عرس بتكاليف بسيطه ! كيف اقنع العروس/مستجد35
 

السلام عليكم
ان شاء الله كلكم بخير
يااخواني واخواتي
انا عرسي بعد سنه اذا الله كتب ويمكن اقدم على حسب الظروف المادية
انا ودي اسوي عرس عائلي او محدود يعني اهلي اهلها خوالي عمامي وهي بعد
لكن انا من قبيلة معروفة جدا
وجماعتنا دايم تسوي العروس بالقصور وعارفين البذخ والصرف الخ.. شي مولم للاسف
فا افكر اسوي عرسي ب استراحة وتكون محدودة
ليس لظروفي المادية الحمد لله مع مرور السنه اقدر اجمع كم قرش واسوي عرس
لكن اشوف انها حرام ادفع من 40 الى 70 الف في ليلة مو ليلة كامله بعد ( 4 ) ساعات فقط
وكله على ظهري انا شخصيا محد مساعدني لان كل واحد مشغول بنفسه
انا كل ماقول لاحد من الشباب يقولون فكرة ممتازة ويشجعوني طبعا زملاء العمل
لكن الخوف اسويها واول نقطة
اول البنت يمكن يرفضون ويقولون ليه البنت فيها شي ولا عايبه
ثم يمكن جماعتي يقوولون عني صلبي ومن الكلام ذا انت فاهمين
مدري وش اسوي محتار جدا ولا قلت الا لزملاء العمل
اشوف ال 40 الف ذي اسافر فيها انا وزجتي نلف فيها اسيا ولا تركيا ابرك
للمعلومية عندنا زواجات عائلية او بسيطة من كبار السن ( الشيبان )بالجماعة يعني يجيب 3 ذبايح ويعزم كم شخص والسلام عليكم
عكس الشباب لازم تكاليف وفوق طاقتي وديون وقلق نفسي
الزبدة كيف اقنع اهلي واهل البنت
الباقين مايهموني (جماعتي)

تم تعديل العنوان ليتناسب مع المضمون


مستجدات
الرد 35
http://66n.com/forums/showpost.php?p...0&postcount=35

رد: ودي اسوي عرس بسيط شاركوني ياجماعة برايكم
 

اتوقع مستحيل تقنع أهلك ولا حتى أهل البنت إذا كانت من اقربائك
فلا تحرج نفسك معهم

رد: ودي اسوي عرس بسيط شاركوني ياجماعة برايكم
 

ماشاء الله أهنيك على تفكيرك

فعلا تكاليف الزواج تقدر تسافر فيها

أحلى سفره بدال الشكليات والمظاهر

الي مالها داعي .

رد: ودي اسوي عرس بسيط شاركوني ياجماعة برايكم
 

احسن لك. صايرة الزواجات المختصرة والبسيطة كثييرة.. واصحابي كلهم عروسهم بسيطة الأصدقاء والاقارب المقربين.. بدون مصاريف.. وصدقني ممكن يصير كلام لكن بينسون ويصير شي بالماضي وراح..

رد: عرس بتكاليف بسيطه ! كيف اقنع اهلي واهل ال
 

فعلا فلوس التكاليف اتمشى فيها شهر عسل وماينقصني شي
ابي اكون كل ثلاث ايام بديرة
لكن الخلاصة كيف اقنع الناس .........
):
والله جريمة التكاليف ذي اي شخص يحط نفسه بمكاني والله قمة القهر
الغرض من الزواج اشهاره طيب ليه البذخ

رد: عرس بتكاليف بسيطه ! كيف اقنع اهلي واهل ال
 

عادي احنا من قبيلة و كنا نقنع اقرباءنا المقربين و تو اقتنعوا و بيطبقونها ان شاء الله اذا كان الواحد يثق فيه نفسه الناس ماراح تتكلم وراح يعجبها الموضوع
طبعا بيكون فيه حفلة لكنها مقتصرة على العائلة هذا حفل النسا
اما الرجال اذا كان اللي يحضرون كل واحد يعطي مبلغ اعانة كما هي العادة في بعض القبائل عادي لو تعزم كثير
لان اساس الصرف عند النساء و تزيين و توزيعات
الرجال بيكلوفونك الصالة و العشا فقطفاذا كانوا الحضور بيقدمون مساعدات تغطي عزيمة الرجال اعزمهم
الاقناع حاول تقنع نساء اهلك و عايلتهاو تقول الحضور كل ماكان قلييل ومقتصر على العائلة بترتاحون من هم كبير و بتصيرون فاضين للوناسة بس

رد: عرس بتكاليف بسيطه ! كيف اقنع اهلي واهل ال
 

الواحد مابيتزوج كل سنة

سوي عرس عادي مثل باقي الاوادم وقد ماتقدر لا تبذخ

وبنفس الوقت انا مع العروس من حقها يكون لها عرس حلو وكبير نوعاً ما.. هذا حقها
وما الومها اذا ماوافقت..

مجرد يقولون زواج مقتصر على العايلتين هذي بتحسسها بالنقص

رد: عرس بتكاليف بسيطه ! كيف اقنع اهلي واهل ال
 

حسب عادات بيئتي واغلب اهل نجد زواج النساء على اهل البنت.. الا اذا كان الولد كريم فيحط جزء بسيط فقط

لكن على عاداتكم اذا هي بنفسها وبخاطرها ويهمها وتحلم بزواج كبير فالقرار راجع لها هي بالذات وهي تتخذ القرار فيه.. لانه بتظل بقلبها لبعدين

قد يكون مو مهم بالنسبة لك لانه مو مرتبط فيك ولا يخصك بشكل مباشر.. لكنه حقها

لو جت المبادرة منها فمو مشكلة.. لكنك قادر

مثل ماقالت عروس الوحدة ماتتزوج كل يوم

اذا تكلفة حفلة زواج 70 الف بس فتراها جدا تعتبر رخيصة بالنسبة لهذا الزمن

ويادوب تكفي زواج مختصر اصلا

رد: عرس بتكاليف بسيطه ! كيف اقنع اهلي واهل ال
 

مافي افضل من الزواج العائلي
حتى لو كان التكلفة على اهل العروسة القضية مو قضية فلوس وبس
المشكلة الاكبر مو حلو ان يدروا كل الناس بعرسك ما راح تحس بالراحة والضجة والصوت والجمعات شيء مزعج جدا
حلو يكون بين الاهل وبس

رد: عرس بتكاليف بسيطه ! كيف اقنع اهلي واهل ال
 

افرح وفرح بنت الناس وخلي الناس كلها تفرح معاك



ودمتم في حفظ الرحمن

رد: عرس بتكاليف بسيطه ! كيف اقنع اهلي واهل ال
 

والله كلن وله وجه نظرة
بخصوص الي تقول البنت ناقصة تدرين بمهرها
اقدر اتزوج 2 بليلة وحدة
الله يسامح اخوها بس
انا بشوف وش الامور
الخوف البنت نفسها ماترضى
طبعا بتقول ليه وش ينقصني صاحباتي ومن الكلام المعروف
ماتدري انا ودي اوفر عشان السفر والاثاث والشقة
دعواتكم تتيسر الامور

رد: عرس بتكاليف بسيطه ! كيف اقنع اهلي واهل ال
 

لاتكلف على نفسك
وقلها وخليك حريص من الان صدقني اذا تنازلت
هتتعب طول حياتك

رد: عرس بتكاليف بسيطه ! كيف اقنع اهلي واهل ال
 

ما أظن العروس بترضى هذي ليلة العمر

من عمر السابعه تتخيل البنت شكلها لابسه الفستان الأبيض والورد و الكوشه

وحولها أمها وأخواتها وصديقاتها

وتنزف وتصوير مع تصوير فيديو بيكون ذكرى



البنات عندهم العرس أهم من شهر العسل لأنها سافرت قبل مع أبوها وما راح تنبسط كثير مع زوجها لأن بتكون مستحيه وخايفه منه

رد: عرس بتكاليف بسيطه ! كيف اقنع اهلي واهل ال
 

زواج الرجال اعتقد لازم منه .. ممكن يكون باستراحة كبيرة او قاعة سعرها حلو وذبيحتين او ثلاثة تكفي ،

اما زواج النساء خيّر زوجتك تبغين زواج بقاعة فخمة وطقطقة والا احجز لك لأوروبا شهر عسل اختاري

واكيييد بتختار الخيار الثاني .. ودلع نفسك ودلع زوجتك باوتيل الدخله يكون حلوو والسفرة تكون حلوة


ع فكرة ، لو بتحجز انصحك تحجز من الآن راح تلاقي عروض واشياء حلوة للطيران .. وقسم اولوياتك عشان ماتنزنق مثلا التذاكر بعد شهرين

الفيزا بعد 4 شهور

الاوتيلات بعد 6 شهور .. وبكذا بترتاح بدل ماتدفع المبلغ كاش وتنزنق تدفعه ع دفعات من الراتب ..

الله يوفقكم يارب

رد: عرس بتكاليف بسيطه ! كيف اقنع اهلي واهل ال
 

معرف وش الي ما ترضى فيه البنت؟؟ عرس بيكون مثل اي عرس ثاني بتلبس فيه وبتعزم فيه صديقاتها..
الفرق هو ان العدد اقل بكثيير ويكون محصور على الاقارب المقربين والصديقات.. ونفس الشي عند الرجال..
يعني ما يكون فيه عدد كبير من الحضور..
لا تنسون الواحد بيدفع عشان زواجه حول 200 الف ريال.. فكرو من وين يدبر المبلغ هذا وهو شاب وراتبه عادي؟؟ ليس كل الشباب رواتبهم فوق عشرة آلاف... ولا كل الشباب آبائهم يساعدونهم.. ولا كل الشباب لديهم عانية العريس..

اذا بتكثر متطلبات العروس تأخرو الشباب في الزواج. وتأخر الشباب في الزواج = عنوسة بالبنات.. وهذا شيء مفروغ منه..

رد: عرس بتكاليف بسيطه ! كيف اقنع اهلي واهل ال
 

توكل على الله وفاتح البنت اذا كنت تكلمها
اذا راضية الاهل سهل تقنعهم ..
اهم شيء العروس والباقي بيرضون
لكن لما تبغى تفاتح خطيبتك
ابدأ اول شيء بذكر الدول اللي نفسك تروحلها
بعدين قولها لو تبغين نسافر لها فعلا
بنخلي الزواج عائلي الخ

رد: عرس بتكاليف بسيطه ! كيف اقنع اهلي واهل ال
 

لو كان الامر متروك للرجل لالغى فكرة العرس و المصاريف أو جعله جلسة بسيطة
المشكلة بالنساء لا اعرف ما فائدة الاحتفال و البهرجة على الفاضي

رد: عرس بتكاليف بسيطه ! كيف اقنع اهلي واهل ال
 

ما رأيك اخي الكريم
بإلغاء عرس الرجال
و الاكتفاء بعرس النساء

او اجعل عرس الرجال جلسة بسيطة جدا

رد: عرس بتكاليف بسيطه ! كيف اقنع اهلي واهل ال
 

وش فيها لو اقتصر على خوالها و عماتها وبناتهم و صديقاتها ولبست الابيض و انبسطت بينهم بتفرق ؟؟يعني اقاربها و صديقاتها
لكن هو المفروض يفهمهم وجهة نظره باسلوب حلو
وثانيا استخير قبل تقول لهم و لاتسوي خلافات معهم على هالشي

رد: عرس بتكاليف بسيطه ! كيف اقنع اهلي واهل ال
 

والحين ليش ماتلبس ابيض و حولها امها وخواتها و صديقاتها ؟

رد: عرس بتكاليف بسيطه ! كيف اقنع اهلي واهل ال
 

كم مهرها،، لاتستخسر فيها المهر ،وتشيل في قلبك gfn،شكلك تشوفه عالي و هو عادي

رد: عرس بتكاليف بسيطه ! كيف اقنع اهلي واهل ال
 

مو خسارة المهر لكن مرتفع مره
انا قصدي بالعرس العائلي استراحة للرجال والنساء تكون محدودة يعني خواتها عماتها صديقاتها فقط
المهم بتوكل على الله واكلمها
لكن ابي اسلوب افتح فيه الموضوع معها مدري وش اقول بصراحة

رد: عرس بتكاليف بسيطه ! كيف اقنع اهلي واهل ال
 

لا تتزوجون إلا بعد ما تكونون أنفسكم

ليله وحده بالعمر ونبي شبكه على مستوى وذهب وسكن مستقل راتب الزوج يكون ممتاز

الدنيا غلت

رد: عرس بتكاليف بسيطه ! كيف اقنع اهلي واهل ال
 

ولما يجمع المبلغ هذا يكون طق فوق الثلاثين..
للمعلومية تأخر الشباب في الزواج يسبب عنوسة بالبنات.. بنزل موضوع بشرح فيه السبب..

الدنيا غلت.. هذا حجة عليك وليس لك.. يعني المفترض مراعاة الوضع المادي للشباب.

لو قالت خطيبتي ابي حفل بقصر وو. ووووو. بقولها ماعندي.. اصرت على ذلك
مع السلامة
فيه مليون غيرها بتقبل..

رد: عرس بتكاليف بسيطه ! كيف اقنع اهلي واهل ال
 

يا زين البساطة ..

المشكلة الآن أغلب الناس تسوي بذخ من باب عدم النقص ووش يقولون الناس عنا !!

أنا معك كل ماكان الشيء بسيط كل ماكانت الحفلة عميقة ..

حلات الجمعات والمناسبات بتقارب القلوب مو كل واحد يشوف حاله على الثاني ..

الله يوفقك ويسهل أمرك ..

رد: عرس بتكاليف بسيطه ! كيف اقنع اهلي واهل ال
 

أنا أرى أن المشكلة الكبرى لدينا في تفكير بعض النساء في الفهم الخاطئ للفرح
ووالله يكون في الأعراس بذخ وإسراف ليس له سبيل إلا البهرجة وإسفاف المال وهدره بأي طريقة وفيما يستحق وما لا يستحق .
ومن مستجدات الحياة :
الحفل في قاعة كبرى
ثم زادت المظاهر فأصبحت العروس لا تكتفي بالمنصة الموجودة في القاعة بل تصمم منصة أخرى مختلفة عن ديكور القاعة وهذا يحتاج ما لا يقل عن 3 آلاف .
ثم ابتكروا طاولات ديكور ومدخل أيضا تكلف ما لا يقل عن 1000
ثم توزيعااااات في ليلة العرس من كل شيء
ثم لا تكتفي بالطاولات المعدة في القاعة نفسها بل تعد ديكورا لكل طاولة وضيافة مستقلة بكل طاولة وما أدراك عن محتواها وعن قيمتها .
و( 4 ) ساعات أو أقل وكل شيء يترك أو تعود له الجهة وتأخذه .
ثم فنانة الحفل وهذا مبلغ آخر ولا بد أن يكون ضخما ومعتبرا ، وفي إحدى الأعراس لدى أقربائي هالني المبلغ الذي سيدفع للفنانة واقترحت عليهم لو أحضروا مسجل بسماعات وانتقوا ما يريدون وتابع هذا العمل بعض فتياتهم ، فانتقدوني انتقادا كبيرا .

والله نحن تفكيرنا أعوج ، وتقليدنا أعوج ومفاهيمنا عوجاء للأسف .
والذي يأتي بفكر يخالف هذا الأمر يكون متخلف .

ويا صاحب الموضوع
لو خطيبتك تفهّمت لموقفك فأقدم على الأمر على بركة الله ، وإن خالفتك فيعينك الله ولا مفر لك .

رد: عرس بتكاليف بسيطه ! كيف اقنع اهلي واهل ال
 

صاحب الموضوع
اقنع زوجتك اولا و هي رح تتكفل باقناع اهلها
الزواج العائلي البعيد عن البذخ و من يصرف اكثر من من
افضل و ابرك للي يفهم
و خيرها في اماكن حلوة لهر العسل و اللي يكون لكما انتما فقط
اقنعها انه لصالحكم حتى تستانسوا بشهر يبقى ذكرى جميلة لكما

رد: عرس بتكاليف بسيطه ! كيف اقنع اهلي واهل ال
 

والله على حسب قناعة زوجتك انا مثلا مفتنعه تماما بهذي الفكره وعندي اننا نسافر بالفلوس وننبسط ولا ننحرم على حساب رضا الناس الناس مو فايدتكم بشي بتجي وتنبسط وتمشي ولا همها لما تجلس بعد الزواج لا سفر عدل ولا شهر عسل عدل تفكر بس كيف تسدد الديون ولا هي تقدر تشتري اللي تبغاه حتى لو سافرتم لانه ميزانيه السفر حتكون محدودة

رد: عرس بتكاليف بسيطه ! كيف اقنع اهلي واهل ال
 

اذا انت من الجنوب الله يعينك 😥
الحين فيه قاعات حلوه رخيصة وما تتعدى الخمس الالف صح شوي بعيدة بس حلوه ومرتبه ما تحتاج ترتيب وخساره فقط تعال بتقديماتك وبس
والعشاء بامكانك تاخذ عشر تكفي وخلهم يوزعوها كل وحده على ست صحون تكفي
والباقي تتكفل فيه العروسة مكياجها وطقاقتها 😈
اجمل مافي الجنوب العرس يخلص الساعه 11 مساء راحه اقصد المناطقه اللي منها انا

رد: عرس بتكاليف بسيطه ! كيف اقنع اهلي واهل ال
 

ماني من الجنوب
شمالي بحت ههههههههههههه
الله ييسر الامور
باقرب فرصة ب افتح الموضوع مع زوجتي

رد: عرس بتكاليف بسيطه ! كيف اقنع اهلي واهل ال
 

بالتوفيق ان شاء الله

رد: عرس بتكاليف بسيطه ! كيف اقنع اهلي واهل ال
 

ممكن عرس بسيط ويفرحوا
ليه الفرحه مقترنه يعني بالزواج الكبير
اقترح وشوف رده الفعل
لان السفره تسوى الف عرس

رد: عرس بتكاليف بسيطه ! كيف اقنع اهلي واهل ال
 

انا ضد الحرص الزايد في الزواج
لاني مثل ماقلت الواحد مو متزوج كل سنه

وبعدين بعد سنه او سنتين بتجينا تكتب موضوع هنا..
انا افكر بزواج ثاني لأني ماسويت عرس وانحرمت من اجمل ليله بعمري وافكر اتزوج واسوي عرس كبير
هههههه امزح.
بس فكر فيها عدل... ترا والله العرس الكبير مو بالبذخ اللي في بالك انت.. ترا له ذكرى تنحفر فالبال.. وتتذكرونها كل سنه

رد: عرس بتكاليف بسيطه ! كيف اقنع اهلي واهل ال
 

اسمها "

(( ليلة العمر ))

يعني اذا ربي تمم لك بالسعاده والتفاهم
لن تتكرر

ومو ضروري البذخ والاسراف

لكن اشوف لازم عرس ومعازيم

لازلت احترم اهل زوجي وأثني عليهم على ماقدموه بعرسي على الرغم من الخلافات الحاليه

كان العرس رائع وراقي ومحفور بالذاكره وأشعر بأنهم قدروني امام الناس .

المرأه تهتم بهذه الليله اكثر من الرجل لانها رومانسيه وهي ملكة هذه الحفله ونجمتها

واذا احببت تقنع عروستك بالعكس اكيد بالكلمه الطيبه الرومانسيه والحديث عن سعادتكم الخاصه في السفر وشهر العسل واطلاعها على جدول السفرات والتور الذي وضعته لها ولك .

يعني تخليها تعيش الجو معاك اللي انت عايشه 💕

رد: عرس بتكاليف بسيطه ! كيف اقنع اهلي واهل ال
 

كنسلت الموضوع
الله ييسر الامور بسسس