|
رغبتي في سكن والدي وزوجته معنا .. ولكن !
السلام عليكم ورحمة الله وبركاته ..
بقولكم شيء صارلي مدة أفكر فيه مدري خايفة أجيب لنفسي من وراه وجع الراس، ودي أقول لأبوي يجي يسكن عندنا هو وزوجته، بيت أمي كبير وفاضي مافيه غيري مع أختي والخدامة، صحيح أبوي يجي يتغدا معنا كل يوم أو يتعشى على حسب الظروف بس أحس مو كفاية ~ فاقدة زوله في البيت، يوم كان معانا كنت أحس بأمان وراحة أكثر، يكفيني بس أحس إنه نايم عندنا في البيت تالي الليل مابي شيء ثاني، لكن خايفة يصير فيه احتكاكات مع زوجته مع إنها هي طيبة بس أول بعيدة عنا وسكنها عندنا ممكن يخلي في تتشات يومية ! والأهم من كذا إذا فتحت هالموضوع لأبوي بشترط عليه كم شرط .. جناح أمي يظل زي ماهو ما تقرب منه أبد ولا تحلم تدخله أو تاخذه لها .. وزوجته حدها غرفتها باقي البيت ماتتدخل فيه من ناحية الأثاث وهالأمور .. أختي تشوف إنه نتوكل على الله ونكلم أبوي .. وبعد تشوف إن الموضوع سهالات إذا شفنا مرته قامت تلف وتدور معنا خلاص يرجعون بيتهم ! تم تغيير العنوان ليتناسب. مع المضمون |
رد: فكرة تدور في راسي من مدة
الله يرحم والدتك ويسكنها فسيح جناته ويخلي والدك فوق راسكن بالصحة والعافية
عزيزتي للصراحة شروطك ابدا مش عادلة بحق زوجة ابوكي كيف الها بس غرفتها وممنوع تتدخل بأي شي فهي امرأة ومن حقها يكون عندها بيت مستقل وتاخد راحتها فيه الافضل اختي تروحي انتي واختك تزوري الوالد يومين مع النوم عنده وعند زوجته وابوك وزوجته يجوا يزوروكن يومين بالاسبوع وهيك بيكون لكل شخص حياته واستقلاليته وبنفس الوقت اربع ابام مع لياليها رع تشوفي الوالد وتلات ايام كل في بيته احترامي |
رد: فكرة تدور في راسي من مدة
وأمك وش رايها؟!
ووين راحتها فيه؟! ليش ما تطلبين منه يعدل بين امك و زوجته ، بدل ما تجيبين لامك شي يقهرها |
رد: فكرة تدور في راسي من مدة
اقتباس:
وزوجته أنا ما بأظلمها إن شاءالله بتعيش معززة مكرمة طالما محترمة حالها وعارفة حدودها معانا وإذا بنغير شيء بناخذ رأيها بس القرار النهائي لي أنا وأختي .. واللي أقصده بشكل عام مابيها تعمل تغييرات في البيت .. أبغى لمسات أمي تظل باقية .. بالأول والأخييير هذا بيت أمـي وكثر الله خيرنا وافقنا تعيش معنا فيه ومحد له حق يغير فيه أي شيء بدون رضانا . |
رد: فكرة تدور في راسي من مدة
اقتباس:
|
رد: فكرة تدور في راسي من مدة
فرح كل امرأه تحب تشعر بأنها ملكه في بيتها ,,, ولها حريتها وخصوصيتها
والموضوع مو لعبه وتجارب اذا ارتحتوا معاها بتستمر بالعيش معاكم واذا ما ارتحتوا الله معاكم مو حلوه لها ولابوش ولكم ,,, ما دام علاقتكم معاها حلوه وطيبه فلا تخربينها بشروط وتجارب اما ترحبين بها ترحيب كامل وفقط ما تدخل جناح الوالده الله يرحمها او خليها براحتها في بيتها وكل واحد ينام عالجنب الي يريحه |
رد: فكرة تدور في راسي من مدة
بس نصيحتي لش تنازلي عن شروطش صعب تفقدين الام والاب وهو بعده عايش وعشان بيت واثاث
ممكن تندمين على كل لحظه قضيتيها بعيده عن جو وروح الاسره بسبب اسباب اعتبرها بسيطه وممكن تنحل باللين والتفاهم |
رد: رغبتي في سكن والدي وزوجته معنا .. ولكن !
مهما كانت زوجك والدك طيبة العشرة الا م يجي يووم وتختلفون
اذا مابتعتبروها من اهل البيت وهي ما بتعاملكم ع هالاساس راح تتعبون وتتعبون ابوكم ،، |
رد: رغبتي في سكن والدي وزوجته معنا .. ولكن !
اقتباس:
أنا مرحبة بها ترحيب كامل ويشهد الله مافي خاطري عليها أي شيء ولا راح أعاملها كـ ند أو عدوو، بس قبل ماتجي لازم نحط النقاط ع الحروف لازم تعرف إنها ( أشبه بالضيفة ) مش راعية بيت، وهذا الحق والحق ماينزعل منه .. وشلون أخليها براحتها ؟ وراحتي اللي هي قرب أبوي ؟! شلون أحصل عليها وأنا الأولى فيه منها ؟! الصراحة ذي الفترة مافي راسي غير هالموضوع، ماكنت متخيلة إن الوضع في البيت بدون أبوي بيكون صعب هالقد ! |
رد: رغبتي في سكن والدي وزوجته معنا .. ولكن !
اقتباس:
صحيح السبب الرئيسي لرغبتي في رجوع أبوي هو افتقادنا له، بس كمان فيه سبب فرعي أنا ذي الأدمية أجهلها أكثر من إني أعرفها، أبي أعاشرها وأعرف خيرها من شرها هو الواضح منها طيبة بس العشرة هي الفيصل، أختي مسكينة شخصيتها ضعيفة وماكول عشاها، لازم أتطمن عليها أشوف موية هالإنسانة اللي بتجي تسكن معاها لو أنا بعدت عن البيت لأن مستحيل أبوي يترك أختي لوحدها مع الخدامة في البيت لو طلعت، ف قلت أدرسها لها وبالمرة أعلمها على أنظمتنا في البيت عجبها خييير وبركة ما عجبها الله يستر علينا وعليها . |
رد: رغبتي في سكن والدي وزوجته معنا .. ولكن !
تكلمي مع ابوك .. و خلي ابوك هو الي يضع لها نظام للبيت ..
و يشترط عليها اشتراطات .. و أمك الله يرحمها .. تحتاج دعوة في سجودك و ما يهمها الان ابوك و لا يهمها زوجته .. و لا يهمها بيتكم .. هذا الواقع و الحقيقة .. الحياة الحقيقية لنا .. هي في الآخرة .. ابني بيت لامك في الجنة .. بكثرة الصدقة و الدعاء لها .. خلي هدفك انك تبني قصر لامك في الجنة .. عشان لما تقابليها في الجنة باْذن الله .. و أمك تشوف جبال من الحسنات لها و ما تدري من فين جات لها !؟ ربي يقول لها .. هذا من بنتك فلانة .. تتخيلي فرحة أمك !؟ :) صدقيني هذا الأهم لها من الدنيا الفانية .. |
رد: رغبتي في سكن والدي وزوجته معنا .. ولكن !
صح كلام روح الطير
مو انتي الاولى في ابوج ولا هي الاولى هي ايضا لها في ابوج مثل ما انتي لج انتي صح بنته بس هي هم زوجته حبيبي مو صح تخلونها تعيش عندكم بهااشروط كأنها داخله سجن ما اتصور فيه وحده بترضاها انتي واختج روحوا عيشوا مع ابوكم واذا ما عجبكم الوضع ردوا بيت امكم او خلوها تعيش معاكم من دون هالشروط عدا جناح الوالدة ما تلمسه |
رد: رغبتي في سكن والدي وزوجته معنا .. ولكن !
لا تدخل زوجة ابوك البيت البيت بيت أمك يمكن بعدين تسيطر على البيت هي وعيالها الي بيجون انتو بنات ومصيركم تتزوجن اذا كان بيت ابوك كبير روحو اسكنو عنده شوفو كيف الوضع هناك هل طيبه تجاهكم هل بترحب فيكم اذا طالت تتضايق منكم
|
رد: رغبتي في سكن والدي وزوجته معنا .. ولكن !
بصراحة .. أسلوبكِ وشروطكِ فيهما شيء من الإهانة!!
وكأن والدكِ وزوجته هما من يرغبان في العيش معكِ .. وليس العكس!! |
رد: رغبتي في سكن والدي وزوجته معنا .. ولكن !
اتوقع بتتضح عندك الصورة لو حطيتي نفسك مكانها
وجت بنت زوجك وعرضت نفس العرض.. لانها مشتاقة لابوها انتي مو صغيرة يافرح انتي راعية الحاجة.. وتحطين شروط؟! شروطك بكرا تحطينها ببيتك عند زوجك ما اعتقد في وحدة بتطلع من بيت هي الامرة الناهية فيه ويعتبر بيتها عشان تروح بيت هي "ضيفة" فيه و يتشرطون به عليها |
رد: رغبتي في سكن والدي وزوجته معنا .. ولكن !
حلو إهتمامك بتواجد والدك ما شاء الله عليه..
بس حتى زوجة أبوك مهما كانت طيبة لازم يكون لها رأي وكلمة في المكان اللي بتعيش فيه.. هي عايشة في بيتها اللي هو مملكتها معززة مكرمة، تبيها تجي تعيش في غرفة وبشروط بعد.. ومهما كنتم متفاهمين لا بد من حدوث صدامات مع الوقت.. بأقلك شي.. أنا مرة جبت الوالدة ألله يحفظها تقعد معي فترة.. يعني لها البيت وأحنا العتبة، أمي مو أي وحدة.. فلاحظت عليها أنها حزينة، وحساسة، ما تطلب شي، ولا تدخل المطبخ.. مع أني كنت أحاول أوفر لها كل شي، وقلتلها، البيت بيتك سوي اللي يعجبك.. لكن بعد فترة قالت يا ولدي أنا ما أرتاح إلا في بيتي، تكفى بأرجع.. وبعد إصرارها رجعت.. والله أنها تغيرت نفسيتها الحمد لله 180 درجة للأفضل.. فإذا تقدرين تروحي أنتي وأختك تعيشون مع أبوك أحسن.. وفقك الله |
رد: رغبتي في سكن والدي وزوجته معنا .. ولكن !
شروط تعجيزية ،
اقترحي على ابوك مثلا كل فترة يجي هو زوجته ينامون عندكم لا تفتحين على نفسك باب مسكر بوجه مشاكل كثييييرة لكن تقترحين تنتقل نهائيا لبيتكم وتكون ضيفة؟؟؟ حتى وان رضت بشروطكم واستبعد هذا الحقيقة والواقع انتو اللي بتكونون ضيوف .. مصيركم تتزوجون ويبقى لها تامر وتنهى ! هي اللي بتدوم مع ابوك وانتو بتزورونه بين فترة وفترة . اذا ما خانتني الذاكرة كان فيه اخت امارتيه هنا ابوها تزوج وجابها لبيتهم و ما ارتاحت لين نقلها لان شيء طبيعي بتعتبر بيت زوجها بيتها مو بيت زوجته المرحومة |
رد: رغبتي في سكن والدي وزوجته معنا .. ولكن !
اقتباس:
وأمي مهما سويت لها بظل مقصرة ~ الله يقدرني على برها وصلة أقاربها وحبايبها .. وأدري إنه مايهمها البيت ولا يهمها أبوي ولا زوجته ولا الدنيا بكبرها بس إحنا نهمها واللي يأذينا يأذيها . وعلى فكرة لا تعتقدين أنا أسوي هالشيء كنوع من البر، لا أبد ياااقلبي أنا أسويه عشان أحافظ على حلالها اللي تعبت فيه عشانا إحنا يابناتها مو عشان تتنعم فيه مرة غريبة !!! |
رد: رغبتي في سكن والدي وزوجته معنا .. ولكن !
اقتباس:
وقلتها من قبل صعب نروح نعيش في غير بيتنا، أختي تدرس، وأخواني وأخواتي يزورونا في الويكند، وغرفنا وحياتنا وعالمنا وذكرياتنا من إحنا بسن المراهقة بذاك البيييت .. مو سهل نطلع منه وننحشر في شقة نفس حجم شقق العرسان ! |
رد: رغبتي في سكن والدي وزوجته معنا .. ولكن !
اقتباس:
|
رد: رغبتي في سكن والدي وزوجته معنا .. ولكن !
اقتباس:
|
رد: رغبتي في سكن والدي وزوجته معنا .. ولكن !
اقتباس:
هههه ضحكت على سالفة إنتي راعية الحاجة ! لا ياقلبي جيته عندنا ماهي إكرامية حق لنا وواجب عليه يبقى معنا ! ترى اللي ساكنة فيه بييتي مو بييت الجيران ~ |
رد: رغبتي في سكن والدي وزوجته معنا .. ولكن !
اقتباس:
هي تجي لأن من البداية متوقعة بتعيش معانا، وترضى بشروطنا لأنه مالها حق في المكان . وإذا ماعجبها فتدبر عمرها محد غصبها هي اللي رضت بهاذي الزواجة .. وترى المثال اللي إنت قلته عن أمك الله يخليها لك ينطبق علينا مو على مرة أبوي مشاعرنا نفس مشاعر أمك، صعب بعد ماكنا معززين مكرمين في بيتنا نعيش ضيوف عند أحد .. لا ، و مو أي أحد مرة أبوي 😐 الله لا يجعله فال عزيز علي . |
رد: رغبتي في سكن والدي وزوجته معنا .. ولكن !
اقتباس:
|
رد: رغبتي في سكن والدي وزوجته معنا .. ولكن !
للأسف انتي تبين تهينيها ،،
بما انو ابوك تزوج فلها الدور الاول ف حياته مثل ما كل وحدة فيكم بكرى راح تصير وتزوج نصيحتي لك /خلي المرأة ف بيتها معززة مكرمة ،، |
رد: رغبتي في سكن والدي وزوجته معنا .. ولكن !
اقتباس:
بعدين مثل مارضينا بالهم، الهم لازم يرضى فينا !! |
رد: رغبتي في سكن والدي وزوجته معنا .. ولكن !
ليش هذا المنطق والاسلوب والتعامل معاها كأنها ند لج!
تخلين مكانها شاغر أو لا هذا مو شيء انتي تحددينه وتختارينه وما تقدرين تقولين ان انتي الأولى أو هي لأن في فرضيات العقل والمنطق انه لا تقبل المقارنة في شيئين غير متكافئين نقارن زوجة بزوجة الابناء ببعضهم الأب بالأم وهكذا دواليك اما مقارنة الزوجة بالابنة فهي مقارنة هزيلة وهزلية أيضاً انتي مو سهلة وواضح من اللهجة في الردود انتوا اخترتوا ان ابوج و زوجته يكونون بعاد والحين تبون تقربونهم واذا ما عجبكم الوضع تبعدونهم حتى لو طرحنا فرضية انهم وافقوا انتي شلون ترضينها عليهم ان تحركينهم مثل الآلات الوحدة منا تتزوج عشان تكون ملكة بيتها تمارس صلاحياتها كزوجة وكصاحبة مملكة لا تحاولين تلغين دورها .. إذا بنت الناس طيبة و رضت انتي المفروض ما ترضينها حبيبي خليهم في مكانهم وخلج في مكانج اريح لج و لهم فيه امور عيب تنقال مثل توصيفها بالهم هي سعادة حق ابوج ان شاء الله والله بل يجيب الهم هذا وانتي للحين ما شفتي خيرها من شرها هدي بالج |
رد: رغبتي في سكن والدي وزوجته معنا .. ولكن !
اقتباس:
ما لميتوها من الشارع.. لا تخلين عاطفتك تتحكم بلسانك وانتبببهي ترا كما تدين تدان واذا ناوية على كل هذا فخلاص خليها ببيتها واطلبي ابوكم يكثر زيارات باوقات ثابتة وانتهينا.. اما بشوف حياتي وبسوي وبسوي وهو خله معلق فيني مايصير! ابوكم اولى بنفسه وحياته.. لا زوجته ولا انتو اولى فيه.. لاترسمين القرارات وردات الفعل والحياة اللي تبينها "انتي" وتمشين الدنيا عليها وتنصدمين! القرار اللي اتخذتوه قررتوه بكامل قواكم العقلية.. ليش تشقون ابوكم؟ وأيوا صح اللي قلته.. انتي اللي محتاجة ابوك مو هو اللي محتاجك.. ولا تكلمينه بهذه القوة لان انتي اللي بتخسرين والبيت اللي هي ساكنة فيه برضو بيتها مو بيت الجيران وكلام زين كللله صح |
رد: فكرة تدور في راسي من مدة
اقتباس:
الله يرحم أمج .. بيتها فعلاً؟ يعني ملكها؟ والا هذي عبارة مجازية؟ |
رد: رغبتي في سكن والدي وزوجته معنا .. ولكن !
ايش هذا الاسلوب يا فرح
انا خفت عليها منك ! وخفت عليك من ظلمها ! لا تقولين تزوجت ارمل ما تزوجت عزابي ليه هو فيه فرق ؟ الزوجة حقوقها الشرعية ما تنقص سواء زوجها عنده عيال ولاما عنده !! سواء زوجها ارمل ولا عزابي ولا مطلق ايا كانت حالته ! بتطلعينها من بيتها عشان سعادتك و بتتحكمين فيها كانك مستقدمتها بفلوسك ! انت من الاخير تبغين تبنين سعادتك على تعاسة الاخرين ! |
رد: رغبتي في سكن والدي وزوجته معنا .. ولكن !
اقتباس:
وعارفة إنه مو أنا اللي أخلي مكانها شاغر بشكل مباشر، بس تعاملها واسلوبها معانا هو اللي يقعدها عندنا أو يطلعها من حياتنا للأبد . وأرجع أقول أنـا الأولى منها والأبدى وافتحي موضوع واسألي المطلقين زوجتك الجديدة ولا عيالك ؟! ترى ما يعاف عياله ويطير مع الحرمة إلا اللي مافيه خيير وهاذي حقيقة لا يمكن إنكارها . يمكن إني مو سهلة بس مو ظالمة وأعوذ بالله من الظلم وأهله، لكن مشكلتي واضحة وصريحة ما أحب اللف والدوران، ما أبي كل يوم نقولها يا خالة هذا ايه وهذا لا .. من البداية كل واحد فينا يعرف اللي له واللي عليه. راحتي عرفتها مؤخرا ! وجود أبوي قريب منا .. ترى مو شيء هييين تعيشين في بيت لا أب ولا أم .. يكفي لو تتعبين تالي الليل ماتدرين وش تسوين ؟ صحيح عندنا سواق بس هل يعقل أطلع معه للمستشفى بذاك الوقت لوحدي ؟! ولا أجلس أمسك الجوال وأدق على أبوي وأخواني عشان يجوون يودوني بهالوقت !! ترى ما أبغى أجيبه عشان أتغنج عليه قدام السنيورة ~ إحتياجي له أكبر . |
رد: رغبتي في سكن والدي وزوجته معنا .. ولكن !
اقتباس:
عمري ما خليت عاطفتي تتحكم فيني، بالعكس أشوف نفسي عقلانية ولو كنت غيير كذا كان سويت مناحة يوم تزوج وزعلت عليه وتركت له جدة بكبرها ورحت عشت عند جدتي وخوالي في مدينة ثانية وحرمت عليه شوفة وجهي .. بس يوم قال بتزوج قلت حقك .. عزيز وغالي .. اللي يريحك سويه . بس غلطتي رفضت يعيش معانا . والحين أبي أتلاحق وأصحح هالغلطة . لما يتزوج الإنسان سواء رجل أو مرة ويجيب عيال من صلبـه يصيرون أمانة في عنقه ليوم الدين، لازم يتحمل مسؤوليتهم ويعيش لهم ويشوف سعادتهم وين لأن الإنسان الطبيعي ( سعادته هي سعادة وراحة عياله غييير كذا هذا إنسان مو طبيعي اللي يجيب عيال ويشوف إنه أولى بنفسه وبحياته ذا أناني حرام فيه كلمة أم أو أب ) . . ولا هو عييب ولا حرام إني أصرح بحاجتي لأبوي، حقي ومن أبسط حقوقي أعيش في حضنه دامه حي، بس هذا مايعني إنه متفضل علينا لو جاء عندنا لا هذا هو اللي مفروض يصير من زمان، من متى البنت عندنا تعيش في مكان وأبوها في مكان ؟!!!!!! |
رد: رغبتي في سكن والدي وزوجته معنا .. ولكن !
اقتباس:
|
رد: رغبتي في سكن والدي وزوجته معنا .. ولكن !
اقتباس:
خلاص يا فرح .. خلي الوضع مثل ما هو ولا تفتحين باب ماله داعي ينفتح. يعني المسألة مب إن زوجة أبوج بتعيش معاكم في بيت زوجها كضيفة .. بالعكس حتى أبوج بيكون ضيف! لا تقولين أبوي ما راح يكون ضيف .. واحنا بناته وما راح نقصر فيه ! .. وتخيلي بس إحساسه وإنتي تطلبين منه يجي هو وزوجته يعيشون معاكم .. وفي نفس الوقت تتشرطين هالشروط ويهالطريقة! أسلوب وشروط جارحة جداً يا فرح .. لأبوج قبل زوجته. معاج إن الأب مكانه عند عياله .. لكن انتو عياله اللي فضلتوا الوضع الحالي واخترتوه بإرادتكم .. خلاص تحملوا نتيجة قراركم .. أو دوري حل ثاني ما تجرحين فيه أحد ولا تهينين فيه أحد .. والكل يكون مرتاح وكرامته محفوظة. لكن تدورين راحتج إنتي بس .. ومصلحتج إنتي بس؟!!! .. غلط. |
رد: رغبتي في سكن والدي وزوجته معنا .. ولكن !
إذا أبوج يقدر .. اطلبي منه يشتري بيت يضمكم كلكم. بيت يكون هو صاحبه .. وزوجته ما تحس إنها غريبة وعيال زوجها يتحكمون فيها .. وانتي واختج تشبعون حاجتكم بوجود ابوكم قربكم .. وبيت الوالدة يتم مثل ما هو محد يتعبث فيه. هذا الحل الصح يا فرح. |
رد: رغبتي في سكن والدي وزوجته معنا .. ولكن !
فرح مشاعرك اتجاه زوحك ابوك طبيعية جدا
وتخوفك منها ومما قد يحدث عندما تسكن معكم طبيعي جدا وحتى رغبتك في وجود والدك معكم في البيت امر طبيعي جدا جدا وهو المفروض ان يحدث ولا الومك ابدا في قرار رفضك انت واختك لسكن والداك وزوجته معكم بعد زواجه، زواج الاب بعد وفاة الام خصوصا على البنات الغير متزوجات صعب، صعب ان تري امرأة اخرى تحل محل امك كل يوم ولو كانت اطيب امرأة بالعالم شعور صعب . ومع هذا انا لا اؤيدك في قرار سكن والدك وزوجته معكم الان دعي الامور كما هي لعل الله يحدث بعد ذلك امرا ﻷن شروطك صعب تمليها على والدك ليخبر بها زوجته صحيح انتم اصحاب البيت انت واختك ولكن والدك بهذه الشروط سيكون في موقف محرج نوعا ما وقد توافق زوجته على الشروط في البداية ثم تبدأ تتذمر وتفتعل المشاكل مما قد يؤثر على علاقتكم بأبيكم. |
رد: رغبتي في سكن والدي وزوجته معنا .. ولكن !
اقتباس:
محد يلومك على تصريحك بحاجتك لابوك.. بس بالمعقول والمقبول والمعروف وبما يرضي الله مثل ماتبين حبيبتي بس مين قال لك انها منافسة ومين يفوز؟ قلتي الاب هذا اناني.. طيب والاولاد اللي يفرضون على ابوهم وضع معين وهم عاقلين وكبار وشايلين انفسهم هذول ايش تسمينهم؟ ويبونه يتحرك بمزاجهم ايش تسمينهم؟ قلتي بتخلين مكانها شاغر؟ يعني فرضا ماعجبتك وماتوالمتي معها وابوك مبسوط معاها.. بتروحين توزينه يطلقها مثلا ولا كيف؟ صرتي مسؤوليته لما اخترتي تكونين مسؤوليته.. بس لما بتسافرين وتدرسين وتسوين وتسوين صرتي برا الموضوع وماتقدرين.. انتي كبيرة وقررتي طريقة حياتك وصار.. والناس مو قطع شطرنج.. سؤال من متى البنت بمكان والابو بمكان المفروض سالتي نفسك هالسؤال قبل ماتقررين انه يبعد هو وزوجته.. ردود مهرة فيها كللل اللي اقصده |
رد: رغبتي في سكن والدي وزوجته معنا .. ولكن !
اقتباس:
مسؤولية الأب أو الأم تبدأ كبيرة ثم تصغر مع كبر الأبناء حتي تنتهي تقريبا ثم يصبح الأبناء مسؤوليين عن الأب و الام وراحتهم أما أن الأب أو الأم مسؤول عن عيالهم للأبد .. هذا شئ غير منطقي وغير طبيعي طيب أفترضي وافقكم وجاء وبعد فترة تزوجتن راح تطلعونهم برا : ) |
رد: رغبتي في سكن والدي وزوجته معنا .. ولكن !
اقتباس:
لما اتخذتي قرارج السابق بإبعاد أبوج وزوجته .. ما كان عندج بعد نظر ولا فكرتي في المستقبل ولا في أهمية وجوده كأب في حياتكم! والحين تبين ترجعين في قرارج أيضاً بدون ما يكون عندج بعد نظر .. وبدون ما تفكرين في وضعه هو وزوجته لما ظروفج انتي واختج تتغير!!! |
رد: رغبتي في سكن والدي وزوجته معنا .. ولكن !
اقتباس:
يعني حتى السعادة مستكثرتها علينا !! بعدين ركزي الله يهديك وش اللي أبني سعادتي على تعاسة غيييري ~ مين اللي دخل وتطفل على حياة الثاني إحنا ولا هي ؟ 😳 |
| الساعة الآن 07:07 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©