|
خطيبتي باردة !(مستجد رد 80/95)
بسم الله الرحمن الرحيم السلام عليكم اخواني اخواتي .. بدخل بالموضوع مباشرة خلوني اعرفكم على وضعي اولاً: شاب عمري 27 سنة الآن ، اعمل بالتجارة ، والحمد لله الدخل جيد ، اسعى لتطوير ونفسي وذو طموح ، متملك ، رومنسي ، اقدر الحياة الزوجية ، احب ان اسعد زوجتي ، هادئ الى حد ما ، مزاجي لكن بنسبة بسيطه . ( هذا انا ) الموضوع: انا شخص متملك من سنتين تقريباً ، وتملكت على البنت اللي ابيها بفضل الله عز وجل ، ولكن المشكلة هنا انني لا ارى منها اهتمام كبير حتى قبل الملكة في فترة الخطبة ، كان سؤالها عني واهتمامها بي قليييييل ، ملاحظة( البنت ليست عديمة الإهتمام ، لكن لو وضعنا نسبة للإهتمام ، اقول اهتمامها لا يزيد عن 8% ويالله يالله بعد )! وفي فترة الخطبة كنت اراسلها بالتويتر وماترد علي ابد ابد ، واتغزل بها واقول لها مافي قلبي واسولف عليها بتويتر ، لكن رد واحد مافيه ! أنا قلت يمكن مستحيه ، وقلت اصلا مايحل انها ترد علي الآن لاننا في فترة الخطبة ، وعذرتها ! ومع الايام جاء وقت الملكة والحمدلله تيسرت وتملكت عليها ، ومن بكره كلمتها بالواتس اب بشكل مباشر قلت: مساء الخير ,hmt قالت: من معي ؟! قلت: انا فلان ثم طلعت من الواتس اب ، وطولت !! مادريت الا جوالي يدق ! الا امها متصله !! الساعه 12 بالليل ! غريبه ! قلت: نعم امها: ليه تتكلم معها ؟! قلت : فيها شيء ؟ قالت : لاتتكلم معها ، ولا بعلم ابوها ! ( انا هنا بغيت احوس الدعوة بسبب اسلوب التهديد اللي يرفع الضغط ) بس انا قلت : ان شاء الله يصير خير .، وبلا هالاسلوب ! قالت: انا اعلمك عشان تعرف ان هذا الشيء خطأ . قلت: زين ان شاء الله . انا صراحة انقهرت من ردت فعل البنت ، لهالدرجة ماتعرف تصرف ، مع العلم انها تعرف اختي وقريبه من اختي ، وكان ممكن تقول لها وتعلمني اختي ونحل الامور بسهالات . الوكاد حطيت كلام امها بدرج السيارة ونسيته ... وم مرور الايام ، ادخل حسابها بتويتر وقليل جدا تغرد بـ شيء يتعلق فيني انا ، مع العلم اني مو مقصر معها ، اهديتها هدايا وجوال ايفون 5 ولما نزل الايفون الجديد 6 شريتها لها ونسقت مع امها انها ماتعلمها بشكل مباشر ، ابغيها تكون مفاجأة بطريقة ماتتوقعها ، يعني تفننت بتوصيل الهدية لها ..! ياجماعة المشكلة هنا ان اهتمامها قليل جدا ولا تسأل الا من باب رفع الحرج ، يعني تسأل مره كل شهرين او ثلاث! شلونه ؟ طيب الحمد لله .. وانتهى السؤال ! ( طبعاً هذا الكلام كله بعد الملكة ) وتقربت لها اكثر من مره لكن مافي فايدة ، وانا على هالحاله الى وقت كتابة هذا الموضوع ! وقلت لها انتي ليه كذا وش البرود اللي فيك ! يعني جيتها مره وغسلت شراعها غسل ، وفي الاخير ترد بـ : ! قسم بالله كرهت علامة التعجب لانها تذكرني ..... !!! وانا كلمت امها وان هذا من حقي ومافيها شيء شرعاً ، وامها مثلها ......ماتفهم !! وبدون مبالغة رسائلي لها سواءاً بتويتر او واتس اب بالاجمالي سواءاً رومانسي او ضحك وفرفشة لا يقل عن 1300 رساله ! تدرون اجمالي ردودها علي كم ؟! لا يتجاوز 10 ردود ! اقسم بالله العظيم !!! وياليتها ردود تكمل 10 كلمات ! رد بسييييييييييييييط للغايه ! اكبرها: انا مااقدر اكلمك امي وابوي يمنعوني . بسسس ياناس والله اني زهقت منها ، وانا احاول الهي نفسي بأي شيء عشان انسى الموضوع لكن مااقدر ! والله يعافيكم . مستجدات الرد 80 http://www.66n.com/forums/showpost.p...9&postcount=80 مستجدات الرد 95 http://www.66n.com/forums/showpost.p...4&postcount=95 |
رد: خطيبتي باردة !
في الخطبه انت غلطان وهي صح
بس بعد الملكه المفروض عادي و البنت مثل ماقالت لك امها وابوها رافضين وهذا دليل ان البنت على نياتها ولا هي راعية لف و لا دوران الله يتمم لكم على خير |
رد: خطيبتي باردة !
ولو سوت هالشي من ورا اهلها وحتى لو كان برضاك ممكن تظن فيها ظن سيئ حتى وهو حلال برضو
المشكلة مو قلة الاهتمام ولا لها علاقة فيها وانت عارف هالشي.. بس البنت ممنوعة ومو من عادات اهلها وبيئتها التواصل بين المخطوبين.. ليش تحط الحيل فيها؟! |
رد: خطيبتي باردة !
عليك مصارحتها بذلك وان ذلك يزعجك
صارحها لكن باسلوب متفاهم ولطيف لاتستخدم معاها الغضب والعصبيه كن هادئا |
رد: خطيبتي باردة !
اقتباس:
بس اللي يضايق انها تقول لإختي مره: مااقدر ارد عليه ولا اكلمه ، انا لو يدري ابوي عني اني بتويتر اسوي ( ريتويت ) لشباب ذبحني !! انا يوم سمعت هالكلام من اختي عذرتها وللعلم هذا الكلام بعد الملكه . ولكن لما دخلت حسابها لقيت ريتويت عد واغلط لشباب وازيدك من الشعر بيت ، وترد على شباب بعد !! بالله هذي تعذرها ؟؟! |
رد: خطيبتي باردة !
اقتباس:
اقتباس:
وبالنسبة لكلامك عن عادات الاهل ومالاهل ، اقرأي ردي على الاخ/ اخت حبق .. انا اسف ممكن ان من كلامي في الموضوع تظنون اني على مايقولون جفس او ديش ، لكن لا والله انا كلمتها بكل هدوووء وان هذا الامر غلط واني اتضايق ، انا ابي احس بوجودك في حياتي ، الثقل زين لكن مو لهالدرجة .!! |
رد: خطيبتي باردة !
اهلااا...
انا اشوف ردت فعلها طبيعيه و لأسباب.. لان الخطبة طويلة جداا... فتصرفاتها طبيعيه.. بعدين في شي و لا تأخذني فيه... مايصلح تروح وراها ببرامج زي تويتر.. خلص عندك واتس اب.. ماردت.. ليه تروح تويتر؟ كأنك تضيق عليها.. نفسيااا ما احسها حلوه.. هذا انت انقهرت شفتها تسوي رتويت لمغردين.. و انت ماترد عليك.. تبيها ترد عليك.. حدد موعد الزواج بعد لك حق تواصل .. اعتقد كذا نظرتها.. وهذا الافضل لكم.. لان خطوبتكم اول طويله و يمكن تطول بعد.. فهي تمشي بمبدأ السلامة.. و يمكن يظهر عليك الطيش.. باسلوبك.. هذا يدعو للخوف من جانبها ترى.. خلك رسمي.. اكثر.. وكلامك وحتى رسايلك اقل و اخف.. مو مندفع.. |
رد: خطيبتي باردة !
البنت اعرف بالبنت من ناحية تغيب عن الشباب
في اشياء لازم توضح وتوضع عليها النقاط على الحرووف وانا بتكلم بمصداقية واعذرني على صراحتي نوعا ما عمر خطيبتك اولا سبب مهم يحدد سلوكها وتصرفاها بغض النظر عن العادات والتقاليد ممكن تكون لها دهل بنسبة بسيطة + تربيتها وقناعتها وهاشي لازم تعرفه بهالفترة وبصراحه اكثر البنت اذا تعلقت بخطيبها مافي شي يعوقها لا امها ولاابوها عشان تتواصل معه وتهتم فية وتظهر حبها نقطة انك رسلت في الواتس وراحت اشتكت لاامها تصرف غريب من وجهه نظري لان المفروض على اقل شي ترد باسلوب لبق هلا حياك الله وتسال عنك دامهها قلت انها ترد على اضافات الشباب في التوتير وكذا يعني انسانه عندها تفكير واسع فليش تحجر واسع وانت زوجها شرعا موضوعك من اوله الى اخرة في كمية قهر ليش لان اخوي نفس موضوعك بالظبط ملك وماتعطيه اهتمام بصراحه حنا تدخلنا نسالها انتي مجبورة ولا راضية لان اخوي تعب نفسيا من عدم اهتمامها وتجاهلها لكن لخطيبك وعفوا يعني انا ماشوف اي مبرر او عذر يخليها تتتجاهلك باهتمام بسيط او سؤال يفرحك عموما انت اصبر والله يتمم لك على خير |
رد: خطيبتي باردة !
اقتباس:
مثلاً : تقول لي انا مااقدر اكلمك بسبب اهلي وامي وابوي يتابعوني بتويتر وابوي اذا شاف حسابي بتويتر اسوي ولو ريتويت لشباب ذبحني ! وبعد فترة دخلت حسابها بتويتر ولقيت شباب عد واغلط وبعضهم ترد عليه ! ( انا احق بالشباب اللي تسوين ريتويت لهم وتردين عليهم منهم ) وبالنسبة للرسائل ،ففي فترة الخطوبة كنت ارسل لها بتويتر مع العلم ماردت علي ولا مره ( وانا اعذرها ) لاني خطيبها . وبعد الملكه صرت ارسل لها بالواتس اب ، ومافي اي تجاوب . عليها برودة اعصاب ماهي طبيعيه . وبالنسبة اني طايش بإسلوبي ""gg ، لا والله ماني طايش بإسلوبي معها ... تدرين مابديت ابين لها اني متضايق من تصرفاتها الا بعد سنة تقريباً من الملكه ، طوال ال 10 او 11 شهر كنت صابر وماسك نفسي قلت يمكن تجهل يمكن اهلها فعلا مشددين عليها لكن الايام تبين لي عكس كلامها دائماً . |
رد: خطيبتي باردة !
اقتباس:
طيب (( نقول ان اهلها مانعينها ، وتستحي ترد علي )) اختي حسب كلامها : تقول ماتسأل شبه نهائي عنك ! يعني ولا كأن في حياتها ، واذا سألت سؤال بسيط كلمه وردي غطاها ! ياناس انتم اعلم ان مااطلبه امر طبيعي وقد ذكر الله بالقرآن ( وجعل بينكم مودة ورحمة ) وللعلم انا سألتها بنفسي : قلت: يابنت انتي تبيني ولا لا قالت: لو ماابيك ماوافقت قلت: طيب ليه هالتصرفات اللي اشوفه ؟ نفس الكلام: امي وابوي يمنعوني ومدري ايش ! وبالنسبة للتجاهل ، هي متبلدة لاخر درجة ، اذكر سويت عمليه جراحية وارسلت اختي ( بعد الملكه ) : قولي له حمدلله على السلامه . عجزانه ترسل !!!! |
رد: خطيبتي باردة !
للمعلومية:
انا لما شفت تصرفاتها ، قلت في نفسي يمكن انا ابالغ في تصرفاتي ، يمكن مو من حقي بحكم العادات والتقاليد ! يعني حاولت احط لها 100 عذر لها . وبحثت في النت ولقيت كثيييير يكلم زوجته بعد الملكه ويجلس معها وبالعكس وفي مشايخ ينادون بأنه : اذا كان للشاب رغبة بالكلام مع زوجته فلا يجوز منعه ، لكن لا يمكن من الانفراد بها <-- وهذا انا معه 100% |
رد: خطيبتي باردة !
اقتباس:
وبعضهم عادي تطلع معه بعد الملكه اذا انت تبي تكلمها وابوها مانعها .. كلم ابوها واطلبه تجلس او تكلم زوجتك الله يسهل امركم |
رد: خطيبتي باردة !
اقتباس:
من اهتماماتها الكورة .. لدرجة ان صرت اكره الفريق اللي تشجعه من كثر ماهي تشجعه .. والله تذكرني بواحد في الاستراحه عندي اذا شفت حسابها بتويتر !! والله ياتاس ان هذا الموضوع يأرقني اثناء النوم . واتمنى لو اهتمام 20% |
رد: خطيبتي باردة !
اقتباس:
عمرخطيبتك عمر اندفاع وتعلق بالشخص الي يظهر لها اهتمام هذا العمر فيه عاطفة مو متزنة وفيه مشاعر جياشة مختلطة اذا تكلمنا عن السلوك المتوقع منها على حسب ماوصفت من اهتمامك فالمفروض تندفع وتبادلك اهتمامك وتفتقدك وانت باين عليك شخص فاهم ومثقف وصبور ومازلت محاولاتك جارية لجذب حبها وهتمامها وما في نتيجية مرضية عبى كثر القصص الي قرأنها بين المقبلين على الزواج بنسبة اعلى هو البنت تشتكي من اهمال خطيبها والعكس نادرا دايم تقول مايسال مايرسل مايتصل مايهديني ولما ياتي رجل يشتكي تكون عناك اسباب مو مقبولة او منطقية وانصحك تكلم اختك تتناقش معها لانها اقرب لها وتشوف اسبابها ويموت نقاش مريح وعفوي والله يوفقك |
رد: خطيبتي باردة !
اعتذار عن الاخطاء الاملائية
|
رد: خطيبتي باردة !
اقتباس:
بالنسبة لإختي ، فإختي عارفه وضعي واحنا قريبين من بعض جداً، تقولي اختي اني تكلمت معها اكثر من مره لكن تجاوبها معي ضعيف جدا وغير واضح،وتقول حتى اختها تكلمت عليها وان لازم زوجك يحس منك اهتمام واقبال عليه مو ساكته على الاخر ! قالت بمعنى كلامها: اذا تزوجنا يصير خير ثم تغير الموضوع ! والله اتعبتني .. والله لاتقدر هذي البنت على الرغم اني حاولت اتقرب لها اكثر من مره ، لكن مااشوف منها اي مبادرة ! اذكر اني سحبت نفسي شهر كااامل ، ثم ارسلت هي رساله شلونك ؟ قلت بخير الحمدلله ، وعلييييييييييييها والآن لي 3 اسابيع تقريباً ماارسلت لها والله ماشفت منها شيء !! ياناس يمين بالله انها جدااااااااار !!! *_* |
رد: خطيبتي باردة !
اخي هي ليست ( جداااار )
هي انسان لها مشاعر واحاسيس فهي مثل اي انثئ لها مفاتيح ؟؟ اتوقع انها انسانه كتومه لاتحملها فوق طاقتها اخي ماهو ترتيبها بين اخواتها البنات ؟ شخصية زوجتگ تدل علئ انها انسانه مسكينه وعلئ نيتها ماتعرف تتعامل مع الجنس الاخر هل تتوقع ان ضغط امها ووالدها عليها بعدم السماح لها بالكلام معك ولد لديها خوف او حذر ؟ هل صارحتها بكلام حازم بموقفك من مشاعرها بهدوء واتزان بعيدآ عن الغضب والنرفزه ؟ بمعني ان تقول لها ( بكتب بالعامي وبلهجتنا افضل ) ( شوفي يابنت الحلال انتي الحين زوجتي عسنة الله ورسوله ، والي بينا زواج ماهو لعب زواج المفروض يكون قائم علي التفاهم واللين والرحمه انا مو عدو لگ تخافي مني ؟ انا سندك بعد الله بهالدنيا شوفي يازوجتي الحبيبه : اي شب بالدنيا يتزوج يبحث عن الاعفاف اولآ والتفاهم والاستقرار ثانيآ وانسانه حريصه عليه وتشبعه عواطف واهتمام وسؤال ثالثآ بعدك عني يابنت الناس مو بصالحك وبداء يبني بينا حواجز وبديت احس بالجفاء من ناحيتك ، انا قصرت معك بشي ، مطلوب مني شي معين مستحيه او متردده او ( خايفه ) تقوليه لي هل طريقتي بالتقرب منك فيها شي غلط او عيب او حرام انا سويت الي علي وحريص علي استمرار علاقتنا بس مااشوف منك اي تجاوب هل حياتنا بتسمر علي هالموال ؟؟ بتقولي بعد الزواج يصير خير ؟ اي ان شاء الله مافي بعد الزواج الا كل خير لك طيب انا حاليآ مااستاهل منگ سؤال ؟ كلمة غزل حلوه من حبيبه لحبيبها ؟ لا تبني حياتنا من اولها علي الجفاء ولاتخليني اخذ فكره عن الانسانه الي اتمناها شريكة حياتي انها جافة العواطف بادري واسآلي واهتمي ماطلبت منگ كثير ولاشي فوق طاقتك بس ابي احس بوجودي بحياتك وبوجودك بحياتي ابي حب ينعش قلبي ابي انسانه تنعش روحي اهتمام وسؤال وتحلي ايامي بروحها الحلوه ؟ ابي انسانه يفاجئني اتصالها بيوم حياگ عفنجال قهوه وتستقبلني احلئ استقبال بشوق ولهفه واكون متآكد انك اقنعتي الوالده والوالد عشان تقابلني ( موقف كبير بعيني يابنت الحلال ) فكري زين بكلامي وماابي رد بالكلام ، ابي ردك يكون بالافعال تعبت اكون المبادر ، مو خساره فيك المبادرات والله بس ابي احس بوجودگ اخي وصل لها الامان بكلامگ ، واصبر عليها ، والاهم المصارحه بهدوء وقدر ضروفها لعل الله يحنن قلبها عليك |
رد: خطيبتي باردة !
اخي : حاول انگ تفهمها ايش الزواج
وايش رغباتك الي تدور عليها يمكن مو فاهمه ايش الزواج او ماخذه فكره ان الزواج يبداء بعد الدخول وان الزواج مسؤليات بيت وزوج واولاد فقط يمكن شايفه هالنماذج حولها ؟؟ دردحها انت ، اسحبها لعالمك بشويش قولها الزواج مو قائم علي واجبات للطرافين الزواج تعاون ومشاركة روحيه قبل المعنويه |
رد: خطيبتي باردة !
اقتباس:
اقتباس:
كلامك طيب وعين الصواب وانا سويت قبل ماتقولين .. وشرحت لها ان الزواج مو بس اسم الزوج والزوجه بكرت العايله وخلاص ، الزواج اكبر من كذا وان لازم انا اهتم فيك واراعيك وتكونين من اولوياتي بالحياة بعد رضا الله والوالدين ، وكذلك انتي و و و .... الخ لكن دون جدوى . |
رد: خطيبتي باردة !
اخي اذا تحبها اصبر عليها لين بعد الزواج
يمكن فعلآ تحتفظ بمشاعرها لگ لين يجمعكم بيت واحد ؟ هل هذا الجفاء هو عيبها الوحيد ؟ كل شي عاجبگ فيها الا هالاسلوب ؟ صراحه مشكلتگ مالها حل الا المصارحه وبحزم فقط ؟ اخي ممكن سؤال : ايش الخطوه الي بتتخذها لتغير هالطبع فيها قبل الزواج ؟ اذا بتقول حاولت وصارحت وابتعدت ولكن بدون جدوي ماراح تلقئ الا هالحلول عشان تفهمها او انگ تتعايش مع اسلوبها وطبعها |
رد: خطيبتي باردة !
اقتباس:
الله ييسر اللمر واذا استجد جديد اخبركم |
رد: خطيبتي باردة !
اعانك الله اخي وألف بين قلبيكما وجمع بينكما بخير
|
رد: خطيبتي باردة !
اخي
هل سبق وجلست معها وتكلمت ؟ او حصل بينكما مكالمه مطوله ؟ بحيث سمعت منطقها الذي من خلاله تتضح عقليتها ومستوى ذكاؤها وشيء من شخصيتها ! |
رد: خطيبتي باردة !
ان تزوجتها بدون قناعه فستندم طول عمرك حتى وان كانت صاحبة خلق ودين ..
|
رد: خطيبتي باردة !
اقتباس:
|
رد: خطيبتي باردة !
اقتباس:
اي سبق كلمتها بالواتس اب بشكل هاديء وواضح وصريح .. لا تأخذ وتعطي بالكلام بس اقصى شي قالته امي وابوي يمنعوني ، اقتباس:
الصراحه لو داري هذا نظامها مافكرت اخطبها .. واتمنى من الله اذا هي بهالاسلوب تستمر ان ينتهي كل شيء بيننا على خير . |
رد: خطيبتي باردة !
سنتين متملك !
كم باقي على الزواج ؟ |
رد: خطيبتي باردة !
اقتباس:
|
رد: خطيبتي باردة !
لازم تتأكد من عقليتها ومستوى ذكائها وادراكها
الله يستر الكثير ينخدع الظاهر هدوء واعتقاد الثقل والخجل والخافي غير ذلك تماما لازم تجلس معها وتسولف وتسمع منطقها لانها ولمدة سنتين مجهوله بالنسبه لك تماما انا مااشكك والله بس كثير شفت مثل هالحالات ويتزوج الرجل ويبلش بها طول عمره |
رد: خطيبتي باردة !
والله يعينك اذا هذا طبعها
الشخص يتزوج يبي الحب والسعاده مو يشحذها شحاذه وبعد مايلقى خير رساله كل شهرين ثلاث وش دعوه !!! ياخوي تأكد واسأل اختك عنها لاتصير انطوائيه والا معقده والا فيها قصور والله اني راحمتك وكثر خيرك ملكه سنتين وكل هالصبر منك ماشاء الله |
رد: خطيبتي باردة !
والي يخوف بصراحه شدة اَهلها بخصوص تواصلك معها !!
الشرع معك والعرف معك من إِيش خايفين وانت زوجها ع سنة الله ورسوله |
رد: خطيبتي باردة !
اقتباس:
ولو شفت وضعها كذا استمر حتى بعد الزواج ، فاللي حلل الزواج حلل الطلاق . اقتباس:
واذا اختي كلمتها وقالت يافلانه بغض النظر انه اخوي ترى هو زوجك ، وانتي مقصره معه ، تدرين وش تقول ؟ تقول: انا سألت ذاك اليوم عنه ( قبل شهر ونص تقريباً ) ،، كثر الله خيرها والله يعين. |
رد: خطيبتي باردة !
انا مع راي صاحبة السعاادة
هذي عشرة ومن حقك تتكلم معها ووتتعرف على اسلوبها لان مثل ماقلت تحديد الزواج مطول لظروف مو بيدك واحسم الموضوع بعد الاستخارة وانتبه من المسكنات مثل بعد الزواج اكيد بتهتم واكيد بتتغير الفترة الي بينكم سنتين ومن رااي كافيه انك تقرر استمرار او ترك وبتات خلق الله كثير كلامي مو تحريض بس والله عن تجربة ومعاناة مع اخوي والحين نبيه نستخيير ويقرر يعني مهر وهدايا وتعب عشان كلمه حلوة او يعطيك العافية حبيبي مافي او على الاقل الله يخليك او الله يعافيك ولايجي احد يقول البنات مايفهمن بالعكس عتدهم وعي واطلاع واذا حبت يعني حبت واذا عادات وخرابيط بالعكس احيانا يكون كبت العادات دافع للحب العفوي والتعلق الحين البنات يتمنن اهتمام وحب وستر من انسان يقدرها ويحبها وماتتتردد انها تعشقه لكن اعذرني خطيتك تقهرر وتمن عليك الاتصال والسؤال الله المستعان والله يعينك وووافينا بالاخبار واتا اتمنى ان يؤلف الله بينكم ويقذف في قلبها حبك والله يكتب لك الي فية الخيير |
رد: خطيبتي باردة !
صراحه زوجتك تفتقد للذكاء اول مره اشوف احد يكلم خطيبته تروح تعلم امها صراحه استغربت يعني اذا مره ماتبي تكلمك تقلك مقدر اكلمك او تعلم اختك اما تعلم امها شي عجيب صراحه بختصر عليك اسئل اختك اذا هي كذا اسلوبها مع الكل بارده وماتهتم لشيء ذي على نياتها اما اذا مع الناس تهرج عادي وليست بارده اذا مغصوبه عليك
|
رد: خطيبتي باردة !
كم باقي على الزواج ؟
|
رد: خطيبتي باردة !
طيب اسال اختك اذا هي ...باارده مع الجميع
ليه هي صديقتها ..ما اهو المشترك بينكم ؟؟؟ هل هي كتومه ..في حالها ...عشان كذا شجعتني اخطبها ..؟ ما هو الشي اللي تشوفينه زين حقي عشان تكون زوجتي ؟؟ هل اهلها كتحكمين فيها كثير في التعامل ومتحفظه ..وتتعامل مع عدد معين فقط من الناس ؟ |
رد: خطيبتي باردة !
اقتباس:
انتي قلتي كلمه اعجبتني ، وهي ( هذي عشرة ) يعني بنعيش إذا قدر الله سنواااااااات كثيرة ، وبطبيعة البشر بشكل عام يحبوا يروا اهتمام الناس فيهم ، فما بالك فيما بين زوج وزوجته!؟ وخذيها مني ومن كثييييير من الرجال وانا رجل واعرف تفكير الرجال ، الرجل الذي لايجد من زوجته الاهتمام الذي يحتويه فلن يرتاح مهما طبخت له ومهما فعلت ، طالما انه لا يأخذ منها اي معنى للعواطف فهذا يعتبر قنبلة موقوته وتنفجر بالقريب ، فالرجل عند دخوله على زوجته لاول مره يرى جمالها ولا يهتم لعواطفها ، وبعدها يرى عواطفها ولا يهتم لجمالها اذا كانت معه حنونه وعاطفيه . اقتباس:
يعني المخارج كثيرة وسهله واقل ضرر اذا ماتبي تتكلم معي ، لكن هي ذهبت لأسوءها !! وبالنسبة لبرودها ، انا اشوفها بحسابها بتويتر تتغزل بصديقاتها كثيراً ، وعندي علم يقين بذلك ! وليست باردة بطبيعتها ، لانها لو باردة بطبيعتها فأنا اعذرها ( لانك تغير جبال من مكانها ولا تغير طباع ) ! اقتباس:
اقتباس:
لا ليست كتومه ، وليست باردة ، بالعكس تسولف مع صديقاتها يابعد قلبي ، الله لايحرمني منك ، انا مقدر اعيش بدون ، حياتي ضايعه بدون فلانه وفلانه !! وبالنسبة لاهلها ، فهي على كلامها تقول ان اهلها مشددين عليها .. واعتقد ان كلام غير صحيح لان لو كان كلامها صحيح ، على الاقل تسأل اختي ! ياناس بإختصار واضح وصريح ماأشعر منها ولا يالله يالله وبعد إعادة النظر 5% اهتمامها وايضا من باب رفع الحرج ! |
رد: خطيبتي باردة !
الجديد :
اليوم كلمت والدتها : قلت: السلام عليكم قالت: وعليكم السلام قلت: انت مانعه فلانه ترد علي قالت: إيه قلت: طيب ليه ؟!! قالت: انا بنام اكلمك شوي ! قلت: بيذن العصر وين تنامين ؟! قالت : مانمت من البارح قلت: طيب بس الموضوع بيني وبينك وابي الكلام من راسك لراسي . قالت: طيب ... وبعد فترة انا اللي كلمتها ولا هي ماعندها نيه قلت: ليه ماخذه الموضوع بحساسية ؟ قالت: هلا ، مساء الخير قلت: انا احسب المشكلة من بنتك وتوي اعرف انه منك، يافلانه ترى ماهي طلابه هي ! والموضوع عادي وانتي مسويتها سالفه ! ثم سحبت علي ماترد !! .. وسحبتي علي للحين ماردت .. |
رد: خطيبتي باردة !
قامت والدتها بالرد علي وناقشتني في الأمر ،، ويالله يالله اقتنعت ، ولكن لست متيقن اذا بتستر على تدخلها بشؤون بنتها ولا بتسحب نفسها ؟ مااعلم .
نشوف وضع البنت الآن بعد مارفع عنها الحظر ، والله يكتب اللي فيه الخير . |
رد: خطيبتي باردة !
شو بتسوي اذا ما تواصلت معك واستمرت على ماهي عليه
|
| الساعة الآن 11:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©