|
زوجي يرفض السكن عند اهلي مؤقتا
السلام عليكم ورحمة الله وبركاته
انا وزوجي رجعنا بلدنا لظروف واختي فرحها كمان اسبوعين وهي اللي قاعده مع والدتي ووالدي واحنا قاعدين في شقة ايجار وعقدها هيخلص كمان شهر ونص واهلي هيبقو لوحدهم ووالدي بيشتغل طول اليوم من المستشفي للعياده مش فاضي ومامتي هتبقي لوحدها لان اخواتي التانيين مسافرين وانا مش هقدر اسيب مامتي لوحدها طول اليوم مش هستحمل وانا وزوجي بندفع مبلغ كبير في شقتنا الايجار وامي عرضت عليا اننا نروح نقعد معاها في شقتهم ونوفر ايجارنا منها تهتم بيا وزوجي يوفر عشان مشروعه وامي هتبقي مبسوطة اكتر لو روحنا قعدنا معاها وعشان ناجر شقة جديده انا وزوجي اقل حاجة سنة واحنا كمان اربع شهور يا هنرجع السعودية يا زوجي هيعمل مشروعه هنا وهيبقي حوار كبير نقل اللاثاث وانا عايزة اقنعه انه يوافق نقعد مع اهلي الفترة دي لحد حتي اما اختي الكبيرة ترجع من السفر هي مفيش معاد محدد ترجع فيه بس بنحاول نرجعها في اقرب وقت وحتي لو رجعت واحنا عند اهلي الشقة كبيره وهتكفينا وانا اهلي طيبين وهيعاملو زوجي احسن معاملة المشكلة ان العلاقة بينهم مش كويسة اووي من بعيد لبعيد بسبب سفرنا وان زوجي انطوائي اما عرضت علي زوجي رفض وقالي مش هبقي مرتاح انتي تقعدي عند اهلك وانا عند اهلي يا ناخد شقة ايجار وانا مش هيناسبني اعيش انا وابني في مكان وزوجي في مكان والمسافة بين اهله واهلي عشر دقايق اقنعه ازاي يوافق يعيش معايا عند اهلي ونوفر الايجار وانه هيبقي مرتاح واهلي مش هيتدخلو في حياتنا وهنعيش كانه بيتنا وهما الضيوف لاني مش هستحمل اسيب امي تقعد يوم لوحدها مش عارفة اقنعه زاي ساعدوني وقولولي رايكم اعمل ايه جزاكم الله كل خير وبارك فيكم (تم تعديل العنوان ليتناسب مع الموضوع) |
رد: ازاي أأثر علي زوجي واقنعه
علاقة زوجك بأهلك هي سيد الموقف هنا،
ودامها مو كويسة وأقرب الى الرسمية ، أحترمي رفضه اذا زوجك ما يفضّل الانتقال فلا أنصح بالضغط عليه او ايجاد حلول لايقناعة هو مرتاح كذا . ولا شكى من ناحية المادة وتقديرك لهالشي حلو بس خليه على راحته ودام المسافة مو بعيدة تقدرين تمرينها بشكل يومي او كل يومين ، |
رد: ازاي أأثر علي زوجي واقنعه
مرحباً أختي
سنفكر معك إن شاء الله بعدة حلول وسنبدء بها إذا كانت شقة والديك واسعة ويمكن تقسيمها ولو غرفتين منفصلة أو غرفة منفصلة ( المهم باب مستقل للدخول والخروج ) ويمكن عمل ذلك بوضع أبلكاش عن طريق النجار ثم يدهن بالبوية بشكل جمالي أو جبس أند بورد وربما سيكلفك الفصل بعض المال ولكن ليس مهم فهو سيكون لمرة واحدة فقط ولن يكلف كثيراً .. ويمكنك أن تشرحي لوالدتك أنك ترغبي بالبقاء معهم ولكن زوجك يستحي ولذلك ترغبي بالفصل وحتى لو أستدعى الأمر أن تستلفي من أهلك مبلغ الفصل .. وعندها يمكنك أن تقنعي زوجك بأنكم منفصلين عن أهلك مع مراعاتك لهم إذا لم تعجبك الفكرة لعلنا نفكر بشئ آخر |
رد: زوجي يرفض السكن عند اهلي مؤقتا
طيب اختارو حل يرضي الطرفين مثل انكم تستأجرو شقه تكون جنب امك علشان تروحي لها متى مابغيتي وتطمني عليها ويحس زوجك بالاستقلال زي ما يبي
|
رد: زوجي يرفض السكن عند اهلي مؤقتا
انا من رأيي ان تحترمي رغبة زوجك ولا تضغطي عليه فأكرام النفس هواها
|
رد: زوجي يرفض السكن عند اهلي مؤقتا
مافية رجل يقبل ان يعيش عند اهل زوجتة حتى مؤقتا
|
رد: زوجي يرفض السكن عند اهلي مؤقتا
اقتباس:
|
رد: زوجي يرفض السكن عند اهلي مؤقتا
طيب ليه اغلبكم اتفق ان صعب الراجل يعيش في ببت اهل زوجته ليه الناس مش بسيطة زي زمان وتقبل باوضاع مؤقتة لظروف معينة وليه مش يضحي في سبيل ان زوجته تبر اهلها والله كان بابا يسافر لوالده امي لوحده يزورها في بلد تانية وكان يجي معانا نقعد فتره الاجازه وكل العيلة كانت كده لكن للاسف اهل زوجي بعاد اوووي عن بعض محدش فيهم يعرف بعض حتي الاخوات بيشوفو بعض في الاعياد ساعه
لكن كلها وجهات نظر وتحترم وكل واحد بيعمل اللي يريحه بعيد عن غضب الله |
رد: زوجي يرفض السكن عند اهلي مؤقتا
اقتباس:
|
رد: ازاي أأثر علي زوجي واقنعه
اقتباس:
ربنا يباركلك في افكارك وكلامك الجميل بجد انت ونعم الاخ جزاك الله كل خير ربنا يسعدك دنيا واخره وهستني افكارك وافكار باقي الاعضاء ربنا يعمل اللي فيه الخير |
رد: زوجي يرفض السكن عند اهلي مؤقتا
مرحباً أختي
طيب طالما فيه أمل أن يقتنع بس المشكلة في المطبخ وخجله إنه يتحكم في بيت أهلك فحلها.. بوتجاز صغير أبو عين وشوية بن وشاي وسكر وبيض وغيره من الحاجات البسيطة جداً تضعينها في زاوية من المكان الذي سوف تفصلوه عن الشقة.. أما الطبخ الجامد فتقولي له سوف أطبخ في مطبخ أمي وحتلاقي الأكل جاهز أما خجله من أهلك.. فقولي له.. إنت ملكش دعوة أنا كلمتهم وهم مبسوطين وإحنا مش عنقعد عندهم سنين.. دول بس كم شهر.. وبعد كده ياإما هددنا الفاصل ورجعت الشقة زي ماكانت.. أو تركناها لأي حد حيجي من أخواتي وياليت لو تستأذني في الأول من أهلك بالفكرة.. فإن وافقو.. فأخبري والدتك إن زوجك مستحي وياليت أمك تقوله تعال ولا تستحي إنت زي إبني بالضبط وحكون مبسوطة . بالنسبة لفكرة أخرى ممكن تقولي له.. أنا حأقضي يومين معاك في بيت أهلك ويومين حأقضيهم لوحدي في بيت أهلي.. وهكذا حتى تنقضي بقية الشهور مع إمكانية اليومين إللي حتكون في بيت أهله أن تذهبي ولو ساعتين تطمني على أمك وترجعي خصوصاً وأن المسافة مش كثير.. لحد ما أختك الكبيرة توصل بالسلامة . بارك الله فيك |
رد: زوجي يرفض السكن عند اهلي مؤقتا
اللسلام عليكم
شخصيا انا ضد هذه الفكرة ما تصلح اختي انت وزوجك في بيت ووالديك بالغرفة اقدامك ان شاء الله فهمتي قصدي واي رجل عند مروءة ما يقبل هذا الامر خليه يستاجر بماله وبكرامته احسن والله يعوضه وما هي الا فترة وتعدي ان شاء الله انا ماما وبابا ساكنين لوحدهم وانا مستاجرة وبثمن غالي لكن يستحيل اقبل بفكرة مثل هيك ممكن سؤال زوجك قابل انك تروحي لعند امك يوميا؟ صراحة استغربت هذه النقطة وكم لكم متزوجين؟ |
رد: زوجي يرفض السكن عند اهلي مؤقتا
اقتباس:
براحتك اختي اسالي اي سؤال انتي عايزاه انا هنا بدور علي حل ومن حقكم عشان تعرفو تقولولي حل تعرفو حاجات كتير تساعد في الموضوع وانا علي استعداد للاجابة علي اي سؤال بالنسبه للفكره انا فاهمة قصدك بس الشقه كبيره ومامتي هتبقي لوحدها طول اليوم بابا مش بيقعد في البيت بينزل الصبح يرجع يتغدا وينزل يروح العياده ويرجع يتعشي وينام والشقة ٣ غرف واتنين حمام وفي غرفة جمب حمام فيهم وبعيده عن باقي الغرف وهي ذي اللي هنقعد فيها وغير كده مامتي عادية جدا مفيش تكلفة في اي حاجة ولا اي تصرف ودايما قاعده في غرفتها لوحدها يعني الشقة هتبقي فاضية لينا وزوجي هيبقي مشغول ومش هيبقي في البيت كتير وامي مش متعوده انها تبقي لوحدها احنا بنخاف عليها نسيبها لوحدها واخواتي ظروفهم مانعاهم واحده مسافره بعيد والتانيه فرحها بعد اسبوعين واخويا في بلد جمبنا مش هينفع يسيب حياته هناك وزوجته وابنه ولو اختي الكبيره ربنا قدر رجوعها قبل ما مامتي تبقي لوحدها المشكله هتتحل لكن للاسف وضعها صعب وفي بلد محاصره وصعب خروجها ربنا يرجعها لينا في اسرع وقت وانا وزوجي قاعدين في شقتنا كبيره وقاعدين في غرفه واحده بس ومش بنروح غير المطبخ والحمام يعني تقريبا هيبقي نفس الوضع وانا عارفة اهلي هيحسسوه انهم هما اللي ضيوف ومش هو الضيف جزاكي الله كل خير علي اهتمامك وردك عليا |
رد: زوجي يرفض السكن عند اهلي مؤقتا
اقتباس:
مرحبا بك اخي مبدئيا اهلي اللي عرضو عليا فكره اننا نروح ومامتي قالتله واترجته يوافق وانها نفسها في ده وبما انها بتجهز الشقة دي لانها حاليا في شقة ايجار تانية المهم قالتلنا تعالو اختارو معايا السيراميك والدهانات وورق الحائط وكل حاجة عشان تبقي علي مزاجنا احنا لاننا هنقعد معاها وحسسته انه هو صاحب البيت وهو عارف نظامهم وعارف انهم عادي لو عمل ايه ومش هيتدخلو في اي حاجة بس ساعات يقوللي هفكر وساعات يقوللي فكرة مرفوضة تماما وهعرض عليه فكره البوتاجاز في زاوية من المكان وبالنسبة لموضوع اني يؤمين هنا ويومين هنا صعب جدا لان اهله بنتهم ليها مشاكل من زوجها كبيره وكانت هتنفصل عن زوجها وهما بيدورو علي حل زوجي قالهم تسيبه وتيجي تعيش معاكم رفضو وقالو احنا مش هنستحمل ولادها وهي بنتهم يبقي هيستحملوني انا وابني وغير كده مش هتهون عليا امي اروحلها ساعة بس في اليوم وباقي اليوم تقعد بين اربع جدران وهي تعبانة كفايه عليها هم اختي الكبيرة اللي مش عارفة تيجي والله اختي الصغيره بتقولي ساعات اقلق من النوم واروح ابص عليها الاقيها بتبكي لوحدها امشي ومش احسسها اني شوفتها امال لو بقت لوحدها والله هموت من قلقي عليها انتم مش متخيلين هي متعلقه بينا ازاي لدرجة انها بتسيب بابا وبتنام معانا في غرفتنا وهي حساسه اووووووي لو قعدت يومين مش روحتلها تزعل وتقوللي امال لو سافرتي هتعملي ايه وعندها سكر وضغط يااااارب نلاقي حل بارك الله فيك اخي شكرا وجزاك الله كل خير واسفة لو تعباك معايا |
رد: زوجي يرفض السكن عند اهلي مؤقتا
أشوف أفضل حل هو اللي قاله الرسمي إن شاءالله يوافق ويريح بالك
|
رد: زوجي يرفض السكن عند اهلي مؤقتا
اختي رغم كل شيء انت ادرى بظروفك والشيء اللي يناسبك
اذا كان زوجك تقبل الامر والظاهر انه عاجبته الفكرة لكن كرامته وحياؤه منعته من الاقبول مع قليل من الاصرار ان شاء الله راح يقتنع وفكرة الرسمي فكرة جيدة هكذا تحافظي على خصوصيتك مع زوجك وتكوني جنب امك نصيحة اتخذي قرار بعقلك لا بقلبك وزيدي استخيري الامر حساس كثير اذا خربت العلاقة بين زوجك واهلك صعب يتصلح الامر وانت راح تكوني بين نارين واحذري اختي المن باي طريقة كانت لانه الرجل اذا فقد كرامته امام زوجته واهلها صعب ينجبر وراح يحقد عليك طول عمره اجلسي بينك وبين نفسك وادرسي جميع ابعاد ونتائج قرارك والله ييسر لك ما فيه الخير |
رد: زوجي يرفض السكن عند اهلي مؤقتا
اقتباس:
اما بالنسبه للمن انا لو حصل ايه لو عدو ليا لايمكن امن عليه باي حاجة ولا اقوله اني حتي استحملت اي حاجة انا بنسحب في الخلافات وبعيش مع نفسي وزوجي لو مش عارف كده كان مفكرش ثانية واحده لان كرامته بالدنيا ومافيها لو هيموت يحافظ علي كرامته وبرده هدرس الموضوع اكتر وشكرا اختي لدعائك واهتمامك وجزاكي الله كل خير |
رد: زوجي يرفض السكن عند اهلي مؤقتا
السلام عليكم حبيبتى زوجك قد حسم أمره و انتهى الأمر ... وحقيقة هو معه كل الحق هل أمك مقعدة ( بمعنى غير قادرة على الحركة أو خدمة نفسها) ما فهمته من كلامك أنها بصحة جيدة و ليست مقعدة و الحمد لله رب العالمين أدام الله عليها نعمتى الصحة و العافية فى البدن و الدين متعمليش مشكلة من لا شىء .. ومتحاوليش تقنعيه .. الموضوع ممكن يتحل من جانب والدتك بمعنى أنت تروحى لها يومين فى الأسبوع و هى تجيلك يوم كنوع من تغيير الجو أقدر جدا رحمتك بوالدتك وخوفك عليها .... ولكن حدوث مشكلة بينك و بين زوجك سيزيد ألمها أضعافا و خاصة لو عرفت أنها هى سبب المشكلة استعينى بالله و استخيرى و اسمعى كلام زوجك الله يبارك لك. |
رد: ازاي أأثر علي زوجي واقنعه
اقتباس:
ما لقيتم شقه في نفس العماره اللي فيها اهلك؟ |
رد: زوجي يرفض السكن عند اهلي مؤقتا
اقتباس:
هعمل بنصيحتك ان شاء الله واستخير اكتر من مرة واحاول ادور علي حلول اخري شكرا لك اختي علي اهتمامك وردك عليا جزاك الله كل خير ربنا يباركلك في اولادك وحياتك كلها |
رد: ازاي أأثر علي زوجي واقنعه
اقتباس:
جزاك الله كل خير علي ردك |
رد: زوجي يرفض السكن عند اهلي مؤقتا
زوجي غالبا ممكن يوافق قالي يومين بالكتير واقولك القرار النهائي ادعولي يوافق ربنا يسعدكم جميعا
|
| الساعة الآن 09:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©