي و لا زال هو بعد كل نقاش يعطيني نصائح تحسسني اني انا الغلطانة وهذا منشأ الخلاف امس كنا كويسين لما صار يعطيني نصائح و لما سالته انه انا المطلوب مني دائما اني اتعدل و اتماسك و امشي و انت ؟ لين عصب و دفني و نام طلعت برا الغرفة و جا يكلم و علت اصواتنا قام يحذف الواح خشب علي و قال لا تدخلين الغرفة !! و قرب يهددني بالضرب الجامد هذا قبل النوم طيب ولدي جوا و منامي جوا نمت بالصالة ع الكنبه و لما صحيت الصباح جا يصحيني انه ادخلي الغرفة و شيكي ع الولد انا اصلا طول الليل ما نمت رسلت له رساله ع الواتس مطوله و طلبت منه يسرحني باحسان و دعيت عليه و اني ما راح اسامحه ع ظلمه لي و لا فاد فاستفزني انه لما شبع نوم تذكر الولد قلت له ما راح ادخل بكمل نومي بالصالة و ع طول سحب الجوال مني و هذا نذير لتفاقم المشكلة فقمت اطلبه يرجع الجوال و رفضضضض اخذ الجوال و الايباد كذا بس يقهرني ع كلامه و صرت الاحقه ابي جوالي و انه مو من حقه ياخذه انا ما سويت جريمه ف ضربني ضرب مبرح و خنقني زي ما قلت لكم بالبطانية انا فصلت اللي حصل للي طلب مني و الاخ او الاخت اللي اتهمني بأن صوتي و اسلوبي و عنادي ما تغير ؟؟ بعرف كيف حكمت علي و انت ما عرفت التفاصيل ؟؟ يمكن فهمتوا مثل ان زوجي بضربه لي يبي اتبعه و لا ارفض شي او يكون لي وجهة نظر غيره لكن انا ما اقدر اكون هالانسانة اللي تلغي نفسها حاولت اصير مثل ما يبي لكن تعبت من اقرب المواقف اللي تدل ع سخافه اسلوبه و صغر عقله كنا نتفرج ع فيلم و كان معه مكسرات و ياكل منه و يده كل شوي تتحرك فما تروح علي الترجمة قلت له و كنا حلوووين فلان يدك قلقتني خلني اشوف زين و الفيلم كان حماس مره ايش ردة فعله ؟؟ قام ينفث قشور الحب من فمه لكل مكان و بطريقه مستفزه و يطيرها انا انصدمت يعني ليش كل ذا و كنت يومها مشطبه تنظيف البيت و مسحبه الكنبات قلت له ليييش كذا قال ايش اعمل لك ما تبين احرك يدي خلاص انفثها بفمي ؟؟ انا زعلت و قمت خذيت صحن المكسرات و دخلت المطبخ و رحت لغرفتي قااام يجررررري و يقول رجعي الصحن و لا بضربك !! قمت رجعته و سحبني قال كملي معي الفيلم طبعا جلست و سكت و انا داخلي اغلي من منظر الصالة و يضحك هو ولا كأن شي صار و يبي مني بعد كل مشكلة زي كذا ارضي من نفسي بدون ما يعتذر و لا اطول بالزعل لا اصلا مايبي ازعل و اكلمه عادي ؟؟ انا فعلا ما ادرب ليه صابره افكر بالولد و افكر بوضعي ببيت اهلي افكر بالايام الحلوة اللي بيننا افكر اني اذا تطلقت خلاص مستحيل اتزوج و انا ببيت اهلي كل واحد مشغول بحياته و امي كبيرة بالسن ربي يمتعها بالصحة والعافية و والدي متوفي رحمة الله عليه و اخواني متزوجين ما افكر بالناحية المادية ابدا انا افكر بالرعاية و الاهتمام |
رد: زوجي يضربني من جديد
اللي سأل هل هو مدمن او
لا و الله حتئ الدخان ما يشرب اشك بنفسيته ممكن اما عن الادلة انا مو بحاجتها ابدا و اهلي معطيني الحرية فاذا رجعت لهم ما اعتقد احد بيعارض و الفضائح اللي اخاف منها اللي تضر ولدي اذا كبر و انا اشوف اللي حولي اذا كان الأب ردي الاولاد يتعيرون فيه مهما كانوا كويسين و انا ابني ابي اشوفه احسن الناس و لا اتمنى او ارضى احد يعايره بأبوه لان عائلتي ككل تقدر و تحترم المرأة و مشكلتي السابقة صدمتهم كثير و كنت اشوف الكل متعاطف معي عطف يتعبني و يحسسني بالنقص |
رد: زوجي يضربني من جديد
طيب اخبري اهلك
|
رد: زوجي يضربني من جديد
انتي بالذات انصحك بالطلاق حالاً بالاً....مالهدف من هذا الزواج؟؟؟ الحياة البهيميه اللي مافيها كرامه وش ينبغى فيها؟؟؟ اصحي رورحي لاهلك ..ولا تفزين انه بيتغير هذا طبعه ويمكن مريض نفسي
|
رد: زوجي يضربني من جديد
ان ينفضح بضرب زوجته اخف وطأة بأن يكون متهم بقتلها ! هالمرة ربك ستر وحفظك لابنك ومو كل مرة تسلم الجرة يا اختي ...
لهالدرجة كلام الناس والاعراف مهمه لابنك ؟! وحياتك وروحك اليست مهمه لطفلك ليعيش بكنفك ناعما بالحنان ؟ بدل سماع المسبات ، الصراخ ، الضرب والاذى النفسي والجسدي الذي تتعرضين له بكل مناسبة ؟! تعتقدي هذا جو صحي لطفلكم ؟ هل سينمو بشكل طبيعي مع هذا الوضع ؟ ... زوجك ،، كان من المفترض ان يكون شرط عودتك هو الاعتراف بوجود خلل نفسي يعانيه منذ الصغر لسبب ما ( تحرش ربما او تنمر او غيره) ويتابع مع مستشاري نفسي لعلاج الامر ! اما العودة له بعد فقط الشروط الكلامية فلا تتوقعي انه بيتغير بين يوم وليلة وخصوصا انه مو شايف اي مشكلة عنده .. الان لك ان تطلبي هالامر ، حاوريه بهدوء وبدون رسائل بل وجها لوجه بدون تهديد او عصبية بل بهدوء وبيني اثر مايفعله بك وبطفلكم .. فعلا اشفق على حال زوجك ،، |
رد: زوجي يضربني من جديد
يعني انتي عصبية وهو عصبي
وتعاندون بعض على اتفة الامور ولافيكم واحد يتحمل الثاني وكل طرف يتصيد اخطاء الاخر الحياة الزوجية اذا لم يسودها الهدوء وتنازل وتغافل وتحمل اخطاء كل طرف تكون حياة زوجية حرجة للغاية والفراق عنوانها كيف تعطفو معك اهلك وانتي عصبية وعنيدة حسب كلامك ماصار توجية ونصح لك من اهلك تتركين العصبية والعناد او تخففين منها ..او بس تعاطفو ونتهى دورهم اسال الله لكم الهداية |
رد: زوجي يضربني من جديد
اختي
رأيي ان تشتكيه عند اهلك و عادي قولي انت عصبية. بس ضربه لك ضرب تعذيب و الا الزوجة العصبية لازم تتعذب و تتكفخ !! |
رد: زوجي يضربني من جديد
زوجك غير سوي ابدًا
بعد مايضربك اتصلي ع اخوك فورًا ياخذك للمستشفى ويقيمون الكدمات وقولي ايش صار لك بالضبط مع محاولته لقتلك .. سواء كان ناوي يخوفك بس او جازم بيقتلك الفعل واحد وهو محاولة قتل .. طيب ليه تسوين كذا ؟ لان زوجك صغير عقل ، وممكن يخليك مايطلق ابد .. فـ لو رفض الطلاق يكون معك دليل للخلع وانه حتى مش شخص مؤهل لتربية الطفل . --- سؤال ، كم مرة بالشهر يضربك ؟ كم عمرك ؟ هل تحسين ابنك مارح تتاثر نفسيته برؤيته لأمه تضرب بهالطريقة الوحشية ؟ نعم ، قد يكون زوجك شخص حنون ، لكنه صعب المعشر .. وجلوسك معاه خطر ايهم اسهل عليك من هذي الخيارات : - تتركينه الحين بطفل واحد ولسه صغيرة واحتمالية زواجك مرة اخرى كبيرة . وعمرك صغير تقدرين تكملين دراسة أو تتوظفين الخ . - تجلسين معاه ، يستمر بضربك واهانتك وتعنيفك وتدمير شخصيتك بالكامل ، وتخلفين منه 3 او 4 ابناء .. لكنك تفتقدين للامان معه ، وتشوفين كل النساء حولك مبسوطين وسعيدين مع ازواج يحترموهم ولا يمدون ايديهم عليهن . - تتجاهلين المشكلة ، وتمشي الحياة وتجي الضربة القاضية اللي تخليك تنتفضين وتتركينه نهائيًا بدون عودة ، قد تكونين سليمة وقد لا تكونين الله وحده اعلم .. بالاضافة معك ولدين وبنت تاخذينهم معاك لبيت اهلك وتعانين الامرين صعوبة التكيف مع زيادة المسؤليات الخ نعم ، قد يكون من الصعب ان ابنك ينتشر عن والده ان يده طويله ويضرب وغير سوي الخ لكنه مش أصعب من انه يتربى ببيئة مثل هذي والله وحده اعلم كيف بتكون شخصيته :) اوبعدين مين قال انه بينتشر عنكم كلام الخ ، ياعمري ترى الحين الناس عاجزة عن مشاكلها ، صدقيني محد بيتكلم عن مشكلتكم لأن الناس برضو عندها مشاكل مشغلتها .. وحتى لو تةلموا وش المشكلة !! وابش المشكلة لو بررتوا بانه مافيه نصيب فقط بدون مايطلع كلام |
رد: زوجي يضربني من جديد
كل هذا لانك تحبينه اكثر من نفسك و ان أوذيت
حيث تستمعين بالاهتمام و الحب وقت الصفا و يتعكر صفوك لما يضربك فترة. ثم تنسين لنفسك عليك حقا |
رد: زوجي يضربني من جديد
لو ضرب بسيط و مب دايما بقول لا تراددينه و اصبري
لكن سكين وخنق ...الخ الوضع مب طبيعي الرجال شكله في شي ومحتاج علاج اطلبي اسعاف و خذي التقرير و روحي بيت اهلج و يا يتعالج و تتعدل نفسيته يا بيت اهلج افضل لج .. يااختي ممكن بيوم من الايام يقتلج ولا هو حاس بنفسه |
رد: زوجي يضربني من جديد
كم تبلغ اعماركما ؟ ....
|
رد: زوجي يضربني من جديد
لا حول ولا قوة الا بالله
أقترح عليك مراجعة مستشار أسري أنتِ وزوجك ضربه لك بهالطريقة شيء مرعب ولا يبرر له من كلامك حسيت بيجي يوم بعيد الشر عنك بتموتي بين يديه، لكن من المواقف اللي ذكرتيها انتم تستفزون بعض . اذا حسيتي ان النقاش رح يتخذ منحى آخر تعوذي من إبليس ولا تكملي ،مثلا بموقف الحب كان خليتيه ولما خلص الفيلم قلتي له الله يعافيك ساعدني بتنظيف القشور . إذا حابه تكملي معه لازم تتتثقفون أكثر كيف تتعاملون مع بعض والأخص أنتِ لأن الضرب يقع عليك |
رد: زوجي يضربني من جديد
خلج صابرة لحد ما نشوف اهلج في برنامج الثامنة
يتكلمون عن قصة المغدور بها ... انتي هذا مو صبر يا اختي هذا جنون .. جنون باجر يذبحج! وثانيا اذا تعرفين جذي طبعه .. اشماله تعاندينه اذا تبين تعيشين معاه بسلام لو يقول لج اي شيء طيعيه |
رد: زوجي يضربني من جديد
اذا كان كلامك صح انتي اللي اهنتي نفسك
واذا فعلاً هدد بالسكين والذبح نصيحه روحي بيت اهلك لكن خلك ذكيه في خروجك من حياته هذا فاقد عقله رسمي |
رد: زوجي يضربني من جديد
اقتباس:
انتي عارفة طبعه ماتخافين على نفسك ؟؟ تجيبين الضرب لنفسك باستفزازك له ليش.!!! . طيب اذا عصب لا ترادديه و لا تستفزيه رحمة بنفسك ايش حاصل لك من الاستفزاز غير الضرب. انتي ماتبغين تروحين لاهلك خلاص لا تستفزيه طبعا الضرب بهالشكل ماحد ينكر انه غلط . لكن اذا بامكانك تجنبه تجنبيه وتجنبي مسبباته. طيب خليك اقوى و احسن منه و امتصي عصبيته . طيب بالامانه لما شلتي الصحن و ش كنت تتوقعين ردة فعله انتي ماتبغين فضايح و تبغين تكملين معاه خلاص لا تستفزينه. |
| الساعة الآن 09:29 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©