|
اهل زوجي يفتشو بآغراضي اثناء غيابي ، الحل
السلام عليكم
باختصار بقول مشكلتي لاني الان افكر اترك البيت زوجي من يوم تزوجته اقوله ماحب احد يدخل بيتي بغيابي اقصد اهله لانهم يفتشون وياخذون اللي يبونه حتى من اكسسوارات ولبس واكل ورغم هذا يوعدني واكتشف انه يدخلهم واليوم وصيته ورحت لاهلي ونقل اغراض للبيت وناداهم يساعدونه وانا اغراضي كلها مكشوفه وانا وصيته قبل لا اروح لاتدخل احد وبالنهايه يقول بدل ماتقولين شكرا انهم طلعو الاشياءء طيب انا ماطلبت انا وصيتك بالعربي معناته بيستمر ومابيسمع كلامي ومعصب يقول انتي اش تبغين اقوله ما ابغى احد يدخل يقول ابشري ابشري بشكل مستفز مثل اللي يقول بسكتك بس وانا ما اقدر اتغاضى اكثر من كذا هل قراري صحيح اروح بيت اهلي او اكلم احد اعمامي يجي البيت واتكلم معه بحضور زوجي واخلي زوجي يوعدني قدامه ممكن هالشي يخليه يفهم قديش الامر كبير عندي اذا بيتي ما احس بالامان فيه اجل وين تم تعديل العنوان ليتناسب مع المضمون |
رد: مشكله مستعجله تكفون ردو
اقعدي في بيتك
والله فشلة و بيركبك العيب من فوق لتحت تجيبين عمك. عشان يشهد ان زوجك ما يدخل أهله ((ببيته))وقت غيابك !!!! أغلقي على اشياءك الخاصة ولحرصي على نظافة البيت وقت خروجك |
رد: اهل زوجي يفتشو بآغراضي اثناء غيابي ، الحل
انا ما ادري عنكم
بس احس عيب هذا الكلام صدقيني محد راح يوقف في صفك ويمكن راح يسبب حزازيات انتبهي |
رد: اهل زوجي يفتشو بآغراضي اثناء غيابي ، الحل
لا أنتبهي لا تدخلين أحد بمشاكلكم
|
رد: اهل زوجي يفتشو بآغراضي اثناء غيابي ، الحل
ياناس افهمو يفتشو بكل شي
وربي احساس يقهر ولا هو شي سهل وفيهم طبع السرقه انا بوجودي اشيلهم فوق راسي بس بغيابي من حقي ماحد يدخل بيتي وهم والله مايخلوني ادخل حتى غرفهم بس الصاله يستقبلوني يعني هما لهم خصوصيه وانا لا |
رد: اهل زوجي يفتشو بآغراضي اثناء غيابي ، الحل
المشكله ما اقدو اقفل على شي غرفة نومي مفتوحه دواليبي
واشيائي امي مثل كذا تقول قفلي على كل شي لانه حتى بوجودي يفتشو لكن انا مااعرف اجلس اشيل كل شويه يعني التسريحه مليانه مكياج وعطور كل مره احطهم بدرج واقفل وارجع ارجعهم بالله هذي عيشه |
رد: اهل زوجي يفتشو بآغراضي اثناء غيابي ، الحل
وهم كل يوم عندي
بس يهون علي وانا موجوده اما مو موجوده لااا وزوجي لازم يفهم هالشي بيتي مملكتي من ابسط حقوقي اني ما ابغى احد يدخل بغيابي |
رد: اهل زوجي يفتشو بآغراضي اثناء غيابي ، الحل
اقتباس:
راح يقولوا هذا بيت ولدنا ولا اخونا ومن حقنا ندخل وقت ما نبغى تغاضي وانسي الموضوع لان لو اهل عرفوا برغبتك صدقيني بتصير مشكلة اكبر مما تتصورين ويمكن يحرضوا زوجك على الزواج او الطلاق |
رد: اهل زوجي يفتشو بآغراضي اثناء غيابي ، الحل
حلي هالمشكلة مع زوجك
لا تدخلي أحد بالموضوع هم وش سرقوا منك قبل وهل زوجك يعرف انهم سرقوا ؟؟ |
رد: اهل زوجي يفتشو بآغراضي اثناء غيابي ، الحل
الله بعونك 😓
شيء ينرفز ، اساسا وش يبون يدخلون البيت طالما صاحبة البيت مو موجودة حتى لو كان ولدهم مو من حقهم يدخلون 😤 |
رد: اهل زوجي يفتشو بآغراضي اثناء غيابي ، الحل
الله المستعان ..
مثل ايش يسرقون ! انتبهي .. ممكن زوجك داري عن مووضوع الاعراض المأخوذه |
رد: اهل زوجي يفتشو بآغراضي اثناء غيابي ، الحل
معليش ماسارت هادي قلة حيا وعيب مرررررة دي الحركات
ماشالله عليكي ربنا منزل عليكي برود الله المستعان بس حاولي تكلميهم انتي ولاتستحي ولا شي قولي لهم انا مابغا احد يدخل بيتي وانا موجودة |
رد: اهل زوجي يفتشو بآغراضي اثناء غيابي ، الحل
اذا انفعلتي راح يركبونك الغلط
افضل حل تجيبين ادراج ب اقفالها و اذا بتغيبين عن البيت تدخلين كل شيء فيها و تقفلينه و مع الوقت راح يملون و لا يفكرون يعبثون باغراضك لانهم متأكدين انها مقفلة لكن انتبهي من تكبير الموضوع و التدخلات الخارجية لأن مهما كان شيء يمس سمعتهم و سمعة زوجك |
رد: اهل زوجي يفتشو بآغراضي اثناء غيابي ، الحل
غرفة النوم يكون لها قفل واول ماتطلعين تقفلينها هذا الحل الوحيد وممكن تحطي مثلا غيار لزوجك في غرفة الكوي علشان مايحتاج للغرفة ..
اي شيء خاص خليه في غرفة النوم .. مثلا ملابس للكوي الخ باختصار اي شيء ماتبغينهم يشوفوه .. وقبل ماتطلعين نظفي كل شيء وحطي ببالك انو ممكن يدخلون .. وحتى بوجودهم قفلي غرفة النوم لاتستحين ولاشيء الغرفة خاصة ومايصلح أحد يدخلها .. وزوجك مارح يفهم جملة خصوصية ومدري ايش لأنه باختصار يشوفهم اهله ويحق لهم ! فأنت خلك صريحة قولي اغراضي جالسة تختفي ! وأنا اخاف اكرههم ولا ودي بهالشيء فالحل معليش قبل طلعتي بقفل الغرفة وباقي البيت الله يحييهم اذا بيجون البيت بيتهم بس غرفة النوم لا . ولوكان مافيه قفل ع الغرفة خليه يجيب عامل بأسرع وقت وقولي باختصار عشان السرقة :) |
رد: اهل زوجي يفتشو بآغراضي اثناء غيابي ، الحل
معاك حق، مع إحترامي لهم ( قلة ذوق )..
البيت له حرمة وخصوصية حتى لو كانت زوجة ولدهم.. حاولي تحلي المشكلة مع زوجك، بدون ما يتدخل أحد.. ممكن زوجك مضايقة هذا الشي بس مستحي يقول لهم.. إذا تكلم زوجك راح تنحل المشكلة.. إذا مافي فايدة ( تقفلي غرفة النوم قبل ذهابك ) أعانك الله |
رد: اهل زوجي يفتشو بآغراضي اثناء غيابي ، الحل
وش اللي يدخلون غرفة نومك وياخذون اغراضك بس ويسرقون انتبهي على مجوهراتك لا تجين ومعاد تلقينها معليش قلة ذوق بيت ولدهم ماقلنا شيء بس غرفة النوم لاااااء فيها خصوصيات ملابس داخليه امور نسائيه معليش لهنا وبس
وليش بسم الله عليهم كل يوم ناطين عندك مافي بيت يضفهم ؟؟؟ اخبر الولد ومرته هم اللي يزورون الاهل مو الحموله اللي تطب لقافه صراحه وحركات ناس جاهله ماعندهم شغله ولا مشغله الا بيت ولدهم واللي فيه !!! حمدلله علاقتي رائعه مع حمولتي ولا اتذكر غي ست سنوات انهم جوني الا مرتين ومن رغبة والدته تقول بزران خواتك يحوسون البيت تعالونا انتو وفعلا صرت انا اللي اروح لهم وحتى اكرمهم بدارهم مره نعشيهم والقهوه اجيب معاها حلى كل مرا بس بيتي مافي شغاله وماتحمل احد كل شوي ناط على وعافسه ...... صراحه لازم تناقشي زوجك بحزم ولو مرره عند قولي اجل غرفة النوم من ابسط حقوقي واشتري قفللللل ووقفليها وحطي له فوطته وتغييراته واغراضه الشخصيه بغرفة الملابس قد المده اللي بتغيبيها عن البيت لا انا معك كلش ولا احد يدخل غرفتي ويحوس اغراضي وبيتي لي انا ولو رحتي لوحده من خواته وعملتي زي مايعملو ماراح ترضى كل النلس تؤمن بالخصوصيه !! بس نصيحتي لا تدخلين احد خليها من راسك لراسه افضل |
رد: اهل زوجي يفتشو بآغراضي اثناء غيابي ، الحل
البيت له خصوصيه
وغرفة النوم بالذات ومو حلو احد يدخلها حتي لو كان اهل الزوج بس هم ممكن عاداتهم كذا عادي عندهم فالحل انك تتفاهمي مع زوجك ولازم يفهم انه مايسير كذا .. حاولي مره مرتين لعل وعسي انه يفهم |
رد: اهل زوجي يفتشو بآغراضي اثناء غيابي ، الحل
قفلي باب غرفة النوم
وريحي راسك وخلي بس نسخة وحدة للمفتاح معاك وخليهم يشبعون فالبيت يدخلون ويطلعون |
رد: اهل زوجي يفتشو بآغراضي اثناء غيابي ، الحل
أنا معك أن تصرفهم هذا غير صحيح لكن لا تكبري الموضوع يا اختي. كوني حكيمة لما تخرجي من بيتك لمي أغرضك وأقفلي عليها. الناس تختلف يمكن هم عندهم عادي هذا الشئ.وأنا معك أنه شئ مزعج لكن لا تعملي مشكلة مع زوجك بسبب هذا الشئ ولا تتحدثي معهم لأن ممكن الموضوع يكبر. اصبري واحتسبي وعليك بالدعاء. وقبل خروجك من البيت أغلقي جيدا على أغراضك. الله يعينك ويصبرك. |
رد: اهل زوجي يفتشو بآغراضي اثناء غيابي ، الحل
قرأت ردودكم كلكم
والحمدلله الاغلبيه اجمع اني مو ادور مشاكل وانهم غلطانين اللي يسأل اش يسرقو كل شي والله اول ايام زواجي الذاكره حقت صوري يوم الدواج وبطايق شحن كانت بشنطتي وجيت عندهم وخليت الشنطه بالغرفه بعدين تذكرت لانه معرووف عن امه وواحده من اخواته السرقه الله يشفيهم ورحت لها بس فات الاوان اختفت البطايق والذاكره وبعده بدقيقه جات امه تشحنها قدامي انا ما انتبهت انه حتى الذاكره الا بالبيت وبكيت ورحت لهم اتشحدهم يجيبونها يحلفون ما اخذوهااا وانا متاكده لان شفت البطايق امه تشحن بهم زوجي يدري بس اهله مبتلى فيهم وانا ابتليت معااه احيان انقهر عليه ومابقهره لان الناس كلهم نبذوهم بسبب امه وامه مو من نفس جنسيتنا وجات هنا من ثلاثين سنه والوحده والبعد عن اهلها ممكن هو خلاها بهالاخلاق غير ان زوجها اكبر منها بستين سنه المهم انه اليوم جاتني هجووم عشان اخر مره ماخليتها تاخذ شي قلت لا ابغى ذي الحاجه لاتاخذينها والله. اليوم شالت وشالت ومشت على طول ماجلست وهي واقفه وكان واضح انه بعدي بس عني انا تعبت والله تعبت حتى بنتي عمرها سسنه ونصف مره شالت كيس فيه حلاوه بعزومه قام صاحت واحده وتقول شالته فلانه نادتها باسم جدتها وتضحححك يعني من دحين ماخذينها بذنب جدتها ويعايرونها كيف حتقدر تعيش بينهم دون لايحطمونها ومن جهه تعبت اقفل لانه لو شهر شهرين ثلاثه اقفل لو يوم انسى دخلت واخذت كل اللي جاهدت اخبيه وبنظرها ولدها جابه وهو يقول امي حتى لو شفتيها تاخذ سوي نفسك ماشفتيها حلال عليها طيب ليه اعيش وانا اجاهد على الحاجه عندكم حل يريحني |
رد: اهل زوجي يفتشو بآغراضي اثناء غيابي ، الحل
اما معاهم ماتوصل تدخلين عمك واهلك بالسالفه ماتسوى
ياحليلك انا اروح لاهلي اجي القى مطبخي صفر حتى مواعيني اخذينها واذا رجعت يرجعون بعض المواعين صفروبي وامه تدخل دايم تاخذ من المطبخ ثوم بصل ملح وبدون استئذان وبصراحه حاسه فيك كم مره اطلع من بيتي وهو مكركب واجي الاقيهم داخلين هالشي ينرفز ويرفع الصغط تدرين صرت اذارايحه عشا ولاي مكان كفتاح البيت بشنطتي ىيعصب زوجي واطنش ماارد اهم شي معاي ولين وصلت معاه وقال مفتاح بيتي معاي تدرين شسويت مااطلع الا اقفل المطبخ والغرف كلها وارفع المفاتيح اهم شي لاتوصلين السالفه لاهلك ولاعمك ماتستاهل بيكونو ضدك وبيشوفونك تافهه |
رد: اهل زوجي يفتشو بآغراضي اثناء غيابي ، الحل
جيبي قفل الي بارقااااام سريه مو مفتاح اصلا من يوم ينسك الباب مايرجع ينفتح الا بالرقم ولا خرجتى سكي الباب اهم شي غرفه النوم هذي خصوصيات مفروض نحترم انا بيت اختي وهي اختي مادخل غرفه نومها الا تناديني استحي يختى خصوصيات الرجال وزوجته اغراضهم عيب تنشااااااف
ولا تدخلين احد بالموضوع حاولي ماتخرجين الا زوجك زيك خارج لاصحابه لاي مكان وترجعون سوا البلا ان الرجال يدخلهم غرفه النوم بيديه تفاهمي معاه قولي اش يبغون مافي شي غير ملابسي الخاصه واغراضي الخاصه ومحد ياخذها الا باذني خلك راقيه معاه بالكلام واوزني كلامك عشان مايقلبها عليك واذا زاد الامر ابد خذي لك كاميرا وحطيها بالغرفه مثلا وجههيها على التسريحه فقط وخلي الدرعا ترعا ولا الجد كلميه ومعك الادله لانو طفح الكيل مره حصلت معي بس مو تفتيش لااااا ام زوجي طلبت اصحي ولدها وانا جري لغرفه النوم مادريت الا هي عند الباب وانا بقميص نوم فااااااضح انقهرت وسكت لكبر سنها بس ولكن كلمت زوجي بادب اني صراحه خجلت ومايسير احد بهالدنيا يشوفني الا انت ولو تكررت معاي صدقيني الثالثه ثابته عندي وادي بالوجه لكن بادب |
رد: اهل زوجي يفتشو بآغراضي اثناء غيابي ، الحل
نفس مشكلتي الله المستعان
|
رد: اهل زوجي يفتشو بآغراضي اثناء غيابي ، الحل
وهذه احدى مشاكلي يدخلون بيتي رغم انه يبي له مشوار بالسياره ويصلحون اللي يبون
وانا وحده ما اقفل سبحان الله ماتعودت وهذا انا تركت لهم البيت والحياة كلها ورحت لاهلي يلقونها قدامهم يوم الحساب لا تحاتين |
رد: اهل زوجي يفتشو بآغراضي اثناء غيابي ، الحل
نفس الشي .. انا معاهم مفتاح للبيت والغرف ارجع الاقي بيتي فوق تحت حتى الحمام وانتي بكرامه موصخين فيه ولا يغسلونه..
شي فضيع .. المطبخ الاكل المواعين يكركبونها .. والمشكلة تقولي يالوصخه نظفي بيتك .. والرجال بصف اهله ... وانا طالعه بيتي يلق لق.. وارجع الاقيه بهالحال... البخور والعود تاخذه .. طبعاً مجوهراتي بيت اهلي حطيتها.. لانه بيتي مافيه امان .. واي شي اخاف عليه مثل صور حطيتها بيت اهلي.. .... والان امه وخواته يتدخلن بحياتي ويحرضن زوجي وهو معهن .. .... لازم تضعي حد حتى لا يتمادو عليك .. لاني انا سكت وسكت وشوفي وين الحال وصل بي .. انا الان بيت اهلي وراح اطلب الطلاق.. |
رد: اهل زوجي يفتشو بآغراضي اثناء غيابي ، الحل
اول شي اخاف عندكم خدم ياخذون من اغراضك و تحسبيهم اهل زوجك
احسن حل انك تقفلي على الاغراض .. او الغرفه باكملها واذا سالوك قولي لهم فيها ملابسي استحي احد يشوفها ولا تدخلي زوجك في الموضوع حلي المشكله بنفسك بما ان الموضوع مضايقك انت .. تدخليه يبلغهم لانه اهله وما يريد يكسفهم وتصير مشاكل كبيره له ولك ويطلع عليه كلام ان هو اللي طالب الشي .. اظهري نفسك انك انت طالبه الشي .. اذا ناويه تكبري الموضوع |
| الساعة الآن 05:50 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©