|
تطلقت وانا صايمة
السلام عليكم ورحمة الله وبركاتة
اليوم زوجي طلقي بالثلاث وهي ادري تعتبر طلقة واحدة وهذا ثاني طلاق طلقني وانا صايمة وانا قلت له طلقني من كثر ما يجرحني بكلامة انا الحين هادية اخاف من الصدمة واخاف انهار بعدين انا احبه بس كنت دايم اقوله طلقني لانه ماذيني رغم تعبي المهم قدر الله وماشاء فعل اليوم اول يوم طلاقي وللحين ما استلمت ورقة الطلاق واحاول ابتدي من الحين ارفع عليه القضايا شنو رايكم |
رد: تطلقت وانا صايمة
لا حول و لا قوة الا بالله
الله يجيرك في مصابك ايش هي القضايا اللي ودك ترفعيها عليه |
رد: تطلقت وانا صايمة
وش نوع القضية؟
وليش هو يجرحك؟ وبنسبة لورقة الطلاق يتم استلامها من والدك او اخوك او انتي شخصيا الزوج ياخذ صورة فقط وبعدين اليوم السبت مافية محاكم |
رد: تطلقت وانا صايمة
أسأل الله أن يعوضك خيرا ويرزقك من حيث لا تحتسبين
وعسى أن تكرهوا شيئا وخير لكم |
رد: تطلقت وانا صايمة
فكري في الصلح يا اختي بارك الله فيج اذا فيه مجال
|
رد: تطلقت وانا صايمة
اقتباس:
قضايا كثيرة منها قضية يسدد الديون اللي اخذها باسمي |
رد: تطلقت وانا صايمة
عندك منه اطفال
|
رد: تطلقت وانا صايمة
اقتباس:
قضايا يسدد الديون اللي ماخذها باسمي وقضايا نفقة وعدة وكل شيء باخذه منه يجرحني بسبب مرضي النفسي ومرضي مازاد الا منه يعايرني بالمجنونة وقبل لايطلقني تهاوشنا على مشكلة بسيطة وضربني وكنت صايمة وماتحملت وقلت له طلقني وطلقني ورقة الطلاق انا استلمها شخصيا الطلاق الاول انا استلمتها |
رد: تطلقت وانا صايمة
اقتباس:
اللهم امين |
رد: تطلقت وانا صايمة
اقتباس:
ما اعتقد فيه مجال الان لان تعبانة نفسيا واحتاج الى راحة وعلى فكرة انا طلبت الطلاق ليس فقط بسبب مرضي ولكن نتيجة خيانة سابقة ونتيجة تراكمات مشاكل من السابق واثرت الطلاق لانني لم اتحمل |
رد: تطلقت وانا صايمة
فكري في الصلح قبل لا تفكري في الامور الماليه
و حاولي تتعالجي، الواحد يذوب متحمل اعباء الحياة فكيف يتحمل غيره |
رد: تطلقت وانا صايمة
اقتباس:
نعم 3 بنات اللي يقهرني بناتي يوم طلقني البنات يبكون ويقولون حسبي الله ونعم الوكيل بناتي الله يحفظهم اعمارهم 10 و9 و6 سنوات |
رد: تطلقت وانا صايمة
هل هو اب جيد لبناتك
|
رد: تطلقت وانا صايمة
اقتباس:
الاعباء المالية متحملتها صبرت عليه سنين وهو مايسدد اخذت منع سفر بسبب الديون اللي باسمي وكله بسببه وما قلت شيء صبرت لكن سبب طلاقي مو الامور المالية السبب الرئيسي هو خيانته لي وتوبته ومن خيانته انا انتكست حالتي والسبب اني كل يوم اكتشف شيء جديد الصلح الان ما يفيدني بشيء لاني انا مضغوطة وبارتاح ومالعيشه معاه تعب بس يغلط ودايم اقولة ماتقدر تتحملني طلقني لان انا الي ارتاح وهو يزيد تعبي وهمي |
رد: تطلقت وانا صايمة
اقتباس:
لكن معاملته لي متعبة احسه يحب يستفزني يكذبني دايما وهو اكبر كذاب |
رد: تطلقت وانا صايمة
يا قلبي اذا اب صالح لبناته أنصحك بالتريث ولك الثواب من الله وهذا يكفي
لا تظني ان الازواج كاملين كلا عنده تقصه والكمال لله يا عمري ثلاث بنات تكسر القلب والخاطر والله اني حنيت عليهم وهن ثلاثة بنات بعمر الزهور يحتاجون أبوهم معهم أعطي نفسك فسحة وأصبري والله مع الصابرين |
رد: تطلقت وانا صايمة
خذي فترة راحة مع نفسك
و اتركي البنات معاه فترة و لحد ما ترتاحي شهر عالاقل |
رد: تطلقت وانا صايمة
لا حول ولا قوة الا بالله ..
الله يجبر خاطرك .. يبيلك تجلسين عند اهلك اكثر من شهر حتى يتحسن الوضع ..ولعل الله يحدث بعد ذلك امرا.. وبالنسبة للمرض هذا حال الازواج الله يصلحهم الا ما رحم الله يجيب لها الضغط والسكر بعدين يعاير بها .. كان الله في عونك .. |
رد: تطلقت وانا صايمة
اقتباس:
صحيح لايوجد انسان كامل لكن لمتي الصبر صبرت وانا اتالم من الداخل ولا احد يحس خانني وصبرت وبعد كل ذلك انكر وصبرت ولمدة ثلاث سنين كاتمة ابكي لحالي ولا احد يعلم مابي الا ان ضعفت ولاحظت ولدتي ذلك واخبرتها وجلست عندها زعلانة وبعدها تاب ورجعت لكنني رجعت غير رجعت امراة محطمة حاولت انسي خيانته لم استطع فكل يوم اكتشف شيء جديد يجدد ماساتي انا فيني وسواس قهري كان خفيف ومو ماثر على حياتي لكن بعد خيانته زادت وساوسي واهملت كل شيء وعجزت ان ارجع مثل اول على فكرة فيه مواقف لو اذكرها تدل على سذاجتي وعلى خباثته لكن حسبي الله ونعم الوكيل |
رد: تطلقت وانا صايمة
اقتباس:
البنات انا قلت له تبيهم اخذهم بس قال اخذيهم لانه مديون وماعنده مصرف يصرف واذا بيطلع يخليهم عند منو |
رد: تطلقت وانا صايمة
اقتباس:
ما اعتقد ارجع له لان اكيد بيتزوج وانا اكيد ما ارجع له مع زوجة ثانية لان هو يوم طلقني اول طلقة بنفس يوم طلاقي تزوج انا احتاج راحة ومضغوطة بس محد يحس انا صحيح احبه لكن هو ماراعى نفسيتي وضغوطاتي مع اني صبرت عليه بس هذول هم اغلب الرجال ما يفكرون الا بنفسهم |
رد: تطلقت وانا صايمة
انتي الان مضغوطة و لا احد يلومك على ردة فعلك
لكن ان شاء الله بعد تهدين و ترتاحين و تفكرين بهدوء راح تتخذين القرار الصحيح |
رد: تطلقت وانا صايمة
اولا السلام عليكم ورحمة الله وبركاتة
اسمحيلي اختي اعتقد زوجك مش ملاك ولا نبي مبتعث من رب العالمين ياكثر الرجال اللي يغلط ويرجع وهذي غريزة البشر ولا اعتقد انك ملكة جمال اتمنى تسمعي كلامي للاخير 1- زوجك يجب ان لايمد يده 2- تتطلقين وتدفعيين ديون 3- عندك ثلاث بنات 4- زوجك شكلة مو متعلم وباين عليه يبي يعيش وهو خاش في دوامة نفسية بسبب قلة الحال لانه سعودي ووضع البلد مرة تعبان ((((صدقيني هو يحبكم ويحبك لكن انتي تظغطين عليه))) حاولي تكسبية وتكونين بلسم له لانه مديون ويالله من هم الدين والتعب النفسي اساليني جالي السكر والضغط بسبب الدين حتى ام عيالي مع اني احبها وصابر على غثاها وتسوي نفسها طفلة مرة قلت لها (((ممكن تاكلين _____))) بس ماعمري مديت يدي عليها لانها ام بنتي حاولي انك ماتكبرين الجرح ومسحه على راسة وقبلي راسة وقولي انا غلطانه انا احبك صدقيني راح يتغير للاحسن انتم متزوجين فوق 12 سنة يعني يحبك (((طبطبي عليه احسن من انك تعورين قلبة كفاية هم الدين والزمن ))) |
رد: تطلقت وانا صايمة
اقتباس:
ما اعتقد اني ارجع لان هو يعتقد اني اكره وانا والله ما اكره لكن من كثر الضغط اللي عانيته وكنت دايم اقوله ماتقدر تتحملني طلقني لاني والله كنت امر بحالة الله وحدة العالم بها لكن الحمدلله على كل حال احبه لكن افكر في كلامه الاخير واكرهه وما اعتقد انه في يوم بيرجعني لانه يوم كنت باطلع واروح لبيت اهلي دعا انه الله لايوفقني والله يبلاك بمرض ماتقومين منه لكن ما اقول الا حسبي الله ونعم الوكيل |
رد: تطلقت وانا صايمة
اقتباس:
ماهو السبب اللي يخليه يقول هذا الكلام |
رد: تطلقت وانا صايمة
اقتباس:
وعليكم السلام ورحمة الله وبركاته صحيح زوجي مو ملاك وكل واحد له عيوبه لكن انا قلت له مثل ماتحملتك 3 سنين تحملني واذا ماتبي تتحملني طلقني علشان اشوف نفسي وارتاح انا كنت دايم اقوله طلقني يوم خلاص يقعد يهني ويغلط ويصارخ لدرجة يعايرني بالمجنونة ومدة اليد هذي مو اول مرة بس من قبل مدالايد هذي قلت له طلقني وحلف على القران انه بعد مايمد ايده على وهذي ثاني مرة يطقني فيها من بعد حلفه على القران لا زوجي متعلم وهو صحيح مديون لكن عمري ماضغطت عليه بالمادة لان الحمدالله امي وخواتي مايقصرون يشترون لي ولبناتي وانا ماتطلقت منه علشان الفلوس تطلقت علشان معاملته لي ادري هو يحبني بس شنو راح استفيد اذا هو يعتقد اني ما احبه والحين ما اعتقد الوقت المناسب اني ارجع له خصوصا ان اهلي خلاص دروا بمرضي ولازم اتعالج وبعدين افكر بالرجوع وما اعتقد بارجع له لان هو اكيد بيتزوج ويكون اسرة هذي طبيعة اغلب الرجال ما يحب الا نفسه |
رد: تطلقت وانا صايمة
اقتباس:
انا احيانا من كثر الضغط اقوله طلقني انا ما احبك وانا في الواقع اموت عليه ولو يعرف فعلا تفكير المرأة ماكان صار اللي صار لكن الحمدلله على كل حال وهو ساعات يقولي انا ادري انك ماتحبيني وعمرك ماراح تحبيني |
رد: تطلقت وانا صايمة
الرجال شخص كبير فاهم فلا نبرر تصرفاته ، لو أبوه يعامل أمه بنفس طريقة معاملته لزوجته راح يرضى بهذا الشي ؟ لا طبعا
مو عارفة هو شلون يحبج و يدعي عليج بمرض ما تقومين منه و يعايرج بمرض نفسي ، صحتج النفسية أهم، لا تضغطين على نفسج عشانه ، لا صابج الضغط و السكر و طحتي شيصير لبناتج ؟ لا تفكرين بس من ناحية أنهم يحتاجون أب ، الإصلاح يكون من طرفين ، ما دام هذه تصرفاته، ماله داعي تقعدين عنده ، البنات يحتاجون تربية في بيئة سليمة . يحتاجون أم أكثر من الأب بعدين الصبر مو معناته أنج تذلين نفسج و تتعبين نفسياً ، تصبرين على ظروفج الصعبة بس تكونين قوية مو تجزعين و تصيحين طول الوقت ، في مطلقات بس صبورات ، تتحمل عشان عيالها للأسف الأزواج ما تعدوا حدودهم إلا لأنهم حاطين في بالهم أن الزوجة ما راح تطلع و تحمل عطيتيه فرصة ثلاث سنين ، أظن أنها كافية ، شغلة أخيرة ألاحظها ، الموازين انقلبت ، صار المطلوب المرأة هي اللي تتحمل قلة أدب زوجها بحجة الضغوط و غيره من الأعذار المفروض العكس ، لأن المرأة انفعالية و عاطفية و الرجل يحكم عقله قبل عاطفته بالنهاية الطلاق قرارج ، بس لا تضغطين على نفسج لدرجة ما تتحملينها ، إذا راح تاخذين حقوقج ، اخذيها كلها سواء مالية أو معنوية ، لأنه حق كفله لج الإسلام و القانون ، بالنهاية العيب على الظالم ، و ادعي ربج |
رد: تطلقت وانا صايمة
اقتباس:
وطلبها لطلاق أيضاً يكون من باب اختبار لزوجها و ردة فعل الله يختار لك الخير و الخيرة |
رد: تطلقت وانا صايمة
اقتباس:
قريت ردك اكثر من مرة لانه فعلا ردك ريحني وخصوصا اني حاليا اشعر انني مذنبة ولن اشم رائحة الجنة لانني انا التي طلبت الطلاق غلطتي الوحيدة انني من اول ما تعبني ما زعلت ولاتحركت بغيت جالسة عنده لحد مافعلا انجنيت وتعبت في اول تعبي كان يرحمني كان دايم يصارخ ويطقني وكنت اسكت لانني كنت مقصرة في حقه وكل هالتقصير جاء نتيجة افعاله خيانته لي كنت اعاني وابكي وهو يزيد في ظلمه لي كان يعرف نقطة ضعفي لاني من المستحيل ازعل لان انا المقصرة لكن يشهد الله انني لم اكن مقصره في حقه باعترافه هو ولكن تقصيري جاء من بعد خيانته لي ومعاملتة السيئة لي بسبب مرضي الذي هو السبب في زيادة الحالة لدي اتمني اخذ كل حقوقي لكن الحقوق لاتاتي الا بالمحاكم وان ذهبت الا المحاكم ما فيه مجال للرجعه ابدا ولا اعرف ارجع له ام لا ان تحسنت واصبحت نفسيتي مرتاحة ولم يتزوج فلا مانع لدي من الرجوع لكن اخاف ان يتزوج واخاف ان اشتكيت واخذت حقوقي في المحاكم وتحسنت نفسيتي واردت الرجوع لن يرجعني وخصوصا انه اخذ لدي مبلغ من البنوك الربوية وانا والله لم اكن اعلم انه ربوي والمبلغ كل شهر يزيد ولا اعرف هل اشتكي ام اصمت |
رد: تطلقت وانا صايمة
اقتباس:
اللهم امين |
رد: تطلقت وانا صايمة
يارب ساعدني
خذ بيدي وانسني همومي وكل مهموم يارب جالسة اتصفح موقع ثاني مشاركة فيها مشاكلي مع زوجي يارب على شنو احبه وانا لازلت مصدومة وغير متوقعة اني متطلقة طق طقني وخيانة وخاني وزواج تزوج على وبنفس يوم طلاقي واهانة كان يهيني وديون مغرقني وكان يستغل طيبتي في اشياء اسويها له وهي غلط بس سويتها علشان ارضيه ومع هذا يقول احبك وانا احبه عفيه قلب شنو هالحب يارب ان كان طلاقي وعدم رجوعي له خير لي فانزع حبه من قلبي |
رد: تطلقت وانا صايمة
المراه اذا تطلقت زاد حب زوجها عندها لانها يمكن تكون محسوده او فيها شئ وان شاء الله ربي يعافيك ويشفيك من مرضك
انا نفس حالتك احبه واموت فيه بس كنت اطلب الطلاق وهو ما راعاني في وقت تعبي ونرفزتي برغم علمه بمرضي من الحسد والعين بل كان يزيد في المشاكل يمكن بسبب العين الحاسده مدري وحتى اني اقله 24 اكرهك وحتى كتبتها في حالتي في الوتس اب برغم حبي له والله العظيم بس مدري كيف كنت اتصرف كلهم يقولون يمكن سحر تفريق مو حسد بس مدري عن شىء انتي لك رجعه حاولي الحين تنسين كل الماضي واتركي كل شئ ورتاحي وريحي نفسك مره حتى تروح عنك الامراض وتشفيين ولا تقررين الان واذا تزوج الله يستر عليه اهم شئ نفسك وصحتك عشان عيالك واذا لك نصيب راح ترجعين له |
رد: تطلقت وانا صايمة
اقتباس:
هذا هو فافضي لنفسي وارتاح لاني انا تعبانه وهو مايقدر تعبي بس المؤلم اني احبه وهو يحسب اني ما احبه وما اعتقد بيحاول يرجعني وما ادري شنو اسوي اذا استلمت ورقة طلاقي هل اشتكي عليه والا اصبر وهو لازم اشتكي على الاقل يتحرك ويسدد الدين اللي ما اخذه باسمي واللي كل شهر تزيد المديونية لانه شركة ربوية |
رد: تطلقت وانا صايمة
ربي يكتب لك الي فيه الخير
اصبري اتركيه فتره وشيلي كل شيء من راسك لاتفكرين باي شيء فقط ريحي نفسك وجسدك واقضي ماتبقى من الشهر الكريم بين صلاتك ودعائك وقراءة القرآن والصدقه من احب ما تملكين والذكر والاستغفار ربي يشرح صدرك وييسر امرك لما فيه خير لك ربي يشرح صدرك |
رد: تطلقت وانا صايمة
تحري ليلة القدر وأدعي ربك والله كريم
وان شاء الله تفرج وترجعون لبعض علشان البنات الثلاثة والله يكسرون الخاطر |
رد: تطلقت وانا صايمة
اقتباس:
السلام واشرحي الحاله وانك مو هاين عليك تدخلي الناس بينكم عشان سمعت بناتك وحبك لهم وانك تخافي على سمعة ابوهم لانها شرفهم ومالك رغبه تروحي محاكم ومن هذا الكلام بس ترى محاكم من اولها ما انصحك مو عشانه بس عشان سمعت البنات لانهم راح ينقدون عليك اذا كبرو في المستقبل بانك جرجرتي ابوهم للمحاكم وكمان نصيحه من اخت لك لا تقوليين لاحد ان زوجك كان فيه وفيه حتى تحافظي على سمعة البنات لان سمعتهم غاليه وراح يجي يوم من الايام مو شرط الحين بعدين في المستقبل ان احد يعيرهم فيها والله يسهل لك ويوفقك ان شاء الله |
رد: تطلقت وانا صايمة
انتي جربي حياة الحريه فتره،،،اتركيه واتركي كلللل المشاكل ورا ظهرك ...جمعي نفسك وابدي بقوه بدونه..وشوفي الفرق بين حياتك اول والحين...وبعدها ممكن تتوجهين للصلح اذا تبين..
|
رد: تطلقت وانا صايمة
اقتباس:
|
رد: تطلقت وانا صايمة
اقتباس:
وهذا اللي صاير تاركته لكن انا عندي ديون منه وابي اتوظف واخاف ان توظفت يبتدي البنك ياخذ من راتبي بصراحة ما يستحق اني اسدد له وانا افكر بالرجوع لكن هو مايعلم بنيتي واخاف يتزوج وذيك الساعة مافيه مجال اني ارجع له والله يكتب اللي فيه خير |
| الساعة الآن 12:32 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©