|
عناد زوجي بسبب ذهابي لبيت صديقتي حلت رد184
السلام عليكم ورحمة ورحمة الله وبركاته
ياجماعة اليوم حصل موقف وماليا الا الله ثم انتو شورو عليا دحين انا اخر ترم ليا في الجامعه باقيلي باذن الله المولى 3 مواد فقط واتخرج وفي مادة رسبت فيها مع الاسف الشديد قبل سنة ودحين برجع اعيدها ومعقدتلي حياتي ججداً مررررا صعبه وكلها حسابات ورياضيات المهم وحدة من صديقاتي معايا بالمادة وساكنة معايا بنفس الحي يعني جارتي وصاحبتي بيتها ججداً قريب من بيتي ماشاءالله عليها شاطرة وفاهمه المادة مزبووط ، خلصنا محاضرة وقلتلها ايش رأيك اجيكي او انتي تجيني لانو واجباتها كثير وربي ماني قادر انجز لحالي وقالتلي حلو انا كمان ابغا اكمل الواجبات معاكي واتفقنا انو تفهمني وكدا ، صاحبتي دي عندها بنت عمرها 9 شهور وزوجها بدوامو يعني مايجي غير على 6 ونص وانا زوجي يخلص دوامو على 5 المهم قالتلي يا رمانة انا صعب اجيكي عندي بنت صغيرة وماعندي شغاله ومخليتها عند ام زوجي بالعادة الله يسعدها تجيني وماتقصر معايا والله المهم وانا باوصلها معايا لبيتها قبل لا اركب سيارة مع زوجي كلمتو ع الجوال وقلتلو حبيبي انا بدي اروح معاها لمن نوصلها بدي اروح بيتها ونذاكر سوى عبال ما تخلص دوام 5 تعال قام قال لااااا قلتلو ليه حبيبي والله لازم لانو تسليم الواجب الخميس يقوم يقول (( انا ماعندي حريم ينفلتو )) تبي تجلسي عند البنت 4 ساعات لا يعني لا والله العظيم انقهرت انحطبت بموقف مرررا صعب بين مستقبلي وتخرجي وبين زوجي والله تخيلو يقول لا ومن غير سبب الادمية مرررررررة طيبه وواثقه فيها وملتزمة وزوجها كذلك واصلا مو موجود بالبيت وهيا شاورتو وكل شي المهم لاول مرة بحياتي نوصل لبيتها واقلو معليش انا حنزل ودمعتي في عيني معليش لازم انزل وجيت بفتح الباب وقال بكل عصبية (( يمين بالله لو نزلتي مالك رجعه للبيت )) نزلت وسكيت الباب اتصل على امي وابويا وجلس يشتكيلهم اني كسرت كلمتو واني اعاندو وانا عارفه انو الكل دحين بيوقف معاه بس ياعالم فكرو بالموضوع انا لو مارحتلها والله ماراح اسوي شي ماني فاهمه شي بالمادة والله يسعدها اليوم فهمتني وحلينا واجباتنا وكل شي واتصل على امي قالها خلي السواق ولا ابوها يجو ياخدوها من بيت صاحبتها انا ماني رايحلها وقفل الخط وفعلاً جاني السواق وانا دحين عند اهلي والله يهديه ويصلحه بكل خلاف يصير معانا على طول يقول البسي عبايتك بوديكي عند اهلك اقوم انا اطنشو واجلس بالبيت ما البس عبايتي ولا شي دحين بدي افهم ايش قصدو بالكلمة اللي قالها ( يمين بالله لو نزلتي مالك رجعه )) وصح اول ماخلصت ع الساعه 4 ونص اتصل عليه جوالو مقفل ومايرد عليا ابد وفي نفس الوقت تعبت من حركاته وعناده مستجدات الرد 129 http://66n.com/forums/showpost.php?p...&postcount=129 مستجد الرد 176 http://www.66n.com/forums/showpost.p...&postcount=176 حلت الرد184 http://66n.com/forums/showpost.php?p...&postcount=184 |
رد: عناد زوجي بسبب ذهابي لبيت صديقني
يا ليتج ما نزلتي لانها المساله أصبحت عناااااااد و كسر كلمة
|
رد: عناد زوجي بسبب ذهابي لبيت صديقني
مهما كنتي محتاجة تروحين
ومهما كانت كلمة "ينفلتوا" منه جدا غلط ومهما كان رفضه غير منطقي انتي نسفتي كل هذا وخربتي على نفسك لما رحتي بدون موافقته يلا اقعدي رقعي الحين |
رد: عناد زوجي بسبب ذهابي لبيت صديقني
اقتباس:
والله العظيم لا بروح لصحباتي ولا بسهر عندهم ولا شي يا اروح بيت اهلي يا انزل تحت لاهلو :( فهمتو اني مابروح لصاحبتي عشان اكل ولا اشرب ولا بنبسط لغرض معيين ومهم وهو الدراسة فقط !!!!! |
رد: عناد زوجي بسبب ذهابي لبيت صديقني
اقتباس:
ارقع ؟؟؟؟ لا تعليق من جد |
رد: عناد زوجي بسبب ذهابي لبيت صديقني
بصراحة اذا صديقتك زوجها مو موجود وثقة فيها ماني شايف فيها شي لو رحتي عندها تذاكري..الله يهدية ويصلحة
هذا بعض الرجال متشدد على غير سنع والغلط يدخل اهلك بالموضوع امر بينكم وتحلونة بهدؤ بعيد عن الاهل وتدخلات |
رد: عناد زوجي بسبب ذهابي لبيت صديقني
اقتباس:
عارفة انو غلطي الوحيد اني كسرت كلمته بس وربي خلاااااص حسيت انو وصلت معايا يعني كل مرة لا لا لا واقول طيب حاضر بس دي المرة ما قدرت يا ناس والله يهديه ويصلحه دخل اهلي ايوا |
رد: عناد زوجي بسبب ذهابي لبيت صديقني
انا لو مكانج برجع بيتي و بتعذر و كلمة هنيه و شوية خضوع و تنتهي المسالة
|
رد: عناد زوجي بسبب ذهابي لبيت صديقني
زوجي كوبي من زوجج عناد و ترجي .. بس ترا الرجال يبغي كلمته تمشي عالاقل قوليله خلاص ساعتين او بخلص بسرعه او هالمره ما بنزل انته بتفهمني الماده أو خلني افهم و اتخرج
ما أبرر ل زوجج غلطاااااان بس غلطتج كانت اكبر للاسف |
رد: عناد زوجي بسبب ذهابي لبيت صديقني
دحين عندي جامعه الخميس من 8 الين 4 العصر
وفي اشياء في بيتي مهمه وضروريه لا بيرد عليا ولا شي خلاص قلت بكرا اروح مع السواق واخدهم وارجع بيت اهلي تاني |
رد: عناد زوجي بسبب ذهابي لبيت صديقني
اقتباس:
انتي هدي شوي وبعد كم يوم ارسلي رسالة حلو مبطنة بالاعتذار وشرحي ظروفك الي ذكرتيها في موضوعك عشان يقتنع..وحنا الازواج تلين روسنا الكلمات الحلوة والاعتذار على الخطا..الله يوفقك يارب ويصلح ما بينكم وانا متكد انة يحبك ولا يقدر يصبر عنك لكن ردات فعل طبيعية تحملية شوي وسعي صدرك |
رد: عناد زوجي بسبب ذهابي لبيت صديقني
مرة غلطتي بحركتك..
لو أنا منك أرجع البيت واراضيه واعتذر بصدددق الين يطيح اللي في راسه ويا دار ما دخلك شر ! لا تستني منه مبادرة لأنه ماراح يبادر بما انك الغلطانة |
رد: عناد زوجي بسبب ذهابي لبيت صديقني
رجعي بيتج و تحملي
|
رد: عناد زوجي بسبب ذهابي لبيت صديقني
المشكلة ماتسوى تطوليها وتستني كم يوم.. ارجعي في أقرب وقت وانهي الموضوع على خير
|
رد: عناد زوجي بسبب ذهابي لبيت صديقني
اللي يقولولي روحي بيتك
مافي حل ثاني يعني ؟؟ غير كدا اهلي واقفين معايا هو دخلهم بالمشكلة ماقدر اكسر كلمتهم والله بصراحة ... |
رد: عناد زوجي بسبب ذهابي لبيت صديقني
أعيد واكرر مو مسأله عناد ولا كرامه
بس انتو تعرفو عاد بكرة النهار يستهين بكلمة ( لا ولو نزلتي مالك رجعه ) وانا مابغا اعودو على كل مشكلة يهددني باهلي مو حلوة بحق رجال يسوي كدا مع مرته |
رد: عناد زوجي بسبب ذهابي لبيت صديقني
مين قال اكسري كلمتهم؟
أوقفي قدامهم بكامل ارادتك وعقلك وقولي ترا انا اللي غلطت وعيب ولازم اعتذر منه وهذا الشي اللي يريحني وهو ما يستاهل إلا كل خير |
رد: عناد زوجي بسبب ذهابي لبيت صديقني
اقتباس:
وهو مايباني ارجع البيت بالقوة يعني اسلم على رجوله عشان يرضى يا جماعه اشبكم hg |
رد: عناد زوجي بسبب ذهابي لبيت صديقني
اقتباس:
اكيد بتحصلينة معصب ومنتفخ وقولي لة لو ماحبك ماجيت وكلمتين حلوين ويتغير الوضع ان شاء الله ونا مع رد الاخت ريم واعجبني تصرفها ماشاء الله عليها الله يوفقها ويوفقك يارب |
رد: عناد زوجي بسبب ذهابي لبيت صديقني
رمانه هو الآن ما يشوفها الا عنادوتحدي منك وكسر لكلمته
عارفه رأيه في الموضوع من قبل وكلمتيه زي اللي تعطينه خبر ولا انتِ قررتي انك تنزلين معاها وفوقها في وقت غلط ..وهو جاي ياخذكم تكلمينه! يمكن لو كلمتيه بهدوء ووضحتي قد ايش الموضوع مهم ومصيري لك يمكن يوافق أو على الاقل تلقون حل ثاني وتجي هي لعندك .. لما رجعتي لأهلك ايش قالوا لك؟ بس قال لأمك خلوا السواق يجيبها ماني رايح لها .. يعني ماقال لا ترجع البيت ؟ رأيي خليه يهدا لين بكرا وبعدين روحي مع ابوك وامك واعتذري انك غلطتي واسـتأذنيه انك تبغين أغراض من البيت في حال ما قبل الاعتذار لاسمح الله انتبهي تروحين وهو ما يدري عشان ما تتعقد الامور أكثر |
رد: عناد زوجي بسبب ذهابي لبيت صديقني
حبيبتي زهرة ،، الموقف صاير زي العناد
انتي عندك هم المادة وزوجك مو راضي يستوعب الموضوع ،، افضل شي تروحي مع ابوك يجلس معاه ويصارحه بخطأك وخطأه غلطك ف انك كسرتي كلمته وبيني له انو غصب عنك اشياء ضرورية جدا ! وهم زوجك لازم يكون مرن ،، ومو كل موقف بسيط يدخل اهلك او اهله او اي اطراف ثانيه ! |
رد: عناد زوجي بسبب ذهابي لبيت صديقني
مش انتي اللي رحتي بيت اهلك برجولك?
كنتي تقدرين ترجعين لبيتك مع السواق لو صغرتيها كان صغرت والله لان مو زوجك اللي نزلك بيت اهلك على حسب فهمي الاهل حل اخير دايما.. بالعكس اذا خليتيهم حل اول هو بيصير يستسهل روحتك لهم كل مرة بينما لو سكتتي كل مرة يقولها ورحتي بالشديد القوي يهاب |
رد: عناد زوجي بسبب ذهابي لبيت صديقني
خلاص أجل لا تستني منه يجيك.
خلي مشكلتكم بينكم في البيت.. مو شرط ترجعي البيت وتتصالحوا على طول، لانه أصلا بيكون شايل في قلبه بس على الاقل ما يكون للشيطان مدخل بينكم وانتوا بعيدين عن بعض وما له داعي تدخلي أهلك المشكلة تافهة بلاش تخترب العلاقات بينهم وصورته تهتز .. تحكمي في حياتك وكوني قدها |
رد: عناد زوجي بسبب ذهابي لبيت صديقني
اقتباس:
ان شاءالله ابويا يتفاهم معاه ويفهمو غلطو وكلماته الاستفزازيه اللي مالها داعي |
رد: عناد زوجي بسبب ذهابي لبيت صديقني
اقتباس:
هذي حياتك مو حياة اهلك ارجعي وتعوذي من الشيطان .واسمعي كلام الاخوات جزاهم الله كل خير ريم والاشراقة اكثر خبرة مني ومنك |
رد: عناد زوجي بسبب ذهابي لبيت صديقني
اقتباس:
اقري الموضوع حبيبتي مكتوب كل شييي كاتبه اني كلمته وانا في الجامعه من قبل لا يجي حتى فهمتي عليا وهو دخل اهلي بالموضوع انا كنت بحل الامور بيننا وخلاص بس هو الله يهديه استعجل وماقدر اروح البيت حالياً الين ما يروق ويهدا ان شاءالله وانا كذلك |
رد: عناد زوجي بسبب ذهابي لبيت صديقني
اقتباس:
بس خلي الامور تهدى شويا يمكن نتكلم ونتفاهم واعتذرلو احسن من ماني اروح ويكون حالي مو عاجبه ولا يعصب عليا لانه دايما يطردني لمن يعصب ويقول البسي عبايتك بوديكي عند اهلك |
رد: عناد زوجي بسبب ذهابي لبيت صديقني
اقتباس:
ياقلبي وحياتي وعمري انا ما دخلت اهلي هو اتصل عليهم ودخلهم بالمشكلة الله يهديه !!!! |
رد: عناد زوجي بسبب ذهابي لبيت صديقني
اقتباس:
اللي قصدته لما قلت بتخلي أبوك يفهمه ماعاد يقول كذا؟ طيب وإنت فين رحتي؟ فهميه بنفسك وخليه يحترم كلمتك إنت |
رد: عناد زوجي بسبب ذهابي لبيت صديقتي
بالمختصر :
انتي غلطانه ؟ نعم هو غلطان ؟ نعم بس غلطتك اكبر دخل اهلك و الحل ؟ بسيطه طلعي اهلك و قولي انا تسرعت و هو ضغط علي.. ثانيا هو ما طردك من البيت .. لانك كسرتي كلمته رفض انه يجيبك و أرسل احد من اهلك يجيبك بس ما حدد بيتك والا بيت اهلك .. يعني خذها ب كرامه يعني .. الحل ف نظري : رجعي ل بيتج راضيه ... طيحي اللي ف راسه وانج ما توقعتيه انه بزعل هالكثر .. بعدها كوني متفقه مع ابوك انه يجمعكم و يحاضر فيكم من ناحية الاستفزاز والطرد بس بدون ما يطلعه غلطان او يطلعك غلطانه و كذيه بيكون تدخل اهلك منطقي و لوسمحتي اعترفي لاهلج ب غلطتج لأنهم ساعتها فعلا بيوقفون مع الحق |
رد: عناد زوجي بسبب ذهابي لبيت صديقتي
سؤال
هل عندما عقلك خُيّر بين زوجك و الدرس أختار الدرس ؟؟؟؟ |
رد: عناد زوجي بسبب ذهابي لبيت صديقني
اقتباس:
عند صديقاتك لأي سبب يمكن يبغالك يومين ثلاثة تكلمينه ويفكر يشوف الموضوع يستاهل ولا لا.. عموما تصرفه انه دخل أهلك يعتبر متوقع مع عصيبته ومفاجئته من نزولك معاها لكن لاحظي انه ماقال لا ترجع للبيت .. الله يصلح احوالكم.. |
رد: عناد زوجي بسبب ذهابي لبيت صديقتي
صيري اعقل من زوجك
|
رد: عناد زوجي بسبب ذهابي لبيت صديقتي
اقتباس:
اخترت شهادتي اخترت نجاحي في ديك اللحظة 💔 |
رد: عناد زوجي بسبب ذهابي لبيت صديقتي
اقتباس:
...... |
رد: عناد زوجي بسبب ذهابي لبيت صديقني
اقتباس:
شكراً لكي الله يسعدك حبيبتي سحابه هو قال لاهلي انو حلف عليا مالي رجعه وماراح يرجعني بالبيت اليوم وقال خلي السواق او ابوها يرجعها عندكم ( يعني بيت اهلي ) وابويا قال اتصلي عليه اتفاهمي معاه احسن اتصلت واتصلت جواله مقفل ورحت على بيت اهلي |
رد: عناد زوجي بسبب ذهابي لبيت صديقني
اقتباس:
حكلمه بنفسي بس خليه يرد بالاول |
رد: عناد زوجي بسبب ذهابي لبيت صديقتي
بصراحة يا اخت زهرة الرمان
انتي ماشاء الله عليك زوجة محترمة وخلوقة من خلال ردودك وتحبين زوك من خلال توقيعك وستغربت تصرفك ولكن كل شي يتصلح ولا فية احد معصوم من الخطا ولكن المخطئ يعلاج هذا الخطا ولا يحتاج توجية احد انا احيان مليقيف شوي😆 ولا خطيت على المدام اقدم لها كامل اعتذاري ماقلت كرامة وغيرة حلو الواحد يعترف بالخطا لانة نص حل المشكلة والاعتذار يكمل النص الاخر |
رد: عناد زوجي بسبب ذهابي لبيت صديقتي
اقتباس:
يارب اعطيني صبر وطولة بال 💔💔 |
رد: عناد زوجي بسبب ذهابي لبيت صديقتي
اقتباس:
أنت إخترتي الإنتصار لقرارك |
| الساعة الآن 05:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©