|
هل زوجي يخونني حلت الرد47
السلام عليكم اخواني واخواتي اريد حل لمشكلتي
قبل أسبوعين خرجنا انا وزوجي واطفاالي بسيارته لقيت في المقعد الامامي بكلة للشعر من اول مادخلت السيارة بس سكت وقلت بنفسي خلينا نتمشى وبعدين رح اسأله مع اني ماتهنيت وطول الطريق وهو يسألني وش فيك وانا ساكته اقوله تعبانه شوي قبل مانوصل البيت اخذت البكله واعطيته قلت له ايش هذا قال مدري .. بنتك طلعت قبلك وعلمتني وانا اول مره اشوف هالبكله قلت له طيب من وين جات .. قال مدري وان سيارته كان عند اخوه الكبير اخذها اسبوع ورجعه يمكن حق بناته او زوجته طبعا سويت نفسي اني مصدقته وعديتها له بس قلبي قارصني وأمس طلعنا وهو دخل المسجد يصلي العشا وانا جا ببالي افتش السياره بسبب البكله اللي شفتها جلست ادور شفت بالجيب حق باب السياره كيسه فيها تاج من قماش وريحته عطر حطيته داخل الكيس ورجعته مكانه وماقلت له للحين على شي اكيد بيقول حق اهل اخوه ابي اتأكد مو عارفة كيف وكمان شفت شريحة جوال اخذتها ولحد الحين هي معاي (حلت الرد47) http://66n.com/forums/showpost.php?p...9&postcount=47 |
رد: هل زوجي يخونني
لا تستبقي الحكم أختي الكريمة ...
قد يكون صادقاً .. |
رد: هل زوجي يخونني
يا اختي استهدي بالرحمان ولا تفتحي بابا للشيطان وبعدين الخائن يبان .وهل له سوابق حتى تتهمينه؟
|
رد: هل زوجي يخونني
ماتسرعت عشان كذا ماقلت له اللي شفته امس
مافي سوابق بس من فتره في نساء توظفوا بنفس الشركه اللي هو يشتغل فيها وصرت اشك كثير واكثر من مره وحده تتصل عليه وهو يقول ان عشان الشغل ومافي شي ثاني تعبت من الشك |
رد: هل زوجي يخونني
اقتباس:
لا تتركي للشيطان مجالاً أو ثغرة يا أختي ... ها أنت تعترفين ان الشك تخلل قلبك بسبب مستجدات عمله ، و هو - بلا شك - دافع تصرفاتك ! |
رد: هل زوجي يخونني
اقتباس:
كيف اتاكد انها مجرد شكوك |
رد: هل زوجي يخونني
اقتباس:
مثل ماجاتك البكلة باردة مبردة من غير بحث ولاعناء |
رد: هل زوجي يخونني
اقتباس:
والشريحه هل افتحها ولا لا متردده لا اريد ان انصدم بعد ثقتي فيه هل اواجهه باللي شفته امس !؟ |
رد: هل زوجي يخونني
اقتباس:
تعلمت فتح حوار هادئ مع زوجي ، افتح فيه قلبي، لاقول له كل ما عندي من الالف الى لياء مع طلب تبرير مقنع ! |
رد: هل زوجي يخونني
لاتواجهيه حتى تتأكدي بدليل قاطع
لو فعلاً خاين كان فتش السياره اكثر بعد البكله وماكان لقيتي التاج وكيف تصارحيه قبل ماتفتحي الشريحه لاتخربي ع نفسك انتظري زي ماقال لماذا نتزوج؟ وبيجيك دليل ريحي اعصابك الرجل يصلي في المسجد ان شاء الله تمنعه صلاته من الخيانه |
رد: هل زوجي يخونني
اقتباس:
|
رد: هل زوجي يخونني
يعني افتح الشريحه اولا ومن ثم اواجهه
ماعندي صبر اكثر من كذا وهو لاحظ تغيري عليه من البارحه |
رد: هل زوجي يخونني
اقتباس:
واجلس على عماي وهو يخون ! الشي الوحيد اللي يخليني مافتح الشريحه خوفي من الصدمه |
رد: هل زوجي يخونني
بحكم خبرتي في الخيانات ...مااحس هالبكلات علامة خيانه ...
|
رد: هل زوجي يخونني
لاحول والاقوة الا بالله
بكلة وتاج صار خائن وقلبك قارصك |
رد: هل زوجي يخونني
اقتباس:
أجل علامة وش ! والشريحه طيب ؟ في اكثر من حاجه احس انها تثبت بس احاول أكذب على نفسي صار قليل يجلس بالبيت |
رد: هل زوجي يخونني
لا تشكي واتركي الرجال على راحة لا تخنقيه
كل الا عرضتيها مو ادلة قطعية |
رد: هل زوجي يخونني
اقتباس:
قد يكون بسبب ضغط العمل ....! |
رد: هل زوجي يخونني
انت شبه مقتنعة انه يخون خذيلو الشريحة واساليه ان قال انها لاخيه اطلبي ان يفتحها امامك وسيظهر لك كل شئ من تعابير وجهه
|
رد: هل زوجي يخونني
لا مو بسبب ضغط العمل لانه يروح مع اصحابه الاستراحه واصحابه شله فاسده
هو ماكان كذا |
رد: هل زوجي يخونني
هل هو فعلاً أعطى أخوه سيارته؟ |
رد: هل زوجي يخونني
اقتباس:
كيف عرفتي انهم شلة فاسدة ؟ |
رد: هل زوجي يخونني
الاخت مهره
لا ادري هل هو أعطاه ام لا الأخت لوفتي نعم شله فاسده بمعنى الكلمه ومتاكده لأن مسوين قروب بالواتس وهم نفسهم اللي بالاستراحه وكنت افتح جواله واشوف يرسلوا صور واشياء مخله للآداب واذا واجهته يقول هم نصهم مو متزوجين ومراهقين وان مايفتح اللي يرسلوه بس مجرد سوالف وكنا كل يوم مشاكل بسبب هالقروب وبعدها غير الرقم السري له شهر تقريبا مافتح جواله وهذا اللي زرع الشك اكثر |
رد: هل زوجي يخونني
افتحي الشريحه اذا كان خاين حاسبيه واذا كان برئ خلاص...احسن من الشك والقلق اللي عايشته
|
رد: هل زوجي يخونني
اقتباس:
فولا كثرة المشاكل حول المقاطع و الكلام المخل ما فعل ذلك ! و هذا يدل قطعاً انه بريء منهم و صادق في قوله ! لكنه يتحمل - أمام اللهِ - مسؤولية فتح باب الشيطان بهذه الطريقة ! فليس هذا بدليل ضده يا أختي ... |
رد: هل زوجي يخونني
فلو كان يفعل شرا لغيَّر الرقم السري بادئ الامر ، و لحرص - كلَّ الحرصِ - منعكِ الاضطلاعَ على جهازه !!
|
رد: هل زوجي يخونني
فتحت الشريحه للاسف طلع فيه رقم PIN
حطيت كذا رقم لين احترقت الشريحه |
رد: هل زوجي يخونني
اقتباس:
|
رد: هل زوجي يخونني
اقتباس:
الشك يقتلني |
رد: هل زوجي يخونني
اقتباس:
و ٱسالي ربك ان يشفي ما في صدرك!!. |
رد: هل زوجي يخونني
يا أختي ولاتتعبين نفسك ولا شيء .. ترى اللي يخون يخون نفسه .. وله رب يحاسبه .. طيب فرضا تأكدتي إنه خائن وش بيدك تسوين!! بتمنعينه ؟؟ بيخون من وراك.. الشيء الوحيد اللي يمنعه من الخيانة خوفه من الله.. ودام زوجك يصلي وفي المسجد بعد فأذكري الله وتعوذي من الشيطان وأزيلي هالفكرة من رأسك.. ومثل ماقالوا لك الأعضاء إذا فعلا خائن ربه بيكشفه وبتلاقي أدلة واضحة ودامغة وتجيك لحد عندك .. استودعي زوجك وادعي إن ربه يحفظه من شر كل ذي شر..
|
رد: هل زوجي يخونني
واجهته قبل شوي وقلت له على اللي شفته امس بس تكلمت معاه بأسلوب وهدوء
قال لي كنت ناوي اليوم اجلس وما اطلع بس انتي مثل كونان كل يوم تحقيق ونكد في نكد والحين رايح الاستراحه كلمت زوجة اخوه وسألتها اذا زوجها اخذ السياره قالت ايه وسألتها عالبكلات تقول ماتدري |
رد: هل زوجي يخونني
اقتباس:
يكفي يا سمورة يكفي .... ليش بس تسألين زوجة اخوه ...ترى بتكبر السالفة اذا وصل له الكلام ! |
رد: هل زوجي يخونني
معليش لا تلومها اذا شكت انا لو بمكانها بجلس اوسوس
|
رد: هل زوجي يخونني
اختي العزيزة ، اتركي الامر لصاحب الامر فقط !
موضوع الصور والمقاطع المخلة ،، كان بإمكانك رؤويتها ومسحها مباشرة ! ببساطة وسهولة وبدون تعليق او نكد من جانبك ومشاكل متواصلة لزوجك وكأنه طفل ! موضوع الشلة والاستراحة ،، مع تخفيفك لنسبة الاسئلة والبحث والتقصي و زيادة التطنيش كنت قادرة على تشجعيه للمكوث بالمنزل اكثر وهو عطاها لك كاش ! موضوع البكلة ،، ماكان له داعي توصل لزوجة اخو زوجك ( لاتنسي راح تنجاب السيرة لاخو زوجك وشوفي من بعد) عشان بس تتاكدي تبع من ! و بالنهاية ممكن تكون لبنت صديق زوجك ؟ احد اصدقاءه حاب يعمل مقلب ؟ بنتك ماخذتها او صارت عندها بالغلط وناسيه ؟ واللي يبين ان زوجك مو مسوي شي انه شافها وتركها ! لو فعلا فيه شي جان خاف ورماها ورمى باقي الامور اللي شفتيها،، كما قال لك احد الاخوان اذا كان فيه شي بيطلع فلا تشغلين تفكيرج وتتعبين عقلج ! |
رد: هل زوجي يخونني
اهم شيء اختي لا تتكلمي عن هذا الموضوع مع زوجك مجددا ابدا
راح تدفعيه للخيانة دفع عندك وساوس وشكوك تتبعي الموضوع بصمت وهدوء حتى لو لا قدر الله مسكتي دليل قطعي لا تواجهيه حتى تدرسي المشكلة وابعادها واسبابها لما يرجع اعتذري ولطفي الجو ونسيه في الموضوع الله يطمن بالك ويبعد عنك هذه الوساوس |
رد: هل زوجي يخونني
الله يهديك
بتدفعينه للخيانه دفع لا تلاحقينه ولا تحاسبينه له رب يحاسبه مايجوز شرعا التجسس على المسلمين واتباع عوراتهم بمن فيهم زوجك بيدك تدعين ربي يصرف عنه كل شر ويديم زواجكم والألفة والمحبة بينكم بيدك تجذبينه لبيته بشطارتك بعد توفيق الله لكن اللي تسوينه هذا غلط غلط لازم توقفين هالأسلوب |
رد: هل زوجي يخونني
اقتباس:
|
رد: هل زوجي يخونني
كبرتيها مره الله يصلحك
خلاص لاتشردي الرجال ولاتتجسسي وياخبر اليوم بفلوس بكره ببلاش ريحي دماغك اغلب اللي تكتشف خيانه زوجها تكون بالصدفه لان ربي أراد يفضحه باليوم ذَا مو بالتفتيش . |
رد: هل زوجي يخونني
فعلا صدق زوجك يوم قال نكد في نكد
وشي الحياة الزوجية بدون حب وثقة حرام اللي جالسه تسوينه في الشعيف عشانه طيب معك!! كل الجوالات اللحين والقروبات للاسف تجي مثل هالرسائل الله يتوب علينا . لكن من اعطاك الحق تفتحين جواله وتشوفين قروباته والله واحد اعرفه طلق زوجته عشان فتحت جواله مع انه كان يخون. خافي ربك زوجك يعاملك بالحسنى شافك فتحتي جواله غير الرقم بس ما طلقك او سوى لك تصرف اخر مع انه ماله سوابق خيانه. احمدي ربك ان الامور وقفت كذا وما تطورت واشغلي نفسك بحب زوجك وكيف تخلين البيت مكان لراحته وسعادته مهب نكد وتحقيق وشك وغيرة!! |
| الساعة الآن 01:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©