بعد الملكة ,, وماذا يحدث اثناء الزيارة للخطيبه
 

السلام عليكم ورحمة الله وبركاته ..... لي اكثر من شهر وانا مملك واقوم بزيارة زوجتي في الاسبوع مرتين ونقضي ساعات كثيره مع بعض ولكن للاسف اغلب الاوقات لا نتكلم مع بعض
للخجل الموجوود من الطرفين السؤال هو ما الموضوعات التي نتعرض لها اثناء الزياره حتى نستغل الوقت الطويل في سعااده وماذا يقال في تلك الحضات من كلام غزل ورمنسي ومزح ونكت ومداعبات وغيرهاا من الموضوعات التي تسعدنااا اتمنى الاجابه عن هذه التساؤلات لاني في حيره من امري ,,,,,,,, ولكم مني الشكر الجزيل و الدعاء لكم مع الف سلامة

أهلا أخي الكريم ومبرووووووووووووك لي ولك لأني زيك :D خخخخخخخخخخ


المهم : :)

اسألها عن شخصيتها بطريقة غير مباشرة اسألها عن ماذا تحب وماذا تكره ولا تخلي كل النقاش يتحول إلى تحقيق .... لأنه يزعل شوي ولكن مرة اسألها عن الي تحب ثم تكلم عن الي تحب انت وحتى لو لم تسأل وحتى لو سكتت هي وخجلت وما تكلمت أنت لا تسكت لأنها بالأخير راح تسوي زيك ...

وتبي نصيحتي اخي الكريم :) :D

المرأة عجين الرجل فهو يصنعها كيفما أراد فأصنع بها كيفما شئت أخي الكريم والأفضل لك أنك تخليها مرأة صالحة علشان تحفظك وتحفظ بيتك و تحياتي

الحياه الخاصه.. نصيحة مجرب ..
اذا كانت هي تحرص على ذلك .. فلا تكثر من الروحات ولا حتى الكلام .. بصراحه ..
يعني في الاسبوع مره .. زين ..ومدة ساعه بالكثيييييير .
وحاول الدخول في مواضيع عامه .. وقليل من الرومانسيه ....واترك التصنع واحرص على ايضاح ماتريده انت من زوجة المستقبل بعيداً عن التكلف ...وبهدووووووووؤ .
اسأل الله لك التوفيق في حياتك .

سلاااااااااااااااااااااااااااااااااااااااام

إذا تبي تكسر الحواجز الي بينك وبين خطيبتك حاول أول شيء تكثر من السوالف في التلفوووون بهالطريقة بيخف الأحراج من كلا الطريفين ( أنت وخطيبتك ) وترى زين مرتين في الأسبوع يعني تمام وخليك على الطريقة إلى تحسها صح ومن ناحية السوالف يعني تسألها عن الأحداث اليومية إلى صادفتها بعد ما تقول لها أنت طبعاً أحداث وجدول يومك الحافل أنا مو قصدي يعني كل شيء في يومك تعال ورح قول لها بس يعني موقف طريف شيء ضايقك شيء أكلته من يد الوالدة العزيزة ومنها تعرف شنو تحب وشنو ما تحب وبتالي بيسهل عليها أنها حتى حي تتكلم ...




للمعلومية فقط

هذي كانت معاناتي وأنا مخطوبة يجي خطيبي ساكت وأنا طبعاً ساكتة ويطلع وهو ساكت وحتى لو طلعنا نطلع ساكتين ونرجع ساكتين اللهم الكلمات المتقاطعة إلى نقولها لاكن تعال شوفنا في التلفووون ... وأسفة على الأطالة

الحياه الخاصه .. مره ثانيه .. ( إلا كثرة الكلام بالتلفون ) انتبه !!!!!!!!!!!
مع احترامي وتقديري لآراء الجميع ....
يعني في حالات بسيطه .. ومحدوده .. وش مستعجل عليه .. كل شي ..
اذا جيتو في بيت واحد .. يجي مع الوقت وبالتدريج .. هذا اذا تبغى نصيحتي .. وبكيفك . ;)
يجيك احد ويقول لك ماهوب كلهم .. ماعليك منه .. اترك عنك ..
بالتوفيق .. والتسهيل .. آمين ..

اخي ورطان

مع احترامي ليش تنبه وتحذره لايكلمها

كثيييير وينتبه ولا يقابلهـا وكأني اشوف في لهجتك

تحذير وتخويف منهـا....

مهمـا كـان تراها زوجته اللي بتكون
في يوم من الايام اقرب له من امه وابوه
هي الحبيبة وهي الصديقة
مو معقولة بيبدا حياته بحذر وخوف معاهـا كذا تصير
حياتـه ماصلـة مالها طعـم ولا لـون
اعذرني اخي الكريم

لكن كل الرجال بداية حياتهم يدخلـون وكأنهم بيدخلون
حرب او بيقابـلون بطل من ابطاااال المصارعة الحرة

ترلى البنت تطيح في يدك بمجرد كلمة حلوة تقول لـها
ليه ماتسمعهـا من الكلام الحـلو وتبين شوقك لـها

مو دايمـا بين فترة وفترة عطهـا من الكلام الحلو
ووضح لها انك مرتاح لها وانك ........الخ

ترى البنت تمر بهموم ومخاوف في هالفترة

والذكي هو اللي يحتويها ومايزيـدها حسسها انك
مهتم فيها اسألها عن امورها وش اشترت وش سوت

وشـاورها في كل شي وين تبينا نسـافر وش تحبين سيارة
وش هي الالوان اللي تفضلينـها ترى كذا تحس انهـا مهمـة
وتتعلق فيك اكثـــر

واخيرا

اخي الكريم هذي فترة حلوة حاول تعيش
حلاوتهـا واسمع للي ينصحـك في شي يفيدك
ويفيـدهـا لاتبدأ حياتك بمخاوف وشكوك

تمنياتي لك بحياة سعيدة

اختك

بصراحه انا ما عندي اي خبره بس اشوف خليك على طبيعتك معاها وخليها محور اهتمامك وشاركها في كل شى حتى المواضيع الى ما تفهم فيها والي تخص البنات حاول تدخل لعالمها وخليها هيا كمان تدخل عالمك وقلها كل الى فنفسك عاملها على انها صاحبتك حاول تلطف الجو بالمزح ..
خد رايها في كل شىو ربنا يوفقكم ويسعدكم

السلام عليكم
طيب واللي خلها فلة هو خطيبة ما خلو ولا بقوا طبعا معدا (الجماع) وش تسمون ذا الفعل
يعني بعد الملكة لدرجة انها رات منه كل شيء من بدنه .
هل هو تهور ؟
هل له سلبيات ؟

وشكرا ،،،

طبعا أنت الآن في أحلا وقت ، صدقني هذه أحلا أوقات تكون فيها الزوجة في أفضل حالاتها لأنها بعد الزواج بتصير ثرثارة أسمع كلامي ( خخخخخخخخخخخخخخ ) مزحة لا يزعلون منا النساء .

المهم يا سيدي .

عني أنا .. كنت أحضر لمقابلتي لزوجتي كأني رايح الجامعة بجد والله ..
أجيب ورقة وأسجل المواضيع إلي ممكن أفتحها اليوم مع زوجتي ، عشان استفيد من الوقت معاها وبنفس الوقت أكسر الحواجز إلي بينا وعشان أقدر أعرف شخصيتها ، كنت عادة أسأل عن شخصيتها أخواتي وكنت اكتب رؤوس أقلام عن شخصيتها عشان أقدر أحضر موضوع يخليها تتكلم وتسولف فيه وارعف شخصيتها من خلاله ، وكنت أحاول أنتقي بعض كلمات الشعر لتكون لها نصيب من جلستنا وكنت أنتقي بعض الاحاديث النبوية التي تتكلم عن أمور الزواج وكنت أخرج من عندها وأنا وأياها في سواليف ونقاشات ما تنتهي ، لا إلا كان الوقت يمر وتجيني طردة طال عمرك بالتلميح ثم نكمل في المقابلة الثانية وأحيانا ما ننتظر نكمل في التلفون أول ما أرجع البيت ..

يلا عليك بالتجربة وبتعرف أن كلامي صحيح .

نقطة في بحــــر .. ماحذرته وخوفته منها هي بالذات .. الله يستر عليه وعليها ..
لكن قلت وجهة نظري .. قصدت فيها ان الكلام الكثير .. والله .. ماله داعي ..ارجو
قرائة ردي الاول بتمعن !

ماقلت له لاتشاورها في شي .. ولا تاخذ رايها .. بالعكس ولكن في اطار محدد ... شكرا

حاول تبتعد عن المكالمات الكثيره اللي مالها داعي ولساعات طويله حاول تختصر لسببين
الاول تشتاقوا لبعض اكثر
الثاني لمن تتكلموا كثير تيجي مشاكل لان الكلام

قسم كلامك معها ما بين جلسات رومانس صاخب , وجلسات تأسيس للحياة الزوجية , وجلسات تعارف ,,,

أنا فى رأيى ومن خلال تجربتى السابقة النقاش مهم جدا ، لمعرفة طريقة التفكير وطريقة النقاش ، لأنه هذه سوف تصير زوجتك وماعندك فكه منها ، حاول بقدر الامكان خليها تتكلم وتناقش ، واذامانجحت فى ذلك انا فى رأيى تخليها ، انا كنت ازور خطيبتى مرة كل اسبوع ، واجلس معها حوالى ساعتين ، وما كانت تتناقش معاى ابدا ، وبعد الزوج تفاجأت بأنه رأسها ناشف والنقاش معها صعب جدا ، ومن الصعب تغيير رأيها فى موضوع معين وعصبية للآخر ، حاول افتح معاها نقاش وزيل الكلفة بقدر المستطاع .
اتمنى لك السعادة

اخي العزيز..........هناك امر مهم وهو شخصيتك انت قبل كل شئ حاول ان ترى ماهي العيوب الموجوده فيك حتى تصححها فمثلا اذا لم يكن لديك تلك الجراه في الكلام مع الناس بشكل عام وجب عليك ان تبدا في كسر هذا الحاجز حتى تكون اصلا واقعيا وطبيعيا لكي لاتكون متكلف او متصنع في اسلوبك مع اقرب الناس لك ثم كن انسانا تلقائيا كما انصحك ان تكون صريح جدا لان ذلك سيعود عليك بالنفع اضافه الى انه ينبغي ان تظهر لها حبك واشواقك وتبدي لها رغباتك وما تحب وتسالها عن رغباتها ايضا بطريقه دبلوماسيه وان تكون رومانسيا وحازما وجادا ولينا اي اتبع كل الطرق والوسائل حسب ماتستدعيه الحاجه اي البس لكل حالة لبوسها وستجد نفسك وبدون عناء قد وصلت الى مرحله متقدمه من الاندماج وفقك الله ،،،،،،،،،،،،،،،،وشكرا