|
زوجي كسر ضعفي
رمضان مبارك عليكم بادخل بموضوعي ع طول
اول شي اهلي مسافرين وبعييد حييل ومافي بالرياض غير بيتهم وللاسف ماخذيت نسخه للباب كل مااجي اخذ انسى الموضوع انه زوجي له كم يوم يروح يلعب طائره بالاستراحه مع اصحابه انا ابد مازعلت اذا مايتعارض مع مصالحنا ويعطلها مثلا نواقص بيت مواعيد او ملابس عيد وخلافه وبنفس الوقت لي حق كزوجه صار جدولنا كالتالي يصحى الصباح دوام يرجع العصر ينام لين الفطور يفطر يصلي نجلس ساعه مع بعض ثم بسررعه لدرجه يخطف قلبي وهو يراكض ويراكضني معه عشان يلحق المباراه بعد التراويح قبل يومين طلعني كوفي وماانبسطت لان له غايه بنفسه ولاني اكتشفت في خلال الجلسه انه هذي تسكيته لانه بينشغل بمبارياته قلت له ترى رمضان شهر واحد وياماسرع مايركض ايام وتروح استغلها بالعباده والصلاه وترى لذة التراويح مايعادلها اي شي المهم رجعنا واليوم الثاني راح ورجع بعد السحور يعني كل اليوم شفته ساعه وقت الفطور واليوم الي بعده قلت له باخلص اغراض العيد قبل العشر الاواخر لاني باستغلها بالعباده ومابي شي يشغلني قال اوك هذي صرافتي وباانزلك وجيبي اغراضك وانا بروح للاستراحه وافقت وع مضض اعرف النهايه بس قلت لاتستبقين نزلت وقضيت اغراضي وكل مااسحب من صرافته يرسل هذا لايش وهذا لاايش قلت ليتك نزلت معي وفكيتني خلصت الساعه 12 ونص راسلته قال تسحري بالمطاعم انا طلبت مع زملائي قلت اوك والله ماقدرت اتسحر وخلصنا وانتظر يرجع وانتظر الى حد الامن ماطلعوني من المجمع 😑 واراسل وادق يااخي خلي عندك غيره وخوف راميني من الساعه 9 لين 3 وجاء اخذني طبعا سلمت وعادي مابينت زعلي ماابي انكد عليه وصلنا البيت الاخ فجاءه قالب الوجه وش هالمبالغ ؟ قلت انا لي شهرين وانا خبرتك انه اغراضي منتهيه عطوراتي وعطورات جسمي ومخمريات شعري ومكياجي وهذي الي شريتهم البارح وادري انها كلفت بس هو الي ضغط نفسه وانا محتاجتها المهم زعلان ونام زعلان اعطاني الصرافه وعارف اغراضي ودايم يحاسب بنفس القيمه لي بس اناني وبقووه يبغى كل شي حق نفسه اليوم الصبح صحينا وبادرت صباح الورد حسب عادتي وهو رد صباح السكر للسكر اوك استانست انه راحت الزعل رجع من دوامه وانا اجهز فطوره واحنا نفطر قلت له حبيبي اليوم بروح المشغل اضبط حواجبي واعمل شغلات قال اوك خلصنا فطور يالله قومي البسي بوديك لاني مشغول وخذي الولد وبروح الاستراحه قلت حبي تنزلني وتروح الاستراحه ترجع الفجر وانا وش يقعدني كل هالوقت وشغلتي بسيطه قال يالله قومي البسي وبوديك وانتظرك تخلصين وارجعك واروح استراحتي قلت بالله اخد يروح بعد الفطور خلنا نرتاح شوي ونشرب شاي ونصلي التراويح ونزلني ويالله لو تشوفون كاننا حراميه نراكض ويالله بسرعه بسرعه قلت يافلان ترى الاستراحه مو ضايعه والليله عطني منه ساعتين وبعده روح وطلعنا ورحنا المشغل وخمس دقايق يدق ويراسل خلصتي ؟؟ ارسلت له تخييل انه انت رايح تسوي حلاقه او تنظيف كم وقت المهم تضبيط الحواجب ياخذ اربعين دقيقه وهو عارف دق قال اطلعي قلت شلون اطلع والحواجب لسى ماتضبطت وباقي فيها صبغ مو جاف مبلل قال اطلعي قلت شلون البس النقاب عليهم بيختربون قال حطي لثمه او رميه اي شي قلت تاكد مافي احد قدامي قال الوضع اوك بس اطلعي وطلعت وكان قدامي ولد اخته وولد اخته يناظر وبقووه فيني ركبت السياره قلت مين هذا ابغى اتاكد قال فلان بن فلان قلت الله يهديك لو انتظرت عشرين دقيقه بس لين ماتجف قام يصارخ ليه اخليها تجف وقام يصارخ قلت خيير ليه تصارخ وانا ماسويت شي غلط يكفي لي اسبوع وانا بالحالي اتسحر لحالي واقضي الليل كله لحالي ضربني ع يدي الي جنبه ضرب يوجع الي تبكيس يمكن اربع مرات مرررره اوجعتني وجع فظيع قمت ابكي من قلبي وقال طز فيك وطز بزواجي اهم شي وناستي رجع ضربني وانا ماتحملت لانه اتالم وضرب مره ثانيه ع الضرب ضربته بس ضربي يعتبر دلع بالنسبه له انهرت وجلست ابكي لانه اتقاوى علي وانا بالرياض الوحدي واهلي خارج السعوديه مافي احد منهم جنبي طلعت جوالي ودقيت ع ابويا قدامه لانه انهرت صرت زي المجنونه لانه اتالمت من ضرب يدي هو خاف وحسيت بخوفه وقف وقال انزلي عند الباب ولا اوصيك افضحينا وطلعي اسرارنا لاشعوريا نزلت اركض زي المجنونه من قوة الم ضربة يدي اعتبرها مو ضرب جسدي قد ماهو استقواء علي واهانه وكسر لضعفي ودخلت بيتي وابوي ماارد لانه تلفونه خارجي دخلت بيتي اتوضات وصليت وقرات قران وولدي معاي جلست معاه وتسحرت ورجع قبل السحور بربع ساعه يقول وين سحوري وهو بالعاده يتسحر برا مع اصحابه مارديت ولا حرف قلت ابغى اهلي قال خليهم يحجزون لك وروحي لهم ونام الحين وانا مانمت اتالم نفسيا من ضربته لي انا ايش سويت عشان يسوي كذا هو مبسوط معاي ودايم يقولها لي انا مبسوط معاك وكل الناس تحسدني عليك كل مايشوفني بالمطبخ او شغلي يقول انبسط واتمنى كل الشباب يحسون باحساسي اقسم بالله زميله داايم يكلمه ويقول ابغى اختها او وحده كوبي منها زوجي يمدحني عند اصحابه ويتفاخر فيني طيب ليه تسوي كذا معاي وانت عارف انه انا اسعدك وش اسوي معاه بكره اصلح له فطور او اطنشه لانه كسرني واحس بخذلان منه |
رد: زوجي كسر ضعفي
لا حول ولا قوة إلا بالله ما أدري وش أقول
الله يصلح الحال |
رد: زوجي كسر ضعفي
مافي اي مبرر
انا غلطت بااي شي يعلمني ينبهني زوجي متسرع وعصبي وانا تبرمجت على هذا الشي مابي اخرب حياتنا صرت اتنازل وانصهر معاه عشان المركب انا ماانكر افضاله بس والله والله انه انا من يصنع السعاده ببيتنا احلف وانا صايمه لو على زوجي كان هو وبس مايهتم الا براحته ورضاه بس حنان ونكدي وعصبي |
رد: زوجي كسر ضعفي
الله يفرجها عليك يا ملكة 💜
ماحسيتي وضعكم تحسن عن اول؟ |
رد: زوجي كسر ضعفي
الشهر مبارك 🌹
الله يفرج الهم ويكشف الغم صارحيه بالي كتبتيه لنا بأسلوب لبق وقوي .. بعيد عن الدموع |
رد: زوجي كسر ضعفي
اقتباس:
ولنا فتره طويله من اخر مشكله مرتاحين مافي شي ينغص علينا اشياء بسيطه لاتذكر بس هالمره ضربني بيدي وضربته تالم بحكم انه رجل وقوي وهو لما رجع قال ترى ضربه عاديه بس تحبين تتدلعين يعني مافي امل يحس بمدى المي |
رد: زوجي كسر ضعفي
اقتباس:
شايله هم فطوره ماابغى اطلع ويشوفني انا قفلت على نفسي باب غرفة ولدي ولدي نام مع ابوه مرره احس بذل من ضربته |
رد: زوجي كسر ضعفي
الله يفرج همك
زعلت عليك والله ، هل زوجك يأثر فيه عدم سواتك للفطور ؟ بمعنى يقتنع انك فعلا زعلانه ويمكن يجيك يعتذر ؟ ولا يقلبها مشكلة ثانية و يقلب الطاولة عليك ؟ |
رد: زوجي كسر ضعفي
اقتباس:
بس يدي تالمني وانتفخت احس بنار بصدري |
رد: زوجي كسر ضعفي
اقتباس:
والف سلامه عليك 🌺🌺 |
رد: زوجي كسر ضعفي
ملكه
تتقبلين كلامي طبعا الضرب مرفوض كليه بالنسبه لي بس بعد انتي الله يهديك فيك حنه ترى في رمضان كلن مشغول بحاله مايصلي تراويح الله يهديه شي له سالفه ماشوفه الا ساعه من فاضي لمن في رمضان اكيد بعد الفطور بتغسلي وتنظفي وتصلي التراويح وتقري قران وتريحي |
رد: زوجي كسر ضعفي
اقتباس:
الله يبدلها برد وسعادة قولي امين والله يقهرني موضوع الضرب يا ملكة وما ودي اقول كلمة واستأثم فيها لكن طالما انتفخت يعني يبغالك كريم كدمات و تريحين اليد كم يوم عشان ما تزيد اطلبيه تروحين المستشفى .. واكيد الدكتورة بتقولك ريحي يدك فقوليله .. ما اقدر اسوي فطور جيبلنا من برى ! وان شاء الله ما تمسون الا وانتم سمن على عسل . الله يصلح حالك |
رد: زوجي كسر ضعفي
اقتباس:
لا حبيبتي انا فاضيه له وماطلبت منه كل اليوم بس اشغالنا وحكاية المراكض الي خطفنا فيها مالها سنع انا ضد انه امور ثانويه تسرق الوقت من عائلته ومع ذلك انا انبسطت لما اشوفه مبسوط ويحكي لي عن سهرتهم ولعبهم بس حكاية المشغل ليش مايعطيني حقي واخلص اموري ليش شايف انه الوقت له وانا لا والبارح تاركني بالشارع الفجر تخيلي الساعه 3 الصبح لحالي مع الامن احنا متعودين اخلص شغلي بدري عشان كل الليل لنا هالسنه ماراح اضغط واقول كل الليالي بس انا برضوه احتاجه وابيه واستانس بوجوده بالبيت وفوق هذا مااعاتبت الا لما ماعطاني وقتي كيف اروح اصلح اموري واقضي شغلاتي دام ماعنده وقت لنا والوقت كله له عليه بالعافيه بس حسب الاولويات خلاص يجيب لي سايق ويروح هو بكيفه |
رد: زوجي كسر ضعفي
اقتباس:
ان شاء الله اصلا هي واضحه الانتفاخ والضرب المشكله والي حارق قلبي كنا مبسوطين وعشان وقته احرقنا بعصبيته ودمرنا |
رد: زوجي كسر ضعفي
هو غلطان
بس يمكن شله جديده وهب فيها وانتي ماعرفتي تعالجين الوضع بعد العناد و الاستفزاز والاجبار ما يجيب نتيجه ابد كان جلسه صفا ورواق تحل الامور الله يسخره لكم ويسخرك له يارب وبعدين ليه فاضيه له اشغلي وقتك دام هو ما يبغى يقعد بالبيت تحبي وجوده حلو بس اذا هو ما يبغى يكون موجود ماتقدرين تجبرينه واصلا وجوده حزتها ماله طعم امورك وشغلك نسقي معاه قبلها بمده وبلغيه شكثر بتقعدين بالمول او غيره وتفاهمي معاه |
رد: زوجي كسر ضعفي
مبتعثه انا مجبوره اروح اليوم المشغل
وضروري انا حاطه لنفسي وقت محدد من الشهر اروح فيه اليوم مفروض لي واعمل كامل الشغلات بس عشانه اجلت شغلات لين قبل العيد بيومين وعملت حواجب وبوديكير وشمع ومااخذت مني ساعه المشغل فااضي والعاملات سريعات وهو وداني وكان يسولف وعادي بس مسررررع الطائره لاحق عليها وش يستفيد منها وهو خاسر زوجته انا فاضيه له لانه عودني ماعنده غيري لااهل ولا اقارب اذا احتمعوا مره بالسنه فسخرت نفسي له والليله معزومه سهره وباروح واخليه سمعته يكلم صديقه ويقول مااحد جاء يلعب بس انا لحالي الكل اعتذر عندهم اشغال مع زوجاتهم اكييد انه حس بغلطته معاي واتمنى ذلك |
رد: زوجي كسر ضعفي
ملكة الأحساس
مابناقش موضوع الضرب لانه الكل عارفين انه شي مو تمام بس ابتكلم عن موضوع الفطور خلي الموقف في صفك وسوي فطوره حاولي اذا تقدرين مو بضغط على يدك بكذا مابتفتحين له باب انه ينبش ورا مشكله جديده وبيقعد يزن كثير وانتي ماسويتي فطوري ومدري شنو ومن هالكلام اكسبي الموقف صدقيني |
رد: زوجي كسر ضعفي
لفي يدك بشاش
وسوي فطور خفيف اكسبي اجر اطعام صائم اتوقع انه بيعتذر منك و يلطف الجو بس أتأخر لأنه نعسان و قاعد يوزن طريقة الاعتذار براسه |
رد: زوجي كسر ضعفي
اهلا ملكه كل عام و انني بخير
زوجك انسان ما يفكر الا في نفسه و يمشي على مبدأ مليون ليحه و لا ليحتي وانتي عارفه هذا الشي اكثر مني طبعا انتي ما غلطتي الا في مسألة انك تدخلين في امرو مالها داعي ترى صلاة التراويح ما هي واجبه يا اختي اذا كان عندك استطاعه مادية استخدمي سواق وارتاحي من وجع الراس واكيد زوجك ما عنده مانع |
رد: زوجي كسر ضعفي
زوجك غلطان..
لكن لا تدخلي أهلك بالموضوع حتى ما تكبر السالفة وينقلب الغلط عليك.. لو كلمك ابوك قولي بس اسلم واتطمن عليكم.. أمور صغيرة صرنا نشوفها من الضروريات الكبرى.. ما له داعي طلعة وسوق ومشغل لو تتمي بدون ثياب عيد إذا النتيجة ممكن توصل لخراب بيتكم.. انشغلي بمصحفك وخلي زوجك بطلعاته مرده يتملل ويرجع لك.. وزوجات أصحابه وضعهم مثلك.. خلي الزنة تجي منهم لما تتفركش ذي الطلعة.. قولي مو طالعة معاك إلا إذا فرغت لي يوم كامل.. ونفذي لا تطلعي سوق او غيرة إلا طلعة مريحة.. وبقاء الأسرة أهم من ذي السوالف حتى لو لك حق فيها.. وما بنموت لو ما جت.. ... .. . |
رد: زوجي كسر ضعفي
اقتباس:
شخصية زوجك من النوع اذا شاف ايدك ملفوفه بتأثر اكثر من كلامك له عن وجعك من الضربه... بس الزمي الصمت معه |
رد: زوجي كسر ضعفي
واضح يا أختي الكريمة إنه بينكم تفاهم ومودة كبيرة
لكن تحتاجون قليل من التنظيم وإنك تستفيدي في الأيام القادمة مثلا: إنتي عارفة إنه مشغول مع الشباب، كيف تجبريه يوديك المشغل (إجبار ضمني) ؟ المفترض تقنعيه إنه شغلك وتزبيطك عشانه هو بالدرجة الأولى وتتفقي معه على يوم يكون فاضي لك ماهو مراكض ويقدر يصبر الساعتين كاملة القصد إنه تتفقي معه على وقت للمشاوير، بالنسبة للسوق لازم يكون معك أو على الأقل يحدد لك مبلغ التسوق عشان محد يزعل بالنسبة لكثرة الطلوع (استغلي وقت قبيل الإفطار وما بعده في كسب قلبه والتحبب إليه) ****نصيحتي ******** اعملي الفطور وبعد المغرب خليه يشوف يدك وقولي له إنت سندي وقوتي كيف هنت عليك ومديت يدك على امرأة ضعيفة لكن سامحتك عشان مكانتك عندي أتوقع بتسمعي رد يسرك بإذن الله الله يسعدكم ويسخركم لبعض |
رد: زوجي كسر ضعفي
تصير تصير يا اختي ..
يعني بعض الاشياء مالها داعي يوم خلاج للساعه 3 مدري مايخاف ولا يغار عليج ولا شو بالضبط ؟ حاولي تزبطون اموركم بصراحه ماعندكم مشاكل فعليه |
رد: زوجي كسر ضعفي
اقتباس:
قررت اعمل فطوره ولو انه يدي جدا تالمني |
رد: زوجي كسر ضعفي
اقتباس:
ان شاء الله باسويه عشان اكسب الموضوع |
رد: زوجي كسر ضعفي
اقتباس:
وبالنسبه لصلاة التراويح هو يصلي منها جزء وهو مايقبل استاجر سواق وهو موجود الله يهديه |
رد: زوجي كسر ضعفي
اقتباس:
ولكن لي ماخذ على انه اتنازل عشان طلعاته وحابه اوضح شي انا مااجبرته ولا عاندته ولكن هناك اشياء تُقبل التنازل عنها وهناك امور ان تنازلت او اي انثى عنها لااصبحت حقوقها في مهب الريح يطلع وينبسط والله مااعارضه بالعكس مقدره وضعه ماعنده اهل واقارب قدرت هذا الشي والتعويض بالاصحاب بالمقابل لايضيعني يعطيني حقي لم اطلب قصور والماسات وسفريات حقوقي فقط الزوج يريد الخروج والاكل والتنظيف وتربية الابناء حتى ملابسه الداخليه يعتمد ع الزوجه وبعضهم يعتمد حتى بتنظيف نفسه ع زوجته طيب هل من باب الانصاف واحقاق الحق التنازل عن حقوقي اتنازل عن مايجعلني انسانه في هذه الارض ان تنازلت فسيستمر مسلسل التنازل حتى يطال اولادي كم اسلفت لااريد المستحيلات اريد الوسطيه |
رد: زوجي كسر ضعفي
اقتباس:
وخليني اشوف النهايه |
رد: زوجي كسر ضعفي
اقتباس:
الله يجزاك خيير وكلامك على التمام سااعمل بما اسلفت اخرا |
رد: زوجي كسر ضعفي
اقتباس:
|
رد: زوجي كسر ضعفي
اقتباس:
|
رد: زوجي كسر ضعفي
من حق كل الأعضاء أن يكتبوا رأيهم في المواضيع المطروحة
ولكن للأسف كثير من الردود تزيد الأضغان والكراهية والنفور مع إنه المشكلة الأساسية بسيطة...والعضو كتبها كوسيلة للتنفيس ولسماع وجهة نظر الأعضاء الكرام لكن يبنغي أن ننتقي العبارات بعناية حتى لا نكون سببا في تشتيت بيوت المسلمين أسأل الله أن يجعلنا جميعا مفاتيح للخير ومغاليق للشر |
رد: زوجي كسر ضعفي
السلام عليكم ورحمة الله وبركاته
أختي ملكة كنت أفكر فيك الفترة الماضية وابغى ارسلك رسالة خاصة عن طريق الادارة واليوم دخلت ولقيت مشكلتك .... الله يفرج همك ويبدل حالك لأحسن حال اختي ملكة انا متابعه لمواضيعك من سنة من وقت ما زرتي أهل زوجك في ديرتهم وبحكم ان بعض ملامح شخصية زوجي تشابه شخصية زوجك ابعطيك حل كلامي ما راح يكون عن مشكلتك هذي لاني ارى انها باذن الله اهون من سابقاتها ... كلامي راح يكون مجمل عن مسألة زواجك لاني بعد موضوعك في قسم ساعدني تمنيت ان ارد عليك لكن القسم ما يسمح .. اتوقع ان ماتاخذين كلامي بمحمل الجد او يكون متعب لك ... لكن فكري فيه كل ماتعانين منه من زوجك هو افرازات لاضطراب عنده في الشخصية منذ النشأة الأولى ومو مستغرب هذا الامر لأن حسب ما وضحّتي انتي انه نشأ يتيم والدين وامه ع قيد الحياة وهي اصلاً الان وهي راشده تفكيرها كما سبق وانك أشرتي- ولا اقول الكلام استنقاص وغيبه بحقها ولكن توضيح لحالها هداها الله واصلحها- يعني ما كانت ام مصلحة له ! الخلل الذي يعانيه زوجك لا يشعر به ولكن انتي تعاني من افرازاته كعشق النساء ومحاداثات التويتر و المزاج المتقلب و الحديه في الغضب و العصبيه ع اتفه الامور و و و هذي كلها اذا حاولتي تصلحيها راح تتعبي والنتايج راح تكون ضئيلة ونسبة رجوعه لماضيه كبيرة وانا عانيت مع زوجي في سلوكيات اخرى ولم انتبه للنقطة هذه الا متأخر نصيحة لك من اخت في الله مشت بنفس الطريق تقول لك ارجعي من ذه الطريق واسلكي الطريق الصح قرأت لك في رد ان ابوك قد ساعدك بمقابلة الدكتور طارق الحبيب بارك الله فيه وفي والدك ولدلك انا اقول ان استطعتي ان تتابعي لزوجك لدى دكتور نفسي سلوكي مختص وماهر واقنعتيه بالعلاج السلوكي ويبدأ معاه من الصفر صدقيني راح ترتاحي ولكن بعد صبر .. اما دورانك حول افرازات المرض وترك المرض ينتقل من عضو لعضو يفتك له ... صدقيني مضيعه لوقتك واستنزاف لطاقاتك واعصابك ونفسيتك .. وانا اختك الان اتعالج نفسياً بسببب اني ما تحملت زوجي والان خايفه ع اولادي من الشتات ورغم هذا كله رافض للعلاج وما وصلت لهذه النتيجة الا لأني كنت اظن اني بمقدوري اساعده انو يتخلص من عصبيته و من انحرافات سلوكياته بعد طلاق والديه وكنت اساعده واتحمله و ارضى بتغيّره الايجابي المؤقت وكان تفكير ساذج وغبي مني اسأل الله ما يحرمني اجر صبر السنين والحمدلله على كل حال وقدّر الله وما شاء فعل... اذكر كلمة ابوك لما قال وبعدين معاكم ترا انا تعبت منكم ... وانت عند طلاق وباذن الله ما توصلين لثاني و ربي يهديك لأحسن الطرق لاصلاح الحال .. لأن واضح حياتك من ارل يوم تعب بتعب والخلل واضح ومصدره زوجك ... الله يوفقك يارب |
رد: زوجي كسر ضعفي
طمنيننا عنك
|
رد: زوجي كسر ضعفي
مستجداتي
بعدكم جلست استغفر وقرات قراني الا زوجي يراسل واتس مارديت لانه اكره شي مراسل الواتس عمر الواتس ماكان مكان للتفاهم بالعكس كل الهواشات عن طريق الواتس ودق علي رديت سالني عن حالي قلت ابغى تحجز لي اروح لااهلي قال ابشري وشوي دق قال حصلت لك حجز يوم الاربعاء الساعه وحده الفجر قلت كويس موافقه حاول يتحركش سكتت مابي تفاهم بالتلفون ابيه يشوف مكان ضربته عشان اتاكد من ملامحه وكنت عارفه انه بيجي قفلت وارسل نصيه انا اسف عن ماقمت به من شد ليدك ودف راسك نعتذر يازوجتي انا زوجك وابو ولدك انا عارف لن تستطيعوا العيش بدوني بعد الله انتي زوجتي وام عيالي احبك وشويات رجع البيت وجاء يبي يحضني وشاف يدي انصدم قال احلفك بالله هذي مني ؟ قلت وش تشوف قال مستحيل انا اسوي كذا قلت تلوميني لما كنت اصارخ كنت اصارخ من الموت وشاف اصابعي منفخه اصابع يدي اليسار واليد الي تحت الكتف مجروحه ومشققه من قوة التبكيس لونها بنفسجي واخضر واعتذر مره اخرى قلت والله مااقدر اعذرك قال شوفي والله ماتروحين لااهلك وانا سبب هذا الي فيك وجلس يتعذر وانا شفت وجهه متالم بس ماعاد يعني لي مفروض يمسك نفسه قلت لو سمحت باجلس لحالي قال لاتصلحين فطور وراح جاب فطور من برا وجاب اغراض لسهرة صديقتي يبغى يراضيني بس طريقته غلط تكلف بقووه وصديقتي اصلا متكلفه مايحتاج بس جدا باالغ بالاغراض وانا عارفه يبغى يراضيني وافطرنا وبعد التراويح نزلني صديقتي وراح وارسلي انه بكره عازمني فطور بفندق اعتذار لي ونبهني مااحد يعرف سبب الي فيني قال دوري اي عذر اعرف انه تكلف بطريقة الاعتذار بس خايفه بكره بعد يمد يده وتوي اكتشفت من رسالته انه ضربني براسي هو حتى مايبي يعترف بكلمة ضربك يقول شديت مابغى ارجع زي قبل لين اتاكد انه ماراح يالمني زي هالمره والله والله شايله هم مستقبلي معاه الى متى واحنا بشد وجذب اي وقت يعصب مني اي شي ممكن ياذيني الى متى يعني ماادري وش اقول له ووش التصرف السليم معاه خصوصا انه اعتذر بس ابيه ماعاد يكرر الي سواه |
رد: زوجي كسر ضعفي
اقتباس:
والله يارزان اتمنى زوجي يتالم من طفولته واحزن لذلك واحتويته كثيرا الى متى وانا اعطي بحكم نضوجه وتعليمه ومستواه مفروض يعلم حقوقي دون ان اطالب بها الله يهدي امه تاثيرها عليه صفر ماعمره نصحته او احتوته او اعطته زوجي يحتاج امه ولكن هي مدبره ولا تريد الا ماله وتريده زوج لبنات اختها وحينما فقدت الامل انسحبت لاتتصل ولا تراسل وهو عاود بتذكر الماضي وقسوة ماعاشه انا اتالم معه واتالم له اقسم بالله اني تزوجته وهو خام كنت انصدم انه مايعرف واجبات الاقارب وماعليه وماله للمجتمع كنت اعلمه وافهمه بطريقه ماتنقص من قيمته امامي اذا احد توفى اخبره واحثه بعمل الواجب اذا احد تخرج او حصل ع وظيفه او انتقل لمدينتنا او جار او اصهار او انساب اخبره واعلمه بحكم انه كنت عايشه مع اهلي واشوف والدي ويبدي زوجي اعجابه بي ويشكرني لاني اوقف جانبه ولكن ماخصل في طفولته ومراهقته اتعبته واتعبتني وطلبت منه نروح استشاري نفسي وافق عالموضوع بس يااجل وكانه مايبي خوض الكلام مع احد غيري وانا متاكده لو تكلم بيرتاح وبيتعدل وباارتاح انا معاه |
رد: زوجي كسر ضعفي
ملكة.. أوافق رزان في كلامها تأمليه تمام
الإنسان اللي عاش طفولة قاسية مهما بلغ علو مكانته العلمية ومنصبه لا بد فيه آثار تبقى في نفسيته وشخصيته تأثر عليه مدى العمر .. ! لو حطيتي هالشي في بالك يمكن ترتاحي وتحاولي تعذريه.. مو شي سهل كمان تجبريه مثلا يروح لطبيب نفسي أو غيره ويتكلم عن ماضيه.. مو كل الناس باستطاعتهم الحديث عن ما قاسوه.. رغم أغلاطه وتعديه حدوده، بس شوفي حاول بكذا طريقة يطيب خاطرك ويعتذر لك الله يهديه ويسخره لك يارب.. |
رد: زوجي كسر ضعفي
حححاولي قولي ما راح أرضى ويطيب خاطري لين نروح انا وانت لطبيب نفسي صدقيني بيوافق
|
رد: زوجي كسر ضعفي
طيب اشراقه انتي صادقه
بس والله وبالله وتالله بذلت ومازلت ابذل اقولك لغيت كل شي عشانه ماعنده احد حتى قبل اصحابه هذول كان بيتوتي وانا اضطريت اكون زيه لو طلعت راح للبنات فقلت اختصري يابنت وتنازلي وانصهري معاه وعلى فكره هو مقدر ذلك مني وعلى فكره هو مايعطيني مصروف بس كل ماابغى يحضره انزل السوق واخذ الي بخاطري ونفسي فيه ومايمنعني نسوي فسحات وتغيير جو اول شهر رمضان غير لي الاثاث العام لما طلقني وترجعني وكان مدة طلاقي ساعه فقط اعطاني مهر هو فيه جوانب كويسه بس الاغلب سيء وانا مااجيت وكتبت الا ابغى حل وابغى حياتي الزوجيه انا ابغى زوجي وابغى اوقف معاه غيري يستغله وانا انبهه واحرص عليه صار لما يرجع من دوامه يعطيني تفصيل يومه تعود يسمع مني لما ابغى انصحه وهو متقبل ماابغى اتركه وابوي قال لي هالكلام زوجك طيييييب بس حاولي تفتحين عيونه انه الناس مو كلهم طيبين |
رد: زوجي كسر ضعفي
طيب ملكة استغلي هذا الحادث و خبريه انك خايفة يكرر مد يده
و صار الوقت حتى يشوف علاج عند متخصص الناس صارت اكثر تفهم للطبيب النفسي مش مثل زمان . يضغط على نفسه شوي و يجرب ما رح يخسر شئ الله يسخره لك و يصلحه |
| الساعة الآن 05:54 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©