|
أتمنى تفهموني من الغلطان!!!
السلام عليكم
ماني عارفة وش قاعد يصير .. هل هو عيب فيني ولا عيب في زوجي .. ولا اثنيناتنا محنا فاهمين بعض .. ماأعرف من آخر مشكلة صارت بيننا واللي سافر فيها زوجي لاهله في أسبوع الاجازة ورجعنا الحمدلله أفضل من الأول وماعاد صارت بيننا أي مشكلة ماعدا لحظات بسيطة وتروح بوقتها وأغلبها بسبب عصبية زوجي بس صرت أطنش وأعدي .. طبعا هو وعدني بسفرة ونسي وعده .. جاته زيادة حلوة في راتبه ووعدني بهدية وأيضا طنش .. قبل ثلاث أيام طلبت منه نسافر منطقة معينة نغير جو لأن لي فترة ماطلعت أو سافرت حول الشهرين تدرون وش رد علي !!! قال المصروف عليك... أنا وقتها أخذت الموضوع بمزحة وسكتت .. المهم أمس الجو كان حلو وقال العصر وش رأيك نطلع المنطقة الفلانية .. طلعنا ومامدانا ننزل من السيارة إلا أتصل والده يقوله أنه بنفس مدينتنا عنده شغلة معينه وطلب منه يجي له .. قاله زوجي نص ساعة وأكون عندك .. قلت له يلا نرجع .. ركبنا السيارة وحنا على الصامت أنا منتظره يعتذر عن الطلعة اللي ماتمت لكن ولا شيء كل همه يوصل بسرعة لدرجة السيارة الجديدة أكلت في الحفر والمطبات وانا ولا تكلمت لأني لو تكلمت راح يفسر كلامي تفسير خاطئ كالعادة.. ورجعني البيت قبل أذان المغرب .. بعد كم دقيقة اتصل وقالي جهزي دلة القهوة والتمر والفناجيل بجي اخذها بعد نص ساعة .. جهزتها وجاء اخذها .. ووالله ولا سألني تبين شيء تحتاجي شيء لانه راح يطول مع أبوه واللي جاي معه .. المهم أنتظرت لحد11بالليل وأنا جوعانة وماعندي أغراض وهو ولا فكر .. وارسلت له اني بنام لاني من الفجر مانمت وطلبت منه إذا يحتاج شيء يصحيني .. وقالي نوم العوافي..نمت بالصالة عشان الدفاية لاني كنت حآسة ببرد .. وأنا مقهورة ليش مايسأل يطمن .. أبد ولا شيء .. المهم جاء وطلب مني ادخل انام بالغرفة قلت له مافيني خلاص بنام هنا .. قال ماأعرف أنام وأنتي منتي جنبي ضحكت بهدوء وقلت لاماعليك بتنام..المهم قال جبت عشاء معي قومي تعشي قلت ماأبغى خلاص بنام .. الظهر رجعني من الدوام .. وطلع لأبوه وماعاد رجع الا قبل المغرب .. أنتو متخيلين رجعني بدون مايسأل تبين شيء تحتاجين أغراض .. أكل .. رجع قبل المغرب دخل نام .. صحي والقهوة جاهزة .. تقهوى وسولفنا شوي بتحفظ طبعا .. طلع يصلي العشاء .. اتصل تبين شي .. قلت اكيد أبي عشاء جوعانة .. قام عصب يقول ادري تبين عشاء وش تبين .. قلت عادي الشيء اللي بتجيبه باكل منه قام يعصب يقول انا ماباكل وهو معصب ويرفع صوته .. قمت قلت له خلاص ماعاد أبي شيء قفل السماعة.. قمت سويت لي شيء في البيت وحطيته وأكل شوي معي .. وبعدين قعدت اعاتبه أنه من الصباح ماأكلت شيء وانت تعصب علي .. قام يسكتني يقول اسكتي أحسن لك .. قلت ليش وش بتسوي بتطلقني .. عادي فكة .. سكت وماقال شيء.. على فكرة زوجي صار ينتقد كثير ويزعل كثير .. السبت اللي فات في الاجازة .. طبعا صحي الساعة11وراح جاب أغراض للفطور .. وانا متعودة يصحيني يقرب مني ويصحيني بهدوء .. أنا حسيت فيه بس مابغيت أقوم من نفسي بغيته هو يصحيني ..طبعا زعل لاني ماصحيت .. وراح سوى له فطور لحاله وفطر وماخذها زعلة .. المهم أنا صحيت صليت الظهر وجهزت فطوري وبعد مارجع من المسجد قال تفطرين وتخليني طبعا هو قاعد يستفزني ..المهم قلت له أني صاحية قال ليش ماصحيتي طيب وسويتي الفطور قلت له انت عودتني تصحيني .. وبعدين مافيها شيء حتى لو نايمة تجي تصحيني أسوي لك اللي تبي .. قال خلاص مليت أبي احس أني متزوج واصحى الاقي زوجتي مسوية الفطور قبلي .. قلت له من فين اسوي الفطور ولا في اغراض والغاز يومها مخلص .. قال عادي انتظري أجيب الغاز وسوي .. قال ليتني أحس إني متزوج وزوجتي تهتم فيني. . قلت يعني أنا ماأهتم فيك قال لا .. قلت أوك .. وبالرغم من كذا طنشت الموضوع ونسيته وتعاملت معه عادي ولا كأنه صار شيء.. على فكرة زوجي يذكرني بزوج كنافة نفس الاطباع بالضبط.. |
رد: أتمنى تفهموني من الغلطان!!!
أين المشكلة يا أختي ؟؟؟
خلافات بسيطة جدا و لله الحمد ... لكن لي عليكِ ملاحظتان حيرتاني : أولهما : كيف تحتاجين أكلا و تتحفظين سؤاله ؟ فما مانعُ الطلب ؟؟؟؟!!!! ثانيهما : غضبك و صمتك ليسا في محلهما ، فكان من الأجدر توضيح ما انتابك من مشاعر ، طالبةً التعويض في وقت لاحق ، فما هدفُ الكبت و الصمت هنا ؟؟؟!!!!!! |
رد: أتمنى تفهموني من الغلطان!!!
اقتباس:
اللي مانعني أسلوبه .. زوجي أي شيء مني يفسره تفسير خاطئ .. يعني لو مثلا طلبت منه أمس وهو مع والده إني أحتاج أغراض او أكل بيقول تبين تشغليني عن أبوي .. |
رد: أتمنى تفهموني من الغلطان!!!
اقتباس:
واضيف عليها .. هذا ريلج ، ما فيها شيء لو منج ومن نفسج اتصلتي فيه وبوء ولطف... حبيبي اذا ما عليك امر تشتريلي عشى.. ليس تنتظرين المبادرة في امور بسيطة مثل هذي! وجوابا على سؤالج : انتي الغلطانة |
رد: أتمنى تفهموني من الغلطان!!!
زوجي يطلب الحب والاهتمام والكلام الحلو وفي المقابل مايبي يعطي شيء .. عنده قناعة إنه إذا دلعت المرأة تمشيك على كيفها ..
|
رد: أتمنى تفهموني من الغلطان!!!
اقتباس:
شكرا لك........ |
رد: أتمنى تفهموني من الغلطان!!!
اقتباس:
لكني لك سائلة أختي الكريمة ، عن كيفية طلب الغرض منه ؟ و لنفترض جدلا ان رسالتك كانت قمةً في التهذيب و الادب ، و قوبلت برد مجحف قاسي ! هنا لو كنت مكانك لسألته سبب تعامله السيء معي ، و يكون بهذه الشاكلة : فلان ، انت ( اذكر محاسنه و قدره عندي ) لكني اراكَ أخطأت في حقي و أصبتني بظلم ، فأرجوك التراجع عما بدر منك في ( ذكرُ الموقف ) فهذه ليست من شيمك الطيبة و أخلاقك النبيلة ...! انتهى ثم إطوي الصفحة و تعاملي بشكل عاااادي حين اللقااء ، فالرسالة وصلت ، و المقصد بُلِغَ ... و هذا الاسلوب يأتي أُكله بلا ريبٍ وشكٍ بإذن الله الواحد الأحد !! الحوار يا أختي ..... عمادٌ اساسي تقوم عليه الحياة الزوجية ... |
رد: أتمنى تفهموني من الغلطان!!!
الصراحة انت الغلطانه ، كثير تتغلي وتتدلعي، وزوجك مو زي زوج كنافه، وانت مو زي كنافه😜
|
رد: أتمنى تفهموني من الغلطان!!!
اقتباس:
فكيف تفسرين موقفه حينما كنتِ نائمة ؟؟ |
رد: أتمنى تفهموني من الغلطان!!!
جميل كلام لوفتي 👍
كل شكواك هذي دلع طيب هذا هو جاب لك العشا وقالك قومي تعشي ورفضتي !! نصيحه دامك كسبتيه وتحسن وضعكم لاتخسرينه مره ثانيه . |
رد: أتمنى تفهموني من الغلطان!!!
نعم غلطانة
الرجال مو عاطفيين و كيوت مثل الحريم ابوه جاه و تبغيه يتعذر بطريقتنا!!فلانة والله أسف خربت عليك الجو. ووالخ هو في باله ابوه. و كيف يصل له بوقت سريع وًيكرمه و يكرم الضيف الذي معه هل تتوقعي و هو جالس مع الرجال يعشيهم و يقهويهم. انه ياخذ له ركن و يتصل يتطمن. لا طيب انتي في وين. في بيتك. و أمان و نفس المنطقة مؤونة البيت تفقدها على الزوجة. و الزوج ينتظر تعطيه قائمة بالناقص. و من ضمن ذلك الغاز و اسألي كل المتزوجات هنا. و انا من ضمنهم. نواقص البيت من أغذية و منظفات وووو خلافه. الزوجة تتكلم بكل صراحة فلان ما عندنا شيء للطبخ. حبيبي. ناقصنا خبز و جبن و فاصولياوووو الخ. فلان الغاز خلص. هات سلندر غاز ل الخ الخ لا تنتظريه يتصل أو على الاقل. اعذريه فهو مشغول مع والده اما سالفة انك متعودة يصحيك بهدوء 😅 فما ادري. احس باقي بس مهند تمثيلا يعمل كذا. مو لانها رومانسية بس خلاص انت ناضجة. اقعدي لحالك فعلا قبل زوجك. او على الاقل لما سمعتي حس حركته قمتي و بدون ليش ما صحيتني و كأنه واجب عليه زوجك لم ينساك تماما. احضر العشاء. و لو لوقت متأخر. يعني انت في باله ليش ما ضخمتي هذا الموقف و صغرتي المواقف الاخرى |
رد: أتمنى تفهموني من الغلطان!!!
احيانا تجيني نوبات اني اعصب واسكت وابي هو يهتم و يسال ويسحب علي زوجي ..
واتهمه لين استوعبت ان اذا في خاطري شي لازم اقوله ولا بظل نكديه .. لازم نفهم انهم مايفكرون مثلنا احنا تفكيرنا اكثر تقعيد هم مايفكرون بهالتعقيد انتي يا احبه حبيبي .. لازم تطلبين اللي تبين و لازم تمشين بعض الامور واغراض البيت انتي تطلبينها وتروحون تجيبونها .. وابوه واجب عليه يرجع اكيد لو انك مكانه بتسوين نفس الشي الطلعه تتعوض .. لا تنكدون على انفسكم .. واهم شي بقولة لك ترى مو زينه منك كلمة (طلاق) على كل سالفه بالرايحه والجايه انتبهي.. |
رد: أتمنى تفهموني من الغلطان!!!
يالطيف عليك تغلي هههههه
خفي شوي الرجل بيمل، فعلا الغلط عليك المفروض بالطريق أنت تقولين له تحتاج شيء؟ أسوي لكم قهوة ؟ عشاء؟ مشكلتك تبين تستقبلين، طيب وين عطائك هو بعد يبي يحس إنه متزوج على قولته يعني فوق إنك ماسويتي الفطور وهو من مهامك.. عشاك جالسه تنتظرين يجيبه؟ ما أتوقع البيت فاضي لهالدرجة سوي أي شيء يسد جوعك الرجال مشغول بضيوفه آسفة لو ردي قاسي، أبيك تصحين على نفسك |
رد: أتمنى تفهموني من الغلطان!!!
ايوه انتبهي لا تكرري كلمة بتطلقني عادي فكه
مره تستفز الرجل هذي الكلمه لمده طويله وتعامله معاك حتى بعد الصلح اذا فيه جفاوه فهو بسبب هذي الكلمه ... انتي اكيد متعلمه اذا قصدك تشوفي غلاته عندك فهذي حركات الحريم زمان الحرمه الغير متعلمه الي ماتعرف أثر هذا الكلام ع الزوج الطلاق سار زي شربة المويه فلا تلعبي ع هذا الوتر لانه يكره الرجل فيك وتعطيه انطباع انك نكديه وبتعبيه لو استمر معاك |
رد: أتمنى تفهموني من الغلطان!!!
الله يعينه بس
ماتغيرتي للاسف الحين جاي البيت وجايب لك عشا ويتحايل عليك تنامي بالغرفه دلع صراحه وبتفقدينه دامك تجحدي نعمه بعدين معليش اختي احبه طفله انتي عشان يقعد يحاتي وش كليتي ووش شربتي وتموتي من الجوع من الصبح هذي حركات عروس لها اسبوع بشهر العسل لك اربع سنين عجزتي تملون ثلاجتكم وتطبخين كل سوالفك راح قال ماتبغين شي ماجاب لي عشا مااهتم فيني الرجال مشغول مع ابوه وانتي تبغينه يتصل عليك يتطمن ومن هالسوالف ارحميه وارحمي نفسك شوي بكل الي قلتيه انتي الي غلطانه وزايده العيار شوي بعدين وش قصه السفر كل شهرين الناس تسافر مره بالسنه او مرتين حتى لو مكان قريب الله يهديك |
رد: أتمنى تفهموني من الغلطان!!!
وصادق بسالفه انت ماصحيتني
وزعلانه انه ماصحاك الرجال يبي زوجه تصحي وتصلح الفطور وتصحي زوجها هذا الي اعرفه |
رد: أتمنى تفهموني من الغلطان!!!
اقتباس:
وعليكم السلام ورحمة الله وبركاته عزيزتي احبه حبيبي . - انا حذفت جزء من الرد وتركت الباقي لسبب انو بدي ياكي تنظري للنصف المليان من الكأس - اللي حذفتهن اول شي بخصوص انو كان المفروض يعتذر عن الغاء المشوار طيب اذا انت شريكة عمره وحبيبته وزوجته على اي اساس بدو يعتذر هل مثلا فجأة اتذكر مشوار مع صديقه او اتصل فيه اصدقائه ليجتمعوا بشي قهوة واضطر يجاريهن ولغى مشواركن او بالفعل انطلقتوا ورحتوا وبطريقكن اتصل والده يعني صار شي اضطراري ودايما بالاضطراري يعني حالة استثنائية وهو المفروض يكون وزوجك متوقع انك فهمتي انو هالشي صار فوق ارادته وارادتك وانك عذرتيه من دون ما يعتذر ويبرر اعتذاره بتعويضك بالمرة الجاي وهوي من الاصل ما لغى المشوار من نفسه ولا على مزاجه - بنجي للكلام اللي من بعد الحذف اقرئي الفقرة الاولى منيح وهيي النصف الثاني من الكأس كلامه انو ما بيعرف ينام الا وانتي جنبه هالشي بيختصر كل الكلام اللي بيأثبتلك انت شو بالنسبة الو واذا مهتم فيكي او لا وكمان جايب عشا يعني ما عاد في منو لاتهامك الو بعدم السؤال واهتمامه واثبت برائته وقت قلتي انو ما في اغراض وهو ولا فكر بهالشي وبالاخير طلع جايب عشاء وصحاكي لتاكلي فرفضتي - جوابك عليه انو ( ليش شو بتسوي بتطلقني ...عادي فكة ...وهو سكت وما قال شي ) هيدا جواب على سؤالك انو مين الغلطان فيكن ؟؟؟ - ووقت قلك انو بتفطري وبتخليني كلامه كان صادق وطالع من القلب وحكي اللي بيتمناه انو يلاقي شي مرة زوجته مجهزتله فطوره ورح يفطروا سوا بس على حسب كلامك لانو عودك يصحيكي فانت مش مستعدة تصحي وتكسري القاعدة مين اللي بصحيالتاني ومين اللي رح يكون البادئ يتحضير الفطور للصراحة وبمصداقية وامانة حبيبتي احبه حبيبي ما شفت شي بيستاهل الزعل هيدول الاشياء ملح الحياة وما بتوقع انو في حدا تاني ما بيصير معو متل هيك مواقف دعواتي ترافقك احترامي |
رد: أتمنى تفهموني من الغلطان!!!
ما فهمت وين المشكلة بالضبط لكن اظنك زعلت لانه
1 -ما اعتذر على قطع المشوار وما فهمت لماذا يجب عليه الاعتذار الامر واضح اتصل ابوه لازم يروح والله لو حصل لي نفس موقفك ما يخطر على بالي انه يعتذر 2-وانه ما اتصل يطمن عليك ليش يطمن عليك وانت في بيتك وهو منشغل مع ضيوف ولو ناقصك شيء وما اتصلت ليس ذنبه ورغم هيك فكر فيك وجاب العشاء 3-ولانه ما صحاك الصبح بهدوء بدون تعليق صراحة انت تكلفيه فوق من طاقته وكانك معيشته في مسلسلك التركي ولازم يتقن الدور والا تزعلي |
رد: أتمنى تفهموني من الغلطان!!!
لاحول ولا قوة الا بالله
|
رد: أتمنى تفهموني من الغلطان!!!
بعلق على اخر سطر بموضوعك
اتمنى زوجي يعاملني بطريقة زوجك ماشاء الله تبارك الله انا اللي دايما اصحى قبله واجهز الفطور مع ذلك مايفطر ابدا وينام لبعد الظهر في الويك اند ساحب علي.. يعشق النوم ولا عمره طلب مني اهتم له وادلعه عمره ماطلب مني انام جنبه ولا عمره طلب شي صريح زي الازواج خاطري مره يقول لي: دلعيني والا يطلب شي بلفظ وااااضح ابدا.. انسي وكل تجريحه لي غامض انتي مو انثى.. انتى مو متربيه ادور حول نفسي وما اعرف ايش يبي ولو ناقشته وقت رواق طلب اقفل الموضوع على اساس خلاص انتهينا من اللي صار واسهل عذر: كنت بستفزك بس! نجي للمفيد زوجك شاري خاطرك اللي عندي شاري نكدي وزعلي اذا انا مبسوطه ومروقه ومفرفشه.. يتنكد والعكس صحيح انا ما اقول هالكلام الا لشيء واحد لاني شايفه زوجك نعمه ماشاء الله نصيحه حافظي عليه |
رد: أتمنى تفهموني من الغلطان!!!
البنات كفو ووفو
اختي لا تصيرين من الحريم اللي يدورون الزعل دواره .، الزوجه اللي تحب زوجها وزوجه صالحه في موقف ابوه المفروض هي تقوله روح بسرعه لا تتأخر مو تنتظر زعل .، وبعدين انا طبعي مع زوجتي وكل الرجال اللي اعرفهم تجينا قائمة في الواتس بالطلبات وزين اذا جبناها كامله .، واذا بغيتي اكل او شي المفترض ما تطلبينه وهو مشغول مع ابوه ترسلين رساله انه يجيب اكل معاه وزوجك ما قصر جاب لك معه اكل من غير طلب واستقبلتيه استقبال الزعلانه ورفضتي تنامين معاه في الغزفه اعطيتيه ايحاء انك متضايقه منه لانه راح لابوه نصيحه اذا تبين تكسبين زوجك غيري من طريقة تفكيرك وخليكي مبادره في اي شي |
رد: أتمنى تفهموني من الغلطان!!!
شكرا لردودكم .. استفدت منها .. أتمنى إغلاق الموضوع..
|
رد: أتمنى تفهموني من الغلطان!!!
أحبه
زوجك انسان رائع ماشاء الله و باختصار : انت الغلطانة و بقوووووووة بعد كل هذا و تقولي ما يهتم و ماعرف ايش ترى من جد ، هو تعب من كثر ما يطبطب |
رد: أتمنى تفهموني من الغلطان!!!
السلام عليكم ... اختي انت مازلتي عايشه بشهر العسل خلاص عيشي حياة واقع شنو لازم هو يصحيني دام انت صاحيه قومي وسوي الفطور ولا هي وحدة بوحدة دلعني ادلعك ما تدلعني ما ادلعك .... من رجع لابوه انت تقولين ما تكلمت يا اختي ريتج تكلمتي ولا نمتي بالصاله وتركتيه مشاكلكم سببها زوجك طلع من شهر العسل ويريد يعيش حياة زوجيه حقيقية وانت لسه بالحلم الوردي لشهر العسل
شغله ثانيه ما فهمتها لا منك ولا من غيرك من العضوات شنو تقصدون بمافي شي بالبيت ما في شي بارز ولا مافي شي كلش يعني مثلا ما في بيض وطماط مافي مكرونه مافي جبن ليش تتركين بيتك فاضي ولا ما تبون تطبخون ولازم العشة من برة ؟ يعني زوجك قام وسوة فطور لنفسه معناته في اكل والفطور نفس العشة فلا تقولون تركني جوعانه وتصدقون انكم بالفعل عايشين بجوع وتغضبون على ازواجكم لانه ترككم جوعانين معليش اختي اشوف الجوعان هو لانه لازم يشتري من برة ولا مافي عشه بالبيت زوجك انسان طيب ويحب يرضيك ويرضي اهله ويريد يسعد الجميع يكفي انك قلتيله طلقني ( علشان عشة) وما ثار وغضب مشي مشي اختي ولا توقفين له على الوحدة واحسني التبعل كوني له امة يكون لك عبدا |
رد: أتمنى تفهموني من الغلطان!!!
اقتباس:
|
| الساعة الآن 02:06 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©