صار دقيق ويحاسب على كل شيء حلت الرد296
 

السلام عليكم

ماني عارفة من فين أبدأ .. ويمكن لاني خايفة من انتقادكم وخايفة تقولون لي ماتغيرتي مااستفدتي .. بس والله العظيم إني تغيرت وصرت أطنش كلامه وأتعامل معه عادي ولا كأنه صاير شيء .. بس أحسه زودها كثير لدرجة يقولي خلاص ماعاد في مدرسة .. الشيء إذا حطيته في مكان قال ليش حطيتيه هنا!! إذا شرى شيء ومااستخدمته لأنه ماجاء وقته قال خسرتيني.. حتى الشيء اللي يجيبه لي يقعد يقول إن هالشيء سعره كذا وكذا .. وإذا مزحت معه بشغله يزعل .. صار ينتقد ويزعل علطول للأسف .. ويفسر ألف تفسير وتفسير لكلامي مع إني أحلف إنه مو كذا قصدي ..

اليوم صحيت العصر وأنا تعبانة مرة جاء عرض علي مستشفى رفضت وقلت له جيب لي الدوا الفلاني .. اخذت دوا وجلست شوي والحمدلله صرت أحسن .. جلسنا سولفنا شوي .. وشوي قال بدخل أنام .. لما شفت نفسي تحسنت أخذت ملابس الدوام بكرة بكويها .. قام يقول يعني منتظرة من الظهر ويوم جيت أنام جيتي بتكوي لان الجهاز قريب من غرفة النوم .. قلت بكوي بسرعة قبل ماتدخل في النوم .. قال الا تبي ترفعين ضغطي عشان ماأنام .. وينك من الظهر والعصر والمغرب .. قلت يعني ماشفتني تعبانة .. قال هذا حالك دايم .. قمت قلت حسبي الله ونعم الوكيل .. وخلاص لاتتعب نفسك معي كلم لي سواق يوديني ويجيبني الدوام لانه مستاء بعد من توصيلي للدوام .. قال من يوم الاحد ماعاد في دوام .. قلت الا فيه .. ودفني من الغرفة وصك الباب..

ماعندي احد غيركم أفضفض له أحس إني مخنوقة..

(حلت الرد296)

http://66n.com/forums/showpost.php?p...&postcount=296

رد: صار دقيق ويحاسب على كل شيء..
 

اختي الله يفرج همك ويصلح حالك
حتى لو انتقدنا لا تشغلي بالك فضفضي واحكي اللي بخاطرك
والا ايش الفائدة من المنتدى اليس لاخراج المكبوت والترويح عن النفس بدون قيود ولا تصنع

اختي قراتلك موضوع قديم عن مشكلة زوجك احسها انها هي منبع المشاكل والتحسس سواءا منك او من زوجك
صح؟

رد: صار دقيق ويحاسب على كل شيء..
 

في حاجتين صرت من يومين ماأعرف إذا لها دور باللي زايد منه هاليومين..
الشيء الاول نومي برى الغرفة لاني ماأتحمل المكيف وعنده خبر بهالشيء وقلت له .. والليلة نتكلم في شيء وانا من باب المزح اقوله لو تجي تنام جنبي هنا يمكن احتاج شيء بالليل لان تجي علي سخونة قال تعالي جوه على السرير وانتبه لك قلت إذا مابتشغل المكيف بجي قال لا حر .. قلت خلاص أنا ماأقدر أنام جوه..

الشيء الثاني قبل ثلاث او أربع أيام تقريبا طلب مني سلف1950ريال يقول عشان يدخل دوره وقلت له ابشر ماطلبت شيء .. وبالليل جالسين نسولف كذا واسأله عن طريقة الدراسه وهل بتدرس ولا تبي شهادة وكذا .. قام زعل يقول تحقيق.. قلت لا والله عادي نسولف .. خلاص إذا ماتبي اتكلم بسكت قال أفضل وسكت على الموضوع وماعاد جبت طاريه وهو بعد ماعاد جاب طاريه..

رد: صار دقيق ويحاسب على كل شيء..
 

ياأختي انا ماعمري انتقدت هالمشكلة في زوجي او لمحت لها او حسسته اصلا بوجودها بالعكس والله إني أحاول مايحس إن عنده مشكلة أصلا..

الله يجزاك خير .. شكرا لتفهمك..

رد: صار دقيق ويحاسب على كل شيء..
 

كم لك ماتنامي في غرفتك ؟

رد: صار دقيق ويحاسب على كل شيء..
 

أحس بضغط نفسي كبير .. وأمس يقول الواحد ماعاد يلاقي الراحة في بيته ويمسك على رأسه مصدع سألته وش الراحة اللي منت ملاقيها وش الشيء اللي قصرت فيه عليك!! سكت مارد وقال الحمدلله وبس .. وقام من مكانه ودخل غرفة النوم وقعد فيها لحد مانام وانا جلست بالصالة اتذكر وش غلطت عليه فيه مالقيت وجلست أبكي..

رد: صار دقيق ويحاسب على كل شيء..
 

الله يصلح حالك يا اختي و يسخر لك زوجك .. آمين ...

بس سالفة المكيف ما فهتها يا احبه !
يعني يشغل المكيف تسخين او تبريد ؟

رد: صار دقيق ويحاسب على كل شيء..
 

هذي الليلة الثالثة بس هو عارف إن المكيف هو السبب..أنا أبرد وهو يبي مكيف..

رد: صار دقيق ويحاسب على كل شيء..
 

لا حبيبتي يشغله بارد لان منطقتنا تعتبر دافية .. وهو مريض سكر ويحس بحر علطول وانا مقدرة هالشيء عشان كذا اترك له الغرفة وانام بالصالة..

آمين يارب

رد: صار دقيق ويحاسب على كل شيء..
 

تصدقين اني فهمت الكلام بس قلت يمكن حصلت سهوة فالتعبير !
يعني يشغل تبريد ففصل الشتاء ....عجيب سبحان الله..
المهم يا أختي العزيزة ... انصحك بالتجاهل ..
و اقلبي الجد مزح ..و غيري الموضوع ...
لا تبينين حزنك لما ينتقد ... !
و غيري الوجهة بالكامل

يعني انتِ و شطارتك !

رد: صار دقيق ويحاسب على كل شيء..
 

وهذا إللي قاعد يصير بس أحس الحال كل ماله يزيد .. كأنه قاعد يستفزني عشان أرد وأعمل مشكلة ماأعرف..

كمان هو مايحب أنام الظهر أو إذا نمت انام ساعة وأصحى وأنا بصراحة ماأتحمل أجي تعبانة من الدوام وأحب انام عشان أرتاح وأسوي أشغال البيت إذا صحيت وهو يبي يمشيني على نمط معين .. مايحبني انام الظهر .. مايحبني أسهر .. مايحبني تأخر في الصباح في النوم أيام العطل .. وأنا انسانة لجسمي علي حق وهو مو راضي يفهم.. طبعا ماقلت له هالشيء بس أقوله في نفسي..

رد: صار دقيق ويحاسب على كل شيء..
 

حاسة بضيقة .. لاتنسوني من دعواتكم..

رد: صار دقيق ويحاسب على كل شيء..
 

حبيبتي،ربي ييفرح همك ويبدل حالك الى احسن حال
حبيت ادعيلك ولي عودة ان شاءالله

دعواتي ترافقك
احترامي

رد: صار دقيق ويحاسب على كل شيء..
 

الله يفرج همك
نصيحة لا تتركي غرفة النوم لا تعودي على بعدك نامي في سرير وتغطي بغطى ثقيل يدفيكي
والله انا بالصيف وفي الشتا بتغطى بغطى الشتويه احيانا بتوصل اغطي نفسي ببطانيتين ولحاف لا تعودي على بعد روحي لمي كل الغطا الي في البيت وروحي نامي على سرير والزقي فية مش هو قال بعرفش انام وانت مش جنبي نامي جنبو انتي وجبل من البطاطين

رد: صار دقيق ويحاسب على كل شيء..
 

قابلي عصبيته و نرفزته ببرود .. لا تتسرعين بالرد عليه وهو متنرفز
انا عارفه انتي طيبه قلب وحبيبه بس مشكلتك متسرعه وحارة .

احبه حاولتي تاخذين موضوع الحمل بجدية ؟ احس كل اللي صاير بينكم بسبب تاخر الحمل

من كل قلبي ادعي لك الله يفرج لك همك و يآلف بين قلوبكم

رد: صار دقيق ويحاسب على كل شيء..
 

أنتظر عودتك..

رد: صار دقيق ويحاسب على كل شيء..
 

احط فوقي بطانيتين كل اللي موجودة في البيت وأيضا بردانة .. قبل فترة كان يتحمل يقعد بدون مكيف يقول عشاني بيتحمل أما ألحين ماعاد يتحمل..

رد: صار دقيق ويحاسب على كل شيء..
 

امين يارب .. وأنا قاعدة اطنش بس الظاهر هو صار يتعمد ينرفزني يمكن في رأسه أمر معين..

رد: صار دقيق ويحاسب على كل شيء..
 

لا تتركين غرفة النوم
البسي ملابس ثقيلة وتغطي بكنابل اثنينه

.

رغم ان مشكلتكم اكبر من النوم بره غرفة النوم

.

الامر الثاني انه مع ان الزوجة تساعد زوجها
بس مو لدرجة ان يعتمد عليها
ترى هذا مدخل واسع للمشاكل

رد: صار دقيق ويحاسب على كل شيء..
 

كنت تعبانة طول البارح .. وبعد ماصحي للفجر أرسلت له رسالة يوديني المستشفى .. جاء عندي يقول ليش ماقلت لك البارح أوديك ورفضتي .. قلت خلاص مو لازم .. طلع دوامه

رد: صار دقيق ويحاسب على كل شيء..
 

نصيحة يا اختي اشتريلك بطانية ثقيلة و ارجعي غرفتكم !!.

نسأل الله لك صلاح الحال و الشفاء العاجل ..

رد: صار دقيق ويحاسب على كل شيء..
 

انا نفس مشكلت زوجك .. عندي سكر اجاركم الله جميعا .. وفعلا ما اتحمل النوم بدون مكيف حتى في عز الشتا الان والحراره عندنا حول الــ 14 درجه .. كذلك عصبي جدا ..
هي في البدايه بتكون صعبه شوي لانه الرجل ما يتحمل بعد الزواج ان ينام بروحه لكن بعدين شوي شوي يتعود ..
بس نصيحه لا تهملينه وحاولي اتراعين ضروفه لو زود عليكي المطالب حاولوا تتحملون بعض مالكم غير بعض .. مادري هال للسكري علاقه بس كأنك توصفيني بالضبط لما توصفي زوجك ..
اكيد ما تتنازلين عن حقوقك بس حاولي ماتكثرين عليه اذا كنتي كثيرة الطلب والتدقيق في امور صغيره .. اذا هو من النوع اللي يتنرفز ..
تاكدي انه في داخله يحبك ويموت فيك .. ولما ينام بروحه تاكدي انه يفكر فيك ويانبه ضميره على كل الاشيا اللي سواها معك طول اليوم ..
حاولي تشوفي وين نقطة ضعفه واستغليها عشان تكسبينه .
والله يصلح حالك وحاله باذن الله ..
نصيحه اخيره .. خل يروح يفحص الضغط اذا ممكن .. لانه الضغط وارتفاعه يسبب ها الحاله من الهيجان والعصبيه ..
وبالتوفيق ان شاء الله ..

رد: صار دقيق ويحاسب على كل شيء..
 

رد: صار دقيق ويحاسب على كل شيء..
 

الله يسلمك .. البارح ماكان تعب مثل اليوم .. الصباح جدا تعبت لدرجة أرجف من البرد والسخونة .. تدرين هو مافكر حتى يجي يطمن علي .. ولما أرسلت له الرسالة إنه يوديني المستشفى جاني معصب كأني غلطت عليه أو سبيته .. ياأختي أنا اسمع تجريحه وأشوف اهماله واسكت وصار يتمادى ..

رد: صار دقيق ويحاسب على كل شيء..
 

مرة قلت له شوف الضغط قام هب فيني وقال سبحان الله أنتي ماتبين تعترفين إنك أنتي اللي السبب في عصبيتي .. وأنا والله اسمع واسكت وش تبيني أسوي..

رد: صار دقيق ويحاسب على كل شيء..
 

خلاص يا أحبه انسي اللي صار
ونصيحتي لك لاتراددين زوجك ولا تجادلينه
إنت ماترتاحين إذا مارديتي عليه
لما قال لك ع الكوي كان قلتِ صادق حبيبي ما انتبهت والله آسفة معليش حقك علي كان امتصيتي غضبه.

وع الدوام كان ماقلتِ - إلا فيه- لا تراددينه يا أحبه أسلوبك مستفز.. لاتتعاملي مع زوجك بندية..

رد: صار دقيق ويحاسب على كل شيء..
 

رد: صار دقيق ويحاسب على كل شيء..
 

برأيي إنه تغير كثير عن قبل لأن ماصرت أعطيه شيء .. وصرت أجمع فلوسي لي ومايشوف شيء .. قبل كان حنون وطيب ويحتويني عشان كان راتبه ضعيف وكنت أساعده .. ألحين أنقلب حاله180درجة مع إني أنا نفسي أنا بل بالعكس صرت أطنش وماأزعل من كلامه مثل قبل .. هذي هي الحقيقة المرة اللي بان عليها زوجي .. وهذا إللي خلاه البارح يقول ماعاد في دوام .. وأنا قلت إلا في لانه شرط عليه ومكتوب في العقد وكل شيء ممكن أتنازل عنه إلا وظيفتي لأن الزوج ماله أمان..

وبالنسبة لتعبي أنا البارح طول الليل وأنا تعبانة واثرته علي صبرت عشان ماأصحيه وأخليه نايم ويرتاح وماصدقت صحي عشان أطلب المستشفى وهو بكل عصبية يقول مو رفضتي المستشفى البارح .. هذا بدل مايجي يطمن علي يشوفني كيف صرت.. لا وابشركم مرمية في البيت وهو لحد الان ماهو فيه ولا فكر يتصل يسأل عني ويشوفني حية ولا ميته..

رد: صار دقيق ويحاسب على كل شيء..
 

هل راتبه تحسن جدا؟
اذن لما طلب منك المبلغ؟

انا اشوف موقف الذهاب للمستشفى بسيط. سوء فهم و يحصل
و اعتقد قوله ما في دوام. ليس جاد فيه. ربما متعب هاليومين من المشاوير. طنشي

رد: صار دقيق ويحاسب على كل شيء..
 

احبه، لاحظت شيء طريف في مواقفك: دائما تحلين المشكلة بكلمه "خلاص"

حبيبتي زوجك مريض سكر يعني في عرف المجتمع لا يلام على بعض ردود افعاله

ثانيا انت تفسرين اي تصرف منه لا يعجبك بان تغير عليك بعد ما مرتبه تعدل

حاولي تخففين حساسيتك اتجاه اي موقف، على الاقل لا تتأذى نفسيتك

اخيرا، خلي زوجك يعمل تحاليل الغدة الذرقيه لان عندها علاقة بالسكر و الحرارة

و الله يهدي سركم

رد: صار دقيق ويحاسب على كل شيء..
 

احبه انتي حاطه ببالك انه متمسك فيه للماده
وانه انسان يستغلك

اذا شلتي هالنظره بتتحسن حياتك معه

رد: صار دقيق ويحاسب على كل شيء..
 

جاي يقولي إنه مسافر لاهله حتى بدون مايسألني كيف صرتي .. قلت روح .. ودقيت على أخوي يجي يوديني المستشفى ويرجعني بيت أهلي..

رد: صار دقيق ويحاسب على كل شيء..
 

هل استأذنتيه الذهاب الى المستشفى يا أحبه ؟

رد: صار دقيق ويحاسب على كل شيء..
 

كلنا كذا مو بس زوجك وتصير معنا اقول لام عيالي مشينا اوديك المستشفى تقول مابي موب لازم خلاص باخذ العلاج وبصير احسن لما اجي انام وتعبان تقول ودني المستشفى طيب وينك اليوم كله ؟؟ وانا موجود او الصبح بروح للشغل تقولي ودني المستشفى عندي شغل ودوام ومصالح ناس اخلصها اتركهم واوديك مو انا قلت اوديك قلتي لا مابي
كنتي تعبانه شوي احسن روحي قبل ينهد حيلك لاتتوقعين زوجك حاله خاصه ومايحبك علشان كذا ماوداك لا كلنا نفس الشي انا مثله انقهر لما اقول لام عيالي شي تقول لا ولما انشغل تقول ابي عقبها اطنش

رد: صار دقيق ويحاسب على كل شيء..
 

رد: صار دقيق ويحاسب على كل شيء..
 

الموضوع كله صار عند أهلي .. ياما غلط علي وانسى وأراضيه ولا فكر فيني..

عشان تعرفون وين وصلت حقارته أرسل لي رسالة قبل أطلع مع أخوي يقول نظفي البيت قبل تطلعين..

رد: صار دقيق ويحاسب على كل شيء..
 

اختي احبه !

إن لم يتنازل احد الطرفين ، قُطِعَ الخيطُ لا محالة ! ..

رد: صار دقيق ويحاسب على كل شيء..
 

انا مستغربه هالنوعيه من الرجال
يستفزون زوجاتهم بتصرفاتهم
يدورون المشاكل من تحت الارض
طيب ليه
مو يقولون الرجال يبي بيته جنه
يبي هدوء وراحه واستقرار
طيب كيف وهو يقلب البيت نيران


للمعلوميه
المرأه وقت المرض والتعب تكون بقمه احتياجها
للعاطفه والاهتمام والكلمة الطيبه
هالشي انا مريت فيه من اسبوعين تقريبا
وقسوه زوجي معي وقت مرضي للان ندفع ضريبتها



احبه حبيبي
طنشيه وبس

رد: صار دقيق ويحاسب على كل شيء..
 

انا كنت استغرب من مواضيعك
لكن مره كنت ادور موضوع قديم بالمنتدى
ولقيت لك موضوع من ايام الخطبة
وقبل الزواج !!!
يعني هو كان واضح جدا
من قبل الزواج
لكن مادري ليش نعيش دائما على امل التغيير
والقناعات لاتتغير

رد: صار دقيق ويحاسب على كل شيء..
 

عرفتي ليش قلت زوجي يشبه زوجك..ترى زوجي يبني دايم أبادر للعلاقة .. ودايم يقول عني ماني أنثى .. بالضبط مثل زوجك..