|
نفسيتي المتعبة وبعد زوجي..
السلام عليكم..
أعاني من كم يوم من ضيقة صدر غير طبيعية .. نفسيتي متعبة للغاية.. البارح أفصحت لزوجي حتى يعذرني ويقف بجانبي .. اخرجني بالسيارة واخذنا كم لفة .. بعدها سألني باقي نفسيتك متعبة .. قلت ايه .. قال ليش باقي .. سكت ماعندي اجابة.. المهم رجعنا البيت دخلت غرفة النوم وشغلت الرقية .. ناداني على العشاء قلت ماابي .. تركني وخرج .. وقت النوم قلت له نام بغرفة النوم انا بنام بالصالة والغرض عشان ماازعجه .. نام .. وانا ظليت متعبة لوقت متأخر .. ارسلت له اني ماراح اداوم .. جاء سألني ليش .. علمته .. المهم راح دوامه .. ولان ماعندي امكانية اغيب الا بدون عذر .. ضغطت على نفسي وطلبت من زوجي يرسل السواق بداوم .. وصلت الدوام ونسيت اقول لزوجي اني وصلت .. اتصل بعدها بساعة يعاتبني ليش ماقلت له .. ارسلت له اني فرحت باتصاله لاني ظنيت انه اتصل يطمني علي .. رد اذا صرت زوج شريك لك ذيك الساعة اعاملك كزوجة قالبة وجهك لك كم يوم وانا ساكت لاني لو اتناقش معك بتوصل لشيء كبير .. قلت له جزاك الله خير .. هذا وانا قلت له ان نفسيتي تعبانة |
رد: نفسيتي المتعبة وبعد زوجي..
ماني عارفة كيف اتصرف احس ان صار بيننا فجوة كبيرررة .. تغير زوجي .. ماعاد ذاك الزوج الطيب الحنوووون .. اقول لنفسي ماعلي بعيش لنفسي بس ارجع اتضايق ..
|
رد: نفسيتي المتعبة وبعد زوجي..
اقتباس:
طيب هو ليش تغير من وجهة نظرك كذا فجئة يعني بدون اسباب ؟ |
رد: نفسيتي المتعبة وبعد زوجي..
اقتباس:
|
رد: نفسيتي المتعبة وبعد زوجي..
إنتي من ايش تعبانة ومتضايقة وتسوء نفسيتك في بعض الأيام ؟؟
|
رد: نفسيتي المتعبة وبعد زوجي..
اقتباس:
|
رد: نفسيتي المتعبة وبعد زوجي..
بعض الحريم تبي الرجال بس مقابلها 24 ساعه
وان غاب ما يوقف جوالها من اتصالاته وانتي من ذولا الحريم وهذي مشكلتك يختي كل مواضيعك انا تعبانه انا نفسيتي انا مكتءبه يحق لزوجك يمل ويقول قالبه وجهك كيف بيجيه نفس يتعامل معك طبيعي!! ما اتشمت ولا لي مصلحه اتشمت لكن فعلا كل مواضيعك مليانه طاقه سلبيه انا احس فيها بمجرد اشوف اسمك تصدقين ولا لا ؟؟ فما بالك بزوجك اللي مقابلك 24 ساعه؟ اصحي لنفسك واتركي الكابه والنكد بس لان زوجك مش مرابط عندك ليل ونهار! تغيري ورح يتغير هو ايضا |
رد: نفسيتي المتعبة وبعد زوجي..
مايصير يضيق صدرك من لاشيء .. معقولة مافيه سبب واضح ؟
إذا فعلا كذا فكلام زوجك صحيح.. متعبة نفسك ومتعبة اللي حواليك .. زوجك خايف عليك ويبي مصلحتك .. تعوذي من الشيطان، وصلي ركعتين واقري قرآن وإن شاء الله بيزول ضيقك .. |
رد: نفسيتي المتعبة وبعد زوجي..
اقتباس:
والله العظيم اني صرت انبسط وارتاح اذا غاب برا البيت .. او دخل ينام وتاركني .. والله اخذ راحتي وقتها واستانس .. ترى بتعامله معي غير كل شيء حلو فيني تجاهه .. |
رد: نفسيتي المتعبة وبعد زوجي..
اقتباس:
|
رد: نفسيتي المتعبة وبعد زوجي..
وتعامله جا من فراغ ؟ ولا منك ومن اسلوبك وكابتك؟!
|
رد: نفسيتي المتعبة وبعد زوجي..
حاليا مشغولة ، بس بحجز لي مقعد للرد
عالسريع بعطيج شيء حلو جربته قومي خلج على وضوء وطهارة.. اختلي في غرفة بروحج سويها ظلام وقعدي عالارض بتذلل وخشوع وناجي رب العالمين قولي له كل اللي بخاطرج قولي له انج تحبينه ومتوكله عليه قولي له ان ابليس عبد من عبيدك تراه من حيث لا يراك وهو يراني من حيث لا اراه .. فاعني عليه .. واني اعوذ بك والتجأ إليك واحتمي بك من شره ومكره ووساوسه ووووو الخ تكلمي بتذلل .. بحديث العبد الذليل الحقير المسكين المستكين وبعدين لي عودة ابتسمي .. ❤ لان كل شيء مؤقت كل كل كل شيء مؤقت الالم الحزن حتى الفرح بس تبقى لذة وحدة .. وهي قرب رب العالمين |
رد: نفسيتي المتعبة وبعد زوجي..
اقتباس:
خففي من حدة اسلوبج اثناء النصح مو لأجل شيء ... وإنما بعض القلوب متعبة تحتاج النصح بلين بدون إيذاء.... ويمكن لا سمح الله باجر تكونين مكانهم بتحسين شكثر النصيحة بغلظة مؤذية |
رد: نفسيتي المتعبة وبعد زوجي..
حبيبتي يمكن فيك اكتئاب
روحي طبيب نفسي لاتهملي نفسك وزوجك ترى له طاقة الله يصلح الحال |
رد: نفسيتي المتعبة وبعد زوجي..
اقتباس:
ابسألك لو جات واحدة من الاخوات وقعدت تشتكي من زوجها عشان تعبان من نفسيته ويحس بضيق وتعب هل بتأيدينها ولا بتطلبين منها توقف بجنب زوجه وتدعمه وتكون معه علطول.. ليش بهالمنتدى الكيل يكون بمكيالين !! ولا لان الله اعطى الرجال القوة والعصمة يصير له كل الجبروت وللمرأة انها علطول تكون في مود حلو عشان زوجها مايزعل .. الله المستعان.. وين الشراكة اللي يقصدها لما قالي (اذا تعاملتي معي كزوج شريك لك) وين شراكته هو لي ولا المفروض المرأة هي اللي تعطي وتبذل وتحب وتحن ةتشتاق وتكون رومنسية وعاقلة وكل شيء والرجل بس ياخذ وياخذ واذا تعب في عطاءه الكل يعذره بس لانه رجل .. |
رد: نفسيتي المتعبة وبعد زوجي..
اقتباس:
|
رد: نفسيتي المتعبة وبعد زوجي..
احبه الله يفرج همك حبيبتي ،، قبل كم شهر
كنت ف حالة يرثى لها نفسيتي جدا متعبه وبالمرة كانت عندي الالام جسدية وبما اني اعرف عندي نقص فيتامينات شديد جدا استخدمتها ،، اخدت حمص الفلوليك+ كالسيوم + فيتامين e+ فيتامين d بالاضافة الى اني كنت اخد كاسين عصير برتقال طبيعي يوميا وم اشرب عصيرات معلبه او غازيات ابدا ،، وقتها صارت حياتي غيييير تغيرت جدريا ،، نصيحة حللي باقي الفيتامينات ولفيتامين d عليك بالتين المجفف حطي حبه ف كاس ماي قبل تنامين وجلستك اشربيه ،، يقولو انه جدا ممتاز ل فيتامين d جربي مو خسرانه شي،، |
رد: نفسيتي المتعبة وبعد زوجي..
احبه متى موعد دورتك
|
رد: نفسيتي المتعبة وبعد زوجي..
يمكن ينقصك التصرف بذكاء في المواقف ..
لانك تتصرفين بعفويه زايده .. يعني انا لو سالني بالسياره مابقول ايه باقي متعبه لانه اهتم بي وتعنى وطلعني بقول الحمدلله واشكره وبالبيت اذا نام فرشت سجادتي .. انا ماادري اذا هالتصرف منك اول مره ولا تكرر وطفش ومل ..! عبارته ::اذا صرت زوج شريك لك ذيك الساعة اعاملك كزوجة قالبة وجهك لك كم يوم :: صراحه مافهمت ايش يقصد ..! |
رد: نفسيتي المتعبة وبعد زوجي..
وعليكم السلام ورحمة الله وبركاته
أسأل الله أن يزيل عنك الهم والحزن .. وأن يصلحكِ وزوجكِ ويبارك فيكما وفي ذريتكما بالفعل قرأت عن نقص فيتامين D المسبب للاكتئاب .. كان الله في عونكِ أنصحكِ بالهدوء والبحث عن ما يريح نفسيتك .. الإكثار من الأذكار والصلاة على المختار (صل الله عليه وسلم) والدعاء وقيام الليل (هذا للراحة النفسية والروحانية) بالنسبة لزوجكِ .. بعض الأحيان تكون هناك ضغوطات عليه أو أمور تشغله فلا يستطيع الصبر والمساعدة والزوجة صعب يكون مودها دائماً حلو .. هي أيضاً تؤثر عليها أمور كثيرة والمطلوب هو التغافل والمصارحة بينكم بهدوء ومحبة أصلح الله حالكم وجمعكم على خير. |
رد: نفسيتي المتعبة وبعد زوجي..
اقتباس:
بس عمرنا مابينا ضيقتنا خاصة لمن حب وياكره الرجل بالذات للحرمة الي بس تتشكى |
رد: نفسيتي المتعبة وبعد زوجي..
انا مافهمت شي
بس الله يفرج همك حبيبتي |
رد: نفسيتي المتعبة وبعد زوجي..
اقتباس:
::PPP::PPP::PPP سبحان الله ماأروع ردك والله أنا أيضا مرات أكون متضايقة ومكتئبة لدرجة اني أتمنى الموت ولا ينفعني الا الدعاء لله بتذل خااصة في الثلث الأخير من الليل واحكيله -وهو اعلم سبحانه وتعالى-كل الذي بقلبي ويروح عني كل مابي من هم وغم وحزن وتنحل كل المشاكل وتتصاغر في عيني لدرجة اني نفسي استغرب اني كنت مهمومة من هذه التوافه!!! الحمدلله على نعمة الاسلام نعم اختي كوني قريبة من الله هو وحده يفهم ما بقلبك لا زوج ولا أم ولا أخت ولا صديقة. |
رد: نفسيتي المتعبة وبعد زوجي..
اقتباس:
اختي احبه احمد ربك على نعمة الاسلام والصحة والعافية وكل شيء غيره يهون زوجك مثل اغلب الرجال ما يتحمل يشوف زوجته مكتئبة وخصوصا انتي ما وضحتي له سبب ضيقك وحزنك الله يفرج همك ويعينك يا رب |
رد: نفسيتي المتعبة وبعد زوجي..
من المفروض وضحتي له سبب تعبك
و قلتي انه نقص الفيتامين مخلي نفسيتي تعبانة و اذا بتاخدي هرمونات للحمل بعد تتعب النفسية اكثر و اكثر لا تسني زوجك يفهم حالك من غير ما توضحي حاول يساعدك مشاك و ما تغير شيئ اكيد يحبط كان قلتي لما سألك تحسنتي افضل يالحبيب كان استانس و انعكس علي تصرفاته الله يشفيك خدي علاجك و اجلسي في الشمس لو دقائق بتفيدك و بتحسن نفسيتك |
رد: نفسيتي المتعبة وبعد زوجي..
احبه حبيبتي
هو فاهم غلط يحسبك زعلانه او شي عادي ارسلي له دائم الانثى بفتره معينه تتعب نفسيتها دايم اقراء بجوال زوجي زملائه يتكلمون عن نفسيات الحرمة يعني حتى الرجال انفسهم ترى يرحمونا من هالتقلبات الغلطه الوحيده زي ماقالت الحبيبة اعماق لو قلتي الله يسعدك حبيبي يكفي وقفتك معاي ترى راح ينبسط وحكاية النفسيه طبيعي يالغاليه لاتازمينها بس بيتك خليه وناسه وفرح ومايغلب عليكم الملل والكآبه احتمال تكونين حامل اذا دورتك متاخره |
رد: نفسيتي المتعبة وبعد زوجي..
احبه حبيبي
باختصار .. تبغي زوجك يرجع مثل زمان .. ( بادري ) و عامليه بروح إيجابية و طردي الزعل من حياتكم خليك ( فرفوشة ) معاه .. و بلاش من الكابة و نفسيتي و تعبانة ووو الخ الرجال ما يحبوا الأشياء هذه .. هذه بس في الأفلام التركية و المصرية ما اتريق عليك و لا تزعلي مني بس أبغاك تنظري لحياتك بمنظار اخر .. زوجك بدا يممممل و يطفش |
رد: نفسيتي المتعبة وبعد زوجي..
اقتباس:
مو علشان ترتاحين؟ وبعد ما رجعتوا برضوا سالك كيفك الحين؟ هذا مو اهتمام فيك؟ ولا لازم تكوني شغله الشاغل؟ طيب ايش الحل من وجهة نظرك تخاصميه وتنامي بغرفه وهو في غرفه ولا تمشي امورك؟ عموما انتي ابخص بنفسك ان كان اللي فيك تعب نفسي ولا دلع الله اعلم لكن انا حكمت من خلال بعض الحالات اشوفها وحده اول زواجها بس تعبانه مره مغص مره كليتها توجعها ومره راسها وهم بعدهم بالشهور الاولى ما كملوا سنه وزوجها بدل التماشي والمطاعم والفله رايح جاي بالمستشفيات!! وبالاخير كل هذا وهم تحسه بس علشان تشغل زوجها فيها ويجلس معها هل حصلها اللي تبيه؟ ابدا كان يهرب من البيت ويروح يتمدد عند امه ويوم تساله وش فيك؟ يقول تزوجت وحده فيها امراض الدنيا! وهو صادق طلع مافيها شي غير انها تعلقت فيه وما عرفت كيف تخليه مربوط بالبيت عندها! اعانك الله ووفقك |
رد: نفسيتي المتعبة وبعد زوجي..
جزاك الله خير زين على النصيحة استفدت منها
احبه زوجك ماشالله تعامله راقي معك وصبور لا تخسريه انتي متطلبة جدا من حيث العاطفة ان شالله لما تصيري ام يمتلي هذا الفراغ اللي عندك وماتلاقي وقت تكتءبي من اساسه الله يهدي سركم |
رد: نفسيتي المتعبة وبعد زوجي..
يا الله ..
تدرون لما اخذني وطلعني وين وداني !!! وداني المخطط اللي فيها الارض اللي شريتها .. حياتنا صارت جامدة .. كلامنا كله صار عن المستقبل وش بنسوي وش بنكون .. مافي لحظات بيننا حلوة مثل قبل .. اقولكم شيء حتى التسبيحة احيان مايتسبح الا بعد يومين واذا صار يبي العلاقة .. صار انسان فوضوي في البيت .. ياكل والاكل متنثر في كل مكان .. ياخذ غرض ويقوم ويخليه مكانه .. الصحون يرمي بس في المجلى أقل شيء يغسله بمويه ويرفعه مثل قبل .. حتى جزماته ينزلها والشراريب ويرميها عند الباب .. صار يتنرفز اذا طلبت منه شيء .. صرت اسكت .. |
رد: نفسيتي المتعبة وبعد زوجي..
اقتباس:
|
رد: نفسيتي المتعبة وبعد زوجي..
اقتباس:
الدورة مو متأخرة باقي عنها أسبوع |
رد: نفسيتي المتعبة وبعد زوجي..
اقتباس:
|
رد: نفسيتي المتعبة وبعد زوجي..
اقتباس:
هذي هي الحياه الزوجيه الجديه انتهى وقت شهر العسل والخجل ودخلتم بالجد بس مو لدرجة انك تتضايقي من الي كتبتيه فوق زوجي احذيته وجزمه مرميه وجواربه معلقها ع الكومدينه او التسريحة او رف غرفة ولدي بشكل مقزز والريحة الاكل ياكل ويترك وراه وانا اشيل المناديل يرميها وانا اشيل حتى علبة المويه اعتقد الرجال هذا طبعهم وترى الزوج يفضل خدمته لانه هو كمان يخدم زوجته احبه انبسطي ترى الحياه حلوه لاتعكري مزاجك ونفسيتك ع هالصغائر |
رد: نفسيتي المتعبة وبعد زوجي..
اقتباس:
رد ينم عن روح ايجابيه تحس بالام الاخرين .. الانسان بوقت ضيقته مايبي الا الكلمة الطيبه .. الله يرفع قدرك على كلامك الرائع .. |
رد: نفسيتي المتعبة وبعد زوجي..
حبايبي الله يرفع قدركم ويسعدكم ويقضي حوائجكم ❤
. احبه ، بتكلم عن تجربة ، لا من باب تنظير ، ولا نصائح مثالية ما اقدر اسويها.... كنت مثلج مثل اللي تسوينه بالضبط بالضبط ، أم دميعة ، تمر علي أيام طويلة مكتئبة .. ليش ؟ بدون سبب! بدأ زوجي يسألني .. واقول له بدون سبب بعدين بدأ .. يتضايق ويعصب ويهاوش بعدين بدأ يبتعد .. تخفت ضحكته معاي .. زوجي اللي اعرفه بدأ يبتعد .. يمل مني طبعا بقيت أيام طويلة اتشكى ومتضايقة وآه ويا ويل! بعدها قلت خلاص ، طفح الكيل ! قمت اتهاوش معاه .. شفتي قلة العقل ؟ بعدها وعيت.. وقفت مع نفسي وقفة محاسبة الرجال كان جذي معاي قبل ؟ لا كان متملل مني ؟ لا بس على طول الخط آنه ما شاء الله علي ثابتة على قيمي .. يا جبل ما يخزك ريح تمام... إذا لازم ابدأ بنفسي! إذا انتفى السبب بتتغير ردة فعله.. وفعلا.. صرت انسانه مفرفشه .. حتى اذا بتهاوش معاه اقصاها 5 دقايق واقلب الهوشة مزح ووناسة وضحك... احيانا انقهر منه وودي اقطعه قطعة قطعة واخلي كل قطعة في بلد.. بس لما يراضيني حتى لو بداخلي مو راضية ابين له ان رضيت... بعد ساعة فعلا اشعر بالرضا في داخلي... صرت اقول له حبيبي صار وقت تطلع لشغلك.. يقول خليني دقيقة صرت لما اروح معاه مشوار يحاول يطول المشوار كثر ما يقدر عشان نكون مع بعض صار يحب يسمع سوالفي... أحيانا لما ازعل يوديني مشوار مثل ما سوا زوجج.. مشوار مو عاجبني وايد وما تعدل مزاجي مع ذلك لما يسألني .. ابين له ان انه مستانسة وفرحانة اقدر جهدة مهما كان بسيط صارت ضحكته ترن في البيت.. صار لما يجي واروح اشرب ماي او اقضي اي حاجة على السريع.. يقول لي الحين اجلي كل شيء لا تقومين اي للحين عندنا مشاكل.. ولازال وقت العصبية كلامه نفس السم ولازلت محتفظة ببعض عيوبي اللي ما يحبها.. في النهاية احنا بشر مو مثاليين.. بس الحياة صارت حلوة آنه ما لي فضل بهالتغيير .. الفضل لله وحدة ما شاء الله لا قوة الا بالله كل ما مريت بشدة قعدت عالارض.. وقلت لربي ان انه عبده وابن عبديه الضعفاء المساكين وهو ربي القوي العزيز ولا حول لي ولا قوة إلا به بعدها كل باب مغلق ينفتح لي... واي تغيير انذريه لله تعالى وقربة إليه اقرئي كلام صديقتي انلمتيد عن الله ❤ بتحبينه اكثر.. كل ما عرفتيه بتحبينه اكثر.. بتشوفسن شكثر قربه سبحانه راحة وسلام |
رد: نفسيتي المتعبة وبعد زوجي..
سمعتها من مره كبيره
وكان كلامها صح الزعول ماتعيش ام دميعه على قوله زين ابيها حاولي تتخلصي من هالصفه |
رد: نفسيتي المتعبة وبعد زوجي..
انتي اللي متغيرة مو زوجك
انتي اللي نفسيتك تعبانه سألك وطلعك تلفون بالسيارة الجديدة وسألك ثانية الى ماطقت تسبده كل الحريم يمرون بمراحل تعب نفسي ويكتمون ويبكون الحالهم وقدام ازواجهم يبتسمون علشان ماله ذنب بضيقتها احمدي ربك اقل شي يسأل ويحاول يغير جوك غيره والله يقولك ماهمني متى مافكت حالتك تعالي حياك الله وغيرك ازواجهم نفسيات وعلى طول نفسية مبسوطين او متضايقين نفسيات احمدي ربك ماعاشرتي هالزوج النكدي فلاتصيرين نكدية تعوذي من الشيطان وادعي ادعية الهم والحزن وتحصني |
رد: نفسيتي المتعبة وبعد زوجي..
الله يرزقج ب ذرية صالحة طيبةمبارك فيها تشغلكم انتو الاثنين لانه واضح وضوح الشمس الروتين ع مصر مشاغلكم بدا يتسرب ف حياتكم و مب قادرين على هالتوتر المبهم.،
جربي ل ثلاث ايام فقط و لو تمثيل انج تكونين مبسوووووطه و فرفوشه و الزعل ما تعرفينه حتى صحتج بتتغير للاحسن الله يعينج حبيبتي .، |
رد: نفسيتي المتعبة وبعد زوجي..
اقتباس:
|
| الساعة الآن 04:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©