|
كيف نتعايش مع أهل الزوج؟ موضوع للنقاش
السلام عليكم ورحمة الله وبركاته
كل وحده فينا تدخل للحياة الزوجية و كلها آمال و تخيلات بحياة حلوة و روومانسية لكن بعد ابزواج بفترة تنصدم بالواقع تدخل للحياة بروح طفلة و تتفاجئ بأرواح الآخرين و تنصدم أكثر و أكثر لما تتوجه لها الاتهامات بأنها هي راعية الكيد والمشاكل أهل الزوج .... السكن معاهم اعتبره نوع من الجهاد النفسي يحتاج تربية نفسيه خااصة للزوجة عشان تتكيف معاهم لاحظوا اني احاول ادخل للموضوع بأسلوب حلو ..... خلصت المقدمة موضوعي هو اريد كل وحده تكتب تجربتها مع اهل زوجها بس بالاول تكتب لنا خي هي ساكنة معاهم بنفس البيت . هل لها غرفة خاصة والا شقة او ملحق بنفس البيت او هل هي بعيده لانه اكيد بيفرق وتذكر لنا استرتيجيتها بالتعامل ببدأ معاكم ... انا ساكنة معاهم و لي غرفة فقط .. زوجي وحيدهم من الذكور و صعب يطلع لبيت بروحه علاقتي معهم مد وجزر اخته الكبيرة عمؤها 24 يعني اصغر مني بسنة .. من ايام الخطوبة كانت تقول للبنات انها مب عاجينها موضوع الخطبة تقصد خطبى اخوها لي بعد الزواج اوب فترة عادي .. بعدها يدت المشاكل و الاغلب على شغل البيت والبه سوت وقصدت .. اوه قاعده بغرفتها و ووووالخ النتيجة لي سنتين ونص مااااا نكلم بعض ابدااا ابداا وهالشي اهلها كلهم عارفينه و راضين .. من اليداية ما سوو الامور امه .. بالايام العادية الامور تمام لكن من يستوي اي شي بيني و بين بنتها تقلب على طول احيانا حتى اشوفها متغيره خلاص اعرف انه ينتها قالت لها شي بعد ما ولدت .. طلعت لي مشكلة و هي الانتقاااااداات ان اكلت بنتي شي قالت لي اكليها هذاك الشي .. وان لبستها علقت عاللبس ان نومتها ليش نومتيها هالوقت و طووووول الوقت على هالحال وانا تعبت جداااا ونفسيتي تعبت .. احس بقيد ومب عارفة اتصرف صرت كل شي اسويه بالغرفة .. بالاضافة اني مااقول شي نهائي .. بنتي فيها اسهال لانها مسننة مااتكلم ابدلها بالغرفة . لانه لو تدري بتقول لي شو اكلتيها و عطيها روب و موز و بتهتم بشك لمبالغ وبطلعني انسانه فاشلة يستوي فيها حمى اعطيها بندول و سويلها تحميلة واحاول اتكتم خصوصا انه الحمى تزيد فالليل .. لانه بتقول اكيد بردت وما غطيتيها عدل انا من النوع .. اللي ما حب المشاكل لانه لما يثير شي كلهم يصيؤون بصف وانا احس اني اليتيمة اللي مالي احد و تطلع عيوب الدنا فينلما تزوجت شخصيتي كانت متوازنه و قوية حاليا خبصت ما عدت اعرف انا طيبة والا شريرة انا صدق لوتيه على قولتهم صدق احس اني تايهه صعب اعيش في بيت و بين ناس بيحاسبون على الزلة .. و بيفسؤون تصرفاتج باشيا تنصدمين منها |
رد : كيف نتعايش مع أهل الزوج؟ موضوع للنقاش
أخت زوجي الثانية حاليا تدرس بالجامعه .. حبوية و علاقتي فيها من احسن ما يكون
وسوالفنا ما تخلص ةاخته اللي بالمدرسة علاقتي فيها طيبة وهذي هي قصتي حاليا وصلت لقناعات - اهله مب اهلي ولا امه امي - رضاهم شي مستحيل - افكر بنفسي و بس - اني اسوي اللي انا مقتنعه فيه و خصوصا امور بنتي - اتكتم عن كل شي يخصني ككلللل شي اي شي انسال عنه مب لازم تفصيل رؤوس اقلام .. شو قالت الدكتور كم وزن البنت .. اقولها ابحمدلله زاد شوي مع انها قالت لي وزنها يباله يزيد كيلة عشان توصل الطبيعي بس فعلا زاد عن المؤة اللي قبلها و هكذااا شاااركوني عشان ااطلع اللي بقلبي احيانا اتمنى قلب حجر ما يتاثر بشي يلا حبوبات نبا نوصل لحلول واااقعيه |
رد : كيف نتعايش مع أهل الزوج؟ موضوع للنقاش
طيب ليش ماتحاولين تطلعين لبيت خاص افضل
وحكاية انه وحيدهم خلاص اسكنو بنفس شارعهم او حارتهم ويروح لهم يوميا يشوف امورهم وبكذا ارتحتي ولاابتعد ولدهم عنهم صراحه من اكبر خطأ يرتكبونه اهل البنت انهم مايشترطون بيت لها لوحدها عند رواجها |
رد : كيف نتعايش مع أهل الزوج؟ موضوع للنقاش
هلا بك . طيب هالوضع بيستمر على طول . اقصد وجودك مع اهل زوجك ؟
الخطط القادمه . مافي شقه مافي سكن تحت الانشاء . الاغلب يسكن عند اهله لكن فتره وينتقل او فيه خطه |
رد : كيف نتعايش مع أهل الزوج؟ موضوع للنقاش
اقتباس:
اقتباس:
اشوفها صعبة هو مب ناوي يبعد عن اهله .. و لا خطط مستقبلية للانفصال والا لو هو راضي فما عندي اي مشكلة اخذ غرفة وصالة يقول امي وابوي مااتركهم .. و خواتي باي وقت بيتزوجو فمن لهم غيري ..الخ حاليا هو تدخل وحط قوانين جديدة عشان لاتصير مشاكل فبشوف لين متى بيقدر يتحمل |
رد : كيف نتعايش مع أهل الزوج؟ موضوع للنقاش
السلام عليكم ورحمة الله وبركاته
قريت موضعك كلمه كلمه ،، وتعلقي يمكن يفيدك ،، اخته خله علاقتك معها رسميه سلام هدايا في المناسبات ... هذا في حاله انها موليه مب متقبلتك واسكتي عنها مهما تقول ... حفاظا لحسناتك وبيتك ... خلها تتعب الطناش الكبير ... اما اذا حسيتي انها سبب الخلاف من بينكم بسبب مشكله فالهديه تعلب دور ... واظن والله اعلم ان سبب كتابتك للموضوع والشي المضايق اكثر شي هو انك ما تقدرين تستحملين تعليقات امه .. شو يا حبيبتي مثال امي تسوي نفس الشي مع زوجة اخوي ومع اختي يعني من ناحية الاهتمام بالاولاد والذريه لسبيين السبب الاول هو خوفها فعلا عليهم وهم بالنسبه لها في مقام اولادها .. السبب الثاني هو حب ان تشعر انها الافضل والحسن ..وكلمتها الصح .. وحتى وان حسستك انك فاشله هههه يعني انتي سايريها وان سايرتيها راح تخف سوي سمعيها كلمتين حولين مثلا اذا قالت يو انتوا للي واحد مب فقادرين عليه قولي لها اي والله يا عمتي او امي زمانكم غير عن زماننا ما شاء الله انتوا غير فيكم صحه ولا نحنا ولا شي . واذا قالت ولدك محتاج قولي لها صدق يا عمتي خليني اجرب يمكن ينفع وجربي ،،، وانا ما نفع قولي لها ما نفع . المهم انك تحسسينها بقيمتها واهميتهاومكانتها كام انا زوجة اخوي ههههه مثل ما قدرت على اخوي قدرت تلحس مخ امي شوي شوي ههههههه اتجيب لها هديا اتخلي اخوي يتصل فيها ، وتمدح صورها وجمالها لما كانت صغيره . إن شاء الله اكون افدتك ... اما اختها اذا هي ما عندها استعداد احاليا انها تسايرك خلك رسميه معها واقصد رسميه وليس الاحتقاريه هههههه مثل ما وضحت فوق لين الله ما يفتح قلبها وتتقبلك . |
رد : كيف نتعايش مع أهل الزوج؟ موضوع للنقاش
أخته علاقتي فيها منعدمة مب رسمية و بس و تميل للاحتقارية
ولا اطمح انها تتقبلني خصوصا اني حاليا مب متقبلتنها ولا طايقتنها انا اشوف انه كثير مشاكل بسببها .. كل شوي سوت وقالت و هدايا ما بينا .. اصلا حتى السلام تسلم باليد و تمر وما تمد يدها علي امه حاليا هي مطنشتني وكل ما تبا شي تطلب من بناتها و بصراحه ما اعرف شو السبب و لاناوية اسال لاني ما اريد ادخل دوامه واسمع كلام يعورني .. خصوصا هالفتؤة الوضع مشحون بيني و بين بنتها فخفت تعليقاتها تللي احسه انه هي تجسسني اني فاشلة ومااهرف اسوي شي و هالشي يتعبني نفسيا فصرت كتم اغلب اموري يعني مرة قلتلهم بنتي فالليل تقوم تمشي مااشوفها الا واقفة عدالي وةارد احطها عالفراش قالت لي .. تقومج تعطينها حليب .. تصيح وماتقومي ندمت اني سولفت ومرة دخلت بنومها وصاحت فجاة حاولت اسكتها مب راضية تسكت اتوقع بطنها كان يعوؤها طلعت اسكتها بالصالة .. وتقول لي شو سويتي فيها . توها كانت تلعب ومستانسة و شو فيها والياهل ما يبكي الا لسبب !!! انا ما احب العلاقة ابمتوترة . احب امشي بشي ثابت يا نمشي حبايب على طول يا رسمية او اقطع العلاقة مب نكون اوكي وفجاة تشوف اللي حولك مطنشين و مب متقبلينك .. هالشي ما احبه |
رد : كيف نتعايش مع أهل الزوج؟ موضوع للنقاش
اريد اسوي مثل ما قالي الاخ جميل الهدب ... ارفع مناعتي النفسية بحيث ما اتأثر بش ي
ما اريد اسعى اني اكسب احد و بالاخير يصير شي بسيط اشوف الوضع تغير ونسوا شو كان بينا فاتاثر اكثر |
رد : كيف نتعايش مع أهل الزوج؟ موضوع للنقاش
حبيبتي وسعي صدرك وعامليها حسبه امك يعني لاتنزعجين من اهتمامها الزايد
عطيها جوها وع فكره اكثر امهات الزوج كذا ولا تلومينها ماعندها الا بنت هالولد تصرفها شي طبيعي استحمليها وربي يعطيك الاجر ان شاءالله |
رد : كيف نتعايش مع أهل الزوج؟ موضوع للنقاش
يا نمشي حبايب على طول يا رسمية او اقطع العلاقة
خلاص حيبيتي خلك رسميه ... انتي سلمي اللي رد رد و اللي ما رد بكيفه وامه نفس الشي لكن اذا حسيتي انه بدا تتحسن في تعاملها لا تقولين خلاص ما ابرها لا غلط هو زوجك اصلا راح يضاق منك بعدين هي امه وخواتك وهو ولدها الوحيد فلازم بتلقينه في صفها . فاشوف الافضل ان تصبرين لين ما تهدا الوضع واذا حسيتي انها بدات تتحسن لا تقطعين بريها . لكن قطع العلاقهما شوفه طيب ولا من صالحك |
رد : كيف نتعايش مع أهل الزوج؟ موضوع للنقاش
الحيرة التي تشعرين بها أنا أشعر بها أيضا
علاقتي بهم بين مد وجزر لا أعلم هل أنا تغيرت أم هم ..!! لكن يشهد الله هم أناس جيدون وأنا كذلك لا أحب المشاكل أو أكون سببا فيها أعيش معهم بمنزل واحد لكن أتمنى الاستقلال عنهم يوما بأبنائي لأربيهم كيفما أشاء لذلك أفضل الجلوس بغرفتي أكثر من الاختلاط بهم طيلة الوقت أتمنى لو يرشدوننا الأعضاء لآلية نتبعها بالتعامل مع أهل الزوج لكن حقيقة أستغرب كيف تستطيعين العيش مع أخته بدون سلام أو كلام |
رد : كيف نتعايش مع أهل الزوج؟ موضوع للنقاش
اقتباس:
احاول لكن صعب لما يوصلج معنى انج فاشلة وكل شوي تعليق علىىابسط الامور حاليا هالموضوع خف كثير لاسباب لا اعلمها ولا بسأل واعرف انها تحبها كثيير و مهتمة فسها وانا اكون مطمنه لما تكون معاها لكن مااريد اذا سوت لها شي . . تقول بما معناه انه امج ما تسويلج |
رد : كيف نتعايش مع أهل الزوج؟ موضوع للنقاش
اقتباس:
فشو اسوي .... اسوي نفسي مب فاهمة انه فيها شي و اتصرف عادي لكن اخذ حذري عشان لااسمع كلمة تزعلني لما تسولف مع بناتها ارتز و اقول اي شي او اسال لكن احاول استقل بنفسي وما احتك فيها وايد فانا ابحث عن افضل طريقة احمي فسها نفسي من هالموجات اللي تهب على اي حد في بيت و يطنش |
رد : كيف نتعايش مع أهل الزوج؟ موضوع للنقاش
اقتباس:
فعلا هم ناس محترمين واعترف اني تغيرت لكن بعد شوو !! بعد ما قضيت سنتين معاهم وانا اتعامل عاادي و اشتغل بالبيت مع امهم و البنات وحده تشتغل ووحده تدرس وما كانو ا يسوون شي عالصيف سافرنا لبلدنا وطلعت ام المشاكل و طلعت انا الشريرة واللوتية .. و قسموا شغل البيت وما كانوا يدقزن شي معاي وانا بالنسبة لي هالمكان اول مرة اعيش فيه و كنا مع بيت عمه واول مرة اعيش بينهم تركوني ومحد كان يكلمني و الحاه هناك صعبه .. حياة ريف بعدها بديت اخذ حذري وما أأمن لهم واسوي اللي علي ومااطلب من حد اي مشاعده حتى لو تعبانه ايام حملي و ايام بحث تخرجي كنت ماسكة شغلي و ما اطلب شي حتىىبايام امتحاناتي لكن الحق يقال .. انه عمتي كانت تساعد كيف مااسلم على اخته ؟؟ ها اسلوبهم في الزعل . تطنيش كامل وكان الشخص مب موجود يوم بنتي مثلا تشل ايبادها .. تقول . اماااااه شوفي بنت ولدج والا تدخل وراها المطبخ امااا تعالي شليها مرة دخلت البيت و بنتي اشرت تبا ماي .. شربتها وتقول . يا حرام كيف عطشانه .. اماه من متى ماشربتوها ....الخ وامها توها يت من بؤع و تقول .. هيه تروح صوب الماي و يردوها و هي مسكينه عطشانه تبا ماي ...الخ تدخل البيت لو سلمت ارد .. لكن شافتنيةفالحديقة مثلا او فبيت ناس و تسلم عالجميع باليد وما تمد تسلم عادي تعووودناااا لكن مع الوقت القلب يقسى اكثر تعرفين ... قبل كنت دايما اردد مع نفسي اني بتعامل باخلاقي وهي كيفها استوا موقف غيرت رايي ؤحنا الحديقة وكنت قاعده مع بنات يت و تقول لبنتي وعمرها 7شهور .. نونو تعالي خالووه .... تبا تشوفج وخذتها وطبعا صديقتها هذي ما يت وياها المهم خذت بنتي و راحت اشوف وين بتوديها اتحرا ربيعتها جريب شوي الا اشوفها راحت اخر الحديقة والدنيا زلام قلت عادي هي عمتها وما يمنعها انتظرت وانتظرت .. فااار دمي و قلبي بغى يطلع من مكانه وين بنتي .. وين ودتها .. ربيعتها ليش ما اتي تسلم و تشوفها وهي عندي والا ياخذونها جدام عيني حسيت نفسي سخييفة اتصلت بريلي مارد .. اتثلت باختها ماترد. .. كنت بقوبهم يخبرونها ترد البنت بعدها قلت دام شلتها بعيد عني .. خله تتحمل مسؤوليتها وبصراحة شفتها من بعيد بتي صوبي .. فخذت وحده من البنات و قلتلها خلينا نمشي شوي وسرت وياها وقلت بشوف شو بتسوي تخيلي رديت مكاني اشوفها حطت بنتي مع البنات اللي انا قاعده معاهم وراحت .. و طبعا وصلت و بنتي تصيح بعدها عرفت انه يبالها تعامل حازم وقوي يخليها تلزم حدودها رحنا ليلة الحنا لاختي .. تشل بنتي من ايد امي وتقول لخواتي هاي بنتنا ... و هي شالة اسم ابوها مب اسم امها بعدها قلت هييين .. ما للوتي الا الوت منه |
رد : كيف نتعايش مع أهل الزوج؟ موضوع للنقاش
اسمحولب عالاخطاء الاملائية
ترى اكتب من التلفون |
رد : كيف نتعايش مع أهل الزوج؟ موضوع للنقاش
ياني احساس انها صدرها ضايق اكثر منك ..
اتمنى تسمعي كلامي زين وتفهمينه .. اذا علقت بكلام يضايق لا تردين ..الكلام سهل والتطبيق صعب الله يشرح صدرك يا رب هي تسوي كل شي عشان بس تقهرج وتردين عليها تنزلين لمساحتها وتجرك من منطقة االامنه واذا خذيت حقك مسك فيك الغلط .. تروح عند امها تقول شفتي شو قالت شفتي شو سوت .. جلبتهم عليك .. زوجك يشوف امها وبنتها كلهم متضايقين حز في خاطره ..بدات المشاكل .. انتي اذا مره علقت وقالت هاي بنتنا ..ومن هذا الكلام ردي عليها قولي هي بنتكم وماخذه منك وايد وملامحك وايد نفس الجمال .. اكيد بتقول اكيييد طبعا مب منك . ... اسكتي لا تردين اهم شي ما يطلع الغلط منك .. تعب بس هذا الاحسن ... بعدين اذا تبي تشل بنتك خليها تشلها خليها تحس انها عمتها ولها مكانتها .. واذا صادف وشفتيها مثلا انتي مع بنات يتكلمون حاولي تسمعينها لانها اكيد بعيد .. بس اذا هي قريب حاولي تسميعنيها كلام حلو ... يعني اذا تكلموا عن بنتك قولي ما شاء الله بنتي حبوبه مثل عمتها ... شوفي ميزه زينه فيها مثل انها تدرس او شاطره وخلها تسمع انهم كلهم شطار .او يعرفون يطبخون طبخهم حلو ... اكيد راح تشوف نفسها ... بس ولا انها تقعد تجرك جر للغط |
رد : كيف نتعايش مع أهل الزوج؟ موضوع للنقاش
اقتباس:
التجاهل اريح لي بكثير ترى كل اهل البيت عارفين بالمشكلة اللي صارت وعارفين بانه ما نتكلم ويابعض فبل كتن ممكن اني احاول لكن حاليا لاااا .. خلاص ما صرت متقبلتنها نهااااااائيا انا الحين همي نفسي .. كيف اعيش وسطهم براحة نفسية مشكووورة ومض عالرد |
رد : كيف نتعايش مع أهل الزوج؟ موضوع للنقاش
العفو حبيبتي
الله يصلح حالكم يا رب dff |
رد : كيف نتعايش مع أهل الزوج؟ موضوع للنقاش
الحمولة مثل الارض الصبخه
ما ينفع فيها زراعه ابد خلك على ما انت عليه لكن لا تردين السيءة بمثلها |
رد : كيف نتعايش مع أهل الزوج؟ موضوع للنقاش
اقتباس:
هالفترة عمتي موول ما تكلمني لانه بنتها راحت الدوام وايبادها بالصالة .. و بنتي مسكته وتلعب فيها وما شلته قالت لي ليش جي . .قلتلها تشل اغراضها انا مب مسؤولة وهي لو شاغت اغراضنا ما بتشل من بعدها ما تكلمني |
رد : كيف نتعايش مع أهل الزوج؟ موضوع للنقاش
اقتباس:
لا تخلينهم يمسكون عليك الزلة ترى انت تنسين وهم ما ينسون!! لا تحسبيني اتكلم مجرد مثاليات والله ان اخته سنتين لا تكلمني ولا اشوفها غالباً سنتين وعاااادي لا عاملتها بالمثل ولا شكيت لاخوها ولا ادري وش مزعلها اصلاً وفي النهاية طاح اللي براسها لا تخلينهم يمسكون عليك الزلة الايام بتمشي، وكل هذي بتضير ذكريات فخلي ذكراك بالزين مو الشين |
رد : كيف نتعايش مع أهل الزوج؟ موضوع للنقاش
اقتباس:
|
رد : كيف نتعايش مع أهل الزوج؟ موضوع للنقاش
اقتباس:
ايه صح انت مانك مسؤولة عن شيل اغراض بنتها بس بتظلي مسؤولة على انه بنتك ما تشيل اشياء ثمينه او خطرة فعدم تدخلك بشوفه خطأ و تصرف حماتك اللي ما شالتك من ارضك راقي اعذريني لاني علقت على هذا الموقف بس |
رد : كيف نتعايش مع أهل الزوج؟ موضوع للنقاش
اقتباس:
قريت ردج اول ما حطيتيه بس ما رديت لانه قوي و صريح أدري اني بشل الاغراض الثمينه لكن لانه لبتتها الكبيؤة و نتيجة للمشاكل الكبيرة بينا فتعمدا ما شليته وانا دايما اسكت واسكت لدرجة اني قمت احس باهانة عشان جي متخذة وضع رد الفعل اليوم زوجي كلم امه ليش مضايقة قالت له من هالموقف وفهمت زوجي انه هي من زمان متغيرة بس مااعرف شو فيها .. مرة اقول تعبانه مرة اقول ممكن زعلانه من حد تخيلو من شوووو مرة من المرااات زوجي جته كحة وبلاعيم .. و هاك اليوم رد من الدوام ورقد المهم ماادري كيف انفتح الباب و عمتي شافت زوجي يدون اللحاف .. وقالت لي غطيه ليش مخليتنه جي وبسسسس شلت بخاطرها اانه ليش ما اهتم فيه وانا مم من مرة دخلت الغرفة وما لحفته !!!! مستحبل اخليه بدون لحاف ... لكن هو انجلب و شل اللحاف هالموقف بالذاااات اللي مووول ما يخطر فبالي انها تتحسس منه انا اريد أسس امشي عليها بحيث اعيش بنفسية مستقرة ادري عمتي طيبة لكن من كثر حبهاااا لولدها ة بنته .. احس بالظلم لانه دايماااا اصابع الاتهام تتوجه لي و مشكلتي اللي دايما زوجي ينبهني عليها .. اني اسكت و اشيل بخاطري و ما اتكلم الله ييسرلي و ينطلق لساني والله سكوتي من باب الحياء و درءا للمشاكل لكن دام السالفة جي فان شااء الله اني اطلق لساااني |
رد : كيف نتعايش مع أهل الزوج؟ موضوع للنقاش
وش تطلقي لسانك
اقسم بالله انه السكوت الي انت فيه نعمة كبيرة يا ريت تحافظي عليها تصيري تراديهم كلمة منك و عشرة منهم .هدا جحيم بعينه بنتك انتبهي عليها و لا تخليها تخرب و تصيري انت المسؤولة امامهم اشتغلي في البيت الي تقدري عليه و احسني و احتسبي اجرك عند الله و لا تنتظري منهم شكرو لا تقدير |
رد : كيف نتعايش مع أهل الزوج؟ موضوع للنقاش
اقتباس:
لكن الشي اللي ما يعجبني اتكلم .. يا اقوله لزوجي يا لعمتي شغل البيت مقسم .. واذا فيه اي تقصير راح اتكلم ما راح اسكت مثل كل مرة والله ما انتظر مدح لكن ماااريد عووااار راس ... اريد استقر |
رد : كيف نتعايش مع أهل الزوج؟ موضوع للنقاش
ماراح ترتاحي الا اذا طلعتي لبيت مستقل
وولدهم يزورهم وانتي ارتاحي من مراعاة نفسيات اهله منتي ملزومه فيهم والله الوحده عساها تحمل نفسية زوجها اطرحي الفكره عليه لعل يوافق وانوقع حتى اهله يبون يعيشون لوحدهم كأسره ماعندهم احد دخيل لان الواقع يقول زوجة الولد دخيله ومستحيل يرتاحون بوجودها مثل عيالهم |
رد : كيف نتعايش مع أهل الزوج؟ موضوع للنقاش
اقتباس:
نصيحة لا تراددي حماتك ابدا و لو طلعت من بيتهم، بتشيلها لك جميل في خاطرها و لو ما قالت، و زوجك بعد ما راح ينساها لك، خلي حماتك هي ابرة الميزان بينك و بين اخوات زوجك، و كونهم يتضامنوا مه بعضهم، مش مشكله، ادا حصل شيء منهم كلمي حماتك، و اشرحي لها المةقف و خليها تحكم، و الوزر عليها، ان شاء الله بنتك بتكبر و تملا حياتك عليك، و هم بعد بيتعبوا من الحرب النفسية اللي معيشينك فيها و اللي اشوفها بس لانك تحسيهم موحذات في صف واحد ضدك و انتي لوحدك للأسف زوجك ما راح يقجر يطلع من البيت و لا انت بعد، فالافضل طنشي و استحملي لين تمر العاصفة، و بعدين، اعتقد انه برمضان كنت قلتي انه يستنى بعثه يطلع لها، اذا كان صحيح، فحاولي تروحي معاه باي طريقة و بالنسبة لكلامهم و انتقادهم |
رد : كيف نتعايش مع أهل الزوج؟ موضوع للنقاش
اقتباس:
جان ارتحت و ريحت زوجي بعد ما كلم امه امس ... يا كلمني و قال لي حطي في بالج انج بتعيشين وياهم طول العمر .. بيت بروحج مافي فتاقلمي معاهم .. ووسعي قلبج رغم اني ما تكلمت بهالموضوع |
رد : كيف نتعايش مع أهل الزوج؟ موضوع للنقاش
ياعمري اهل الزوج سبحان الله كلهم نفس الطبع الا من رحم ربي ،،كأنك تتكلمين عن احساسي ابغى وضع نفسي مستقر ..انا مثلك لي سنتين متزوجه عمتي ام زوجي ارمله وعندها 2اولاد من غير زوجي بس من يوم تزوجت وهي ساكنه معنا مع انه اولادها ساكنين قريب منّا بس تحبه عشانه الصغير ،هذا مو مشكله المشكله عندي في الطلعات والزيارات تسوي لي سالفه ،احيانا تزعل مدري من ايش ،والبلاء عندنا خدامه تخصص تجسس ونقل الاخبار لعمتي اي شي يصير تقوله حتى اذا كلمت وسمعتني تقول لعمتي كل شي ،،الله حسيبها هذا الخدامه ،،المهم اذا لقيت حل علميني لاني جد اعاني من نفس المشكله ،،الله يفرجها علينا
|
رد : كيف نتعايش مع أهل الزوج؟ موضوع للنقاش
اقتباس:
صارت مواقف هالاايام .. واخته تكلمت علي و سبتني جدام امها لكنها سكتتها من ضمن الكلام ... انا مب متقبلتنها ... فهالموضوع حسمته .. براحتها لاتتقبل مب مشكلتي عمتي اللي بين بين .. اذا الوضع هادي بيني و بين بنتها فتكون زينة واذا صار شي تغيرت هذي حلها .. اني اصير على طول الخط محترمة معاها وانت زعلت فاتصرف بطريقتيةالعادية و لا كاني حاسة بشي متغير من صوبها |
رد : كيف نتعايش مع أهل الزوج؟ موضوع للنقاش
اقتباس:
ادري انه بيكون صعب، لانه الةحدة تحب تاسس لحياتها في جو مرتاح بس ما ليك الا تصبري |
رد : كيف نتعايش مع أهل الزوج؟ موضوع للنقاش
اقتباس:
هي بالنهاية حرمة كبيرة ... راعيها و بتكسبينها بالنسبة لي خوات الزوج هم اساس المشاكل لكن الام اسهل شو من اخبار تنقلها الخدامة ؟؟ |
رد : كيف نتعايش مع أهل الزوج؟ موضوع للنقاش
لاتيأسين من طلعه لبيت لحالك
الله على كل شي قدير الزمي الدعاء والاستغفار وشوفي بقوقل القصص الي تحققت المستحيلات بسبب الالتجاء لله بالدعاء والاستغفار وخصوصا بيت اهله مليان مو بحاجتكم لو امه وحيده كان صح بقولك صعبه لكن بكذا يتردد هو عليهم يوميا لكن انتي من حقك تعيشين بسلام بعيد عنهم |
رد : كيف نتعايش مع أهل الزوج؟ موضوع للنقاش
اقتباس:
|
رد : كيف نتعايش مع أهل الزوج؟ موضوع للنقاش
طيب ماقلتي بيتهم ايجار ولا ملك
لو ايجار ممكن تاخذون شقتين مقابل بعض وبكذا يكون مابعدتوا عنهم ويقدر زوجك يشوفهم باي وقت ولو ملك مافيه سطح للبيت ممكن تبنون لكم فيه ملحق ؟ |
رد : كيف نتعايش مع أهل الزوج؟ موضوع للنقاش
قبل 10 أيام تقريبا مرضت أنا و زوجي .. حمى و التهاب في اللوز
أغلب الوقت و احنا عالفراش . إذا خفيت شوي أقوم أشوف زوجي و هو نفس الشي و أهله و لا حد اهتم .. و الله مقهورة على نفسي أول يوم تميت من فالليل و انا مريضة لين س 3 الظهر . طلعت و هم عارفين بالمرض و توني ما وصلت للصالة الا عمتي تعطيني تفاح مسلوق و تقول لي أكلي بنتج علاقل خلوني اقعد و اخذ شي اكله . بعدها نومت بنتي و نمت و رجعت الحمى .. من نشت بنتي طلعتها من الغرفة و بصراحة هم يلعبونها خصوصا عمتي و تاكلها اذا كلو .. صح بنتي يبالها مسايسة و لعب وقت الاكل لكن بشكل عام ياكلونها شوي طلعت لها بامبرز و منشفتها و خبرت بنتها الوسطانية انه اذا محتاجة تبديل بدلولها . و رجعت الغرفة و هي شايفة حالتي يادوب امشي .. و زوجي عالفراش بنفس الحالة اسمع صوتهم يلعبون معاها شوي صاحت و صاحت فعرفت انه ما بدلولها .. طلعت و بدلتها وبعد فترة يدقون علي الباب تعالي بدليلها :( للعلم عمتي احيانا تبدل لها لو كانت عندها و انا اطبخ مثلا والله اشفقت لحال نفسي .. كنت حاطة فبالي اقولها تنومها عندها لانه يادوب اشل نفسي و امرض زوجي .. لكن كنسلت بتقولون ليش ما رحتي لاهلج .. لاني غبية و هبلى .. كنت احاتي زوجي و اللي قهرني زيادة انه بعد ما تحسنت .. صرت اشوف نظرة التقصير في عيون عمتي صار موقف بعد ما تحسنا ... زوجي تم ممدد فالغرفة و عالتلفون .. فالعصر سالته تبا تشرب شي .. قال لي لا عالمغرب طلع و قعد مع اهله فبدا الكلام ... قاعدين فالغرفة ليش ما تقوم ادوره تسوي له شي يشربه ..الخ قلتلها هو ما يبا شوي وقامت سوتله عصير برتقال فريش .. والحبيب بالاول يقول لا مااقدر بلاعيمي مجرحة وشوي القلاص فاضي انا مرضت محد سوالي سالفة و الله محد سال اكلت و الا شربت .. بالعكس يقولولي حطيله عشا .. سويله عصير سويله شوربة .. يعني من اخف اقوم اخدم ولدهم وفوق ها مب عاجبنهم ااااااه صدق اني هبلى بدت مشاعر كره لزوجي من هالجو اللي عايشتنه ... شو هالدلع اهم شي مصلحة ولدهم شالة بقلبي .. و ابا احط حدود .. ابا اعرف كيف اتصرف طبعا اول شي اسويه .. اول ما امرض بروح لاهلي مشكلتي اراعي مشاعر غيري .. اقول اوه يمكن يزعلوا ليش راحت عند اهلها و نحن موجودين كيف خلت زوجها مريض ..الخ اعرف انه في نسبة خلل فيني و فتعاملي .. سذاجتي هي اكبر مشكلة و حساسيتي بعد و مراعاة غيري امس اخته الكبيرة تبا تلف ورق عنب و خلت كل ماكن البيت و قعدت فالصالة تلف .. زين بنتي تبا تمشي و تلعب وامها .. خلو امها تمسكها .. عنزة هي تروح المطبخ تلف او الغرفة لو ما تبا المطبخ انقهرت من نفسي لاني ما تكلمت و قلت تروح المطبخ مع اني اعرف حركات بنتهم الكبيرة .. و كل شوي امااااااه تعالي شوفي ..( بنتي ) .. للعلم بنتي عمرها سنة |
رد : كيف نتعايش مع أهل الزوج؟ موضوع للنقاش
الأخوات ماخذين سالفة اني اطلع بروحي شي سهل
لكن اشوفه شي صعب .. هو مقتنع بانه بيتم معاهم و انا نفسيتي ادمرت بينهم .. حتى وزني صار اقل من قبل لاحمل نحن في شقة ( ايجار ) .. ماديا ممكن نكون بروحنا صح بصعوبة لكن ممكن لكن ما بيقتنع و لا ابوه او امه بيقتنعون ولا زوجي بيقتنع .. هو شايف انه هو سندهم وفعلا هذا هو و ما تتخيلون تعلق امه فيه تبا اعيشه سلطاااان زمااانه حاليا .. ابا نفسي .......... نفسي و بس قاعدة ادور شغل .. الله ييسر و الاقي عالاقل اطلع و تتغير نفسيتي |
رد : كيف نتعايش مع أهل الزوج؟ موضوع للنقاش
اقتباس:
لاقيلج حل و طلعيها من البيت عن نفسي اتقبل من حرمة كبيرة بعض التصرفات .. لكن ما احب الاوامر و التدخل بالخصوصيات الله يسهل أمرج حاولي تكسبين ثقة عمتج .. شكل هالخدامة من زمان معاها |
رد : كيف نتعايش مع أهل الزوج؟ موضوع للنقاش
نفس المعاناة بالضبط
اهم شي سعادة ولدهم انتي مجبورة تجامليهم و توسعي صدرج لهم و هم مش مجبورين دام الولد وحيد امه و ابوه فانتي غصبن عنج تقعدين معاهم و لا تفكرين تطلعين بروحج ليش تكرهينم هم ما يقصدون ليش تتحسسبن من كلامهم هم ما يقصدون هالاسطوانه المشروخة اسمعها دوم اختي ارحمي نفسج و لا تقضي ع اللحظات السعيدة شوفي الجانب الايجابي من السكن معاهم انتي احق باللحظات السعيدة انج تعيشينها ابعدي زوجج عن المشاكل الا لو سأل بيني له انه انتي ماعندج مشكلة مع اهله و لكن المشكلة ف المواقف اللي تصير و تسبب زعل و كم الاعصاب اللي تحترق بسبب هالموقف لو حس انج متضايقة منهم مستحيل يطلع معاج ف بيت بروحكم اتركيهم ف حالهم و دامج ع قولتج رسمية و شالة بخاطرج من بينتهم ف بنظرهم و نظر الجميع انتي الغلطانه انا عشت اللي انتي تتكلمي عنه اذكر مرة كنت والدة و نفاس و عندي ضيوف ع العشا و عدد الضيوف كبيرجدا جدا ف بطبيعة الحال كنت مشغولة معاهم الا و عمتي واقفة لي ليش ما تعشين ولدي قلت لها كيف اخلي الضيوف ؟ قالت عساهم ما كانو اهم شي ولدي ليش مخليته باليوع و حاطة الاكل لضيوفج ضحكت و قلت لها ان شاء الله اعرف انه اي كلمة بقولها ما بتعجبها و حملت حالي و مشيت كان ممكن اروح لزوجي و احكي له الموقف لكني كبرت عقلي و طنشت بس الموقف تم بخاطري قلته له ف وقت ثاني بس لاني محتاجة افضفض له يعني مو زعلانه من امه اصلا بس تضايقت من الموقف |
| الساعة الآن 08:17 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©