|
غيره من الزوجه الاولئ ام حقوق ؟ مستجد الرد 61
السلام عليكم ورحمة الله وبركاته
عدت لكم مره ثانيه انا عروس الروض99 زوجي امس يكلمني وهو مع ابوي في الرياض لرحلة عمل مدتها 4 او 5 ايام والليله راجعين بأذن الله.. امس يكلمني ويقول لي إن زوجته حامل وتحتاج عملية ربط عشان ماتجهض ولازم يروح منطقتها.. انا حز بخاطري هالموضوع وانا على وجه ولاده و ولادتي قريبه مره.. هو قال لي ماني مطول كلها اسبوع وراجع بس والله انكتم صدري وضاقت بي الارض بما رحبت اعرف انها بتسوي عمليه و واجبه يروح بس حسيت اني قليلة ومحد يوقف معاي.. ابوي وقت حاجته لزوجي يدق عليه تالي الليل ويمشون للرياض واهله وزوجته من صوب. انا وربي تعبت. احس حتى يمكن اولد وزوجي مو يمي ولا هميت احد اصلاً صرت استغفر الله اتمنى اتعب عشان بس يلتفتون لي ويحسسونني بقيمتي لاتقسون علي بكلامكم كافيني اللي فيني ونفسي منسده عن كل شي ولا لي خلق حتى اشوفه الليله كيف اتصرف معاه اذا جاء اليوم انا مغبونه احسسه بكذا ولا ادوس على قلبي واتصرف عادي مابي ادوس على قلبي واتصرف عادي لان قلبي والبيبي مالهم ذنب اتعبهم معاي سامحوني اذا كلامي ملخبط ومو مفهوم بس والله ماعرف افضفض لمين.. امس اول ماقال لي عندها عمليه وانا لازم اروح ومدري شنو انا على طول سكرت بوجهه بدون ماحس حسيت بصغر قدري وماعرفت اتصرف غير كذا ولا ارسلت ولا اتصلت وهو بعد نفس الشي ساعدوني كيف اتصرف عطوني طاقه ايجابيه تكفون تم تعديل العنوان ليتناسب مع المضمون مستجدات الرد 61 http://66n.com/forums/showpost.php?p...6&postcount=61 |
رد: نفسيتي تعبانة.. محتاجتكم
لو انتي بموقف فيه كنتي فيه محتاجة لعملية مماثلة
كنتي بترضين لو زوجك ماكان معاك؟! كنتي بتقولين مافيه خير ماوقف معي بطيحتي.. مشكلتك ياعزيزتي بالغيرة وهي امر لا تتحكمين به ولا تلامين عليه.. لكن لاتخلينها تمشيك وتمشي ردود افعالك والتفكير المنطقي عندك مشكلتك مع ذاتك وليست مع زوجك لذلك تعاملي معها.. لان شعور التملك طالك حتى مع موقف والدك انتبهي قبل يستفشي لان انتي الوحيدة اللي بتعانين وزوجك اذا سايرك اول فترة ماراح يسايرك بالباقي.. اقصد تسكيرة الجوال بدال ماتكسبينه ناحيتك تخربين على نفسك.. التصرف ماله معنى.. الله يعينك |
رد: نفسيتي تعبانة.. محتاجتكم
والحين ارسل لي مسج
انهم مشو من الرياض وجايين طبعاً مارديت ولا يهمني اصلاً 💔 |
رد: نفسيتي تعبانة.. محتاجتكم
انا مالمته على طلبه للروحه والله العظيم
انا قاعده ارثي حالي و وضعي لاني احس محد حاسس فيني.. نفسيتي تعبت من هذا الشي فهمتي علي اختي هل انا مبالغه بردة فعلي ؟؟ وهل صدق عندي حب تملك مثل ماتفضلتي؟؟ |
رد: نفسيتي تعبانة.. محتاجتكم
ترثين ايش بالضبط؟
من ايش تشكين؟ انشغاله الدائم عندك خبر عنه.. سفراته مع والدك مو اول مرة.. تشتته باكثر من منطقة عارفته وراضية فيه من قبل تتزوجين.. حاجة عائلته الثانية بديهية.. انتي قولي وين المشكلة ياعروس؟ كلامك يقول انك ماتبين يكون في صلاحية لاحد يحتاج له غيرك مع علمك المسبق بكل اللي قلت لك اياه..؟ هذا مو تملك؟؟ اذا غلطانة صححيني |
رد: نفسيتي تعبانة.. محتاجتكم
سبحان الله الزوجة الثانية دائماً ما تكون مصدر للمشاكل تعتقد ان هذا الزوج ملك لها وحدها وسوف تجعله ينسى زوجته الأولى وأم عياله أمر طبيعي أنه لن ينساهم برأيي ان العيب في الزوجه الثانيه وأنانيتها وحبها لذاتها فلو تركت هذه الانانيه وانتبهت لزوجها وبيتها والى تربية أبنائها لكان خير لها . |
رد: نفسيتي تعبانة.. محتاجتكم
اخ ضاري عمري مافكرت بالطريقه
اللي حضرتك طرحتها ولا عمري فكرت بأنانيه ابداً وراجع مواضيعي كل ما في الامر إنني امر بحاجة حامل قرب موعد ولادتها حاجتها لزوجها حاجتي اني يمر علي يوم ما افكر انه بيبعد ويسافر بغض النظر لوين عمري مافكرت انسيه عيلته وربي الشاهد وهو اكثر شخص يشهد لي بهذا الامر بس يا اخ ضاري الزوجة الثانيه انسانه مثلها مثل الاولى. لها متطلبات ولها احاسيس ولها قلب يفرح ويتألم مو حديد |
رد: نفسيتي تعبانة.. محتاجتكم
متى موعد ولادتج اللي عطتج اياه الدكتورة؟
|
رد: نفسيتي تعبانة.. محتاجتكم
29 ذو القعده او 1 ذو الحجة
|
رد: نفسيتي تعبانة.. محتاجتكم
قريب ما شاء الله. ;)
لكن الرجل عملي يا عزيزتي .. ناهيكِ عن أنه يعرف غالباً أن مواعيد الولادة تقريبة وليست أكيدة .. والطبيعي عنده إنه يهتم بموعد العملية (المحدد) بدلاً من البقاء معكِ انتظاراً لموعد الولادة (غير المحدد). الله يقومج بالسلامة. |
رد: نفسيتي تعبانة.. محتاجتكم
وانا كـ أنثى شو ذنبي يامهرة 💔
|
رد: نفسيتي تعبانة.. محتاجتكم
مالج ذنب .. وهو بعد ماله ذنب.
المسألة ترتيب أولويات فقط .. ولا يعني هذا أن أحد أهم من أحد بالضرورة. |
رد: نفسيتي تعبانة.. محتاجتكم
اقتباس:
|
رد: نفسيتي تعبانة.. محتاجتكم
الله يرزقك بالذرية الصالحة حبيبتي
واضح وضوح الشمس انه مو مهتم لأمري |
رد: نفسيتي تعبانة.. محتاجتكم
قولو لي كيف اتصرف الحين وهو جاي
ساعه او ساعه ونص وهو هنا بأذن الله كيف اتصرف وكيف استقبله ابين له انفعالي ولا اطنشه ولا شسوي بالضبط |
رد: نفسيتي تعبانة.. محتاجتكم
اقتباس:
|
رد: نفسيتي تعبانة.. محتاجتكم
واذا ماقدرت شسوي تكفين 💔
اذا ماقدرت انبسط وانسى |
رد: نفسيتي تعبانة.. محتاجتكم
واضح انه ظرف طارئ
يعني مو متقصد و لا له ذنب فيه يمديه يروح و يرجع قبل ولادتك لسي قدامك اسبوعين بالعكس قدري ظرفه يشيلها لك جميل |
رد: نفسيتي تعبانة.. محتاجتكم
اقتباس:
|
رد: نفسيتي تعبانة.. محتاجتكم
سبحان الله الناس تبعد عن المشاكل
وهذي ادورها ..كل مافيك هو ليش راح لزوجتة الثانية بغض النظر عن ظروفها وهذا مربط الفرس..بس لو زوجك ذكي ما يخليك تعرفين لاصغيرة ولا كبيرة عن بيتة الثانية لو ياخذ شهر عنك يلفق لك اي ظروف يا اختي عيشي حياتك وتركي منغصات الحياة |
رد: نفسيتي تعبانة.. محتاجتكم
مع شاطئ الراحة
زوجك غلطان لما قالج عن موضوع زوجته المفروض ان يقول اي سبب إنتي استقبليه عادي مو الا مبسوطة ولا متكدرة خلج وسط |
رد: نفسيتي تعبانة.. محتاجتكم
هذي الغيره وما تسوي
أنتي زعلانه تبين يجيك في ليلتك و بيجلس معها لأن عندها عمليه يا حلوه قدري وضعها هي بعد تعبانه وترا ربط الرحم مو سهل الله يعينها وأنتي لا تزعلين أمسكي نفسك وأشغلي وقتك أطلعي ممشى أمشي علشان تسهل ولادتك أطلعي السوق أشتري ملابس للمولود وعبي صواني الشوكولاته و جهزي لأستقبال النفاس لا تتصلين عليه لكن نبهيه برسائل وذكريه بموعد ولادتك علشان يكون معك الله يهون عليك إن شاء الله |
رد: نفسيتي تعبانة.. محتاجتكم
الله يجبر خواطركم على كلامكم الطيب
|
رد: نفسيتي تعبانة.. محتاجتكم
مالك داعي تزعلن وتنكدي على الرجال
استقبليه اليوم بنفسيه حلوه ولا تجيبي طاري سفرة لزوجتة الاولى وبأذن الله اذا جت حزة ولادتك بيجيك ان شاء الله واكيد مراح ينساك وسعي صدرك واشغلي وقتك بشي مفيد وادعي لزوجته تقوم بالسلامه << وحتى يجيك بدري😜 |
رد: نفسيتي تعبانة.. محتاجتكم
استقبلته عادي لانه جاء مع ابوي
فـ كنت في بيت اهلي تعشينا ورحنا بيتنا في السيارة قلت له الحمدلله على السلامة بنبرة واطيه ورد علي كل شوي يتثاوب حسيت يعني محسسني تراني تعبان والبنام كنت استغفر لين وصلنا البيت.. غيرنا ملابسنا وكل شي شوي وجاب لي كاسة حليب وسألني تعشيتي خذيت الحليب وطلعت من الغرفه لانه كان بيشيش ومابقعد عنده طبعاً رحت انشغلت في المطبخ اسوي اي شي انشغل فيه عشان ماقعد قباله وكل شوي يفتح باب الغرفه اللي هو فيها ويطل علي وانا بالمطبخ حسيت وده يكلمني ومتردد وحسيته وده يتقرب مني ومتردد بعد لاني اعرفه لما يجي من السفر حتى لو هلكان لازم ياخذ حقه ولا مايهدا بس ماقدرت والله اجبر نفسي حسيت شي فوق طاقتي نام على الكنبه واول ماغفى صحيته وقلت له روح الغرفه. وقام والحين هو نايم وانا صاحيه واحس بدوخه فضيعه والله العظيم |
رد: نفسيتي تعبانة.. محتاجتكم
ياقلبي انتي دامك تزوجتي معدد قوي قلبك ولاتستلمين لوساويس الشيطان
مثل مانتي لك حق عليه حتى هي كمان لها حق علييه وهي اولى يسافرلها دامها تعبانه وبتسسوي عمليه ... انتي تعبانه الحين ومتضايقه عشان بس راح سافر لها وانتي طيبه حمدلله مافيك شي بس خايفه تولدين ومايكون هو معككك طيب حطي نفسك مكان زوجته الاولى تخيلي تسوي العمليه وزوجها مو واقف جنببها يخفف من تعبببهاا. اكيد هي لها حق اكثر مننننك اتمنى حبيبتي تتفهمين ايش اللي لك واللي عليك عشان ماتتعبين وتنكدين على عمرك والله يسهلك عليك يارب وتفرحينا بسلامتك وسلامه مولودك |
رد: نفسيتي تعبانة.. محتاجتكم
الموضوع موضوع غيرة
واعرف ان هالشيء ما تملكينه سوى كنتي زوجة أولى أو ثانية أو مليون اللي تقدرين عليه فقط ان تتحكمين ولو جزئياً بتصرفاتج |
رد: غيره من الزوجه الاولئ . ام حقوق ؟
والله ماتتخيلون قد شنو متحكمه في اعصابي
والكلام بيننا تقريباً كلمة ورد غطاها هو ماتكلم متى بيروح وابي اعرف اسأله ولا اخليها على الله واسكت لين يتكلم اهو |
رد: غيره من الزوجه الاولئ . ام حقوق ؟
أبداً لا تسألينه
لازم تحطين ببالك أنها بعد زوجته و محتاجته أستهدي بالله و أدعي لها أن الله يسهل عليها عمليتها بكرا بتولدين وبيجيك ركض |
رد: غيره من الزوجه الاولئ . ام حقوق ؟
اعذريني بس ما لك أي حق تغاري والآدمية بتسوي عملية ..
ولو زوجها ما وقف معها في هذا الوقت العصيب، فعيب عليه ولا هو رجال ! |
رد: غيره من الزوجه الاولئ . ام حقوق ؟
ماسألته ولا راح اسأله
الحين نفسي اعرف انا متكدره واحاول انشغل وامارس يومي عادي اما هو متكدر ومعفوس مزاجه ليش يكابر في نفسه حتى الموضوع مو راضي يفتحه |
رد: غيره من الزوجه الاولئ . ام حقوق ؟
قلقان أكيد..
عنده زوجتين وكل وحدة وضعها صعب.. اسمعي كلامي واكسبي زوجك في هذا الموقف والحياة الحلوة والحب ما يقوى ولا يجي الا بمواقف زي هذه تبقى لك في رصيدك عنده ويفضل طول عمره يفتكرها |
رد: غيره من الزوجه الاولئ . ام حقوق ؟
دامها عدد يتحمل قراره
هذي حياة ألي يأخذ أكثر من زوجه |
رد: غيره من الزوجه الاولئ . ام حقوق ؟
الله يكتب لك ساعة السلآمة يارب 💓
|
رد: نفسيتي تعبانة.. محتاجتكم
اقتباس:
ان كنتي زوجه 2 يعني انتي مو انسان ولا لك متطلبات الزوجه1 مع انها ماتزوج عليها الا بسبب مع ذلك تعتبر انسانه مانقدر نغير تفكير البشر مع انو واحنا في بيوت اهلنا كنا انسان بعد ماانكتب لنا واصبحنا نحمل مسمى زوجه2 طاحت الانسانيه واصبحنا حديديه الله يستر علينا وعلى الجميع |
رد: غيره من الزوجه الاولئ . ام حقوق ؟
اقتباس:
ومو كلهم كذا.. ومن ناحية اخرى المفروض تكسب زوجها بالصمت ماتسبب له اي مشاكل بحجة انا حامل ونفسيتي ومدري ايش هذا الشيطان يكبرها براسك اختي انتبهي الله ييسرلك امورك |
رد: غيره من الزوجه الاولئ . ام حقوق ؟
مدري
بس انا اشوف انك تصرفتي على طبيعتك ( اضعف الايمان ) وفوق هذا ضغطتي على نفسك ومانكدتي عليه فجزاكي الله خير والله يولدك بالسلامة |
رد: غيره من الزوجه الاولئ . ام حقوق ؟
اختي إبتسامة الورد
صادقه بكلامك يحسبون الزوجة 2 مالها قلب ولا لها إحساس منطق غريب سبحان الله.. وهذا كله وانا مابعدته عن عايلته ولا سببت فرقى لا سمح الله.. ومثل ماقلتي انا ناويه اكسب الموقف بصمتي وسكوتي ادري اذا استخدمت حيلة النساء وانا تعبانه واحس بألم ولاده ونزل علي دم ومويه ومدري شنو اقدر اقول كذا والعب هذا الدور و والله العظيم اعرف اذا قلت كذا بيقعد ومابيسافر بس ضميري مايخليني اسوي كذا لأن يوم لك ويوم عليك واللي ما ارضاه لنفسي ما ارضاه لغيري عشان كذا قلت بستمر على صمتي ورسميتي نوعاً ما وياليت ياليييييت يكون عند بعض الناس إنصاف في التكلم عن حقوق الزوجة 2 |
رد: غيره من الزوجه الاولئ . ام حقوق ؟
اخوي مُثابر اشكرك من كل قلبي
على كلامك |
رد: غيره من الزوجه الاولئ . ام حقوق ؟
اختي. نزول موية ودم. مو من صالحك ولازصالح الجنين لزم تعلمينه
|
| الساعة الآن 06:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©