بقاء زوجي في المنزل وعدم عمله وخلافاتنا
 

السلام عليكم ورحمة الله وبركاته. انا بجد محتارة ومش عارفة اقول ايه بس حاسة اني محتاجة لحد يفهمني ويسمعني وماليش غيركم بعد الله انا كنت كتبت مشكلة عندي ياريت لو حد قراها مايكلمنيش عنها لانها نقطة سودة في حياتي والحمد لله انتهت تقريبا بس انا حاسة اني تايهة في الحياة مش عارفة الاقي نفسي ولا قادرة افهمها مش عارفة ظالمة زوجي ولا هو اللي ظلمني انا كل حياتي هو وده الواقع المفروض عليا لانه مش بيشتغل وقاعد في البيت مش بيخرج مع اصحابه ونادرا لو كلم حد منهم مالوش في النت مش بنخرج غير قليل ونروح لاهلنا ساعة ونروح بقيت اليوم يا نقرا يا نتفرج علي التليفزيون بعد اداء طاعات ربنا واللي ربنا يقدرنا عليه زيادة بدايه حياتنا كانت مشاكل كتيرة لاسباب تافهة عديناها دلوقتي حياتنا بقت مستقرة كل واحد فينا له عيوبه ومميزاته بنتحمل بعض. بس كتير اشتكيله من حاجات يقولي هعملها ولما مش يعملها واعاتبه يقولي استني بس شوية وانا. اعيشك اسعد انسانة ف الدنيا حسسته كتير بمدي احتياجي للاهتمام. والحب الروومانسي وبرده بياجل ساعات بيقول كلام يجرحني بس. من غير قصد زهقت من حياتي ومللها بقيت بحس كتيررر اووووووووووي بغضب رهيب ناحيته وبرود. مشاعر وافكر بالاانفصال وساعات احس انه مايتعوضش انسان بيعتبرني نفسه كل ذرة عنه عارفاها مالوش غيري. صحبته عشيقته زوجته وحنين اوقات كتير الا اما يبقي متنرفز اقوله محتاجة ف الاوقات دي تبقي حنين عليا يقولي ازاي وانتي بتنرفزيني انا وهو بقينا كتاب مفتوح حتي لما نزعل نقول كلمتين نضايق بعض ونرجع نتعامل عادي ولا كان حاجة حصلت لحد ما نصفا مفيش يوم يعدي غير لازم قبل النوم يقولي هتوحشيني ويحضنني وبوسني. حنين غالبا برغم اني مهملة ف بيتي لابعد الحدود لدرجة حتي الاكل مش بعمله يعني النهاردة كنت صاحية تعبانة وهو عارف اول مرة. اكل ساندويتش تاني مرة اندومي تالت مرة كان مفروض ياكل. اي حاجة ونروح نقرا قلتله وانا متضايقة كل بقي وخلص رد برخامة وقالي ما تعملي اللي عايزاه قلتله ده انت رخم قالي بقي انا رخم عشان سايبك ماتعمليش اكل وباكل اي حاجة واخرتها ابقي رخم قلتله. والله ماطلبتش مني حاجة وماعملتهاش قالي عشان عارف انك تعبانة. وسكتنا واكل وقمنا بس حسيت بذل رهيب رغم ان ممكن من يوم ما اتزوجنا تاني مرة يحسسني انه متضايق من عدم عمل الاكل الا اما يطلب واحنا كمان شهرين هنكمل3 سنين جواز يعني علي ما اعتقد هو. كويس بس. بتجرح منه اوي بحس بلخبطة مشاعري ناحيته لدرجة ساعات كره مش عارفة انا ايه انا صح ولا غلط ازاي اقدر افهمه وافهم نفسي واحسسه بيا مستنية مساعدتكم في هنا بسم الله ماشاء الله اعضاء عقلهم كبير. ياريت يساعدوني وانا تحت امر اي حد في الاسئلة انا عمري 25. سنة وهو 33 سنة ولكم جزيل الشكر. وربنا يسعد الجميع


تغيير العنوان ليتناسب مع المضمون

رد : نفسي افهم نفسي'
 

عارفة كلامي ملخبط واسفة بجد بس انا جوايا ملخبط جوايا حاجات كتير مش عارفة ليه عايزة احكيها بس خايفة او مش قادرة او مش عارفة ازاي اعذروني انا تايهة بجد ف حياتي وبكرر اسفي

رد : نفسي افهم نفسي'
 

وعليكم السلام ورحمة الله وبركاته..
مرحبا أختي الحبيبة..
1/كنت أتابع ردودك مع الأستاذ أبو حكيم..
2/أخبريني إلى أين وصلت في جرعة الترامادول؟ وزوجك كيف وأين وصل هل مازال يتعاطى؟
3/كم سنه لك متزوجة؟!
4/ ما هي عيوبك ومميزاتك وزوجك كذلك عيوبه ووميزاته؟
5/هل منذ بداية زواجكما هكذا ام بعد التعاطي أتى شعور عدم فهمك لذاتك؟
6/ لما زوجك لا يعمل؟
7/ ماهي العوائق التي تمنعك من التخطيط في حياتك للوصول لأهداف؟
8/ ماهو هدفك من الزواج؟
تحديث بهدوء وعلى شكل نقاط ليكون واضحا وقبلها استعيني بالله..
تمنيت أن تكون بقربي لأحتضنك، أنت انسانه بحاجة أحد عن يقف بجانبك يساعدك وبإذن الله أحاول أن أساعدك.
كوني بخير.

رد : نفسي افهم نفسي'
 

ياااااااااااه بجد انتي مش متخيلة مدي فرحتي بكلامك ده انا برضه بتابع دايما المواضيع وبشوف كلامك ومن غير ما اقول اي حاجة الكل بيشهدلك انا فعلا محتاجة اوي لحد زيك حسيتي بيا ربنا يكرمك يارب دنيا واخرة ويرزقك الفردوس الاعلي اميييين يارب وهرد علي اسئلتك

رد : نفسي افهم نفسي'
 

الحمد لله بعد ما كنا بناخد ستة حبايات من اسبوعين تلاتة قللنا وهو بطل نهائي وانا للاسف لسة باخد نصف حباية بسبب الروماتيزم بس هو مبطل تقريبا بقاله عشرة ايام وانا بحاول بكل قوتي وبصراحة استاذ ابو حكيم ساعدني كتير ربنا يكرمه يارب. 2/ متزوجة من ثلاث سنين الا شهرين واتخطبت سنتين. وانا 25 سنة. وهو33 سنة. انا اسفة مش هجاوب بالترتيب بس هكتب رقم السؤال. 6/ مابيشتغلش لانه كان مدمن ومش فايق لشغل ومبسوط ماديا ومشغل فلوس مع اخوه بيديله راتب شهري واهله بيكملوا بقيت مصاريفنا بس ناوي له اهداف وناوي يحققها

رد : نفسي افهم نفسي'
 

حبيبتي سوسو ..انا ماشوف بينكم مشاكل تستاهل انها تطفشك وتخليك تفكرين بالطلاق..مجرد روتين وملل تلقينه بأي بيت..

رد : نفسي افهم نفسي'
 

4/عيوبه التاجيل لكل حاجة قاسي شويه مابيعرفش يبقي حنين عليا وانا زعلانة بارد ف ردود افعاله شويه. مش بينفذ وعوده مش بيفهمني لدرجة.اني مابقتش فاهماه .مميزاته. عارف ربنا ومثقف دينيا حنين مخلص وصريح معايا لابعد الحدود ومع كل الناس شخص له اهدافه وبيحاول يسعي لها مخليني كل حياته بس الله اعلم باللي جاي. انا صعب اقول كل عيوبي. ومميزاتي لاني مش عارفاها انا شكاكة متسرعة عصبية متناقضة بيا عيوب كتير بس مش عارفة ممكن غيورة دي وجهة نظر الاخرين فيا مميزات ممكن طيبة وحنينة علي اهلي اوي لاني بحبهم حب رهيب. 5/ انا كالحمد لله بعد ما كنا بناخد ستة حبايات من اسبوعين تلاتة قللنا وهو بطل نهائي وانا للاسف لسة باخد نصف حباية بسبب الروماتيزم بس هو مبطل تقريبا بقاله عشرة ايام وانا بحاول بكل قوتي وبصراحة استاذ ابو حكيم ساعدني كتير ربنا يكرمه يارب. 2/ متزوجة من ثلاث سنين الا شهرين واتخطبت سنتين. وانا 25 سنة. وهو33 سنة. انا اسفة مش هجاوب بالترتيب بس هكتب رقم السؤال. 5/ انا كنت قبل زواجي من اول خطوبتي وانا باخد نص وبعدين حباية وبعد الزواج عديت الشريط ونص وشربت حاجات تانية وهو كده بقاله13 سنة بطل فترات بينهم وحاولنا نقلل لحد. وصلنا للي احنا فيه في بداية زواجي كنت حاسة اني عايشة لوحدي هو مسطول وانا كنت باخد حباية بس تسكن الم الروماتيزم برجلي مشاكلنا كترت ماكانش بيخرجني ولا بيجيبلي حاجة في يوم خلاني اشرب معاه كان تعويض عن عدم خروجي حتي ف العيد وبصراحة كنت الح عليه اني اجرب وهو كان غايب عن الوعي بدات اخد زيه نوع تاني اسمه سومادريل كنت باخد شريط والترامادول زاد كل يوم واحدة غير الدخان كنت اليوم اللي مانجيبش فيه الحاجات التانية لان الترمادول كان اساسي كنت اعمل خناقات واكسر البيت برغم ان واحنا رايحين كانت دموعي بتنزل زعل علي نفسي كنت ساعات احس نه ضيعني واقول ماضربنيش علي ايدي بس هو اللي اداني. ف الخطوبة كمسكن لرجلي انا عارفة اني غلطانة وانا السبب بس بجد عشت اسود سنين حياتي ضيعت حسيت اني مدفونة كل يوم نصحي ناخد واحدة ف واحدة لحد ما نفوق وننزل نجيب الباقي ونروح نقضيها كل شوية حباية ف سجارة عايشين ميتين مدفونين بالحياة حتي اهلي شكو فيا من نظام ححياتي وتغير شكلي وخصوصا ان والدي طبيب طبعا نفيت وقلت انا بس كده من النكد ال عايشة فيه. لانهم كانو عارفين انه بيشرب. وشكو من عدم بعدي عنه بس الحمد لله ربنا سترني ادامهم وراح الشك

رد : نفسي افهم نفسي'
 

8/قبل الجواز كنت بحلم اني الاقي انسان يححتويني بليل وانا نايمة وحيده الاقي حد يطبطب عليا حبيب اجري عليه واشكيلع حتي لو زعلانة منه ابقي بنته. وكل حاجة كنت بحلم بالحب. 7هو كل العوائق ونفسي اللي بقت عاملة زي العجوز اللي محتاج حد يمسك ايده

رد : نفسي افهم نفسي'
 

مشكورة زهرة علي ردك انا فعلا مش عارفة بس هيا احاسيس جوايا مش عارفة لها بدايه ولا نهاية

رد : نفسي افهم نفسي'
 

اهلا بأختنا سوسو

وان شاء الله نحاول ان ندعمك ونساعدك في ما تمرين به


ما تمرين به اختي سوسو هو انهاك الحاله العصبيه بسبب ما مررتم به من التشافي من الادمان


وتعتبر فترة ازدواجية الادمان ولا تتخلصي من الحاله الا بعد سنه او سنتين ولكن الاهم هي النيه والثبات

والعزم

لا تعرفي نفسك ضائعه لا يوجد هدف شعور بالضعف والكسل

الحاله النفسيه ضعيفه فقدان الحب


سوسو اعرفي عدوك جيدا واهزميه كوني شجاعه وقويه ومصره


فبعد العلاج من الادمان تحتاجين للوعي والدعم والمؤازره النفسيه والمساعده واشدد اطلبي المساعده وفورا


القرار بيدك فاتخذيه وبقوه وعزم

وانتبهي للانتكاسه لك ولزوجك

فكلاكما تحتاجون لعلاج نفسي وعلى يد اطباء مختصين لاعادة التأهيل


اعادة التأهيل في تحمل المسؤوليه والمهاره والاختيار الصحيح


بالاستمتاع بالحياه من غير ادمان

في الالتزام والتطبيق على شكل خطوات


ورسم الاهداف

حاولي ياسوسو ملئ الفراغ بالاشتراك في نادي صحي ويحتاج زوجك وانتي ايضا لاكل صحي لتعويض ما

فقده جسمكما من اثار الادمان

ولكن يا سوسو لن اخدعك ومن الممكن يحدث انتكاسه وخصوصا لزوجك فهو مدمن لفتره طويله جدا

وصعب عليه التخلص من ذلك بسهوله


اطلبي المساعده يا سوسو من المختصين


والله يقويكم

رد : نفسي افهم نفسي'
 

السلام عليكم ورحمة الله وبركاته.
حبيبتي سأعود للرد عليك اليوم، أعذري تأخيري وفرج الله همك.

رد : نفسي افهم نفسي'
 

سوسو ...

كسل زوجك وعدم خروجه من للعمل اتوقع هو السبب في مشاكلكم لانه مقابلين بعض طول الوقت اكيد في ملل والعواطف والمشاعر الي تتمنيها تجي من انسان مو بجنبك طول الوقت بتجي من شخص تعب من العمل ورجع البيت مشتاق لحبيبته ويعطيها كميه من الحب والحنان...

موضوع انك تتمني أحد يطبطب عليك ويسمع شكواك غالباً الزوج يتضجر من شكاوي الزوجه فأبحثي عن صديقه صالحه تحس بيك وتطبطب عليك وتسمعك ...

انتي مكتومه وهذا واضح من السرد في طريقة كتابتك ...
مابتشكي لأهلك ولا لأحد لذلك حاولي تبحثي عن صديقه صدوقه تسمعك وتخففي الضغط ع نفسك .....

زوجك لازم يكشف عن سبب الخمول الي عنده ممكن نقص في فيتامين د...
حسسيه انه كسله وخموله مش طبيعي ولازم يدور لحل....

أخيراً ( الصلاه .الصلاه.الصلاه) أوعدك لو حافظتي ع صلاتك في وقتها واتقنتيها بخشوع رح تنقلب حياتك وتتغير للافضل بإذن الله....

كذلك الذكر ( أذكري الله في كل وقت )

وتذكري ( ومن أعرض عن ذكري فإن له معيشة ضنكا)

رد : نفسي افهم نفسي'
 

فرج الله همك اختي سوسو وكان الله في عونك

اختي متفائله ماشاء الله ردك رائع تشكري عليه

دايماا اقرأ ردودك واتابعك وحلولك تعجبني

الله يجعله في ميزان حسناتك

رد : نفسي افهم نفسي'
 

السلام عليكم ورحمة الله وبركاته ..
1/ سبب التناقض والتقلبات المزاجية ووو بسبب الدواء فالترامادول ليس سهلا ..
2/ استغرب بشدة من موقف زوجك وهو عدم ذهابه للأخصائيين لمعالجة الإدمان ..
سؤالي إليك /
كم لكما من الفترة تتعاطيا هذا ؟!
3/ يحزنني بأني أرى زوج يجعل زوجته تجرب مخدر مما يأخذه وبصراحة ولا أمان للحياة معه وهذه حقيقة لا أجاملك فوضعت نفسي مكانك ..
هو تركه وظللت أنت تغوصين تائهة في هذا الطريق ..
4/ تعالجي منه لديك في القاهرة استشاريين رائعين وأعرفهم معرفة شخصية ولو أردت الذهاب قولي لي ، لا تقولي له وخذي معك أختك أو أي أحد يشعر بمعاناتك ..
5/ اعملي لك أهداف بعيدا عنه وخصصي لك وقت لممارسة ماتُحبين لتخرجي مما أنت فيه والعلاج لابد أن تكون النفسية عالية .
6/ قوي الوازع الديني وعليك بالدعاء بأن يخلصك مما أنت فيه ..
7/ اهتمي بنفسك أولا ، وأحتضنيها لتعود كما كانت واثق بأنك كانت طموحة وأسنانه رائعة وفيها من الخير الوفير ..
وسؤالي الآخر ؟!
هل تدرسي وما موقف أهلك مما يروه بك ؟!
دوماً بقربك حبيبتي لكن أو عديني بأن تشدي على نفسك لتتخلصي مما أنت فيه .

رد : نفسي افهم نفسي'
 

الاخت سوسو اهم شي في الحياة الزوجية الحوار المباشر وكل شخص يتنازل عن غرورة هن لابس لكم وانتم لباس لهن

رد : بقاء زوجي في المنزل وعدم عمله وخلافاتنا
 

السلام عليكم ورحمة الله وبركاته مشكورين كل اللي ردو عليا كوكي ومتفائلة وسمو الاميرة انا برده بيعجبني كلام متفائلة كلامكم جميل وصح انا الحمد لله مش بفوت فرض.حتي قيام الليل وحتي لما كنت بشرب وكنت بنام ف اوقات الصلاة كنت بصليها كلها مجمعة ربنا يساممحني وبذكر ربنا دايما لاني ماليش غيره وحكاية اصحاب للاسف ماليش نهائي واخواتي واحدة سابتنا ومشيت وواحدة اصغر مني بسنتين ما اقدرش احكيلها اخاف علي زعلها ولو مامتي وبابايا عرفو هيروحو فيها بعد الشر كفاية عليهم مشاكل اخواتي بجد والله مبسوطة لردكم ربنا يجازيكم خير ويسعدكم دنيا واخرة ويرزقكم الفردوس امييين

رد : بقاء زوجي في المنزل وعدم عمله وخلافاتنا
 

وعليكم السلام ورحمة الله وبركاته soqya. اولا هو ذهب لاخصائيين كتير وعلي مدار سنين بس بصراحة كلامهم ماعجبناش اللي يقول مش هتعرف تبطل ف البيت واللي مايسالش عن اي حاجة ؤلا كمية ولا المدة واحنا ما كانش ينفع نبطل برة البيت مش هنستحمل. هو بقاله13 سنة وانا خمس سنين بس هو بطل في النص سنة ورجع وسنتين ورجع بسبب ضعفه ودلع اهله الزايد. بالنسبه ل ان هو خلاني اجرب اولا وانا مخطوبة الروماتيزم كان مدمرني. اداني نص حباية او ربع مش فاكرة عشان رجلي بدات ازود لحد سنتين واتجوزنا وكنت وصلت لحباية هو كان بياخد حاجات تانية بتخلي الانسان ضايع بيعمل اي حاجة من غير تفكير صعبت عليه بعد كام شهر جواز وانه ماعرفش يبطل قالي هخليكي تجربي بس انا كنت بتحايل عليه من اللي كنت بشوفه فيه وهو مبسوط لدرجة اني كنت باخد المهدئات اللي الدكاترة كاتبينها ليه كانت حياتي نكد لحد ماجربت. وضيعنا مع بعض اكتر كل حاجة ناخدها زي بعض وهو وافق علي اساس انه يومين ويبطل بس قعدنا سنين حاولنا خلالهم كتير لحد ما الحمد لله اخيرا بطل وعمره ماهيرجع باذن الله محدش متخيل هو كان كاره حياتنا كده اد ايه احنا عشنا 3 سنين عذاب مش انبساط كنا بنصحي مش قادرين نتحرك الا بعد ما ناخد كام حباية اكلنا ونومنا وحياتنا ع السرير صيف وشتا شقة مش نضيفة. وزبالة حياة ربنا مايعودها تاني ابدا والله ما كنت بتحرك بااليوممين من. السرير الا وانا بصلي واجيب الاكل دايما النور مطفي مغيش غير نور التليفزيون عربية باظت تتصلح بعد سنة او اي حاجة باظت تفتكري بعد ماخلصنا من كل ده هيرجع تاني ده الموت ارحم غير احساسنا بالذل واننا عايشين مدفونين كنا كل يوم واحنا شاربين نلعن اليوم اللي بقينا فيه كده ضعفنا كتير بس خلاص مفيش مجال للضعف الموضوع انتهي وهو مش وحش اوي هو انسان بيعشق الرياضة ودايما يقرا ف علم النفس وتطوير الذات ده ساعده بنسبه كبيرة حتي اهدافه. رياضيه وعامل جدول جميل لنفسه وليا هيخليني اروح جيم معاه ويدربني وناويين علي حاجات كتير بس امتة. بقي. اني اروح القاهرة صعب. لاني من المنصورة وهو رافض موضوع اني اروح لدكاترة نفسيين هو بيقولي انا هعالجك بما. انه فاهم ف علم النفس لانه. قرأ فيه كتييييير بس هو مش عارف يحتويني كل كلامه اعملي جدول شوفيلك هدف واساعدك فيه مش عارف يحس باحتياجاتي انا حتي تيتة اللي مربياني في بنها قبل القاهرة ب30 كيلو مش بيخليني. اروح مع اهلي اشوفها برغم انها كبيرة وصحتها تعبانة اوي من يوم جوازي مشوفتهاش غير وانا. بوصل اختي المطار من اربع شهور مش بيسيبني اروح ف حتة من غيره واخواتي ما ينفعش. مفيش حد يعرف عني حاجة مش قادرة احدد اهداف الحمد لله بحاول اقرب من ربنا اطول وقت ممكن. ربنا يقدرني. مش قادرة اهتم بنفسي عاجزة. داخليا. دراستي انا دخلت.اكاديمية الدلتا خدمةاجتماعية. ارربع سنين. موقف اهلي شكو فيا كتير. لما ماكنتش بسيبه ايام مشاكلنا واني خسيت وشكلي. اتغير بس اكدت لهم مفيش حاجة بابا شك وكان عايز يحلل ليا بس اتهربت. جابوها ف موضوع تاخر الحمل قلتلهم السبب اللي تامر بياخده وغير اني. قبل ما اتجوز كنت برده نفسيا مش تمام. وكنت بخس بسبب ضعف عام وانا برده بعد زواجي بعدت عنهم كتير برغم ان بيتي جمبهم ما دخلهوش غير مرتين تلاتة بسبب الحياة اللي كنت فيها وكان ليلي نهار ونهاري. ليل وكنت. انام يومين. واصخي تلاتة وكنت بروح كل. يومين ساعة واروح بس كل. ده بيتغير

رد : بقاء زوجي في المنزل وعدم عمله وخلافاتنا
 

ماقريت كل الي كتبتيه
لكن انتي انسانه قويه
تذكري ابتغيير يجي من الداخل
جاهدي وشدي حيلك وانتشلي نفسك من اي شي يغضب ربنا

رد : بقاء زوجي في المنزل وعدم عمله وخلافاتنا
 

ياريتني كنت قوية زي ما بتقول ماكانش ده بقي حالي ربنا يقدرني علي التغيير هو القادر علي كل شئ مشكور علي ردك وجزاك الله كل خير

رد : بقاء زوجي في المنزل وعدم عمله وخلافاتنا
 

اختي انتي قويه وقادره قولي لنفسك كذا
في مرحله بحياتي وصلت للقاع
كانت اسوا مرحله
انتشلت تفسي وقررت اغير بنفسي
وربي اعانني
اخذيها قاعده
اذا ماساعدتي نفسك محد بيساعدك

رد : بقاء زوجي في المنزل وعدم عمله وخلافاتنا
 

الحمد لله انا برده بقيت احسن من الاول لسة خطوة واحدة وااخلص. انا اللي تاعبني حاجات نفسية وزوجية حاجات حطيت نفسي فيها ما بقتش ععارفة ظالمة ولا مظلومة وشكرا للنصيحة وربنا يديم عليك النعمة ويسعدك دنيا واخرة

رد : بقاء زوجي في المنزل وعدم عمله وخلافاتنا
 

متابعة لك في موضوعك الاخر ودعيت لك من قلبي ان ربي يصلح حالك انتي وزوجك ويهديكم لبعض ويوفقكم ويرضي عليكم ..

عندي ملاحظة .. بتقولي صعب تتركي الحبوب نهائيا بسبب الروماتيزم .. اشعر ان هذا عذر فقط يقنعك فيه عقلك الباطني من اجل الاستمرار وعدم ترك هذه الحبوب بشكل نهائي ..
لازم فيه ادوية وعلاجات للروماتيزم .. روحي للطبيب وخليه يوصف لك الدواء المناسب اللي يخليك تستغني عن هذه الحبوب ..
ربي يشافيك ويعافيك ..

رد : بقاء زوجي في المنزل وعدم عمله وخلافاتنا
 

سوسو وضحي نفسيتك مش تمام من قبل الزواج سببه ايه ؟؟

عندك ثقه بنفسك ؟؟

كيف كانت تربيتك ؟؟

تشعرين بالوحده؟؟

اظن السبب نفسي هو الذي ادى الى وقوعك في الادمان وليس من ألام الروماتيزم

رد : بقاء زوجي في المنزل وعدم عمله وخلافاتنا
 

ربنا يخليكي ويكرمك يارب علي دعائك لينا ويرزقك الفردوس الاعلي والله انا كنت زمان عايشة. عادي بالم رجلي. بس بعد ماخدت المسكن مابقاش بياثر فيا اي مسكن تاني والم رجلي اتضاعف الالاف المرات انا ممكن اروح لطبيب بس للاسف زوجي مش راضي دلوقتي بيقولي اما اتنشط شوية وابدا اعمل كل حاجة مش حاسس بحجم معاناتي عايزني احاول ابطل كده عن طريق اي مسكن والدي يقولي عليه او اسال انا عليه كسلان بطريقة لا يتخيلها احد برغم انه بطل وبدأ تدريب بس ماحدش بيحس بحد وعمال يضغط عليا انا ويقولي ما انا بطلت من غير حاجة وهتفضلي كده لحد امتة

رد : بقاء زوجي في المنزل وعدم عمله وخلافاتنا
 

بصي هي اما جات الفكرة وانا بشتري فستان الخطوبة ايامها كنت متضايقة بس كانت رجلي والله وجعاني اوي وكان بقالي يوم منمتش بسببها وكنت روحت لدكاترة وكتبولي مسكنات برده كانت ضعيفة ولما بدأت اخد كورس حقن. شهرية كنت بدأت اخد المسكن فمتابعتش واستحليتها لحد ماضيعت وربنا يقدرني عليه انا بعيد عن كل ده متاكده اني هبطل النص ال باخده بإذن الله بس مشكلتي اني نفسي افهم نفسي واعرفها افهم احساسي افهم زوجي اعرف كل حاجة. شكرا علي اهتمامك ياقمر وربنا يسعدك دنيا واخرة ويحققلك كل اللي بتتمنيه

رد : نفسي افهم نفسي'
 

.. Soqya
تمنيت أن تكون بقربي لأحتضنك، أنت انسانه بحاجة أحد عن يقف بجانبك يساعدك وبإذن الله أحاول أن أساعدك.
كوني بخير.[/QUOTE]
انا كل شوية اقرأ جملتك دي بجد مفرحاني اوي اد ايه انتي حنينة اول ما قريتها والله كانت الدموع ف عيني من احساسها ربنا يسعدك دنيا واخرة ويحققلك كل اللي بتتمنيه

رد : بقاء زوجي في المنزل وعدم عمله وخلافاتنا
 

Soqya. قلتيلي هبقي جمبك وفرحتيني جدا بس للاسف نسيتيني كنت ماصدقت حد يحس بيا. ويبقي جمبي

رد : بقاء زوجي في المنزل وعدم عمله وخلافاتنا
 

ممكن غلق الموضوع

رد : بقاء زوجي في المنزل وعدم عمله وخلافاتنا