|
زوجي والجوال السري ؟(مستجدات الرد 64)
السلام عليكم ..
كيف حالكم يااعضاء المنتدى .. سبق وانا كنت عضووه فيه بس للاسف نسيت الرقم لان منذ مبطي مادخلت .. ابي حل لمشكلتي والله ضايقه فيني الوسيعه ... لي سنتين وهذا بدخل على السنه الثالثه .. مشكلتي اول ماتزوجت من 3 شهر من زواجنا شفت زوجي راعي بنات ومن بنت لبنت بنت صغيره اصغر مني ف ثانوي وانا عمري 24 وهو 33 يا ارحم الراحمين وش يبغى فيها حنيت على راسه لمن حذفها وتاكدت صح ... مشكلتني الحين جووواله عند جوال سوني .. هذا للكل يكلمه عايله وانا واهله وجواله السري ويييين تتوقعون تحت وطايه الرجول السياره انااعرف عنده جوال بس وينه مدري .. .. انصدمت منه لمن شفته وش خلاني انزل لسياره كان احد قالي روحي ومعلمني مكانه سبحان الله دخلت الرقم وفنح معي .. وشفت بلاوي ضايف بنت من نفس منطقتنا بس المكان بعيد عنا شويتين ... وحده من منطقه ومابي اقول كانت محتاجه وكملتها وحذفته طامه هذي البنت ملسونه وكلمتها وحذفته خلاص والي من منطقتنا راسله له كلام .. وهو مايرسل لها بس شفت تسجيل صوتي .......معهم وغير تصوير بالحمام ... مع وحده وتناديه باسمه حذفته من القهر وهو حاظر ارقامي عشان ماكلمه لاني كلمته من جوالي عل رقمه السري وانقهر وحظرني وزعل المهم ابي منكم المشوره تعبت منه والله تكفون ... عندي ولد وانا ادري بالجامعه ........ سنه 3 ابيكم تريحوني والله انا ابي ادرس واشتغل لو يقطوني اي مكان اهم شي اساعده عشان راتبه ضعيف يسوي فيني كذا ليييش ؟؟ شسويت له الحمد الله قايمه بامور باكمل وجه ................. .. ابي منكم الحل دلوني انا ادري ان بيعرف انا حذفتها وحذفت التسجيل وبيعصب علي ولا بمكلمني .. انا كلمت اخته وهي حاليا مسافره وكلمتها لاني ابي افضفض بنفجر ..عطوني الراي السديد والله تعبت لاتقولون تطلقي لان اهلي بينصدمون ... وانا مابي اشتت ولدي واتطلق على ناس فاضيه وابي مشورتكم عشان انظفه من الناس ...... والله خايفه ... المثل يقول من دق باب الناس دقت بابه عنده انا واخته وعيالنا بالمستقبل بيسوون فينا ناس مثل مايسوي فيهم خايفه على عرضنا منهم يعني والحل ؟؟ ابي رايكم واي اغلاط سامحوني لاني منهاره منه تعبانه نفسيتي ....... ... مستجدات في الرد رقم 64 http://66n.com/forums/showpost.php?p...9&postcount=64 |
رد: زوجي والجوال السري ؟
ينقل الئ قسم المتزوجين
حيث مكانه الانسب |
رد: زوجي والجوال السري ؟
الحل انك تصارحية وتنصحية وتعطية فرصة للتغير وتحدية بوقت محدد وتهددية بالهجر ولاكن بأسلوب لين فأذا اعتدل كان بها ماعتدل حاولي تهجريه بذهابك بيت اهلك ولاكن يبقى الموضوع بينك وبينه فقط لان مثل هذي المواضيع لازم تبقى سرية بينك وبين زوجك وحاولي تستخدمي معاه اسلوب الشد من بيت اهلك والله يعينك
واذا تقطعت بك السبل ومانفع معاه هالاسلوب يستحسن انك تلجئي لاهله وتصارحي والده فقط دون غيره وان شاء الله تلاقين حل على العموم مايمر به زوجك حاليا ليست عاداة مستعصيه وبشوية حزم تستطيعين اجباره على الاقلاع |
رد: زوجي والجوال السري ؟
يعطيك العافيه وماقصرت انا امس بالليل كلمت والده وقال مايصير الا كل خير وحتى لاكلمك او عصب عليك خليه ولاتكلمينه انا بشوف حل معه ... ومادري وش بيصير ؟؟هل تطبر المساله او لا لان قلت لابوه شوف الجوال تحت الوطايه وشافه وحاول يفتحه ماقدر .... تحسفت اني ماقلت له ياخذه ... وزوجي جا من دوام زعلان ومنقهر ولايكلمني يعمل عملته ويزعل بعد
|
رد: زوجي والجوال السري ؟
اقتباس:
|
رد: زوجي والجوال السري ؟
بوجهة نظري انتي غلطتي قلتي لأبوه وقلتي لأخته وفضحتيه طيب دام مابيدك حل ولاكنتي حاطه طريقه تواجهينه فيها ليه تفتشين وراه !!
الأفضل أن كلامك يكون معاه هو وتضعين النقاط على الحروف الله يصلح حالكم وألجئي لربي بالدعاء فهو وحده سبحانه يغير من حال لحال |
رد: زوجي والجوال السري ؟
ياخوي علاقتي مع اهله مره قويه ... حتى ابوه يميل لي اكثر من امي (ام زوجي) ومابيني وبينهم مشاكل الحمدالله بس قال لي ابه ان بكره الخميس اذا رحتي زيارتك لاهلك ... ... بشوف لوين يوصل معه الله الهادي قال لي لاتعلمسن احد حكيت له اني كتومه جدا بمشاكلي واسراري معه ... بس انا طفرت وفقعت وعلمتك انت ...
اختي موون ... انا احترم رايك جدا ... بس للاسف لي سنتين وانا الاخق وراه كنت بفترة نساه ... وكان اختبارات نهائيه عندي وهو زاد علي ضغط ضغطييبن وتعلت منه وطفرت فعشان كذا كلمت ابوه تعبت وانا اكلمه تعبت لمتى وانا انظف فيه من هالوصاخه الي قبل زواج لمتي |
رد: زوجي والجوال السري ؟
من الاخر ردات فعلك اشوفها بسيطة ماكنها خيانة
وانتي افضل نوعية يحبها هالنوع من الازواج يغلط ويعصب انك كشفتيه ويقلب الدنيا على راسك وتخافين بعد ابوه بيبهذله ولما يرجعك بيبهذلك انتي لانك كشفتيه ولمي العصابة قبل الفلقة لانه بيطلع الحره فيك الله يهديه ويتوب عليه من هالبلاوي والله يعينك |
رد: زوجي والجوال السري ؟
اقتباس:
بالتوفيق وربي يسعدكم |
رد: زوجي والجوال السري ؟
يعني برايك ياعضو تحملتك كفايه ان ردات فعلي بسيطه لازم اجرجره اولا انا ماحب الصراخ ولا المجادلات الي مالها معنى وثانيا هو ماسكلمني بتاتا اذا زعلان يتصدد عني لو الحقه لسابع سما مايسمع الا بالواتس ولمن كلمته اليوم رد علي رد زي وجهه وقفاه .. الوعد بكره ... هل بتقوم القيامه ولا بيصير فيه برود ...
اخوي بولد .... انا وحده جدا كتومه لمشاكلي بالمره بس من قوة ضغط الي فيني كتمت كتمت بنفجر وجيت كتبت عندكم هنا وخبرت ابوه ... وبس هو قال ابوه لاتعلمين اهلك قلت له مايصير اقول لهم عن اي شي فحياتي لو شنو ... برضو الوعد بكره بكتب لكم المستجدات معه .... وش يقول له ابوه لمن اكون بزياره عند اهلي هل يتقبل الوضع ام لا .. |
رد: زوجي والجوال السري ؟
انقهرت ... حيييل من شوي شفت رسالته وكاتب ابي اجي الببت ومالقاك فيه هذي من امس ومانتبهت له الا بعد مانومت ولدي قلت له ليش ماتبيني وكاتب برساله انتي كذابه ومنافقه ... عذروني اذا كلامي مومرتب حيل منهاره اتصل على ابو زوجي مايرد شكل جواله صامت ... واللله احترت انا قاعده بيتهم فترة دراسه مابي اروح بيتنا وانا بهالحاله
بروح شقتي ... بقعد فيها ... لمن تنحل المشكله وشرايكم ابيكم تردون علي ابي كشورتكم قبل ظهر اتخذ قرار مابي ادخل اهلي بالموضوع صحيته س 4 وقلت له ليش ماتبيني وانا ابكييي سكتتت . وعطاني ظهره وقام تروش وطلع .... تعبت منه والله دعيت عليه دعوه ويارب انك تستجيبها يااااارب ... لاتخيب .... ارجوكم ابي حل ظلمني هالانسان |
رد: زوجي والجوال السري ؟
مرحباً أختي
أعتقد أنك تسرعتي بالكلام عند أبوه قبل أن تتفاهمي مع زوجك بشكل جدي وكان يمكن إستخدام ورقة الأب لوقت آخر وبطريقة يتم الترتيب بها مع الأب لإيجاد حل بالحكمة ... وليس يزعق على ولده زعقتين وخلاص عموماً حالياً لاتخرجين من البيت ولاتسألين عن الرسالة وكأنك نسيتي خلاص وقومي بأموره وأمور البيت ولا تتكلمين معه كثير... فقط حاضر وطيب والأهم من ذلك... أن لا تسترضيه أو تضحكي له أو يحس ليونه منك... بل كوني طبيعة ووجهي جل إهتمامك لطفلك وأمور أخرى حتى تهدء الأمور شوي كم يوم ولو جاء وكلمك... وقالك ليه تكلمين الوالد تناقشي معه بهدوء وذكريه أنك أمانة عنده وأنه مسؤل عنك وأنه الذي لاترضاه لأخواتك فلا ترضاه لبنات الناس وقد أخذك معززة مكرمة متربية من بيت أهلك ... وأضيفي كلام من عندك.... ولكن تجنبي كلمة... إذا ماتبغاني ودني بيت أهلي أو غير ذلك من الكلمات... لعل الله يهديه ويشرح صدره ويلتفت لنفسه وبيته وزوجته... ويعافيه الله من الذنوب والمعاصي والله أعلم بارك الله فيك |
رد: زوجي والجوال السري ؟
اخوي الرسمي ريحتني جدا بملامك بس اهو مايبي يشوفني انا برضو مابي اشوفه .. مالي خلق لاسلوبه .... وهو اساسا مايتكلم معي الا بالواتس واشوفه شايل الظهور وماشاف كلامي بالواتس وانا حكيت بابوه لان هذيك المره قلت بنزل لابوك وقوله قال عادي يعني مايهمه انا ماقدر على الموضوع دخلت ابوه ولااحد ثاني صح بيكون ابوه كتوم على اسرارنا مابي احد من اهلي يدري نهائيا برضو ابغى اراء السديده
|
رد: زوجي والجوال السري ؟
ماقصرتو والله حسيت بوقفتكم معي تعبانه حيل الله يوفقكم اعطوني اراء
|
رد: زوجي والجوال السري ؟
زوجك قلب الطاولة عليك وانتي خفتي منه ورضختي له وضعفتي
والمفروض انتي تكوني اقوى من كذا ودامه هددك وطلب منك تطلعين خلاص اطلعي من غير نقاش << فقط حتى يتوب يهدد مرة ثانيه _ ولاتكلمي ابو زوجك مرة ثانيه ... كلامك لأبوه ماهو حل للموضوع ، وكل اب لايتمنى فضيحة ابنه قدام الناس فهو جالس يهديك شويتين حتى ماتفضحيه عند اهلك ، تخيلي لو الموقف هذا حصل لبنته ايش ممكن يتصرف !! هل بيقول : لها نفس ماقال : لك او ممكن يتصرف تصرف ثاني !! . |
رد: زوجي والجوال السري ؟
زوجك بجيح
يخونك ويطلب منك تتركي البيت خلاص لمي اغراضك واطلعي وكويس بلغتي ابو زوجك طول فتره غيابك بيلومه وبيعيد تربيته انا مو فاهمه انتي لي زعلانه ترى هو الغلطان مو انتي وقلب الطاوله عليك |
رد: زوجي والجوال السري ؟
طنشيه ليش تبكيين وتسألينه وانتي تبكين ليش ما يبي يشوفك
ياحبيبتي اهدي واركدي هو طايح وجهه من ابوه وانتي الطرف الضعيف بيحط ردة فعله فيك وبيستميت عشان يطلعك انتي الغلطانه مع انه هو الغلطان .. المهم خليكي رسميه معاه وقومي بواجباتك فقط ولا تطلعين من البيت واذا كرر عليك طلب الخروج قولي له انت ودني بنفسك اذا تبيني اطلع عشان تكون نقطة لصالحك بالإضافة لأبوه اللي بصفك 100% عموماً انتي اهدي وكنه ماصار شي واشغلي نفسك بنفسك وبولدك.. ازمة وتعدي ان شاء الله .. بس لازم تعدي لصالحك وتكونين قوية . |
رد: زوجي والجوال السري ؟
اتصل ابوه وكلمته لاني اتصل ومارد الفجر وقلت كلمني واتس وهذا هو يقرا الكلام ...ويشوف ... وزوجي موخاط رقم سسري جوال بكبره سري ماحد يدري عنه .... اذا ماتربى عدل يربيه ابوه بنات ناس مولعبه ومابي الزمن يدور فيني ولا فاهله ولا بنته لاسمح الله
تعبانه ماقدر اكمل كلام |
رد: زوجي والجوال السري ؟
اقتباس:
على العموم ماادري وش الي مضايقك لان المشكلة حاليا اصبحت بين أب وابنة فاتركي الموضوع على عمك وهو راح يتصرف لان مافي انسان تعب وخسر وزوج ولده عشان يسترة وفي الاخير ينحرف والموضوع هذا رجالي بحث ولاتشيلي همه فاسمتعي وتابعي من بعيد hthd |
رد: زوجي والجوال السري ؟
اقتباس:
برأيي الرجال أصناف هناك من يحتاج إلى فرصه ثانية حتى يتوب وهناك من يحتاج إلى قرصت أذن حتى يتعلم الدرس أضن زوجها من النوع الثاني |
رد: زوجي والجوال السري ؟
زوجي عنيد والي براسه يسويه اخوي ضاري صح يبي له من النوع الثاني ... كلمت ابوه وقلت له وش صار معك قال كلمته وهو بدوام سالته وش صاير معك مع ام العيال قال مافي شي بعدين بعدين وقفل منه ... تو من شوي كلمت البنت الي يكلمها ضايفتها انا واتس ... ورجع كلمها على برامج ثانيه ومنها ويتشاب اتوقع هذا اسمه كلمها وقال لها في احد كلمك على الواتسااب غيري سكت ماردت عليه ... ورسلت لي .. فقط خليتها تعطيني اخباره ... هو عرف اني كلمت البنات عنده وحده منهم حظرته ورجعته علمته بكل شي ... وعادي عندي علمته ولالا بالطقاق مافرقت معي
المهم هنا رسل رساله نصيه محتواها .. بعد تقولين لابوي .. انتي جبتيه لنفسك ... مابي اشوفك ... طز فيك انتي والي اكلمهم .. وجوالك تحذفين كل البرامج الي فيه وتحطينه بالدرج ... كان الجوال من فلوسه عشان يتحكم ... يطير بس كل الموضوع اني بقول الي صار لابوه ويتفاهم معه وحاليا هو بالشقه وانا بيتهم لو يشق نفسه نصين مو طالعه ... |
رد: زوجي والجوال السري ؟
... تو راسل الزوجه الي تطلع اسرار بيتها ماعاد ابيها ... بالاه هذا كلام بس عشان قلت لابوه ونسى ان رايح يقول لهم عني ...
|
رد: زوجي والجوال السري ؟
اقتباس:
|
رد: زوجي والجوال السري ؟
اعطيته خبر وشاف الكلام ... بس ماعطاني اي كلمه ابوه ... واخته قالت لي خليه ينطق بالشقه .. ابوه اتصل مرتين عليه ولا يرد عليه خليه ماودي اشوفه الليله ياليته يقعد هناك ولا اشوفه ...
|
رد: زوجي والجوال السري ؟
اخوي بوولد .. ابي حل ...
هو رد علي برساله وقال الله لا يوفقك تفضحين فيني عند ابوي ..لييش ومدري شنو ترا ابوه بيتسر عليه موب فاضحه |
رد: زوجي والجوال السري ؟
اقتباس:
ومصيرة يعتدل ويرجع لعقله وراح يذكر انك مافضحتية عند غريب ولجئتي لوالدة كماجرت العادات سلفا وعرفا وتصرفك حاليا محسوب لك في المستقبل وراح يرفع من قدرك بعين زوجك ووالده لأن المشكلة ذي لوكانت عند واحده غير متربيه وماتعرف الاصول كان مرمطت زوجها وفضحته على الاقل ببيت اهلها وعملت مشاكل وقومت الدنيا وماقعدتها بالتوفيق واذا في اي ملاحضة او تعقيب او جديد حطيه هنا وكلنا اذان صاغية وان شاء الله نفيد ونستفيد |
رد: زوجي والجوال السري ؟
ابوه راح له الشقه س 9 وكلمه تفاهم معه وزعل عليه خلاه وطلع قال له خلها تشيل البرامج الي عندها ... وقالي مالك الا صبر خليه يرجع لعقله كم يوم يهدا وكلميه حلوها بينكم ظاهر هو يبيها بينكم بس مومخليه لمن تتصالحون والله يهديه ابي رايكم هو جدا معصب وزوجي من النوع العنيد من هنا لسبت شسوي ؟؟؟
|
رد: زوجي والجوال السري ؟
عندي دوام الاحد ومالي نفس له سنه جديده وصعبه يارب انك تسهلها يارب يارب
|
رد: زوجي والجوال السري ؟
اخي بولد ورجل الرجال . ابغى حل لموضوعي جدا انغبنت وكل ماتتحسن نفسيتي يسؤها زياده ... هو حكى للبنت ان ممكن ننغصل لان شافت زوجتي البنات الي عندي وووالخ ... المهم لهدرجه يقدر يبيعني ويرخص بحياةة ولده عشاااان بنات ونزواته وشهواته وجنس معهم؟ليش؟؟ هذي هي حياته يريدها على هواه ؟؟هذي حياه باللله عليكم والله مايخاف ان يجيه مرض عضال ينتهي بموته عل خاتمه سيئه
واذا تعدلت اموره بطلب وقف قيد او تحويل انتساب .. واروح هناك شقه .واجلس معه مااخليها فاضيه .. ويجي ع كيفه ويكلم ويزني فرضا مات موته شنيعه خفت عليه اكثر من ماافكر بمستقبلي .. |
رد: زوجي والجوال السري ؟
مدري اش تستفيد الوحده لما تقول حذفت كل المحادثات وارقام البنات اللي عنده!!
الا انها حذفت ادلة ادانته بيدينها !!! تحسبين لما خذفتيها بيضيع ولا يقدر يتواصل معهم بعد اليوم!! اللي زي زوجك ما اعتقدر يترك اللي هو فيه لو كلمتي من يكون عنده اذا ما وقفه ضميره ما راح يوقفه لا انتي ولا ابوه كل اللي بيتغير " والله اعلم " بيرمي الجوال امامكم ويطلع واحد جديد ويخبيه بمكان اكثر حذر من الاول ويرجع كل البنات اللي كان معهم وزياده 😴 زوجك ضميره وايمانه هو اللي بيردعه وكل حركات الاكشن اللي سويتيها بتكون نتيجتها الحذر من جهته المرات الجايه فقط ادعي ربك له بالهداية |
رد: زوجي والجوال السري ؟
زوجي وللاسف وانا اقولها لان مايستحق يكون زوج ... يخاف من مخلوق الي هو ابوه مايبي ينفضح عنده ولا خااف من خالقه ربه .. وكلمت والده وقال ان كلم امس توقع بياخذ منه كلام راجال صار يعاتبه سالته هو يعاتبك ليش شدخلك انت ؟ قال موضزع فات وابوه منعني عن روحة بيتنا لان بتكبر المشكله ... ودوامي بعد بكره وام زوجيي تعبانه كيف بتمسك ولدي وحماتي اخته مزاجيه واهلي كل يتصلون ولاارد عليهم لاني تعبانه مابي اكلم احد
|
رد: زوجي والجوال السري ؟
اختي سهرانه من الواجب على الانسان عند دخولة بالمشاكل استيعاب حجمها اولا والتفكير في عواقبها وماستؤل اليه الامور انتي اتيتي هنا تشكي من خيانة زوجك الله يهدية وزوجك حاليا مازال في بداية المشوار ومن السهل ثنية وارجاعة الى الطريق السوية بشوية اصرار وحزم وصبر وانتي الان بصدد ذالك وقد بدئتي فعلا بأيجاد حلول واخبارك لوالدة ماهي الى بداية المشوار فلاداعي لليئس والاحباط من الان
وعشان اوضحلك الفكرة واحفزك شوي واشد همتك راح اعطيك حالتين لمستقبلك معى زوجك وانتي صاحبة القرار 1-التغافل والتعايش معى وضع زوجك الحالي وكتم مأسي خياناته والعيش تحت ضلها وتركه للايام وهناك عدة مشاكل للخيانه وضعت هنا في المنتدى بلغت حدها بأمكانك مراجعتها معى التركيز على معانات الزوجة فيها 2- ايقافه عند حدة ومساعدته على الاقلاع بأي طريقة وترسيخ كيانك في ذهنه كأنثى تغنية عن الحرام وفرض وجودك في بيته واخذ حق واعطاء حق الاولى محتاجة للتغافل ولاكن يصحبها ضرر نفسي مؤلم وضياع ونهاية لانستطيع التنبؤ بها الثانية محتاجة (لصبر وحزم ) وشوية مجهود واذا مانفع والده هناك عدة طرق تستطيعين من خلالها وضع حد لمشكلتك وقد وضعت افضلها في اول رد في موضوعك |
رد: زوجي والجوال السري ؟
هيعطيك العافيه اخوي بولد وربي افرح اذا شفت منك رد لانك تحفزني للامام والبعض رجعني للخلف ...
حاليا انا ابيت في بيت والده وهو الان بالشقه وصرار ابوه اني مااكلمه ولاارد عليه حتى بالرسائل واخليه كم يوم يهدا وضعه ثم تنحل المشكله ... هو اليوم الصبح الجمعه اعطاني كلام 1 فضحتيني 2 انتي كذابه ... 3 انا كنت ساكت لك فاشياء ولاتكلمت عنها وانتي تفضحين فيني قلت له ابوك بيسترك لحد الممات وخلاص .. قال مابيك ولا بطايق اشوفك ... مارديت عليه 4 يقول انتي عدوه مو زوجه وين عدوه فيه ويقول ان متحسف خذني ومن هالكلام ؟؟ ف انا خايفه يوم الاحد او الاثنين يتسرع للمحكمه يفصلني ويخليني كذا من غير علم .. |
رد: زوجي والجوال السري ؟
طيب عندي لك فكرة
انت شفتي الكلام اللي راسلينه والتسجيل سوي مثلهم اغنية بالحلال اتصلي علية تغزلي سوي مثل بنات الحرام بس برقمك ارسلي له غزل بالواتس تعلمي من النت اشياء جديدة للعلاقة عندك المساج الصيني او الاندونسي او الفلبيني تعلمي وطبقي له مافي رجال ما كان يكلم قبل الزواج بس فية رجال يلاقون اللي يبونه في زجاتهم وفي اللي ما يلاقو الرجال يحب الجنس وبس عشان كذا يكلم عشان يشبع انتي شبعيه لا تخلين له فرصة يكلمهم ارسلي له رسايل كلمية سوي له ليالي حمراء وصفراء وووو اشبعيه انتي ولا تخلينه يحتاج غيرك |
رد: زوجي والجوال السري ؟
تبغي الحل
اتفقي مع اهله اول شيء انو يتصلوا عليه ويقولولو تعال خذ ولدك لان زوجتك سابته عندنا واحنا ما نتحمل طيشك خلي ابوه ياخذ ولدك ويوديه عنده ويورطه فيه وما يخليه يعرف يتحرك مكان ولو اتصل عليك او كلمك قولي له اعتبر اللي بيننا انتهى وخلي بنات الشوارع ينفعوك صدقيني حيتمرمط مرمطه لا اول لها ولا اخر بس اهم شيء انك تتفقي مع اهله ما احد يمسك له الولد خليه يقدم اجازه يربي ولده فيها وقتها حيعرف قيمتك وقيمة اهله ودمتم في حفظ الرحمن |
رد: زوجي والجوال السري ؟
اقتباس:
حقيقي كان الله في عونك ولكن لا أحد يندم على زوج خائن ثم إنه من يخون سيخون بلا سبب لأن الخيانة تجري في دمة حتى لو ملكت يمينة كل ما يريد . |
رد: زوجي والجوال السري ؟
قهرتني ( سلبيتك و ضعفك ) ..
هذا رأيي باختصار .. هو و أبوه و أخته ، راح يدفنوا الموضوع .. و هو راح يستمر و راح يخونك ( و أمام عيونك أيضا ) .. |
رد: زوجي والجوال السري ؟
اقتباس:
واذا كان قصدك الطلاق فهذي مستحيل يسويها من الخاين انتي والا زوجك + مافي داعي تبررين له موقفك معى والدة ومافي داعي تضعفين امامه مهما كان اسلوب تهديده معك انتي حاليا خذي بكلام عمك لانه قاعد يربية ومش بعيد ينطرد من البيت فجهزي حالك واوقفي جوار عمك عشان يقدر يساعدك ويربي ولدة وصدقيني طال الزمن او قصر مصير زوجك يرجع لان الي قاعد يسوية خطاء بحق ربة اولا وبحق اسرتة وزوجته واخلاقة وضميرة ومهما كان الحرام نافذ ومايدوم ونصيحة يااختي الفاضلة لاتنسي زوجك من دعوة صالحة في ضهر الغيب بالهداية والتسخير والصلاح وربي يوفقكم ويعينكم ازمة وراح تعدي ان شاء الله |
رد: زوجي والجوال السري ؟
تعبان قلبي ....
انا فعلت له كل هذا لبست كشخت دلعت حتى الجنس انا الاحقه فيه وينبسط و احرص على يكون شكلي مرتب ماحب الفوضى.. اهتميت فيه وفولده ودراستي ومع ذالك يخووون ليييييش مادري هو مايحب يطلع نفسه هو الغلطانن دائما طبعه غبي والله الهادي .. ------------------------------------ Everything احترم رايك ولاكن غلط لو بسوي هذا اترك ولده وهو تو له سنه وولدي متعلق فيني حييييل ولو ارجع واخذه بيسوي مشكله اعرفه حركات نذاله دائما يشغللها فابتعد كل البعد عن هالحل ان اخلي ولدي بعيد عني حتى لو كان اتفاق مع اهله .... --------------------------------- اخي ضاي جدا متهوفه من هذا لان دائما هو متسرع في قراراته وبلاخير يندم خايفه يروح يطلق ومالي خلق اهلي كل واحد بيمسكني شيالفه وش سالفه واخواني لا هو بواحد ولا ثنين 7 وغير خواتي ... وامي وابوي كبار فالسن مايتحملون اي صدمه .... ----------------------- روح الطير انا لجات لابوه موالاحد غريب صحيح هو بيستر عليه ولا اروح لاحد بيفضحه ووبتصير الفضيحه بتكشي ورا ولدي ومارضى باحد يتكلم عن ولدي بحرف اذا عل خياناته الله يهديه اذا على مكالماته الجنسيه الله اكبر وجدا ماخاف من ربه خااف من ابوه ... ---------------------------- اخي بووولد اقصد بالطلاق وهو الخاين مو انا .. وادعي له ان ربي يهديه ويعذبه ضميره ويحنن قلبه علينا .. مايقطع قلبي الا ولدي اذا شاف عمامه مشوو قدامه يصارخ بابا بابا ويصيح .... طيب اذا انفصلت وش ذنب هالصغير يعيش بعيد عن ابوه هو عاش مع امه وابوه ووولده ماحن عليه ... هذاك اليوم مزحت معه وقلت بخلي ولدي عن امي يومين قال لا ماقدر استغني والحين يبي يطلق عشان يعيش ولده بعيد عنه مناقض .. |
رد: زوجي والجوال السري ؟
اعتقد والله اعلم بما ان بينكم صلة قرابة ماراح يقع الطلاق
لكن اتوقع السيناريو ان ابوه بيجيبه عندك وياخذ منه وعد يبطل هالامور بترجعين شقتك ويقعد زعلان بعد ماطاح وجهه قدام ابوه بيتلفظ وبيتكلم عليك ويحاول يغطي على خيانته بشماعة انك فضحتيني وبيضغط عليك الى ماتحسين بذنب انك صغرتيه عند اهله كم اسبوع وترجعون عادي وفترة كم شهر تهدأ الامور تماما السؤال لو رجع يخونك بعدها وش ناوية تسوين هل مجهزة نفسك للموضوع لو تكرر |
| الساعة الآن 12:06 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©