كيف أتصرف مع زعل زوجي بدون سبب مستجد رد20
 

السلام عليكم ، صباح الخير ..

كيف أتعامل مع زوجي في غيابي ، بالأمس استأذنت من زوجي أروح لأهلي .. وسألته كم مرة إذا عادي أسافر لهم، ووافق .
وأعدت السؤال عليه وقلت له إنو عادي لو ماتبغى راح أجلس .. لكنه قال مافي مشكلة ..

بس قبل ما أمشي لاحظت إنه مو مرة مزاجه ، وسافرت ووصلت المغرب أمس ، وحتى اليوم ماتواصل معي أبدًا ..
أرسلت له فيديو لبنتي تكلمه ، شافه مارد .
واليوم حتى ماشاف سناباتي .. وهذي عادته لو زعل
وهذي عادته عمومًا مايتصل أو يسأل أو يتطمن ، بس أنا حاسة إنه زعلان ؟!

وكل مرة أقول مارح أكلمه ، بصبر وأشوف إيش النهاية ! بس ما أصبر أتصل عليه كل مرة وأتطمن عليه
وأطمنه ع أخبارنا وأسولف معاه لحد مايطيح اللي بخاطره ..

بس أنا تعبت رايحة أنبسط وأغير جو ماله داعي ينكد علي !
سؤال ، لو أنتم بمكاني إيش بتسوون ؟
أبغى أتجاهل بس ما أقدر .. أحس فيه شيء منغص علي !

(مستجدات الرد 20)

http://66n.com/forums/showpost.php?p...5&postcount=20

رد: كيف أتصرف مع زعل زوجي بدون سبب ؟
 

يمكن فية تراكمات وزيارتك
لهلك برضاه ماتزعل

رد: كيف أتصرف مع زعل زوجي بدون سبب ؟
 

مافي أبدًا ومتاكدة من هالشيء ..
بس أنا قبل أسبوعين عندهم لأن عندهم مناسبة وأنا قلت له اني متحمسة لها وسافر عشاني
بس المرة هذي انا رحت لوحدي وبرضو برضاه .. فهل هذا يزعّل ؟

رد: كيف أتصرف مع زعل زوجي بدون سبب ؟
 

اظن ازعجه هذا الامر لكن ما صارحك لان الامر بالنسبة اليه واضح ما يحتاج بيان فتركك براحتك يشوف كيف تتصرفي وما عجبه تصرفك
وللنصيحة اختي معه حق كيف تتركي زوجك كل هذا الوقت لحاله
ما يصح

رد: كيف أتصرف مع زعل زوجي بدون سبب ؟
 

كتبت ردي قبل ما تعدلي مشاركتك
لما اعدت القراءة تلخبطتfgfg

رد: كيف أتصرف مع زعل زوجي بدون سبب ؟
 

كان فيه مناسبة لاهله بنفس مدينة اهلي ، فقلت نروح لمناسبتكم ومنها اشوف اهلي ..
هالكلام قبل اسبوعين ..
وامس جيت لاهلي بموافقته ورضاه :)

رد: كيف أتصرف مع زعل زوجي بدون سبب ؟
 

الله يديم المحبة بينكم
واضح أنه يحبك و لا يقوى على فراقك

نصيحة لا تأخذي الموضوع بحساسية و افعلي ما يجعل علاقتكم جميلة

رد: كيف أتصرف مع زعل زوجي بدون سبب ؟
 

هل الحب إنه يتجاهل السؤال عني أو يتطمن علينا أو حتى يسلم ؟!!
طيب ع الاقل يرد لما أكلمه ! gfg

عجزت افهم هالنقطة

رد: كيف أتصرف مع زعل زوجي بدون سبب ؟
 

شكله كان يبيج منج ومن نفسج تقولين ماباسافر
لو آنه مكانج .. باسوي مثلج
راح اكلمه لحد ما يطيح الحطب
قلبي روبه ( زبادي ) 😊 وما احب الزعل
كلميه .. شوراج .. كلش عادي

رد: كيف أتصرف مع زعل زوجي بدون سبب ؟
 

ارسليله واتس يا هوو فينك ماتسال ولا تقلي الحمدلله على السلامة
جالس تتغلى عليا ولا ايش😂

رد: كيف أتصرف مع زعل زوجي بدون سبب ؟
 

كم تبعد مدينة أهلك ؟؟
وكم مرة تروحين لهم بالعادة؟؟

رد: كيف أتصرف مع زعل زوجي بدون سبب ؟
 

ببساطه ياعزيزتي زوجك يحبك وحاب يروح معك وانتي ماعرضتي عليه يروح معك ولو بمجامله فحزت بخاطره انك تروحين الحالك بدونه او لانك ماجاملتيه وقلتي له تروح معي فممكن يكون حاب يروح لكن ماحب يرمي حاله عليك لانك قلتي انك بتروحين وماقلتي له ابيك تروح معي
اوانه حاب تجلسين معه لانه يحس بوحشه بدونك فزعل لانك مافكرتي فيه او انه متضايق من امر وزعل بسبب شيء اخر اتصلي عليه وبيني له شوقك له وطيبي خاطره بكم كلمه حلوه لاجل يرضا

رد: كيف أتصرف مع زعل زوجي بدون سبب ؟
 

كلمته وهو يرد ع كلمة كلمة وواضح انه زعلان
انقرفت جدا فيني كمية قهر مو طبيعية ..

وزاد علي لما اشتريت لبنتي كوخ الأميرات بنصف مصروفي لها اكثر من سنة تطلبه وزوجي يبي يشتريها بس ما فضى لنا :) المهم اني اشتريتها وضغطت ع نفسي و ع ميزانيتي كله لبنتي وبالنهاية تقول امي اتركيه ببيتنا يلعبون فيها عيال اخوانك وبتتكسر وبنتي مالعبت فيها.. وانا لا تعليييق :)

يارب ارحم ضعفي .. مادري الاقيها من وين والا من وين ..

رد: كيف أتصرف مع زعل زوجي بدون سبب ؟
 

هو ما يبغى يوديني ولا يبغى يروح وهو يفضل اني اروح لوحدي

رد: كيف أتصرف مع زعل زوجي بدون سبب ؟
 

كنت متحمسة للاسبوع هذا قلت راح ارتاح من مسؤولية بنتي واسترخي وبفضى لنفسي وحجزت لي بصالون بسوي نيو لوك وحددت لي جدول رياضي وغذائي وبشتري لي قطع ملابس جديدة عشان ارجع له بنفسية حلوة ..

بس خرب كل التخطيط ..

رد: كيف أتصرف مع زعل زوجي بدون سبب ؟
 

حبيبتي استانسي بوقتك مع اهلك
صدقيني الرجال يوم يسافر بدونك يستانس
ويغير جو وينسى جو التوتر اللي كان بينكم

ما اقول لك حطيه وراك ولا تدرين عنه
لالا ارسليله في الواتساب مره وحده
كيفك؟؟ او طمني عنك؟؟
رد حلو مارد خلاص اتركيه بكيفه..
واستمتعي مع اهلك مافي شي اسمه اهو يبي معاك بس مايبي يفرض نفسه عليك ومدري شنو..!!
الرجال اذا بيروح معاك بيقول لك بنروح مع بعض
واذا مايبيك تروحين بيقول لك لا الحين مالها داعي تروحين تونا من اسبوعين رادين خليها وقت ثاني

ماقالك روحي الا انه عادي يبيك تروحين

مثل ماقلت لك في اليوم ارسليله مره وحده وشوفي وانسي الجوال..

رد: كيف أتصرف مع زعل زوجي بدون سبب ؟
 

غادة يعني انتي رايحه بيت اهلك اتغيري جو ليه كل شوي اتكلمينه وترسلي له الله يهديك عطيه وقت يشتاق لك حتى لو ماسأل اغلب
الأزواج كذا ..اهم شي انتي غيري جو واستانسي بوقتك وحتى اذا كلمك كلميه عاادي ولا كأنك اتشوفي زعله ..انتي متأكدة انك ماعملتي شي يزعله صح؟ اجل خلاص خليه يرضى من نفسه وصدقيني بس ترجعي بيتك بتشوفيه يعاملك مثل أول .

رد: كيف أتصرف مع زعل زوجي بدون سبب ؟
 

كما سبقني الاعضاء الكرام ...

لم يكن يرغب بسفرك حينها ، فأَذِنَ لك دون رغبة منه أملا منك ان تفهميه و تستشعري انزعاجه و رفضه !!

تجاوزت الأمر نفسهُ بأن استجيب للغةِ وجهه و عينيه ، لأجد في ذلك راحتنا معا و الحمد لله ...
عموما ، ستجنين خيرا ان كنت عند رغبته ، حتى و إن لم يصرح لك بها ...

رد: كيف أتصرف مع زعل زوجي بدون سبب ؟
 

رد: كيف أتصرف مع زعل زوجي بدون سبب
 

حتى الآن زوجي مستمر بسياسة الزعل .
قبل أمس كلمته ورد علي قال انا بره البيت وسكّر .. توقعت اذا رجع بيعيد المكالمة ، ما اتصل .

و أمس كلمته واتس وسألته عن سبب زعله ، كلمته برسالة جدا جدا رقيقة انا نفسي استغربت رقة اسلوبي 😂
مجمل الرسالة انو اذا ضايقك موضوع سفري فانا اعتذر وانا عارفة اني كثرت زيارات ومن اليوم ورايح انت اللي قرر ، وانو ما احب تزعل مني وانت غالي الخ الخ

رد علي بأسلوب جاف وفعلاً وضّح لي ان زياراتي كثيرة ومايعجبه هالشيء .. وطلب اني اخفف الموضوع ..

ورجعت لاسلوبي الرقيق ورديت عليه بابشر من عيوني ..
كله عشان يرضى ..

لكنه كمل زعل :) صدق صدق فيني كمية غضب مو طبيعية ! ايش سويت انا من مصيبة عشان استحق كد هالزعل ! رايحة وبرضاه !

رحلتي بعد يومين ان شاءالله ، ومو عارفة كيف أقابله ، مو عارفة كيف هو بيقابلني وهل ناوي يكمل الزعل والا كيف النظام !

ياليت احد يتكرم ويشرح لي من منظور زوجي وش الموضوع لأني والله مو فاهمة .

رد: كيف أتصرف مع زعل زوجي بدون سبب مستجد رد20
 

غادة بس تتلاقوا بطيح الحطب
يمكن زوجك ما يعرف يعبر بالقول و يقول كلام حلو مثل اغلب الرجال فما تجاوب معاك بالشكل الي يريحك مو معناته انه زعلان