|
اشتقت لزوجي حلت الرد 35
السلام عليكم اسعدكم الله
صاار بيني وبين زوجي خلاف من 5 ايام وإلى اليوم محد يكلم الثاني بروود فضيع من ناحيتي اتجاهه السبب جدا تافه وبما ان زوجي يزعل من اتفه الامور قررت اتركه واقلب الزعل وازعل انا وإلا الان لاحياة لمن تنادي بصراحه مافي شي يستاهل رفع صوتو امام اخوانه في مكان عاام رديت عليه ورفعت صوتي زعل وقال مااسمح انك ترفعي صوتك وهذي المرره سكت المره الجايه بتشوفي شي ماصار قلت انت بدأت وانا زوجي نحتررم بعض جدا قدام اي شخص وهذي المره الاولى اللي يصير كدا ردات فعل المهم الزعل مايسوى هذا كله بس قلت خليه يعرف غلطه ولا يزعل من اتفه الامور زوجي حساس جدااا اشتقت له واحنا في بيت واحد لكن محد يقابل الثاني هل يوجد حل؟؟ للعلم زوجي يكره التنازل والاعتذار انا دائما اللي اعتذر بس صمدت هذي المرره وطنشت (مستجدات الرد15) http://66n.com/forums/showpost.php?p...3&postcount=15 (مستجدات الرد28) http://66n.com/forums/showpost.php?p...8&postcount=28 (حلت الرد35) http://66n.com/forums/showpost.php?p...0&postcount=35 |
رد: اشتقت لزوجي
كلكم غلطانيين
وانتي الغلطان الاكبر لي انك رديتي بوجه زوجك ورفعتي صوتك عليه حتى لو رفع صوته امام العالم كان سكتي واذا رجعتو البيت تفاهمو باسلوب لكن كذا انتي كسرتي كلمته قدام الناس والرجل عنده يموت ولا احد يكسر له كلامه الله يصلح بينكم وحاولي انك تراضينه وتفهمينه باسلوب |
رد: اشتقت لزوجي
ياأختي دامك مشتاقة له ودامك غلطتي بحقه حتى لو هو كان غلطان مافيها شيء لو تنسي وتحاولي تتقربي من زوجك .. سوي أكله حلوة يحبها وأجلسوا كلو سوا .. أو أجلسوا شوفو تلقزيون سوا .. صدقيني شوي شوي بيطيح الحطب ..
|
رد: اشتقت لزوجي
انا صراحه ضد المشاكل اللي تطلع قدام الناس ..فيه مشاكل حلوها بينكم ليش الفضايح والعالم كلها تدري ..
وانتي فعلا غلطتي مهما كان الزوج مايحب انو زوجته تطول لسانها وصوتها عليه فمابالك قدام الجمهور !!!! روحي اعتذري منه ومدام انها تافهه لاتخلين الشيطان يكببررها .... الله يصلح فيما بينكم يارب |
رد: اشتقت لزوجي
اذا كبريائي يمنعني اعتذر فآخذ الموضوع بمزح ،
أرسل له مسج : سويت الحلا اللي تحبه بكل زعل . أو خلينا نطلع سوا وحنا زعلانين عادي أي شيء بس يفتح المجال انو يرد علي .. ووقتها اكمل مزح واتذلع لحد مايطيح اللي براسه . |
رد: اشتقت لزوجي
من حقه يزعل حتى لو رفع صوته بما انها ماهي عادته هذا زوجك مو اخوك والا صاحبتك عشان ترفعين صوتك عليه قدام اهله
|
رد: اشتقت لزوجي
كلكم غلطانين
لكن غلطك أكبر لأنك راددتِ زوجك وجادلتيه ورفعتِ صوتك عليه قدام رجال،، اعتذري وانهي الخلاف..ولاتعط للشيطان فرصة يكبرها وتسوء العلاقة أكثر. |
رد: اشتقت لزوجي
خذي بنصيحة ام دان جزاها الله خير
|
رد: اشتقت لزوجي
سبحان الله
انتي زوجة واعية و تعرفي زوجك اكثر لكن أتكلم في الماضي من خلال العشرة ، كيف زوجك يرضى ماهو الشي الذي يجعله يلين ؟ |
رد: اشتقت لزوجي
اعتذري منه ونصيحه لاتراددين زوجك وترفعين صوتك وانتي ببيتك مو عاد قدام الناس
ناقشيه بعدين او اصمتي وازعلي هذا يفيد لكن تعامليه كند انتي الخسرانه الرجال يصير يعاند اكثر وبالنهايه هو حقه اكبر وصلاحياته اكبر وليس من مصلحتك عناده |
رد: اشتقت لزوجي
............
كلكم غلطانين بس انت ان اعتذرتي وتنازلتي فلك الافضليه ولك المثوبة لاتحسبين كل شي ببلاش تنازلت وتوددك لزوجك له مقابل دنيوي واخروي |
رد: اشتقت لزوجي
دام اول مرة كان ممكن تمشيها
السبب مو تافه مثل ما تقولين ..... زوجك يحترمك ولو مرة وحدة وعصب كان سكتي ومن رجعتي للبيت تزعلين ويكون الحق معك .... تقولين انا وزوجي نحترم بعض امام الغير اختي زوجك يحترمك وانت بالمقابل تحترميه يعني عندك وحدة بوحدة .... روحي اعتذري منه لانك بلفعل غلطانه |
رد: اشتقت لزوجي
أشتقتيه روحي له
أي طاولة اللي تبين تقلبينها الله يهديك كان يوم رفع صوته سكتي وهذي قوة مو جبن خصوصا في حضور الناس ولا اختليتوا عاتبي وانت قلت بينكم احترام فلا تهدمينه بالقطارة ، خصوصا هو ما يقصد ولا انتو متعودين عليه. شي عارض. |
رد: اشتقت لزوجي
اختي روحي استسمحي منه مافي شي يستاهل لهالزعل ..
موقف وعدا .. |
رد: اشتقت لزوجي
جزاكم الله الجنه كل اللي ردوو
انا حاليا سمعت كلامك وجالسه اتقرب له بالكلام طلبت منه يحضر اغراض بدأ بيننا الكلام لكن بطريقه رسميه بعد الانقطاع التاام ويارب يطيح الحطب بحاول بكره بعده اتكلم معااه زوجي من النووع اللي اذا اعتذرت مباشره مايرضى وتوصل للذل والتصدد ولكن بحااول اتكلم معااه عادي لين يرجع الوضع اوافيكم بالمستجدات |
رد: اشتقت لزوجي
اقتباس:
ان رفع صوته ألزمي الصمت وكوني أعقل منه وفي البيت فهميه أن هذا التصرف خطأ، وعاقبيه مثل كوني رسمية معه لفترة بسيطة! |
رد: اشتقت لزوجي
اقتباس:
انا ما بقولك تسامحي منه لانه هو ما يحب تنازل ويعتذر عن غلطه .. بس بقول لك تسامحي وخليكي الافضل عشان تستمر حياتكم الزوجيه زي العسل .. ولكن علميه سبب الزعل وانه اهانه في حقك ان يرفع صوته عليكي امام الناس .. وراح يتفهم الوضع ان شاء الله .. |
رد: اشتقت لزوجي
ذكرتيتي بوحده زوجها يعصب عليها قدامنا
يعني على امور سخيفه يا مره وين الفلفل.. دايم تنسي اللبن الخ يقولها بعصبيه وصراخ قدام الناس وهي تخيلي.. تضحك وتقول: طيب طيب يا زوجي العجوووول وتضحك وتتبسم وممكن تغمز لنا بعد انطباعنا عنه مو حلو ابدا وانطباعنا عنها: ذكيه واثقه قويه حكيمه الخ والكل يحترمها مررره انتي زوجك اللي عمله شي عارض مو طبعه يعني الحمدلله بسيطه لو لاسمح الله كررها خذي الموضوع بضحك ومرح |
رد: اشتقت لزوجي
انا اقول ان الزوج غلطان انه يستعرض بحاله قدام العالم
لكن الزوجة مايصير ترفع صوتها قدام الناس مهما صار عموما رائي وراي اكثر الاخوان المشاركين بالموضوع واعيد واكرر الخطاء من الطرفين |
رد: اشتقت لزوجي
اقتباس:
|
رد: اشتقت لزوجي مستجدات الرد 15
نفس راي كنافه بالجبن..مره ثانيه لاتوصلينها لهالمواصيل ..ردي عليه بثقه بدون صراخ او بضحكه ومزح وغمزه...
|
رد: اشتقت لزوجي
اقتباس:
|
رد: اشتقت لزوجي مستجدات الرد 15
السلام عليكم
صارت مشاده بيننا في الكلام بسبب تراكمات نفسيه فيني منه فكتبت رساله تقريبا ١٠ سطور قلت ارسلها اذا ذهب دوامه بكرره هل المصارحه تنفع اخاف يزيد الوضع كتبت كل اللي بخاطري مضايقني كلام من وقت زواجنا إلا الأن ماقلته له كأحتياج عاطفي ونقص كلام الحب منه وعدم مدحه ليه والخ ... فكتب كل شي اريد مشورتكم في ارساله |
رد: اشتقت لزوجي مستجدات الرد 15
اقتباس:
|
رد: اشتقت لزوجي مستجدات الرد 15
اقتباس:
أنا مع إرسالها |
رد: اشتقت لزوجي مستجدات الرد 15
اقتباس:
بينكم جفاء وهالرساله بتزيد الجفاء ماينفع |
رد: اشتقت لزوجي مستجدات الرد 15
ما له داعي تتراددون الصراخ
كانكم تستعرضون امام الناس من صوته اعلى ومكسر راس الثاني!! عادي لو صرخ مره امام اخوانه عديها وفهميه بينك وبينه ان هذا غلط اقراي توقيعك انتي تحتاجينه |
رد: اشتقت لزوجي مستجدات الرد 15
السلام عليكم مشكورين اللي ردو
ع العموم مستجداتي حاولت اتقرب منه لكن يزيد يبعد المهم صارت مشكله ثانيه طنشت إلى وقت خروجه من البيت رسلت رساله ( طلقني ) احنا مانصلح لبعض قال:اوك وصار نقاش بيننا اكتشفت انه خلاص بايع طلعت كل االلي في خاطري وتحملي اسلوبه واشياء صارت كنت كاتمتها بقلبي كله محادثة واتس قال خلاص جهزي عفشك واخرجي البيت للعروس الجديد وانا اخلص دوام واوديك لأهلك ودخلت نمت هو رجع البيت الساعه ٦ الصباح لبس وخرج الدوام الساعه ٨ ونص رسل رساله انا احبك وماابغى اطلقك واتعوذي من ابليس وانتي دائما تتنازلي انا الان بتنازل وكلام كثير الخ ... رديت وقلت اريد ان استخير ربي وهو يقدر كل شي والان هو نايم ولا اتقابلنا ماهي مشورتكم اذا صحي من النووم |
رد: اشتقت لزوجي مستجدات رد15ــ28
وأنت هل تميلين للطلاق فعليا؟
|
رد: اشتقت لزوجي مستجدات الرد 15
اقتباس:
وتعوذي من إبليس وبيتك وإستقرارك أهم من أي شي ثاني وتذكري إن الرجل شاريج وهالمرة هو الي تنازل وإعتذر معناته قدرة كبير عنده مفروض تنبسطين .. الله يهدي سركم |
رد: اشتقت لزوجي مستجدات الرد 15
اقتباس:
|
رد: اشتقت لزوجي مستجدات رد15ــ28
مافي اي تفكير بعد جملته الرائعة احبك لا استطيع فراقك
وانتي تشتاقين اليه مابعد هذا كلام اارمي نفسك في حضنه الله يخليكم لبعض |
رد: اشتقت لزوجي مستجدات رد15ــ28
الله يجزاك خير تعوذي من الشيطان
ولاعاد تطرين الطلاق لا برساله ولا غيرها اذا رجع عطيه دمعتين تهز كيانه وطيحي بحضنه وطاح الحطب |
رد: اشتقت لزوجي مستجدات رد15ــ28
اقتباس:
شوفي على حسب طبيعة زوجك .. |
رد: اشتقت لزوجي مستجدات رد15ــ28
جزاكم الله خير اسفه ع التأخير بالرد بسبب اشغالي
سمعت لنصائحكم من ذهب ورسلت له رساله بمعنى انا قبلت عذرك وتنازلك ولأنك تحبني حصل خير وانا اتعوذت من ابليس جا زوجي واتفاهمنا والحمدلله طاح الحطب لكن القلوب شايله شويه وياارب تصفى مع الايام ولكم جزيل الشكر الله يجعلها في موازين حسناتكم |
رد: اشتقت لزوجي مستجدات رد15ــ28
اقتباس:
|
| الساعة الآن 01:26 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©