هل تكفي 2500 لتجهيز العروس في الملكة ؟
 

السلااام عليكم..

تحية طيبة.

انا حقيقة لدي استفسار.. و الوضع هو كالتالي..

بعد العيد حفلة الخطوبة.. عسى الله يحيينا و يتمم على خير.

والان برسل لهم مبلغ للتجهيز للملكة..

طبعا كل الأشياء بتكفل بها.. من و إلى..

المبلغ فقط للعروس نفسها
تجهيز و صالون و فستان...
كم يكفي... ؟

لو ماسألتكم برسل 2500 احس تكفي... ولااااا؟

رد: سؤال للبناات.. بخصوص الملكة.
 

حفلة الملكة مافيها اختلاف من الى دائما دائما بكل المجتمعات على البنت واهلها..

اذا كنت ناوي "تكرما" تتكفل بكل شي فيكون عليه القيمة بلاش يكون بمبلغ ناقص يقصر عليهم..

بصراحة ابدا مايكفي..

انا اقول حطها بهدية لها بهاليوم افضل..

رد: سؤال للبناات.. بخصوص الملكة.
 

ما فهمت عليك..
الحين ما دري عن المجتمعات الثانية.. لكن عندنا ..
الحفلة بتكون ع أهل العريس..

و انا سؤالي.. هم طلبوا مبلغ تجهيز فستان و صالون.
ومادري كم ارسل لهم..
خصوصاا ماعندي خواات كبار....

ليه ماتكفي؟

رد: سؤال للبناات.. بخصوص الملكة.
 

هي تعتبر عروس مش تزين بنت عادية معزومة! فالتكاليف اعلى!

الفستان مو اي كلام.. ميك اب وشعر مو اي كلام

وكل شي مسعر اعلى اذا كانت عروس!

التجهيز مو مجرد زينة.. في تداخلات كثيرة

و اذا فعلا بتكشخ على انها عروس وبتلبس فستان ملكة

فالمبلغ بحاله مايجيب نص فستان!

رد: سؤال للبناات.. بخصوص الملكة.
 

اتوقع تحتاج العروس من5000الى6000ريال .. وفي بأقل بس الشيء اللي يجمل غالي..

وألف مبروك مقدما...

رد: سؤال للبناات.. بخصوص الملكة.
 

أول مره اسمع ان الملكة على العريس !!!! احنا الملكة على اهل العروس وتجهيز العروس سواء للملكة او حفل الزواج من المهر سواء ذهب كوافير وغيره ... اعتقد للملكة 3000 او 4000 تكفي

رد: سؤال للبناات.. بخصوص الملكة.
 

ارسل 3 الاف

رد: سؤال للبناات.. بخصوص الملكة.
 

احنا عندنا الملكه على العروس ..
2500 ماتكفي
دق عليهم واسالهم عشان تكون على بينه
واذا ماتبي احس 5000 زينه
الله يوفقكم ويسعدكم ويرزقكم

بما انه عاداتكم كذه أسأل امك وأختك هما أدرى بالعادة تجهيز الملكة على اهل العروس

مبروك مقدما والله يتمم عليكم على خير

http://www.66n.com/forums/showthread.php?t=259760

تفضل أخي رابط لمفضلة المقبلين على الزواج ان شاء الله تجد فيها الفائدة الكبيرة لحياتك المستقبلية

رد: هل تكفي 2500 لتجهيز العروس في الملكة ؟
 

رد: هل تكفي 2500 لتجهيز العروس في الملكة ؟
 

أنت ما اعطيتهم المهر ؟؟؟
اذا قد اعطيتهم ..خلاااص هم يتصرفون ..ولا يحتاج تتصل عليهم تسألهم ولا شي ..
ولا يحتاج تدفع شي الا اذا ناوي على هدية ..
طبعا هذا المتعارف عندنا .

رد: هل تكفي 2500 لتجهيز العروس في الملكة ؟
 

الحين الرجال يبي يعطي العروس
ليش بعد سوالف اول مرة اسمع الملكة على العريس 😁
وبصراحة بدال الكلام العام
اللي من نفس بلده ويفضل منطقته تعطيه اسعار تقريبية للمكياج والشعر والفستان حق الملكة
وكان الله غفور رحيم

رد: هل تكفي 2500 لتجهيز العروس في الملكة ؟
 

الله يوفقك اشوف المبلغ كويس وهو تكرما منك ...اختي نفس الشيء خطيبها ارسل مع اخته 2000 ريال تجهز نفسها ولا احنا ماطلبنا ولافكرنا

...((وكفت ماشاء الله فستان بالف ومكياج ناعم طبعا بالف ..))

رد: سؤال للبناات.. بخصوص الملكة.
 

توي انتبه انهم هم طلبو المبلغ
شوف انت حسب منطقتك ومدينتك والاسعار الي حولك وتجارب نساء العائلة .
جاوبت لانا من مدينة صغيرة والوضع المعيشي متوسط مافي فخفخة وكذا



اعطاها الفين تجهز

وجاب طقم ذهب ب3 الاف

رد: هل تكفي 2500 لتجهيز العروس في الملكة ؟
 

تسلمي.. الله يجزاك خير..

عطيتهم ثلاث الالف تجهيز.. لبعد العيد..
وحنا بعد نفس وضعكم..

شكرررا لك