|
لم اعد متحمس للزواج
الحمدالله تخرجت قبل عشرين يوم واتقبلت بوظيفة براتب 9 الاف ايش رايكم
انا كذا جاهز ولا انتظر اكثر كمان فعليا رغبتي بالزواج قلت عن قبل اول كنت متحمس الان مالي رغبة قوية (تم تعديل العنوان ليتناسب مع المضمون) |
رد: لم اعد متحمس للزواج
ماشاءالله اش وظيفتك اخوي ؟عشان في شخص مقرب ارغب له بوظيفه وهو حديث التخرج ..
اتمنى افادتي جعله الله بميزان حسناتك.. بالنسبه للزواج لاتستعجل واحسن الاختيار |
رد: لم اعد متحمس للزواج
اقتباس:
|
رد: لم اعد متحمس للزواج
اقتباس:
على الأقل تجمع فلوس |
رد: لم اعد متحمس للزواج
ممكن نعرف الاسباب
الي خلتك ما انت متحمس للقفص لذهبي؟ |
رد: لم اعد متحمس للزواج
غير نظرتك للزواج انظر للزواج نظره اخرى انه مشاركه في الحياة
|
رد: لم اعد متحمس للزواج
طيب دامك مو متحمس ملناش في الموضوع نظر
بصراحة لأَنِّي لا انصحك بالزواج الان تعتقد انك أصبحت ملك براتب 9 آلاف جمع المهر والمبالغ اللازمة لفتح بيت بلاش قروض ، وتعب من البداية بعدما تستقر بوضيفتك ، وتجمع لك كم فلس تزوج |
رد: لم اعد متحمس للزواج
نصيحة لا تفكر في الزواج الحين خليه سنه كذا
اول شئ نفس عن نفسك واجمع مهرك وجهز بيتك وارتاح شوي بعدين فكر بالزوجة اخوي ادوشنا ابي اتزوج ابي اتزوج وهو دوبه تخرج وتوظف راتبه قريب جدا من راتبك واطرينا نزوجه والحين يتمنى لو هو اجل الموضوع سنه او اثنين تعب من المسؤولية بالذات ان ربي اكرمه وجاه طفل ما شاء الله حس انه ما تمتع براتبه ولا اخذ كل ما في نفسه الله يعين |
رد: لم اعد متحمس للزواج
دامك مو متحمس عادي لكن لازم تجمع حتى لو قررت تتزوج تكون المادية متوفرة
و الديون اقل . احس سبب اختفاء الحماس هو المشاكل بالمنتدى .. و الا مالها علاقة ؟ |
رد: لم اعد متحمس للزواج
لا تتزوج لين تحس انك ترغب فعلا بالزواج
|
رد: لم اعد متحمس للزواج
مبروك الوظيفة أخي
وطالما أنت تقراء مشاكل المتزوجين هنا في المنتدى بالتأكيد لن يكون لديك رغبة بالزواج انصحك بالزواج لكن حاول ان لا تدخل القفص الذهبي بديون وذلك بالتجميع من الآن والله يوفقك مهندسنا العزيز ghg |
رد: لم اعد متحمس للزواج
مش لازم تكون متحمس قد ما تكون مستعد للزواج
|
رد: لم اعد متحمس للزواج
الله يكتب لك مافي الخير يارب
والله انت سويت زي اخويا الكبير مابدو يتزوج مو متحمس من كتر ما انا دايما بمشاكل مع زوجي 😢 لكن الحمدلله انتهى كل شي بيننا نصيحتي ليك مو كل المتزوجين حالتهم صعبه ومشاكل وصراعات مستمرة بالعكس انت ادعي الله والله يرزقك بنت الحلال في الوقت المناسب |
رد: لم اعد متحمس للزواج
السلام عليكم
سبب قلت حماسي مو بسبب قلق من زوجة المستقبل لا بالعكس انا في هذا الموضوع متفائل لكن اشوف ان الزواج خسارة للمال والوقت في حين اقدر استغل هذا المال والوقت في امور افضل واشتغل على نفسي اكثر واضل عزابي ما اشيل مسؤولية وانجح في حياتي |
رد: لم اعد متحمس للزواج
اقتباس:
سير علينا في موضوعي (انا وزوجتي والشغالة) عشان تكسب خبرة وتستفيد هههههه |
رد: لم اعد متحمس للزواج
الله يوفقك ويرزقك الزوجة الصالحة
نصيحتي ما دام مالك حماس دحين خلك بدون زواج سنة وسنتين لين تجمع وتتمتع بفلوسك وتبني بيت على مزاجك وتختار زوجة على مزاجك وتدخل الحياة الزوجية وانت مستقر ماديا واستمتعت كم يوم بدون زوجه ومسؤليات |
رد: لم اعد متحمس للزواج
اقتباس:
وكمان ماتفضلها موظفة علشان كذا تورطت... عموما حلو الي يفكر ويحسب حساب لخطواته |
رد: لم اعد متحمس للزواج
زين ما سويت
لاحق على الهم |
رد: لم اعد متحمس للزواج
اقتباس:
اخوي تخرج من الجامعه كان متحمس للزواج وتوظف وظيفه راتبها مقارب لراتبك. وبعدها صار يقول نفس الكلام اللي تقوله بالضبط كل ماقلت له ليش ماتتزوج يقول ابي استغل راتبي واسوي مشاريع واهتم في مستقبلي واطور من نفسي الحين هو متوظف له سبع سنوات دخل الثلاثين سنه ولا بعد تزوج صحيح دخل كم مشروع لكن كلها ماتسوى التعب والعمر اللي ضيعه يعني يخسر من هنا يربح من هنا لكن الترقيات اللي تجيه من الدوام افضل من المشاريع اللي دخلها كل اصدقائه تزوجوا وكل واحد انشغل بعائلته وصار اغلب الوقت فاضي تعود على انه يأجل فكرة الزواج ماحس على نفسه الا يوم قلت له اني قررت اخطب واملك لين اتخرج واحصل وظيفه وبعدها اتزوج. لاني اصغر منه بعمر كبير والحين هو بيتزوج ان شاء الله بكل صراحه شفت هذا الشيء حتى عند ربعي واحد منهم ضابط من عشر سنوات تقريباً وكل فتره يجمع له مبلغ ويدخل مشروع ويفشل وعلى هالموال والحين بدا يشوف اغلب اللي بعمره تزوجوا وهو باقي على مشاريعه والثاني دكتور راتبه الحين فوق العشرين ماشاء الله كل فتره يأجل الزواج يقول علشان اكمل دراستي وليومك ماكمل دراسته لانه ينشغل الزواج ماراح يعطلك عن مشاريعك بالعكس فيه الخير والبركه صحيح اقول لك لا تستعجل بحيث ماتتدين او تكون متعجل يعني خل اهلك يدورون لك بنت الحلال بكل راحتهم وبعدها اذا جاء وقت الملكه بيكون معك مبلغ مالي مجمعه وعلى مايجي الزواج الا وانت مجمع لك مبلغ زياده يكفيك. لا قروض ولا مسؤليات. بعدها افتح لك حساب تجمع فيه الزايد من راتبك كل شهر وحاول انك تكون مرتب امورك وتعرف مسؤلياتك. ماتكون مسرف ولا تكون بخيل. لو تجمع لك كل شهر ٢٠٠٠ ريال كل سنه بيكون عندك ٢٤ الف ريال. المبلغ هذا يكون ماتحتاجه نهائياً لانك ماتسدد قروض ولا شي فقط التزاماتك. مثل اجار شقه فواتير مقاضي وطلعات وسفره بين فتره وفتره. لا تنسى الزياده السنويه. اذا رتبت امورك على راتبك ماشاء الله صدقني سواء بتدخل مشروع او تشتري سياره جديده وانت متزوج بيكفيك الراتب وانت مستانس. اهم شي تكون عارف كيف ترتب امورك ولا تخلي الطمع سبب بتأجيل الزواج اذا عندك اسباب ثانيه وتحس انك مو قد المسؤليه ايه اقول لك اجل الزواج لكن غير كذا لا بيروح عمرك وانت تلاحق ورا الفلوس |
رد: لم اعد متحمس للزواج
اللي يروح السوق وهو مطفر كل شي يشوفه يعجبه
بعكس من راح وجيبه مليان مايعجبه شي ويستخسر يضيع قروشه وهذا حالك لما ماكان عندك كنت متحمس ولما صار بإمكانك راح الحماس اعطي نفسك فرصه ولم القرش ع القرش وجهز كل شي تحتاجه على مهل مهلك عشان لايروح راتبك بعد الزواج تقاسيط بارك الله لك في وظيفتك ومالك ورزقك الزوجه اللي تعينك على أمر دينك ودنياك وآخرتك اللهم آمين |
| الساعة الآن 02:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©