|
وش تسوون يا بنات اذا جو حريم يشوفونكم للخطبة
وش تسوون يا بنات اذا جو حريم يشوفونكم للخطبة
هل تصيرون صامتين او تاخذون وتعطون معهم ! لاني احس اذا سكت قالوا فيها بلي واذا تكلمت قالوا هاذي جريئة ! |
رد: وش تسوون يا بنات اذا جو حريم يشوفونكم لل
عادي خلك على طبيعتك مايحتاج تتكلفيين شي ولا تتصنعين
احيانا يطغى الخجل اذا كانو حريم كبار ويصير نظرات على الصامت واذا بنات بسنك سولفي عادي واضحكي وانبسطي طبعا بدون مبالغه |
رد: وش تسوون يا بنات اذا جو حريم يشوفونكم لل
الله يجزاك خير يارب
|
رد: وش تسوون يا بنات اذا جو حريم يشوفونكم لل
خير. الامور الوسط
حنا أمة وسطية يعني لا فراط ولا تفريط بالتوفيق ان شاء الله زوج صالح |
رد: وش تسوون يا بنات اذا جو حريم يشوفونكم لل
خليك على طبيعتك،،لاتتكلفي ولا تتصنعي،،وأهم شي اﻹبتسامة..
|
رد: وش تسوون يا بنات اذا جو حريم يشوفونكم لل
خليك على طبيعتك،،لاتتكلفي ولا تتصنعي،،وأهم شي اﻹبتسامة..
|
رد: وش تسوون يا بنات اذا جو حريم يشوفونكم لل
مو افضل صاحب الشان "الخاطب" يجي يشوفك؟
|
رد: وش تسوون يا بنات اذا جو حريم يشوفونكم لل
اكشخي ع سنقة عشرة .. خلي طلتك طلة عروس
والبسي أحسن ماعندك .. وخليك على طبيعتك من ناحية الشخصية إذا وجهوا لك سؤال جاوبي ومو لازم بصراحة مطلقة لأن فيه بعض الأسئلة مدري وش غرضهم منها كأنها كلمة حق يراد بها باطل زي تزوين صديقاتك ؟ بالله هذا سؤال ينسأل في خطبة صرفيها وقولي لها لا مو كثير نادر جدا لأن كل وحدة فينا مشغولة بحياتها الحين، تعرفين تطبخين؟ ايه .. إذا سألوك عندك شروط اضحكي ولا تعطينهم رد وناظري في أمك خليها ترد ع هالسؤال أي سؤال يتعلق بولدهم خلي الجواب لأمك أما بقية الأسئلة ف إنتي جاوبي عليها .. أهم شيء الإبتسامة كل ما تلاقت العيون . وخلي ابتسامتك تدخل قبلك أول ما تطلي عليهم من الباب . لا تطولي عندهم .. ولا تجلسي وأمك واقفة تصب قهوة أو شاي قومي وريهم طولك وسنعك وأعطيهم فنجان من يدك 😊 وعلى فكرة لو تخلين الولد يشوفك بنفس اليوم اللي أمه بتشوفك أبرك لك ترى نظرة الرجال غير والحريم يدققون فيما لا يعنيهم ! وأغلبهم غايتهم التفرج في بنات خلق الله إلا من رحم ربي . وغير الأم والأخت لا يعتب باب بيتكم بعض العوائل الأم وبنتها وخالتها لجنة تحكيم وعضو شرف 😅😅😅 وكل ما زاد عددهم ماهو بصالحك لأن مستوى التدقيق بيكون أعلى . عموما هالله هالله بالعطر الفواح اللي يسبقك وشوية دهن عود ولا تنسي اللوشن والمناكير ليدك ورجلك . وأجمل مافيك اشتغلي عليه وأبرزيه . هاذي النصائح سواء بتدخلي عند الولد ولا أمـه . وبالنهاية كله توفيق من الله .. الله يوفقك ويرزقك بحق هالشهر الفضيل . |
رد: وش تسوون يا بنات اذا جو حريم يشوفونكم لل
معروف البنت تستحي
محد ينقد على سكوتهاابد |
رد: وش تسوون يا بنات اذا جو حريم يشوفونكم لل
إذا سألوا ردي .. وإذا ضحكوا ابتسمي ..
طبيعي البنت لما يجونها خطاب تستحي وتخجل.. |
رد: وش تسوون يا بنات اذا جو حريم يشوفونكم لل
كوني على طبيعتك ابتسمي وغالبية البنات يستحوا حين النظرة الشرعية
البسي احسن ما عندك وتزيني تزين قليل غير مبالغ فيه والله يكتب لك كل الخير |
رد: وش تسوون يا بنات اذا جو حريم يشوفونكم لل
اذا سالوا جاوبي على قد السوال ...
وابتسمي ...اذا ضحكوا ابتسمي واذا انحرجت ابتسمي .. واذا نكتوا اضحكي ضحكه خفيفه ... لانه من التوتر يصير ردات فعل مثل الضحك المجنون اذكر ان صار شي يضحك فضحت مثل المجنونهkhh من التوتر ...الا الان وبيني وبين نفسي اضحك على نفسي وادعي دائما ربي اشرح لي صدري ويسر لي امري واحلل عقده من لساني يفقه قولي واذا سالوا عن الشروط مثل ما اذكروا العضوات انظر الي امك خليها ترد عليهم ... لانه محتاج تفكير وانتراح تكونين مستحيه ومتوتره |
رد: وش تسوون يا بنات اذا جو حريم يشوفونكم لل
اول شيء احنا نقابل الرجل
ويشوف الشوفة الشرعية بعدها نلتقي باهله وعادي صراحة اتعامل بطبيعتي واجبهم اهلًا وسهلا ماعجبوك الله يخلف ع الجميع |
رد: وش تسوون يا بنات اذا جو حريم يشوفونكم لل
ياحضكم عندك نظره شرعيه :( حنا مانشوفها الا بليلة الدخلة \ اكشط واربح انت وحظك
|
رد: وش تسوون يا بنات اذا جو حريم يشوفونكم لل
طيب واذا اخذيتي معهم با الكلام يعني كانوا يتكلمون بموضوع عام وكانت اخته تطالع فيني فقمت ورديت بصلب الموضوع وش تعتبرونها
|
رد: وش تسوون يا بنات اذا جو حريم يشوفونكم لل
جزاكم الله خير
|
رد: وش تسوون يا بنات اذا جو حريم يشوفونكم لل
معليه ياقلبي ردي عليهم عادي بس لا تسهبين في الحديث ولا تطيحين لميانة كثير.
|
رد: وش تسوون يا بنات اذا جو حريم يشوفونكم لل
عادي حبيبتي ما في احلى من الطبيعة والعفوية
والناس بتبين اذا مرحين وفرفوشين بالكلام او كتير جديين وكلامهن كتير رسمي فاتعاملي حسب ما بتشوفي طريقتهن بس الابتسامة خليها دايما مرسومة على وجهك الله يقدملك كل الخير ويفرحلك قلبك بكل شي بتحبيه |
رد: وش تسوون يا بنات اذا جو حريم يشوفونكم لل
هههههه
موضوعك ذكرني بموقف سبق حصل لي كانوا اهله بيزورونا وجدتي جلست تعطيني تعليمات شوفي وانا امك روحي لغرفتك ولا تنزلين الا لما اتصل عليك ... بعدين لا تجاوبين علي اي سؤال انا بجاوب ولا تطولين وانا امك بالجلوس.... وقائمة طويلة عريضة المهم يوم وصلوا وقفوا عن باب الشارع مافيه احد يدخلهم .. جدتي مقعدة والبيت فاضي مافيه الا اخوي.. وانا اطل من الشباك اقول يارب وش هالحظ اطلع استقبلهم او لا المشكلة مالبست مرة المهم طلعت ورحبت فيهم ودخلتهم على جدتي وجدتي نظرها ضعيف... قالت يالله يالله روحي لغرفتك اهل الخاطب وصلوا يالله اركضي وش انا قايله لك... وانا ابلع ف ريقي الاهل من وراي وجدتي من امامي... قلت يمه هذي اخته تبي تسلم عليك هههههههههه |
رد: وش تسوون يا بنات اذا جو حريم يشوفونكم لل
اقتباس:
لأني ظنيت سؤالج في بداية الموضوع عام. |
رد: وش تسوون يا بنات اذا جو حريم يشوفونكم لل
اولا الله يتمم لك على خير و على كل اخت مقبلة على الزواج
بتكلم لك عن تجربة سبحان الله امس كانت شوفة الحريم ;) نصيحتي كوني على طبيعتك و البسي اجمل شي عندك ❤️ و بالنسبة للمواضيع شاركي باللي تبين خلي الوضع عادي جداً لا تنسين الاستغفار و الصلاة على رسول الله و قراءة القران عشان تدخلين بنفسية مطمئنة و مرتاحة و حاولي ما تعلقين نفسك بأي شي او تتوترين / اعتبريها زيارة ممتعة من الزيارات الاجتماعية و كوني بأروع حالاتك الله يوفقك |
رد: وش تسوون يا بنات اذا جو حريم يشوفونكم لل
VANITY والله ودي يجي الخاطب بنفسه بس بعضهم يرفض يقولون بنجي حنا اول .
|
رد: وش تسوون يا بنات اذا جو حريم يشوفونكم لل
بنت الكرام امين بس مافية شي الحين مجرد سؤال جاء في بالي
|
رد: وش تسوون يا بنات اذا جو حريم يشوفونكم لل
اقتباس:
|
رد: وش تسوون يا بنات اذا جو حريم يشوفونكم لل
اقتباس:
انتي بتتزوجينه هو بالنهاية.. أحفظ لعزة نفسك من انك تكونين بضاعة يجون الحريم يقلبونها ويتفرجون فيها ويعطون اراءهم واستوديوهاتهم التحليلية كأنهم كاملات مكملات وهم من جنبها.. كنك تحاولين تقنعينهم بطريقة غير مباشرة تكفون ارضوا عني وزوجوني ولدكم الله يوفقك يارب ويكتب لك الخير |
رد: وش تسوون يا بنات اذا جو حريم يشوفونكم لل
فانيتي
الكلام سهل بس مين يطبق صارت لاختي تقدموا لها و لما اتصلوا قالت امه انا اجي و المرة الثانية يجي هو. احنا رفضنا قلنا من اول زيارة يكون هو موجود و يشوفها سكتوا و يوم الزيارة عملوا اللي براسهم و ما اجا صاحب الشان مرات الرجل يترك المسالة كلها لامه اذا عجبتها البنت تكمل و تجيب ابنها و اذا ما عجبتها تقول ما فيه نصيب |
رد: وش تسوون يا بنات اذا جو حريم يشوفونكم لل
اقتباس:
خطبتك انتي.. محد غيرك مع رجوعك الى اهلك يقرر لك كيف لازم تصير اذا هو فلان ابن بيخطب بطريقته ليش انتي تنجبرين؟ مثل الولد اللي يروح يخطب من بيت مايعترفون بالنظرة الشرعية.. ويرضخ لهم مع معرفته ان هالشي مو لصالحه.. وننصحه يخطب من ناس مقبولة عندهم النظرة.. جدي الله يرحمه كان يرفض هذا الشيء لدرجة انه يمنع امي وخالاتي يروحون مناسبات مع جدتي الله يرحمها من باب عرض البنات مثل البضاعة.. "وهنا اقصد اعتماد اسلوب التسويق الفج" وامي بعد ذلك وخالاتي بالمثل يرفضن هذا الامر وانا اوافقهن وأؤيدهن.. ربما اختلاف الثقافات والمجتمعات له الدور الاكبر.. |
رد: وش تسوون يا بنات اذا جو حريم يشوفونكم لل
اقتباس:
اقتباس:
أنا معاك أختي أرفض تماماً مستحيل أقبل بزيارة حريم يتفحصوني و يشوفوني عشان حضرتهم يرضون فيني كزوجه لولدهم أو لأ nhg كمان حضور الأفراح بطلته زمان أمي تتمنى أحضر معاها الأفراح عشان يشوفوني الحريم و و و إلخ mhm""gg و حتى إللي تخطبني وهيي ماتعرفني مجرد إنها أعجبت فيني بعرس أحد الأقارب مثلا أرفض عرضها من البدايه و لا أعطيها لا رقم و لا غيره ناس ماأعرفهم و لا يعرفوني ماأبيهم < ( هذا مبدأي الخاص فيني ) ماني مستعده أغامر بحياتي و أجرب حظي مع ناس ماأعرفهم رغم إني كبيره مو صغيره لكني أرفض الزواج بهالطريقه |
| الساعة الآن 08:30 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©