زعلني بعدم خوفه علي
 

السلام عليكم..

امس صار موقف بيني وبين زوجي
طلعنا نغير جو شوي انا وهو وبنوتتي الساعه 2 الفجر
تمشينا وكل شي..
والساعه 3 ونص رجعنا البيت. قلت له. نسيت اجيب حليب
لبنتي لان حليبها مخلص..
قال لي مستحيل اروح واجيب لها.. مع ان الصيدليه تحت بيتنا بالضبط..
قالت له اذا مابتزل انت انا ابروح. قال بكيفك روحي
حسيت كأن مو هامته انا الساعه تقريباً 4 الفجر
يقول لي كذا بكل بساطه روحي
انا عناد فيه لبست عباتي مره ثانيه وقلت له انتبه للبنت
انا نازله. قال روحي بس..
حسيت انه تضايق من حركتي بس تمنيته يقول لي
لا تنزلين الحين خايف عليك. ماقال كذا وانا مالوم نفسي اني عاندته لانه قهرني تصرفه
المهم لما فتحت باب البيت سويت نفسي اني طلعت
بس الباب ماسكرته. رجعت على طول
وتخبيت في وحده من الغرف. ابشوف يحس إني تأخرت
ولا لا.. مرت ربع ساعه بعدين سمعته راح صوب الباب
نزل وماشاف احد بعدين دخل الغرفه اللي انا فيها وشافني
قال انتي مو صاحيه مجنونه كأني اتعامل مع طفله
صراحه قلت له انت ماعندك احساس. وراددته بالكلام وانرفع صوتي شوي.. شوووي مو كثير

بعدين بعد ماهدينا شوي قلت له آسفه. قال اوكي بس خليني انام.. مدري حسيت اعتذاري مو في محله

مادري شنو ابي منكم بالضبط والله
بس حبيت اقول لكم اللي صار معاي لاني منصدمه من موقفه.. وطبعاً خرب كل ابو اليوم

باااي

رد: زعلني بعدم خوفه علي
 

بإختصار.. ومن غير هو قال وهو فعل ولو ماقال ولو مافعل

غلطانة

رد: زعلني بعدم خوفه علي
 

كان ممكن بأي طريقة أفضل من كذا تتعاملي معاه ..

- هو تضايق لإنك ما فكرتيه و انتوا برة البيت إنه الحليب - خلص - ..
- و ما حب إنه يكبرها و يتخاصم معاك ..

.
.

قوليله ، حرام لو البنت صحيت في الليل تبكي ؟
إيش اسوي لها ؟

قوليله ، شكلك تعبت مرة ..
بس كلها خطوتين تحت .. انزل و تعال و اسوي لك مساج

و بعد ما يجيب الحليب ( اسحبي عليه و نامي ) ههههه

رد: زعلني بعدم خوفه علي
 

رد: زعلني بعدم خوفه علي
 

والله انتي الغلطانة

رد: زعلني بعدم خوفه علي
 

غلطته وغلطتك .. ولكن انتي تتحملي الخطأ الاكبر

رد: زعلني بعدم خوفه علي
 

في القديم كانت جداتنا يؤمن
ان الزوجة التي تعاند زوجها كأنها تنطح جبل ..

و قد قال احدهم :
يا ناطح الجبل العالي ليثلمه اشفق على الرأس لا تشفق على الجبل .

اختي
اسجدي لله شكرا
فقد عدى هذا الموقف على خير
و الحمد لله انه لم يتطور الى ما لا تحمد عقباه .

بالتوفيق

رد: زعلني بعدم خوفه علي
 

رد: زعلني بعدم خوفه علي
 

ارجعي واعتذري لو حبيبتي
زوجك طيب ماشاءالله لا تخسريه بعاندك

رد: زعلني بعدم خوفه علي
 

جزاكم الله خير جميعاً

رد: زعلني بعدم خوفه علي
 

تصرفك طفولي و كويس انه متفهم
و لا حتي نسيان حليب بنتك حتي يخلص علي اخره تقصير منك مش منه

رد: زعلني بعدم خوفه علي
 

النعس سلطان
والجوع كافر
لا تطلبي شيء من زوجك و هو بهالحالتين😐

عموما. مو الحين الليلة عدت بدون الحليب و لا صار شيء. يعني ما كان الامر مستعجل؟وإلا؟

رد: زعلني بعدم خوفه علي
 

عادي اقلبيها مزح وانك بغيتيه مقلب


وتوته توته

رد: زعلني بعدم خوفه علي
 

اختي الموقف ما يستاهل تقلبي سهرتكم نكد

تعودي بما انك ام لرضيع
يكون عندك احتياطي دائم للامور المهمة
الحليب .. حفائض الصغير .. ادوية مسكن الالم و خافض حرارة وللسعال

اي شي من هالامور الثلاثة اعلاه
اول ما العلبة يصير فيها اقل من النص ... تبلغي زوجك يشتري لك جديد
لان ممكن كثير يتكرر هالموقف وايد
و يكون زوجك مشغول او الصيدلية مسكرة لاي سبب كان
او الغرض مخلص من المحل ... وساعتها شنو العمل بيكون
تتركي الطفل بدون حليب و لا بدون حفاظ ... ضروري جدا يكون متوفر عندك
غلى الأقل ان انشغل وما جلب جديد يوم او يومين .. انتي عندك و مدبرة امورك


والصراحة على هالموقف ... الحمدلله ما تطور أكثر

رد: زعلني بعدم خوفه علي
 

اولا بارد على عدم خوفه عليكي... كثير من الرجال ما يرد بالكلام الرومنسي اخاف عليكي وكذا الرجال بافعالهم ما حنا بالمسلسلات اللي خربت علينا الله يعين
, وهو في قمة تعبه جعلتيه مهموم بخروجك وقام يتفقدك وهذا يثبت العكس.

ثانيا :- (خرب كل اليوم) هذي يعاني منها كثير من الرجال في اغلب القضايا حيث الرجال يخرج زوجته تغير جو وكان يقدر يخرج لحاله او مع اصحابه لكنه يهتم فيها واحيان الرجال يستجيب لطلبات حرمته ويمشيها بالايام . والمفروض انه يشكر على جهوده ويمتن لكن بعد الصبر على طلباتها تجي اختنا في الله تقلب الدنيا ويضيع تعب الرجال على ابسط زلة منه ولا تصبر عليه . سلامات الرجال انسان يتعب برضو ماهو مكينة مثلا.

ثالثا:- انا اعرف صعوبة هذا الموقف وان البنت جيعانه وتبكي ولكن انتقد من تجعل من هذه المواقف اختبار لمقياس الحب! الرجال في قمة تعبه وبينام! قد ممكن نمشيها مرة او مرتين يقوم في قمة تعبه بس لمن الزوجة تاخذها حلى وتتعود وتكرر هذي المواقف وش وضعها؟! لدرجة حرمتي وانا نايم تقولي احيانا تكون مهتم في اسرتك وتحبنا واحيان مرة ما تسال . سلامات!!!