|
زوجي ضربني وعيني انتفخت
السلام عليكم ورحمة الله
انا تذكرون موضوعي اللي طبخت لزوجي واخوياه سحور وجا يبغى حاجته ورفضت بحكم اني تعبانه مرت الايام وهو عايش حياته يعني ما اشوفه يطلع قبل الفطور لاهله والاستراحه ومايرجع الا الظهر وينام .. وصار له فتره يبي الفرااش وانا موافقه اقوله اوك انتظرك ومايجي ويتعذر انتي ماتعطيني مثل اول انتي ماودك انتي عندك شي لكن راح يطلع مصير المستخبي يبان وانا انسانه طبيعيه اشوف نفسي انا هي انا والمشكله اقوله اوك انطرك تعال مايجي ويتعمد مايجلس معاي .. امس طلب حاجته وقال جاي انتظرته انتظرته واذن الفجر وما جا قلت اكيد انشغل ونمت اليوم الظهر جا وعطاني ظهره قلت له لمتى هالوضع ماتجلس معاي قال وانتي لمتى هالوضع قلت اي وضع قال انتي عندك شي ومصيري اعرفه وقبلها بكم يوم مفتش تلفوني وشايف لي محادثه مع صديقتي وانا ماسحه المحادثه بس هي ردت علي والجوال معاه جلس يقول تمسحين المحادثات ليش انتي فيك شي قلت ياخي سالفه خاصه بينا والمهم انها بنت وش تفرق معاك انا ما اتدخل بجوالك مع العلم هو يمسح مرات محادثاته ... ارجع لموضوع اليوم قلت له والحل وجلس يصارخ علي وانا رفعت صوتي للامانه رفعته لانه هو رفع صوته علي كاني شغاله عنده وكنت جالسه على السرير وبحضني الوساده قام هو وضرب الوساده يعني بيخوفني قلت انا احترمني ماني بزر عندك وعطاني ظهره قلت طالعني احنا نتناقش قال مافيه تناقش قلت ليش لهالوقت برا البيت انا بغربه طفشت من حقي تجلس معاي قال انا منحاش منك واعوذ بالله من شرك .. عشاني بتفاهم معاه عشان بحط النقاط على الحروف .. قلت له طالعني رفض لفيته علي قام على طول ضربني كف قوي وسبحني مع شعري انا كنت اصارخ واقول حسبي الله عليك الله ياخذ بحقي منك وهو يضرب باقوى ماعنده والله مو مستوعبه عشاني بس مسكته من كتفه بخليه يطالع فيني وجلست اصارخ عليه ياحيوان واسبه وهو يزيد ضرب ويوم شافني منهاره جا يبي يحطني بحضنه ورفضت وجلس يستغفر ويستغفر ويقول لاحول ولا قوة الا بالله انتي حديتيني وانا منهاره حيل وابكي بصوت عالي واشاهق هو حسيته ضمني مو حب او ندم لا حسيته اخترع من شاف وجهي وعيني ورمت احس بقلبي غصه ،.. .. وطبعا وهو ضامني نبرة صوته فيها حده واخر شي قالي اسكتي ولا قومي عني وفكيني من شرك قمت انا عنده وقلت له انت كسرت شي بداخلي لك تحملت خياناتك وجلس يضحك ويبتسم عشاني كل مره اقوله تحملت خياناتك ومافيه زوجه تتحمل تشوف اللي انت تسويه لاتحسب اني متعلقه فيك عشاني احبك انا صرت اكرهك وبسببك انت قال داري والله وقلت ولاتحسب انك ماسكني مع اليد اللي تعورني عشان عيالي انا عند كرامي ارمي عيالك عليك وامشي .. ابوي واخواني مارفعو يدهم علي بيوم ترفع يدك عشان قلت نحط النقاط على الحروف انت كل مره تجي تبي تتفاهم معي ما اصدك بالعكس اخذ واعطي معاك وهو منسدح على السرير ومغمض عيونه قمت اخذت وسادتي والبطانيه ورحت انام عند عيالي واليوم العصر صحيت عيني حيل حيل متفوخه واهلي بديره وانا بديره وصح قلت له مالي جلسه معاك بعد اليوم ابي ورقتي قال تجيك واللي تبينه بيجيك يقصد ورقتي وروحتي لاهلي ... طبعا ضربه لي كان كفوف وشد شعري ولف يدي حيل لدرجة يدي فيها بقع زرقاء من اللف وخدي وعيني انتفخو ... صحيت العصر مع اني مانمت كويس كل شوي اقوم ابكي وانام ماصحيته ارسلت ولده يصحيه وصحا قبل المغرب بشوي مر من عندي ماكان يبي يكلمني بس ولدي بكا وتمسك فيه وانا جالسه بالمجلس وولده تمسك فيه وجاني عند باب المجلس قال امسكي ولدك وشاف وجهي منتفخ قمت انا متجهه له بطلع امسك ولدي ضمني وقال افطرتي لان اذن قلت لا قال افطري قلت طيب طبعا وهو ضامني ماضميته يدي خليتها جنبي ومسكت ولدي وراح هو يفطر مع اهله مايفطر معاي ويتسحر مع اخوياه بالاستراحه .. لاتقولون لي اشتكيه عند اهله اهله واهلي بينهم خلاف واهله مايبوني والسبب العايلتين متهاوشين بسبب طلاق وحده من عايلتنا صارت العايله احزاب ابو زوجي انسان طيب بس صعب اقوله وتواصلي معاه نادرا وابوي زوجي ولا مره شكيت له من ولده لان احس صعب فيه خلاف بين العايله واروح اعلمه عن مشكلتي مع ولده وهو ما اشوفه الا بالمناسبات الكبيره ... اتمنى تنصحوني ايش اسوي ،،؟؟ للعلم اهلي بديره ثانيه وصعب اعلمهم يكفي المشاكل اللي بينهم وابوي مريض ضغط وسكر مابي اتعبه واكبر اخواني عمره 20 يعني انا اكبر منه .. وزوجي اول مره يضربني كذا بعنف .. ولحد الان ماني عارفه ليه ضربني هل عشاني رفعت صوتي طيب هو رفع صوته وانا من الحره اللي فيني يعاملني كاني شغاله وبزر يبي حقوقه لكن مايبي يعطيني ابسط حق من حقوقي يجلس معاي يونسني بدال جلستي لحالي بشقه عباره عن غرفتين وحده نوم ووحده مجلس ... حسبي الله ونعم الوكيل ... |
رد: زوجي ضربني وعيني انتفخت
الله يهون عليكي اعوذ بالله وش هالحركات اللي في العشر الاواخر
هو قالك انا شاك فيكي؟ وضربك ضرب مو طبيعي؟ هل هو يتعاطى ؟؟ وضعة مره مو طبيعي ............. او اهلة يحرضونه عليكي على العموم مالة اي عذر اهم شي اتصلي عليه تروحي المستشفى وقبل ماتدخلين للقسم النسائي قولي اللحين اجيب لك الشرطة خليه يرجف من الخوف هو كذا اللي يستقوي على زوجته ضعيف قدام الناس وروحي علاجي نفسك قبل العيد الله يعينك ويسخرلك زوجك |
رد: زوجي ضربني وعيني انتفخت
لاحول ولا قوة الا بالله
الله يصلح شانكم ويبعد شيطانكم الله يسخرة لك ويهديك ويهدية ماحبيت اطلع بدون رد |
رد: زوجي ضربني وعيني انتفخت
لا حول ولا قوة إلا بالله
حاولي تتجنبينه و لا تحتكين فيه إلين يحس بغلطته وكان المفروض ما تتصادمين معه لما كان معصب وجريتيه مع كتفه لما مد يده بس خلاص إلي فات مات لا تسامحينه إلا إذا أعتذر |
رد: زوجي ضربني وعيني انتفخت
إذا تبين حل..
أول خطوة تسوينها الآن تروحين المستشفى وتطلعين تقرير طبي بحالتك..بدون ماتهددينه بشرطة ولا غيره..وتعالي خبرينا بالتقرير.. لكن إذا تبين تفضفضين ثم تنامين بحضن زوجك..الله يوفقك وبلاش نتعب أنفسنا.. |
رد: زوجي ضربني وعيني انتفخت
اقتباس:
دامه حضنها وراضها هذي بداية الندم لكن لازم يعتذر لأنه أخطأ في حقه |
رد: زوجي ضربني وعيني انتفخت
اقتباس:
وهذه النوعية اذا ما وقفتيه عند حده من البداية فالقادم بيكون أدهى وأمر |
رد: زوجي ضربني وعيني انتفخت
والله الواحد يخاف يتكلم
ينط له احد يقول له انتي تخببين ومااعرف ايش خليني ساكته احسن وبدعي لك |
رد: زوجي ضربني وعيني انتفخت
انتي ساكته من اول رمضان على وضعه هذا ؟
وليش تسكتين ع خياناته وش سويتي لما عرفتي بخياناته ؟؟ والله هو غلطان من راسه لين رجوله زي كلام اشراقه روحي طلعي تقرير بدون تهديد بشرطه اختي ضربه لك لاتكستين عنها ابد ابد ضربه لك بهالشكل اجرام وبشكل يومي يطلع يفطر عند اهله ويطلع استراحته وين حقوقك ووين الاستقرار والله يااختي لاتسكتين ابوك فيه ضغط وسكر الله يشفيه بس مو عذر تنهانين وتسكتين زوجك حتى كلامه استفزازي وراك مصيبه وباكتشفها استغفرالله هذا كلام زوج لزوجته دامك مو واثق اجلس بالبيت واعطني حقوقي وتابعني وراقبني بلاش كلام الضعفاء ليش تعطينه مجال يحضنك يااختي زوجك غلط وغلطته كبيره ويتمادى كل يوم يتطور للاسوء |
رد: زوجي ضربني وعيني انتفخت
ان تكنت ستذهبين لاستخراج تقرير
فالمراكز الصحية لاتستخرج تقاريرا بل المستشفيات فقط |
رد: زوجي ضربني وعيني انتفخت
اتنمي تكون حلول عقلانية لهذي الزوجة
تقرير طبي وشرطة واذا طلعتي تقرير طبي عطينا النتائج مانقول الرجال ماغلط ونا ضدة ولكن الحلول العقلانية مطلوبة في هالمواقف. ثقو ثقة لو وصل الموضوع لشرطة انفصال وشتات اسرة ضحيتها طفل صغير وامراة ستعاني ويلات الطلاق والفراق وتبدى مشاور عنا جديد في حياتها ويتخلي الجميع عنها.يجب دائم ان نقدم للغة العقل والاصلاح علي لغة العاطفة ..انا والله ضد ضرب الزوجة ولكن اذاكان الامر الي اول مرة انصح الطرفين بالجلوس مع بعض وتفاهم وحل المشكلة |
رد: زوجي ضربني وعيني انتفخت
لا تزيدون النار الحطب
صحيح أجرام لما مد يده لكن هي وش سوته علشان يمد يده عليها أهي جرته مع كتفه والرجال ما يحبون هذي الحركه خلاص الأمور بتهدأ ولا تكبرها حنا في ليالي فضيله هذي نصيحه سمعتها موجهه للنساء لا تتحدين رجل لأنك بتخسرين في النهايه |
رد: زوجي ضربني وعيني انتفخت
اختي يا (وردة وريحانه )الله يرضى عليك ويجزيك الخير اذا كان ماحصل بينكم مثل ماذكرتيه بالضبط فزوجك الله يهديه غلطان وماعندك اي غلط
مهما كانت ردة فعلك ماتستحقين هاذا الضرب المبرح واسمحيلي اقولك انها حجه قويه لك حاليا وياليت تتخذي الاجراء المناسب عشان ماتتكرر طبعا من الاشياء التي حيرتني في بعض المشاكل هنا ان الزوجه تزعل من زوجها وتذهب لبيت اهلها وتكبر المشكله ولاسباب تافهه ولاكن وضعك غير حجتك قويه واسبابك وجيهه ومعروفه شرعا وعرفا ذكرتي ان العائلات مضطربه بس مايمنع كل شي في بابه والعرض غالي واليك بعض النصائح اولا الشرطه والتقارير الطبيه اتركيها على جنب ولاتفكري فيها الى اذا اردتي الطلاق فقط عندها لازم تروحي للمستشفى تتطلعي تقرير وتبلغي الشرطه عشان تفيدك التقارير في المحكمه وماانصحك نهائيا به ثانيا ضروري انك تبلغي والدك بالي حصل ومافي مانع انك تذهبي بيت اهلك او يجي ياخذك والدك .اوعلى الاقل صوري وجهك وارسليه لوالدك بالجوال واستشيريه وش تسوين وامشي بعد كلامه مشكلتك لوماكان فيها ضرب مبرح كان ردي غير ويمكن يزعلك وفي الغالب ابحث عن الصلاح ولوعلى حسابك بس وضعك مختلف تماما وايضا لاحضت معاناتك من موضوعك السابق فافضل انك تعملين بمقترحي الثاني والله اعلم وباب النقاش مفتوح وياليت ماتبخلي علينا يالمستجدات |
رد: زوجي ضربني وعيني انتفخت
اقتباس:
بدون تهديد و لا شرطة لكن هالورقة تنفع. و ان ما نفعت. ما تضر |
رد: زوجي ضربني وعيني انتفخت
زوجها رافض التفاهم ومجرد ماقالت تعال نتفاهم عاملها كانها عدوته
وليه صورت لنا المطلقه تعاني وعنا وويلات وووو ع اساس هي مرتاحه يرحم والديك حط بنتك مكانها يطقها ويخونها ويسبها ويشك فيها في ذمتك وش الزين الي يخليها تصبر عليها الخيانه لعلمك تنهي الحياه الزوجيه وان عادوا لبعض مستحيل النفوس تطيب شوف الاخت احبه حبيبي كيف ردينا لاتجي تقول الردود غلط لان زوجها اساء لزواجهم بذمتك لو احد اعترضك بطريق او سبك او اهانك واحنا بهالشهر الفضيل واحد غريب وبالشارع بتحاول تكتم غضبك وماتوصل للقتله الي اخذتها اختنا فما بالك زوجتك المخلوقه من ضلعك وشريكتك وحبيبتك. وام عيالك وصاينه عرضك كيف بتتعامل معها |
رد: زوجي ضربني وعيني انتفخت
|
رد: زوجي ضربني وعيني انتفخت
وين التخبيب بالضبط !
مو مخلي بعض الرجال يتطاولوا بقلة الأدب هذه الا لأنهم ما لقوا اللي يردعهم ! الزوجة تداري والمجتمع يطبطب وهو مستمر في طغيانه ! |
رد: زوجي ضربني وعيني انتفخت
يا صاحبة الموضوع صدقيني زوجك يحبك
هذي لحظة غضب ، أنتبهي لا تفكرين تطلعين تقرير ترا بتهدمين بيتك أبوك مريض خلاص خليك عادي معه كلميه برسميه و قومي بواجباتك بيجي يراضيك وتبدون تتفاهمون الله يصلح الحال |
رد: زوجي ضربني وعيني انتفخت
اشكركم جميعا .. هو اول مره يضربني بس ضربه لي علم على عيني وانتفخت وصارت فيها علامه زرقاء.. الشي الثاني اللي شاك فيني وقلت له انت تشك اني اكلم غيرك الله مو حادك علي قال ما اقصد تكلمين شباب اقصد وراك شي وراح اعرفه ليش كل همك اقصد شباب قلت هذا اللي وضح لي من كلامك وشكك فيني ... اما اللي تقول كان يعرف متزوجه صح والله العظيم ما اظلمه هو يعرف وحده متزوجه او مطلقه بس يعني وحده كانت مرتبطه .... وشفت محادثاتهم قبل .... انا ما اقدر اعلم ابوي لان لو علمته بيجي ياخذني وتكبر ويشتكي بالمحاكم وشرطه وووو وانت ابي عيالي هو مابيه خلاص احس ماله بقلبي مكان .. كل ماتذكرت ضربه ابكي بكي مرير وبألم واحس قلبي يعورني ... ادعولي بان ربي ينصرني ويرجع لي كرامتي منهه .. بالفعل انا ماعاد ابيه بس بين نارين عيالي وادخل بدوامة المحاكم او اجلس ببيتي ولا اعتبره موجود بحياتي .. وللعلم بعد يومين بروح لاهلي عشان بعيد عندهم لان هنا مالي احد الا الله
|
رد: زوجي ضربني وعيني انتفخت
يدخل الواتس ويجلس بالساعات ولافكر يقول جرحت انسانه اهنت انسانه ... مافكر فيني حطيت توبك لعله يخاف من ربي ولا راح اسامحه لان اللي بقلبي كبر عليه كثير ... حطيت التوبك هذا وقـل للـذي أذاك أن الله لا ينسـى ولا تخفـى عليـه خافيـه " لأن الله معي لاخوف علي ولايحزنون " وحطيت صوره رمزيه مالكم لاترجون لله وقارا
|
رد: زوجي ضربني وعيني انتفخت
السلام عليكم ..
إذا ذهبت للمستشفى .. لن يستخرجوا لك التقرير حتى يتم استدعاء الشرطة وكتابة محضر .. أرى أن تدخلي أباك وأخاك وأحد أعمامك في الموضوع .. ليعلم أن خلفك رجال .. |
رد: زوجي ضربني وعيني انتفخت
جربي أرسلي له رساله
طلعي كل إلي بقلبك |
رد: زوجي ضربني وعيني انتفخت
اقتباس:
تبين لي انة يحبك وانتي كذالك ولكن الشيطان حاضر وركزي علي كلام الاخت الفاضلة ريف الاشواق الله يجعلة في موازين اعمالها في هاالايام الفضيلة |
رد: زوجي ضربني وعيني انتفخت
اقتباس:
|
رد: زوجي ضربني وعيني انتفخت
لا والدي قايل لي بعد اخر مشكله بين العايلتين دامك رضيتي ترجعين معاه واذا زعلك ورجعتي مالك جلسه معاه ابوي متهاوش مع زوجي بعد وكان رافض ارجع له بس تحت ضغطي وعيالي وافق وقال عشان هالصغار ولا انا متهاوش معاه ومع اهله واخلي بنتي بذمته ...
|
رد: زوجي ضربني وعيني انتفخت
اقتباس:
اخاف يجي لك يوم تروحين بيت اهلك بحجه اصغر من هذي او تافهه لمجرد انك مليتي من كثر الصبر وقتها ماراح تستفيدي لانك ماراح تاخذين حقك من زوجك مثل وضعك الان انتي عارفه ان والدك راح يتعامل معى زوجك حاليا وراسه مرفوع بس مايقدر يبعدك عن زوجك ابدا الابرضاك انتي فقط ويقدر يأخذ حقوقك بطرق اخرى اعطيك بعض الامثال احنا في فخذنا الي يضرب زوجته بدون سبب نحمله مهر جديد او كسوة كامله اوشرط او ذهب او مبلغ مالي عشان يحطها بذنه ومرة ثانيه مايمد يده وهذه العاده معروفه عرفا وسلفا اما اذا كنتي ناويه تسامحي زوجك فالله يجزيك الخير وخصوصا انها اول مره ومش بيعد يراجع نفسه وينصفك افضل من ابوك والمحاكم |
رد: زوجي ضربني وعيني انتفخت
سويت مثل ماقالت اختي ريف ارسلت له رساله بالواتس صورت عيوني المنتفخه والكدمات الزرقاء وكتبت له انا مو مسامحتك ليوم الدين انت طلعت من قلبي قبل حياتي وانا قادره اوري هالصوره اهلي لكن وكلت امري لله وبيني وبينك ربي هو بياخذ بحقي وناطرتك تجي شايله اغراضي بروح لاهلي اليوم وحسبي الله ونعم الوكيل كتب لي الله يهديك وحاط صورة فيس يبكي طلعت من الواتس وخليته
|
رد: زوجي ضربني وعيني انتفخت
لا حول ولا قوة الا بالله العلي العظيم
الله يهدي سركم ويفرج همك اختي اختي الحق معك وضرب زوجك لك خط احمر بس للامانة من خلال سردك للموضوع انتي اخترتي الوقت الغلط لمناقشة زوجك وخاصة انو رفض يتكلم واصريتي مرة واثتين وختمتيها بشد كتفه الله اعلم كيف فهم طريقة شد كتفه مهما كان الحب كبير بين الزوجين لازم يعرف احد الشريكين ايمتا يختار الوقت المناسب للمناقشة والكلام وثاني نقطة وقت ضربك اول كف المفروض تهربي لتاني غرفة لانو مبين عليه معصب فانتي كملتي سب وكلمة حيوان فثار عليكي اكثر والغلط عليه لانو الرجل لازم يكون اوعى واعقل بهيك مواقف وبالنسبة لتخبري اهلك عم تقولي انك خايفة والدك يعرف بسبب المشاكل بين العائلتين اذا ما عندك خيار الا انك تحلي مشكلتك بينك وبين زوجك وتاخدي موقف وتعرفي ايمتى بتحكي وبتاخدي حقك وايمتى بطنشي لتكسري الشر الله يهدي بالك ويصلح لك زوجك احترامي |
رد: زوجي ضربني وعيني انتفخت
خلاص يا اختي
بما انك مش ناوية تقولي لوالدك و لافيه حل وسط اصبري لحد ما تفرج و تحملي ضربه لان كلام النسوان العاطفي ما يفيدو لازيؤثر |
رد: زوجي ضربني وعيني انتفخت
اسلوب انك ترسلي له وتدعي عليه وتصوري هذا كله ما راح يغير أي شي
تصرفاته لازم تنحل من الجذور ! وانت المفروض تكوني أقوى من كذا على الأقل تطنشيه شوي ويخاف من سكوتك اما الحين فانتي ريحتيه خلاص |
رد: زوجي ضربني وعيني انتفخت
اقتباس:
|
رد: زوجي ضربني وعيني انتفخت
أولا : تألمت كثيرا لحالك ، أسأل الله أن يرفع عنك هذا البلاء ويخفف عنك ويصلح ما بينك وبين زوجك ، إنا لله وإنا إليه راجعون !
ثانيا : لن نتحدث عن الطلاق والفرقة ، فالطلاق آخر علاج إن يئسنا من الحل وكان الحل مستحيلا ، هناك حلول أخرى كثيرة ، والطلاق أنت من يقرره ، أنت أعرف الناس بحياتك. ثالثا : أنقل لك من كلام العلماء من موقع الإسلام سؤال وجواب : ((ضرب الرجل لزوجه غير جائز في الأصل ؛ لأن الله سبحانه حرم إيذاء المؤمنين والمؤمنات بغير ما اكتسبوا , قال تعالى : ( وَالَّذِينَ يُؤْذُونَ المُؤْمِنِينَ وَالمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُبِينًا ) الأحزاب/ 58 . قال ابن جرير الطبري رحمه الله : " والصواب من القول في ذلك عندنا : أنه غير جائز لأحدٍ ضرب أحد من الناس ، ولا أذاه ، إلا بالحق ؛ لقول الله تعالى ( وَالَّذِينَ يُؤْذُونَ المُؤْمِنِينَ وَالمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُبِينًا ) الأحزاب/ 58 ، سواء كان المضروب امرأة وضاربها زوجها ، أو كان مملوكا أو مملوكة وضاربه مولاه ، أو كان صغيراً وضاربه والده ، أو وصي والده وصَّاه عليه " انتهى من " تهذيب الآثار " (1/418) . لكن قد أجاز الشرع للرجل ضرب زوجته إذا ظهر منها النشوز ، ووعظها فلم تتعظ , وهجرها في المضجع فلم تنزجر , فيجوز له حينئذ ضربها بشروط : 1. أن يكون الضرب غير مبرح , فعن جابر رضي الله عنه عن النبي صلى الله عليه وسلم أنه قال في حجة الوداع : ( اتَّقُوا اللَّهَ في النِّسَاءِ فَإِنَّكُمْ أَخَذْتُمُوهُنَّ بِأَمَانِ اللَّهِ وَاسْتَحْلَلْتُمْ فُرُوجَهُنَّ بِكَلِمَةِ اللَّهِ وَلَكُمْ عَلَيْهِنَّ أَنْ لَا يُوطِئْنَ فُرُشَكُمْ أَحَدًا تَكْرَهُونَهُ فَإِنْ فَعَلْنَ ذلك فَاضْرِبُوهُنَّ ضَرْبًا غير مُبَرِّحٍ وَلَهُنَّ عَلَيْكُمْ رِزْقُهُنَّ وَكِسْوَتُهُنَّ بِالْمَعْرُوفِ ) رواه مسلم ( 1218 ) . 2. أن يجتنب الضرب على الوجه والأماكن المخوفة , كما سبق بيانه في الفتوى رقم : (150762) . 3. أن يغلب على ظنه أن الضرب سيصلحها , فإن غلب على ظنه عدم إفادة الضرب ، فلا يجوز له أن يقدم على ذلك . جاء في " الشرح الكبير وحاشية الدسوقي " (2/343) : " وَأَمَّا الضَّرْبُ : فَلَا يَجُوزُ إلَّا إذَا ظَنَّ إفَادَتَهُ ، لِشِدَّتِهِ " انتهى .)) رابعا : هناك حقوق كثيرة لك ، قد أهملها زوجك ، وعدم إدخال أهلك في هذه القضية ، أرى أنه خطأ ، لا بد أن تدخلي أهلك ، ولا بد أن يدخلوا بعقل وحكمة وهدوء ، هذا أمر لا ينصبر عليه ، كيف يتركك كل رمضان دون أن يفطر معك ؟؟ ويخرج كل ليله ؟؟ وأنت غريبة بعيدة عن أهلك وأحبابك ؟؟ ثم في النهاية يضربك هذا الضرب المبرح !!!!!! خامسا : أقول لا بد من إدخال أهلك لكن برفق ، الرفق خير ، والأمور تحل بالهدوء قال صلى الله عليه وسلم ( من يحرم الرفق يحرم الخير كله ) لا خير في العجلة والشدة. سادسا : لماذا هذا الخوف ؟ أنت تخافين من الحلول القوية الجذرية ، لماذا ؟؟ هل يعجبك هذا الضرر الذي يحدث لك ؟؟ إن صبرتي الآن فلن تصبري غدا !! هذه الأضرار ستحدث لك أمراضا في المستقبل أمراضا عضوية ونفسية ، وكم من امرأة خسرت حياتها من أجل صبر خاطىء ومن أجل جهل بحقوقها !!! سابعا : لا بد من دخوووول أهلك وحل المشكلة ، وأخذ عهود ومواثيق على زوجك ألا يمد يده أبدا أبدا عليك !!! وأن يعرف قيمتك وحقوقك ، لا بد يا أختي !! كوني قوية !! لا تستسلمي !! بعض الرجل يخضع إذا خاف من أهل زوجته إذا خاف من زوجته ومن قوة زوجته !! إذا عرف أن هناك خطوطا حمراء !! ثامنا : اللجوء إلى الله ، والدعاء بأن يكتب لك الخيرة والرأي الصواب ، استغفري اذكري الله ، الله قريب رحيم كريم مجيب الدعاء ، وخاصة في هذه الليالي المباركة. تاسعا: أدخلي والده أيضا في حل المشكلة مادمت مدحتيه وأثنيتي عليه ، لا بد من أن يدخل بينكما رجل حكيم ، حتى يذكره بالله ، ويخوفه من عقاب الله ، ماهذا الفعل ماهذا الظلم في هذه الليالي المباركة !!!! أسأل الله أن يؤلف بينكما وينصرك ويوفقك ويحفظك أستودعك الله الذي لا تضيع ودائعه أنت وأولادك وزوجك وبيتك |
رد: زوجي ضربني وعيني انتفخت
خلاص خليه يفكر بألي سواه
خليك عادي لا تمدين البوز ومكشره قومي ببيتك ووجباتك وخلية رسميه معه بالنسبه للكدمه أسعفيها بالثلج و خليه يوديك المستوصف لا تزيد عليك |
رد: زوجي ضربني وعيني انتفخت
حبيبتي "ورده " الضرب شي مؤلم ويكسر أشياء في المرأه بس عزيزتي مادام انها اول مره يمد إيده عليج وهو تألم أثناء ضربه لج والدليل حاول يضمج ويسألج أفطرتي ولا لأ إلعبي لعبتج وحولي الموقف لصالحج آخذي بنصيحتي عشان مايتكرر الامر مع الأيام ويصير عنده الضرب شربة ماي هذا أبو عيالج وباين انج تحبينه واهوا طيب ولكن تصرفاته غير ناضجه حال اغلب الرجال عزيزتي اختيارك وقت النقاااااش غير صحيح خلاص عطاني ظهره أقوم عنه وأخليه ولا أرد عليه بحرف حطي هذي النصيحه بإذنج ترجيه الحوار مع الزوج ماأن ينتقل الى الاهانات اهربي من هذا النقاش الى وقار الصمت او شوفي شغلج بعيد عنه لما قالج أثناء الحوار "انا بنحاش منج " خلاص هذي رساله لي ان الموضوع قاعد ينزلق للاهانات ومافي مجال لتفاهم الصمت بهذي اللحظه راح يكسبج قوه وراح يكون اجمل رد لو قلتي براحتك اهم شي انت مرتاح .. يا عزيزتي والله انا رمضان اللي فات واللي قبله كل فطووووور وسحور أبجي لان زوجي يفطر عند اهله لين فهمت وتعلمت وتدربت على أمور كثيره وهذا رمضان كله انا وياه على فطور واحد وسحور واحد الله يتمم علينا حبيبتي استغلي موقف ضربه لج لصالحج لاتقولين لأهلة ولا لأهلج والله ماراح تستفيدين شي انا جربت كل هالطرق ولا استفدت غير ان الخلاف زاااااد وألهوه كبرت ولاتسوين قضيه ومستشفى وتقرير اذا تبين تستمرين معاااااه اما اذا تبين الطلاق اي نعم افعلي هالخطوات لكن اذا تبين تحافضين على زوجج وان هالموقف لايتكرر من هذي اللحظه قومي بواجباتج اتجاهه فقط الواجبات ديري بالج من مدة البوز راح تقلب الطاوله عليج خليج ريلاكس وعاديه وطمنى قلبه اذا كان مو ((شكاك الخلق )) بعد ان ينتهى الخلاف قوليله شنو ي ابو فلان تضنه ياخذنى عنك ولايشغل بالي عنك ..... حياتي وصديقاتي وأهلي بكفه وانت ي حبيبي بروحك ب كفه طيبي نفسه بالكلام المعسول اما اذا كان شكاك وهذا طبعه وخلقه فالامور لها منحنى اخر .. ربي يسعد قلبك ويسخره لك |
رد: زوجي ضربني وعيني انتفخت
شوفي يا حلوة..
يقول لك اول مرة يضرب فيها الزوج هو الغلطان.. والمرات الباقية اللي يتوالى فيها الضرب الزوجة غلطانة.. ومن يهن يسهل الهوان عليه.. طلعي تقرير وخليه مسجل لك.. حقك كانسانة! ككائن حي!!! حتى الحيوان ربي نهانا نعذبه! اذا عاملتي نفسك بهذي الطريقة وماوقفتي لها فما ينلام على اي شي يسوي فيك.. لان من امن العقوبة اساء الادب.. الاحترام لايستجدى.. بل يفرض.. كبريها والله ان يتوب.. قال زوجك يحبك وصيري رسمية واصبري قال.. |
رد: زوجي ضربني وعيني انتفخت
روحي مستشفى وعالجي الكدمة لا تزيد وتشمتون فيك في العيد اللي يكرهونك وبالمرة خذي تقرير وخليه عندك وبصراحة انت اذا مو عارفة تتصرفي كلمي ابوه او ابوك قبل لا تهدأ السالفة
|
رد: زوجي ضربني وعيني انتفخت
هذا عنف جسدي لو كنت بأمريكا او اوربا كان فكر مليون مرة قبل يمد ايده بهالطريقة
|
رد: زوجي ضربني وعيني انتفخت
اشكركم جميعاا .. انا قررت الانفصال وان شاءالله هاليومين بروح لاهلي بغرض العيد لكن ماراح ارجع له ابدا ابدا .. كل ماشفت نفسي بالمرايا اتحسر وبدون شعور انهار وابكي .. خلاص احس مافيه شي بيرجعني مثل اول .. احس من داخلي اتجاهه مشاعر قليله وغصه بالحلق .... انا مألمني الضرب قد ما ألمني كيف مد يده مهما كان السبب مايضربني كذا وخصوصا هو عارف ان ولا مره احد من اهلي مد يده علي حتى لو بالمزح واقسم بالله من كنت صغيرت الى الان عمري ما انضربت من ابوي او حتى امي
|
رد: زوجي ضربني وعيني انتفخت
وهو الى الان برا البيت من قبل الفطور ولاكلف على نفسه يجي ياخذ بخاطري انا عارفه اللي تقول زوجك يحبك تطبطب علي اللي يحب مايضرب واللي يحب مايخون انا قبل كنت عميا فيه الحين فتحت عرفت انو مو كل انسان يستحق انه نسامحه وعرفت انوو اطفالي ماراح يضيعون لو تطلقت ... وكلت امري لله وهو كفيل فيني
|
رد: زوجي ضربني وعيني انتفخت
فكري ألف مره
أنا حاسه فيك و الموضوع يجرح لكن ألي عندها أطفال وضعها غير والطلاق مو سهل للمرأه |
| الساعة الآن 10:28 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©