طلبت مهلة أسبوعين وبعدها أذهب لاهلي بلا عودة.
 

السلام عليكم ورحمة الله وبركاته

أتمنى كل من يمر على موضوعي أن يدعو لي .. فالحال تأزم مؤخرا بيني وبين من كنت أعتقد أنه رفيق دربي وسندي في هذه الدنيا .. بيني وبين الشخص الذي أحبيته من كل قلبي زوجي العزيز .. اتفقنا على مهلة أسبوعين ريثما ينتهي دوامي وأذهب إلى أهلي وأبحث عن وسيلة مواصلات مناسبة إلى وظيفتي في إجازة الاسبوع اللي ستكون بعد هذين الاسبوعين .. وبعدها يتم الانفصال بيننا .. دعواتكم



تم تعديل العنوان ليتناسب مع المضمون

(مستجدات الرد110)
http://66n.com/forums/showpost.php?p...ount=110<br />

(مستجدات الرد173)


http://66n.com/forums/showpost.php?p...&postcount=173

(مستجدات الرد185)

http://66n.com/forums/showpost.php?p...&postcount=185

(مستجدات الرد257)

http://66n.com/forums/showpost.php?p...ount=257<br />

(حلت الرد426)



http://66n.com/forums/showpost.php?p...&postcount=426

رد: المهلة أسبوعين وبعدها ينتهي كل شيء
 

الله يعينك وتتيسر اموركم ويبعد عنكم الطلاق ان كان فيه شر
ايش السبب فجأة كذا
اكيد في شيء
شاركينا يمكن نساعدك

رد: المهلة أسبوعين وبعدها ينتهي كل شيء
 

الله يصلح حالكم
بس كذا فجاة قررتوا

رد: المهلة أسبوعين وبعدها ينتهي كل شيء
 

خير !!!! و ماسبب كل هذه الخطة ؟؟؟

رد: المهلة أسبوعين وبعدها ينتهي كل شيء
 

الله المستعان
ربي يصلح حالكم و يردكم لبعض ردا جميل
هذا قرارك او قراره ?

رد: المهلة أسبوعين وبعدها ينتهي كل شيء
 

السبب تافه بس بسببه طلع كل اللي في خاطره ..

رجعت من الدوام تعبانة .. طبعا هو ماعنده دوام هالاسبوعين .. رجعت البيت هلكانة والله من الدوام .. المهم وأنا داخلة غرفة النوم شفته يأكل وحاط صحن كبير تحت الاكل فقلت له والله العظيم من حسن نية وماقصدت شيء قلت له ليش ماحطيت سفرة تحت الاكل بدل الصحن قال ليش وش فيه الصحن قلت عشان مااضطر اغسله بعدين قام زعل وقالي لاتغسليه خليه .. وأنا والله قلت هالكلام ماقصدت شيء .. المهم دخلت الغرفة .. وهو شوي وطلع والا مرسلي رسالة على الواتس يقول (الصحن تركته لك بالمطبخ من شان تشوفين اذا يبغا له غسيل من شان اذا جيت اغسله وشوفي وش تبغين عشا من شان اجيب الاغراض واسوي لك العشا) صدمني بكلامه والله .. قلت له (جزاك الله خير .. حتى الكلام ماعاد أقدر أقول شيء وماعاد تتحمل مني شيء لأني ماعاد أسوى شيء ..هذي حياة المشاركة اللي دايم تتغنى فيها .. على العموم أنا الغلطانة وأستاهل أكثر.. وعمري ماراح أنتظر منك شيء) وهو فعلا ماعاد يطيق مني ولا كلمة وعلطول يفسر كلامي خطأ وأنا والله اتكلم بحسن نية .. قام يقول أنا والله اللي دلعتك وأنتي ماتستاهلين وأصلا أنا بدور لي واحدة تهتم فيني وتقدرني وانتي اصلا مافي شيء فيك يجذبني وانتي عندك انفصام في الشخصية وماعندك عقل وأنتي ماحملتي وانا لو ماني عاقل كان طلقتك من زمان... قلت خلاص أصبر علي هالاسبوعين عشان دوامي وبعدين اروح لاهلي وورقتي توصلني .. وانا اصلا اللي غلطانة ولا المفروض الانفصال يكون من أول زواجنا .. ولكن ماأقول الا حسبنا الله ونعم الوكيل

رد: المهلة أسبوعين وبعدها ينتهي كل شيء
 

السبب كل من الوظيفة اتركي وظيفتك وانشغل في زوجك وشوفي كيف تصفى حياتك

رد: المهلة أسبوعين وبعدها ينتهي كل شيء
 

هو تزوجني لاني موظفة .. عشان اشيله لحد ماوقف على رجوله وخلاص انتهى دوري هنا .. لكن الله مايضيع أحد..

رد: المهلة أسبوعين وبعدها ينتهي كل شيء
 

انا الا اعرف انك ما تساعديه ابدا وكنت تبكي اذا طلب مساعدتك
طيب انت ليش ما تحاولي تصلحي الوضع كبريائك يوقف عائق بينك وبين سعادتك
حاولي تتصالحي معاه وخذي اجازة اسبوعين جدد حياتكم سوى
وبطلي تضايقي من شغل البيت كلكم اثنين ايش بتسوي الا عندها عيال

رد: المهلة أسبوعين وبعدها ينتهي كل شيء
 

أنا ماتضايقت من شغل البيت .. والله ماكان هذا قصدي بس قلت له كذا من باب الكلام العادي..

على فكرة تونا راجعين أمس من سفرة لاهله وعشانه غبت عن دوامي عشان ارضيه وأكون معه لكن للاسف اللي مثله مايقدر..

رد: المهلة أسبوعين وبعدها ينتهي كل شيء
 

الله يفرج همك عزيزتي هو حكي هيك بحالة غضب بس يهدأ رح يتراجع عن كلامه
الله يسر امركن ويبدل حياتكن الى الافضل ويرزقكن راحة البال والسعادة من حيث لا تحتسبون

احترامي

رد: المهلة أسبوعين وبعدها ينتهي كل شيء
 

غلطان .. أنا نسيت عمري عشانه .. سكت عن وضعه ومرضه بأول زواجنا عشانه واخرتها يقول انتي سكتي عشان قلتي شيء أحسن من لا شيء وخفتي يفوتك القطار فصبرتي علي .. سبحان الله يعني هذي جزاتي..

تدورون إني حارمه نفسي من المشاغل والاسواق عشان نوفر ونبني حياتنا وهو بالاخير يقول ماتهتمين بنفسك .. بس فعلا هو صادق لاني حرمت نفسي ماسويت مثل باقي الزوجات من مشغل لمشغل ومن سوق لسوق متدلعة براتبها الرجال دبر عمره ولا عساه مادبر ..

رد: المهلة أسبوعين وبعدها ينتهي كل شيء
 

جزاك الله خير .. بس مااعتقد انه قال هالكلام بدون قصد ..

رد: المهلة أسبوعين وبعدها ينتهي كل شيء
 

بس صدقيني ما راح يطلقك هو قال الكلام في لحظت غضب

رد: المهلة أسبوعين وبعدها ينتهي كل شيء
 

ماعاد تفرق معي .. بالعكس انا اللي ماأبي اتفاهم معه خلاص تعبت من أسلوبه وتعامله معي..

رد: المهلة أسبوعين وبعدها ينتهي كل شيء
 

الحين انتي ليش تسعين في الطلاق
و انتي من وضعتيه اول الحلول ؟

+
ليش ما تشوفين نفسك لو مرة وحدة غلطانة ؟
اسلوبك يا اختي الكريمة استفزازي و حساسيتك المفرطة و سوء ظنك


سواء استمرت حياتكم او انتهت
لازم توقفين وقفة جادة مع نفسك
لا تستمرين بهالشخصية
أول خطوة لعلاج مشاكلنا "هي الإعتراف بوجودها أصلاً"

و انا اتوقع فعلاً انه كلامه مجرد تهديد فقط ..
و أتمنى لكم الإصلاح : ما بيني و بينك شي و لا اعرفك
بس شخصيتك جداً متعبة و مستفزة
وحتى أحكامك في علاقتكم قوية "مابي منك شي ، و آخر يوم بعمري أطلب منك"
ليش كل هالدراما على موقف عادي يصير بين اي اثنين ؟

احس عندك مهارة في تصعيد المواقف !
الله يهديك و يصلحك و ان شاء الله تقتنعين و تنتبهين لنفسك
سواء من خلال ردي أو من خلال الحياة عموماً ..

رد: المهلة أسبوعين وبعدها ينتهي كل شيء
 

والله ياقلبي هو بيضارب دبانة وجهه عشنو فااااضي واجازة وعاد تعرفي لمن رجالنا يكونو فاضيين كيف
يضاربو دبانة وجههم
ما الومك والله
انا زوجي لمن اخد اجازة شهر وربي طلع عيني من المشااااكل واسباااب تافههه ججججداً
وكم مرة يقول لي روحي لاهلك ماعاد ابغاكي وكانت تكبر المشاكل
بسبب ((( الفضاااوة )))
لكن لمن يرجع لطبيعة عمله وشغله راح ترجع ان شاءالله حياتكم طبيعية واحسن من قبل
صدقيني يا اختي والله المشاكل تافهه جداً وماتستدعي لطلاق
هيا مجرد تراكمات فقط لا غير

رد: المهلة أسبوعين وبعدها ينتهي كل شيء
 

احبه ..شخصيتك قريبة لشخصيتي
اتمنى ان تستفيدي من اراء الاعضاء لهم الفضل بعد الله في تحسني..

انا مثلك او بالاحرى كنت مثلك وما استفدت شي غيير النكد والبكاء والمرض..
والله اني نادمة على شخصيتي الاولى وكيف كنت جاهلة باحتواء المواقف وايام الزعل الطويلة اللي ضاعت بسبب كبريائي اللي مو بمحلو ..

الحمد لله الذي ايقظني قبل ان استمر في حياة الضياع اللي حطيت فيها نفسي وزوجي..
احبه..مو قلتي انه اول حب حياتك فليه عند اول مشكل تضعين خيار الطلاق امامك
اين هو تمسكك بحبك وحياتك ..!
لا تدعي عزة نفسك تخرب حياتك ولا توظفيها في اوقات غلط..

تقولين نيتك كانت طيبة لكن هل وصلتيها له بطريقة يصدق بها نواياك!

الغالب ان اسلوبك كان غير مناسب مع ان نيتك صافية

راجعي بانصاف ماذا قلتي له وكيف تصرفتي وستجدين تمة امر ازعجه
وفي حال تاكدتي من برائتك فايضا لايستاهل تصممين على الطلاق
لا تخللين كبريائك يقودك بل عقلك
وفقك الله

رد: المهلة أسبوعين وبعدها ينتهي كل شيء
 

خلال الاسبوعين القادمين شناوية عليه ؟
بمعنى آخر .. كيف بتقضين هالاسبوعين معاه ؟

رد: المهلة أسبوعين وبعدها ينتهي كل شيء
 

كلكم كبرتوا الموضوع
المفروض من قال لك بغسله
قلتي مو شي مهم انا بقوم اغسله
او اي كلام لطيف
لكن هو يشد وانتي تشدي
وطلاق
ماهي حياه

رد: المهلة أسبوعين وبعدها ينتهي كل شيء
 

انا ارى انك لم تخطيء معه هذا المرة و لكن ربما ما لديه تراكمات منك
اتخذي موقف محياد لا تظهري تمسك قوي به و لا ترحبي بالطلاق في نفس الوقت
عموما انا ارى انك دائما ترددين لم يقدر ما فعلت له بينما انت تقولين احبه و من يحب يقدم من دون ان ينتظر مقابل و هذا ربما ما يجعله ينفر منك سواء اكنت تصرحين بذلك او من خلال تعاملك معه

رد: المهلة أسبوعين وبعدها ينتهي كل شيء
 

هذا المفروض ياحبيبتي لأنك أنتي

الأنثى وهو الرجل ليه تاخذين دوره ؟

هو المسؤول عن الصرف عنده وإلا

ماعنده هذي مشكلته . راتبك لك

إستمتعي فيه تسوقي إلبسي

أحسن لبس والباقي وفريه لك .

لا تنتظرين الحب والدلع من

أحد أنتي حبي نفسك ودلعيها .

رد: زوجي اعطاني مهله اسبوعين بعدها يطلقني
 

الله يصلح مابينكم عزيزتي المشكله لاتستدعي الطلاق أبداً يمكن زوجك إنفعل بسبب تراكمات في نفسه جربي تضغطين على نفسك وتسوين محاوله أخيرة لإصلاح مابينكم البسي وتزيني وإستقبليه بود وقوليله خلينا ننسى الكلام اللي قلناه لبعض عشان الحب اللي بينا وإجلسوا جلسة رايقه واتفقوا ان كل واحد فيكم يكتب سلبيات الثاني في ورقه ك نوع من التفريغ ورغبه في الاصلاح بعدين تبادلوا الاوراق وتناقشوا بهدوء حول السلبيات يمكن أحياناً كثيرة الكبت يولد الانفجار من ابسط المواقف عشان كذا حاولي تشوفين ايش اللي منفره منك؟ أسلوبك ف الكلام او عدم تغافلك ع بعض الأمور أو عاطفيتك ؟بعدين حولوا واكتبوا الإيجابيات وباذن الله معاها راح تسترجعون مواقف جميله بينكم

رد: زوجي اعطاني مهله اسبوعين بعدها يطلقني
 

ردودك شوي حادة ..لازم يااحبه تردي عليه في كل شي ..خذي لحظات صمت ..في مواقف زي كذا عشان تعدي ..يني حلوة كذاكلمه منك كلمة منة وتفرحو الشيطان عليكم،.يعني لو بررتي وقلتي له بحسن نيه موقصدي زي مابررتيلنا مو احسن من كلمة ماراح اطلب منك ومدري ايش.شوفي انا صار لي موقف بسيط مشابه تقريبا .عملت لزوجي ولي بكوب ورقي شاي لاني كنت توني غسلت وشطبت في المطبخ وتعبانه حسيته ماعجبه😄وقالي اعمليه بكوب عادي وانا اغسله هههه قلت ظنيتك عادي عندك خلاص ماعاد اسويلك فيه باسويلك بزجاجي وانا اغسله ههههه وش دعوة ..وبصراحة حسبت باحراج 😂 وما صعدت الموقف ولا عطيته ردود منرفزة ..لانه تافه الموضوع ..في المواقف كبري عقلك وخلي السفينة تمشي لا تحاولي تغرقيها زيادة الفترة هذي مالك الا الدعاء والاستغفار ..ودعاء الهم والحزن قوليه ومالك غير تفرج باذن الله..استعيني على زعل زوجك بالله وحاولي تتحركشي فيه من فترة للثانية

رد: المهلة أسبوعين وبعدها ينتهي كل شيء
 

مع هذا الرد بكامل تفاصيلة
واضيف دئما في مواضيعك تاخذين دور الضحية
والمظلومة صفة يكرهها اي زوج..لم تغيري من
نفسك ..اتوقع لو كنتي عند زوج غيرة كان الطلاق
حاصل من السنة الاولي لان الرجل لا يعيش بنكد
اذا تريدين ان تحافظي على حياتك الزوجية ابدى
رحلة التغيري من الان حسني صورتك عندة
انا اتكلم لاني اطلعت على كل مواضيع
لديك حساسية مفرطة وضنون تخالف الواقع
ومااقول الا عسى ربي يعينة بصبر
ولا يحرمة الاجر

رد: زوجي اعطاني مهله اسبوعين بعدها يطلقني
 

أتمنى ماتعدل الموضوع .. لأنه أنا اللي طلبت الاسبوعين هذي مو زوجي اللي اعطاني..

بالنسبة للردود سأرد لاحقا .. لي رجعة

رد: زوجي اعطاني مهله اسبوعين بعدها يطلقني
 

لا جديد

كالعادة.. ترمين كلام.. ثم تتزاعلون.. ثم تتعب نفسيتك.. ثم تدورين حل.. ثم ترضخين بالنهاية عشان ترتاحي... وهكذا تستمر الحياة .


أعانك الله

رد: المهلة أسبوعين وبعدها ينتهي كل شيء
 

مع بنت الكرام

و شاطئ الراحة

و الأخ الرسمي

.
.

انت ما تنظري لتقصيرك معاه ، و تعتقدي إنه راتبك و وظيفتك و وقوفك المادي معاه
( كفاية عليه ) ..

هو يبغى زوجة فرفوشة ، مو زوجة تعطيه أوامر و تكلمه كأنه - ولدها - ؟

تكلمتي بدون قصد ، لكن كان ممكن تحليها بشكل أفضل ..

.
.

يعني ما فكرتي في زوجك ، حبيبك ، جالس جوعان لوحده و ياكل لوحده
و بدل ما تقولي له أي كلمة تطيب خاطره ؟

تقومي تفكري في الصحن ؟ و في نفسك ؟

يعني حتى السفرة تبغي يستخدمها .. مو عشانه هو ..
عشان نفسك ..؟؟؟؟

.
.

زوجك معاه الحق إنه يزعل ، و إنت ما تفهميه و ما تعرفي تتعاملي معاه
و بنفسك راح تخربي بيتك

و لا تقولي ما اهتميت بنفسي عشانه و عشان نبني حياتنا ووو إلخ
هذا كلام الافلام الدرامي ، ماحد منعك تحرمي حالك .. و لا ترمي باللوم عليه

ما راح اطبطب عليك و أنا شايفتك تخربي حياتك بنفسك
و للاسف ما تستفيدي من نصايح الأعضاء و العضوات
و كل مرة تخربي بيتك اكثر و اكثر ، لحد ما يضيع زوجك من يدك

رد: زوجي اعطاني مهله اسبوعين بعدها يطلقني
 

أحبه للحين ما تغيرتي
السيناريو اللي كتبه الاخ الرسمي هو سيناريو حياتك بالضبط

واستغرب منك تبيعين بسرعة
يعني يرمي كلمة عتب بسيطة ترمين أكبر منها

بدأت أميل الى أن أن الموضوع ليس خلل في الشخصية او التعامل
أنما وكأنك أصلا لا تحبين زوجك
ولربما مستكثرة نفسك عليه
وموافقتك عليه ورضاك بحاله لازم مقابلها أطنان من المداراة والترضية والتدليع من جهته !

رد: زوجي اعطاني مهله اسبوعين بعدها يطلقني
 

مع الاخ الرسمي
انتي تمشي بحلقه مفرغه

رد: زوجي اعطاني مهله اسبوعين بعدها يطلقني
 

رد: زوجي اعطاني مهله اسبوعين بعدها يطلقني
 

يااختي الحياه الزوجيه مايبغالها حسساسيه يبغالها قلب جامد
ولاتاخذين كل كلمة وتحطينها تحت المجهر
ترى بتتعبين كذا وبيتعب زوجك معك
طنششي على قد ماتقدرين والله بترتاحين

رد: زوجي اعطاني مهله اسبوعين بعدها يطلقني
 

اصلح الله ذات بينكما .... لا تذكري الطلاق على لسانك مطلقا مرة اخرى ... و ان بلغ الخلاف ما بلغ ...

رد: زوجي اعطاني مهله اسبوعين بعدها يطلقني
 

احبه حبيبي...غيري من نفسك حبيبتي عشان تتغير حياتك....والله ماراح يتغير لحد ماتقتنعين انو شخصيتك مو ضابطه معاه...لاتدققي كثير تجاهلي تغابي من الذكاء ان تتغابي...لاتوقفين له على كل شي ..خليكي مرنه اكثر ...كوني ذكيه...اقري كثير عن تطوير الذات..ماراح يطلقك لاتخافين...بس هالفتره بيني له انك شخص مهتم لحياتكم ..اهتمي بتفاصيل بيتك واهتمي بنفسك ودلليها...وبنفس الوقت لاتترجينه او تبكبكين او تظهرين امامه كشخص مكسور ..كوني قويه ومستقله واهتمي بحاجاته وبيته...ولبي رغباته الجسديه...

رد: زوجي اعطاني مهله اسبوعين بعدها يطلقني
 

أشكر كل من رد وجزاكم الله خير .. أنا ماني جاية ادور حل هنا لان لا أنا راح أتغير ولا هو راح يتغير وراح ندور كل حياتنا في حلقة مفرغة .. وأنا خلاص ماعاد لي جلسة معه لانه بايعني ويبي زوجة غيري وكفايه صبر لهالحد .. أصلا زواجنا غلط من البداية لما أشترط تكون زوجته موظفة .. غلط لما صبرت عليه لما لقيته مريض ومايقدر يقوم بواجبه .. لكن صبرت عشان تمشي حياتنا وفي الاخير غلط اللي صار ولازم هالغلط يتصلح..

رد: زوجي اعطاني مهله اسبوعين بعدها يطلقني
 

أنا اللي أبي الطلاق ..

رد: زوجي اعطاني مهله اسبوعين بعدها يطلقني
 

أتمنى ترجعي تقري الكلام زين..ماظلمته ولا اتهمته .. بالعكس هو اللي ظلمني معه وهو عارف أنه مايقدر يقوم بواجبه وفوق كذا تزوج بنت الناس وظلمها .. وفوق كذا صابرة بس هو ماقدر أبد..

رد: زوجي اعطاني مهله اسبوعين بعدها يطلقني
 

ليش يأخذ بظاهر الكلام .. لحد الان مايعرفني .. وليش أنا يطلب مني أتفهم وماأركز على كلامه وأخذه بحسن نيه وهو لا .. عشانه رجل وأنا امرأة لاحول لي ولا قوة وهو اللي مفروض يداري ويدلع ..

رد: المهلة أسبوعين وبعدها ينتهي كل شيء
 

زوج يقول بدور غيرك أقوله لا تكفى بالله بموت عليك .. زوج ينكر كل شيء أتمسك فيه وأتامل فيه .. لا والله زي مو من حقه يدور زوجة غيري يعيش حياته معها يحق لي أنا بعد..

رد: زوجي اعطاني مهله اسبوعين بعدها يطلقني
 

ويمكن عندك شعور بالنقص باي شكل من الاشكال
فتظني زوجك تزوجك من اجل فلوسك وليس لذاتك
فتتصرفي بناء على ان هذا الرجل لا يريد مني سوى الدعم المادي

.

لما دخلتي عليه وهو ياكل ليش اسلوب انسه منشن اللي سويتيه!!
ليش لما شفتيه ياكل لحاله كنه باقي عزوبي
قلتي بكل مرح يا جعله مداخيل العافيه حبيبي
وجلستي معه واكلتي وضحكتي معه على شكله وهو حاط الصحن بدل السفره
بالله يتشابهون الموقفين؟!!!

شوفي اسلوب انسه منشن اش سوى والاسلوب الثاني اش ممكن يسوي!

كان زوجك يضحك وانتي تضحكين ووصلتيله رسالة السفره بكل ادب ومرح
وحتى لو ما وصلت رسالة السفره صحن واحد اكل فيه اللي تقولين حب حياتك
اغسله بعيوني مو بيدي!!
عجايب!!

اعيدي ترتيب شخصيتك " من الداخل "وليس بالاسواق والدلع الخارجي والداخل خراب!