|
تطلقت من زوجي بسبب تطاوله على الله مستجد89ـ90
بيخون
ويتزوج بيسب الله ما عنده احتواء ولا عنده فهم ولا رجوله ولا أخلاق ولا نظافه شخصية وكذاب ما عنده اهتمام لأولاده ولا بمشاكلهم ....... آخر استخارة اليوم الفجر عملتها يارب أن كان بقائي معاه أو طلاقي منه خير تيسره واذا كان بقائي معاه أو طلاقي منه شر اصرفه [COLOR="Red"][SIZE="2"] (تم تعديل العنوان ليتناسب مع المضمون) (مستجدات الرد 35) http://www.66n.com/forums/showpost.p...6&postcount=35 (مستجدات الرد66) http://66n.com/forums/showpost.php?p...7&postcount=66 (مستجدات الرد 89) http://66n.com/forums/showpost.php?p...5&postcount=89 (مستجدات الرد90) http://66n.com/forums/showpost.php?p...7&postcount=90 |
رد: الحمد لله تطلقت
مسكني بغرفة وحدة لخمس أشخاص
كلها صراصير ......مسكنها بشقه غرفتين وصاله |
رد: الحمد لله تطلقت
حكيتله طيب ماشي راح اظل عايشه مع أولادك وماسكة البيت والاولاد
بس على شرط تنقلنا على استديو غرفه بس تكون نظيفه وتترك البيت وتطلقني وتعطينا مصروفنا قام هجم علي وبدو يخنقني هذا هو الاحتواء الرسول اللي ما بيعرفوا منه غير اسمه بريئ من افعالهم |
رد: الحمد لله تطلقت
صباح الخير يا فلان
بدي اتكلم معك بموضوع الطلاق انا استخرت واستشرت وقررت ومرتاحة لقراري ومتاكدة منه انا وانت صعب نكمل مع بعض استنفذت كل الحلول وصبرت صبر وحده ثانيه ما بتصبره انت عايش حياتك ومبسوط وانا اللي أجمل سنين عمري انتهت وقربت تخلص وانا بمسلسل النكد والمشاكل اللي انت حطيتنا فيها ومش راضي تخلص ولا راح تخلص لأنك انت عاجبك الوضع اللي احنا فيه انا ما راح أذكر أسباب الطلاق لأنه مش سبب أو سببين أو عشره أكثر من سبب بختصار المسبات لله في كل مشاكلنا ونبهت عليك أن اللي بيسب الله وبيتطاول عليه خارج من المله ويعتبر فاسق وفاجر ولا يصلى عليه وتطلق الزوجه منه وودتيلك رابط بهذا الموضوع على الواتس من كم شهر وما كلفت على حالك تسمعه وانا بنفسي استشرت شيوخ حكولي انت مطلقه منه من زمان وياريت مره أو مرتين ميه مره سمعتك وبكل مشاكلنا اللي انت سببها |
رد: الحمد لله تطلقت
من ضمن الأسباب كمان ما عندك فهم ولا احترام ولا رحمة ولا احتواء للزوجه
بطبقوا الشرع علشان الرسول عليه السلام الرسول اللي ما بتعرفوا منه غير اسمه وهو بريئ من افعالكم هذا هوا الاحتواء اللي بتعرفوا الرسول عليه السلام بريئ من أفعالك الرسول عليه السلام احتوى السيده عائشة عليها السلام لما كسرت الصحن ولما غارت ومية مشكله من زوجات الرسول عملوها واحتواهن اقرئوا عن أخلاق الرسول واقرئوا عن نظافة الرسول واقرئوا كيف كان يخدم الرسول أهل بيته كله على الفاضي الحكي انا بعرف ومن ضمن الأسباب النظافة الشخصية 16 سنه وانا مراعي مشاعرك وما بدي اجرحك لاني بنت أصل وناس متربيه وانا انظف وراك مع أنه كان ممكن اختصر هالمعاناة من زمان بس صبرت كثير عندك مشاكل صعب نكمل مع بعض انتبه انا هون ما جبت قصة الخيانه ولا الزواج ولا ظلمك ولاهجرك ولا تقصيرك المادي علي وعلى أولادك هدول قصة لحالهم بختصار انا حاولت أحافظ على هذا البيت صبرت وتنازلت بما فيه الكفايه لكن انت حالة ميؤس منها مافي أمل بإصلاحك |
رد: الحمد لله تطلقت
كانت هاي آخر رساله ودتيها اله
كالعادة بيقرء وبيطنش |
رد: الحمد لله تطلقت
اليوم الصبح كان آخر نقاش بيننا
كالعاده هجم علي بدو يخنقني أخس على هيك مراجل حكيتله أما أنت أو انا في البيت حكالي انقلعي اطلعي انت حكيت اكيد واحد .........مثلك شي متوقع منه هذا التصرف الهمجي حكالي انت طالق سبحان الله تذكرت الاستخارة الصبح حكيت شكرا ياربي وصلت الرساله رجع حكالي انا رجعتك حكيتله لا ترجعني ولا بطيخ الحمد لله الطلاق وقع وانت بكامل قواك العقليه وحتى لو انا اصلا بستنى الطلاق من زمان وحتى لو ما وقع انا هون لفتره مؤقته لحتى يخلصوا أولادك امتحانات وبعدها بس اسافر بروح المحكمه وبتطلق غيابي منك |
رد: الحمد لله تطلقت
الحمد لله رب العالمين
ياربي عوضني برجل مش ذكر كان تجربة سيئة بحياتي وتعلمت منه دروس عمري ما راح انساها وأولها أحب نفسي ما أرضى الذل والإهانة ما أخاف من الطلاق لأنه بداية حياه جديده الكرامه فوق كل شي زي ما بياخذ يعطي الحمد لله رب العالمين |
رد: الحمد لله تطلقت
الحمدلله
ما اعرف مشاكلك السابقة لكن يكفي انه يسب الله و يتجرأ عليه اللي ما يخاف الله ايش تتوقعي منه الله يعوضك خير بس الرجعه اذا هو رجعك بيكون له حكي ثاني على ما اعتقد لازم تستفسري من المحكمة |
رد: الحمد لله تطلقت
مبرووووك حبيبتي متفائلة
بجد الحمدلله الي خلصك من هيك وضع الله يهديه ربي يعوضك عن تعبك و صبرك و يجزل لك العطاء |
رد: الحمد لله تطلقت
الحمدلله الي فكك منه واساله تعالى ان يعوضك خيرا صح الطلاق جاء متاخر ولكن نصيب من رب العالمين وخيره لك واولادك يستحقو الصبر والتضحية والله يجعلهم قرة عينك ويرزقك برهم اللهم امين
اما ابوهم عليه من الله مايستحق عوضك الله خيراً متفائلة |
رد: الحمد لله تطلقت
اختي متفاءله
انا من زمان اقراء معاناتك في كذا منتدى بكل صدق انتي وقصتك مثال للصبر والصبر والصبر الله يكتب اجرك ويعوض عليك بخير العوض ياليت اللي كل ما دق الكوز بالجره قالت طلقني تشوف معاناتك ومع هذا صبرتي وصبرتي وصبرتي الى ان خلصك الله منه ومن شره بكيت والله حين قرات كلامك ودعوت لك رب رحيم كريم لن يضيعك واولادك وانتي تحملين هذا الايمان الجميل في قلبك اجارك الله في مصابك وعوضك خيرا منه عاجلا غير اجلا |
رد: الحمد لله تطلقت
موغريب انا نهنيك ع الطلاق متفائلة
الف مبروك على الخلاص ،، صبرتي كثير الله لا يضيع أجر صبرك ويعوضك خير ويرزقك بر ابنائك ان شاء الله |
رد: الحمد لله تطلقت
قرات كثيرا مشاركاتك في المنتدى
لكن صدقا لا ارى التفاؤل لدبك الا في الاسم لن اهنئك و لكن اسأل الله لك و له خير العوض |
رد: الحمد لله تطلقت
الله يربط على قلبك ويعوضك خير
|
رد: الحمد لله تطلقت
متفائلة
انكتب لك عمر جديد باذنه سبحانه 💜💜 كلام المواساة مو لايق على موضوعك.. يامال العافية والجنة الباردة.. ربك خلصك |
رد: الحمد لله تطلقت
ربي يصلح لكي الحال ياأختي..... وما اظن ان امرأة تتمني الطلاق إلا وقد عانت الكثير من زوجها
لكي الجنة ان شاء الله... ربنا يعوض عليكي بحياة افضل واحسن من اللي كانت وتشوفي ولادك احسن ناس بها الدنيا |
رد: الحمد لله تطلقت
بالبركة يا متفائلة. jyhjyhjyhjyhjyh
|
رد: الحمد لله تطلقت
الله يعوضك خير ويكتب لك الخيره حبيبتي
متفاءلة شو ناوية بخصوص الاولاد راح تتحملي مسؤوليتهم ؟ كيف ؟ |
رد: الحمد لله تطلقت
الله يعوضك خير ويربط ع قلبك يارب
|
رد: الحمد لله تطلقت
السلام عليكم ورحمة الله وبركاته..
حبيبة قلبي متفائلة أسأل الله الجبار أن يجبر قلبك بكل ماتحبين.. |
رد: الحمد لله تطلقت
توظفي متفائله
الله يعوضك خير منه |
رد: الحمد لله تطلقت
الله يجبر خاطرك و يعوضك خير
|
رد: الحمد لله تطلقت
عالبركة متفائلة
أتذكرك ومشاكلك السابقة وفعلا الصبر له حد وينتهي والحمدلله تخلصتي منه. |
رد: الحمد لله تطلقت
الف مبروك اخيتي انتي الان منطلقه ولست مطلقه ابدئي حياه جديده ورسم لمستقبل لك ولاولادك الله يعوضك خير يارب والحياه صبر
|
رد: تطلقت من زوجي بسبب تطاوله على الله وظلمه
الله يعوضك خير ..
|
رد: تطلقت من زوجي بسبب تطاوله على الله وظلمه
لو منك بسوي حفلة واعزم نفسي واعتبرها نقطة انطلاق لحياة افضل ونفسية اجمل ..
|
رد: تطلقت من زوجي بسبب تطاوله على الله وظلمه
إلي سنين بقرأ معاناتك ومشاكلك
تسمحيلي أحكيلك مبرووووووووووووووووووووووووووووووووووووووك |
رد: تطلقت من زوجي بسبب تطاوله على الله وظلمه
الف الففففف مبروك
سعيدة من أجلك ، من زمان منتظرة منك هالخطوة و لأول مرة بحياتي افرح لطلاق عضوة واثقة بأنه رحمة لك و انفتح لك باب خير عظيم |
رد: تطلقت من زوجي بسبب تطاوله على الله وظلمه
لعلها خيرة
رزقك الله صلاح ابناءك وبرهم وعوضك الله بحياة مستقرة سعيدة |
رد: تطلقت من زوجي بسبب تطاوله على الله وظلمه
بتعرفي حبيبتي متفائلة حالي حال الاعضاء كنت متابعة كل تفاصيل معاناتك وصبرك
وكيف زوجك مهمل نفسه عندك وبس يروح لعندها كان يرتب حاله ويروح يومين ويضهرها فنادق ومطاعم وبنفس الوقت تارك اولادك بلا تجديد اقامات وبدون مدارس ويرجع باقي الايام لعندك آكل شارب نايم والبيت نظيف ومهتمة باموره بوقتها بذكر مرة قلتلك انو خليه يجلس عندها دايما وتتحمله كل الاسبوع لنشوف اذا رح تتحمل مسؤوليته عطول واجا النهار اللي بردتيلنا قلوبنا مثل ما رب العالمين برد قلبك بتستاهلي الحرية وبتستاهلي انك تعيشي لنفسك ولاطفالك للاسف ضحيتي كتير بس ما كان بيستاهل وبتمنى من بعد ما فقدك يفيق على حالو ويعرف قيمة الجوهرة النادرة اللي كانت بين ايديه ربي يسر امرك حبيبتي ويسعدك ويسعد احبابك دنيا وآخرة احترامي |
رد: تطلقت من زوجي بسبب تطاوله على الله وظلمه
أم الشبل الله يجزيك خير
انا رجعه مستحيل ارجعله حتى لو بيعيشني بقصر ياختي عنده خلل بالمخ ما عنده نضج عقلي محتاج كمان 50 سنه علشان يكتمل النضج عنده دوندرمه الله يبارك فيك |
رد: تطلقت من زوجي بسبب تطاوله على الله وظلمه
ندى
الله يسعدك يارب اللهم امين كوكتيل جزاك الله خيرا سحابه الله يبارك فيك الحمد لله ويبقى الحنين اللهم امين فانتي ههه الله يسعدك يارب بودي الغريب تسلم الله يجزيك خير مهرة الله يبارك بعمرك ويسعدك |
رد: تطلقت من زوجي بسبب تطاوله على الله وظلمه
افتكيتي منه متفائلة ...ربنا كريم ان شاء الله يعوضك كل الخير
ان شاء الله تكوني بخير وربي يجبر بقلبك هذه الفترة صعبة ..مش سهل المراة بعد سنين زواج تلقى روحها وحدها مع الاولاد وخصوصا انك لست عاملة قد ينهكك التفكير في مسؤولية الاولاد المادية ومسالة البيت ...غير هذا انت قدها وقدود خليك هنا متفائلة ونحن بجنبك اخواتك في الله حقا نتالم لالمك |
رد: تطلقت من زوجي بسبب تطاوله على الله وظلمه
خاله بيتا اللهم امين
الأولاد صعب اخذهم معي انا مش موظفه وابوي وأمي رافضين أجيب الأولاد معي علشان مصاريفهم هو ابوهم وهو مسؤول عنهم انا ناويه اروح الجوازات أسلم حالي لأنه احنا هاي السنه الثالثه مخالفين الاقامه وعليه غرامات سياره 20الف والمخفي راح يحطوه بالسجن عليه تعميم بنكي وأولاد بسلمهم لعمهم او عمتهم وبخاطركم انا 16 سنه متزوجه اسم وهو عاش حياته وانبسط وخلف ولد منها وانا محسوب علي ذكر لا حقوق ولا واجبات بدي أنزل الاردن ومن الأردن أن شاء الله بطلع الدوحه عند اخوي وبدور شغل أن شاء الله الأولاد صعب اخذهم معي على الدوحة لأن انا جوازي أردني برقم وطني أولادي جواز أردني برقم غير وطني ممنوع يدخلوا ياختي خلص بيكفي تنازلات وتضحيه خليني اروح اشوف حياتي وابدء من جديد بلكي الله أن شاء الله بيعوضني برجل يستحقني وأولاد اذا فيهم خير بيرجعولنا بكره بس يكبروا هم عاشوا حياة الذل اللي انا فيها وعارفين كل شي الله يكتبلي الخير امين |
رد: تطلقت من زوجي بسبب تطاوله على الله وظلمه
اليوم الصبح نايم ومتمدد المخفي طبعا هو بعد الطلاق رفض يترك الغرفه متحجج وين اروح انام حكيتله مش مشكلتي روح عند الحبيبة اللي فاتحلها بيت بالفجيره وبتصرف عليها
حكا كيف اروح من أبوظبي للفجيره كل يوم حكيتله يا فلان لو ارادو الخروج لاعدو لها العدة بتقدر تجيبها هون من الفجيرة وتسكنها باستديو وظلك ملزق فيها موهي اللي دمرت حياتنا علشانها وخربت بيتك علشانها ابني علي بيكح صارله يومين حراره وطبعا بطاقه صحيه خالصه وهو متمدد بالغرفة بحكي لعلي قوم كل اكلك وخلي أبوك يشربك الدوا جاب دوا مبارح من صيدلية سمعني المخفي شو بحكي صار يحكي انت مش بتحكي قاعدة هون علشان الأولاد حكيتله ايوه مؤقتا بس شوفيها لو شربته الدوا راح ينقص منك لازم تتعود على أولادك وتتحمل مسؤوليتهم وتهتم فيهم وبلش يستفز فيني انت وحده .......... انا المفروض طلقتك من زمان لما كنتي تطلعي الدكان من وراي والصالون بحكيله ممكن .... انا وانت متطلقين مافيش داعي للكلام حكا والله إلا اتصل على أبوك وأخلي يسمع مني ومنك والله إلا اتبلى عليك واحكيله أنها ما كانت بنت وسترت عليها حكيتله أخس على هيك مراجل واحد اتهم مرته زور أنها على علاقه بصاحب البيت واتهم صاحب البيت انه مأخذ من بيتنا ذهب وفلوس شي طبيعي تتبلى علي وتقذف فيني لأن الفاشل بيرمي باخطائه على الناس حكيتله لو كلامك صحيح ليش ما طلقت من 16 سنه بس انت كذاب صار يحكي ويحكي بحكيله قوم انخلع اطلع من البيت ما رضي قمت طلعت بكل قوتي بشيله الصلاه ودقيت على جيرانا يتصلوا على الشرطه قام لحقني وضربني بوكسات وشحطني من رقبتي ورماني بأعلى قوته على الأرض صرت اصرخ بأعلى صوتي وهو يحاول يكتم بصوتي الجيران فتحوا بابهم بس مالقوني لأنه كان شاحطني جو البيت وسكروا بابهم المهم بحكيله اما انت أو انا حكالي انقلعي اقعدي ما فيش طلعه حمل الكرسي بدو يضربني فيه كسر الضو اللي فوق النيون رجعت اصرخ حكالي انقلعي انا بطلع أخذ ملابسه واغراضه وحكالي خليك ....... انا تارك البيت ومش راجع ومصروف مافيش وإيجار مش دافع حكيتله اذا ما خليت اخوك يمر يعطينا مصروفنا راح اطلع على الشرطه يشحطوك تكتب تعهد بعدم التعرض لي |
رد: تطلقت من زوجي بسبب تطاوله على الله وظلمه
الكل بيحكيلي اطلعي المستشفى صوري الضربات واطلبي تقرير حاله ومن المستشفى بيحولوني على الشرطه
جسمي مكسر من الضرب الله يشل ايديه امين الله يبدل قوته ضعف امين أخس على هيك زلم بنات الشوارع بيحترموها وبيعاملها بكل ذوق وأم اولاده اللي صبرت عليه وعلى تقصيره وبلاويه بيضرب وبيخنقها هذا هي الوصية اللي الرسول عليه السلام كانت آخر ما وصى فيه استوصوا بالنساء خيرا أنهن عوان عندكم أي اسيرات أخس على هيك زلم |
رد: تطلقت من زوجي بسبب تطاوله على الله وظلمه
متفاءله
.. اشتكيه الشرطه وطالبي يعاملونج انتي و اولادج بنظرة انسانيه بمعنى هو يتوقف و يعاقبونه و تبدين تأخذين حقوقكم و مسكن يليق بكم .. احكي كل شي و معاناتكم و المخالفات و طرده لكم و حالتكم الشبه معدومه وان شاء الله بتحصلين خير |
رد: تطلقت من زوجي بسبب تطاوله على الله وظلمه
اقتباس:
اختي متأكدة من وجود شئ كهذا في اعراف الشرطة |
رد: تطلقت من زوجي بسبب تطاوله على الله وظلمه
روحي المستشفى وصوري واشتكي في الشرطه
وشوفي شو يصير عيالك لاتتركيهم حرام هم الي طلعتي فيهن بالدنيا اب مهمل وانتي بدك تهربي منهم وين يروحوا المساكين اختي اشتكي عليه وشوفي يمكن القاضي يراف بحالك |
| الساعة الآن 09:13 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©