|
زوجتي والشغاله
السلام عليكم
حبيت احطه بموضوع منفصل مع انه مرتبط بالمشكله الاساسيه حقتي لما تزوجت كان عندي بالبيت ثلاث شغالات البيت كبير وفيه سواق وصبيان فلازم شغالات للطبخ والتنظيف ويباشرون الخدم الباقين زوجتي اطردت الشغالات كلهم ووديناهم لبيت الوالده وصارت هي تشتغل بما انها مو موظفه لكن صار وقتها كله تنظيف وطبخ ادخل القاها بالمطبخ اطلع تكنس وتنظف بصراحه ودي ارجع الشغالات عشان تقعد تقابلني ومايصير لها عذر وانا ماتعودت اطلب من احد فارحمها ومااطلبها شي لكن فاقد نفعه الشغالات وطبخ طباختنا كانت تبدع شلون اقنع زوجتي وهي حتى ماترضى نجيب وحده منهم يوم واحد بالاسبوع وامي متضايقه مع وجودهم مع شغالاتها صار بيتها سفاره وناويه تصرفهم |
رد : زوجتي والشغاله
..............
ع العموم زوجتك ذي مالها حل .. (امزح)بس بيت مدري كم دور شلون بتقدر عليه لوحدها ع الاقل لو وحده . ان شاءالله يفيدونك الاعضاء |
رد : زوجتي والشغاله
اختي غيمه
جد ابي حل معاها هي فعلا مجتهده بس لا الطبخ زي اول ولا النظافه زي اول وانا استحي اطلبها لاني شايف شكثر تتعب عذرها مو محتاجينهم وماعندنا اطفال ويضايقون خصوصيتنا ماانكر فرحت اول وتحمست قلت ممكن وجودهم مو مخليها رومانسبه وعلى راحتها طلع ماله علاقه السبع ملايين داخل فيها البيت الي حنا ساكنينه |
رد : زوجتي والشغاله
قول لها انا ابغاك لي لو ع الطبخ والنظافه جبت الشغالات بس انتي م يجي مكانك احد
ومن هالكلام عل وعسى..الله يصلح م بينكم |
رد : زوجتي والشغاله
بما انها اقتنعت انها لازم تتغير وانها ممكن تفقدك لو ما كانت مبتسمة ومرتاحه ومقبله عليك فتقدر انك تدخل من هذا المدخل
قول لها أنا حاس انه تعبك بالبيت وانشغالك فيه مستنفذ جهدك ونفسيتك .. وانا أبي زوجة .. حتى الشرع يقول شغل البيت للخادمة والزوجة سيدة البيت تديره وتراعي زوجها وعيالها ونفسه قبلهم كلهم . حتى لو انكرت واعترضت قول لها أعطي رأيي فرصة وشوفي ... نجرب الوضع بوجود الخادمة ونشوف . إلا إذا محتاجة شغل البيت حجة لك عشان يشغلك عني ؟ ومن جهة ثانية فعلا وجود الخادمة بالبيت أمر مزعج ومقيد للحرية الشخصية وتقدر تتغلب على هذي المشكلة بما انه البيت واسع .. زوجتك تحدد جدول للخادمة للدخول بجناحكم أو طابقكم وتقوم بالمطلوب وتنزل قسم الخدم تحت ما تطلع منه الا بطلب منكم . ولما تكون الخادمة مسويه كل الشغل فعادي انها ما تتواجد نهائي خلال وجودك انت بالبيت أو بأضيق الحدود واترك القرار لزوجتك . وانت لما تكون عارف انها من الصبح ما سوت حاجة الا اشراف فما راح يكون مشكلة انك تطلب حاجاتك انت من زوجتك . بالعكس أحس أمور زوجي بالذات لازم أتكفل فيها انا حتى بوجود الشغالة . أحس الطلبات هذي تقرب بينا وتعمل علاقة حلوه |
رد : زوجتي والشغاله
شكرا تيتا بفاتحها بالموضوع بكره
|
رد : زوجتي والشغاله
صراحه احس مافهمت
كيف عندك خدم وبيت من قبل تتزوج ومستقل عن اهلك وسامحني حسبت 7ملايين تريقه منك عموما الله يطرح البركه بحياتك هذا الاهم وزوجتك غريبه تبي الشقا لنفسها على الاقل تخلي وحده اوما تشتغل بكل شي الله يعينها صدق شي موسهل لكن آمنت ان الناس قدرات |
رد : زوجتي والشغاله
ماشاءالله تبارك الرحمن
انا ودي بنص خدامه مابيها تطبخ ولا شي بس عالاقل تساعدني بالأطفال بس زوجي رافض زوجتك ماشاءالله عليها رافسه النعمه اللي فيها بس خذها من ناحيه ايجابيه تبغى تخدمك تبغى تتغير للاحسن تبغى تحسسك بقيمتها بس انت بطريقتك تقدر تحاول معها ترجع لو شغاله وحده تساعدها ربي يسعدكم |
رد : زوجتي والشغاله
زوجتي طول عمرها مغتربه
والدها كان دبلوماسي وبما انها يتيمه كانت تخدمه بدون خدم وبعده دخلت مدارس داخليه ومتعلمه على النظام وتخدم نفسها تكره الشغالات كره ماتتصورونه وحتى الاطفال بعدين تبغى تحطهم بحضانات ولا تمسكهم ناني وانا ضدها طول عمرنا عشنا مع خدم ومثل اهلنا مااثرو علينا سلب ابد |
رد : زوجتي والشغاله
اقتباس:
وعقب ما جيت من برى بعت بيت ابوالد وسكنت جنب الوالده |
رد : زوجتي والشغاله
الله يصلح لك زوجتك ويرزقك بالذرية الصالحه
|
رد : زوجتي والشغاله
الرجاء الالتزام بمسار الموضوع
الإشراف |
رد : زوجتي والشغاله
زوجتك ما شاء الله متفانية ومخلصة وخااام يعني تتصرف بطبيعتها الصرفة لكن تحتاج للتوعية وصدقني ستصبح لك إن شاء الله مثل ما تحب وأكثر .
ونصيحة لك من الآن لا تدع أطفالك مهما يكن ولو للحظة وحدة في يد خادمات إلا في حالة أن تكون مربية متخصصة ومؤهلة ، فأنت تسمع وترى بالتأكيد مصائب الخادمات التي تتكاثر يوما بعد يوم هذا وبعض الحالات في العيادات يندى لها الجبين بسبب تحرشات الخادمات بالأطفال وتعليمهم سلوكيات خادشة للحياء واستغلالهم جسديا .. فبما أنكم مقتدرين ولله الحمد فدع المنزل للخادمة والتربية لزوجتك فقط .. |
رد : زوجتي والشغاله
الله يجيب العيال
ان شاءالله شكرا على الرابط وبرسله لها |
رد : زوجتي والشغاله
انا حاسه انها ودها تبين لك انها حرمة سنعه وتقدر تشيل البيت وغير كذا يمكن فعلا ماتحب الخدم معها يحبسون حريتها..اتوقع مع الوقت بتمل وتتعب..
|
رد : زوجتي والشغاله
مو قصه تبي تبين لي
هي فعلا ماتحبهم وتعتمد على الاجهزه كثير وبما اننا قليلين اكل ووقتنا برى تشوف مالهم داعي بس انا ارتاح بوجودهم احب البيت يلمع نظيف والاكل اذا طلبته على مستوى غير هذا امينات ووحده منهم معانا من كنت بالروضه مايستحقون تطردهم |
رد : زوجتي والشغاله
عدم محبتها لوجود الشغالات ..
موب معناها ان ماودها ترتاح.. زوجتك تشبهني في عدم محبة الخادمات إطلاقاً.. من الجرائم اللي أشوفها بعيني منهم. . جلست 10 سنين أو 20 سنه عندكم والله صدقني مايفرق.. وإياك تأمن أطفالك على خادمة.. لكن شغل المنزل تقدر تخليه على خادمة.. الشر اللي لابد منه . وإن كنت لايوجد لديك أطفال، إما أن تسكن في بيت صغير أو شقه بحيث يسهل تنظيفه وما تزمل منه زوجتك.. الى حين يأتيك أطفال وتكثرون اطلع لبيت أكبر.. وان كنت عازم على خادمه.. من رأيي تجلس مع زوجتك وتخبرها : تصدقين جلساتي معك ماصارت مثل أول.. افتقدك كثير.. أشعر اني صرت أجلس معك قلييل مقارنة بالسابق.. عاذرك لأشغال المنزل.. لكن لو حبيتي أجيب خادمه وحده علشان ماتزعجك تقوم بالتنظيف و الترتيب والطبخ وأنتي تصيرين راعية البيت همك نفسك و راحتك و تزينك . كلمها بدون شد وعصبية .. |
رد : زوجتي والشغاله
اقتباس:
عمليه ومستقله يناسبها نظام الشقق اصغر واريح وعملي اكثرyjuy البيت الكبير لاسره صغيره وطلباتها محدوده مش مناسب لكم |
رد : زوجتي والشغاله
طيب شوف حل وسط وجيب خادمة وحدة من الثلاث ..
أنتو اثنين ويخدمونكم ثلاث ؟؟ ماصارت هاذي .. لها حق الحرمة تتضايق.. وشي ثاني يمكن إنت كنت تقارن بين طبخها وطبخ الخادمة .. أو تنظيفها وتنظيف الخادمة .. وعشان كذا هي تمللت وطردتهم .. |
رد : زوجتي والشغاله
مو معقوله اترك البيت ونروح لشقه صغيره
الطباخه ماترضى تنظف شغلتها بس تطبخ علشان كذا لازم معاها وحده للتنظيف فعلا تفكيرها غربي وماتثق بالناس بسهوله تقول ماارتاح ولا اثق فيهم وهي بيتوتيه زوجتي الحمدلله جميله جدا وجذابه لكن ليست انيقه ولا اجتماعيه تبي تعيش مثل الناس العاديه لدرجه امي ماعاد تعزمها عندها تقول لبسها يفشل اخذها السوق واعطيها مصروف ماتقتنع تبغى زارا واتش اند ام شسوي فيها قولوا لي |
رد : زوجتي والشغاله
اقتباس:
بسيطه على الرغم من ترفهها لا تهتم بالمظاهر والشكليات عفويه وعارفه الحياه صح من غير رتوش ولا تزييف ادخل عقلها وافهمها |
رد : زوجتي والشغاله
اشوفها عقد مش عفويه
|
رد : زوجتي والشغاله
اقتباس:
مش اجتماعيه ؟؟ يمكن مو ماخذه طباعكم بحكم عيشتها بالخارج وبيتوتيه لانها والدتها متوفيه في اسباب لرسم شخصية الانسان حاول تفهم وتقدر وتعوض بدل ما تفكر بس في نفسك |
رد : زوجتي والشغاله
ماحد راضي عن حياته
اشوف زوجتك فيها من الصفات التي تفوق سئياتها اصلح الله حالك تقرب منه وافهمها وسوف تسعد بأذن الله |
رد : زوجتي والشغاله
اقتباس:
زوجتك عايشة على طبيعتها وهيدي ميزة بهالايام لان الاغلب عايش عالبريستيج والمظاهر الاهم معدن الانسان من الداخل هيدا اللي بيبقى لانو الاصل اما المظهر الخارجي بنقدر نغيره باليوم كذا مرة ان كان بالتظاهر في الشخصية والسلوك او في تغير اللوك ونوعية الملابس وبالنسبة للباسها اذا انت شايفو مش انيق فيك تشتري شي على ذوقك وتقدملها ياه هدية او تروح معها السوق وتعطي رأيك اما اذا اشترت زوجتك ثياب من زارا او اتش اند ام هيدا مش عيب ولا بقلل من قيمتها وقدرها بالنهاية هيي انسان بتلبس الشي اللي بريحها والناس اذواق يا اخي ممكن اللي انا شوفو شيك وانيق يشوفو غيري عادي وفي نقطة اخي قلت انها بتحب تعيش متل الناس العادية وين الخطأ بذلك بالنهاية كلنا ربنا خلقنا ورح نموت نفس الموتة وما حدا بياخد معو الا. اعماله الصالحة وسمعته الطيبة وتواضعه بين الناس ما بعرف اخي حتى بالنسبة للشغالات في نساء كتير بترفضهن وكمان في رجال بيرفضوهن وبترجع حسب حاجة الشخص لهم بالنسبة الي بشوف زوجتك امرأة مميزة بتحب تعيش الحياة ببساطتها وممكن هالشي بيسعدها في ناس اوقات الترفه والمظاهر بيخنقهن وفي ناس بتعشق تعيش حياة الراحة كل شخص عندو قناعة بالحياة بتختلف عن التاني ما تدقق كتير على هيك امور عيش حياتك واستمتع فيها موفق اخي احترامي |
رد : زوجتي والشغاله
اخي الفاضل مشكلتك مع زوجتك الآن هل عدم قبولها للشغالة
او بالمعنى الصريح والواضح عدم خضوعها للحياة بنفس طبقتك الاجتماعية يعني انت تبيها زي خواتك واهلك ،، لحتى ترضي حياتك الاجتماعية واللي حولك هذا اللي اتضح لي ف تعقيباك ع الاعضاء زوجتك انسانة عندها طاقة تدرك معنى قيمة البيت والاسرة ماتقدر تساير اهلك وجماعتك ..تحب تعيش ببساطة مش لازم امك تحبها اهم شي الاحترام موجود ،، وزوجتك م تغلط ع امك وامك م تغلط ع زوجتك لبسها شي خلص فيها واستغربت حقيقه من كلامك ع المحلين انا عشقي محل h&m اشوف بضاعته روعة ،، مش لازم كل اغراضي ديور وشانيل وفندي وماشابه |
رد : زوجتي والشغاله
اقتباس:
ميمي ردك رائع جدا وراقي الله يسعدك... وأقول للأستاذ الكريم للأسف هنا أنت من تفعل المشكلة وليست هي، زوجتك رائعة وبسيطة ونادرة هي انسانه تحب البساطة ولا التكلف.. تقبلها كما هي واتمنى أن تصل لهذه المرحلة وسترى بنظرة غير هذه النظرة التي ترى بها زوجتك.. موفق! |
رد : زوجتي والشغاله
زوجتك رائعة ربي يعوضها ليش ماتزوجت من نفس مجتمعك ونفس طبقتك الاجتماعية ليه امك ما خطبت لك من نفس مجتمعها علشان ترضى على ذوقها
|
رد : زوجتي والشغاله
أهداني ثلجاً .....
عارف متى بتشعر بقيمة زوجتك ... لما يجيك أطفال وتسلط إهتمامها في تربيتهم ع البساطه وتحمل الحياه بدون ترف او الحاجه لأحد.... رح تفتخر وتعتز فيها والكل يشهد بأنها أم مثاليه... غالبا المرأه في زمنا هذا تخلف وتنسى وكل اهتمامها بكلام الناس ورضاهم والطفل يتربى من الشارع والمدرسه ويتلقن أمور ماكانت في زمانك يااهداني ثلجاً ... لاتقول ربونا الشغالات وماسار لنا شي زمانك يختلف عن زمنا هذا وروح شيك ع المدارس ع تجمعات الاطفال لا لاتروح بعيد افتح النت وشوف الاطفال في الكيك والتويتر ... عموماً زوجتك ممكن تتغير بسبب زنك عليها وعدم رضاك بشخصيتها لكن لو بالفعل تغيرت إنت الخسران في المقام الأول وأقصد لو أعتمدت إعتماد كلي ع الشغاله وأصبح همها آخر الموضات وآخر شي نزل في السوق... وجود شغاله في بيت كبير مهم لكن إنك تبغى زوجتك تكون نسخه من والدتك واخواتك هذا شي مو في صالحك.... زوجتك دره لكن إنت مو شايفها .... |
رد : زوجتي والشغاله
؛؛
يعني انت عايش بقصر وست او سبع خدم .. يعني انت وعائلتك من الملياردريه .. وحياة رفاهيه .. وزوجتك اكيد عندها تصور كامل لمعيشتك الفاخره .. يوم خطبتها فكيف زوجتك ما تأثرت بهذي النعمه .؟.!! فالنعمه تلبسك غصب عنك .. معقوله تحضر مناسبه بطقم من اتش اند ام و سبور وكاجول !!!!! احنا اللي عاديين جدا .. المناسبات لها محلاتها الخاصه لملابس الكلاسيك والشيك .. فيه حلقه مفقوده .. يا ان زوجتك زاهده في دنياها .. !! يا انها لا تقدر الامور بتقديرها الموزون لها .. !! فلو ارادت جعلت الخدم يأتون ينظفون ساعات معينه ثم يغادرون .. نعرف نساء كثر .. خرجت من بيت اهلها بسيطه جدا .. وذهبت لبيت زوجها الغني فتتأثر بعيشته وتتبعه في تفاصيلها ... نادر ما تجد رجل من يتبع زوجته ..! |
رد : زوجتي والشغاله
اقتباس:
|
رد : زوجتي والشغاله
اقتباس:
والله ع اني اتابع ردودك احسك رجل بمعنى الكلمه الا اني تفاجئت باانك ترضى ل امك تقول عن زوجتك هالكلام.. يااخي لازم تحط حد مااحد يغلط ع احد.. وهذا اول الدمار وش لهم ينتقدون فيها لاتخلي احد يدخل بينك وبين زوجتك. لاتسمح لااحد يحتقر زوجتك او ينقص من شأنها عالج الموضوع بعيد عن نظر اهلك. ومسألة الماركات عودها ع شوي شوي كل ماتطلع معاها السوق قل هذا حلو ابيك تاخذينه حاول تغير لبسها بهالطريقه.. والشغالات ترى انا من بيت شايفين النعمه الحمدلله بس اكررره ماعندي اجيب شغاله تقابلني احب ارتب وقتي واعتمد عالاجهزه افضل من اني اجيب شغاله. من يوم كنت عند اهلي كنت ارفض يجيبون الين تزوجت وبقت امي وحدها جابت شغاله.. واذا كنت تعبانه اوفر الاكل من برا وقتها.. يعني مع تنظيم الوقت مااشوف لها حاجه لو انه يصير بعض التقصير بس مو لازم الدنيا تصير كامله وزوجي الحمدلله مقتنع ومرتاح للوضع.. |
رد : زوجتي والشغاله
على فكرة هو قال ان زوجته ثرية ..
|
رد : زوجتي والشغاله
...........
لما اقول مناسبات يعني مناسبه عاديه مش حفله زواج وامي ابدا تحترمها وتحبها وتقدرها بس كطبع كل الامهات تبغى تكشخ بمره ولدها حتى اخواتي امي تشد عليهم من ناحيه اللبس وامي معتبرتها مثل بناتها ولا تبغى انها تطلع اقل منهم زوجتي عادي تقابل ناس بالجنز والسبور ماعندها مشكله وهذي مصيبه عند امي وهي الحمدلله عندهم خير وشهادتها عاليه ومثقفه جدا جدا لكن فعلا ماتهمها المظاهر وانا اشوفها انانيه من ناحيتها تعمل بس الي يريحها ليه ماتجي على نفسها علشاني |
رد : زوجتي والشغاله
وليش انت تصير اناني وتبيها تعمل لك ولأهلك الشي غصبا عنها؟
|
رد : زوجتي والشغاله
على قوله الاخت شقرديه
الزوجه تتبع زوجها |
رد : زوجتي والشغاله
............
لا تضنون اني ابغى الغي شخصيه زوجتي لكن الزواج لابد من تغيير انا اتغير وهي تتغير مشكلتتا احس انا للحين عزابيه كل واحد عايش حياته بالشكل الي كان عايشه قبل ماتغير فينا شي مااحس ان حنا اسره ليه ماتجي عشاني وتعمل للي الي احب |
رد : زوجتي والشغاله
بتسويلك اللي تحب
بس انت اصبر .. زوجتك باين عليها انها مب عارفة انت شو تبا بالضبط وبعدين خلها بؤاحتها بخصوص اللبس ... وان كانت المناسبة لاهلك . فانت قولها انك تشوف خواتك يكشخون ويلبسون اشيا ....الخ فما باج تطلعين اقل منهم ولما تروح زيارراتها الخاصة شوا لصديقاتها او اهلها تلبس براحتها الموضوع بسيط |
رد : زوجتي والشغاله
طيب
اخذو هالخبر بتروح تقعد عند ابوها شهر وبدون ماتاخذ رايي بلغتني كثر الله خيرها والعمل والمصيبه الثانيه ابوها لاقي لها وظيفه وانا اخر من يعلم استغفر الله |
رد : زوجتي والشغاله
بتتغير مع السنين لاتستعجل
|
| الساعة الآن 03:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©