اذا كره الزوج زوجته هل يكره ابنائه منها...
 

السلام عليكم ورحمته وبركاته
اسعد الله اوقاتكم ..
استفسار..؟
نفس عنوان الموضوع
هل اذا كره الرجل زوجته يكره عياله منها؟
انا ابو عيالي مر ع فراقنا عنو قريب السنه ومرا ولا هو سآئل عنهم بجد اتجنن لو تركهم رضع مايفهموا ارحم اولادي الاثنين كبار وتربوا معاه معقوله مايحن لهم معقوله مايشتاق لهم ..
ولدي عندو جوال والله ولا عمره اتصل يسأل مطنشهم مرا
وانا كنت اشوفه قد ايه حنون ع عياله من الثانيه..
وحنون ع المساكين والضعاف لما جينا عند عياله اتبرأ منهم
نهائي مايسأل عنهم ولا يرسل مصروفهم
هم ابكاره اول فرحه له وش هالقسوه اعوذ بالله
طيب لا يرسل مصروف بس ع الاقل يأخذهم يسأل عنهم انا بعمري ماشفت اب كيذا انتو شفتوا؟؟
خصوصا بوضعي عايشين معاه فتره طويله وابكاره والله كانوا يحبوه وبنتي لسانها عسل ودايم تدلعوا وتسوي له مساج معقوله ماحن معقوله مااشتاق
فيه ناس كيذا.؟؟
ممكن انا اللي اشوفه بمجتمعي ومحيطي مافي زيو ابداا
فيه من هالعينات
الله يعظم اجر عيالي بأبوهم ويعوضهم بخير..

رد: اذا كره الزوج زوجته هل يكره ابنائه منها..
 

رد: اذا كره الزوج زوجته هل يكره ابنائه منها..
 

آمين يامهوره...
يسعدك ربي
وربي لو تشوفي الاستفهامات بعيونهم وانكسارهم شي يذبح القلب
مااقول الا حسبي الله ونعم الوكيل

رد: اذا كره الزوج زوجته هل يكره ابنائه منها..
 

طعن

لا تدورين عليه ولا تستجدين اي شي منه

خلك قوية عشانهم واستغني.. واحذررري احذررري انك تبينين ولو بدون قصد انك محتاجة دور الاب معاك بالبيت

حفزي شعور انك مكتفية وهم مكتفين.. حتى لو احساسهم بالعكس

الاطفال ترا يحسون اذا التصرفات جت من قلب ولالا


على فكرة.. هالتصرفات كلها متعمدها عشان تجينه وتلحقينه وتلتفتين له مثل قبل.. وهو باله طويل ماهمه لان عنده بديل

لا يضغط عليك باسلوبه هذا

رد: اذا كره الزوج زوجته هل يكره ابنائه منها..
 

رد: اذا كره الزوج زوجته هل يكره ابنائه منها..
 

ربي يسعدك فانتي
لا والله مو امبين مرا الحمدلله وقايمه بدوره وبدوري ع اكمل وجه والله يقدرني ع حسن تربيتهم والحمدلله بصفه عامه هم مبسوطين
بس برضوا مهما حاولتي يبقى ابوهم اللي بين فتره وفتره يفتكروه وتقريبا حاليا احسن بكثييير من أول بس كأم والله اشوف الاستفهامات بعيونهم بس ماينطقوا كأنهم فاهمينه
من ناحيتي خلاص انتهى ان شالله ويارب لك الحمد جدا مرتاحه الحمدلله ومبسوطه وكل يوم احمد ربي ع نعمه ..
بس موضوع عيالي هو اللي منكد عليا ساعات..

رد: اذا كره الزوج زوجته هل يكره ابنائه منها..
 

توقيعك موجع جداً يا طعن

وما ابي ارد لاني ابضيق صدرك
لكن ثقي ان اولادك هذولا بكره هو اللي بيلحق وراهم

رد: اذا كره الزوج زوجته هل يكره ابنائه منها..
 

فيه يا أختي عينات كثير..
البهايم تحن على صغارها أكثر من بعض البشر..

بس عاد أنتي عوضيهم باللي تقدري عليه, الله يكون بعونك.

رد: اذا كره الزوج زوجته هل يكره ابنائه منها..
 

الله لايجيب الضيقه ياياسمينه عادي ردي باللي بخاطرك بالي وسيع ..
ومتأكده بيلحق وراهم اذا كبر وضعف وطاح بس وش يعوض عيالي عن يتمهم وهو حي في اشياء ماتنجبر ولا تتعوض

رد: اذا كره الزوج زوجته هل يكره ابنائه منها..
 

هالعينات ليه مااشوفها بأرض الواقع
اللي اشوفه حتى السكير مايترك عياله
جربت مرا خليت ولدي يتصل عليه تصدق طنشه ولا رد عليه ولا رجع حتى اتصل عليه..
ومرا البنوته ارسلت صور لها وفيسات قلوب من وحدها فتح البي سي ولا عبرها..
فيه كيذا من هالعينات؟
الناس تكلمه وتنصحه وتحذره من عاقبة الظلم والتفرقه وعادي جدا ..
هو كارههم
هل كرههم من كرهه فيني..!

لان هذا اللي اسمعه ماحب زوجته مايحب عياله منها😕

رد: اذا كره الزوج زوجته هل يكره ابنائه منها..
 

اتوقع هذا طبعه حتى لو يترك زوجته الثانيه بيقفى عن عيالها مثلكم،، الله يخليكي لهم ويعوضك فيهم ..ماراح يضيعون بلا اب ،،ماضاعو اليتمين بالعكس انجح الناس،،

رد: اذا كره الزوج زوجته هل يكره ابنائه منها..
 

زهرتي طبعه بس مع عيالي انا عشت معاه وكنت شايفته كيف يحن ع الاطفال البعيدين ويلاعبهم وعياله ابدااا مو زي عيالي والكل شايف وملاحظ
انا خوفي نفسياتهم مستقبلا تتأثر
واليتمين ارحم من عيالي ع الاقل اجاوب واقول لهم ابوكم راح الجنه بس زي وضعي شو اقول؟!

رد: اذا كره الزوج زوجته هل يكره ابنائه منها..
 

انا بنتي عمره الان 4ماتعرف ابوها ولا تعرف يعني ايش اب
اوديها الحضانة ولاطفال ينزلون معها يقلون بابا جاء بابا جاء دخلتها السيارة قالت لخالها انت بابا قال لها لا
قالت لفو وتيمو اطفال الحضانه يقلون بابا
ابوها حنون ومسوي نفسه يخاف الله لكن بنته ماتعرفه

رد: اذا كره الزوج زوجته هل يكره ابنائه منها..
 

الله لايكسر لك قلب يارب
ممكن بنتك من الاساس ماعاشت معاه ولا عرفته احسن لها والله
الله يسخره لها ساعات اتمنى كيذا انو من الاساس ماعرفوه ولا تعايشوا معاه..
وممكن كمانه هو نفس الشي عشان ماكبرت ع عينه وكانت بعيده من الاساس ...

رد: اذا كره الزوج زوجته هل يكره ابنائه منها..
 

عناد فيش ونكايه ,,, يتشفى بهذي الطريقه يبي يحرق قلبش ويقهرش

افعال شخص مقهور ليش بعتيه قبل ما يعبيش

رد: اذا كره الزوج زوجته هل يكره ابنائه منها..
 

كل واحد وله اسبابة
بس مستحيل أب سوي يكره ابنائة او ما يبي يشوفهم

قبل لا اطلق ام عيالي كنت أعصب أحيانا علي العيال لا شعوريا

لأني أشوفهم حاجز و عبئـ علي أمام طلاق أمهم

بس يوم طلقت ارتحت وصارت علاقتي مع العيال ممتازة

بس هي إنجنت عليهم : )

رد: اذا كره الزوج زوجته هل يكره ابنائه منها..
 

اتوقع والله اعلم متعمد علشان يبي يكسر خاطرك وترجعين له من نفسك
لانه عارف نقطة ضعفك ولعب عليها
لكن يبقى ظالم ومتكبر
تحسبي عليه وربي بينتقم لك منه طال الزمان ولاقصر
اكررره هالاشكال الي ماترحم
من لايرحم الناس لايرحمه الله

رد: اذا كره الزوج زوجته هل يكره ابنائه منها..
 

عناد فيني شهر او شهرين وان طولها 4 شهور بس احنا كملنا السنه
واذا بيحرق قلبي قلبي انحرق خلاص من ايام كنت عندو وانتهى..
مقهور ليه هو تزوج كمانه ثالثه ورابعه وعايش حياته ينقهر ليه ..؟!

رد: اذا كره الزوج زوجته هل يكره ابنائه منها..
 

لا مو مستحيل هالشي صاير معاي
وش تفسر عدم سؤاله عنهم وعدم اهتمامه متبري منهم تماما ..
حتى لما يحاولوا يقربوا يطنش ويتهرب منهم..
اخذت الجوال من ولدي وقفلته وخبيته عنه خفت يرجعوا يتصلوا او يرسلوا له ويطنشهم ويظلوا مقهورين قلت احسن ينسونه !

رد: اذا كره الزوج زوجته هل يكره ابنائه منها..
 

شو اقول..!
فوضت امري فيه لله