|
كيف افاتح خطيبي بموضوع الاطفال
السلام عليكم ورحمة الله وبركاته
ان شاءالله انكم بخير عندي موضوع شاغلني وموعارفه افاتح فيه خطيبي اللي هو اني مابي عيال في اول سنه .. كيف افاتحه بالموضوع استحي كل ماحاولت اتكلم اتراجع يعني اول سنه حلو نعرف بعض وننبسط و كذا بس ملاحظه هو يحب الاطفال اخاف يرفض .. كيف افاتحه بالموضوع ! |
رد: كيف افاتح خطيبي بموضوع الاطفال
برأيي لاتفاتحيه بشيء الان ،، خليه لبعد ماتتزوجي وتكونو مع بعض ووقتها راح تلاقي الطريقة المناسبة تفاتحيه في رغبتك،،
بس أنا مااؤيد فكرة تأجيل الاطفال ،، وإن وافق زوجك عليها فانتبهي من الموانع مثل الحبوب لانها تخوف ممكن تلعب فيك وفي هوموناتك ووقتها تتمني انك مااستخدمتيها،، وفقكما الله،، |
رد: كيف افاتح خطيبي بموضوع الاطفال
في بنات يتم الحمل من اول زواجهم من اول شهر .. وهذا صعب كثير
مابعد تاقلمتي ويجيك بيبي .. يعني فكرة تاجيل الموضوع مو وراده ومافيه حل الا الحبوب .. وان شاءالله وبأذن الله ما تضر .. الله كريم هي بس سنه .. مشكوره احبه حبيبي الله يسعدك |
رد: كيف افاتح خطيبي بموضوع الاطفال
خوذيها من مجرب
اروح حركة سويناها أجلنا الأطفال.. أنت ارسلي له صورة بنت حلوة قولي وصيفة بنتنا مثلا بعدين قولي عندك نخطيط يخص موعد الحمل الاول ... |
رد: كيف افاتح خطيبي بموضوع الاطفال
م انصحك ولا شهر تأجلي
اقرأي كلام المنتظرات وآلامهم راح تعرفي معنى كلمة حمل وولادة وماما😢 |
رد: كيف افاتح خطيبي بموضوع الاطفال
هلاا ااا مبارك يا حبق....
ان شاء الله امورك تمام.. عاديه.. اذا تكلمتي معه.. واتس ارسلي له صوره طفل كيوت.. راح ينفتح الموضوع تلقائي.. طيب او سولفي عن خويتك الحامل... كيف معاناتها بطفلها الاول.. سولفي له عن نظام ' الجدول الصيني... كيف انهم يحددون جنس المولود حتى قبل الحمل نفسه... قولي له وش بتسمي ولدك؟ اوكأن خويتك تجب تستشيرك بأسم حلو للمولود. سولفي عن غرفة الاطفال بشقتكم... وسولفوووو و بمزحه قولي هذي مارح تستخدم الا بعد سنه.... حقي كعروس... انا طفلتك... وووو موضوع سهل... و عادي .. |
رد: كيف افاتح خطيبي بموضوع الاطفال
اقتباس:
ان شاءالله اتجرى واجربها |
رد: كيف افاتح خطيبي بموضوع الاطفال
اقتباس:
انا ماراح اكذب عليك من هالناحيه انا مرررره خايفه .. بس .. لما اشوف ظروف خطيبي .. شوي متعسره وغير مستقره.. افكر كثير بهالموضوع |
رد: كيف افاتح خطيبي بموضوع الاطفال
اقتباس:
والله افكارك حلوه بجرب وحده منها .. واعلمكم وش يصير مع ان سالفة التاجيل والحبوب تخوف 🙊 وحوراء خوفتني .. بستخير اول |
رد: كيف افاتح خطيبي بموضوع الاطفال
أكيد مافي أحلى من الأطفال بس مش أول سنه تفكيرك منطقي وعين العقل
|
رد: كيف افاتح خطيبي بموضوع الاطفال
التأجيل افضل من الانجاب بداية الحياة الزوجية
اولا : الزوج لم يتأقلم مع المسؤوليات والارتباطات والزواج فشي طبيعي ماراح يحس بكامل مسؤوليته بيشعر انه ارتبط مرغم وقبل الاوان حتى لو كان هو راغب ثانيا: اذا وضعه المادي سيئ لا اعتقد انه يفكر في هذا الموضوع ثالثاً : التأكد من الانسجام بين الزوجين وانهم مناسبين لبعض قبل الانجاب افضل لو ماحصل نصيب وافترقى لاسمح الله لايكون بينهم طفل يكون ضحية انسجمي معاه اول سنة خططي حياتك وارسمي ابعادها اذا شفتي حياتك يغلفها مودة ورحمة فالله يرزقك بالذرية الصالحة واخر نصيحة اذا انتي بالغربة اول سنة لاتفكرين بطفل يملي فراغك <<<< اذا كان هذا هو الهدف فقط من الانجاب اول سنة فهو سبب سيئ لك وله ولطفلكم القادم بالتوفيق |
رد: كيف افاتح خطيبي بموضوع الاطفال
اقتباس:
كلامك عين العقل .. قلتي كل اللي ببالي .. النقطه الاخيره .. فعلا كانو يقولون بتفكرين احد يملى فراغك في الغربه وخاصه ان دوام خطيبي طووويل و الماديه غير مستقره .. بهالظروف بيكون صعب علي وعلى زوجي وعلى الطفل الله يسهل و الله يعين والله ييسر .. والله يسعدك يارب |
رد: كيف افاتح خطيبي بموضوع الاطفال
اعرف صديق لي اول ماتزوج قرر هو وزوجته اول سنه مايجيبون عيال يعني خذت حبوب منع الحمل اول سنه ماكانو مستقرين بعدين تركته وقرروا يجبون اطفال والان صار لهم اكثر من 3 سنوات مالله كتب لهم لا الحبوب اثرت علها او سبب لها ضعف والله اعلم .
ما انصحك تستخدمين اي شي كيميائي مثل الحبوب وغيره ولانه بيأثر عل موضوع الانجاب بالمستقبل بعد مايرزقك الله باول مولود بعدها ممكن تاخذينها باستشاره الطبيب والله يوفقكم لما يرضى |
رد: كيف افاتح خطيبي بموضوع الاطفال
اعرف شخص بغوا ياجلون سنة و خذت حبوب و ماجاهم اطفال الا بعد سيع سنوات
لان سببت لهم مشاكل الحبوب مضرة للبكرية ومعروف هالشي ماقلته من فراغ خاصة اذا الوحدة عندها ضعف و هي مو دارية راح تزداد المشكلة توكلي على الله حق التوكل فالله يرزقكم و اياهم |
رد: كيف افاتح خطيبي بموضوع الاطفال
^
^ ^ فعلا انا سمعت إن الحبوب تؤثر سلبا على من لم يسبق لها الحمل أكثر ممن أنجبت مسبقا .. شوفي طرق المنع الأخرى كالعزل والواقي وحساب أيام التبويض .. |
رد: كيف افاتح خطيبي بموضوع الاطفال
اقتباس:
اقتباس:
عزيزتي حبق انتبهي لا تأخذي موانع يتحدث معي أحد الأطباء يقول لي نسبة من يتأخرن في الحمل في السنوات الأخيرة بإزدياد بسبب ومنها اتباع أمور دون استشارة من الموانع وخاصة الحبوب الضعف مع الحبوب يزداد التأخير.. استشيري دكتورة بعد زواجك بفترة وليكون معك هو واتركيها لله دون حسبة. |
رد: كيف افاتح خطيبي بموضوع الاطفال
الله يعين ..
والله يسعد كل اللي ردو خوفتوني والله .. الله يرزق كل محروم والله لا يحرم احد من هالنعمه طيب ايش الطرق الثانيه .. غير الواقي صعبه اقترح مثل هالاقتراحات .. سمعت عن حبوب للرجل ! هل لها نفس التاثير ! |
رد: كيف افاتح خطيبي بموضوع الاطفال
صحيح عليك الذهاب الى طبيبة نساء وولادة ويفضل مستشفى حكومي عشان تعطيك الحبوب المناسبة لا تعتمدي على صيدلي او غيره لأنها انواع كثييرة وموانع الحمل فيه غير الحبوب... وغير صحيح ما يقال ان الحبوب تسبب العقم او غيره مما يشاع في المنتديات..
الشيء الثاني/ لازم باتفاق مع زوجك .. ممكن زوجك يبي عيال .. وبالتالي صعب تمنعي الحمل بدون موافقته.. من راي الشخصي انا اذا تزوجت ابي عيال باقرب فرصة !!! يعني ابيها تحمل من اول ليلة !khh ادعي لي ييسر لي الباقي . |
رد: كيف افاتح خطيبي بموضوع الاطفال
اقتباس:
واكيد لازم برضاه .. وكلمته ابشركم بالموضوع .. بعد جهد جهيد 😹 والحمدلله طلع الحكي .. و هو صف صف كلامي ورتبه وفهمه 😂 طلع هو نفسه يفكر بنفس الموضوع بحكم الماديه الغير مستقره نفسه ياجل .. لين تزين الامور ان شاءالله .. بس كلامهم عن الحبوب يخوف 💔 روح يا ياسر الله ييسر لك امورك ويسعدك ويوفقك وتفرح بعيالك وتشوفهم حولك .. ويرزق كل محروم ولا يحرمنا من فضله وخير و الذريه الصالحه |
| الساعة الآن 11:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©