|
مشكلتي مع زوجي واهله(مستجدات الرد41)
السلام عليكم ورحمة الله وبركاته. .
انا طرحت مشكلتي سابقاً. . http://www.66n.com/forums/showthread.php?t=261099 http://www.66n.com/forums/showthread.php?t=261823 ...................... انا ماصرت ادخل هناء كثير بسبب ظروفي .. لازلت في مشاكل مع زوجي والسبب أهلة. . رجعت بيت اهلي اكثر من مره وراجع لمه وحياتي ( رايحه جايه) والمشكلة هو الي يطردني او ينزلني لبيت أهلي... طبعاً في آخر مره رجعت له اشترط الوالد عليه انه مايلزمني بشي لاهله يعني زيارة مكلامه مناسبه ابد مايلزمن. . وافق زوجي.. وانا اصلا قطعت علاقتي فيهم نهائي بسبب المشاكل وقلت احترامهم لي وكلامهم علي حتى السلام يرفضون يسلمون علي .. المهم وفي مره من المرات زوجي كان عند امه طبعاً لازم يمر عليها الصبح والظهر والمغرب والعشاء والعصر ينام ... هذا جدوله طبعاً. كان عند امه الظهر وانا بالبيت دق جوالي اتصال من زوجي .. رديت الوالو الو مافيه احد يرد علي وكنت اسمع صوته وصوت امه واخوه الكبير فعرفت انه الجوال انضغط بدون قصد.. وقفت انا هنا اتسمع لكلامهم .. لقيت امه تحرضه علي وتقوله ادبها وقفها عند حدها. . انت تمشي ورا مرتك مثل الخروف ليه تلبي لهاكل طلبتها. . قالزوجي يمه وش يرضيك قالت امه تكسر راسها قال شلون وش اسوي كل شي تبونه سويته لكم .. قالت طلقها...!! قال يرضيك يمه اطلقها وبناتي طيب .. قالت محد ضايع ولاهي اول وحده ولااخر وحده والمصيبه اخوه الكبير مع امه ويحرض اخوه علي بعد....!!!!!! سكرت التلفون عشان لايدري اني سمعت شي .. كنت اتمنى لو انامسجلة كلامهم.. طبعا اشوفه كالعاده يدور الزله فيني ويحاول يلاقي شي يهاوشني عليه... انا اشتغل بقدرتي وبالي اقدر عليه وهو ليش هذا غبار وليش وليش ووو ابوي دور لي على وظيفه و توظفت براتب الف ريال ... الحمدلله على كل حال وهو كل يوم يحاول يكرهني بالوظيفة. . احرجني جدا وكثير يتصل ويهاوش ويناقش وانا اكون مشغوله. . ولما اقول انا مشغوله يقول مافيه شي اهم مني ... سكت وماقلت لأهلي شي ابدآلاني ادري واعرف انهم ملو وتعبو مني .. وكل يوم موال .. حتى الصبح اقول ياله صباح خير .. طبعاً غير هذا يسافر شهر شهرين ويتركنى عند اهلي ويتحججمره امه تعبانه ومره يقول بشوف اخواني من ابوي .. مره يقول شغل مولازم تعرفونه.. يادوب اكمل اسبوع بالكثير اسبوعين في بيتي الا وهو مسافر وانا اروح بيت اهلي .. المشكلة ماهي هناء وبس .. حتى وهو مسافر يحصل خلاف بيني وبينه .. المره هاذي اخذ امه وخواته وسافرو بحكم انه بيعالج امه انا طبعاً رحت بيت اهلي وكالعاده .. طبعاً هو مايتصل ولا يسأل انا الي اتصل واسأل عنه واذا ما اتصلت ياويلك. ... ويقول انا اتصل اسأل عن بناتي بس تسمعيين .. وانا كل هذا حاطه اذن طين واذن عجين.. وامشي اموري ولا اقول لأهلي شي نهائياً المهم اتصلت كالعاده وكان ينافخ علي .. سالته متى تجي .. قالمالك دخل وبعديز وش عندك بس تسألين عني والا شفتيني مع أمي بس انت لو بك خير تسالين عن امي قلت له انت تقول امي خط احمر لاتتكلمين فيها لابالزين ولابالشين .. قال انقلعي واقلبي وجهك عني مرأه ماتسنع كلامي ماتلزمن اجلسي بيت اهلك واورقتك تاصلك انشاالله. . سكرت التلفون رحت عند أمي منهاره يدوب كلمتين قلتها وماسمعت باقي الكلام ثارت بوجهي وقالت .. انتي الغلط وانتي الغلطانه وانتي ماتفهمين كلمي امه و اسألي عنها و اذا صار يعني قلت لأمي حرام علي يايمه لاتخليني اجرم بنفسي من القهر نسيت وش سوت اجي اسلم عليها وتدفعني بقوه وتقول لاتسلمين ولا تقربين اجي اسلم على بناتها يمشون ويخلون اتصل اسأل عنها وتقول مانبي منك شي لا تسألين احشمي اولدي بس.. و و و و و طلعت لغرفتي منهاره .. امي راحت لأبوي وبدت تعبي راسه علي وتقول مانلوم الولد بنتك راسه يابس وبنتك وبنتك ....!!! انا عارفه ليش امي تسوي كذا عشان هي الي جبرتني اتزوجه وكانت وحده من صديقاتي تقولي يخسارتك عليهم تري امه وحده متسلطه وخواته متكبرات وطبعهم غريب الله يعينك .. ولما قلت لأهي هالكلام .. عصبت علي وقالت اقطعي علاقتك بصديقتك و و والمشكلة مو بس صديقتي ناس كثير قالو لها بس ماتبي يصير الوم عليها.. مع اني كنت صغيره لاكن مادري ليش استعجلت علي .. المهم الوالد جاني لغرفتي وجلس يحاول يكلمني .. قلت له انا سمعت كل كلام امي لك من كلمتين ثارت علي .. وشرحت لأبوي كل شي من رجوعي آخر مره .. بينت له اني انا تعبت ومليت من حياتي معاه.. طبعا زوجي طلع متصل بأهلي قبل كل شي وقايل لهم بنتكم عاصيه ولاتسمع كلامي وانا ما ابيه المرأه الي ماتسمع كلامي مالي بها لزمه وانا ابغى اطلق .. وصار يتصل علي ولا ارد نهائياً. . راح اتصل على امي وقال بنتك ماترد و و و جاني ابوي قالي كلميه كلمته المهم يهاوش ويتهم ويقول انتي تكذبين علي قدام اهلك و و و سألته انت تبي اكلمك وش المطلوب ... قال لاتقلين ادبك واحترميني و وانا بطلق اذا منتي متعدله قلت الي تبيه سوه.. قال بأخذ بناتي معاي و اورقتك تاصلك .. قلت سو الي تبي عطيت الجوال ابوي وقلت خلاص انامالي كلام معاه تعبت .. كلمه ابوي وقال انا الاثنين انشاالله ارسل اورقته.. يحسبني ميته عليه انا اكرهه ومابيه لاكن اتحمل واصبر عشان بناتي.. ابوي يقولي فكري بالعواقب فكري زين .. اي عواقب ياناس اذا انا ما اجلس بيتي الا اسبوع وباقي الايام عند اهلي وين الاستقرار حتى الاسبوع الي اجلس فيه ببيتي يجبرني اروح لأهلي. . ليه طيب مادري .. ويسهر ومايجيني الا نص الليل.. واذا قلت ليه تجبرني يقول ابي بناتي يغيرون جو وانا بنتي بالروضه اضطر اخليها تغيب واحيانا تروح مواصلة. .. واذا على الزواج انا مابي رجل بحياتي وقضيت وانتهيت انا اذا تطلقت مارا افكر بالزواج نهائي وبعيش حياتي كلها لبناتي .. والمشكلة الثانيه ... اني حامل. .. عندي بنتين وحامل الحين .. كنت اخذحبوب مانع لاكن كان يرفض يجيبها لي وكنت ادبر روحي من اشتري لما اطلع... والشهر الي فات كان ماجاب لي حبوب وعصبت عليه وعقب ماخلص جاب الحبوب ورمها بوجهي .... لما عرفت اني حامل حاولت انزله بأي طريقه .. ظربت بطني بقوه عشان ينزل شلت سرير الغرفه ابغاه ينزل رميت نفسي بالارض كل شي اخر شي شربت اعشاب وقرفه بس مانزل .. رضيت بالامر الواقع استغفرت ربي يارب لاتؤخذني يارب .. اعصابي كانت تعبانه وماتحملت.. (مستجدات الرد41) http://66n.com/forums/showpost.php?p=3355723&postcount=41 |
رد: مشكلتي مع زوجي واهله. ..
اعتذر عن الاخطاء الأملائيه كثير كنت اكتب من الجوال ..
|
رد: مشكلتي مع زوجي واهله. ..
لو فرضا قررتي تتطلقين :
- اهلج بيستقبلونج مع بناتج ؟ - احتمال بعد فترة تصير له الحضانة هل بتستحملين بعدج عن بناتج ؟ - من بيصرف عليج وعلى البنات ؟ هذي اسأله فكري فيها .. عشان ما تكونين في وضع وتصيرين في وضع اسوأ |
رد: مشكلتي مع زوجي واهله. ..
لا حول ولا قوة الا بالله
فكري بما يجب وبما سيكون مثل أهل زوجك لن يتحملو البنات ووظيفتك وان كان الراتب محدود ولكنه يغنيك عن العالمين دع الطلاق يأتي من جانبه واتركيه لضميرة ولقصاص القدر وسيعلم أي هاوية ألقى نفسه فيها بظلمك وتعديه هو وأهله أكرر أجعلي الطلاق يأتي باختياره هو وحاولي أن تستعيدي نفسك وترسخي لك قوة وابحثي عن وظيفة افضل والحمدلله أن أهلك متقبلين وجودك وصغيراتك فالأمور في صالحك |
رد: مشكلتي مع زوجي واهله. ..
اقتباس:
اختي اكيد اهلي بيستقبلوني مع بناتي .. انا بنتهم وابقى بنتهم ولو ضايقهم وجودي لن يطردوني من البيت .. واظن هذا اختيارهم لي زوج لم يكن لي اي قرار غير اني رفضت الزواج انا ادرس اصرت امي على زواجي تركت كل شي على رغبتهم لاني اعلم ان اهلي لن يخدعوني ويريدون مصلحتي .. فهذا نصيبي وقدري والحمدلله على كل حال... ......... بالنسبة للحضانه و ان اخذ حضانت البنات فأنا على يقين تام انه لن يتحمل مسؤولية البنات هذا غير امه الي ترفض وجود بناته عندها ساعات معدوده انا لذهبنا مستوصف او غيره فما بالك الحياة كلها فهي تكره بناته سبحان الله مع انهم بنات ولده .. من الي راح يربي بناته له لاتقولين هو مايقدر يجيب لنفسه كوب مويا عشان يتحمل مسؤليتهن.. ........... بالنسبة للمصروف اكيد بدور لي وظيفه افضل بإذن الله يارب.. و بناتي اكيد بيكون لهن حق النفقه من ابوهم .. ......... هذا ما افكر به وانا لم اقصر بشي معاه وتعبت وانا صابره والصبر نفذ.. |
رد: مشكلتي مع زوجي واهله. ..
اذا اخترتي الطلاق اول شيء رتبي امورج
من الحين ابحثي عن وظيفة افضل |
رد: مشكلتي مع زوجي واهله. ..
اقتباس:
الطلاق من يأتي ويتكلم به هو .. ويتهمني اني انا من يريد الطلاق .. كل كلمه وكلمه بطلق وبطلق ونقلعي بيت اهلك .. والدي يقول تفاهمي معه لاكن لا اعرف على ايش اتفاهم معاه ... هو بشخصيته كذا مشكلجي معاي وكاني خادمه تحت رجوله .. نعم انا معك اختي قلت ان اراد الطلاق فليطلق .. الله يكتب الي فيه الخير لي دائما.. الله يجزاك خير الجزاء |
رد: مشكلتي مع زوجي واهله. ..
اقتباس:
الله يجزاك خير الجزاء |
رد: مشكلتي مع زوجي واهله. ..
ياختي خلاص خلك ببيت اهلك واعطيه بناته واذا قالك بطلق قوليله يلا طلق وابي ورقتي باسرع وقت
وانا متاكده مراح يتحمل مسؤليتهم وبيرجعهم لك وروحي شوفي نفسك وتوظفي وتزوجي بعد ما وقفت الحياه عليه والله حرام تضعين عمرك مع واحد كذااااا |
رد: مشكلتي مع زوجي واهله. ..
لاحول ولا قوة الا بالله
معقولة ام تخرب حياة ولدها و تشتت بناته ؟ مافيه خوف من الله مافيه ضمير !! وانا اختك زوج زي كذا ماعليه حسوفه اول حاجه تسويها 1- قفلي جوالك ولا تردين عليه ابد اذا يبي يتفاهم خليه يتفاهم مع ابوك 2- الجئي الى رب العباد العزيز القوي و الحي بالدعاء بما فيه خير لك و لبناتك 3- الطلاق خليه يجي من طرفه انتي لا تطلبينه عشان مايجي العيب منك الله يسهل امرك و يفرجها عليك |
رد: مشكلتي مع زوجي واهله. ..
فرج الله همك وكربتك
وياليت تكلمين مستشار اسري افضل قد ينير ك بافكار تعالج وضعك اكثري من الاستغفار |
رد: مشكلتي مع زوجي واهله. ..
حبيبتي مجروحه
انا متابعه موضوعك من البدايه ولكن لاني لا ارغب بان ازيد على ردود الاعضاء لم اكتب رد اولا : زوجك مثل زوجي بالضبط ( شخصيه انتقاديه استفزازيه يسمع لكلام اهله ظلما ، انسان سلبي متعب ) فا انا احس باحساسك واقدر شعورك عزيزتي زوجك يحتاج زوجه ترتدي درع اي نعم درع وقائي عن طلقات رصاص كلامه الجارحه المؤلم زوجه الابتسامه لاتفارقها وتمتع بالانشراح والسهوله والليونه (وهذا ماانا ادرب نفسي عليه ) وانتي بديتي بهذا العلاج ولكنك توقفتي بعد ان نفذت الى روحك سلبيته وانتقاداته وأصبتي بالانهيار. ولدي ملاحظتين (موضوع النظاره ) بعد ان عرفتي انها هديه لك منه وهو ساق لك كلمات انتقاديه بإنك لاتستحقينها والخ كان المفروض تبتسمي وتكوني اكثر انشراح وتقولي اسفه حبيبي ماانتبهت وتمطريه بكلام الشكر والثناء اما تصرفك الانهياري وظهور التعب على وجههك منه وهروبك الى غرفة ابنتك وهو يتكلم بعصبيه ويسألك لما لاتجيبين وتردين ليس عندي رد ؟ كلها رسائل سلبيه يفهمها زوجك انك نكديه ولاتحترمينه ومغروره ولايعجبك شي . اعلم يقين ان الامر صعب ولكن هذه الطريقه الوحيده لتغيييره او الطلاق انتي تحتاجين لطاقه ايجابيه هائله لتغير كمية السلبيه والانتقاص التي عاشها زوجك منذ طفولته اما ان تسيري في الطريق وتعودي دائما من نصفه لانك ارهقتي وتعبتي لن يجدي ذلك نفعاً.؟! الملاحظه الثانيه : في اليوم الذي قررتي ان تفتحي صفحه جديده وملئت المنزل بالشموع وتزينتي وبخرتي البيت وقررتي ان تكوني اكثر ودا معه امطرتيه بالرسائل -انت مطول ؟ -تأخرت ؟ -راح تجي ؟؟ -ابي اكلمك بموضوع ! يجب ي حبيبتي ان تسيطرين على عصبيتج من تأخيره وتنسين وجوده خارج المنزل اكيد راح يرجع البيت يفرك ايدينه في بعض وهو معصب ، من كثرة الرسائل حلاتك تنسينه برا ويتفاجأ فيك بالبيت *عودتك الاخيره للمنزل بعد رمضان بديتي صح مئه بالمئه ولكن عدتي في منتصف طريق العلاج عندما بدأ صدرك يضيق من انتقاداته وضيق افقه وسلبيته الهائله وبدأت تعودين لزعل والصد عنه والرد بالكلام المزعج يا حبيبتي مشوار علاجه طويل وصعب ويبيله خط واحد منك بلارجعه وهو ( الانشراح والابتسامه والمراوغه ) لان اي لحظات انهياريه منك تفسد جميييييع ماتعبتي عشانه |
رد: مشكلتي مع زوجي واهله. ..
بقايا أمل...
Deem.fh اشكركم على الرد... وانا اصلا خلاص تعبت من الكلام والنقاش لاني حاولت بالتفاهم بكل الطريقه مافيه فايده .. |
رد: مشكلتي مع زوجي واهله. ..
جوهرة العطاء اشكرك لردك ولدعائك جزيل الشكر ..
|
رد: مشكلتي مع زوجي واهله. ..
روح وريحان .. اشكرك على ردك
يا أختي زوجي لما اقوله حاظر وانا اسفه والي تبيه يصير يقول انت تضحكين على عقلي وش شايفتني قدامك و و و لذلك صرت افضل الصمت و حتى الصمت ماينفع يقولي ليش ماتردين شايفتني طرطور قدامك .. انا ما وقفت ولاكن هو الي خلاني اوقف غصب عني .. يعني اسوي فيه خير وبدون ما ربطه او اثقل عليه او احبس انفاسه انا تاركه له الحريه يسافر يطلع يسهر عادي والاكن لاخير نافع ولا شر نافع .. لما اتصل اسأل يقول وش عندك ليش بس تسألين ولما اتركه واقول هو يتصل يقول ليش ماتسألين ...... !!!!!!! الي يبي الزله يعرف شلون يجيبها .. لا تقولين لي ماعرفتي لزوجك .. اتوقع عند مرض والله اقولها بكل صراحه . ولانه مو قادر يتحكم بحياته .. تارك الخيط والمخيط لأمه حبيبة قلبه .. حسبي الله ونعم الوكيل عليها .. وفوق هذا كله اكرهه اكرهه .. تحملته لجل بناتي لاكن مو كفو ابد .. كرهني بنفسه وبكل شي له علاقه به .. لاحول ولا قوة الا بالله هذا الي اقول |
رد: مشكلتي مع زوجي واهله. ..
(مجروحه ) مريت بهذي المرحله لمدة سنه وهي مرحلة آْنَــْتي تضحكين على عقلي !
فعلا كنت اضحك على عقله لما امثل على نفسه وعلى نفسي الابتسامه والضحكه وانا من الداخل ارغب بتقطيعه بأسناني ولكنه توقف بفضل الله بعد ان غيرت استراتيجيتي وبدأت الابتسامه تخرج من قلبي وليس تمثيل وبعد ان استمريت ان اقفل اذاني عن انتقاداته وكلامه الجارح . عزيزتي مجروحه انا مااقول انتي ماعرفتي لزوجك ، بالعكس برافو عليك ، عملتي اشياء عظيمه وانا اقرأ اقول ماشاء الله عليك وربي بيعوضك بزوجك خير. |
رد: مشكلتي مع زوجي واهله. ..
اقتباس:
وان رئ اني اضحك من القلب وسعيده الا يحب ينكد علي انتي مو متخيله اي مدى هذا الرجل عزيزتي احب اقول لكي الرجال ليسو سواء وانا اشوف بعيني من اب واخ وعم .. وزوج .. زوجي منتهي ما اقدر وانا ما قلت هذا الكلام من الباب للطاقه انا عانيييت كثير كثير حاولت اكسبه ارضيه بس عشان اعيش بسلام و راحه بدون مشاكل كنت ابي استقرار فقط ماكنت ابي دلع وحب ويعيشني فوق ... لا ابي استقرار اعيش بدون مشاكل. . ... سافرت انا وياه برا اكثر من مره عارفه ايش سو فيني يتمشكل معي بلا سبب ويطلع ويخليني في غرفة الفندق ولا عشى ولا غداء جلست يومين وساكته ماابغى اغث اهلي وانا بغربه واقول بس نرجع يصير خير .. تخيلي ينزلني منتزه ويروح يخليني اقوله تعال معنا يرفض وانا معاي بناتي تخيلي يروح ويخليني وانا جوالي مقطوع ورافض يسدد الفاتوره واقوله شلون القاك جوالي مايتصل ولا يستقبل ويقول روحي واذ خلصتي انا اجي ادورك هناء .. طيب ليش تسافر بنا كان رحت لحالك من البدايه ويتمشكل معي قدام الناس والكل يناظر لنا ويمشي ويخليني وانا معي بناتي صغار وكل وحده بعربيه تخيلي امشي وادف عربيتين ...!!! وغير كذا اجلس على اعصابي لين القاه وهو ولا همه .. اقوله يله قوه نتغدا البنات جيعانين يقول انا اتغديت الحمدلله روحي دبري نفسك .. لانه عارف انه بحسابي فلوس قيمة طقم ذهب كنت بايعته.. اقوله يابن الناس منين لي صرافه انا بغربه وماعرف شي .. ولا همه.. رجعت للفندق وكان فيه سوبر ماركت اشتريت منه اكل لي وللبنات بفلوس كانت معي ويادوب كفت .. تعشينا ونمنا ... قمت الصباح بدري بالفندق وقلت لازم انزل بالبنات للفطور بالفندق لانهم جيعانين بديت اقومه يافلان قم يافلان ولا يرد واخرشي يقولي طسي .. نزلت للفطور افطرت انا والبنات .. والحمدلله كانت معي لغه انجليزيه ساعدتني .. سألت عمال الفندق عن صرافه هنا ففهمت انه مو اي صرافه تقدرين تسحبين منها .. المهم فهمت الموضوع ورحت للصرافه قالو هاذي يمكن تقدرين جربت وسحبت فلوس سحبت مبلغ يكفيني وزياده عشان ماكان عندي ثقه فيه.. طلعت بعدها للمطعم غديت البنات وديتهم العاب و اشتريت سناك.. رجعت لغرفة الفندق ولاهمه ولا سأل ولا قال وين انتم او ليش تأخرتم ... قال .. وش جايبك ليش ماوديتي البنات للملاهي !!!!! يحاسبني وماهو عارف انه هذا من واجبه.. قلت له هذا واجبك . ثار علي وتكلم علي ودفعني على الارض وقال الفلوس هاذي الي مسافر بك بها لو اني متزوج احسن لي .. و و و و و كلام لاينتهي اتصل على اهلي وقالهم بنتكم وبنتكم وبدا يشتكي لهم مني وطلع وتركنا بالفندق... انا اخذت البنات وطلعت من الفندق رحت محلات جوالات اشتريت شريحه عشان اكلم اهلي كلمت امي وابوي وقلت لهم على شي ابوي انقهر لما عرف .. وقال اصبري لين ترجعون بالسلامه.. طبعاً انا اختصرت القصه جدآ جدآ.. وما خفي أعظم.. لاكن ذكرتها حتى ابين لك اي نوع من الرجال هو .. |
رد: مشكلتي مع زوجي واهله. ..
الله يفرج همك ويصلح زوجك ويختار لك الخير
|
رد: مشكلتي مع زوجي واهله. ..
الله يفرج همك عزيزتي ويبدل حالك الى احسن حال
ويرزقك راحة البال والسعادة دنيا وآخرة لا يسعني الا الدعاء لك احترامي |
رد: مشكلتي مع زوجي واهله. ..
الله يكون بعونك ويفرج همك ويرزقك باللي يعوضك
|
رد: مشكلتي مع زوجي واهله. ..
الله يعينك
اذا شايفه انكم وصلتوا لطريق مسدود ولايمكن الاصلاح فكري بما بعد الطلاق وادرسيه من كل الجوانب وربي يشرح صدرك للخير |
رد: مشكلتي مع زوجي واهله. ..
لاحول ولاقوة الا بالله يامجروحه
كلامي جدآ هزني وانا اقراء ردودك ؟ حسبي والله ونعم الوكيل صراحه انلجم لساني عن الرد ، وماادري ايش اقول لكن لاتطلبي الرحمة من العباد ،، اطلبيها بهالساعه من رب العباد انه يكفيگ شره ويرد كيد اهله بنحرهم الله يعوض صبرك خير ، ويفرج همك عاجل غير آجل |
رد: مشكلتي مع زوجي واهله. ..
الله يفرج همك عزيزتي ويختار لك الخير وين ما كان ويعينك والصراحة زوجك ماعنده أي إحساس بالمسؤولية تصرفاته معاك ومع بناته مافيها أي رحوله والا كيف يهون عليه يترككم جيعانين او ينزلكم لمنتزه في غربه لحالكم !!! من جد تصرفاته غريبه عموماً هذه حياتك لا تسمحين لأي أحد مهما كان يرسمها لك طالما إنتي ماإنتي مرتاحه وتعبانه بهذا الزواج إشتري راحتك لأن الحياه بنعيشها مره وحده فلا تضيعين عمرك وحياتك مع من لايستحق !!أقل شي تحصلين عليه بالبعد عنه الهدوء والاستقرار والبعد عن الضغط العصبي والنفسي اللي مسببه لك وربي يرزقك بالوظيفه اللي تعزك عن العالمين وييسر لك كل خير
|
رد: مشكلتي مع زوجي واهله. ..
اختي لازم تتابعي مع استشاريه تحل لك المشاكل مع الجذور وتفهمك شخصيه زوجك وكيف تتعاملي معه واي اسلوب ينفع معاه ابحثي فالانستقرام عن استشاريه مريم العبدلله جدا رائعه او مقالات ناعمه الهاشمي وبرضه يوجد دورات مملكه الانوثه جدا رائعه اتمنى اكون افدتك
|
رد: مشكلتي مع زوجي واهله. ..
شكرآ لكل من دعاء لي فعلا بحاجة دعواتكم
الله يجزاكم خير الجزاء.. اختي احاسيس مبعثره ... قرأت الكثير والكثير لناعمه الهاشمي .. استعنت بالكتب حددت شخصيته ونمطه وكيف يمكن التعامل معاه... ولاكن يبدو لي هو بشخصيه ضعيفه وهناك من يغير افكاره وآرأه بلحظه وثانيه هو مو قادر يعيش حياته سعيد بينما امه ساخطه علي .. ينقهر لما يشوفني سعيده وامه مقهوره مني و عايشه القهر وكأني انا الظالمه ... يعتقد انه كذا عقوق بأمه .. امه من زرع الافكار برأسه .. امه زعلانه مني لازم يغثني مايرتاح يشوفني مرتاحه وامه لا.. امه واخواته خايفين عليه اخذه منهم خايفين يتغير عليهم بسببي خايفين يحبني وهم يتورطون .... ليه تزوجونه ليه ...!!؟ انا فهمتهم وفاهمه نفسياتهم زيييين عارفه افكارهم .... لاكن مالقيت لهم حل .. الطيب معاهم ماينفع حاولت اكسب امه وخواته اخليهم يحبوني بس حطو كرامتي بالارض واهانوني ... ولما قررت ابتعد بكل ادب واتركهم بحالهم ورغبتهم هم و ولدهم بعد ماعجبهم وحطو فيني كل شي و فضحو بي قدام الناس واني انا الي ما ابيهم و انا قليلت الادب الي ارد و اكرهه بناتها .. والرجال مع اهله وانتي الغلط في الغلط.. |
رد: مشكلتي مع زوجي واهله. ..
أيضا والدي يجبرني على الرد على مكالمته...
وانا لا اريد اتصل علي ولم ارد عليه.. يتصل على امي ويرجع يتصل على اخوي او ابوي يحدث ازعاج بس عشان ارد واكلمه عشان ابوي ويقول ليش ماتردين واقول نعم هذا انا رديت يبدأ بالنقاش ليه البنات تعبنات ولا قلت لي .. ليه انا آخر من يعلم .. انا مابي اكلمه .. اكتب والله ودموعي تذرف .. انا ابي الطلااااااااااااااااااق .. اهلي يلفون ويدورون ويقولون بكيفك بعدين هم الي يرجعوني له ارجعي ارجعي ارجعي بيتك بناتك اصبري الدنيا ماهي جنه تحملي وبتشوفين العوض... انا تعبت مابيه اكرهه تعبت ليه يا اهلي ليه.. ولما ارجع لهم مره ثانيه يقولون انتي الي رجعتي له المره الي فاتت.. يارب انك ارحم بي يارب.. لاحول ولا قوة إلا بالله.. |
رد: مشكلتي مع زوجي واهله. ..
اقتباس:
ترا اهلك مو هم اللي عايشين معه انتي اللي عايشه والنار ماتحرق الا رجل واطيها انتي عطيتيه فرص كثير واكثر من مره رجعتي ولقيتي مافيه اي تغييير هالرجال مو رجال دامه جالس ورا كلام امه واخواته خلهم ينفعونه وانتي تحكين ذكرتيني بوحده من قريباتي نفس تعامل زوجك بالضبط بس هو من نفسه كذا مافيه احد يحرضه وكانت تصبر عليه وتبي تحافظ على بيتها وهو يزيد بالمشاكل والاهانات اخر شي طلقها وطردها بعد ماصارت في الاربعين من عمرها!!! زوجك شكله مايبي يطلقك لانه حريص انك تحملين يبي يربطك بالعيال ويبي يجلس يهدد فيك ويقهرك ويحرق اعصابك وانتي عقلك براسك عاد وتعرفين خلاصك |
رد: مشكلتي مع زوجي واهله. ..
الله يفرج همك ويفك كربك
|
رد: مشكلتي مع زوجي واهله. ..
اقتباس:
انا قررت وقلت لأهلي ماعاد ابيه لا تجبروني عليه .. ابوي قال هذا قرارك تبي اتفاهم معاه اسوي لك الي تبين وانا افهمه واتكلم معاه .. وارجعي بيتك ولبناتك و . انا قلت قبل تفاهمنا ومانفع معاه هو يبقى هو وانا ماعاد اتحمل العيشه معاه.. انا وامي متخاصمين ومانتكلم نهائي .. وانا اصلا مااتكلم مع احد ابد ابد لاني متضايقه حدي وافكر بنفسي وبناتي وحاجتنا ومصروفنا الله يقدرني ولا اترك بناتي بحاجه لشي أبدا. . يارب ترزقني الوظيفه يارب انا راضيه كل الرضى عن نفسي والحمدلله ولا ازكي نفسي .. لاكن انا ماقصرت له بشي غير اني صبرت وتحملت لاكن مايستاهل.. هو اتصل علي وانا ماارد .. وراح يتصل باابوي وكلمته عشان ابوي .. وكل المكالمه عتاب وليش ماتردين وانتي الى الأن بذمتي و انتي تبين الطلاق .. وطول المكالمه يسألني. . قلت الي تبيه سوه وخلاص بناتك اذا تبي تكلمهن اتصل على ابوي وهو يعطيك بناتك تكلمهن . اللهم اصلح حالي وحال جميع المسلمين.. |
رد: مشكلتي مع زوجي واهله. ..
شكرا لدعواتكم لي. .🌹
|
رد: مشكلتي مع زوجي واهله. ..
الله يفرج همك يارب ويسخر لك امك وابوك واخوانك
اسال الله ان يغنيك بحلاله عن حرامه وبفضله عما سواه تالمت كثير من آلمك |
رد: مشكلتي مع زوجي واهله. ..
هو يبيك بس تحت ضغط امه و لأنه مضغوط جالس يضغط عليك
من الأخير قول لي اترك عنك الحكي اللي لا يودي و لا يجيب تبي تطلق طلق اللحين محد ماسكك لكن انت من داخلك ما تبي تطلق لأنك ما تقدر تبعد عني |
رد: مشكلتي مع زوجي واهله. ..
الله يفرج همك و يعينك
|
رد: مشكلتي مع زوجي واهله. ..
الله يفرج همك
لازم تصارحينه على اللي سمعتيه من امه حتى لو زعل اش بتخسرين ؟؟؟؟ قولي له خلاص فهمت انك تبي تطلقني وش تنتظر وخليه يتحمل مسؤلية بناته كم يوم هو وامه والله يعرف انه مايشيل الا امهم ولا عاد تسمعين هذا يبغى معاملة خاصة و طريقة هذا سئ عشرة محد يقدر يعيش معاه لو استمريت كذا معاه بهذا الاسلوب راح تمرضين و ماراح يشيلك راح يدور على غيرك |
رد: مشكلتي مع زوجي واهله. ..
هل الوضع ببيت اهلك افضل منه ببيت زوجك ؟
اذا نعم فإهربي من هذا الزوج بلا عوده هذا ضعيف شخصيه وبلا رأي وشخصيته مهزوزه وانهزاميه كلمه توديه وعشر تجيبه هذا رجل ناقص هو ذكر وليس رجل هذه الحياه لا تطاق مع زوج مريض ومتناقض ويسعى خلف ارضاء امه حتى لو بغضب الله لا طاعة لمخلوق في معصية الخالق ولا يرضى الله بالظلم فكيف انتي ترضينه لنغسك هذه عيشة ذل ومهانه وقد خلقتي حره فلما الذل والانهزام ارفعي رأسك وقرري قرار مصيري ينتشلك من همك وحزنك قرري الابتعاد عن هذا الزوج المخبول وابحثي لنفسك عن خيارات اخرى تغنيك عن الحاجه لاحد كإكمال دراسه ومن ثم وظيفه تكفيك انتي وصغيرتيك وابتعدي عنه ابتعاد تام سواء طلق او لا واذا اراد الرجعه اشرطي عليه ان يتعالج اولا ثم يحضر دورات في الحياه الزوجيه ثم لكل حادث حديث اعانك الله وفرج همك |
رد: مشكلتي مع زوجي واهله. ..
حبيبتي
خلي شكواك على رب العباد سبحااانه كثري من حسبي الله ونعم الوكيل وأفوض أمري الله ان الله بصير بالعباد.. ادعي بإلحاح ان الله يشغل من يريدك بسوء بنفسه وأن يرفع الله شأنك عليهم..استغلي الظلم بالدعاء لك بالخير.. امي لما شافتني ضاااايقة من الافتراء علي قالتها لي استغلي الظلم بالدعاء لك بالخير..والله سبحانه لايرد سائلا فكيف بمظلوم مضطر سبحانه.. |
رد: مشكلتي مع زوجي واهله. ..
اقتباس:
يقول المرأه الي تعصي زوجها انا مابيها ولا تلزمني و اورقت طلاقك تاصلك. .. وبعدها تناقش مع ابوي و قاله انه حنا اتفقنا المره الي فاتت انك ماتلزمها بشي لهلك و و و المهم ابوي كان واقف ضده ..وبعدها سكت لا يرسل ولا يتصل ولا شي.. |
رد: مشكلتي مع زوجي واهله. ..
اقتباس:
|
رد: مشكلتي مع زوجي واهله. ..
اقتباس:
تحاول ايضا ان تتشاجر معي على اتفهه الامور .. وجدتي ام ابوي تضغط على ابوي بإرجاعي لزوجي .. بينما جدي والد ابوي وهو رجل ذو كلمه مسموعة عن اولاده والكل .. يقول خلوه يولي غير انه بيت اهلي داخل طالع من عماني وزوجاتهم.. ولهذا السبب ادنى مشكلة لازم العائلة كلها تعرف .... وهالشي يضايقني كثيير .. وبالنسبه للوظيفة انا احاول بكل جهد جهيد اني الاقي افضل يارب |
رد: مشكلتي مع زوجي واهله. ..
اقتباس:
والله انا ادعي وادعي وادعي وتعبت وانا ادعي وربي انشاالله مايضيع لي تعب وابدعي لآخر يوم بحياتي |
| الساعة الآن 02:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©