|
بسبب رجوعي من الدوام، هل يحق لزوجي الزعل؟!!
السلام عليكم
زوجي صاير حساس بزيادة أو إنه تغير ماني عارفة بالضبط !! بقولكم القصة واحكمو لاني ماني عارفة هل يحق له يزعل ولا أنا اللي مفروض يزعل طبعا صاير ضغط في دوام زوجي وماصار يرجع الا بعد العصر واحيان قريب المغرب ،، وهو قايم بشغله على أكمل وجه عشان الزيادة اللي صارت في راتبه الله يبارك له ويرزقه ،، طبعا يضطر يطلع من مكتبه وياخذني من دوامي ويرجعني البيت ويرجع دوامه ،، طبعا مسافة نص ساعة رايح ونص ساعة راجع واحيان أكثر إذا صار زحمة ،، طبعا فكرت إني اصير اروح مع سواق بعد ما اطلع من الدوام وقلت لزوجي ،، بس زوجي رفض يقول دامني موجود ماله داعي السواق،، قفلت الموضوع قلت براحتك بس كل اللي يهمني راحتك ،، فصار يسألني زوجي أو اعطيه خبر عن موعد خروجي لان الوقت يتغير من يوم ليوم ،، المهم اللي صار أمس إن كان عندي حصة ونسيت اعطي زوجي خبر عن موعد الخروج وبعد مارحت الحصة ارجع اشوف الواتس الا فيه رسالة من زوجي يسأل عن موعد الخروج وماباقي الا نصف ساعة على الخروج،، فرديت عليه ،، قال بدري ،، قلت توي اشوف الرسالة كان عندي حصة ،، قام عصب وقال شايفتني جنبك ،، وقال انتي اصلا مخك مقفل على انك تخرجي نفسك وبس ،، قلت وش صار ولا تدور لمشكلة وبس ،، قال والله مدري من اللي يسوي مشكلة ،، قلت مو مشكلة قول اللي تشوفه ،، عارفة نفسي وعارفة إني ماغلطت ،، وبالنهاية ماأقول الا الله يسامحك أفكر فيك وأدور راحتك وبالاخير تقول مخك مقفل و تدورين مشكلة ،، قام يقول انا اطلع من نص الدوام عشان خاطرك ،، قلت لاتطلع من دوامك ولاشيء ماتقصر أبد ،، دور لي على باص اروح معه والله يجزاك خير،،ولو تطاوعني كان ماخليتك تطلع من دوامك علشاني ،،بس انت تقول دامني موجود مايحتاج باص ولا ابدا مو مرضيني تعبك رايح جاي،، قال لو بالقى باص الظهر بس دفعت له من جيبي،، قلت بلاقي إن شاءالله لو ادفع له الف بس ماتذلني بشيلتي معك،، قال نسيت إنك مريضة الله يشفيك ،، قلت له هذا أنت مافي جديد،، بعدين كلمت زميلاتي يدورون لي سواق معاهم وقلت لزوجي من بعد اذنك كلمت زميلاتي ،، قال بعد ماكلمتيهم جايه تقولي بعد اذنك ،، قلت لا حتى لو كلمتهم اذا منت راضي بكنسل ،، قال خلاص سواق للظهر ياخذك اخر الدوام ،،قلت له في الظهر والصباح ،، قال كلامي واضح للظهر بس ،، قلت مو مشكلة والصباح يصير اعطيك حق المشوار ،، سكت بعدين سألته وش تبي غدا وطلبت منه اغراض للغدا ،، قال اذا بتاخذين حق الطبخ بجيب الاغراض ،، فقلت له اذا تبي غدا جيب الاغراض واذا ماتبي براحتك ،، وعموما مع انه جرحني بكلامه واسلوبه معي الا اني والله العظيم اني احاول انسى الموضوع واتعامل معه عادي بس هو زعلان على الاخر لاكلام الا بشيء بسيط ،، واغلب وقته جالس لحاله ،، على فكرة كنت طالبه منه امس يوديني لاهلي زيارة ،طبعا قبل المشكلة ،، بس لما صارت المشكلة وشفته تاخر بدوامه ارسلت له انه كنسل زيارة اهلي لانه تعب عليك فقال اذا تبين اوديك قبل المغرب عادي فما رحت ،، واليوم بعد المغرب قال اذا تبين اوديك لاهلك ،، قلت ليش ،، قال ماتبين تسهرين معهم ،، قلت ليش بكرة عندك شيء ،، قال لا ،، قلت خلاص بكرة وديني وناوية انام عندهم ،، لانه شال جواله ودخل غرفة النوم وخلاني بالصالة لحالي ،، وخرج اخذ السماعة ورجع دخل الغرفة وقفل عليه،، ماني عارف كيف اتصرف معه ؟؟ وهل له حق يزعل كذا؟؟ مستجدات الرد 56 http://www.66n.com/forums/showpost.p...2&postcount=56 |
رد: بسبب رجوعي من الدوام، هل يحق لزوجي الزعل؟
شد و جذب عادي يحصل بين الزوجين
اعتبريه سوء تفاهم ما في احد منكم غلطان لما قالك اذا تأخدي حق الطبخ كان مزحتي معاه و قلتي اطبخلك ببلاش و انت وصلني الصباح ببلاش :d ادخلي غرفتك عادي و نامي في سريرك و تجاهلي الموقف و لا كأنه صار |
رد: بسبب رجوعي من الدوام، هل يحق لزوجي الزعل؟
طنشي يا قلبي
تلقينه مضغوط في الدوام حاولي تفهمينه أن السواق أريح له الله يسخره لك |
رد: بسبب رجوعي من الدوام، هل يحق لزوجي الزعل؟
ترى زوجي تغير كثير عن قبل ماصار يهمه ازعل ولا لا ،، ماأعرف هل لانه عارف قد ايش أحبه !! أو لاني أنا اللي كنت أبادر قبل واتصالح معه اذا تزاعلنا !!!
نفسي إذا غلط أو كلمني باسلوب وعبارات جارحة يجي يعتذر أو عالاقل يحتويني ،، |
رد: بسبب رجوعي من الدوام، هل يحق لزوجي الزعل؟
اقتباس:
|
رد: بسبب رجوعي من الدوام، هل يحق لزوجي الزعل؟
اقتباس:
|
رد: بسبب رجوعي من الدوام، هل يحق لزوجي الزعل؟
جالس في غرفة النوم وانا ملطوعة بالصالة لحالي ،، طيب مابينام ليش مايجلس معي ولا خلاص ماعاد يطيقني!!
ودي اقوله هالكلام بس ماابيها تكبر ،، وودي اقوله لو ادري اني بجلس لحالي كان قلت لك وديني لاهلي عالاقل الاقي ناس اجلس معهم |
رد: بسبب رجوعي من الدوام، هل يحق لزوجي الزعل؟
حبيبتي.. ايش ادفع لك مشوار ويدفعلك طبخ. ليش وصلتوا الامور بينكم لكدا ..
السالفه ببساطة البني إدم عادي عنده يوديك ويجيبك خلاص طلعي من راسك سوااااااق.. والحين دامه وافق على سواق الظهر خلاص انتهى الاشكال.. اهم شئ استمري بقولة الله يعطيك العافية. .ماتقصر. عساك على القوة وخلاص والله يهدي سركم |
رد: بسبب رجوعي من الدوام، هل يحق لزوجي الزعل؟
ارسلت له ( على بالي بتنام ، لو أدري إني بجلس لحالي كان وافقت توديني لاهلي)
قرأ الرسالة ولا علق بشيء،، |
رد: بسبب رجوعي من الدوام، هل يحق لزوجي الزعل؟
اقتباس:
وبعدين يشهد الله اني دايم اقوله الله يعطيك العافية وماتقصر والله لايحرمني منك قبل اي طلب وبعد اي طلب ،، |
رد: بسبب رجوعي من الدوام، هل يحق لزوجي الزعل؟
اقتباس:
|
رد: بسبب رجوعي من الدوام، هل يحق لزوجي الزعل؟
أفكر بكرة اطلب اذا وداني لاهلي زيارة اني انام عندهم ،،
|
رد: بسبب رجوعي من الدوام، هل يحق لزوجي الزعل؟
ااااه يا بعض الازواج كلامهم سم
الكلمة الطيبة صدقة مادري شنو بيخسرون لو بيتكلمون بالطيب اذا قالج مريضة وإلا فيج بلا قوليله من ذوقك طال عمرك وسكتي عنه |
رد: بسبب رجوعي من الدوام، هل يحق لزوجي الزعل؟
عزيزتي زوجك ماشاءالله عليه محترم وانتي بعد بس الشيطان دخل بينكم وين تلاقين زوج يتعب نفسه ويطلع من دوامه عشان مايخليك تضطرين تطلعين مع السواويق ويروح راتبك عليهم اللي حس فيه فقط انك ماحترمتيه لما ماعطيته خبر خروجك وانا عارفه انك انشغلتي بس بدال ماتتجنبين عصبيته وقت لما ارسلك قمتي تشدين معه بالكلام المفترض ما اخذتي واعطيتي معه ووضحتي بس انك نسيتي وجل من لاينسى وهو غضبه بس بساعته وبعد كذا من الممكن يرجع ينسى لاكن كلامك معه زاد الطين بله وحسستيه انك مو مقدره تعبك وجيته لخاطرك استهدي بالله حبيبتي وطنشي الموقف هذا وان شاءالله بترجعون سمنه على عسل
|
رد: بسبب رجوعي من الدوام، هل يحق لزوجي الزعل؟
اقتباس:
|
رد: بسبب رجوعي من الدوام، هل يحق لزوجي الزعل؟
اقتباس:
بعدين انا طنشت وصرت اتعامل معه عادي ليش هو يعاملني الحين بهالطناش تاركني لحالي مع الجدران في الصالة وداخل الغرفة مع جواله،، جواله اللي مايفكه لا ليل ولا نهار ،، اوك وقت الدوام واتصالات الدوام بلعناها لكن بعد حتى اذا صار في البيت جالس معي مشغول فيه وانا جالسه مثل اللوح جنبه هذي ماترضي أحد،، والله تعبت ومو عارفه وشلون اتعامل معه!!!! |
رد: بسبب رجوعي من الدوام، هل يحق لزوجي الزعل؟
صدقيني إذا دققتي بكلامه راح تتعبين
الرجال وقت الغضب يكون كلامهم جارح لكن مو من قلبه أول شهرين كنت زيك وأزعل وأجلس بعيد عنه وأطنشه لأن مره سألته ليه يتأخر ويطلع في الليل لدوامه رد علي وهو معصب ( مو شغلك ) مره أنجرحت وقتها وزعلت ومع الوقت والتفاهم أتفقنا إذا عصب أتركه لما يهدأ أو يطلع من البيت وقررت أني أطنش وأحاول أهدي الوضع |
رد: بسبب رجوعي من الدوام، هل يحق لزوجي الزعل؟
أتركيه على راحته
وسعي صدرك وأشغلي وقتك طالعي فيلم أو أقري كتاب وبكرا خليك مبتسمه لا تفتحين الموضوع مره ثانيه و سوي له الطبخه ألي يحبها على الغدا |
رد: بسبب رجوعي من الدوام، هل يحق لزوجي الزعل؟
احبه الصدق غلطي انك مانبهتيه عن وقت الخروج ماينلام انه عصب خصوصا ان مسافه الطريقه يبغالها نص ساعه ..عارفه انك ناسيه بس هو بعد ماينلام الدقيقه محسوبه عليه يعني راح يتأخر زياده عن موعد رجوعه للدوام..مافي داعي تزعلين ذا الزعل كله ...احسك تبغين زوجك لا يلغط ولا يعصب وان عصب لازم يفهم انه يعتذر ياعزيزتي خلافكم بسيط مايحتاج تصعيد والرجال ماقصر قالك لو تبغين يوديك لاهلك اليوم ...يعني زوجك طيب بس يااحبه مايسير على كل كلمه منه تسوين فيها زعل وتضيقين خلقك وخلقه يعني ببساطه لما رجعتوا خلاص يسولف معك تسولفي معاه عادي السالفه مو كايده عشان تزعلون من بعض...الله يسعدكم ...ترى الرجال مايحبون الزوجه الزعول على كل صغيره نهايته بيمل فانتبهي تحدينه يوصل لذا المرحله..الله يصلح حالكم يارب..افرديها ياسكره الدنيا مو مستاهله.
|
رد: بسبب رجوعي من الدوام، هل يحق لزوجي الزعل؟
اقتباس:
|
رد: بسبب رجوعي من الدوام، هل يحق لزوجي الزعل؟
اقتباس:
|
رد: بسبب رجوعي من الدوام، هل يحق لزوجي الزعل؟
وش في هالشباب والبنات هل يومين يتزعلون على اتفه الأسباب اقصد المتزوجين ماعاد احد يتحمل أي تصرف من الطرف الثاني انتي احبه حبيبي ترا زعلكم على أشياء بسيطه شوفو المشاكل اللي في المنتديات تقص الضهر تعووذو من الشيطان ومدمتي تحبينه لعاد تزعلين طنشي وبعدين راح غرفته كيفه وش يضرك اذا جلستي لوحدك عطي الرجال فرصه يتنفه وترا الأزواج يملون من ألحرمه اللي لاصقه فيه
|
رد: بسبب رجوعي من الدوام، هل يحق لزوجي الزعل؟
وترا زوجك لقطه مار احفظي عليه الله يرده لك عاجلا غير اجلا
|
رد: بسبب رجوعي من الدوام، هل يحق لزوجي الزعل؟
اقتباس:
|
رد: بسبب رجوعي من الدوام، هل يحق لزوجي الزعل؟
اقتباس:
والله ندمت اني مارحت لاهلي ونمت عندهم عالاقل اتونس ببشر مثلي مو انا والجدار واحد |
رد: بسبب رجوعي من الدوام، هل يحق لزوجي الزعل؟
اقتباس:
|
رد: بسبب رجوعي من الدوام، هل يحق لزوجي الزعل؟
اقتباس:
ياما قالوا لما الرجل يعبر عن حبه بالافعال وإذا هذي افعال معناته ان اهوا هيمان فيج بس لسانه زفر أحسن من العكس يقطج على السواويق ولسانه ينقط عسل انا ترى مو معاه ولا أدافع عنه وفعلا متضايقة من أسلوبه بس لو نقلب الآية بتشوفين ان جذي أحسن لج |
رد: بسبب رجوعي من الدوام، هل يحق لزوجي الزعل؟
مرحباً أختي
أسمحي لي أن أقول رأيي... ولكن فقط من باب النصيحة للكل سآئني جداً أن يكون هذا أسلوب الحوار بين زوجين بالنسبة للزوجة ...نديه وإستفزاز وقلة تقدير للزوج بالنسبة للزوج ... كلام تهزيئ وأشبه بالسب وتنازل سريع عن كلمته وقبول على نفسه الإهانة أستغرب جداً ... كيف ستصمد حياة زوجين لايقدر أحدهم الآخر ولا ينزله منزلته ولو إدعو أن الحب موجود بينهما لذلك تكثر المشاكل حتى على أتفه الأسباب... وكل واحد يصبح همه كيف أخذ حقي ومن هو الظالم ومن المظلوم والله المستعان |
رد: بسبب رجوعي من الدوام، هل يحق لزوجي الزعل؟
اقتباس:
|
رد: بسبب رجوعي من الدوام، هل يحق لزوجي الزعل؟
اقتباس:
|
رد: بسبب رجوعي من الدوام، هل يحق لزوجي الزعل؟
احبه
حبيبتي فعلا احس انك تغيرتي لكن لازلتي تكرري بعض الاخطاء كل الرجال يعصبون بسالفه المواعيد و المشاوير وكثر الله خيره الي يطلع من دوامه هذا دليل حب واهتمام المفروض لما زعل من سالفه انك نسبتي مابلغتيه اعتذرتي وعقب تجاهلتي اي كلام يصدر منه لكن تاخذي وتعطي معاه ويوصل الموضوع الى تجريح ترى مافي مره سنعه وعاقله تقول لزوجها ادفع لك حق المشوار كبيره منك وزين منه عداها لك وردها لك بكلام بس ولا وش قصدك هو سواق عندك وتبغي تهينينه ارجع واقول اذا شد زوجك ارخي اذا زعلتي من شي اسكتي الى الوقت المناسب وصارحيه برواق خليه الحين لحاله وعامليه كويس الى ان يروح الزعل باذن الله الله يهديك احبه |
رد: بسبب رجوعي من الدوام، هل يحق لزوجي الزعل؟
اقتباس:
|
رد: بسبب رجوعي من الدوام، هل يحق لزوجي الزعل؟
اقتباس:
يعني اقولك سالفة صارت في الليلة قبل اليوم اللي صارت فيه المشكلة ،، طبعا ابي اغسل ملابس زوجي وفي ثياب في الدولاب ماني عارفة هي نظيفة او تحتاج غسيل فاتصلت على زوجي لانه كان برا وسألته قال ماادري شوفيها وتصرفي .. فشفت ثوب كأنه مستخدم .. حطيته في الغسالة .. لما رجع زوجي يبي يشيك على ثياب الدوام مالقى الثوب اللي يلي يلبسه قال وين الثوب الفلاني قلت في الغسالة قام عصب وقال ليش هذا توني لابسه اليوم ومااعرف ايش قلت وانا وش دراني سالتك وقلت لي تصرفي .. وانا اقول في خاطري بدال مايقول الله يعطيك العافية ويفداك ومو مشكلة يعصب كذا كأني مسويه مصيبة.. |
رد: بسبب رجوعي من الدوام، هل يحق لزوجي الزعل؟
مبين زوجج عصبي جدا
بس إنتي خلج أبرد من الثلج عشانج بالدرجة الاولى وعشانه هم هو يستاهل |
رد: بسبب رجوعي من الدوام، هل يحق لزوجي الزعل؟
احبه
هو غلط بنرفزته و ألفاظه و قد يكون المبرر بالنسبة له. عدم تقديرك في ذلك اليوم لتعب المشوار. نصف ساعة حرررر يهلك و في النهاية. تقولي له. نسيت ما أقولك. ربما كان سيخفف عليه غضبه اعتذارك الشديد لنسيانك. ثانيا. انت قلت له سأدفع لك بمشوار الظهر؟؟و هذه اهانة و هنا هو مسك نفسه وأعطاك إياه بكلمة اخرى ان تدفعي له حق الأغراض. هذا يعني انها حزت في نفسه وقالها لك من ألمه. لذا سكت وانت زعلت لأنه سكت؟؟؟. لاحظي هنا انك انت زعلتيه كذلك كلمة تذلني بتوصيلي للمشوار وهنا كأن فعله و شهامته بايصالك وقت الظهر و تعب المشوار لم يحصل منك على اقل تقدير(ذلك ترجمة كلامك بالنسبة له) هو غضب ليس بقصد انه شايف انه عامل لك جميل غضب لانه تعب بمشوار الظهر و لم تتذكرك حرارة الجو ان تكلميه ان الموعد تغير كان بإمكانك إظهار التندم و الاسى لتعبه. بدل ان تجعليه بقفص الاتهام. رغم عصبيته عرض عليك الذهاب لأهلك. و انت رفضتي كيف سيعرف انه عليه ان يسليك عندما تبقين؟؟ هو من غير شي ضايق خلقه و معصب من كلامك عن المال وكأنك مستغنية عن شهامته بمالك. هذا ما يفهمه عزيزتي وهذا ما بدى لي من موضوعك |
رد: بسبب رجوعي من الدوام، هل يحق لزوجي الزعل؟
تخيلت نفسي مكانك
لو نسيت ابلغ زوجي بوقت خروجي كان قوم الدنيا علي حتى لو اعتذر له برضو بيعصب ويزعل لانها بنظره قل تقدير وعدم اهتمام وانتي بدل ماتعتذري جادلتي وحاولتي تبرري لنفسك وحسستيه انو هو والسواق واحد وان جهوده مو فارقه معك وان البديل موجود وسهل هذي مسجات مره قاتله وصلتيها لزوجك بينما الرجال جدا شهم اللي متحمل التعب وطلعه الحر والتردد بالمشاوير لعيونك هو مستمتع انه يخدمك ويوصلك وانتي كسرتي خاطره معليش حبيلتي لاتزعلي مني بس زوجك عمله نادره هالايام ماشاء الله لاتخلي ابليس يكبر الكلمتين اللي قالها براسك ترى اذا هو غلط بالكلام فانتي اللي حديتيه لهالشي ومن طق الباب سمع الجواب اذكري الله وكويس مانمتي عند اهلك وعلى فكره ترى جلوس الرجال لحاله بالبيت وهو زعلان وجالس بالغرفه دليل حب واهتمام ترى 90٪ من الرجال بمثل هالموقف يطلع يروح يسهر مع اصحابه او يرفه عن نفسه اغلبهم يهربوا من المشاكل بالطلعة لكن زوجك من النوع اللي مايعرف يفرح ويستانس اذا بينكم مشكله.. ماشاء الله انتبهي لا بكرا يتعود عالمشاكل ويتغير طبعه |
رد: بسبب رجوعي من الدوام، هل يحق لزوجي الزعل؟
نعم فية غلط من ناحيتك ليش
مابلغتية ان عندك الحصة الاخيرة عشان مايضرب مشوار في الحر والزحمة كونة يجي عند المدرسة وينتظرك ويرسل واخرتها عندك حصة هذي بحد ذاتها تقهر ولكن من ناحية انتي زوجة ذكية ماشاء الله عليك احتويتي الموقف بحنكة وتعقل ومتصيتي غضبة وجودة بالغرفة تعبير عن غضبة بس الي واضح لي من خلال سردك للحوار بينكم ان فية حب كبير في قلوبكم لبعض ابتعدي عنة فترة وان شاء الله كل شي يزين والا ستفادة من الاخطاء دليل وعي عقل الانسان واي شي يضايقك منة بهدوء بلغبة فية الله يسخرة لك يارب |
رد: بسبب رجوعي من الدوام، هل يحق لزوجي الزعل؟
هو يوم قالك انك مريضه ،،
لأنك تتفوهين بكلام ماينبغي ولا يعجبه ،، ولاهو صحيح ، زي ماتذلني ،،! بشوفك اسأتي الظن فيه وهو كرمال عينك يوديك ويجيبك ،، مشكلتك تصعدين الموقف ومرادد ،، ايش صار لو قلتي أسفه حبيبي نسيت أخبرك ، وتجاهلتي الموقف وإذ رد احتويه ، ،، وبعدين بوقت صفا ناقشتيه بعباراته الجارحه لك ،، غيري من أسلوبك ،، عشان هو يتغير مثلما تحبين ،، |
رد: بسبب رجوعي من الدوام، هل يحق لزوجي الزعل؟
اقتباس:
اكثر شي يزعل الزوج انك تقولي له بدفع لك هذه أكبر أهانه له صح هو غلط معاك بس أنت رديتي الغلط بغلط مثله وبعدين الي خلاه يكبر الموضوع ويضل زعلان أنك محسستيه أنه يلعته من دوامه وتوصيلك للبيت فضل كبير منه صح جزاه الله خير بس برضه انت زوجته ومسؤلة منه ليه مصره يدور لك باص والا سواق ؟ بس الحق يقال ردودك ماتنفع تقوليها لزوجك ابدا مستفزه مثل ماقال الرسمي |
رد: بسبب رجوعي من الدوام، هل يحق لزوجي الزعل؟
الله يعطيكم العافية وماقصرتو على ردودكم ،، اعترف اني فعلا غلطت لما مابلغته بموعد الخروج ،، وغلطت لما قلت بدفع لك حق المشوار ،، بس هو لمتى بكل حوار يدور بيننا يمسك لي على كلام جارح !! يعني ثلاث سنوات زواج وباقي هو مثل ماهو على نفس الاسلوب اذا تناقشنا او تزاعلنا ،، انا ابي يغير من هالاسلوب خلاص انجرحت كثير منه رغم انه طيب وحنون واسمعه هالكلام علطول وامدحه وادعي له بوجهه ومن وراه ،، وهو زي ماهو مصر انه ينتقص مني بهالكلام الجارح اللي يقوله لي مع اني نبهته كم مرة لما نكون مروقين انه يضايقني كلامه هذا ويجرحني ولاحياة لمن تنادي،، حتى لما يشوفني متضايقة او زعلانة مستحيل يجبر خاطري بكلمة ،، احس اني مالي خاطر عنده ،، واحس ان طيبته وحنيته مو لشخصي انا وانما هذي هي طباعه مع الكل ومن باب مسؤوليته وبس،،
ارجع واكرر انا نسيت الموقف اللي صار رغم ان كلامه جدا جارح بس تغاضيت ومشيت وقاعدة الطف الجو بس للاسف مسوي نفسه زعلان ومخليني البارح لحالي وجالس مع جواله على الواتس بغرفة النوم ،، والاخت اللي تقول كيف يدري اني احتاج احد يونسني لما رفضت اروح لاهلي وجلست في البيت ،، بديهي يعني من يجلس معي مافي الا انا وهو في البيت،، والاخت كنافة ترى جالس بغرفة النوم مع جواله والواتس يعني هذي تسليته ماهو جالس زعلان ومتنكد ابد،، عموما طلبت منه اغراض لاني بسوي حلو وقلت من بعد اذنك ابيك توديني زيارة لاهلي العصر وجاب لي الاغراض وافكر انام عندهم الليلة ،، |
| الساعة الآن 06:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©