|
مشكلتي مع زوجي لم تنتهي(تم الرجوع رد 72)
السلام عليكم. .
انا طرحت مشكلتي سابقاً في المنتدى. .http://www.66n.com/forums/showthread.php?t=261099 هذا الرابط واشكر كل من رد علي جزيل الشكر. . وبالأخص bulldozer اشكرك جزيل الشكر لتفاعلك معي.. الآن انا مازلت بيت اهلي .. طبعاً زوجي قاطع علاقته فيني نهائي من يوم ماكنت عن اهلي لم يتصل ولا يسأل نهائي واذا بغى بناته اتصل على اخوي او ابوي وياخذهم عنده ينامون يوم ويرجعهن .. ولما قاله اخوي ليش ماتتصل على زوجتك وتقولها باخذالبنات .. قال مالي كلام معها المراه الي ماتحترم زوجها مالي كلام معاها.. طبعاً صار كل يوم يطلع مع عمامي و خوالي صار يتلزق فيهم ويعزم هذا ويخلص حاجة هذا واخوي الكبير كل يومين مسمعن كلام ويقولي ليش ماتتفاهمين مع زوجك عاجبك الوضع طبعاً انا صرحت له اني ماعادابيه واكره العيشة معه ولو يبي يطلق ماعندي مانع انا ما ابيه قالي اخوي متأكده انك ماتبينه قلت ايه مابيه وانا عايفته من زمان لاكن تعبت اصبر نفسي قالي عادي عندك بناتك يتشتتن قلت الحمدلله مافي احد بيتشتت انا ماني جالسة بالشارع انا جالسه بيت ابوي.. طبعاً اهلي مقررين يسافرون عشان اختي لهاشغل ومقررين يجلسون 20 يوماً. . فرحت معهم وابوي قال لاخوي عط زوجي خبر لان بناخذ البنات معنا وقلت لاخوي مره وحده خله يحولي فلوسي الي بحسابه ... اخوي قال لزوجي ... وفجأه قال انا ابغى احل الموضوع وابغا اتفاهم .. وجاء بمجلس اهلي وجايب معاه الفلوس و اغراض للبنات وقال لاخوي ابغى الوالد وينه بتفاهم معاه ... ابوي قال انا مشغول واذا يبي يتفاهم يتفاهم مع زوجته المشكلة بينه وبينها.. المهم رحت انا وبناتي مع اهلي .. امي كلمت خالتي(اخت امي) وحنا بالسفر وقالت لها اني مسافره معهم وقالت لها السالفه امي احسها تأثرت بكلام خالتي .. خالتي قالت لها كل الناس بينهم مشاكل ولازم تصبر مهما كان .....وو ومن يومها وامي الله يهديها تتهمني بالدلع وقلت الصبر على اطرف موقف يحصل وتلمح وتحسسني بأني انا المشكلة وليس زوجي! !! غير اخوي الكبير الي اتهمني اني ما احترم ودلوعه وماابي اصبر .. وقالي انتي تطولين صوتك على امي و ابوي انا هنا دمعت عيوني غصب عني حسيت بالغصه ماقدرت اكمل حتى كلامي. . انسدحت على اقرب كنبه وبكييت بصمت وبدون صوت لدرجة كانو يحسبوني نايمة .. جاء ابوي وشافني سألهم وش فيني وامسكته امي تكلمه.. وجاني وقالي قومي وارفعي راسك محد له دخل والي تبينه انتي سويه ومن اليوم ورايح اخوك ماله دخل فيك.. جتني غصة ثانيه ماقدرت اتحمل قمت على طول لجل خاطر اغلا رجل في حياتي .. لما قمت تفاجئو اني كنت ابكي ورجع ابوي يكرر كلامه.. انا الحين مع اهلي مسافرين .. واتصل اخوي وقال انه زوجي يسولف عليه ويقوله انه بيسافر لنفس المدينه الي احنا فيها ومعاه امه وخواته.. انا الآن وضعي مع اهلي نفسيتي مرتاحه وبين خواتي الحمدلله لاكن امي اسلوبها يضايقني شوي واختي الصغيرة تتمشكل مع بناتي وتغار ومنهن والحمدلله مرتاحة حالياً كثييير كثييير وافضل مما كنت عليه انا كرهت زوجي من اسمع طاريه اتضايق افكر بالطلاق كثييير انا حاليآ من ناحية الماده معي كم قرش ممشيه حالي فيه بهالسفره ادعولي اتوظف وافرح قلب ابوي وافرح يارب وامشي حالي بالوظيفه يارب.. ايش رايكم ؟؟ واذا اصرو اهلي اني ارجع له ايش اسوي ؟؟ هل ارفض ارجوكم انا بحاجة لرائيكم.. اللهم اجعل التوفيق بدرب كل من يرد علي 💕 مستجدات الرد 72 http://www.66n.com/forums/showpost.p...3&postcount=72 مستجدات الرد 93 http://www.66n.com/forums/showpost.p...3&postcount=93 |
رد: مشكلتي مع زوجي لم تنتهي!! رائيكم يهمني
اقتباس:
|
رد: مشكلتي مع زوجي لم تنتهي!! رائيكم يهمني
الله يفرج همك ويصلح زوجك
|
رد: مشكلتي مع زوجي لم تنتهي!! رائيكم يهمني
اقتباس:
تعامله مع الناس جميعاً ممتاز محترم يحب اصدقائه يقضي حوائجهم يحترم اهلي ويحبهم رغم انه تكلم عليهم وقالي ماتربيتي يحب بناته كثيييييييير يحب يفرحهم بالعاب وغيره.. لما اقدر اهله وازورهم رغم قلت ادبهم يشكرني ويقولي ماقصرتي.. ولما اطبخ لأهله يشكرني بعد.. ويفرح كثيير.. اجتماعي جدآ .. عيوبه: انسان لا يحب يتحمل مسؤولية شي لما اتعب مايوديني مستوصف ويقول مافيك شي او بكرى شخص غير ملتزم بالمواعيد .. تطعيم بناته لازم مشكلة عشان يطعمهم ولازم نتأخر .. مقاضي البيت مولازم .. مصروفي كل يوم بكرى ولا يعطيني .. يحب السهر كثييير لما اكون معزومه عند احد من اقاربي اخر من يروح انا واجلس انتظر لين نصف الليل او اذان الفجر .. والسبب كان يلعب بلايس تيشن!!! لما اكون عند اهلي مايجيني الا الفجر وكل يوم يطلع ابوي ويصلي الفجر ويرجع يلاقيني موجوده. . انسان فوضوي بمعنى الكلمة مايعرف ينام باليل نهائي.. عينه زايغه اذا شاف المرأة لازم يفصلها من فوق لتحت ...! لازم و وجهه مبتسم للحريم ..!! دائما يقارن بيني وبين الحريم حتى بالسوق !! يقولي شوفي هاذي كيف تدلع زوجها وشوفي هذيك شلون ماسكة يد زوجهاوووو!! مقصر معي في الفراش يجلس 3شهور مايقرب مني.. اسلوبه معي جدآ فاشل.. يهددني بالطلاق. .. يحلف بالله انه راح يتزوج علي.. واقوله روح الشرع حلل لك اربع.. يتهمني اني انا عايفته بدون سبب ... جاوبته ايه عفتك والسبب واضح من اهم عيوبه انه يفتعل المشاكل بدون سبب ويبحث عن اسباب .. |
رد: مشكلتي مع زوجي لم تنتهي!! رائيكم يهمني
الله يعينك يا اختي
ياليت تذكري ايجابيات وسلبيات حياتك بعد طلاقك منه حسب نظرتك |
رد: مشكلتي مع زوجي لم تنتهي!! رائيكم يهمني
اقتباس:
|
رد: مشكلتي مع زوجي لم تنتهي!! رائيكم يهمني
ماذكرت الايجابيات والسلبيات
|
رد: مشكلتي مع زوجي لم تنتهي!! رائيكم يهمني
اقتباس:
الايجابيات الشي الاول : هو راحتي النفسيه وراحة نفسية بناتي من المشاكل لانهم يشفون ابوهم يمد يده علي ويخافن ... من الايجابيات اني اعيش حياتي بكرامتي وبدون اهانه انا مرتاحة كثير في بيت اهلي من الايجابيات اني تخلصت من شخص اكرهه السلبيات: اخاف كلام الناس ( اقولها بكل صراحة ).. اخاف احد من اهلي يتضايق مني ويعايرني بطلاقي ... شوق بناتي لأبوهم شي قطع قلبي💔 احنا مسافرين وانا منومه بنتي الكبيره واختي الصغيره جنب بعض وسمعتها تقومها من النوم وتقول لها انا مشتاقة ل بابا فهد.. اخاف اضايق ابوي بمصروفهم علي خصوصا ان خواتي 6 وانا السابعة ... اخاف بعد طلاقي يآخذ بناتي مني.. هاذي السلبيات بالنسبه لي .. ادعولي اتوظف يارب.. |
رد: مشكلتي مع زوجي لم تنتهي!! رائيكم يهمني
اقتباس:
|
رد: مشكلتي مع زوجي لم تنتهي!! رائيكم يهمني
اقتباس:
|
رد: مشكلتي مع زوجي لم تنتهي!! رائيكم يهمني
ماذكرتي اولا ان كان يضربك
والمقصود بشتات الابناء هو مو عدم وجود المنزل المقصود هو ضياعهم بين الام والاب للاسف اعذارك غير مقبولة ارجعي لزوجك وحاولي الاصلاح من الداخل |
رد: مشكلتي مع زوجي لم تنتهي!! رائيكم يهمني
الله يفرج همك حبيبتي
|
رد: مشكلتي مع زوجي لم تنتهي!! رائيكم يهمني
احب اضيف نقطة اني صبرت وتحملت ودفعت بالتي احسن ماقصرت ولا احب اطلع نفسي كامله..
واعطيته من كل قلبي وكل مايبي واكثر ... وقلت له (( لاتظن اني صابره عليك ضعف مني ... لا والف لا انا صبرت وتحملت وعطيت وما قصرت .. مو عشاني ضعيفه ولا عشان بناتي ولا عشان احد .. عشان لا ألوم نفسي بيوم من الايام واقول اني قصرت معك)).. |
رد: مشكلتي مع زوجي لم تنتهي!! رائيكم يهمني
اقتباس:
ادري ان حياتك معاناة لان حطيت نفسي مكانك وكنت راح اطلب الطلاق علطول بس انت بنت يمكن تقدري تستحملي اشرطي عليه اذا تقدري |
رد: مشكلتي مع زوجي لم تنتهي!! رائيكم يهمني
اقتباس:
انا كتبت موضوعي هذا تابع لموضوعي الاول و وضعت الرابط يبدو لي لم تفتحه.. وذكرت انه كان يبصق في وجهي ويلوي يدي ويضع يديه حول رقبتي ... ومشاكل كثيره وتدخل اهله بحياتنا .. لم التمس العذر لنفسي فأنا والله احاسب نفسي كثيرا ولاكن مللت حياتي. . |
رد: مشكلتي مع زوجي لم تنتهي!! رائيكم يهمني
اقتباس:
لكن اقلك حاولي الاصلاح ولا ترجعليه الا بشروط اذا كان يبيك |
رد: مشكلتي مع زوجي لم تنتهي!! رائيكم يهمني
مجتمعنا ما يرحم المطلقه
وحطي ببالك إذا تزوجتي بيأخذ بناتك منك وحالياً بناتك مع الوقت بيشتاقون لوالدهم حاولي تتنازلين عشانهم وخلي التفاهم بين الرجال أخوك أو أبوك يتفاهم معه حتى لو توظفتي صدقيني صعب تعيشين من غير رجل ومعك بنتين الله يصلح حالكم ويهدي النفوس |
رد: مشكلتي مع زوجي لم تنتهي!! رائيكم يهمني
اقتباس:
والله بعد طلاقك بتعانين أضعاف المعاناة إللي كنتي تعيشينها البنات يحتاجون أبوهم مهما كان مقصر في النهايه هو ملزوم فيهم لكن لو تطلقتي مين يصرف عليهم مين يهتم فيهم مين يوديهم لمدارسهم و و و و أمك من الحين تلومك أجل لو تطلقتي وش بتسوي فيك ! تشمتين الناس فيك ليش وين عقلك فكررري زين لا تخلين الشيطان يزينلك الطلاق لايغرك كل المتزوجات تصير في بيوتهم مشاكل للسقف بس مافكروا بالطلاق توصل للضرب و الشرطه بس مافكروا بالطلاق رب العالمين قادر يغيره للأفضل أدعي الله يسخره لك و أصبري عليه |
رد: مشكلتي مع زوجي لم تنتهي!! رائيكم يهمني
اقتباس:
كلامك مقنع لاكن هل اعيش مع شخص طول عمري كارهته...! مو قارده ابلعه وصلت حدي .. احرم نفسي السعاده والحريه واعيش مع شخص كارهته .. انا غاسله يدي منه وانه راح يتغيير مستحيل.. ارضى بالذل والاهانه منه ومن اهله ... واجبر نفسي علية ..! لهدرجة الطلاق فيه ضرر على بناتي... ولازم اصبر عشانهن |
رد: مشكلتي مع زوجي لم تنتهي!! رائيكم يهمني
اقتباس:
وبصراحة كلامك يزيد مخاوفي اكثر .. وبالنسبه يودي ويجيب انسيها لايودي ولا يجيب بنتي تسجيلها في الروضة بينتهي وهو نايم بفراشه ورافض يودي بنته وابوي الي جاء يوديني.. حتى ايام ماكنت في الجامعه ابوي الي يوديني ويجيبني وهو نايم ... حتى لما اكون معزومه انا واهلي مايوديني ولايجيبني يقول روحي معهم وتعالي معهم ماانتظر منه منفعه او قضاء حاجة كل شي انا اسويه.. ماله دور بحياتنا.. وبالنسبه لأمي الله يهديها متقلبه واي شي يغير رأيها اشكرك على الدعوة الله يجزاك خير الجزاء يارب🌹 |
رد: مشكلتي مع زوجي لم تنتهي!! رائيكم يهمني
اهلا وسهلا
الطلاق له عواقب والعودة لزوجك لها عواقب ايضا والقرار بيدك بالنسبه للمشاكل كل بيت يعاني منها ولاكن في نقطه مهمه جدا وهي موضوع الضرب لانه يخص الكرامه انا كرجل اعتقد ان الزوجه قد تتحمل اي شي من زوجها ماعدى الضرب ويمكن تكون مشكلتك هنا تحديدا لماذا لم تقومي بوضع حل لضرب زوجك لكي لماذا لم تخبري اهلك بانك تتعرضين للضرب من زوجك فهناك العديد من الحلول بيد اهلك لايقافه عند حدة جربي العوده بشروط هذه المره شوفي الاشياء الي كانت تنقصك وضعيها في شروط وعلى راس هذه الشروط انه مايمد يده عليك ولاكني اقترح عليك الاتي يااختي قبل كل شي يجب ان تشتكي لاهلك من كل ماتعانيه من زوجك عشان ترتاحي من المعايره اذا طال بقائك لديهم لاتستحي ابدا ابدا عن والدك اشرحي له عن الاشياء الي عذبتك عند زوجك وخصوصا الضرب عند والدتك ااشكي لها عن الاشياء التي تستحي من ذكرها لوالدك مثل موضوع الجنس لانه مهم جدا وهي راح توصل المشكله لوالدك بطريقتها ومافي مانع ايضا انك تشتكي لاخوانك وتتقربي منهم لانهم سندك وصدقيني ان الاخ اذا قدرتي تقنعيه وتدخلي قلبه افضل من والدك ويوقف وقفه بجانبك مستحيل حتى والدك يسوي مثله المهم يااختي الطلاق ماهو بعيد بس عشان تاخذيه باريحيه وبدون مضايقه من الاهل ومعايره لازمك تشتكي لهم من زوجك عشان يعطفو عليك وينقلبو بصفك ضد زوجك ويوافقو على اي قرار تتخذيه واتمنى من الله ان يوفقك لايجاد وضيفه ويعوضك بها ويختار لك مافيه الخير والعفو ياااختي ماسوينا الى الواجب ولاتنسينا من اي جديد واهتمي بوالدك ووالدتك ولاتنسي الصدقه ولي عوده انشاء الله |
رد: مشكلتي مع زوجي لم تنتهي!! رائيكم يهمني
اعتذر انقطع عندي النت هاليومين ..
|
رد: مشكلتي مع زوجي لم تنتهي!! رائيكم يهمني
كم لك تاركة البيت
شوفي اختي نا ما قول زوجك ما اخطى ماهو من حقة يبصق ولا من حقة يلوي يدك او يمشي خوتة وانتي لا. ولكن الاحظ انك شادة شوي بعلاقتك فية. انصحك اختي بتكرار قول لاحول ولاقوة الابالله واقرئ عن فضلها بتفريج الكروبات واكثري من الاستغفار والدعاء لة بالهداية وان ربي يسخرة لك فدعاء يخلق المعجزات وابتعدي عن فكرة الطلاق فلا نسي ان الطلاق يشتت الاسرة ومشكلتكم مقدور عليها ولكن يبيلة فركة اذان لا تستعجلي بالعودة لة الان استرخي اكثري من قراءة سورة البقرة |
رد: مشكلتي مع زوجي لم تنتهي!! رائيكم يهمني
اقتباس:
كلامك صحيح انا الشي الاكثر الي خلاني اكره زوجي كره نهائي .. هو مد يده علي وتكرار الموقف وإهانته لي شعور لا استطيع وصفه ... انا شكيت على اهلي كثيير وعارفين انه مد يده علي وعشان كذا هم تاركيني عندهم ... مع اني من زمان اشكي لهم ويضعون اللوم علي ويرجعوني بيتي.. قلت لهم مابيه انا اكرهه لاتجبروني عليه.. فهمتهم كل شي بس احسهم يسكتوني وينتظرونه يجي يترضاني.. له اسبوعين والله لايسأل عن بناته لايقول محتاجين شي .. انا ماعاد ابغى منة شي لا كن بناتي هم نقطة ضعفي.. انا بحيره تعبت من التفكير تعبت مااحس اني اعرف مصلحتي وين !! اشكرك اخوي على ردك ولك دعوه بظهر الغيبddg |
رد: مشكلتي مع زوجي لم تنتهي!! رائيكم يهمني
اقتباس:
انا اﻵن لي اكثر من 20 يوم وانا مو مستعجلة ابد أبداً. . بلعكس مرتاحه كثيير .. وما فهمت قصدك بقولك اني شادة شوي بعلاقتي فية ... ممكن توضح لي ..؟ اذا قصدك اسلوبي معاه او طريقة تعاملي معه.. فوالله ثم والله بذلت اقصى ماعندي من كل شي يحبه الزوج من تنظيف بيت وطبخ اصناف و انواع الاكل و استقبلة افضل استقبال وكني اول مره اشوفه و البس واكشخ اتعطر له .. احاول قد مااقدر اغير روتين يومنا واحط الشموع وادلعه .. واذا طلع اركض معاه لعند الباب واودعه .. اهتم بنفسي كثييير مو بس عشانه انا احب اكون راضية عن نفسي.. جميلة والحمدلله وبكلام من حولي وصديقاتي. وبشهادته هو أيضاً .!!! ماذا يريد!!!!!!?؟؟؟ لا ادعي الكمال فكل شخص له ميزات وعيوب ... اشعر دائما باني غبية وبقووه غبية لا اعرف ادافع عن نفسي نهائي... اهانات من اهلة ومنه وانا طايحة تحت رجولة ابكي ولا رحمني ويدفعني برجلة والسبب سخيف وتافه ولاني حريصة انه مايزعل علي !!!!!!!!؟ اسفه سردت كلامي من دون شعور ... |
رد: مشكلتي مع زوجي لم تنتهي!! رائيكم يهمني
اقتباس:
المهم ماتكون شروط تعجيزيه ضعي شروط مناسبه تحفظ كرامتك وتغطي احتياجاتك ويلتزم بها وبما انه جرحك اكثر من مره وقصر معك وعودتي اليه فلديك الحق في ذالك وصدقيني يااختي ان هنا مصلحتك بانك تتمسكي بحياتك وتعملي بالاسباب الى اخر حد وبعدها طبعا للصبر حدود وبامكانك تطلبي الطلاق ربي يعينك ويلهمك الصواب |
رد: مشكلتي مع زوجي لم تنتهي!! رائيكم يهمني
يارب تفرج همي وهمك يااختي نفس معاناتك وارغب بالطلاق لكن جالسه اصبر نفسي قد مااقدر عشان اولادي وحاسه اني يوم وبانفجر واقرر الطلاق لارتاح من هذا الكابوس
|
رد: مشكلتي مع زوجي لم تنتهي!! رائيكم يهمني
اقتباس:
مشكلتي أيضاً امي الله يهديها رغم اني ادور رضاها رغم اني اسمع كلام منها واكتم بداخلي.. الا اني انفجرت وفقدت اعصابي والسبب كانت تقول ( البلا فيك مو بزوجك) بدون اسباب او داعي للكلام وحسيت انها تسوي كذا تتعمد غضبي .. كانت الله يهديها لما اجي اشتغل معها ترفض بطريقه استفزازيه وتقول روحي مافيك خير .. وتدعي علي بعد!!!!! والسبب ؟ !! تعايرني اني ماتوظفت !!!! وتقولي نيتك شينه .... ليش ؟؟؟ وش مسويه انا لها.. مادري!!! المشكلة ابوي يقتنع بكلامها دائماً. . والله انا في حال لايعلم فيه الا الله. . احسها ضاقت علي من كل ناحيه مو قادره اتنفس .. عطوني الخطأ الي اخطيته.. ولا قادره افكر بشي نهائي.. حصل جدال بيني وبينها قدام ابوي .. وابوي ساكت.. وهي تدعي علي!!? وتقولي كلام جااااااااارح .. وصلت مرحلة كرهت نفسي كثيييير. . تمنيت الموت.. والله اكتب و انا ابكي.. شكراً لك اخي واسفة جداً لازعاجك. |
رد: مشكلتي مع زوجي لم تنتهي!! رائيكم يهمني
اقتباس:
الله يلهمنا الصبر يارب.. |
رد: مشكلتي مع زوجي لم تنتهي!! رائيكم يهمني
شوفي حبيبتي بنصحك نصيحة محبه لك اذا الاهل من الحين وانتي ماتطلقتي يضايقونك اكيد بعد الطلاق بتزيد المضايقات
زي ماقالوا لك الاخوان اذا قرر يرجعك ارجعي بشروط تحفظ لك كرامتك اهمممم شي مايمد يده بناتك الأفضل لهم بيت ابوهم وانتي ارجعي وعيشي مع نفسك اعتبري انك ببيت لحالك واعتبريه سواق وصراف ولاتتعبين نفسيتك إذن من طين وأذن من عجين واشغلي وقتك بالرياضه ترى تزيد هرمون السعاده. سوي الخير لوجه الله ولا تنتظرين مقابل وابشري بعوض رب العالمين. أهم شي. لايمد يده عليك تصبري على الأقل إلى أن تتوظفين وبعدها تقدرين تطلبين الطلاق اذا استمر بالضرب والاهانه. الله يفرج همك حبيبتي ويسعدك عودي نفسك على اللامباله وعلى السعاده إلى أن تتعود عليك. |
رد: مشكلتي مع زوجي لم تنتهي!! رائيكم يهمني
اقتباس:
بعد الطلاق تأكدي أن كل هالسلبيات ستتضاعف استغرب بداية موضوعك تقولين مرتاحه كثير كثير وببعض الردود تبكين بصمت الى ما جا ابوك وهداك وردك هذا يبين ان سلبيات اهلك بتجنن فيك وبتقولين عيشتي هناك اهون انا رأيي دامه وصل الى باب بيتكم وطلب ابوك للتفاهم هذي بداية خير ان شاء الله خلي ابوك يتفاهم معاه على اهم النقاط اللي تضايقك مثل البصق - السب - الضرب - الاهمال والسهر - المصروف او النفقة واتركي : يمشي خواته مايمشيني يعطيهم ولا يعطيني يوديني ويتركني للفجر قبل تطلعين قولي له وديني الساعة كذا ورجعني الساعة كذا هذا رأيي اما ان كنتي قد وصلتي الى درجة عدم تقبله نهائياً ولا تريدينه فالله يرزقك بالوظيفة اللي تغنيك والزوج الصالح اللي يعوضك |
رد: مشكلتي مع زوجي لم تنتهي!! رائيكم يهمني
راحتك في رضى الله
صدقيني أرضي ربك وكون عون لبناتك على بر والديهم أنتي الحين مرتاحة مع والدك ووالدتك وأخوانك وهم سندك لو تطلقتي بتحرمين بناتك من هذا كله لو لا سمح الله كبرت البنات و تزوجن وصار لهن مثل ما صار لك أي بيت بيروحين يا ترى عند بيت أمهن ولا بيت أبوهن ولا عند أخوالهن شوفي أختي دام جاكم زوجك لباب بيتك حطي عليه شروطك وحاولي تتعايشين معاها ولا تكبرين غلطاته كثير وركزي على إيجابياته وحاولي تدلعينه جعلي نصب عينك بعد رضى الله بناتك و أفرحي لفرحهن ولا تأخذين هم كثير لسلبيات زوجك و صدقيني بترتاحين الشيطان يجي عند الواحد منا ويزن عليه و يخليه يفكر في السلبيات ليييه عشان يزيد المشاكل والفتن واستعيني بالله وربك كريم والله أعلم |
رد: مشكلتي مع زوجي لم تنتهي!! رائيكم يهمني
اقتباس:
المهم ياااختي الطلاق شيليه من راسك حاليا والله مااانصحك لان اهلك حاليا ماهم مقتنعين فيه يمكن يقتعنو فيه في المستقبل اذا كثرت المشاكل وشافو ان مافي حل غيره بس حاليا انا شايف ان الاهون لك الرجوع لزوجك ولو يوقفو اهلك بجوارك ويأخذو موقف حازم معى زوجك ويرجعوك بالشروط الي ذكرناها ويهديه الله ويلتزم بها فأكيد انك راح تنسين الطلاق وراح تتغير حياتك ان شاء الله وفي حاجه مهمه جدا ابغى الفت انتباهك لها بعد عودتك لزوجك استخدمي فنياتك فيه وحاولي يدور لك وضيفه قريبه من البيت وهناك عدة طرق لاقناع الزوج بالوضيفه وافضلها في قدر ضني انك راح تساعديه في مصاريف البيت وراح يكون راتبك تحت تصرفه الى ان يرزقك الله بالوضيفه وبعدها ان صلح زوجك واصلتي حياتك وان استمر على حالته سابقا فوضيفتك جاهزه ومنتي محتاجه لاحد بعدها حتى لورحتي بيت اهلك ماراح تحتاجين منهم شي اتوكلي على الله افتحي صفحه جديده منتضر ردك الله يوفقك |
رد: مشكلتي مع زوجي لم تنتهي!! رائيكم يهمني
والله يافي بعض الردود تقهر
وش الي هذا وانتي مابعد تطلقتي هذا ردت فعل اهلك وش هالكلام؟؟!! المهم انت اعلم بزوجك هل عنده نيه يتغير طيب فكري لخمس اوعشر سنين قدام هل بيتغير والا مثل ماهو ويعيشون بناتك مرضى نفسيين لزوج اخلاقه سيئه فكري هل يستحق يكون اب هل زوجك فيه رجى يتغير والا بيظل يهينك ويبصق في وجهك كل هالاشياء انتي ادرى بزوجك منا اليوم عندك طفلين بكره يكون الضحايا اكثر ويصير مافيه خط رجعه |
رد: مشكلتي مع زوجي لم تنتهي!! رائيكم يهمني
اقتباس:
ويشوفونها هي الغلطانة وش اللي يقهر بالردود هذا كلامها هي لاتكبرين براسها فكرة انه ماراح يتغير اذا ماتغير مو لازم يتغير المهم يلتزم بشروطها ويحترمها لو قالت ماتغير وبتطلق اهلها شايفينها مدلعه وادنى مشكلة راحت بيت اهلها الطبيعي يقتنعون ان هذا مايصلح يكون زوج ويوافقونها كلهم على هالقرار ويدعمونها مو الام تدقها بالكلام وللاخو يحط عليها ونص ضدها ونص معها ننصحها تحط شروطها الاساسية لاستمرار حياتها معاه الضحايا مو لازم يزيدون فيه موانع حمل |
رد: مشكلتي مع زوجي لم تنتهي!! رائيكم يهمني
اقتباس:
بالنسبة لبناتي هم نقطة الضعف الصراحة. . وطريقة معاملت الامبالاه هي الي كنت استخدامها معها بعد فشل كل المحاولات فكنت اعطية حقوقه بالكامل ولا ابالي بخيره او شره.. ولاكن كان يخلق مشكلة لاتفه سبب لاتتصورين اسلوبه يخلق ممشكله عشاني نظراتي ما اعجبته .. مع اني كنت انظر له عادي .. فيبداء بشجار لا ينتهي .. الله يصبرني ويعيني .. والله يرزقك ماتتمني ومن حيث لا تحتسين. . |
رد: مشكلتي مع زوجي لم تنتهي!! رائيكم يهمني
اقتباس:
من ناحية تقبلة نعم لا اتقبله نهائي .. بس بناتي كاسرين ظهري.. والله مافيه شي يرددني غيرهم .. مستعده اتقبل كلام اهلي ومشاكلهم ولا اتقبل ضرربه واهانته لي يمكن مو متخيله الشعور كيف !! لا كن انا حاليآ قاعده افكر مثل ماتقولين و احاول اعطي نفسي فرصة اخيييييييييره .. وأحياناً اقول لا لا اخاف اهلي يرجعون ضدي امام زوجي ...!!! انا كني بين نارين .. الله يسعدك ويوفقك ولا يذيقك حزن يارب.. |
رد: مشكلتي مع زوجي لم تنتهي!! رائيكم يهمني
اقتباس:
بناتي هم الي افكر فيه .. ام زوجي فلا ينفع معه لا دلع ولا غيره .. انا جبرت معاه الدلع و كل شي ما فاد معاه والشروط فعلا شي جدآ ممتاز الله يجزاكم خير انا قاعده افكر فيها .. الله يجزاك الجنه ولايحرمك السعاده بالدنيا والاخره. |
رد: مشكلتي مع زوجي لم تنتهي!! رائيكم يهمني
اقتباس:
فكري يااختي وخذي راحتك وحطي الشروط الي تعجبك اهم شي لاضر ولاضرار واتمنى ان اول شرط يكون عدم تعرضك للضرب وهناك شروط اخرى اسمحيلي بمساعدتك فيها مثل اي مشكله يصعب عليكم حلها والتفاهم فيها يمسك لسانه ومايشتم ويوديك بيت اهلك معززه مكرمه يلتزم بالاشياء الناقصه مثل صرفتك انتي واطفالك وطلبات البيت وماشابه ذالك ومافي مشكله لوطلبتي ضمانات على كلامه مثل ناس من اقاربه او اهله يضمنو عليه او غرامات ماليه مثل ماهو سائد في السلف والعرف واتوكلي على الله وربي يسعدكم ويحببكم الى بعض وفي الاخير اسئل الله ان يرزقك وضيفه مناسبه وقريبه من منزلك وبالتوفيق يااارب واعذريني على التطفل والفضول لاني متحمس للفكره |
رد: مشكلتي مع زوجي لم تنتهي!! رائيكم يهمني
اقتباس:
تفكيرك منطقي ماشاالله. . اخي افكر بشروط للعوده مع اني الى الان لم اجزم على العوده .. ولاكن افكر ب.. اول شي افكر به ( يغير الشقه الي احنا ساكنين فيها) السبب : مو مرتاحة فيها وموقعها جنب بيت امه بالظبط .. ومره من المرات كنت حاطه بناتي عند اهلي ورتبت الشقة وكنت كاويه ملابس بناتي وحاطتها على السرير وكل شي مكانه وطلعت انا وزوجي ولما رجعت للشقه لقيت الملابس مرميه بالشارع وملابس بناتي مرميه بالدرج حق الشقه والعابهم ..!!!!!! وانا من زمان كنت اقوله كل ما ارجع الشقة الاقي كل شي مو مكانه وقال مستحيل يتهيأ لك.. ومره اعترف انه مع امه مفتاح للشقه ومفتاح لسياره !!! وصرت اقوله خذ المفتاح انا مو مرتاحة ورافض وتصير مشكله.. فااخذت كل اغراضي واوراقي وصوري وذهبي كلهم حطيته عند اهلي لاني مو مرتاحه أبداً. . الشي الثاني .. ما ابغاه يلزمني بشي لاهله لا زياره ولا شي نهائي ولا زواج خواته ولا امه ولا احد .. السبب.. سوء المعاملة من اهله وغيرتهم مني.. الشي الثالث.. يمشي لي مصروف شهري .. ويلتزم بأنه يوديني ويجيبني بالوقت الي ابي بدون سهر ...ولا يحرمني من زيارة اهلي وقرايبي .. واكيد وفوووووووق هذا كلة (يحترمني ولا يمد يده علي نهائي ).. هذا الشروط الي ممكن اني احطها عليه ايش رائيكم ..!! مع انه له الان اكثر من 20 يوم لا سأل عن بناته ولا هو مهتم ولايفكر هم في حاجة مصروف او لا .. امس بنتي الصغير تبكي وتنادي بابا .. والله تقطع قلبي عليها.. |
| الساعة الآن 11:51 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©