|
من جد فضفضه !!!!!!!!!
[]
السلام عليكم .. اشكر وأهني كل المشرفين والاعضاء في المنتدى .. على ثقافتهم وحيويتهم وتفاعلهم .. اول مشاركه لي واللي اتمنى انها تكون منطلق لمشاركات .. انا من 3 سنوات وشوي الحمد لله (متصبّر) قصدي متزوج ! مافيه مشكله الا طبيعة الحرمه اللي ماعرفت وش تبي !!.. انا متأكد اني ما قصرت في شي اقدرعليه و(بعض) اللي اضغط على نفسي عشان اقدر عليه .. وعرفت بعدين اني حبووووب مره ..( وهذا ماينفع مع 70% من الحريم )بكل امانه بما فيهم اهلي.. شي متأكد منه تماماً عشان ما أظلم أحد خذت استطلاع من كثارمتزوجين اعرفهم ومنهم اخواني ( يعني معقوله كل حريمنا نفسيتهم وحده؟!) لكن بشكل عام وغالباً الحرمه بصراحه بكل حيادية .. هي ( مصنع المشكلات ) بدون ماتدري ! يوم اخطب .. وبعد الملكه وش حليلها .. الواحد مايدري ! يبغالها شهادات : خبير تحقيق + علم نفس + خبرة 3 طلاقات .. .. عشان يدخل في راسها يشوف وش فيه ! وعشان تسلم على عمرك .. والتوفيق من الله ثم الحظ اللي يطيحك في الـ 30% المتبقيه منهم. المهم.. رومانسيه وكلام حلو وتغزل بتوازن ومراعاة وكل مايتعلق بالود والرأفه مني في بداية الزواج ماطلعت بنتيجه .. طلعت بـ ( قـلق) ....................استغفر الله .. الين قررت اني اقطع ( ياعمري .. ياعيوني وكل مايتعلق بهما ) من قاموس (مخّي) اعوذبالله حتى ماعاد اعرف اقولها لعيالي ( 2 ) وخففت من لهجتي الهاديه ( الفطريه ) لانها ماتستاهل . والحين تقول لي ليش ؟ ماعاد تحبني ؟! وراك عليّ .. الحقيقه انا ماكرهتها .. لكن !!!!!!!!!! هذا قرار يريحني ( السفهه ) والجلافه المصطنعه .. اغلب الأوقات . وكل ماتخطي في شي سواءً تصرف منزلي او اجتماعي او حواري " بكسر الحاء " ( امحق حوار تعرفه !) انبهها واحذرها من الوقوع فيه مره ثانيه .. تجي اقرب فرصه وتكرر خطأها ! وبرضه انبهها .. وبعدين ! يعني بصراحه ( صابر ) ..احد الايام صارت زوبعه.. قررت اني ( أطل ...... ق ) .. وبعد 7 ايام بلياليهن في بيتهم .. .. قالت ليش .. وش انا مسويّه.. بهالسهوله تتخلى عني ! أهون عليك ! وهدت الامور .. واستسمحت مني .. (ولعنت بليس) .. قالت ايييييه .. مهوب عشاني عشان .. عيالك .. ورجعنا ( لشالا مالا ) الاسطوانه السابقه .. اكتشفت انها مالها علاقه في شي اسمه نقاش .. حوار .. وعي !! والمشكله انها جامعيه !! أمحق علم .. المهم هذا غيض من فيض مما أراه منها وش الحل .. اللي ماعنده وقت يكتب لي .. ويعرف بروفيسوراستشاري نفسي خبير في شؤؤن المتوهقين قصدي المتزوجين (وبخيص) يسعفني بعنوانه . وآسف على كثرة .. الحكي ( مهوب مني والله ) من اللي شفته ..لا حول ولا قوة الا بالله .. ودمتم . [/font][/size] تعديل بسيط ... المراقب سالم |
الحقيقة يبدو لي من كلامك انك شنيت عليها حرب داحس والغبراء واللي اكتشفته ان زوجتك فيها طيبه زياده عن اللزوم ( على نيتها)
طيب هل تعرف وشو راي زوجتك فيك بالضبط لأنه يمكن هي شايفه عليك اشياء وانت مو حاس .. اعلم (وراء كل سلوك نيه ايجابيه ) لاأضن انها تتقصد اغضابك بس يمكن ضغط البيت والمشاغل خلاها كذا وبعدين ما في أحد كامل راجع نفسك وتعوذ من ابليس وتذكر قول الرسول صلى الله عليه وسلم (خيركم خيره لأهله) والأن فيه دورات نسائيه تقام في كل مكان بهدف تطوير الذات وتقدم مواضيع مختلفه في فن التعاملات سجلها هناك وراح تشوف الفرق.. ومعليش أخوي خفف عنه الحصار لأنه يبدو لي أنك شخص متفهم لاتحرم زوجتك من حبك وحنانك .. |
اما حبا والا برك
يعني ماعندك وسط اخوي بعدين انت قلت في بدايه كلامك انك كنت طيب مرررره وهاذي يمكن هي مشكلتك معها دلعك الزايد لها يمكن هو السبب خلك وسط وريح راسك ....... بعدين ارفق لاتصير مطيور الله يوفقك وجميع المسلمين |
الحبوب على قولتك
ماينفع لان المراءه تعتبره ضعف لابد من الحزم وليس الجفاء غير اسلوبك معها واستخدم اسلوب الهجران بالفراش اسلوب مؤثر جدا وتخاف منه المراءه |
مشكورين ..
هـانـدي....لا داحس ولا غبرا.. ورايها فيني حسب مزاجها .. وحالة الموقف ..! مدري وشلون تجي ( على نيتها ) .. بعدين التفهم من طرف واحد متعب ! شكراً على توجيهك . toto15 .... وش دعوى .. انا قلت ( بتوازن ) .. وبعدين متى صارت الطيبه ( مشكله ) الا مع الحريم .. الــ 60% طبعاً ..ياربيه .. كل هذا ومطيور .. !!! شكراً .. دبدوبه ..ياسلام .. شفتي ان المشكله في راسها .. ( ليه ضعف ؟)ياعالم .. وبعدين والله العظيم .. لم اغفل جانب الحزم .. من البدايه ! الهجر بالفراش حصل كثييييييييير .. وتتعدل ايام ثم ...!!!!!!!!!!!!!!!!!! شكراً في انتظار ..المزيد من الخبرات .. |
سيدي العزيز....
يبدو لي من كلامك أنك قد قسوت عليها كثيراً لعدة اعتبارات.... اولاً / ينبغي أن تعلم أن .....معظم النساء ...عموماً هم نتاج نفس الثقافة لذلك ليس من المستغرب أن يتشاركن في الكثير من الأشياء قد يكون من أهمها غياب المعنى الحقيقي للزواج قبل الدخول فيه والنظرة القاصرة للزواج على أنه مجرد سفر وتمشية وحب - حياة جنسية أقصد - الوعي بالزواج وخطورة الإقدام عليه إلا عند التأكد من أن لدى هذا الإنسان كل الإستعداد بما فيها الإستعداد النفسي للدخول فيه ... ياصديقي نحن نولد في بيئة لابد لها أن تخلق شخصياتنا.... ثانياً / يبدو لي أنك تمارس ما كنت أتحدث عنه من هذا الوعي الخاطئ الذي يخلقه لنا مجتمعنا فأنت بدأت في اتخاذ سلوكيات كان من الواجب عليك أن لا تفكر مطلقاً في اللجوء إليها... الزواج يا أخي ليس معركة حربية... الزواج إما أن تعيشه بحب..... أو تتزوج فقط..... أو أن يكون أشد إيلاماً من وجع الأسنان |
ابن الرومي .. اشكرك .. كلامك حلو ..
(بدأت في اتخاذ سلوكيات كان من الواجب عليك أن لا تفكر مطلقاً في اللجوء إليها...) مافهمت قصدك !!!! ( والنظرة القاصرة للزواج على أنه مجرد سفر وتمشية وحب - حياة جنسية أقصد ) ..ياليت... كان زين ..! الدعوى جايه بطريقة .. غير ..شكل (الوعي الخاطئ الذي يخلقه لنا مجتمعنا) صح .. هذي احد اكبر المشاكل .. يعني يضيعون بعض بانصايح الغلط .. خليك كذا وكذا معه .. لاتخلينه كذا .. وصيري .. ...معه كذا .. وانا قال لي زوجي كذا ومايرد لي كلمه .. ورحنا وجينا .. الخ ... أشكرك على توجيهك .وفي انتظار المزيد |
اهلين اخوي ورطان
ياليت تبين لنا نوعية المشاكل اللي تثيرها زوجتك معاك يعني طلباتها كثيرة مثالا ماتنتهي او ماهي سنعة في البيت او ما تحترمك ؟ ويمكن انك كنت معودها على الكلام الحلو بعدين من موقف واحد قطعت وغيرت اسلوبك او طنشتها وهي تبغى تثير انتباهك لها مرة ثانية |
دلوعه مره .. لا والله من (موقف واحد) ظلم .. الله مايرضاه ..
ولكن بالعربي بعد ان طفح الكيل .. بإمكانك تاخذين خلطه من اللي ذكرتي ..اضافةً لأشياء .. يبغا لي اقعد متفرغ يوم عشان أدونها .. بدقه .... لكن انا زي ماقلت انسان ( سلس ) وأنسى بسرعه ..لأني بالعربي ( صافي ) ولا لي في المعمعات ..وكثرة الأخذ والرد .. مع ( شريحه معينه ) وشكراً .. أتمنى المزيد عشان .. اطلع بزبدة .. الردود .. :confused: |
أستشف من كلامك يا ( ورطان ) انك حذق وفهلوي , وتلقطها وهي طايره , بعد الأساليب التي استخدمتها مع زوجتك , ولم تبوء بالنجاح , بالنصيحو والهجر والذي هو أقسى العلاج , وكأني بك تمشي مشية الأعرج , ونصيحتة أخوية لك تزوج الثانية من امراة تخاف الله وليس شرط أن تكون جامعية , لكن تكون مستقيمة حتى تعرف حقوقك كزوج , فليست كل الناسء يعرفن حقوق الزوج , بل الكثير منهن يرين الفضل يعود لهن على أزواجهن , وما أعتقد ان هناك ما نع شرعي يمنعك من ذلك , فامضي على بركة الله , واستمتع بما بقي من حياتك بالحلال 0 |
من قال إن الجامعيه مثقفه؟
بعدين ياأخ الصراحه راحه ولا تكتم بنفسك وحاول تحل المشكله بينك وبينها وتعتبرها زيها زيك ولاتعاملها كأنها شغاله حاول تقوي شخصيتها ويكون لها راي ولا تستعجل توك في بداية حياتك ونصيحه لاوألف لاتدخل أهللك في حياتكم وأنت قائد السفينه بيد ك تغرقها وبيدك تمشيها |
جمر ...( وكأني بك تمشي مشية الأعرج ) وضح العباره ؟
(بل الكثير منهن يرين الفضل يعود لهن على أزواجهن) .. لو استشفيت لو 1% من هذا ... ... ماخليتها عندي دقيقه .. (الكي) .. هو آخر الحلول .. يبغاله تفكير .. مشكور .. عزيزي دبدوبه .. شكراً .. المرأه الحره.... هذا أنا ممشيها على الله ! و .من قال اني مدخل اهلي ؟ ماعاملتها كشغاله .. ولها راي في البدايه .. وكل هذا جا بنتائج عكسيه للأسف ! (وحاول تحل المشكله بينك وبينها) حاولت !! ..هل أخطأت في وضع هذه الاستشاره ولا كيف ؟!... شكراً |
يا اخوي انت تبالغ هي تبي منك اساوب معين بس انت نو منفذه يعني خير الامور الوسط لين من غير ضعف وانت اللي بادي تشن عليها الحرب حراام دلعها وشوف وشلون تتغير واترك عنك الاستفتاءات وخصوصا اخوانك فهذا اكبر دليل على انك انت اللي بادي الحرب والاستفزاز
|
غموض البحر .. ياساتر .. وش ذا ..
والله لابديت حرب ولا استفزاز .. انا كنت مدلعها باعتدال ورويه ومحترمها وكانت هذه النتاج والمحصلة .. والتي لا أتمناها كرد على سلوكي .. شكراً . |
.......انت مقفلها من كل ناحيه !! واللي حسيته من كلامك انك مقتنع بطريقه تعامل معاها وهي السفهه والحين المشكله انها تنق عليك ؟
يااخي هاذي الحياه !! لازم الواحد يمشي ويفوت ويطنش بعد عشان يعيش سعيد !! وبعدين وشدعوه هالاحصائيات اللي عندك !! 70% و30% وسع الصدر واذكر الله اصابع اليد ماهي سوا واترك عنك كلام الناس !! لاتسأل ولا تتعب نفسك !! كل واحد يقول شي وبينه وبين زوجته شي ثاني !! انتو يالرجال تاكلون وتنكرون :mad: مو الكل طبعا :d وبعدين شلون حكمت انك حبوب مره يمكن منت حبوب بالنسبة لها على العموم الله يعينك اخوي لا تزعل مني مافيش احلا من الصراحه جلسه وديه وكل واحد يفش خلقه وتمشي الحياه :) تم التعديل - عاشق محب |
أسيل .. ......( وسع الصدر واذكر الله ) (على العموم الله يعينك اخوي) احسن عبارتين قلتيها
شكراً تم التعديل - عاشق محب |
السلام عليكم ورحمة الله وبركاته
انا بصراحة انصحك بأن تاخذ اصدارات جاسم محمد المطوع عن كيفية فهم النفوس والحب بين الزوجين وكثير من الاصدارات وكل ماتسمع شريط سمعه مرتك بصراحة انا جربت الشريط وجاب نتيجة 100% بدرجة صارت بنفسها تاخذ عشان اطبق و عسى يجيب مع مرتك نتيجة والله يوفقكم |
كان الله في عونك ... :)
الحريم كذا ... أحياناً تشوف تصرفهم مثل البنات الصغيرات ... ولازم تتحملهم وتسايرهم ... AM7 |
يوم من الايام ..ويوفقك كذلك ، والله العظيم .. سلسلة المطوع كلها قبل الزواج وأثناء الملكه ..عندي واعطيتها زوجتي ..! وتقول لي آنذاك .. انها سمعتها !! شكراً .
AM7 .. وعونك وعون الجميع .. هذا الحاصل .. التصبر وارد .. ومطلوب .. شكراً |
ورطان ، لا تسمع كلام من قال لك تزوج بالثانية ، وايش عرفك انه الثانية تكون عسل ، ما يمكن تطلع اخس ، اقول لك شىء ، عليك بالصبر والدعاء ولكن لا تفكر فى الزواج الثانى أبد انصحك ، واحد صديق متزوج من ثلاثة يقول لى لو الايام دارت لوراء كنت فضلت فى المربع الاول ، مع انه مربع الاول كان مربع موت ما يطاق ، عشان كده تخيل انه بعد الزواجات دى كلها يختار المربع الاول ، اصبر ، وكثر من الدعاء ، ما قلت لنا عندك اولاد معاها ولا لا . عشان لو ما عندك اولاد بديك نصحية ثانية احسن .
تم التعديل - عاشق محب |
pinka2000 .. اشكرك ..
(يمكن تطلع اخس) .. :p كلامك منطقي .. صح يمكن ! من ناحية أولاد .. عندي ... :) شكراً لك .. |
ورطان : لو تسمع كلامى اصبر على مرتك سيبك من الهرج الكثير ، تصبر عليها ، هن خلقن من ضلع اعوج وايش نسوى
|
من السماء .. مشكور..
(الهرج الكثير ) .. أفا .. صار البحث عن حلول .. في منتدانا العزيز .. بربره يعني ! :( انا متصبر .. بس قلت .. يمكن القا.. حل ..سحري شكراً على النصيحه |
أخي الكريم
ورطان.. أعانك الله اولاً على التحمل والتصبر .. أخوي .. يعني مهما كانت زوجتك مأذيتك ,معقولة مافي شي فيها ايجابي يخليك تعيش معاها؟! تذكر .. اكتب لنا شو الاشياء الحلوة فيها,أناقتها مثلاً .. طبخها .. تربية الاولاد تعينك لو عندك تجارة .. ريحتها وشكلها دوم حلوين ... ماترفع صوتها تخدمك كثير انت وعيالك .. يعني شي من هالقبيل . بعد ماتذكر ايجابياتها وسلبياتها .. صارحها قول لها يابنت الحلال انا اشوف هالشي فيج وماهو عاجبني ..شو الحل غيريه او نوصل لحل وسط ! اذا كانت غير مُنظمة في حياتها سواء الاجتماعية او غيرها هناك كتب مترجمة عن فن التخطيط للحياة .. خلها تقراهم لان التغير مب سهل يحتاج لطرق ووقت وصبر .. ثالثاً .. عادةً نحن نتوقع من الطرف الثاني اشياء يسويها او يقولها بس توقعاتنا تكون فوق وردة فعله تكون غير .. اتمنى انك تتوقع اسوأ ردود فعلها عشان ماتنصدم بالواقع بالعكس تقول الحمدالله . والله معاك وعساك على القوة وانشاءالله ربي يفرج عنك وتتغير وتصير مثل الي في بالك! |
وسع صدرك وهذي ام عيالك بس ضغوطات البيت والاولاد والمسئوليه تخلي الوحده عصبيه
تم التعديل - عاشق محب |
همـــســـة .. والله كلامك منطقي وعقلاني
اقول .. هناك اشياء ايجابيه .. ولكن واجب وطبيعي من الزوجه تجاه زوجها ( مافيها جميل ) وانا ارتكاز صبري يعتمد على ( الشويتين ) الطيبه اللي فيها عند ذكر السلبيات .. تزعل ( تبغى تعديد الايجابيات وبس )! :confused: مثلاً على ماذكرتي (الاولاد) .. كثيرة التذمر والتشكي ( حد الازعاج ) عند حرمانهم لها من النوم ( بعد 7 او 8 ساعات نوم ) هذا مثال فقط ! :rolleyes: ياكثر ماقلت ( غيريه ) ابتعدي عن هالتصرف .. و .. و تترك تصرف سيء واحد وتستمر على ( او تختلق ) عشره !! :mad: الله يهديها .. آمين .. واشكرك على النصيحه والدعوات الطيبه .. ماربيا : اشكرك على الإطراء والنصيحه .. |
اممممممم شكلها مرتك ما تحب حد يآمرها ولا ينتقدها
ياخي طنشها والله تموت قهر لان الحريم اكره ما عليهم اذا يتكلمون وماحد يسمعهم اذا كلمتك لا ترد عليها ( طبعا مو على طول ) واذا سئلتك ليش قولها ياخي ما تسمعيني وانا ما بسمعج,ومثل ما كلامي ما يعجبج كلامج ما يعجبني اذا عجبني برد عليج ( ادري انها طريقة خراب بيوت) في هالحالة ما بتشوف طريق جادمها الا ان تعدل سلوكها عشان تحصل لها حد يسمعها . وحذاااااااااااااااااااااااااااااااري تاخذ الثانية ترى بيصيدك (جنون بقر ) اعرفهم النسوان ( انا وحدة منهم ) ما يعجبهم العجب ولا صيام رجب . |
أم الشباب .. شكراً لنصيحتك ..
(ما يعجبهم العجب ولا صيام رجب ) شجاعه واعتراف .. تشكرين عليهما :rolleyes: |
أخي الكريم ،
أعانك الله وبارك الله فيك. أرجو أن تكون الردود التي وردت إليك كافية. يغلق الموضوع لإتاحة الفرصة لك بمناقشة أمور جديدة ومهمة. |
| الساعة الآن 11:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©