|
ضغوطات الحياة ..والعصبية
السلام عليكم
الامهات اللي عندهم اطفال صغار ومابينهم فرق واشقياء مررره كيف تتعامل معهم انا انسانه عصبيه واعاني ضغوووط خاصه اني متزوجه وكااني مو متزوجه اقعد بالاسابيع لحالي واعاني فررراغ قاتل واطفش من تربية الاطفال ومااحب اضرب ابد نفسيتي تتعب زياده ومتعلقه فيهم وهذا يمكن اللي مصبرني ثانيا زوجي كل ماتحسن يرجع اسوء من اول امورنا مع بعض تمام واحسه يحبني فجاءه يتغير اذا ضغطت عليه بعياله دايما هذا تعبان وهذا فيه وفيه وبالليل تتعمد تزعجه عشان يروح لها يوديهم وغير بليلتي واذا تاخر الوقت تتصل يلا المستشفى وهنا يخرب كل شي يجي منقلب انا ماعندي صبر مليت كيف اصبر كييف اعيش حياتي من دونه هل من حلول وجزاكم الله خير تم تغيير العنوان بما يتناسب مع المضمون |
رد: الضغوط النفسيه اللي اعانيها من جهه اطفالي
كم أعمار أطفالك؟
|
رد: الضغوط النفسيه اللي اعانيها من جهه اطفالي
يا حلوهم وياحلو شقاوتهم
أنا أموت في الأطفال إذا مليتي منهم عطيني إياهم 😜 شوفي نظمي وقتهم ووقت وجباتهم ونومهم نوميهم بدري لأنهم يلعبون أغلب اليوم خففي من الحلويات لأنها تجيب لهم فرط حركه سجليهم بنادي يفرغون طاقتهم ومواهبهم أو تحفيظ قرآن بعد الغدا لما يرجعون من المدرسه وروقي وتفرغي لعمرك هذا الوقت لما يرجعون عشيهم ونوميهم للمدارس الأمومه حلم كل إمرأه الله يصلحهم لك ويرزقك برهم |
رد: الضغوط النفسيه اللي اعانيها من جهه اطفالي
ثلاث سنوات ونص سنتين سنه لاصغار جدا
مشكلتي زوجي المشكله الاساسيه مهمل اغلب وقته لبيته الاول ابغا اصير بارده انا صرت اطنشه باانسى وجوده |
رد: الضغوط النفسيه اللي اعانيها من جهه اطفالي
الله يسعدكم حلول لاصبح غير مباليه نفسي اتوظف
الله يرزقني بالوظيفه سبحان الله صرت مااهتم فيه ابد على كثر مااوجع قلبي بعدم عدله خليها تشبع فيه |
رد: الضغوط النفسيه اللي اعانيها من جهه اطفالي
عندي بعد ابني الكبير جدا متعبني لازق فيني وماما وماما مااقدر اهتم بالباقين وانا عصبيهه عليه الله يحفظهم كلهم
|
رد: الضغوط النفسيه اللي اعانيها من جهه اطفالي
حلا المدينة
انت موظفة ؟ لو غير موظفة ، حاولي تبحثي عن شي يشغلك و يشغلهم .. |
رد: الضغوط النفسيه اللي اعانيها من جهه اطفالي
الله يرزقك بوظيفة تشغل بالك ولا عاد تخليك تفكري في تقصير زوجك
ما في أريح من انه الوحدة تشيل زوجها وعمايله من راسها وتدور على راحة بالها ورضاها.. وعلى فكرة في ازواج كثير عايشين مع زوجاتهم بس ديكور والأم اللي تقوم بكل شي اللي فهمته عندك ثلاثة الله يخليهم وفعلا اعمارهم متقاربة ماشالله.. هذه الفترة اللي تمري بها عصيبة الين يكبروا كمان سنتين قدام.. استعيني بالله دايما لو قدرتي تدخلي الكبير روضة، مرة ترتاحي، يخف الضغط عليك في النهار ويخف تعلقه بك... وكمان ينام الليل بدري حتحسي بفرق كبير.. |
رد: الضغوط النفسيه اللي اعانيها من جهه اطفالي
صادقين اتمنى القى وظيفه الله يرزقني
واشكر كل وحده ردة احس براحهً نفسيه بعد ماطلعت اللي بقلبي |
رد: الضغوط النفسيه اللي اعانيها من جهه اطفالي
اصبري علي عيالك سنتين ثلاثة و يصيروا معتمدين علي انفسهم و يروح السهر و التعب شبعيهم من حضنك اذا عصبتي عليهم ارجعي عوضيهم احضان و قبلات عشان ينشأوا بنفسية حلوة و هادئة و ما يتعبوك في مراهقتهم
وقت ما يدخل ااصغير الحضانة التفتي لنقسك توظفي او اطلعي تعلمي صنعة و ادخلي تحفيظ اجر و صحبة صالحة المهم الحين اصبري و ما تتشتتي عيالك دائما ذكري نفسك انه مصلحتك و مصلحة اولادك يتربوا في بيت ابوهم يعيشوا حياة طبيعية مستقرة عشان تصبري نفسك الذكر و الاستغفار له مفعول السحر في تخفيف التوتر و العصبية لما يتملكك الاحساس بالظلم اهرعي لحسبي الله و نعم الوكيل ردديها بتحسي بالراحة و الرضا لتسليم امرك لله ربنا ما يكلفنا فوق طاقتنا و نقدر نتعايش مع ظروفنا و نتغلب عليها |
رد: الضغوط النفسيه اللي اعانيها من جهه اطفالي
ماراح تنحل اي مشكلة نعاني منها
الا اذا عرفناها انت قلت فراغ كبير وهذا خطأ مستحيل يكون عندك فراغ ابدا حتى لو صار عندك وظيفة ممكن تنشعلي فكريا وتتعبي بدنيا لكن مشاكلك زادت مانحلت لانك ماتعرفي وين المشكلة والخلل و اعتقد انها احتياج... يعني محتاجه حب وحنان ودلع واهتمام |
رد: ضغوطات الحياة ..والعصبية
اختي كلنا مرينا بالي تمرين به
ولكن حاولي نرتبين مواعيد نومهم واكلهم ولاتنسين اطلعي في الاسبوع مرتين للحديقة او كذا واطلبي من الله العون وبأذن الله ترينهم صالحين واقر الله عينيك بصلاحهم |
رد: ضغوطات الحياة ..والعصبية
مااعتقد عنك فراغ لو عندك فراغ كان ارتحتي للحظات من دوشة العيال الله يحفظهم
انتي محتاجة مساعدة بعد ماانفصلت عن ام عيالي العيال عندي ولدين تعبت جدا من المسؤولية وقصرت بشغلي الى درجة اخذت اجازتي 55 يوم ارتاح واتفرغ لهم وبعدها اخذت 15 يوم دون راتب وبرضوا وصلت للجنون متوتر جدا وادنى غلطة اعصب عليهم لو يكب كاس ماء عصبت استقدمت مربيه فلبينيه والوالدة ساعدتني وقتها بتنظيم عملها والحمدلله تنظمت حياتي من جديد اذا توظفتي عندك مكان تحطين فيه 3 اطفال ؟ وكلهم حركة من بيتحمل اذا انتي امهم تشتكين من الضغوط اجرك على رب العالمين اختي الله يأجر كل أم ويرزقها برهم انتي محتاجة ابوهم واذا وضع ابوهم ممتاز استقدمي خادمة |
| الساعة الآن 06:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©