المشاركة الأصلية كتبت بواسطة فرح تايه ~ (المشاركة 3190182)

المشاركة الأصلية كتبت بواسطة fofo1435 (المشاركة 3189948)

وعليكم السلام ورحمة الله وبركاته..


_ اكيد اذا كانت صفاته ممتازه بااقبل فيه..
انا ابعد عن اهلي قرابة ال الف كيلو.


مهندس
معلم
موظف حكومي
موظف شركه
ضابط
خريج من الخارج = طبيب

المشاركة الأصلية كتبت بواسطة Vanity (المشاركة 3189955)

عن نفسي.. أتقبل الجميع ماعدا الضابط والمعلم واضيف الطيار مع احترامي الشديد لهم

والأفضلية للطبيب والعامل بالمجال الصحي سواء صيدلي او اخصائي.. لانه من نفس بيئة عملي لذلك سيكون متفهم بنسبة كبيرة

ثم المهندس.. ثم الباقي

وظيفته بذاتها ماتشكل معضلة لكن امقت الرجل اللي حياته مرسومة بالمسطرة

سنة سنتين خمسة عشرة بنفس جو العمل ونفس النمط ونفس الحياة ومعتمد على كذا وماعنده اي تطور ولا طموح

والخريج المبتعث ماله علاقة بالوظائف المذكورة










وعن بعد الاهل فيفرق "مع انه غالبا مرفوض بالنسبة لي".. في وظائف تفرض تنقلات كثيرة ولاماكن مو مرغوبة وهذا مزعج

وبعضها اماكن نائية كئيبة معدومة فيها وسائل الحياة.. مو اي احد يتحمل هالشي

المشاركة الأصلية كتبت بواسطة سديم الدوسري (المشاركة 3189958)

افضل الضابط او ع الاقل العسكري بشكل عام
والباقي مايهم الترتيب

وبالنسبه خارج بلاد اهلي ماعندي مانع .
اذا كان كفو ويستاهل ابعد عن اهلي منشانه :)

المشاركة الأصلية كتبت بواسطة غادة زوجة زوجي (المشاركة 3189959)

انا كنت اتمناه طيار واختي طبيب لكن سبحان الله جا العكس
انا اخذت الطبيب وهي اخذت الطيار

المشاركة الأصلية كتبت بواسطة الماسه لا تكرر (المشاركة 3190039)

بالنسبه لي لايهمني ماذا تكون وظيفته المهم موظف حكومي
لكن سبحان الله ممكن الوحده لايهمها وش وظيفته وتتزوج مهندس او طيب ومنهم من تكون حريصه على ان يكون له منصب عالي وترزق بواحد بظروفه على قده لذلك هي مجرد اماني والله اللي يحقق
فيه نقطه مهمه قد تتزوج وحده بصاحب منصب عالي ولا يعيشها الا عيشه الفقراء
والعكس قد يكون فقيرا واعرف كم وحده كذلك ومعيشها عيشه الامراء
لذلك اقول للبنات لاتغرك الوظيفة ابدا

المشاركة الأصلية كتبت بواسطة تلميذ الحياة (المشاركة 3190166)

نسيت ولم تذكر اهم و اجمل شيء

المشاركة الأصلية كتبت بواسطة محتار ولكن (المشاركة 3190202)

ودي اعلق على ردك لان ذكرتي مناصب
انا ولد واتمنى لو اتزوج وحده متعلمه جامعيه
لكن ما اهتم لامر الشهاده ومكانتها اكثر من اهتمامي لبيئة العمل

ابي اتكلم عن وجهة نظري
الدكتور اذا تقصدين طبيب
دوامه طويل ومتعب يعني يرجع للبيت تعبان وماله خلق شي وابحاثه ودراسته كثيره "اتكلم عن الطبيب الطموح" وماراح يتفرغ الا بعد مايطلع الشيب براسه

الدبلوماسي
سفرياته واشغاله بتكون كثيره وماراح يصير فيه وقت يهتم فيك وابنائك في المستقبل
وكثير من الوقت بيسافر وانتي بتكونين قاعدة لان ابنائكم يصيرون مربوطين بالدراسه ولازم يكون فيه احد يتابعهم


وش الفايده اذا تزوجتي واحد مثل كذا؟

ما اتكلم عن جميع الاطباء او الدبلوماسيين

المشاركة الأصلية كتبت بواسطة صقر الشهامة (المشاركة 3190208)

جميل انك تاخذين شخص من نفسك مجالك متفهم لعملك

بس كنك ظلمتي المعلم والضابط والطيار جميعهم من الوظايف اللي يتمنى يتعين عليها اي شاب والطموح اي شخص من هالوظايف اللي ذكرت يقدر يكون طموح ويحقق انجازات مثلا المعلم ممكن يدرس وفي نفس الوقت يكمل الماجستير والدكتوراه وكذلك الضابط والطيار

المشاركة الأصلية كتبت بواسطة صقر الشهامة (المشاركة 3190213)

بعض البنات يبون الوجاهه والبرستيج قدام الناس باقي المواصفات ماتهمها.طبعا عدا الصلاة والصلاح

المشاركة الأصلية كتبت بواسطة صقر الشهامة (المشاركة 3190209)

اوكي الضابط نقول لان له مكانه في عمله ودايم يكون مدير بس ليش عسكري بشكل عام

المشاركة الأصلية كتبت بواسطة ومض القمر (المشاركة 3190261)

يعني مثل بكج كامل ، هذي نظرتي ممكن ميزه افضلها تغطي على ميزه ثانيه ما افضلها
لكن مثلا اتزوج مهندس او ضابط بس عشان انه مهندس صراحه اللي تفكر باهذي الطريقه مب ناضجه او ماتبي شريك هي تبي شي ثاني ،، لكن الا الصلاة والتمسك بالله ، والاخلاق ما تتغطى وباشياء ثانيه هي اساس الباقه من دونها باقي الاشياء ما لها قيمة
ولا تنسى ظروف البنت اذا كانت خلاص اذا كانت تعاني في بيت اهلها او مثلا وضعها الاجتماعي هل قبل كانت مطلقة او عازبه وتاخر زوجها . وهكذا

المشاركة الأصلية كتبت بواسطة صقر الشهامة (المشاركة 3190212)

ماهو الشئ الذي نسيته؟رغم ان هذا السؤالين مهمه جدا ولم يتطرق لها احد في المنتدى.