هل يجب علي خدمة أم زوجي
 

السلام عليكم .. جيتكم اليوم باستشارة أبي منكم مساعدتي..

أم زوجي تعبت شوي من ظهرها واضطرينا الاسبوع الماضي زيارتها طبعا هي في منطقة ثانية تبعد عنا 600كيلو .. قبل نسافر مهد لي زوجي انه بيجيبها معنا عشان يعرض على مستشفيات عندنا .. وقال بالحرف انها راح تنام بغرفة نومنا لانه أمه وصعب ينومها مكان ثاني .. أنا وقتها انجرحت من كلامه بس سكت .. وافقت لاني كنت متأكدة ان امه راح ترفض تجي معنا لارتباطها بمشاغل هناك ولوجود بنت لها وولد مازالوا يدرسو عشان كذا قلت ضروري اسافر مع زوجي اسلم عليها مع ان زوجي قال الامر راجع لك تبي تسافري معي او تقعدي هنا.. المهم سافرنا واكتشفت انهم مخططين كل شيء وخالصين وان زوجي كذب علي لما قالي انه بيحاولون فيها .. انا وقتها تضايقت لان عندي دوام واغلب يومي عندي شغل ..زعلت صراحة من زوجي وبان علي الزعل وقلت له يعني انا ماهميتك وانت عارف اني مو فاضية وامك تبي عناية وانا مشغولة بدوامي .. وانه لو كان شيء ضروري لاقدر الله مو مشكلة بس الحمدلله مو ذاك التعب وبعدين عندهم مستشفيات هنا واولادها ياكثرهم وزوجاتهم فاضيات يعني ليش مافي الا انت .. قال فعلا والله معك حق وابدا ماانتبهت لدوامك .. خلاص بوديها مستشفى هنا .. وحتى قلت له اذا نقص عليك فلوس هذي صرافتي اسحب اللي تبي برضو هذي أمي وتهمني صحتها .. اخذها ووداها مستشفى .. وسافرنا اليوم الثاني..

قبل شوي يقول لي كأنه يلمح ان ولدها اللي عنده تأمين لامه وأبوه مايتعالجو في المنطقة الغربية كلها الا في مستشفى في مدينتنا .. قصده انه حيجيبهم عندي .. طبعا وقتها قلت يعني الحين لفوها ورجعوها عليك .. قال وش قصدك قلت ترى منت الولد الوحيد لهم وياما عطيتهم وعطيت اخوانك وضيعت حياتك والحين مامعك شيء وهم عندهم خير ولو طلبتهم ريال ماساعدوك.. قال هذي امي وابوي ومهما عطيتهم قليل فيهم .. سبحان الله تذكرت المشكلة اللي صارت بيننا لما تخاصمنا على اني اعطي أمي فلوس من راتبي .. قلت له اما انا فقومت الدنيا وماقعدتها لما كنت اعطي امي فلوس .. قال كم لك تعطينهم .. قلت وبعطيها الين أموت أو هي تموت .. سبحان الله أوفر وأجمع عشان نبني مستقبلنا وأنت ماتفكر الا بنفسك .. قال لاتخافين بستأجر لهم في بيت ثاني ماراح اجيبهم عندك .. قلت الله يعينك .. وسكتنا والظاهر انه زعلان ..

ياجماعة والله العظيم مو كره في أمه وأبوه بس ليش كل شيء عليه هو اللي يصرف وهو اللي يعطي وأخوانه كل واحد في بيته وعندهم خير .. وليش أنا يمنعني اعطي أمي وهو مسموح له ..

رد: هل يجب علي خدمة أم زوجي
 

أفكر ارسله رسالة وأقوله لاتزعل ولاتشيل بخاطرك ومهما كان هذي امك وهذا أبوك وحقهم عظيم وبرهم أوجب ماهو عليك وأقفل السالفة إن جابهم حياهم الله وإن استأجر لهم براحته .. لان أنا تعبت بصراحة أهتم بحياتنا ومستقبلنا وهو مافكر ..

رد: هل يجب علي خدمة أم زوجي
 

رد: هل يجب علي خدمة أم زوجي
 

احبه... انتي مقتنعة ان تصرفج صح ؟!!!!

رد: هل يجب علي خدمة أم زوجي
 

بصراحة انا عارفة إن والدينه لهم حق عليه .. وواجبه يبرهم .. بس المشكلة إن في تراكمات سابقة هو اللي مسؤول عنها لها دورها في موقفي .. اولها طرده لاخوي يوم سكن عندي .. والثانيه المشكلة اللي صارت بيننا ومنعه لي بإعطاء أمي من راتبي ..

للاسف هالموقفين منه تحول بيني وبين فكرة استضافتهم في بيتي يا زين ..

رد: هل يجب علي خدمة أم زوجي
 

امين واياك يارب

رد: هل يجب علي خدمة أم زوجي
 

بصراحة

بسبب مواقفه السابقة مع اهل احبه .. و خاصة موقفه مع والدة احبه حبيبي

انا معاها في تصرفها و ردة فعلها ..
و حطيت نفسي مكانها

.
.

و لا تفتحي الباب عليك ..

خليه هو يتصرف و قولي ( ماعرف )
و لا تبادري بشي

انت عودتيه تصرفيه معاه ..
خلاص هو يصرف على اهله .. ليش انت تصرفي و هو عنده اخوان !؟

رد: هل يجب علي خدمة أم زوجي
 

الله يجزاك خير .. فعلا فهمتيني ياروح ..

رد: هل يجب علي خدمة أم زوجي
 

وتصدقي والله احيان اقول في خاطري والله المفروض انه مايزعل مني مهما قلت ومهما سويت ويحطني في عينه وفوق رأسه لانه عارف من أنا ومجرب مواقفي معه .. بس أرجع أقول مهما كان الرجل يبقى رجل وأحيان يطلع من طوره ..

رد: هل يجب علي خدمة أم زوجي
 

بالعكس ما معاج حق...
لو عندهم 100 ولد وهو ترتيبه 101
بعد له حق عليهم مهما كانت تراكماتهم
ترى كما تدين تدان...
اسسي لكبرج وشيخوتج من الحين...
مو عشان سواد عينه..
بس قربة لله .. هذيل امه وابوه

رد: هل يجب علي خدمة أم زوجي
 

انتي مو ملزومة انك تددفعين تكاليف علاج والدته
وطبعا على اللي ترتاحين له مع زوجك في انك تساعدينه اولاء سويه انتي اخبر به

لكن من طيب اصلك تخدمي امه اذا جت ببيتكم ، وماراح تخصلي غير الطيبة ان شاء الله والذكر الحسن..

اما مسألة انت مو الوحيد عند اهلك اخوانك كثار ليش مايعملو لامك وابوك زيك
هذي مالك فيها حق ، هذول والدينه ومو حلو الزوجين يتجاوزون حدودهم لوالديهم ..

رد: هل يجب علي خدمة أم زوجي
 

الله يصلحك ويهديك ويبصرك لما فيه خير لك بالدنيا قبل الآخره

اجل المفروض مايزعل منك مهما قلت ومهما سويت ويحطك في عيونه وفوق راسه !!!!!


وأمه الي احق الناس بحسن صحابته ولها من الله ثلاث حقوق وبرها باب من أبواب الجنه

وأحب الاعمال الى الله بعد الصلاة ع وقتها ومقدم برها ع الجهاد في سبيل الله

ثم والده الذي يأتي بالبر بعد الام وباب اخر من أبواب الجنه

ويستأذذذذذذذذذذنك حتى يستضيف والديه لا للترفيه عنهما بل للعلاااااج عند كبرهما وضعفهما !!!!!


آه وألف آه من هكذا زوجات لايعملن شيء خالصا لله ثم تعين زوجها الذي تدعي حبببببه ع بر والديه لان رضاهما من رضى رب العالمين


والادهى والامر

تتعالجين وتتوقين للحمل والإنجاب والذريه!!!!

هذه الذريه التي تتمنيها صدقيني ستفعل بك كما تفعلين

ف انظري ماذا تودين من ذريتك وخاصة عند مرضك وضعفك وكبر سنك !!

يغيظني كثيرا ذكرك لصرافتك ووو اخ بس

صدقيني الموقف والوقفه الباره منك ومن زوجك خير من كنوز الأرض

ولاتعتقدي أنهما وفي هذا العمر بحاجة مالك او مال زوجك اغناهما الله من واسع فضله

لكنهما بحاجة الرحمة والحنان وخفض الجناح

وبالنهايه اقول لك ي أحبه

عييييييب والله انه عيب 😔

رد: هل يجب علي خدمة أم زوجي
 

فعلا عيب .. وراح أقوله هذا بيتك استضيف من تريد ..

والله لايحوجني لأحد من خلقه .. بس صدقيني لو قدم الطيب معي مع أهلي وخآصة أمي كان ربي ألهمني ترك العيب الذي اوقعتيني فيه .. أقسم بالله أن كلماتك أنزلت دموعي .. أستغفر الله وأتوب إليه ..

رد: هل يجب علي خدمة أم زوجي
 

صديقك من صدقك لامن صدقك

احبه

لأَنِّي احبك في الله واخاف عليك يوم الوعيد


انزلت دموعك

الا والديه الا والديه الا والديه

رد: هل يجب علي خدمة أم زوجي
 

وتعاملي معه ب أخلاقك ودينك وتربيتك وليس كما عاملك مع امك واخيك

بعد الإخلاص لله احررررجيه بكرم وسخاء خلقك ورقيك

وصدقيني سيتأثر بك ويكون مثلك وأفضل

المهم النيه والصدق مع الله

ولاتنسي

قول الله جل في علاه

ادفع بالتي هي أحسن

ادفعي السيئة منه بالحسنة منك وابشري بخير من رب جواد كرررريم

رد: هل يجب علي خدمة أم زوجي
 

اتمنى اغلاق الموضوع رجاء

رد: هل يجب علي خدمة أم زوجي
 

سؤال
لو امك قالت بتجيك بيطردها زوجك
وبيقول عندها اكثر من نسيب

رد: هل يجب علي خدمة أم زوجي
 

ماراح يتحملها يامبتعثة وراح يقول أخوانك موجودين ..

رد: هل يجب علي خدمة أم زوجي
 

عموما ارسلت له رسالة واتس قلت له ( الا والدينك لاترضى فيهم أبد .. برهم وأكرمهم ولا تحرمهم أبد .. والله يرزقني بر والدتي وأقولها لك عن تجربة إذا الله اخذت أمانته فيهم أو واحد منهم وقتها بس بتحس إنك يتيم حتى لو كنت شايب والله إن بعد أبوي حسيت باليتم ومر الدموع الله لا يذيقها إياك ..)

رد: هل يجب علي خدمة أم زوجي
 

بس إذا جابهم حأضطر أطلب شغالة تساعدني لأني مشغولة بالدوام وماراح أقدر أوفق بين شغلي والعناية بهم..

رد: هل يجب علي خدمة أم زوجي
 

جزاك الله خير احبه وهذا المتأمل منك

الله يسعدك

وبالنسبه للشغاله وقت استضافتهم

اتركيها لوقتها لكل حادث حديث ان شاء الله

دامك نويت خير ربي بيوفقك ويفتح الأبواب بوجهك ان شاء الله

الله يرزقنا بر والدينا أحياءا وأمواتا

لك خالص محبتي ودعواتي بالذرية الصالحه الطيبه الباره المباركه عاجلا غير اجل

تصدقين احبه

حياتك كلها ستحل بها البركه بمجرد قدوم الوالدين والبر بهما فهمًا والله بركة البيت والحياة 💕

رد: هل يجب علي خدمة أم زوجي
 

جزاك الله خير ..

رد: هل يجب علي خدمة أم زوجي
 

الله يهديك ويصلحك اعملي بأصلك وتربيتك وبري في أمك واتركيه يبر في أمه بطريقته ولا تجيبين سيرة فلوسك .

تذكري ما ترسلينه من إحسان يعود إليك 🌹🍃

رد: هل يجب علي خدمة أم زوجي
 

احبه
من اللي راح يجيك الحين
امه و الا ابوه و أمه. لان اشوف تتكلمي بصيغة الجمع؟

وش رد عليك لما رسلتي له ؟

لما ربطتي الامر بالتفكير في مستقبلكم و التوفير المادي. رغم ان لهم تأمين بالمستشفى اللي رايحينها
و الحين امه و ابوه بيناموا في غرفتكم ؟

رد: هل يجب علي خدمة أم زوجي
 

انتي طيبه احبه
بس مشكلتك عجله
شي يتعلق بزوجك تندفعين وتزعلين بشكل غريب
تعلمي الصبر والثقل
وطوله البال
حرام قلبك الطيب تخسرينه بردود افعال متعجله
الواحد دايم يقدم الطيب ويصبر
واحتسبي كل الامور لله تعالى

رد: هل يجب علي خدمة أم زوجي
 

انا ما ادري ليه الزوجات ما يفهمون ان بر الام واجب على الولد .، طيب اذا اخواني مقصرين مع امي يعني اكون مثلهم !؟
انا عانيت من هذا الشي مع زوجتي كانت تزعل اني اهتم في امي وابويه لان اخواني مقصرين معاهم .، طيب اذا مقصرين انا اقصر !!!
ما تعرفون ان الولد ما يبغى يجرح امه ويخليها تطلب احد ويقصر معاها او يتأخر عن خدمته لها .،
يا زوجات الدنيا سلف ودين مثل ما تساعدين زوجك في بر امه بيجي اليوم زوجة ابنك تحرص عليه وتضغطه انه يبرك اذا شافت منه قصور لك .

رد: هل يجب علي خدمة أم زوجي
 

و هو كيف راح يحل مسألة الاهتمام بوالديه وقت الدوام؟

رد: هل يجب علي خدمة أم زوجي
 

رد: هل يجب علي خدمة أم زوجي
 

يا أختي اعملي بأصلك وزين اللي سويتي ..خليهم يجوا وقومي بهم وقابليهم وأحسني ضيافتهم صدقيني اذا شافك سويتي كذا مع أهله
هو بيخجل من أهلك وبيعاملهم أحسن معامله ..وانتي بعد صيري مثله أمك وأبوك خليهم الأوليه في حياتك...ومو لازم اهله يناموا في غرفتك ..اذا عندك غرفة فاضية في البيت جهزيها من أحسن مايكون وخلي أمه وأبوه يجلسوا فيها وانتي لك غرفتك ..وجيبي شغاله تساعدك بعد وصدقيني كلها أيام ويرجعوا ولكن راح يتذكروا طول عمرهم حسن معاملتك ..في النهاية مالنا الا الذكر الطيب اذا رحلنا عن هذي الدنيا..

رد: هل يجب علي خدمة أم زوجي
 

رغبتك بالتغيير ممتازة ، اهنيك عليها
بالنسبة لنومهم بغرفة نومك (انا ماراح ارد على الردود اللي علقت ع هالنقطة)
لكن بقولك شي من واقعي
عندي بنت خال امي صدفة صار لزوجها عمل
بنفس المنطقة اللي انا ادرس فيها بعيد عن اهلي
و رحت انام عندها امس ع اساس تغيير جو
و طبعا ك ضيفة توقعت يحطوني بالمجلس او الصالة
تؤمنين بالله خلتني انام بغرفة نومها هي و زوجها
و طلعوا ناموا بالصالة هي وياه !
انا للحين و انا اكتب مو مصدقة اللي صار
حتى كلمت امي و انصدمممت من كرم ضيافتهم

اذا قمة كرم الضيافة عندكم انك تحطينها بغرفتك
ترا والله ماراح تنساها لك ، و كل شي عند الله محسوب
و اتوقع هذا هو الاحسان في اكرام الضيف

اشكر اختي صاحبة السعادة ع ردها
الحمدلله ان ربي ارسل لك ناس يذكرونك بالله
يا صاحبة الموضوع

اخيرا لي تعقيب ع رسالتك لزوجك
احس فيها نوع من النكد و الاستفزاز و الدراما
انا اصدقك القول .. تخيلت نفسي مكان زوجك
راح يقل مقدارك عندي و اقل شي راح تستفزيني
و الشخصيات اكيد تختلف
لكن المقصد اختاري كلماتك بعناية
و ابتعدي عن النكد و الاستفزاز .. اسلوبك جدا مستفز و يغم.
اتمنى تعتبريه نقد بناء.
( اذا حابة ابين لك مواطن الخلل بالرسالة انا مستعدة)

رد: هل يجب علي خدمة أم زوجي
 

جزاك الله خير

رد: هل يجب علي خدمة أم زوجي
 

كان يقول أمه في البداية بس الحين صارو أمه وأبوه مع العلم أن أبوه متزوج على أمه ومستقل بحياته ومايقوم في أمه تارك الامر لاولاده..

مارد على رسالتي .. رد برسايل عامة بعيدة عن الموضوع..

رد: هل يجب علي خدمة أم زوجي
 

ما أعرف .. أنا عندي دوام وماأرجع الا بعد الظهر وأنام لقبل المغرب .. وزوجي مايرجع من الدوام إلا قبل المغرب..

رد: هل يجب علي خدمة أم زوجي
 

ابوي متوفي .. وأمي اسأل الله إني يرزقني برها ورضاها .. أما هو فالبيت بيته يستقبل فيه اللي يبي .. ويجلس وين مايبي .. أنا ان شاءالله بقوم بأصلي وأخلاقي سواء خجل من تصرفاته مع أهلي أو لا .. براحته..

رد: هل يجب علي خدمة أم زوجي
 

على فكرة ترى البيت كله غرفة نوم وصالة صغيرة ومجلس .. وأنا بجهز المجلس نجلس فيه وغرفة النوم حتكون لأمه بأذن الله..

رد: هل يجب علي خدمة أم زوجي
 

ما شاء الله عليك ... ايي هذا هو التصرف الصحيح

روحي اليوم اشتري مفرش جديد للغرفة و قبل وصولها بخري الغرفة و عطريها
و فرغي خزانه ولا الدولاب ... تحط اغراضها فيه
و عليك بالابتسامه و كلمه هلااا
لا تفارق شفاتك ... المثل يقول لاقيني و لا تعشيني fgf

ترا ان قصرت يومين و ان طالت أسبوعين
لكن ذكراها بتم طول العمر و الكل بيشيل فضلك و يذكرها لك للممات

بالنسبة لشغلك ... انصحك
خذي إجازة لو يومين تهتمي بضيوفك و عقب خلي الشغالة تهتم فيهم
و عذرك موجود انتي موظفة
لكن حلو انك تاخذي اجازة و تتفضي لهم هاليومين ... يا انها بتكبر قدرك عندهم

وقومي بواجبهم لانهم اولا ... ضيوفك في بيتك
وبنت الأصول ما تقصر عن ضيوفها
و ثانية اهلك و اهل زوجك ... و لوجه الله و مهما كان بينك و بين زوجك
من مواقف سابقة .... هنا ماله علاقة لان الناس ضيوف في بيتك

حتى الدوام ان ما اعطوك اجازة ... غيبي يوم و الله يعوضك خير

بالتوفيق ... وان شاءالله نسمع اخبارك الطيبة

رد: هل يجب علي خدمة أم زوجي
 

لو زوجك يشتري سرير لامه في المجلس افضل
من غرفة النوم خاصه انك تدوامين و تحتاجين اغراضك من الغرفة
ما بيكون الوضع مريح لك و لها

رد: هل يجب علي خدمة أم زوجي
 

ان كان بامكانك تجهيز المجلس لهم يكون احسن حتى يكون الجميع مرتاح انت وهم
جلوسهم في غرفة نومك سيخلق نوع من النفور اتجاههم كل مرة ياتون لزيارتكم فمن الافضل تجهيز المجلس لهم بشكل جميل ومريح

رد: هل يجب علي خدمة أم زوجي
 

رد: هل يجب علي خدمة أم زوجي
 

وهل تشوفين أنها تنام في غرفة نومي وضع طبيعي يامهرة!!! خآصة إني موظفة واحتاج أجهز نفسي للدوام وأغراضي كلها بالغرفة !!!