|
الإستغفال !
بسم الله الرحمن الرحيم
السلام عليكم و رحمة الله و بركاته عن عمر رضي الله عنه انه قال : "لست بالخب و لا الخب يخدعني" اقتباس:
في أحد الأسواق المكتظة .. تقدم له احد الشباب ممن هو في عمره و استأذن منه في ان يستخدم هاتفه للإتصال و يقول أخي فور ان اعطيته الجوال ـ بكمل بالعامي :d صار الشخص يجري بسرعة خيييييااااالية و معاه الجوال "طبعا مشروع سرقة" يقول اخوي من رحمة الله فيني اني تداركت الموقف بسرعة و صرت اجري وراه بأقوى قوتي احاول استعيد منه الجوال و بنفس الوقت اصرخ بالناس انو : حرااااامي امسسسسكوه جيبوا الجوال و محد من الناس مستوعب ! و استمرت المطاردة و قطعوا شوارع كثيرة "السوق كان على شارع" يقول دخلنا بداخل الأحياء و انا مستمر بالركض و هو مستمر أيضاً hhf يقول استغربت من شيئين وهو شدة لياقة الشاب و انه كان يركض بسرعة خيالية بدون ما يحس بتعب و شدة لياقتي "المفاجئة اللي تفجرت في الموقف نفسه" المهم في النهاية دخلوا ب شارع صغير و اختفى الشاب و اخوي بغى يموت hhf و فجأه لقاه يلهث خلف سيارة و عطاه كم ضربة و كم بكس و اخذ الجوال ! زبدة الموضوع الإستغفال .. :) انت تسوي خير فجأة يستغفلك اللي قدامك و يتصرف تصرف خاطيء ؟ هل تهتم توضح له او تاخذ حقك او تعطيه درس ؟ ولا تطنش ؟ ولا اصلا انت من النوع اللي ما يحب يقدم خدمات مثل هذي للغرباء تجنبا لمثل هذي المواقف "والاحظ ناس كذا متبنين هالإتجاه" زي مرة ضعت انا و اختي بالحرم و جلسنا فترة على ما لقينا وحدة وافقت تعطينا هاتفها و بعد ما حلفنا لها ايمان مغلظة انو ما بنسوي فيه شي ! لأجل التواصل مع اهلنا و طمأنتهم . .. اخيرا انا صار لي موقف طازة اليوم استوقفتني احدى الأخوات تطلب هاتفي و قبل ما اسمع تكملة كلامها قلت : أبشري من عيوني قالت ابيه بكلم امي لأن جوالي مفصول قلت ولا يهمك قالت : شكلك مستعجلة قلت : صحيح مستعجلة بس تفضلي ولا يهمك فجأة القى البنت تدخل بممر من الممرات ومعاها الجوال "غافلتني يعني" و انا على طول استعديت للركض "تذكرت موقف اخوي gfn" لحقتها و وقفت امامها لاحظت عليها الخجل و هي تتحدث و الضحك و الحديث بصوت جدا منخفض و محاولة البعد عن الناس استغربت لكن ما حطيت فبالي و استمريت احسن الظن بعد كذا جتني فجأة و قالت شكرا بس الحين بتصل على جوالك من جوالي و اذا جاك رقمي على جوالك انسخي رقمي و ارسليه للرقم اللي انا اتصلت عليه "صراحة انا ماحاولت ادقق بكلامها و بحركة آلية سريعة سويت اللي تبيه قدامها لاني كنت مستعجلة وراي موعد و تأخرت عنه بسببها" عطيتها ظهري و رحت للمصعد الكهربائي و صرت ارتب كلامها بمخي قالت انها بتتصل على أمها طيب كيف تتصل على امها وملامح وجهها كذا ؟ و تحاول تتهرب من الناس و تنعزل ؟ "لنفترض لو احسنا الظن انه بينها و بين امها موضوع خاص" طيب كيف تتصل علي و على أساس جوالها مفصصصصصصول ليش استخدمت جهازي و ليش ترسل البنت لأمها رقم جوالها من جهازي معقولة في ام ماتعرف رقم بنتها جن جنوني و حسيت انضحك علي و ضغطت الزر بسررررررعة برجع للدور اللي هي فيه طنشت الموعد تماماً و قلت خليه يفوتني عادي لااااااازم اححصصصصصلها و ابين لها مدى سوء تصرفها ! ما بسمح لها تعطيني درس اني تعرضت للإستغفال او اني اتشكك بأي احد اساعده بالعكس بعطيها درس من عندي بالمقابل ان في ناس تعرف انك استغفلتيها و ما تتقبل ! طلعت و صرت ادورررررها مالقيتها يمين يسار بالممرات دخلت المطاعم و مستمرة ادورها و اخيييييييرا لقيتها بمطعم من المطاعم اول ما شافتني ارتعبت قالت الرقم دق عليك ؟؟؟؟ هنا انا عصصصصصبت و حاولت اتمالك نفسي واعطيها الوجه البارد قلت مو انتي قلتي تبين تكلمين امك ؟ شلون امك ما تعرف رقمك ؟ قالت لا لا انا ما قلت امي "وارتبكت وتغير وجهها" قلت و مو قلتي جوالك مفصول ؟؟؟ ليش استخدمتي جوالي طيب ؟ قالت لا لا ما قلت مفصول ، بس انو الرقم اللي اتصلت عليه من جوالك كان معطيني بلوك على جوالي ! قلت امك يعني معطيتك بلوك ؟؟ قالت لا لا قاطعتها و قلت لها بحزم : شوفي انا احب اساعد الناس بس انتي .. و ما كملت كلامي عطيتها نظرة من فوق لتحت و عطيتها ظهري و هي صارت تنادي انا اسفة والله و انا مطنشة ! صرت اتساءل .. اقول غريبة : ما خافت على سمعتها لما استخدمت جوالي ؟ كوني اعرف شكلها خلاص ما خافت اتصل على الرقم ؟ ماخافت اكتشف و تصير ردة فعلي اعنف من كذا ؟؟؟ ـ طبعاً الناس تتنوع في ردة فعلها تجاه هالمواقف فيهم اللي يتأثر جدا لدرجة يحرم يسوي خير بعد كذا ! وفيهم اللي يطنش و يمشي الموضوع و فيهم اللي ما يحب تعدي هالأمور كذا و يوضح للي أمامه انه اساء له : ) انا بالنسبة لي تصرفي جدا يريحني و يريح ضميري خاصة واني احرص فيه اني ما اعتدي على غيري بالألفاظ ابدا ! مجرد اني أبين له انه اساء بطريقة لبقة ، لعل و عسى يكون درس له و حتى لو ما كان درس له المهم اني عبرت عن استيائي بنفس اللحظة . |
رد: الإستغفال !
هههه تخيلت موقفك...ما شاء الله عليك شطورة
انا لو مكانك ما احلل الموضوع حتى ارجع عالبيت ولو فهمت وقتها يستحيل ارجعلها اكره المواجهات خاصة مع ناس ما بعرفهم اخاف تبهدلني امام الناس |
رد: الإستغفال !
لازم الواحد يكون عنده سرعة بديهة وحذر خاصه من الغريب
واذا يبغى يكتسبها يترك الطيبه الزايده ويتأكد إنه الناس مو كلهم زيه أعجبني مقطع لوزير الخارجيه السعودي لما حرك وزير خارجيه روسيا العلم من أمام علم السعوديه كان سريع البديهه وفطن لحركته وحركه أمام العلم الروسي مادري لها دخل في الاستغفال ولالا ههههه |
رد: الإستغفال !
امممممممم تصرفاتك سليمة والمؤمن كيس فطن الواحد مايكون طيب بزيادة مع ناس لان ممكن طيبته يستغلونها ,, طبعا التغافل له حدود ,,
|
رد: الإستغفال !
يختي عليك وعلى ردة فعلك تجنن ماأظن اني اسويها صراحة بس أنا زيك أكررره الاستغفال ودي االلي يسغفلني امسكه واعلقه في المروحة ههههههههه مجرمة صح
|
رد: الإستغفال !
اقتباس:
لكن بنفس الوقت احاول اخلي بالي من اللي قدامي "يعني احاول ما اتصرف بسذاجة" بالنسبة للمواجهات عكسك hhf انا انسانة ما احب احمل اي نظرة او فكرة سلبية عن اي شخص "وهو زرعها فيني" الا و اصارحه فيها .. مهما كان حجمه و وزنه او مثلا آذاني بتصرف .. ما احب تكون شخصيتي ركام لمشاعر سلبية تركوها الناس فيني او المواقف اعتبر هذا نوع من الريفرش بالذات اني مقدر اطنش و اعتبر المواقف اللي مثل كذا عادية .. لازم اعبر . |
رد: الإستغفال !
اقتباس:
بمواقف السياسيين غالباً تجدين اللي تقلد هالمنصب عنده هالمهارة "مهارة الضرب من تحت الحزام و الرد" و معظم اللي عندهم هالمهارة من السياسيين تجدينهم يحصدون شعبية كبيرة بس ما اتوقع هذا يعتبر استغفال .. الإستغفال اللي قصدته انك تقومين بعمل خير والشخص المقابل يستغفلك مثلا و يسيء لك |
رد: الإستغفال !
اقتباس:
صحيح هذا المقصد "لا تكن لينا فتعصر" لكن صعب تطبيق هالأمر بإستمرار في الحياة اليومية قد تجد مواقف تذهلك او تلخبطك ! مثل آخر موقف صار لي ماكنت مركزة و بالي مع الموعد و استوعبت بعدين ! لكن على قولتهم يكفي شرف المحاولة و ان يحاول الإنسان ان يكون في المنتصف . |
رد: الإستغفال !
اقتباس:
انا جات في بالي خيالات و انا اكلمها اعنف من كذا ليش ما تظنين تسوينها ؟ هل تخافين من رد فعل اللي امامك ؟ او مثلا تحبين تطنشين ؟ |
رد: الإستغفال !
اكره الاستغفال وعلى حسب اهميه الشي و الموقف ، بس لما تكون من شخص قريب تجرح ،،، اكثر الاستغفال اللي مر علي من ألمساعده المنزليه ،،، يا إلاهي في بعضهم عندهم استغفال او مكر اعوذ بالله منه يعني اذا توزع على حي كامل لكفى بمكر من بالحي كلهم ،، اذا توزع يكفي لمكر حي كامل ،،، اذكر من انواع المكر او الاستغفال اللي مره علي ان لما كنت موظفه كنت قبل لا اتوجه للعمل مضيعه هاتفي وما اعرف أين وضعته وانا ابحث و طلبت منها ان تبحث معي ،،، المهم وهي تبحث قلت لها ابحثي تحت مهده الكرسي يمكن تحته ،، رفعت المخده و لمحت على نظرتها ان في شي ورجعت أنزلتها امااااامي وانا والله والله أمامها وتقول لي ما في شي ، رجعت شلت المخده وإلا احصل الهاتف ، وقلت هذا شو !!!😒😒، حسبي الله عليها كانت تريد تسرقه وعامله نفسها تبحث معي وهي تبحث عشان تسرقه. طبعا هذا نبذه بسيطه ولا شي من المكر اللي جاني منهم
|
رد: الإستغفال !
اقتباس:
دخلت مكتبي ولقيت كمبيوتر مكتبي مغبر و الأسلاك طالعة منه و بعضها مقطوع استشرت وحدة "ماسكة رئاسة قسم" و غرفتها جمب غرفتي قالت انتبهي من هالكمبيوتر ترا كله فيروسات و مكتبك قبل تجين كان مثل التشليح كل قطع الغيار فيه و و طلعيه احسن بره و اطلبي من قسم الكمبيوتر يجيبون لك واحد ثاني وفعلا سمعت بنصيحتها الشاهد بعد مرور ما يقارب سنة اجتمعت مع قسم الكمبيوتر و سألتني وحدة بإستغراب ليش طلبتي تغيير الكمبيوتر مع انه كان ممتاز ؟ قلت لها فلانة قالت لي انه فيه فيروسات قالت غريبة فلانة كلمتنا وقالت تبيه عندها اول ما طلعتيه !! شرايك بالله |
رد: الإستغفال !
السلام عليكم
مرة كنت مسافرة و توقفت في باحة للاستراحة على الطريق السريع اصلي و ارتاح شوي الا اشوف وحدة ست محترمه من ثيابها (لانها نزلت من سيارة زوجها بالوقت اللي نزلت فيه انا) و كانت تحمل بيبي معاها المهم جات عندي و قالت لي انه خلص البنزين بسيارتهم و انها نست جزدانها لبيتهم بمدينه ثانية و انهم لحاجة للفلوس ، انا رققت لحالها الا انه من مبادئ ما اعط فلوس مباشرة، ايتنيت لما ىجع اخي من المسجد و شرحت له الامر و قرر يعطيها مبلغ من المال الا اني قلت له حرام خايها اكثر لانهم مثل من تقطعت به السبيل فزادها. ثم رحنا نعبئ البنزين بدورنا و اخي سأل المسؤول عن تلك الاسرة فضحك المسؤول و قال انهم يفعلون ذلك مرارا و نكرارا و انهم معروفون لدبهم انا الحقيقة تستشطت غضبا لان مثل هذه التصرفات تجعل الناس يقلعون عن مساعدة المحتاج فقررت الرجوع البهم و طلبت منها ارجاع المبلغ لا اخفيكم بمجرد ما راتني حتى بدا الخوف على محباها فاىجعت الفلوس من غبر اي كلام فعلا الاستغفال شعور سئ |
رد: الإستغفال !
اقتباس:
ههههههه تعجبيني و صحيح كلامك المشكلة انها تؤثر على البعض و تجعلهم يغلقون باب خير و ثواب عليهم. |
رد: الإستغفال !
اقتباس:
|
رد: الإستغفال !
في دعاء ، انصحك تدعين فيه وترديديه ، داءما ،🎀🎀 اللهم من أراد بي مكرا فامكر به وانت خير الماكرين ، اللهم من أراد بي سوءا فجعل سوء تدبيره في تدميره 🎀🎀 ، اللهم من أراد بي كيدا فرد كيده في نحره ،،،، وفعلا شفت بعيني كيف المكر رجع على صاحبه بوقت قيااااسي ،hthdhthd وخللك مثل ما إنتي بطبيعتك الجيده ، وإذا عندك استطاعه تواجهي جيد ، لانه أكيد ليست كل المواقف في صالحنا نواجهه لان الشخص يصير ما يعترف او يقلب القصه.
|
رد: الإستغفال !
اقتباس:
بالنسبة للمواجهه صحيح ما تنفع في كل الأحوال "بالنسبة لي" مو عشان موقف الشخص اللي قدامي بس عشان مرات ما يكون لها فايدة مثل موقفي الأخير مع الكمبيوتر و و .. انا ماعرفت الا بعد سنة انها استغفلتني و كنت مقدمة استقالتي فحسيت ما له داعي اواجهها على شي مرت عليه فترة و انا كذا كذا طالعة ! وخليته بينها و بين ربها هالتصرف . |
| الساعة الآن 05:02 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©