كيف ارتب نظام يومي بوجود بنتي ؟!
 

اكتب وانا مفتحه نص عين .. لاني نعساااانه ..

مُرهقه جسديا ونفسيا من بنتي ..
أحبها ... اهتم فيها ... الاعبها... واسولف معاها ... لكن !!!


مافي نوم .. مو بس نوم .. مافيش حياة ابدا .

الوقت محسوب عليا .. نظامي تابع لها ..

عندي كلام كثير وتفصيل للشرح عن وضعي ..
بس الان قولوا لي كيف ارتب وقتي ؟
كيف انظم حياتي ؟
بحيث اني اهتم لامر بنتي وبنفس الوقت اعيش حياتي ؟

متى تنام نوم متواصل ؟


الله يكتب اجرنا .. صار العالم كله محصور فيها .. من عشره ايام خلصت لأربعين وقبل امس رحت بيتي .. كان ابوها بيجلس معايا اسبوع .. لكن اليوم رجعت لامي .. طلبت منه هذا الشي .. بس ما قلت له تعبت ولا قلت له مالي خلق لك .. جبت عذر ثاني وقال طيب بس بكرا اجيك ... يعني رجعتي لبيتي فيني فيني .. كيف ارتب حياتي بوجود بنتي ربي يحفظها ؟

ما يمديني أراجع اللي كتبته.. بنااااام

رد: كيف ارتب نظام يومي بوجود بنتي ؟!
 

منفردة

امي الله يرحمها قالت لي بعد ما جبت طفلي الاول
( انسي النوووووووووووووووووم خلاص )

مابغى أحبطك اكثر
لكن اقل شي سنة كاملة لحد ما ترتاحي شوي

و شوفي لو تطلبي مساعدة امك لك و اهلك
و مرة وحدة تعلمي من امك كيف تتعاملي مع الطفل

رد: كيف ارتب نظام يومي بوجود بنتي ؟!
 

بالليل سبحيها و دهنيها بزيت زيتون و عطيها رضعه حليب صناعي لو حاسة حليبج ما يكفي .
و خلي الضوء خافت جدا . عشان تبدأ تتأقلم على الليل والنهار .
واذا اتم اصيح شربيها يانسون او كمون عشان الغازات .

وان شاء الله فترة وترتاحي .

رد: كيف ارتب نظام يومي بوجود بنتي ؟!
 

ولاتنوميها جنبك
دايما خليها بسريرها ولو صاحية وما تبكي و شبعانه خليها لوحدها .

ولا تشيليها كثير .. خلي الشل لوقت الرضاعه لانها راح تتعود عالشل و الهز وما ترضى بغيرهم . و راح تتعبي اكثر .

رد: كيف ارتب نظام يومي بوجود بنتي ؟!
 

المشكلة اني عودتها بالأربعين تنام جنبي لانها ما حبت النوم ع سريرها
الان .. لما تنام لازم اول ما تتحرك أحط يدي ع رأسها وامسح ع صدرها وترجع تهدأ وتنام

لما رجعت البيت مافي امي ولا اخواتي وضعت مو عارفه اتصرف

زوجي يساعد ..
لكن المشكله بكاها .. ومالها وقت لا بالصحيه ولا النومه
ما اخرج ..

الان رحت لاهلي وخرجت معاهم لعمتي .. نااايمه بالصوت تعودت كذا الظاهر
بس بالهدوء بس تبكي .. يمكن استنتاجي غلط مدري

بس بسوي لها جو النوم وقت اللي ابغاها تنام وان شاء الله تنام لو ساعتين متواصلة ..

اي أفكار مستعده أطبقها .

ناس يقولوا لي خليها تبكي اذا كانت شبعانه ومافيها شي..
وناس يقولوا لا حرام

رد: كيف ارتب نظام يومي بوجود بنتي ؟!
 

الطفل على ما تعووديه
عشان جي من اول ما ينولد حطيلج قواعد تمشين عليها عشان ما تتعبين.

مثلا ..النوم بفراشه .. حتى بالمستشفى يحطوهم بسرير وخلاص .
لا تشيليها الا وقت الرضاعه
لاتهزيها لين تنام .. متى ما تريد بتنام . رضعيها وحطيها بالفراش

لعبيها وهي ممددة وممكن تشيليها لكن قليل .

قرأت مرة امه الطفل فعلا يحب الاصوات لانه تعود وهو ببطن امه على صوت المحيط اللي برع واصوات بطن الام .
ممكن تنوميها و التلفزين شغال او شغلي قرآن .

توج خلصتي الاربعين .. فاتوقع بنتج لو تصيح بيكون في سبب . يا جوعانه يا وصخت حفاظتها يا فيها غازات او ممكن مغص
رقديها عﻻى بطنها وهي بايدج بيخف الم بطنها .

بشكل عام . اذا اهتميتي زياادة فيها وعودتيها على وجودك حواليها طول الوقت و على انه ما تنام الا وانتي على راسها
تنتي راح تتحملي النتيجة و تضطري تسوي نفس الشي الفترة الجاية .

رد: كيف ارتب نظام يومي بوجود بنتي ؟!
 

صح اذكرت شي .. ممكن ينفع

فالليل ظلمي المكان و حطيها عالسرير ولا تلعبيها . و الصبح لما تقوم شمسيها و افتحي الستارة يدخل الضوء ولعبيها
وشوي شوي راح تستوعب انه الليل هدوء و النهار نشاط

هالكلام قريته مرة في موقع للاطفال

و بصراحة الكلام اللي قبل طبقته والحمدلله مااذكر بالضبط متى ضبطت نوم بنتي بس بشكل عام اقل من 6شهور
بس كانت تقوم ترضع وتنام

رد: كيف ارتب نظام يومي بوجود بنتي ؟!
 

ذكرتي لو تنام ساعتين متواصلة ؟؟؟

وضحي اكثر كيف نومها
وكم تبكي

رد: كيف ارتب نظام يومي بوجود بنتي ؟!
 

لما يكون في ناس تنام ساعتين بالازعاج
لكن ببيتي تعبتني نص ساعه بالكثير وتصحى.. مو تصحى تصحصح لا .. تصحى تزن وتبكي وتخرب عليا اذا كنت اشتغل شغله وتنام...


طيب قالوا حطي سيريلاك ملعقه بالرضعه علشان تنام ! بس متردده


طيب من بكرا بستخدم اسلوب انه اسوي لها مساج بزيت زيتون وارضعها واحطها بسريرها ..
اتركها تبكي !
طيب اتركها لوحدها ولا اجلس عندها !

ع الأقل بجلس مع ابوها شويا بوقت راااايق بدون واااا واااا

رد: كيف ارتب نظام يومي بوجود بنتي ؟!
 

تلاقيها جوعانة و ما تشبع كويس

رد: كيف ارتب نظام يومي بوجود بنتي ؟!
 

الان لها ساعه ترضع مني .. وحطيتها وبكيت
حسبت انها ما شبعت بس بدهنها بالزيت واسوي لها رضعه وأظلم المكان .. ويا رب خير

رد: كيف ارتب نظام يومي بوجود بنتي ؟!
 

منفردة
أنت مشتتة من جبت البنت ومتلخبطة في موضوع الرضاعة
حرام عليك سيريلاك بهالعمر !!
انتبهي

الطفل اللي مايشبع معروف بكاءه
لو جوعانة ماراح تسكت أبدا
ولو صدرك ما ينزل لها حليب بتلقينها وهي ترضع تبكي وكل شوي تتركه وتحاول

ولكن دامها تمسكه وساكتة فأتوقع هي مخلية صدرك لهاية لها

الفرق بين لما يرضع الطفل فعلا ولما يكون مستخدم صدى أمه لهاية هو أسلوب الرضاعة والشفط

راح تلقينها لما ترضع فعليا
صوت البلع واضح ومنتظم
و الشفط يكون بطئ

ولما يكون الصدر لهاية
حركة الفم أسرع وخفيفة وماتسمعين صوت بلع

حددي موقفك بأسلوب الرضاعة
وخليك صبورة
ولا تفرطي بالرضاعة الطبيعية

رد: كيف ارتب نظام يومي بوجود بنتي ؟!
 

خلقي ضيق وما احس اني قد المسؤوليه

مدري عن سالفة السيريلاك بس ماني متجرأة اجربها

الرضاعه يمكن ثلاثه او اربعه رضعات من صدري باليوم
مرا دقايق .. ومرا ربع ساعه .. ولما اكون رايقه مرا 40 دقيقه
والاهم عندي رضعة العشرين دقيقه .. باليوم لازم وحده من الرضعات تكون عشرين دقيقه

مدري ليش احسب كذا لا تضحكي عليا فاكهه بس يمكن ثبتت معلومة انه اول عشره دقايق ما تشبع الطفل .. فخليتها عشرين ..

اعرف اذا كانت تتسلى واعرف اذا كانت ترضع من رقبتها يبان << هههه كيف الشرح بس من كثر ما اقرأ تعلمت أشياء << يجي مني 😁

طيب هي بعد ما ترضع الرضاعه وشبعانه .. تبكي تدور ع صدري .. كم مرا اديتها صدري ترضع دقايق او اقل وتنام
امي تقول لا تعوديها على كذا .. لانه ممكن اتركها عندهم وتتعبهم بعدين تدور الصدر ...
وأختي تقول حرام عليك بنت وحده اهتمي فيها ودلعيها ...


مشتته والله ... بنات بالطعش خلفوا اطفال وعايشين حياتهم ..

قريبه لي عمرها واحد وعشرين عندها طفل وطفله وحامل ومرا اسلبت ومرا ماتت لها بنت بالنفاس... تخيلوا كل هذا وهي الان بداية العشرين ...وانا فوق الثلاثين ... وخلقي طلع من نتفه..حتى جسمي ما زال متأثر من الولاده


زوجي يقول احمدي ربك بنتك بصحه وعافيه غيرك يعاني وووو موشحات علشان اصبر
حتى زوجي اول أعد الساعات علشان اكون معاه... الان أتكاسل على الروحه معاه .. مافيني له ولا لخدمته ولا لخدمة بيت
فيني خمول ومقدر امشي كويس .. وإرهاق الاهتمام بالنونو يوووووه والله استغفر الله بس خليني اقرل الحمدلله ...


متى اقدر انظم حياتي ؟
لما تصير ثلاثه شهور يتغير شي ؟ تنام متواصل ؟ تبطل زن ؟

ارجع للرضاعه الطبيعيه ... انا اخذ حبوب منع حمل هرمونية وهذا الشي زاد قلة حماسي اني أرضع باستمرار