منتدى عالم الأسرة والمجتمع - زوجي يشرب ..وكثير السفر !

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - زوجي يشرب ..وكثير السفر ! (http://www.66n.com/forums/showthread.php?t=260605)

قلب النايف

12-06-2015 11:35 PM

زوجي يشرب ..وكثير السفر !

السلام عليكم اخواني واخواتي... اعضاء هالمنتدى الطيب
ساختصر موضوعي واتمنى منكم مساعدتي بارأئكم ،،،،وانا اتقبلها بصدر رحب واتمنى منكم عدم التجريح او الاهانه لي او لزوجي 😔 ،، شاكرة لكم مساعدتي

فأنا الزوجة الثانيه واسكن عند اهلي وبعيده عن زوجي نظرا لظروف عياله واهله وعمله ونظرا لظروف عملي
ايضا واحنا ولله الحمد متفقين على هالشيء وماكو خلاف

زوجي عندما اكون عنده وااايد يهتم فيني واحس بوجوده كزوج من كثر الرومانسيه والكلام الحلو(( ويا أرض احفظي ،، ماعليكي قدي ))،،،

وهو بصراحه طيب حيل وشخصيه ووسيم ونحب بعض بس مشكلته يشرب بدون مايروح عقله وبعد يدخن واااايد وانا اخاف عليه من غضب الله واخاف على صحته كونه عنده الشريان التاجي ،،😔بعيد عنكم
والله يعطيه طولت العمر ولايحرمنا منه ،،،
المشكله لما ارجع لبيت اهلي مايكلمني ولا يطرش لي مسجات الا عقب ما انا اراسله حتى كلمة احبك مايقولها الا عقب ماطلبها منه ،،، لاواحسها بلاطعم ساعتها

زوجي وايد يسافر مع ربعه لتايلند ويعشقها وانا بصراحه كنت اشك فيه ولا يجيني رقاااد
لما يكون هناك لانه حسب ماسمعت انها بلاد شبهات ولما صارحته يقول انه عندي وسواس عجيب وغريب
وكل ما طلبت اسافر وياه يقول زين يعطيني تاريخ متأخر عقب 6 شهور
مادري صرت احس انه مايحبني من هالمعامله
صارحته وبكيت مره وقلت له انت السبب وعدم اهتمامك
قالي بكل برووود انه شرب ليلتها زيادة لعيوني ( احر ماعندي ابرد ماعنده )
قلت له ماراح اكلمك ولا اراسلك عقبها وبعد4 ايام قلت له اشتقت لك قال اعلنتي الهزيمة ؟! 😳

مادري اضحك 😂والا ابكي على خيبتي 😭

ولا يغار علي عادي اسوي اي شيء بدون اذنه ماعنده مانع ابيه يمنعني يقول شيء احس بوجوده بكيانه بس لاحياة لمن تنادي😭😭😭

ولما قررت الانفصال عنه قال يهون عليج تخليني وتبيعيني وانا احبج واموت عليج

وااايد محتارة وياااه صرت اشك في كل شيء يسويه مع اني مو مقصره معاه بشيء
شورو علي شسوي ويااه 😔😔😔😔😔😔😔

تم تغيير العنوان ليتناسب مع المضمون

(غدا اجمل)

12-06-2015 11:53 PM

رد: هل يحبني زوجي 😔😔😔!؟

كل الا حترام لا صرحة
بس انتي بتطلبي منو غيرة
هو ما بغار يعني الي بشرب
ما لغار على دين بتالي الي ما عندو دين
ما بعرف رحمي
بس ما بنفقد الامل فا حةولي تصلحي اذا ما قبل
انصح بلهجر و الابتعاد حتى يصلح حال زوجك اذا لم يصلح لكي الخيار
لكن يكون ليس محل ثقة ولا ما تطلبين من مبادلة الشعور او انكي تفاجئي
برسالة تعبير او ما شابه مما تتمنين
مشكلتك واضحة جدا هي سوء وضع اخلاق زوجك من ناحية
و نهزامك لي الوضع الراهن من ناحية اخرى اعتذر اذا رئيتي بكلامي تجريح
لكن احاول ان انصح لكي
اصلح الله حالك و حال زوجك

تاريخيه

12-06-2015 11:58 PM

رد: هل يحبني زوجي 😔😔😔!؟

الله يهديه الى الصواب

ملاذ*

13-06-2015 12:52 AM

رد: هل يحبني زوجي 😔😔😔!؟

يا اختي حاولي معه اول في حكاية الشرب والسفر 😮
الله يعينك ويسخره لك ويهديه يترك هذي البلاوي لو تركها بتنصلح اشياء كثيره بحياتكم..

ملاذ*

13-06-2015 12:53 AM

رد: هل يحبني زوجي 😔😔😔!؟

ولا تنسين الدعاااااء له بالهدايه..

زين ابيها

13-06-2015 12:57 AM

رد: هل يحبني زوجي 😔😔😔!؟

الله يعينج .. مو اكبر الهم يحبج او لا

حاولي معاه يترك هالبلاوي الزرقاء
الله يعينج ويهديه يا رب ويهدينا اجمعين

ينابيع الهوى

13-06-2015 01:23 AM

رد: هل يحبني زوجي 😔😔😔!؟

بس الشرب والسفر لهذه البلاد
اكيد هذه معروفة عندك من قبل الزواج
اذا سألتم عنه قبل الزواج......

الافضل تستفتي شيخ ... افضل...

روح الطير

13-06-2015 01:33 AM

رد: هل يحبني زوجي 😔😔😔!؟

مو مهم يحبك او لا

كيف ساكتة على الشراب و على سفرياته !؟
ربي يصلحكم

everything

13-06-2015 02:37 AM

رد: هل يحبني زوجي 😔😔😔!؟

بصراحه وبدون مجامله
لو بطل شرب وبطل سفريات
حيبطل يحبك

عارفه ليش

لانه يحبك عشانك صابره وساكته عن بلاويه

لكن لو زنيتي على راسه وزعلتي منه وخيرتيه بين نفسك وبين الشراب
وشوفي وقتها بيحب من فيكم اكثر !!!

ما اقول الا ان الله يهديه

ودمتم في حفظ الرحمن

Amani_A_

13-06-2015 02:54 AM

رد: هل يحبني زوجي 😔😔😔!؟

زوجك حاب انك ساكته و راضيه ... وعارف انك تحبينه لدرجه تغمضين عيونك عن عيوبه الكبيره ..
لا تسألين اذا يحبك او لا ،،،، اذا تحبينه لهالدرجه... لا تعورين قلبك ...الصلاح من الله ..
لكن نصيحتي لك انفذي بجلدك ... خصوصا مافي اطفال على ما اعتقد
الله يهدينا ويهديه...

ظل الياسمين1989

13-06-2015 04:25 AM

رد: هل يحبني زوجي 😔😔😔!؟

بقول لك شي بس لاتزعلين
أنتي في بلد وهو في بلد متى مابغى جاك
يعني كنه زواج مسيار متى تبينه يشتاق لك أكيد تعود على الوضع
وعارف انك تنتظريينه
اما بالنسبة للشرب ضامن انك ساكته وماراح تقولين شي يعني راضية
وبعدين سؤال ليه ماسكنتي معه لايكون زوجته وأهله مايدرون

سديم الذكريات14

13-06-2015 05:15 AM

رد: هل يحبني زوجي 😔😔😔!؟

اختي ماتخافين من الامراض المزمنة من هالبلد انتبهي لو اصابك مرض سيتخلى عنك القريب قبل البعيد استخيري في البقاء معه
الله يفرج همك ويصلح زوجك

Imalone

13-06-2015 05:51 AM

رد: هل يحبني زوجي 😔😔😔!؟

...

صراحه.. ما ادري شلون قبلتي به،،

هذا طبيعته عايش جوه لنفسه بالحلال والحرام.. ماتفرق معه..
و لا توقعين انك تشكلين اهتمام كبير بالنسبه له..

و ترى اغلب الاشياء اللي يسويها معك '..مجرد تمثيل.. يبي يعيش الجو فقط.

هذي تايلاند.. معروفه بلد الحرية.. مافي شي ممنوع الا القمار.
لدرجه يجيها الامريكان يبحثون عن حرية أكثر.. شذوذ و مخدرات..

ف' المدمن على هذي البلد.. هو انسان غير سوي.

نصيحتي لك اتركيه.. و ان شاء الله ربي يرزقك بزوج صالح '

Rudi	13-06-2015 06:31 AM

رد: هل يحبني زوجي 😔😔😔!؟

استغرب دمجتي موضوع السفر و الشرب مع الحب مع الغيرة

سوي اي شيء لمصلحتك قبل تجيك الأمراض

..

قلب النايف

13-06-2015 09:47 AM

رد: هل يحبني زوجي 😔😔😔!؟

اشكر ردودكم الطيبه
الشاهد الله اني نصحته ومايعدي اسبوع وما انصحه بترك الشرب والتدخين وهو يقول انه بدأ يخفف منه
بس مادري ان كان صادق والا لاء ؟
ومعظم ردودكم اني اتركه لانه يروح تايلند ،، انا قلت لكم مجرد شك وهو انكر هالشيء ويقول لي ليش ماتثقين فيني

اما اني اخليه فأنا وااايد احبه واحترمه وكلامه جدا لطيف معي ،،، ولو انه مقصر في تواصله معي ولايبادر

زين ابيها

13-06-2015 10:34 AM

رد: هل يحبني زوجي 😔😔😔!؟

ليش ما تسكنين معاه ؟

قلب النايف

13-06-2015 11:56 AM