|
عصبيته بتكرهني فيه!
😔 نفسيتي تعبانه ومزاججي .....
مو هم البنات للممات إلا هم الرجال للممات تخيلوا صراخه واصل لسابع جار عشان شنو ؟؟؟ اتصلت فيه وهو بره البيت واعرف انه بيرجع البيت بياخذ شغلة من المكتب قلت له اذا وصلت تعال لي شوي ابيك " قبل لا يجي غيرت رأيي ما باقول له الشيء ، لأن بيتنرفز من الخبر وما قدرت ارجع اتصل له اقول له لا تجيني لأن بيعصب علي اذا اتصلت وهو مع الرجال " فتح الباب وهو معصب ومتنرفز قلت له حبيبي بس خلاص ما فيه شيء قام يصارخ .. اصلا انتي ما تتصلين الا اكيد لأشياء سخيفة وتافهة قلت له رحم الله والديك والله يسامحك قام يصارخ اكثر ... وصوته واصل لآخر الدنيا واللي ما يشتري يتفرج انه صرت ابجي " ابكي " بسبب اسلوبه لما شاف دموعي عصب اكثر!!!! وقام يقط كلام : انا كنت عايش بجحيم ليش اتزوج الثانية واعيش بجحيم اكبر!!!!! مع ان والله من فترة ما بيني وبينه اي مشاكل و حياتنا رجعت حلوة! على شنو جحيم اكبر !!! طلع من الباب رحت وراه ابي اهدي الوضع عصب اكثر و وجع جاني داخل ومتنرفز ويصارخ بصوت اكبر!!!! هذا شلون اتفاهم معاه ؟؟ ما يرضى يتناقش او يتكلم ومستحيل يشوف نفسه غلطان دايماً انه الغلطانة وان اغلاطه بسبب اغلاطي انه و دايماً هو الصح حق اللي ما يعرفوني هو عمره 40 اذا ماني غلطانه والله من الهم خايفة انسى اسمي وانه 25 هو شمالي شرقي وانه جنوبية شرقية ودي اكلمه واتس اب اكتب له الله لا يسامحك مع ان مو هذا اسلوبي وياه ولا طريقتي مستجدات الرد 75 http://www.66n.com/forums/showpost.p...7&postcount=75 |
رد: عصبيته بتكرهني فيه!
زين..
أنتو مب متفقين إنج ما تتصلين فيه لما يكون عند زوجته أو يكون في شغله؟ |
رد: عصبيته بتكرهني فيه!
هو مو مع زوجته يا مهره
ولا هو في شغلة كان طالع بره مع اخوه الظاهر بس مو حق شغل والاتصال كان حق شيء مهم هو يبيني اخبره اياه اذاا صار.. وهو منبهني ما افتح مواضيع في التيلفون! بعدين قبل لا يجي غيرت رأيي وما باخبره لأسباب معينة |
رد: عصبيته بتكرهني فيه!
تعال شوي ابيك ؟
شو الكلام المهم الي ما يحتاج تأجيل وضروري وجى البيت مستعجل يبي اوراق واشغال . الوقت كان مو مناسب انا شرقيه شماليه ، وبالفعل هالكلمه وانا مستعجله احسها مصيبه جايه على راسي ggf |
رد: عصبيته بتكرهني فيه!
اقتباس:
|
رد: عصبيته بتكرهني فيه!
اقتباس:
هذا اللي صار يستدعي يقول ان انا معيشته في جحيم ؟؟ واذا راضي وهادي يقول لي ما بلقى وحدة تحبني وتهتم بي مثلج! الموضوع ما يخصني يخصه هو ويبيني اخبره اول ما اعرف واذا بالتيلفون ما اقدر اكلمه بشيء وهو اوردي بيرجع البيت شفيها لو جاني!!!! على فرض ان الامر سخيف !!! صعبة اتعامل معاه قاهرني |
رد: عصبيته بتكرهني فيه!
طيب وانتي شايفة إن الموقف ما يعصّب؟
(تعال أبيك) .. ولما يدخل تقولين له: (لا خلاص ما في شي) ؟!! كان الأفضل إنج تبعثين له مسج أو واتس اب تقولين له إنج تفضلين تأجلين الكلام لوقت ثاني. بعدين صحيح الموقف يمكن ما يستاهل يقول عبارة مثل (أنا عايش في جحيم) لكن يمكن هو قالها بناءً على التراكمات السابقة بينكم. |
رد: عصبيته بتكرهني فيه!
اقتباس:
بتموتين بشوفته يا ملتصقه jh اثقلي شوي واركزي امورش بتعدل bfd |
رد: عصبيته بتكرهني فيه!
ما عليه يعصب بس ليش يقط كلام يجرح!
ما احس الامر يستدعي كل هذا والصوت العالي! وهو يعرف كل المعرفة ان ما اقدر اجاريه وبكتم بقلبي يعرف ان ما اقدر ارفع صوتي عليه واطلع اللي بقلبي... هو ما يفتح الواتس اب يوم الجمعة بهالوقت ولا يشوف الرسائل النصية .. شلون اتعامل معاه بعدين اذا التقينا بالليل ؟ ما ودي اشوفه .. |
رد: عصبيته بتكرهني فيه!
اوكي التراكمات السابقة بس حياتنا صارت حلوة!
ومشاكلنا قليلة جداً جداً ونادرة واذا صارت تنتهي بأرضها كوكي كنت شايفته أساساً وجاي ومبدل وقاعد مسولف معاي وبعدها طلع.. 😐 يعني الموضوع مو موضوع ان ابي شوفته تصدقين هو ذكرني بمواقف سابقة يقول لي كنتي تقولين تعال بس حتى تشوفيني! والموضوع كلش ما له دخل! واليوم بالذات مستعجلة كان المفروض اطلع لبيت ابوي مبچر |
رد: عصبيته بتكرهني فيه!
فعلاً .. ما انكر ملتصقة به
شلون اتحرر منه ؟؟ مانعني اشتغل ادرس اروح نادي شلون اشغل نفسي عنه |
رد: عصبيته بتكرهني فيه!
اقتباس:
زين غيري من اسلوبش واهتمامش بس ما ألومش قاعده في جو فراغ حاولي تقنعينه تدرسين |
رد: عصبيته بتكرهني فيه!
والله لا تزعلين مني بس عالاقل جان عطيتيه راس الموضوع
يعني لما قلتيله تعال ابيك جان كملتي ان عن الموضوع الفلاني وهو عاد يقدر اذا اييج الحين او بعدين الله يهدي سركم |
رد: عصبيته بتكرهني فيه!
مو راضي بأي شيء يا كوكي
قلت له عطني اقتراحاتك مثل ما قالت لي مهره قال باشوف وبافكر... هو ما يبيني انشغل عنه ولا يبيني التصق به وايد زين شلون وهو معيشني جو فراغ واذا قلت له خلني اروح بيت ابوي كل يوم قال لااا شيوديج مشوار طويل كل يوم اوكي مشوار طويل مستعدة اتحمل مشوار ربع ساعة بالروحة و ربع ساعة بالردة ولا ان اعيش چذي قاهرني .. صعب التعامل معاه |
رد: عصبيته بتكرهني فيه!
صح تصرفك يعصب شوي مع انه عفوي !
ماعليك في كلامه زين وقت يعصب، لا تاخذيه حرفيا طنشي |
رد: عصبيته بتكرهني فيه!
اقتباس:
بصراحه صدق بيفكر تتحايلين علشان بس يطل عليش زني عليه لا تملين لين يلين وتدرسين هالنوعيه ما تحب الزن بس مو كل يوم تحنين كل فتره والثانيه خلي بالش طويل واصبري وحاولي تجيبين اوراق التسجيل للدراسه عشان يقتنع وتحطينه بالامر الواقع اهم شي عطيه الامان والوعود انش ماراح اهتمامش به بيقل بالعكس بيكون اهتمامش به بشكل سليم مو ألتصاق muy |
رد: عصبيته بتكرهني فيه!
اتركيه لحتى يهدء ويجي لحاله عندك
|
رد: عصبيته بتكرهني فيه!
بلحظة الغضب لاتصدقين كلامه ولاتهتمين له
هي حركتك تقهر خلاص افهمي زوجك وتعلمي الدرس من غضبه انك ماتكررينها وهذا المهم بس وانتي مسؤوله عن نفسك وتغييرها منتي مسؤوله عن ردات فعله يعني بدال ماتقولين هو ليش يرفع صوته وليش يسوي ويفعل قولي انا بسوي كذا وليش سويت كذا وبعدل نفسي مرا ثانيه ووو ان الله لايغير مابقوم حتى يغيرو مابأنفسهم اتمنى تفهمي قصدي وماتزعلي وتقولي مثل بعض العضوات الي تشكي وتبي الناس بصفها ولاتزعل |
رد: عصبيته بتكرهني فيه!
ما عنده سالفة
طيب مو هو راجع البيت و انت في البيت وإلا كنتي بمكان ثاني و زدتي عليه المشوار انت ازعلي اصلا |
رد: عصبيته بتكرهني فيه!
حركتك تنرفز بصراحه،،تعال ابيك وبعد مايجي خلاص مافي شي!!!! طفله انتي؟؟
|
رد: عصبيته بتكرهني فيه!
اقتباس:
چان ما عشت وياه هو صح ما يسب ولا شيء ولا يقل ادبه لكن كل كلامه جارح يعور القلب وبعدها يجي يمزح على اساس ان لا تزعلين وما صار شيء بس يعترف انه غلطان ؟ ابداً |
رد: عصبيته بتكرهني فيه!
اقتباس:
ردة فعلي كانت يدون تفكير شيء عفوي |
رد: عصبيته بتكرهني فيه!
اقتباس:
ومو مشتهية ارجع اتكلم وياه اصلاً |
رد: عصبيته بتكرهني فيه!
اقتباس:
مو بس اتشكى .. صح كلامج .. بنتبه على نفسي مرة ثانية بس هالعصبية كلها !!!!!!! ليش ! |
رد: عصبيته بتكرهني فيه!
اقتباس:
إذا زعلت معناته هو غلطان انه عصب علي! هو يغلط ؟!!! معقولة ؟!!!! لا حبيبتي بس آنه اللي اغلط.. هو اسم الله عليه هو اساساً بيرجع البيت عشان بيتخذ شغلة من المكتب والمكتب تحت في قسمه الخاص وآنه قسمي فوق... ليش اطلعه هالمشوار وهو مستعجل و اخليه يصعد الدرج!!!! |
رد: عصبيته بتكرهني فيه!
اقتباس:
انا ما اقدر على التعدد .. نفسيا الامر متعب لي لكني مضطر اتزوج بعد صبر وبعد ما طولت بالي واجلت الخطوة لاني اعرف نفسيتي واعرف ان يتعبني الموضوع ان اقسم وقتي وانا انسان اغلب يومي مشغول يحس نفسه مضغوط جداً ويحس ان يومه يضيع وما يقدر ينجز كمية الاعمال اللي كان ينجزها قبل زواجه بي لانه حر في وقته حتى لو بقى في المكتب 24 ساعة وينام وياكل فيه بس اضطر للزواج بحثاً عن امور |
رد: عصبيته بتكرهني فيه!
اقتباس:
قبل لا افتح حلجي هو جاي متنرفز وفتح الباب كأنه داخل حرب.. |
رد: عصبيته بتكرهني فيه!
اقتباس:
ليش مايخليك انتي برضو تنشغلين بشي مفيد؟! الفراغ يجيب الملل الافكار السودا والمرض والمشاكل! |
رد: عصبيته بتكرهني فيه!
اقتباس:
ما بتواصلين في الدراسة قلت له بالعكس خلصت البكالوريوس قبل وايد ناس من دفعتي بعدين قال يبيله تفرغ قلت له عادي بعدين اتضح ان ما يبيني انشغل عن البيت وعنه هذا اللي يقوله لي بس ان اشتغل لا ما يرضى ومو مسموح ابدا |
رد: عصبيته بتكرهني فيه!
حبيبتي..
مو بس يخاف تنشغلين عنه يخاف من الاستغناء :) |
رد: عصبيته بتكرهني فيه!
اقتباس:
يحبني وملبي لي حاجاتي العاطفية والمادية بحدود طاقته وقدرته لكن هالعصبية القاتلة .. اوكي غلطت معاك ؟ على عيني وعلى راسي وهو يعرف ان ما اكابر على غلطي واذا حسيت بنفسي غلطانه اعتذر وما ابرر لنفسي لكن هالعصبية كلها ... على موقف چذي ؟!!! وهو يعرف يا اختي ان ما بستغني عنه ولا العناد يفيد عشان اسوي اللي ابيه ولا الطيب يفيد |
رد: عصبيته بتكرهني فيه!
الله يقويك ويطول بالك
|
رد: عصبيته بتكرهني فيه!
حبيبتي زين ابيها لازم تحاولي تستخدمي كل الطرق لاقناعه باكمال دراستك او البحث عن عمل
هيك بتخف التصادمات وبصير عندك مساحة وعندو مساحة الله يرزقك راحة البال من حيث لا تحتسبين احترامي |
رد: عصبيته بتكرهني فيه!
الموضوع مايستهاهل انه يكبره..
لاتبحثي عنه... ولاحتى تتصلي عليه.. خليه يهدا.. ورح يجي لاتخافي ... واكيد رح يبحث عن طريقة يراضيك بيها .. وقتها خدي حقك ثالت ومتلت وبهدوء.. |
رد: عصبيته بتكرهني فيه!
زين ... الزوج العصبي نصيحة كوني معاه بااااردة الا ثلج ⛄️
طنشي ولاتلومي عصبيتو ... العصبي متعب مررا 😰.. لكن لو نتضايق كل ماعصب .. باتعبي اكتر وماراح تخسري غير صحتك ... انا زوجي نااااااااار 🔥 ... لكن تأقلمت معاه ومعاد يأثر عليا ... ولو بعاتبو اختار الوقت المناسب الي اتأكد ان ماراح يعصب بعد العتاب ... |
رد: عصبيته بتكرهني فيه!
اقتباس:
الله يقضي حاجتج حبيبتي |
رد: عصبيته بتكرهني فيه!
اقتباس:
مو راضي وما يبيني الح عليه ولا يبي كل مرة افتح الموضوع لأنه بيعصب وبيتضايق وبيتنرفز! |
رد: عصبيته بتكرهني فيه!
اقتباس:
وطول اليوم ما كلمته وجاني قبل شوي وما فتحت له الموضوع بس يتكلم برسمية بس قلت له لو سمحت تحت اي ظرف لا ترفع صوتك علي مو مسموح لك تقلل من احترامي ولا احب اقلل من احترامك وارفع صوتي عليك وان انه لما جهزت الظهر وجيت بطلع من البيت جتني الشغالة ودموعها بعينها وتقول لي مدام لا تتضايقين قلت له خليت اللي ما يشتري يتفرج... شاف روحه محصور وغلطان ففتح موضوع جديد وصارت مشكلة عليه عندنا مناسبة قريبة " وبنحضرها انه وام عياله وبناته " قال لي هالمناسبة انا مشغول وما اقدر اودي احد منكم قلت له مو مشكلة عندي سيارتي قال بس في المناسبات الجاية قد ما اقدر اوديكم ثنتينكم لانكم ما بتركبون مع بعض بالسيارة و لا باوديج وبرجع اخذهم اوديهم نفس المكان وبعدين ارجعج البيت واروح البيت ارجعهم فبضطر كل مرة اودي ناس حسب تقديري قلت له لا تحط عينك على سيارتي أبداً قلت له اهانة لي ان انت توديها نفس المكان اللي باروح له انا بس انه بسيارتي وهي معاك اذا هي ترضى براحتها... بس انه لا ما ارضى واهانة كبيرة رفع صوته وقام يصارخ : قراراتي بتمشي مو قراراتج ولا قراراتها قلت له على عيني وراسي طبعاً ما بنخالف رأيك وقراراتك ورأيك هو اللي بيمشي انت رجال البيت يا ابو فلان احنا نقدر نتخطى قراراتك ؟؟ اللي ينسى الحمد شيصلي به ؟ بس قلت لك رأيي وعادي عندي اكنسل المشوار لو شنو يكووون بس هالشيء ما يصير لي ان هي معاك وانه بروحي ورايحين نفس المكان انسى ان انه اسوق وانسى سيارتي قال انتي بعد انسي ان عندها اهل يودونها قلت له انا مالي علاقة بها براحتها ولا ارضى عليها تحس بالاهانة اذا الامر بيشعرها بالاهانة محل الشاهد ان ما اكون الطرف الاضعف كوني عندي سيارة فقط قام يصارخ.... ويرتفع صوته وانا مو خادم عندكم وانا جذي وجذي ما سيطرت على تفسي وصرت ابكي بصوت عالي قلت له تمنيتك تحتويني وتلاطفني ومو مسامحتك على اللي تسويه بي ارتفع ضغطي فعلاً .. ثقل مو طبيعي براسي |
رد: عصبيته بتكرهني فيه!
كان اجلتي الحديث عالاقل عشان صحتك..
صدقيني ما دامه ثائلر وغضبان .. فلا تستني منه انه يحتويك... |
رد: عصبيته بتكرهني فيه!
اقتباس:
كلامه يعور القلب .. ما عليه عطوني خطوات شلون اتأقلم شلون اتعامل مع عصبيته ؟ |
| الساعة الآن 05:48 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©