|
تذكرة الطيران
السلام عليكم ..
الأخوة الكرام .. عند أخذ تعريف من المدرسة لتخفيض تذكرة الطيران , هل يمكن الاستفادة منها عن طريق الحجز بالموقع الالكتروني للخطوط الجوية السعودية , أوالمكاتب الموجودة داخل المدينة ؟ |
رد: تذكرة الطيران
اقتباس:
وعليكم السلام ورحمة الله وبركاته لا حبيبتي ماتقدري الكترونيا، لازم تروحي للمكتب |
رد: تذكرة الطيران
طيب ولدي راح للمكتب وما رضوا
|
رد: تذكرة الطيران
اقتباس:
ايش قالو له؟ |
رد: تذكرة الطيران
ايه عليها الختم والتاريخ
قالوا له مو من المكتب , رح المطار ولما راح المطار , قالوا له احجز أول بالتلفون بعدها تعال |
رد: تذكرة الطيران
اقتباس:
طوال 4 سنوات اسافر بمعدل مرة كل شهرين وهذا اللي كنت أسويه مع احترامي الشديد للي قال له من المطار شكله مضيع أو جديد :( شيهانة أقصد احجز اونلاين :) |
رد: تذكرة الطيران
اشراقة , بكلم الخطوط الحين وبحجز وبروح المكتب الي جنبنا , بس ايش قصدك اون لاين ؟
وغيركذا , مكاتب الخطوط تفرق عن بعض ؟ |
رد: تذكرة الطيران
اقتباس:
http://www.saudiairlines.com/portal/...pletesite=true بالنسبة للمكاتب لازم من مكاتب الخطوط السعودية نفسها |
رد: تذكرة الطيران
اشراقة انا احجز دايما عن طريق الموقع بس هالمرة قلت استفيد من التخفيض ..
اذا حجزتي من الموقع بتدفعين عن طريق الفيزا ’ كيف بعدها تروحين للمكتب وتستفيدين من التذكرة وقد تم الدفع ! |
رد: تذكرة الطيران
اقتباس:
اللي سمعته دحين صار لازم تشتري التذكرة خلال ساعتين مو زي اول خلال 48 ساعة |
رد: تذكرة الطيران
آها ,
شكرا كثير اشراقة , بالنسبة للساعتين صح كلامك , حجزت قبل كم يوم وقالي الموظف لازم قبل ساعتين تدفعين , قلت له كنتم يومين , قلي خلاص من 1 يناير تغيرنا .. الله يسهل ذا الحجز من اسبوع وانا بحجز ومتعسر .. |
رد: تذكرة الطيران
العفو حبيبتي
حتى أنا تعبت الين لقيت لي حجز، صاير صعب مرة الله يسهل لكم سفركم وتروحوا وترجعوا بالسلامة يارب |
رد: تذكرة الطيران
أبشررك إشراقة حجزناjk اشراقة يا جميلة إذا انتي من جدة , كما فهمت من اللهجة , تقدرين تدلينا على أماكن حلوة نطلع لها مع الأولاد مع العلم انهم كبار عمر الثانوي ؟ الجو الآن حار في جدة ؟ |
رد: تذكرة الطيران
اقتباس:
الجو نعم حار ورطب طبعا جدة مليانة اماكن تجنن من مولات وكوفي شوب وجلسات على البحر.. اللي في بالي ومرة تستاهل الزيارة: 1. كوفي شوب ومطعم في فندق بارك حياة روووعة جلسته واطلالته على نافورة جدة.. أكله مش ولا بد بس الجلسة تجنن روحي له عصرية قبل الغروب منظر يرد الروح وفي الليل قمة الروقان. 2. مطعم بلو أوشن في اكواريوم جدة في الكورنيش الشمالي، جلسته خرافية عبى البحر. 3. ملاهي الشلال. 4. جدة التاريخية وسط البلد جمييييلة كلها تراث شعبي واكلات شعبية حجازية واجواء غير ❤ 4. جهة الكورنيش الشمالي شارع كله فنادق ومطاعم وكوفي شوبز. 5. أبحر.. جهة كلها شاليهات ودبابات وجتز. 6. شارع التحلية للشوبينق وفيه أغلب المطاعم العالمية المعروفة مثل تشيز كيك فاكتوري، تكساس قريل هاوس، I hop للفطور، shake shack، وغيرها.. 7. المولات مثل مجمع العرب، رد سي مول، عزيز مول، ستارز افنيو،.... وغيرهم كثير قولي لي اذا احتجتي تعرفي أماكن أكثر 😆 |
رد: تذكرة الطيران
السلام عليكم ورحمة الله وبركاته.
بالعكس الأجواء ليست حارة في جدة معتدلة وفيه برودة هذه الأيام. |
رد: تذكرة الطيران
اقتباس:
يعني مو جو جاكيتات ودفايات هذا القصد ::PPP |
رد: تذكرة الطيران
السلام عليكم ورحمة الله وبركاته.
هو أصلا في جدة متى استعلمنا الجاكتيات والدفيات:) لسه الحرارة ليس الحين الشديدة. |
رد: تذكرة الطيران
اقتباس:
اقتباس:
مطعم النافورة حقهم جلساته بس اللي حلوة ولا الأكل جدا سيء والأسعار نار .. لو تحبي الأكل اللبناني عندك مطعم بيبلوس في الحمرا جنب المستوصف السعودي الأمريكي كثييير حلو .. يعتبر من فئة الفايف ستارز عشان كذا راح تلاقي الأسعار غالية بس يستاهل . وكمان السي فووود مطعم توينا بارك في الحمرا برضوا جنب المستوصف السعودي الأمريكي حلووو وأكله يستاهل .. لا تنسي تروحي لفطور فارس وتمري على البيك 😅 وبتنور جدة فيكم 🌹 |
رد: تذكرة الطيران
أشكرك فرح والجميع , تمت الرحلة وعدنا بالسلامة , جدة جميلة dgn
|
| الساعة الآن 02:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©