|
مشكلة الاستقرار
السلام عليكم ورحمة الله وبركاته
مادري من وين ابدا لكن زوجي مهملني ومافيه أي تغير سنتين زواج .. بدون أطفال بحجة عدم الاستقرار !! وراحت الأيام .. من تشتت لتشتت أكبر من بيتي لبيت أهلي ومازالت المشكلة .. لما أتفاهم معه : ليش ماتدق .. أنا مو مستقر ليش ما توديني .. أنا مو مستقر ليش ماتقعد في البيت .. أنا مو مستقر ووووو.... أنا مو مستقر ..أنا مو مستقر طفشششت من سلبيته وتفكيره هذا وش السبب !! عصبيتك المشكلة أنه مايعصبني إلا هالكلمة أنا مو عصبية ولا مستبدة ولا قوية ولا اتحكم زي مايقول بس هو مايفرض قوامته علي اهمااااال فوق ماتتصورون من أكثر من شهر عند أهلي علما بأنه بيننا طلقتين وخايفة من الاستمرار وهو كذلك بين وبين ..! لو كان مايبيني كان طلقني وخلاص .. انا وحدة عند أهلي من أكثر من شهر ويدق يترجاني أرجع بعدين يتراجع بعدين يهون وهكذا ما أدري وش أسوي فيه ..مع العلم أني طلعت بناء على رغبته بالانفصال..! تعبني مرة مو راضي لايعيش معي ولا بدوني! وأنا طفشششت.. أي استفسار أنا مستعدة بس أبي أرتاح ghjj.. |
رد : مشكلة الاستقرار
ما الذي يمنعه من الاستقرار ؟!!
معليش يعني ما فهمت معنى الاستقرار عنده ؟ هل في سلوكه ما يدل على الاضطراب ؟ علاقتك فيه من فترة الخطوبة وأول الزواج شلون ؟ |
رد : مشكلة الاستقرار
فاهمته زي النمونه اللي عندي يبغى يصير هذا الزواج زواج مسيار من غير مسؤؤليه ولاحتى نفقه
|
رد : مشكلة الاستقرار
زوجك يشتغل و دخله كويس ؟
|
رد : مشكلة الاستقرار
اقتباس:
سبق ودرس وفصل كذا مرة يقول ما ارتحت سبق وملك على وحدة قبلي ويقول مارتحت والحين تزوجني ويقول ما ارتحت مايتحملني ولا يتحمل المسؤولية ويقول تبيني عشان اخدمك مو حب فيني ومبرراته سخيفه وغبيه ليش مايحس بالاستقرار ! لانه مايحس بالقوامه .. مانطلع سوا بسبب غيرته الزايدة مابقيت عباية ولا نقاب ماجربتها فاطلع مع اهلي وانا اصرف ع نفسي. مايعتمد على نفسه لايقوم لا يداوم لا يصلي بوقتها الا انا لازم وراه ويقول انتي ماتخليني ع راحتي دايم مستعجله المشكلة جربت وخليته نوم وغياب والدوام يدقون يهزئون فيه وانا ماحب تكون نفسيته كذا ويحط الحره فيني و يبي الدنيا تجيه على طبق من ذهب وبعدين حركاته وبروده وتسويفهه يرفع الضغط اعصب |
رد : مشكلة الاستقرار
اقتباس:
تقريباً .. |
رد : مشكلة الاستقرار
اقتباس:
|
رد : مشكلة الاستقرار
في هذي الحالة لابد من وضع حد
يكلم العاقل من أهلك العاقل من أهله وتضعون شروطكم فإما إمساك بمعروف أو تسريح بإحسان ضاع من العمر سنتان دون إنجاز وهو الذي ذهب بك لأهلك من أجل الانفصال أعانك الله |
رد : مشكلة الاستقرار
اقتباس:
واهله دايم يقول انا مارتحت معها ويقولون طلقها هم يفرون راسه علي |
رد : مشكلة الاستقرار
ما ميزاته يا اهتمام ؟؟
|
رد : مشكلة الاستقرار
اقتباس:
وانا الحمدلله اصرف ع نفسي مو محتاجته من هالناحية بس اي شي يخص البيت عليه لو يجيب ارخص شي بس اهم شي هو اللي يجيب ابي يفرض شخصيته فالمادية مو تمام والمشكلة متعقد من وظيفتي ليش!؟ لانه يبي يصرف علي يبي يفرض شخصيته علي بس مايعرف وحاط في باله اني ما ابيه الا عشان البيت قريب من دوامك الزبدة تصرفاته بشكل عام ما قدر يفهمني او احد يلف راسه علي ما ادري |
رد : مشكلة الاستقرار
الي واضح انكم فعلا نش مستقرين و مليح الي ما عندكم اولاد و احرصي الا يكون حتي تتضح الصورة
زوجك مو قادر علي تحمل المسؤولية و يتهرب يمكن لتقصير.المادة الواضح انه يتخبط و لكن يكابر |
رد : مشكلة الاستقرار
الصراحة طلقتين خلال سنتين
موضوع ما يطمن ابدا وانتي ماشالله شكلج عصامية وشايلة نفسج مابي انصحج بالطلاق وبنفس الوقت مابي عمرج يضيع على شي واضح جدا |
رد : مشكلة الاستقرار
اقتباس:
وبعدين ماهمتني المادة همني اشياء ثانية ما اشوفه الاقليل وحابسني كانه متورط فيني |
رد : مشكلة الاستقرار
اقتباس:
واي احد يستفزه انك تحبها وتنسانا وكذا.. يجي يهدد او يطلق انا عند اهلي من اكثر من شهر الله يكتب اللي فيه الخير مالي خلق اعيش هذيك الحياة ولا ادري وش اسوي ودي افتك وما ودي .. طبعا ما انكر اي جميل منه بحكم العشرة لكن انا جيت احل مشاكل اخاف اطيح بواحد من طقته او اعظم .. الله يستر بس |
رد : مشكلة الاستقرار
اقتباس:
ابسط شيء لا يريد ان يعمل ويريد ان يفرض قوامته عليك ؟ حسنا لا باس لدي زميل والله العظيم يغيب بالاشهر ولانه دخل وظيفته بواسطه يغيب ويتصل عليه المدير والمشكله انه يغيب اكثر لانه يحمل هم مواجهة المدير بدلا من ان يحل المشكله ويضع حد , واتذكر انه جاء الي في نقاش ويلومني على تجاره عملتها ويقول ان طريقتها " لا تجوز " قلت له لو سمحت وراتبك الي تاخذه وانت نايم هل هو حلال ؟ طيب ان كان لا يستمع لكلامك وان وجد من اهله من يوافقه بل يقول سرحها واهلك لا يتقبل منهم هذه المحاور الثلاثه لحل اي مشكله مستعصيه بين الزوجين , وللاسف ارى انها مغلقه , ولكن يا اختي لا يوجد في من اهلك او اهله شخص واحد فقط حكيم وحازم ويستطيع ان يحل الامر , وخاصه ان الامر فيه اصلاح واجر عظيم وسيسعى فيه اي انسان عاقل وسعي الدائره وابحثي عن شخص يستطيع ان يحل المشكله , واستعيني باهلك للبحث عن حلول , بالنسبه لايجابياته نعم تحفظيها , والعشره وغيره وربما يكون طيب فعلا وحنون وو ولكن هذا لا يكفي لاستمرار زواج هذا المشروع العظيم الزواج يحتاج لقوامه واراده وعمل وعقل والاخذ بالاسباب وعقل متزن وغيرها اتعلمي يا اختي للاسف ان كانت هذه طباع في زوجك اقصد الكسل والاهمال وحب اراحة الجسد حتى الصلاه حتى الدوام ! ماذا بقي , اخشى ان من الصعوبه بمكان ان يتغير حتى وان تحدث معه احد , ولكن لا مانع من المحاوله , ويا اختي ان كنتي في بيته وكانت عيوبه فقط كسل واهمال لا باس اما ان تصل الى اهمالك في بيت اهلك والطلاق مرتين على امور ليست بالكبيره , الوضع يا اختي فعلا يحتاج وقفه فعاله , ولا احد يعرف وضعك اكثر منك , ابحثي عن حلول مؤثره واشخاص لهم تاثير , |
رد : مشكلة الاستقرار
كله وااااضح....:) انتي شو قررتي ؟
اكثر من كذيه ماشي اوضح...لازم انتي تبدين تفكرين تستقرين خذي ورقة و كتبي ...ايجابياته وسلبياته في الزواج و الزوج و الطلاق عقب اختاري.... حطي في الحسبان اهلج كيف معاملتهم لج... خصوصا عقب الطلاق اذا صار كيف تتوقعين |
رد : مشكلة الاستقرار
اقتباس:
للتربية دور كبير في الاعتماد على النفس وخصوصا لو كان كل واحد فينا تربيته غير عن الثاني مثلاً: انا تربيت على اني اربي نفسي بنفسي واعتمد على نفسي لي حرية وكنت مهملة ما احد يقول وينها هو تربى على الاتكالية كل شوي امه تدق تدوره صليت؟ اكلت؟ وتدق تقومنا وتشوف ويننا وانا بصراحة تضايقت وقلت له ان احنا كبار مايصلح احد يدق بهالشكل لكن هو اساسه غلط تعود على كذا ومن ناحية اهلي طفشوا من الوضع واخواني قالوا ماعلينا منك هو زودها خليه يروح لابوي لانه بيهاوشهم لو رجعت كذا وسبق ابوي هزئه بكلام قوي ببداية الزواج لكن مانفع بيني وبينك المحامي يقول اشرطي وجيبي شهود والا لاترجعين بس ماعرف كيف الله يعين ويكتب اللي فيه خير ويرضيني به ويجزاكم خير |
رد : مشكلة الاستقرار
اقتباس:
المشكلة هو مايتحملني ويحس اني متحكمة فيه ومن ناحية الورقة جربتها ومادري بعد فيه اشياء قلت ممكن تتغير واشوف انه يحتاج يعالج القلق والشك اما اهلي فالحمد لله ان شاء الله مرتاحة |
رد : مشكلة الاستقرار
افصلي عواطفك عن عقلك
بمعنى اتخذي قرار بعقلك ولا تسمحي لقلبك التدخل في القرار. الله ييسر أمرك ويكتب لك الخير. |
رد : مشكلة الاستقرار
قرأت وصفك لزوجك وعرفت انه اتكالي ومتعود احد ينبهه او يتحمل المسؤوليه عنه اخوي نفس طبع زوجك ولا اطيق هالشخصية كيف انتي الله يعينك اختي وش فايدة الحياه اذا انتي تركضين وتهتمين وهو حضرته حاط رجل على رجل اصبح رجل متزوج يعني استقر وصار عنده زوجه اي استقرار وده يوصل له راتب وظيفة خلاص وش يبي زود واضح جدآ انه يتهرب من المسؤوليه عزيزتي انتبهي لا تضيعي عمرك ورا شخص اتكالي
|
رد : مشكلة الاستقرار
اقتباس:
انا معك بس لازم اتأنى عشان ما اندم صح اعطيته فرص كثيرة ومانفع لكن ما احب اكون يائسة صح تحسين طيبتي وصلت حد الحماقة وعطيته وجه اكثر من اللازم لكن لما استخير ودي ارجع وهو بعد نفس الشيء مع اني قاعدة اخاطر جزاك الله خير |
رد : مشكلة الاستقرار
استخيري اختي
مدري وش اقول لك لكن هالنوعيه تتزوج وتظلم الي معاها |
رد : مشكلة الاستقرار
اقتباس:
للاسف مافيه تفاهم بيننا ماعاد اقدر اسوي شي اكثر بديت ايأس .. |
رد : مشكلة الاستقرار
الله يعينك ويفرج همك
طيب ليس ما تشوفين استشاريه تكلمينها عن وضع زوجك يمكن تعطيك طرق تنفع مع شخصية زوجك |
رد : مشكلة الاستقرار
اقتباس:
عجزت لو اغلط غلطة بسيطة يقلب علي احيانا توصل للانفصال |
رد : مشكلة الاستقرار
ياويلي يا اهتمام
لو ادري ان زوجي مو متزوج غيري كان قلت انك قاعدة تتكلمي عن زوجي روحي للمواضيع واقري مشكلتي الفرق انا صارلي عشر شهور متزوجة والحمدلله مافي طلاق لكن نفس الاحداث تعرفي الي يقولك رضينا بالهم والهم مارضى فيني كل مااصارت مشكلة جاب الموضوع من الناحيه وقال انا مو متحمل وماقدر اتحملك شوفيلنا حل يعني حتى ف قرار الانفصال يبغاني انا اقوله خلاص ننفصل والفرق كمان اني صرت ما اطلع له من البيت يقول خلاص ننفصل اقوله خلاض تصرف انا مالي دخل انت الرجال يقولي وانتي إمعه اقول اي الي تقرره انت بسويه انا استسلمت يكرر دائما انتي تبغي تمشين كل شي ع كيفك وتبغين رجال تسيطرين عليه هذا غير تعليق كل مشكلة ف دوامي الي ماله علاقة انا كنت نفس وضعك الفترة الي فاتت لكن ف بيتي قال ننفصل وانا قلت بنتظر وجلست انتظر اسبوع ابوي جا كلمنا وصالح بينا ع ايش تصالحنا وع ايش تخاصمنا ماعرف الي استنتجته اني يبي حياة امنة مطمئنة مستقرة من غير تعب ولا تفاهم ولا مسؤليه ويبغا انسانه ملاك تغفر وتتنازل ولا تخطئ ووتتحمل بل وتشكر ع عيشتها معه لكن المحاولة لا باس بها انا قلت بحاول انشاءلله اعرف كيف اتعامل معه هالنوعيه يبغالهم مسايرة وتمشيه عاد انتي سنتين مفترض تكوني عرفتي وش يبي زوجك او يمكن تكون عرفتي بس مو متقبله الوضع اذا كان كذا انا اقولك تقبليه وحاولي تغيريه بس من غير لايحس والله يقويك ويفرج همك ويهدي زوجك ويلم شملكم |
رد : مشكلة الاستقرار
اقتباس:
و علي فكرا الطلاق مقصود المرة الاولى اما الثانية كان بس يبي يقهرني ومايدري انه يقع طلاق انتي لا تردين عليه بالانفصال وبيني انه مافيه شي اسمه انفصال بين اي زوجين عشان ما تعيشون على هذي الدوامه اقصد انسوا سيرة الانفصال اهم شي لو عصبتي لاتجيبين سيرة طلاق او بيت اهلك ابداً عشان هو بعد مايقولها فعلا يبي له مساير وكلمة سم وآمر وابشر وان شاء الله ومن عيوني تمشيه هالكلمتين لكن انا عند اتفه مشكلة يقلب علي حتى لو امشي بالسوق وهو جنبي يطقطق بالجوال يقول تمشيني ع كيفك ولما اشاوره وش اخذ هذا والا هذا يقول مادري مايعطيني وجه ويقول تتصرفين بدون اذني حتى لبست نقاب ضيق وغيرت عبايتي ولبست شراب وانتي بكرامة ومع ذلك يقول عبايتك ماتعجبني الملابس يدقق علي وطول الوقت ع الجوال روتيني وممل ويقطع القلب لا وبعد اذا قربت يدفني ولا يطيق يتروش ولا يطلع من البيت يالله يطلع للمسجد والدوام ومايبي حمل الى الان |
رد : مشكلة الاستقرار
تعبت
قررت انفصل |
رد : مشكلة الاستقرار
اختي اهتمام
بناء على ماذكرتي زوجك يختلف عني اختلاف جذري وانتي كذلك لست مثل زوجتي لذلك مااقدر اتكلم عنه بشكل دقيق وبشكل عام انصحك بالتالي 1- بيني له الاحترام والتقدير ولايحس انك مغروره او شايفه نفسك عليه 2- ابتعدي عن مايثير شكه واذا كلمك عن حجابك سوي اللي يبيه واحتسبي الاجر 3- لاتعاملينه بندية 4- اشكريه على الاشياء اللي يسويها حتى لو هي واجب عليه فالكلمه الطيبه صدقه ومن لايشكر الناس لايشكر الله 5- ركزي على ايجابياته وتجاهلي سلبياته فيما بينك وبين نفسك 6- بيني له محبتك بهديه قيمه او كلمه حلوه خليه يحس بالاهتمام وأكيد راح يبادلك نفس الشي ولا انصحك بالانفصال وتأكدي ان مافيه بشر كامل اسأل الله لك التوفيق |
رد : مشكلة الاستقرار
متأكدة ما عنده مرض عضوي
مثل اضطراب الغدة , احس كسله مش طبيعي |
رد : مشكلة الاستقرار
اقتباس:
اقصد يشبهك في البرود ويشوفني بنفس نظرتك لزوجتك وانا كنت اتصرف مثل تصرفات زوجتك تقريبا اول 5 اشهر مع اني اول اسبوعين زي العسل بس انصدمت من شخصيته صرت اسوي نفسي مابيه عارفه اني اسوي شيء غلط وراجعت نفسي بس لانه يضغط علي ماتهنيت بزواجي كنت اقول اكرهك مثلا اول رمضان لنا ويقول اطبخي لاهلي وانا ما عندي ثقة بطبخي اني اسوي كميات ويحسب اني اعاند للاسف مادري ليش يقول اني مغرورة لكن اعتقد لثقتي بنفسي وجرأتي مالي ذنب اني جريئة عشان يشك فيني مثلما البرود طبيعه فيه انا بعد الجرأة من طبعي ويقول انه طيب ومحبوب وهادي وليش الناس يحبوني وزوجتي ماحبتني ودايم يحسسني اني غريبة حياته اسرار لما احاول اتقرب منه مايحب يقول انه مديون او متضايق من شي مادريت عن ديونه الا من امه تقول لا تضغطين عليه وكرهها فيني من كثر مايتكلم عني مليت من شكه بيحرمني الحياة .. اتواصل مع اهلي واخواتي بعضهم يرسلون صور ومابيه يفتح محادثاتهم والصور اشياء جدا خاصة هذا غير مكالماتي وبرامج التواصل الاجتماعي كله شك بشك مو مقتنع بالعباية لبست اللي هو يبي وزادت المشاكل بعدم قناعته جبت هدايا اكثر من مرة وعلى قولته ماتقبلها اتوقع عشان ما يجيب لي ويقول انا ماتعودت اهدي من تزوجنا ما اشوف اثاث الا بالحسرة الحين اثثنا نصف الشقة مع ان ابوي كلمه وقعدنا سنة يالله بدا يكمل الاثاث فما بالك بسفر والا هدايا انا غاسلة يدي ولا اتوقع منه شي ماغير لازق في امه ويقول شوفيها سوت وقالت وبطلقها ومابيها وهي نفس الشي وش تبي فيها ومن هالحكي.. علي فكرة مايدق علي يرسل كول مي !! لكن الشيء اللي ما انكره صار الفترة الاخيرة يوديني لمطاعم فاخرة ويقول مو حب فيك بس عشان اشوف اذا بيأثر فيك وتتغيرين |
رد : مشكلة الاستقرار
اقتباس:
برود زايد عن حده |
رد : مشكلة الاستقرار
اقتباس:
يصرف على البيت من الى..؟ يحترمك..؟ اذا الجواب نعم انتي والاخت اهتمام فاين المشكله |
رد : مشكلة الاستقرار
اقتباس:
ايه موظف ويصرف ويحترم لكن يحتقرني كاني مو موجودة وين العواطف والتفاهم؟ طيب والاثاث؟ ابي احد يجيني والطلعات مستقعد لي اهلي يجون ياخذوني ويرفض وهم عند الباب تفشلت ليش الناس يجتمعون وانا قافل علي اعاني من الوحدة وابغى احمل طفشت ليش اعيش مع واحد ما يبيني احمل ويقول عشان يمكن اطلقك ابغى واحد اتكل عليه بعدين وابنائي مستقبلا يطيحون بكبدي اصير ام واب !! |
رد : مشكلة الاستقرار
وين الامان مع واحد اسباب رفضه يمكن اطلقك!!
وين الامان مع واحد زيه قبل العواطف!! وفين الاحترام اللي تقولين ايه يحترمني..؟ ما فيه احترام ولا ما يسوي هذي التصرفات وين الصرف واثاث البيت ما جابه..؟!! سؤال ليش لو قرر يتزوج عليك بتطلبين الطلاق بلا تردد..؟ حتى لو كان كامل مكمل وطلباتك عنده اوامر اما يحرمك اساسيات بحياتك.. واولها الامان باستمرارية الزواج.. والخلفه.. فلا ممكن تتحملين وتعيشين معه..؟! |
رد : مشكلة الاستقرار
طلقتين في سنتين لاحول ولاقوة الا بالله الكتاب باين من عنوانه ياأختي،،لا أعلم لماذا الطلاق أصبح مثل السلام عليكم عليكم عند بعض الشباب حسبي الله ونعم الوكيل،،أدخلي شخص حكيم من أهلك ليتفاهم معه
اسأل الله ان يفرج همك |
رد : مشكلة الاستقرار
اقتباس:
ما اقول ما اثث بس بالحسرة ولسا بعد البيت يبي له شوي الله يعين تخيلت انه ممكن يتغير بما انه عشريني وما كون نفسه لكن ماتغير الا شيء بسيط والفترة الاخيرة اهون من البداية |
رد : مشكلة الاستقرار
اقتباس:
آمين |
رد : مشكلة الاستقرار
أتمنى زوجك يرقي نفسه
|
| الساعة الآن 07:55 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©