|
تصرفات زوجي تجعلني اشك به مستجدات رد22
السلام عليكم ورحمة الله وبركاتة
تعرفون يأخواني برامج الجديدة على الجوال مثل ( تانقو ، فايبر ، لاين ..... ) << ونغمة كل واحد فيها خاصة صح ولالا امس انا وزوجي عزمنا اخوي على مشوار وانا في غرفتي اللبس عباتي دق جوال زوجي صوت النغمه برنامج ( لاين ) زوجي علطول ركض وحط جواله على الصامت _ انا استغربت حركته وقلت له مين هذه قال : ماعليك ولاتخربين علينا المشوار قلت : عطيني اشوف الاسم رد علي بعصبية : امشي لاتخربين علي مشوارنا خلنا نطلع مبسوطين قلت له : انت تطلع مبسوط انا مراح اطلع مبسوطة انا بمشي علشان وعدنا اخوي بس وطلعت وجسمي كله ينتفظ ماني قادرة اتحرك واحس اعصابي تلفت وركبت السيارة وانا مقهوره قلت اسمع : انت اعمل الي تبغا كيفك كلم انا ماعلي منك .. وانا على فكرة قادرة اكلم الشباب مثلك وياما ببرنامج التانقو كلموني شباب ولا اعطيتهم اهميه لانه حقيقي هذولا مايهوني وليه اخون وانت عندي الحمدلله عمري ماكلمت شاب بحياتي كله والان انا تزوجتك وصنت شرفك وعرضك !!! قال : ماتفهمين ويمسك راسي ويدفني ويضرب يدة على الدركسون السيارة ..... _الى ان وصلنا للبيت واخذنا اخوي طلعنا وانا ماسكه نفسي حتى مأبكي علشان اخوي مايحس واسولف مع اخوي كأن الوضع عادي جداً لكن مأوجه كلامي لزوجي ابداً ، وزوجي العكس كل سالفه يقولها يوجهه لي ولا اخفيكم احيانا اسرح وافكر ارجع اكلم بالتانقوي >> زيي زي زوجي بالضبط واليد باليد والسن بالسن والبادي اظلم..... _ خلص مشوارنا مع اخوي ونزلناه للبيت بعد مانزل قلت لزوجي تخيل الموقف يكون العكس وانا الي اكلم واكتشفت انت الموضوع ايش ردة فعلك ؟؟ قال : عادي وانا مو مثلك ادقق على كل صغيرة وكبيرة قلت : هذه مايعتبر تدقيق على كل صغيرة وكبيرة هذا شي غلط !!!! سكت سكت سكت قلت هاه : والحل ؟! قالي احدف الاين وارتاح وحذفه قدامي << بسراحه حذفته للبرنامج ماغيرت شي من الواقع وبقى اثر بقلبي قلت اسمع مهما كان حذفت وحلفت اني حبيبت يبقى شي بقلبي مراح يزول _ ولو تعرف اني يومياً اصحى من النوم وافكر وعقلي كله مشغول بسبب سفراتك وسهراتك وووووو قال : انا تغيرت وتغيري علشانك !! ^^ سراحه زوجي ماتغير وهو نفسه وكل يوم يطلع لي بموال جديد وين تغيرة ماني عارفه ... قلت : طيب انت تغيرت علشاني وانا تغيرت بسببك ولاقادر تتحمل مني كلمه او تصرف ناتج عن حركاتك من قبل نسيت سفرتك قبل كم سنه نسيت سهراتك وتركك لي لصباح << اذا نسيت انا بقي بقلبي جرح كبير هو تغير بأشياء ، واشياء ثانيه لا ماتغير وكل ماله يزيد _ الخلاصه : انا اتمنى اعيش وبالي مرتاح .... وكل مانسيت شي يرجع لي مشكلة وتفتح لي مواجع انا بسراحه مابحثت ورى زوجي لكن كل شي يبين قدامي ومع ذلك اتحمل واسكت _ زوجي جواله حط فيه رقم سري معقد واذا جاء ينام يقفله ويخبيه تحت المخدة !!!! يعني يتصرف بتصرفات غريبه << وهذه التصرفات من يوم جاء من المغرب ؟؟؟؟ _ واذا وصل للبيت يقفل جواله ويجلس معي اقوله طيب ليه قفلت جوالك يرد مأحب اصدقائي يزعجوني وانا ابي ارتاح منهم _ استغرب تصرفاته ولا ادري هل هذا طبيعي او لا ايش رايكم انتو ؟! ... تم تعديل العنوان ليتناسب مع المضمون مستجدات رد 22 http://66n.com/forums/showpost.php?p...7&postcount=22 |
رد: زوجي وتصرفاته معي ...
نصيحة مني لك لا تحملي هذي البرامج ولا تستخدميها كوسيلة انتقام
|
رد: زوجي وتصرفاته معي ...
بصراحة تصرفاته من جد تخلي الوحدة تشك
تصرفات مو طبيعية ابداً |
رد: زوجي وتصرفاته معي ...
اقتباس:
_ عندي صديقات واخواتي خارج المملكة واتواصل معهم بهذا البرنامج _ انا حتى اكون صريحه مع زوجي قلت لة شوف كم الرسائل تجيني لتعارف ولا واحد فيهم عطيته اهمية لان فعلاً اعتبر هذه الاشياء سخيفة ولا تهمني انا شخصياً الحمدلله لكن جت الفكرة براسي حتى يحس زوجي بحجم الا حساس الي انا حست فيه |
رد: زوجي وتصرفاته معي ...
ايش الفكرة اللي براسگ ؟؟؟
|
رد: زوجي وتصرفاته معي ...
اقتباس:
|
رد: زوجي وتصرفاته معي ...
احنا بأيام فضيلة يابسمة الثواب والذنب مضاعف..لايكن الله اهون الناظرين اليك ولا تعصي ربك عشان اي مخلوق كثري دعاء واستغفار وريك يفرجها
|
رد: زوجي وتصرفاته معي ...
اقتباس:
زوجك يسوي غلط (عرفاً او شرعاً ) تقومي تظهري احتجاجك بأن تدخلي بالوحل مثله! لا وعشان ايه عشان يحس!!!! واذا حس يختي تتوقعي أنه حيصحى او يتوب الى الله او يحبك! للأسف ولا وحدة منها حتحصل وان حصلت فنسبتها ضئيلة ووقتها سيكون هو الربحان وانتي الخسرانة ويروح يتزوج وحدة شريفة غيرك. ولو زوجك مدمن مخدرات ايش حتعملي؟! حتدمني مخدرات مثله!!!!!!! فوقي يابنت الناس وحطي لنفسك قيمة ولو حتى قيمة انسانية على الأقل ولو كنتي امرأة فرعون كنتي حتقولي خليني ادعّي الالوهية عشان يحسّ باللي يسويه في الناس! |
رد: زوجي وتصرفاته معي ...
دققتو على كلمة مني ونسيتو المشكلة الحقيقيه!!!
_ انا قلت ان موضوع اكلم الشباب مايعني لي اي اهمية واعتبرة سخييييف الحمدلله انا تربيت تربية صالحة وعارفة اننا بشهر فضيل والاعمال تتضاعف ^^ اعرف ديني قبل لأحد يقول لي اصحي !! وانتبهي على نفسك !!! والحمدلله اعرف ربي واخاف من عقابه قبل خوفي من عقاب الناس لي . اذا بتمسكون علي هذه الكلمة فبلاش اخذ منكم نصائح وشكراً لكم .... |
رد: زوجي وتصرفاته معي ...
اختي
الاخوان والاخوات التبس عليهم هل هي مجرد فكره وانتي معصبه ولا ناويه تعمليها والجواب الاخير بين انك مالك بهالسوالف |
رد: زوجي وتصرفاته معي ...
المشاركة الأصلية كتبت بواسطة بسمة 111*
اعمل زية بالضبط زوجك اغضب ربة وكسر ثقة زوجتة بة الله يهدية ويصلح حالة ولكن طاح بالوحل علي طول انتي وراة انظري لربك لسمعتك و لسمعت اهلك لو كتشف هالشي مابعدة الا طلاق وانتي الخسرانة ..ولكن نحن في ايام فضيلة استغليها بدعاء لة بالهداية والله يسخرة لك |
رد: زوجي وتصرفاته معي ...
اقتباس:
ادعو صاحبة المشكلة بصبر ومحاولة اصلاح زوجها |
رد: زوجي وتصرفاته معي ...
اقتباس:
......... ..........تصرفاته مريبة جدا وشفت تفاصيل مواضيعها في قسم ساعدني ... |
رد: زوجي وتصرفاته معي ...
في البداية يا بسمة اقولك الله يصبرك و يربط على قلبك و يعينك على الحالة اللي انتي فيها
الوحدة لما تشك بزوجها او تكتشفه مره مستحيل ترجع ثقتها فيه مره ثانية ورح تعيش بداومة الشك خصوصا اذا كانت تصرفات زوجها مريبة فعلا انا اكلمك من واقع تجربة مريت فيها .. اذا زوجك انتي متأكدة مية بالمية انه خاين وان الخيانة وصلت فيه لعلاقة محرمة وطلعات لا قدر الله وما اقتصرت على تعارف ومكالمات فهو مستحيل يتعدل اذا الموضوع كان مجرد مكالمات ورسايل عطيه فرصة اخيرة الفرصة الاخيرة مو انك تحرقين قلبه وتخونينه مثل ما احرق قلبك (وصدقيني والله العظيم اني حاسه فيك ومريت بهالشعور قبل ) بس الحمدلله لولا لطف الله فيني والوازع الديني اللي بداخلي ولا كنت انجرفت ورا هالوساوس المريضة الفرصة الاخيرة حبيبتي انك تحسسينه كيف بتكون حياته نااقصة اذا انتي انشغلتي بحياتك عنه وما فكرتي فيه ولا فتشتي وراه خليك دايما مبسوطة وسعيدة ومبتسمة (حتى لو كان مجرد تمثيل ) انشغلي بهواياتك حسسيه انك فجأة رجعتي انسانة متفائلة تحب الحياة ولا توضحين له سبب خلي كلامك معاه جدا عادي ولا تعطينه الاهتمام اللي كنتي تعطينه اياه قبل اطلعي لاهلك او صاحباتك واذا رجعتي خليه يتعجب من ابتسامتك و سعادتك حسسيه انك عايشة حياتك طول بعرض وانه وعلاقاته اجزاء ما تشكل اهمية بحياتك الحين حاولي بين فترة وفترة وبشكل عادي في السوالف تقولين له انا الحياة علمتني انها ما توقف عند احد وان الشي اذا انكسر مستحيل يرجع مثل ما كان واذا قال لك وش تقصدين قولي سلامتك يا عمري ما اقصد شي وخلي الاسئلة اللي جواه تحرقه و تكونين انتي اللي دايما شاغلة باله وتفكيره و كيف يرجعك مثل ما كنتي وكيف يحسسك مره ثانية بالامان والثقة هذا الحل الأول اذا كان زوجك من النوع اللي ممكن يتقبل الحركات هاذي ويحب المرأه المستقلة اللي هو يحاول يكسبها مو هي اللي تكون ميتة على رضاه اما اذا زوجك مو من هالنوع فانا قريت من قبل طريقة ثانية للتعامل مع الخاين .. اقتليه بالاحساس بالذنب واحرقيه بتأنيب الضمير بمعنى انه اذا حط راسه ع الوسادة بينام وهو خلال اليوم كان خاينك ولو بنظرة خليه يقول والله هالانسانة ما تستاهل اللي قاعد اسويه فيها .. والله اني ما عرفت قدرها ولا استاهلها بدل ما يقول نامت وآخر شي سمعت منها هواش وصراخ انا اصلا احس بنقص عشان كذا كلمت فلانة او راسلت فلانة ويجلس يبرر لنفسه لان هاذي هي عقلية الرجل الخائن من اكبر الدوافع اللي تشجعه على الاستمرار في الوضع اللي هو فيه هي المبررات اللي يخلقها لنفسه وانه هو المظلوم المسكين وانك السبب في خيانته كوني له زوجة مثاالية لفترة لو تمثيل واحتسبي أجرك عند الله تعالى واشبعي حاجاته من جميع النواحي وخليك الانسانة اللي اي رجل يتمناها زوجة له ولا عاد تطلبين منه يتغير ولا تفتحين معه مواضيع الماضي وشوفي كيف تأنيب الضمير اللي يقتله ببطء قاعد يغيره للأفضل بدون ما يحس ارجع واقول الله يكون بعونك وهالشي متعب ورح تطولين وانتي حتى بعد ما يتغير رح يظل عندك شوية شكوك حاولي ما تلقين لها بال واذا ما تعدل بعد الفرصة الاخيرة اللي رح تعطينها اياه بيكون الانفصال احد الحلول لانك رح تكونين متأكده ان الخيانة فيه طبع مستحيل يتغير فاذا كنتي مو مستعدة تعيشين حياتك معاه بهالاسلوب الطلاق بيكون الحل الاخير واخر نصيحة اذا كان لسى ما عندك اطفال شيلي فكرة الحمل من بالك لحد ما تستقر اوضاعك وتعرفين حياتك معاه كيف بتكون ورح تستمر او لا |
رد: زوجي وتصرفاته معي ...
اقتباس:
ماحاول يغيّر روتين حياته عشانها برضو زي ماهو واضح من آخر موضوع : ....... أنا ما أدري عن صفاته الإيجابية فقط زوجته تدري عنها ، وأنتظر منها تجي. عشان تحكم هي هل يستحق منها كل هالتعب النفسي ؟ ...... أخت بسمه ، هل فكرتِ تناقش والدك عن الموضوع ؟ الأب حكيم ومصلحتك وسعادتك هم غايته بحياتك .. استخيري بقرارك واستعيني بوالدك ❤️ |
رد: زوجي وتصرفاته معي ...
اذا هو زاني وعلاقاته وصلت لمرحلة العلاقه الجسديه اظن والعلم عند الله ان فيها فتوى بحكم الجلوس مع زوج زاني اسألي شيخ اظن مايجوز تستمرين معه قد قريت شيء زي كذا بس اسألي شيخ لان بالقران الزاني لا ينكح الا زانية او مشركه ...
الامر الاخر دام ماعندك عيال نصيحه مني خذي اثبات عليه انه راعي بلاوي وحريم وكل ماكان اثباتك اقوى افضل وانفري بجلدك قبل يبلاك بمرض اللي يطيح بهالوحل وعنده الحلال لا يمكن يصلح الا اذا الله راد له نصيحه انتي تستاهلي الافضل منه لو متأكده من علاقته الجنسيه الحرام مع اي وحده هنا ولا برا اقولك خلي عنك احساس بقيمة ذاتك وقيمة نفسك وانفذي لا يمكن يتعدل واقري عن الرجل اللي يخون جنسيا كيف انه مظطرب وكيف ترضيه اب لاولادك ... قبل كل شيء استفتي شيخ واسألي مستشارين وعقبها قرري والله الطلاق بحالتك نعمه خصوصا لو مافي اطفال وعلمي اهلك بعلته عشان محد يلومك لا تقولي استر عليه شخص عاف الحلال وراح للحرام مايستاهل ستررر ... كان يقدر يتزوج ويعف نفسه بس ماقول الا الله يعظم اجرك ويحميك من رجل ممكن يبلاك بمرض تجلسي طول عمرك تعاني منه |
رد: زوجي وتصرفاته معي ...
لاحول ولاقوة إلا بالله
...... |
رد: زوجي وتصرفاته معي ...
اختي بسمة هل زوجك فعلا خاين ؟
كم عمر زوجك يا اختي ( نصيحة لا تقابلي الخطأ بخطأ مثله ، تخطين على نفسك كذا ) |
رد: زوجي وتصرفاته معي ...
بِسْم الله والصلاة والسلام على رسول الله
أختنا الفاضلة أعانك الله على إصلاح زوجك و صلاح أسرتك أصبري و أتمنى أن لا تتجرفي خلف كل وشخص نصحك بالطلاق فمن فعل هذا فهو مخبب اسمعي لهذا الحديث عن أبي هريرة، قال: قال رسول الله -صلى الله عليه وسلم-: "من خبب زوجة أمرئ أو مملوكه، فليس منا" رواه أبو دَاوُدَ قرأت مضوعك مع الأخ الفاضل مثابر في قسم ساعدني و أنت قلتي أن زوجك تفاجئ لما قرأ مواضيعك في المنتدى وعن طريقها تأكد أنك تحبينه 100٪ وكان تساؤل الأخ الفاضل مثابر في مكانه حينما قال لك لما ياترى ما كان يعلم بحبك له ؟؟ أظن والله أعلم أن الحل يكمن في معالجة هذه الفجوة وصدقيني لو كان خائن بجد ما كان علمك بما فعله في الصالون في سفرة من سفرياته التي كتبتي فيها هنا ( وجهة نظري ) أنه لا يقصد الخيانة من أفعاله إنما يريد أن يخرج الأنثى التي يريدها من داخلك بهذا الأسلوب - بغض النظر عن صحة هذا الأسلوب أو لا - والله أعلم قد قلت ما قلت إن وفقت فبتوفيق الله وإن أخطأت فمن نفسي والشيطان ولا حول ولا قوة إلا بالله اللهم فرج الهموم ويسر الأمور و أستر العيوب |
رد: زوجي وتصرفاته معي ...
الله يفرج همك ويصلح زوجك
|
رد: زوجي وتصرفاته معي ...
مافهمت سبب كتابتك للموضوع
هل تستشيرننا في انه تكلمين وتسوين زيه او في وضع زوجك |
رد: زوجي وتصرفاته معي ...
بالعقل
لو بغيت اعمل الغلط جيت شاورتكم هنا؟!nhg _ المهم مستجد موضوعي حياتي مشت عادي واتعامل مع زوجي طبيعي حاولت اتناسى الموضوع لكن يظل تفكيري شغال، ومع ذلك بديت انشغل مع الناس وبعيدة عن زوجي سافر زوجي امس ( سفرة داخلية) يحضر مناسبة صديقة ، _ طلبته يأخذني معة فرفض ووعدني نسافر بعد عيد الاضحى ان شاء الله << واتوقع فقط تصريفه مأضن راح نسافر .ghh عادي وافقت اجلس عنداهلي لاني اصلاً تعودت انام عندهم كل شهر وهم تعودو على وجودي بينهم ... بكل سراحة انا مبسوطة مع اهلي وزوجي بعيد عني احس براحه نفسيه وافكاري ايجابية عكس لما كنت مع زوجي وفي بيتنا تكون افكاري سلبية وضايقة ومهمومة _ زوجي من يوم سافر ولا جاب خبري يعني لاسلام ولاكلام فقط رسالة يخبرني بوصولة ، وتحمدت له بالسلامة..... _ بالنسبة لي الوضع عادي ولا يهم كلمني ولا لا وانا بعد مأدق عليه ولا لي نفس اكلمة ولا لي نفس حتى اعاتب على بعدة عني ، جداً جداً مبسوطة على هذا الوضع _ لما اتذكر بيتي اتأزم السراحه كارهته مأبيه ، وافكر حتى اجلس عند اهلي الى بعد العيد ... لان زوجي راجع بعد ثلاث ايام ، وانا الى الان مبسوطة ولله الحمد مع اهلي ومرتاحة ولا ابغى انكد علي جوي وافكر اخذ فترة طويلة افكر فيها على راحتي بعيد عن زوجي . |
رد: زوجي وتصرفاته معي ...
تبين الجد اختي
اليوم اجلسي لا تكلمينه يعني( راحة ) ع قولتك بس احس لو كنت مكانك راح اتواصل معاه اقل شي قبل رجوعه بيومين اتكلم بمشاعر حلوه .. شوق وحب واهتمام اجعليها بداية تغيير اسلوبك معه ودائما الانسان يبدأ من نفسه فاذا قدر عليها , على غيرها اقدر موفقة |
رد: زوجي وتصرفاته معي ...
اذا استمريتوا بهذا الوضع
ستكبر الفجوة بينكم سيعود الى برامج التواصل وياخذ راحته اكثر ستعود عصبيتك من استخدامه لهالبرامج وتكبر الفجوة اكثر انتي بتقولين هو بدأ خليه يجي يصالحني وهو يقول هي اسلوبها ينرفز خليها بعيدة اريح لي على فكرة يمكن هو يقول نفس كلامك اللي كتبتيه هنا مسافر ومرتاح من وجع الراس ومبسوط احس كرهتها استمرار الوضع بينكم بهالسيناريو راح ينتهي بالطلاق لاتعاملي زوجك بندية ابدا |
رد: زوجي وتصرفاته معي ...
اقتباس:
اقتباس:
ارسلت له كلام جميل وعبرت له عن حبي واشتياقي ورد علي بكلمتين شكراً قلبي 💗 _ انا ابادر ماعندي مشكلة لكن ابادر ولا اشوف تفاعل لا طبعاً شي ممل لما اعطي واعطي واعطي وهو يستقبل ببروووووود ولما يتصل >> كيفك اخبارك .. حبيت اسلم عليك مع السلامة ولما اقول دقيقة لاتسكر يرد : والله مشغول اكلمك بعدين ؟؟؟؟ واحيانا يكلمني وهو مع صاحبة بالسيارة !!!! _طيب على الاقل يعطيني شوي من وقتة مو كل وقتة مع اصحابة !!! وانا من رائيي لايتصل ويكلف على عمرة اذا كذا اسلوبة لما يتصل كلمتين ومع السلامة ولا ومع اصدقائه بالسيارة !!! وين الخصوصية بين الازواج راحت ؟؟؟ والله عيب عليه الي يسويه وفشلة ، |
رد: تصرفات زوجي تجعلني اشك به ..!
حبيبتي بقولك شي،، اذا خيانته ماوصلت لخيانه جسديه ..معناته فيه رجا..وممكن وضعك يتصلح...اهم شي ابداً لاتذكريه بخياناته طالما انه قال لك انه تغير عشانك...ولاتعايرينه كل شوي بغلطاته...حتى لو كان يبالغ بهالكلمه،، لاتحبطينه بيني له انك تغيرت شخصيتك من بعد ماجرحك لكن بدون تجريح لفظي له...بعطيك كم نصيحه متأكده انها بتغير شي بحياتك معاه باذن الله:
1-خففي من التصاقك فيه وسؤالك الدائم عنه انشغلي عنه قليلاً واعطيه فرصه يبحث عنك..حتى في فراغك ابحثي عن مكان اخر غير اللذي يتواجد فيه زوجك لتجلسي فيه وتثيري فضوله 2- سوي نفسك دايماً انك سرحانه ومبتسمه واهتمي بجوالك قليلاً لتثيري فضوله 3-نجي للاهم(على فراش الزوجيه) طيريه في السماء ..حاولي كل حركه منك تكون على الوجه المطلوب..حتى طريقة القبله المطوله توجد مقاطع بيوتيوب للقيام بها بطريقه صحيحه..واظهري له انك شبقه ودائماً متعطشه زوجياً..لئلا تعطيه فرصه للعبث مع الاخريات ولو بالكلام..داخل الغرفه التصقي له بدلال وخارج الغرفه كوني غامضه وغريبه!!!! |
| الساعة الآن 09:45 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©