|
غيرة زوجتي ذبحتني
السلام عليكم ورحمة الله
انا متزوج من سنة تقريبا وبدات الاحظ ان زوجتي غيرتها شديدة مره لدرجة اني اتضايق من غيرتها..انا عارف ان سبب الغيره حب بس مو لدرجه اني مااشوف تلفزيون او جوال او اطلع سوق او شارع ومجرد نظره عابرة تزعل وتتحسس بصراحه انا اتضايق كثير واسكت واتحمل كل هذا عشان مشاعرها بنفس الوقت ماحب اكون تحت المراقبه في كل وقت مع اني مقتنع تماما وراضي فيها افيدوني كيف اتعامل معها واخفف من حدة التوتر في كل مره تغار |
رد: غيرة زوجتي ذبحتني
مو بيدها ، فيه نساء تغار بدرجة كبيرة وفي زوجات مايغارون نهائي
وفيه اللي غيرتها وسط انت تشتكي منها بشي مو بيدها ترى الغيرة حرقتها قبل ماتحرقك وع قولتهم جرب نار الغيرة وقول لي ايه رأيك فعلاً هي نار 😩 |
رد: غيرة زوجتي ذبحتني
عليك بالمدح بس لاتزودها عاد ويسير بكش
رحت لاهلك امدحها طالعت تلفزيون وامبير الغيره بدا يولع احمر امدحها حتلاقيها خفت تدريجيا لما تشوف زوجها يحبها ويمدحها ومو شايف غيرها وبعدين الزوجه تحب الزوج يجلس معاها يسولف المغربيه مع فنجان قهوه مو طوول ماهواا موجود بالبيت يا يطالع تلفزيون يا دافن راسه بذا الجوالات فعليا سرت اكره الجوالات وربي قطعت التواصل بين افراد الاسره نفسها وبين الرجال وحرمته وربي يساعدك |
رد: غيرة زوجتي ذبحتني
كلام سحاب صح مية بالمية
ورح اضيف عليه ان زوجتك لما تحس انها مالية عينك وانها اجممل انسانة بنظرك رح تخف غيرتها كثييير ولما تطلعون لأماكن عامة حاول ان كل انتباهك يكون معها حاول تداريها وتثبت فكرة انك تشوفها ملكة جمال الكون بعينك وانك محظوظ مرره فيها براسها وازرع فيها الثقة من ناحيتك وصدقني الغيرة بتخف |
رد: غيرة زوجتي ذبحتني
من وجهت نظري. الحوار ثم الحوار ثم الحوار
نصف المشاكل الزوجيه كمن في قلت. الحوار والانانيه اجلس معها وافهمها تأثير. غيرتها عليك وانعكاسها سلباً علي علاقتكم |
رد: غيرة زوجتي ذبحتني
الله يعينك فعلا الغيرة الزائدة تتعب
وضح لها عن طريق الحوار ان هذا الموضوع يزعجك وقل لها ان الغيرة لها حدود وحاول تشغلها عنك بأي شيء دراسة أو وظيفة وبالتوفيق |
رد: غيرة زوجتي ذبحتني
ياااازين الغيره بين الازواج
تدل على الحب بس بحدود وماتوصل للشك او عدم الاحترام |
رد: غيرة زوجتي ذبحتني
الحوار في الغيرة بالذات مو حل ابدا
زي ما قالوا الأخوات أشبعها بالمدح و الإهتمام و من حالها راح تخف |
رد: غيرة زوجتي ذبحتني
ههههههه
عندنا وعندك خير لا بغيت اطلع قالت وش عندك كاشخ مافية داعي كل هالكشخة قلت يعني اطلع بسروال وفنيلة ""gg اذا صرنا بسوق عيونها على عيوني من اطالع وش ردات فعلي واذا جت رسالة بجوالي تقولي من الي مرسل اوريها الرسالة لانها تطلع بالاشعارات على الشاشة تطمئن . بصراحة انا لاشفت الوضع كذا اضحك غصب عني تقول انت تقهرني ليش تضحك برغم والله الحمد الله ماني راعي سوالف ردية ابدا والرقم السري حق الجوال تعرفة هههه ..بس معقول كل هذا بدافع الحب يضرب الحب كلةhgh اذا لقيت علاج علمني لاني من ضحايا الغير :jj |
رد: غيرة زوجتي ذبحتني
اقتباس:
قلت انتي تضيقين على كذا قالت تحملني قلت الي متى قالت لين تخف غيرتي انا كان لي نية بتعداد fdgrgبس يوم شفت الوضع كذا والله خفت عليها من جلطة او مرض السكر والضغط:jj بس اتوقع انة مرض وليس كلة بدافع الحب ""gg |
رد: غيرة زوجتي ذبحتني
أيش سالفة كل مواضيع عن الغيره
المفروض ما تبين قهرها عندك الله يعنيك الغيره الزايده مرض نصيحه لكل متزوجه لا تبينين قهرك ولا تنكدين على نفسك خليك واثقه من نفسك قبل أيام صار لي موقف مره أنقهرت لكن مسكت نفسي كان عندي موعد أسنان لما جينا عند الأستقبال جلست على الكراسي زوجي كان يحاسب ولاحظت الممرضه وقفت قريبه منه و تطلع ملفي وهي تضحك وتبتسم ، عاد زوجي جسمه رياضي وطويل شوي عطيتها نظره وهو شافني بعدها ما فتحت الموضوع لكن هو ضحك وحنا راجعيين البيت ويقول لهذي الدرجه شكلي حلو بس غيرت الموضوع ولا أهتميت لأَنِّي واثقه من نفسي دامه ماله ذنب ولا غلط لا تنكدين على نفسك و تزعلين من زوجك وهي ما درت عنكم |
رد: غيرة زوجتي ذبحتني
وعليكم السلام ورحمة الله وبركاته.
مرحبا أيها الأستاذ الكريم.. كم عمر زوجتك؟! كيف تعاملك معاها؟! هل الغيرة نشأت بعد موقف حصل أما لا؟! لا يوجد بدون سبب! ربما يكون حب تملك واعانك الله. |
رد: غيرة زوجتي ذبحتني
مرحبا
اعتذر عن التاخير بالرد ..بصراحه مااحب غيرتها فيها نوع من المراقبه وقلت لك لها اكثر من مره مااحب احد يراقبني سواءا يحبني او لا انا عفوي جدا واحيانا اتصرف بعفوية مثل سؤال عن نساء قريبين منا او بعيدين واكتشف بعدين انها زعلانه وشايله بخاطرها وتذكريني بسوالف تافهه نسيت منها .. طبعي هادي معها وبارد احيانا وهي انسانه حاره ومرحه وتحب السوالف لكن غيرتها الشديده تخرب اللي بينا وتسبب مشاكل وهي عارفة تماما اني ما راح التفت لغيرها عاطفيا وعلى حسب ماسمعت وفهمت منها ان طبعها كذا حتى عند اهلها واخوانها .. عمرها 25 سنة وانا 28 سنة |
رد: غيرة زوجتي ذبحتني
اقتباس:
بتنبسط هي.؟؟ ولا بتتضايق؟؟ اذا بتنبسط معناها تحب جو الغيره وتحب تحسس نفسها ان عندها زوج عيون العذارا عليه😅 واذا تتضايق ف داوها بالتي كانت هي الداء غار من كل شي حتى لو تلتفت قول اش فيك ليش تلتفتين منتي شايفه هناك رجال وووو لين تصير تتضايق وان قالتلك شي قل شعورك هذا نفس شعوري لما تضيقين عليه الخناق خفي عليه واخف عليك اتوقع بعدها بتخفف من الغيره |
رد: غيرة زوجتي ذبحتني
اجلس معها وصارحها بكل مايضايقك بهدوء
والله يصلح كل احوالكم |
رد: غيرة زوجتي ذبحتني
الخوف ان تزداد غيرتها مع الوقت
|
| الساعة الآن 09:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©