خوفي الشديد من الزواج
 

السلام عليكم
انا عمري 30 سنه

انا اشعر بخوف شديد من الزواج اشعر بعدم ارتياح بمجرد ذكر موضوع الزواج لا استطيع ان اتقبل الزواج انا شخصيتي عموما اشعر بخوف من كل شيء جديد ومن كل تجربه جديده

لا اعرف شيء عن الحياه الزوجيه قبل تقريبا 4 سنوات تزوجت وكنت مع زوجي كاننا اخ واخت وليس زوجين لا اهتم به
مو مرتاحه اني متزوجه ليس بسبب الرجل فقد كان جيدا ولكن بسبب عدم تقبلي لموضوع الزواج
لا اعرف ما هي مشكلتي الان انا تقدم لي شخص ولست قادره على تغيير شخصيتي ومازال الخوف يضغط علي

زوجي السابق كنت لا اهتم به واتهرب منه بكثره الذهاب لاهلي لا اعرف ما السبب ليس بسبب شخصيته ولكن بسبب عدم تقبلي لموضوع الزواج ككل
الموضوع يضغط علي كثيرا ماذا افعل ؟؟
هل ارفض الزواج تماما مع انني اتمنى ان يكون لدي اطفال ماذا افعل ساعدوني
ربي ما يحرمكم الاجر

رد: خوفي الشديد من الزواج
 

وعليكم السلام
شي غريب وضعك او انك انتي مخك رافض اشياء في العلاقة الزوجية يمكن
او متخيلة امور ثانية او لك مواصفات تبيينها وماقدرتي تتقبلي غيرها
انا اخمن
لان اي انسانة طبيعية ماتقول اخاف من الزواج بالعكس
الحين هالزمان يجونكم بنات المتوسط والثانوي تحب طاري الزواج وتبي تنخطب باي طريقة وتفرح وتستعد نفسيا بعد
ليه انتي بهالعمر وخايفة ؟؟؟؟
من ايش خاايفة بالظبط ؟؟
+ ارقي نفسك والجئ لله
او ممكن يكون خوفك شي نفسي بس
الله يصلح لك امورك

رد: خوفي الشديد من الزواج
 

ما ادري ايش السبب يا سمو
اكيد فيه سبب بس ماني عارفه ليه انا كذا

رد: خوفي الشديد من الزواج
 

ما اخاف من العلاقه الخاصة بس انا متعلقه بامي كثير حتى لما تزوجت كان زوجي يتضايق من كثرت اتصالي بامي مع انه امي طيبه يعني طليقي ما كان يتضايق انه امي شخصيتها مو زينه لا والله بس يتضايق من تعلقي بامي وكثره اتصالي بها وكانت امي بعض الاحيان تجيني في البيت اذا رفض اروح لامي بسبب انه رحت لها قبل يومين او 3 ايام

رد: خوفي الشديد من الزواج
 

طيب انتي صارحي نفسك يااسارة
قلتي ودك حياة طبيعية واطفال
طيب وش العائق

رد: خوفي الشديد من الزواج
 

حتى التجهيز للزواج اختي اللي جهزت لي مو متحمسه انا ابدا
ولما تزوجت كان يعطيني اشرطه عن الزواج عشان نتثقف ما كنت اسمعها ولا اهتميت مالي رغبه ما ادري ليش المشكله ما اقدر اطنش هالموضوع اكثر لان العمر يمشي

رد: خوفي الشديد من الزواج
 

يمكن هذا السبب انك خايفة تفقدين امك من غير شر الله يحفظها لك
طيب اسكني قريبة منها مافي احد بيخطئك انك متعلقة بامك
بس اكيد امك تبي تشوف عيالك وقبلها تشوفك مستقرة

رد: خوفي الشديد من الزواج
 

ما احس بالامان اذا تزوجت
سبب رفضي للزواج هو عدم احساسي بالامان
بس ليش ما ادري

رد: خوفي الشديد من الزواج
 

انتي ماتبين حياتك الطبيعية تتغير تبين امك حولك وماتبين تفارقيها
عشان كذا انتي خايفة من حياتك الجديدة
بس توكلي على الله وعيشيها اذا الله كتب لك انسان يساعدك على بر امك
او انسان فيه الخير وكوني اسرة والله لايحرمك من امك ويخليها لك

رد: خوفي الشديد من الزواج
 

احس باي لحظة بيهددني بالطلاق او ياخذ الاطفال
سمو انا احس اني متعقده من شيء لانه شعور الخوف سببه عدم احساسي بالامان مو زي مع امي مستحيل تتركني او تاذيني هو فيه سبب اكيد لان شخصيتي بالامور الثانيه غير

رد: خوفي الشديد من الزواج
 

طيب سمو هل فيه اشياء اسويها تخليني اتغلب على القلق
انا رافضه الزواج بس امي متضايقه مني اني ارفض الزواج وضاغطه علي عشان كذا انا متازمه
تقول لي انه رفضك للزواج هروب وانه لازم تواجهين خوفك

رد: خوفي الشديد من الزواج
 

تفكيرك خطا لان عقلك صور لك ان بعد عن امك هو نهاية الامان
ماشاءالله عليك مو صغيرة بس والله مالومك ذكرتيتي بنفسي لما اسافر عن امي ومظطرة عشان دوامي كل الوقت ابكي مثل الطفلة لدرجة احس نفسي بينقطع
لكن غصب عني دربت نفسي على البعد والحمدلله هانت
انتي لاتكبري السالفة وتزوجي وخليها تدعي لك وتدعي لي معك😊

رد: خوفي الشديد من الزواج
 

ايوه صحيح ما ابغى حياتي الطبيعية تتغير صحيح خايفه من الحياه الجديده

رد: خوفي الشديد من الزواج
 

ربي يسعدك سمو ويجزاك خير 😘

رد: خوفي الشديد من الزواج
 

طيب هل فيه اشياء اسويها تخفف التوتر وحده قالت لي جهزي حاجات الفرح وو الخ عشان تتقبلين الموضوع لا تخلي احد يعمل الاشياء بدل عنك عشان تتقبلين الموضوع اكثر

رد: خوفي الشديد من الزواج
 

سااارة الحياة يبي لها اصرار وعزيمة ...
وفي امور غصب علينا لازم تتغير ونساير التغيير هذا
اولها نفسيتك وضعفك وخوفك من شي مجهول في مخك وكل تفكيرك السلبي ترا ماراح يحصل منه ولا1%
بس انتي اجزمي وحااولي اول خطوة تغيرين تفكيرك
ان الحياة بكل مراحلها حلوة ومرة
ومثل ماقالو حياتك من صنع افكارك
ووافقي وانغمسي في الحياة الزوجية بتلقي نفسك تعودتي شوي شوي

رد: خوفي الشديد من الزواج
 

ان شاء الله
انتي صادقه تفكيرري عن الزواج جدا سلبي
وباذن الله باغيره

رد: خوفي الشديد من الزواج
 

من واقع اكلمك انا لما ابعد عن امي اكره الحياة واشوفه سواداء مظلمة
واحس اني مههدة من كل الي حولي
ترا طبيتي في وحدة مثلك😂

الموهم اتوتر لما ابعد امي واسافر لدرجة احس اسناني تصقع في بعضها من قوة التوتر
واعصابي مشدودة كاني رايحة بموت بسم الله علي

بس التعود والتفكير الايجابي وانك تحبين الشي بيهون عليك كل شي
وبالتوفيق

رد: خوفي الشديد من الزواج
 

باذن الله ربي يسهل دعواتك يا سمو بس هل ينفع لما اتزوج اخبر زوجي عن خوفي بحيث انه يكون على علم بقلقي هذا ولا يفهمه غلط

رد: خوفي الشديد من الزواج
 

ربي يسعدك سمو 🌹

رد: خوفي الشديد من الزواج
 

سلام عليكم اختي الكريمة
ما سبب الطلاق الاول؟
ومن طلب الطلاق ؟
وكيف كان الطلاق ؟

رد: خوفي الشديد من الزواج
 

عندك تجربة قديمة سيئة؟ موقف من ابوك عمك اخوك؟ تكرهين ابوك؟ لا ترينه نموذج جيد؟

رد: خوفي الشديد من الزواج
 

اذا ودك تعلمينه علمية بس مو بسرعة
يمكن مايطلع متفهم ويشره عليك ويلومك
واتنتي اسلوبك واضح انك تضخمين الامور وبتجييبن له اكتئاب
فالافضل تتنظرين لين يحس بمشاعرك ويفهمك ويصير في ميانة
وبعديين علميه وبدون ماتهولين

رد: خوفي الشديد من الزواج
 

جزء من الخوف عرفت سببه وهو تعلقي الشديد بامي
وبالنسبه لابي نعم لا اراه نموذج جيد

رد: خوفي الشديد من الزواج
 

طيب سمو باذن الله

رد: خوفي الشديد من الزواج
 

لم ارى رد
طيب على راحتكم
موفقه اختي

رد: خوفي الشديد من الزواج
 

سبب الطلاق اسباب كثيره من ظمنها عدم القيام بالمسئوليات مثل الطبخ والتنظيف لاني فبيت اهلي الخادمه تقوم بكل شيء فكان كل شيء صعب علي

رد: خوفي الشديد من الزواج
 

هو اسباب كثيره مو سبب واحد بس انا في بدايه الموضوع ركزت على السبب النفسي اللي هو الخوف

رد: خوفي الشديد من الزواج
 

اذكري الاسباب الثانية للطلاق

رد: خوفي الشديد من الزواج
 

انا الان عرفت انه تعلقي بامي هو السبب الاكبر
لكن اللي ابغى اركز عليه هل فيه طريقه تخليني اطلع من ذهني هالافكار
يعني اقتنع انه الزواج شيء جميل نوعا ما
بزواجي الاول كنت اقول لامي اني باتزوج عشان اجيب اطفال كان هذا هدفي
بالنسبه لي ومع اعتذاري لكن انا اعتقد انه جزء من الخوف عدم تقبلي للرجال عموما والله ما ادري يمكن من التربيه ما ادري يعدوني في العائله عاقله جدا لكن ما يدرو انه بزياده وايضا ليس لدي اخوان بمثل عمري او اكبر مني كلهم اصغر مني بكثير

رد: خوفي الشديد من الزواج
 

الاسباب الثانيه اهمالي له بشكل عام
عدم القيام بمسئوليات الزواج وذكرتها قبل
ذهابي لاهلي بشكل متكرر دائما
ومع الوقت زاد البعد بيني وبينه وانتهى الامر بالطلاق

رد: خوفي الشديد من الزواج
 

:jj
لم تذكري شيء
المعلومات متقطرة نقطة نقطة ، ونحن نسأل لأن لها علاقة بالحل .

طيب
قبل زواجكِ بطليقكِ ، هل حصل خوف؟
وكيف تغلبتي عليه ؟
ومتى ذهب الخوف ؟
هل استمر الخوف وطلبتي الطلاق بسببه ؟

رد: خوفي الشديد من الزواج
 

اعتذر لا استطيع كتابه سبب من الاسباب لخصوصيته
ولكن اذا احببتم ان تساعدوني بدون ذكره فانا شاكره لكم
انا لا اثق في الرجال عموما ما اعرف ليش ما ادري ليش انا كذا
ما صار لي موقف ولا شيء يمكن طريقة تفكيري ما ادري
اشوف البنات مبسوطات زوجي ورحنا وجينا اجلس افكر ليش انا مو زيهم
ايضا انا متعلقه بامي جدا لدرجه بعض الاحيان اذا ابوي مسافر انام معاها على السرير
ذهبت لمستشاره بعد طلاقي عطتني نصائح زوجيه عن الطبخ والتنظيف و ووالخ بس ما تغير شيء مع اني الان بدات اتقن شغل البيت وايضا قبل طلاقي خطبني واحد وقبل الملكة غيرت رايي وكنسلت الموضوع وصارت مشاكل لي مع اهلي بسبب هالشيء

رد: خوفي الشديد من الزواج
 

أسبابك بسيطه
لست مؤهله لتحمل المسؤوليه ولست راغبة بها حتى وان تعلمت وأتقنت
جيبي شغاله لو بالساعة او بالأسبوع وهنا نقول نص المشكلة انتهت
الام كلنا نزور امهاتنا متى اشتقنا ونتصل كل يوم وهذا أكلمك وانا نايمه جنبها ونتضارب عليها انا وولدي 😂
😂
والسبب الرئيسي هو السبب اللي رافضه تقوليه حاولي تحليه بينك وبين نفسك .. اذا مو حابه تذكريه

رد: خوفي الشديد من الزواج
 

ربما سكر .. شكرا لكِ

رد: خوفي الشديد من الزواج
 

مارديتي على سؤالي

هل فيه موقف قديم عنف من ابوك اخوك موقف سيء حصل اي شي قديم

اذا لا اعتقد انك تعيشين في رفاهية وطلباتك مستجابة
تذكري ان طلبات اليوم تختلف عن الغد

تكبرين وتتغير طلباتك واحتياجاتك ولن تنفعك امك الا في شي محدود نصيحة لك فكري في المدى البعيد

رد: خوفي الشديد من الزواج
 

انا افكر في المستقبل البعيد .. لكن خوفي يمنعني من الزواج رغم اقتناعي باهميته
انا ما قلت لا اريد الزواج
وانما قلت اخاف من الزواج .. اخاف اتزوج شخص سيء ..

رد: خوفي الشديد من الزواج
 

سارة
السبب مو تعلقك بأمك... وان قلتي هذا الشيء انتي تخدعين نفسك قبلنا

قد يكون في بداية زواجك انت ما اهتميتي فيه... فهو صار مايهتم ويوم بعد يوم توسعت الفجوة... ومن خوفك ان الزواج يفشل زاد تعلقك بامك

ياسارة ... الواحد مايضمن العمر... بكرى ماتعرفين وش يصير عليك وعلى اهلك... حلو يكون عندك زوج وعيال وهذه سنة الحياة... بعدين من قالك الرجال سيئين ومامعهم امان... بالعكس الامان كله مع الزوج واللي تقول غير كذا تكذب عليك ... بعدين طالما الرجل جاء لبابك هذا يدل انه شاريك وناوي يسعدك... والباقي بيكون عليك ...... ياسارة انتي تعديتي مرة المراهقة... الان لك قدرة تامة على نفسك،، وبنفسك تقدرين تصنعين سارة الجديدة... واذا كان الان فيه شخص يطلب يدك بكرى ماتضمنين ممكن يكون مافيه... انا اقول هذا الكلام وانصحك مثل اختي والله...

رجاء فكري بكلامي... واتركي عنك هذه الافكار... حاولي مرة مرتين وثلاث... اذا مساعدتي نفسك ماراح احد يساعدك ...

الله يسهل امرك

رد: خوفي الشديد من الزواج
 

ياسارة حتى الرجل يقول اخاف اتزوج وحدة سيئة
كل شخص فينا يقول اخاف اتزوج الشخص السيء
هذا شيء طبيعي ... ومايعتبر مشكلة ابدا

تدرين انتي تختلفين عنهم بايش؟ هم يخافون لكن يكملون المشوار... ثقتهم بالله وبانفسهم كبيرة... داخلين وهم عارفين ان المرحلة الجديدة هي اخذ وعطاء .. عارفين انهم كانوا يحلمون بشريك معين وبصفات معينة لكن ماتحققت مع ذلك مستعدين كامل الاستعداد على تقبل الوضع والسعي للتقرب من الشريك...

رد: خوفي الشديد من الزواج
 

كلامك جميل واستفدت منه الله يجزاك خير

انا ما اعرف كيف اتعامل مع الرجال عموما احس بخوف يمكن عشان مجتمعي جاف شوي مدري يمكن
احس بصعوبه اني اتزوج واكون على علاقه مستمره برجل ما ادري ليش اتخيل دايما الرجال صعب التعامل معهم ما افهم تفكيرهم كيف اتعامل مع الرجل اللي باتزوجه
كلامك سليم واعجبني واشكرك عليه استفدت منه وانا نفس رايك احسن يكون عندي بيت وزوج واطفال
لكن انا عندي فكره انه الرجال صعبين والمراه هي اللي تتحمل كل شيء ويمكن حتى لو ضحت بكل شيء مارح تحس بالامان يمكن يطلقها باي لحظه وياخذ العيال يمكن جهلي هو السبب والله ما ادري بس هذي الافكار تولدت عندي من اللي اشوفه دائما اقول لابوي انت تكرهني بالزواج

انا من داخلي اصبحت اعتبر الزواج شر لابد منه ..

ماودي اظل كذا ودي اتفائل واتزوج وانا مبسوطه مثل باقي البنات
بعايلتنا كثير منهم مطلقات واللي صابره عشان اطفالها
حسيت انه الاطفال هم السلسله اللي تربطني بالزوج واتحمله عشان الاطفال ما يتشتتون
عشان كذا صرت اخاف
بس انا ما ابغى استسلم انا جالسه احاول اعدل تفكيري ونصائحكم استفدت منها الله يجزاكم خير