|
اخي خطب اخت من يحبها
(اخي خطب اخت من يحبها)
اخوي كان يعشق وحده قريبتنا عشق جنوووووون ((هذا ماظهر لنا والقلوب الله يعلم فيها خصوصا انه كتوم)) يحبها من قلب المهم تقدم لها و الا امها علمت امي و قالت بنتي مخطوبه وسألنا وطلعت فعلا مخطوبه واخوي ماطاح اللي براسه ظل يحبها مسكين ويتمنى ان خطيبها يتركها ثم ياخذها اخوي على طول ويتزوجها يعني قاعد على اعصابه يبيها من قلبــــــه المهم اخوي متمسسك حيل بهالبنت حتى يوم عرف بخطوبتها ما تاب عن حبها وسوى عشانها اشياء كثيره وحاول يخربط الخطوبه 3مرات وترى اهل البنت يدروووون بحب اخوي لها وتعلقه فيها . امي خطبت لاخوي بنات كثثير عشان ينساها وماصار نصيب وكان يحمدالله ويفرررررررح بكل مره تتفركش خطوباته ويقول الحمدلله اصلا ما ابي الا فلانه ! حتى وهي مخطوبه ! على توقع ان خطيبها يتركها . وسبحان الله تزوجت قريبتنا المهم بعد كم شهر جاتنا امي مصدووووووووومه قالت اخوكم اليوم قالي خبر قلنالها خير ؟ قالت يبي يخطب اخت فلانه (يبي يخطب اخت قريبتنا اللي يحبها !!!!!!! ) انصدمنااااا ليــــــــه ؟ وشلون ؟؟؟ شلوووووون ؟؟ وش السالفه؟؟ وش هالعلوم ؟؟ قالت ماعطاني اي تفاصيــــــــل كل اللي قاله اخطبولي فلانه وبس ! وامي حاولت تسأله ماعطاها تفاصيل وحالته النفسيه كانت عاديــــه ومبسوط . وفعلا راحت امي وخطبتها وشافو بعض وتمت الموافقه واخوي اعطاها هدايا اكثر من مررره عن طريق اخوها الكبير (اخو البنت المخطوبه يعني) وشرالها ورد واسوره وارسلها عن طريق اخو البنت ايضا الزبده حنا مو فاهمين شي ولا امي فاهمه شي , نبي نفهم وش السالفه مب قادرين يعني هل خطب هالبنت عشان من ريحه اختها ؟؟؟؟؟؟ هل اخوي براسه شي ؟؟؟؟؟ مخطط لشي ؟؟ علما انه دايم ببيت (خطيبته الحاليه) يجلس مع اخوانها ويطلع معهم ومايقصر مع اخوانها دايم يتصل عليهم تلفونات وعلاقته قويه حيييييييييل ب اهل خطيبته الحاليه . علاقتنا بأخوي رسميه جدا مانقدر نعرف وش براسه ولا احد يتجرأ يسأل علاقته مع ابوي وامي فقط و بحدود بعد. حنا خفنا لايكون خطب اختها عشان يقهر حبيبته السابقه ويغيضها والعجيب ان تصرفاته مع خطيبته تصرفات حلوه يشتريلها هدايا ويوجب مع اخوانها مواجيبهم ويسأل عن خطيبته بالاسم !!!! علما انه خطب الاخت بعد كم شهر فقط من زواج حبيبته يعني مداه ينسى ؟ الله اعلم انتم رجال ومايفهم الرجل الا رجل مثله , هل الرجل لو حب وحده يجـــــــــيه قلب ياخذ اختها ؟؟!!!!!!!!!! معقول ؟؟!!!!! ولا من البدايه حبــه للبنت اللي تزوجت كان خربطه واي كلام ؟؟؟ (تم التعديل ليتناسب مع المضمون) |
رد : يا شباب اخوي وخطبته الغريبه!قلت مابيفهمه
المفروض وقفتوا بطريق هالخطبة لمنع اي احتمال لقهر بنت مالها ذنب قد تستخدم وسيلة للاغاظة..
يوم انكم خفتوا انه خاطبها عشان يقهر اختها ليش ما منعتوه وفركشتوا وخطبتوا له بنت غيرها؟ الحين وارد اي موقف يهيض اشجانه.. يسمع صوتها ولايشوفها بالغلط :/ لو هالقصة صايرة لك مع اختك مارضيتيها لنفسك.. صح؟ مافي بنات بالدنيا الا هالاخوات؟! خلصوا البنات؟!! |
رد : يا شباب اخوي وخطبته الغريبه!قلت مابيفهمه
غلط اللي سويتوه
الله يرحم المسكينه اللي بتتعلق فيه وقلب خطيبها مع اختها.. |
رد : يا شباب اخوي وخطبته الغريبه!قلت مابيفهمه
ياهلا فيكم وحياكم
لا يااخواني انتم مافهمتو قصدي انا نزلت الموضوع اسألكم واحاول افهم لاننا وامي وابوي ماندري بنواياه ابد ابد فهمتوا؟ قال اخطبوها لي ابيها وشافو بعض بالنظره الشرعيه وناسبو بعض ووافقو اثنينهم وصار يعطيها اسوره واعطاها بوكيه ورد ولا حنا ما خطبناها ولاعرضناها عليه ولافتحنا فمنا خير شر ارجوووكم افهموني بس لاجل كذا نزلت الموضوع عشان انشدكم انتم رجال وتفهمون افكار بعض تهقون نسى اختها؟؟؟ ولا هالخطبه وراها شي؟؟ خصوصا انو اخت البنت تدرررررررررري ان اخوي كان يحب اختها واستغربنا واتوقعنا بترفض لكنها وافقت انا وامي دايم نتساسر ونسأل ونفكر انو معقول رجال حب وحده وبمجرد تزوجت راح خطب اختها !انتم يالرجال عادي تنسون اللي حبيتوها ؟ وتخطبون اختها بعد ؟ عادي ؟ ودي افاتح اخوي بالموضوع بس ماتعودنا ابد على هالشي واشوف اخوي مهتم فيهم تهقون قاصد شي من ورى خطبة اختها؟ |
رد : يا شباب اخوي وخطبته الغريبه!قلت مابيفهمه
اقتباس:
الافعال تبين النوايا او جزء منها او تظهر احتمالات لها! تسالين هل الخطبة وراها شي؟! انتي شرايك؟! ........................... |
رد : يا شباب اخوي وخطبته الغريبه!قلت مابيفهمه
طيب اخوكم عندكم أسألوه!
عادي كلمي أخوك واعرفي نواياه. على باله يشم الريحة ولا وش قصته. اتوقع انه معمي ومغيب عن الواقع لازم احد يوقفه عند حده. |
رد : يا شباب اخوي وخطبته الغريبه!قلت مابيفهمه
اقتباس:
وصح له ام واب بس اللي ابيك تعرفه لكل انسان ظروف ابوي وامي كبار بالعمر اعمارهم فوق الستين وجيل قديم مالهم بهالسوالف ولايفهمونها واخوي هذا اكبرنا وبقولك ليه سالت حنا مجتمع البنات نتأقلم ممكن الوحده تحب واحد ويخطبها واحد ثاني تتعلق بالثاني وتنسى الاول اما مجتمع الذكور ما ادري لكذا انا سألت لاني فعلا ما ادري ولاعندي غير اخ صغير عمره 10 ماعندنا احد ممكن نفهم منه تفكير اخوي عشان كذا قلت هنا رجال ممكن يفهمونه وانا ما احب احد يتأذى فحبيت اتأكد اقتباس:
طيب لوو يحبها شلون قدر يربط حياته مع اختها؟شلون؟ |
رد : يا شباب اخوي وخطبته الغريبه!قلت مابيفهمه
اقتباس:
ثانيا ماينفع تبنين حياة اثنين على فرضيات انها يمكن تنسى يمكن ويمكن.. هذا زواج.. عائلة بتنبنى! مو لعب نقهر فيه الناس! يوم انك ساعدتي على اتمام هالخطوبة لاتهربين وتدفنين راسك بالرمل يعني تعرفون تروحون تخطبون له.. بس بموضوع بنات الناس ماتعودتوا تكلمونه؟ .. كلمي اخوك اعرفي ليه.. وذكريه ان بنات الناس مو لعبة واذا كان عشان اي سبب يخص اختها يبعد عن هالعائلة واخطبوا غيرها وياليت مو عالعمياني مثل هالخطبة! وايه نعم انا اقولك الرجال يحب عالريحة.. واسوا حالاته لما يحب ومايطول حبيبته :) |
رد : يا شباب اخوي وخطبته الغريبه!قلت مابيفهمه
[QUOTE=العـ/الفريد/ـقد;3148320]غلط اللي سويتوه
الله يرحم المسكينه اللي بتتعلق فيه وقلب خطيبها مع اختها..[/QUOTE تقولك البنت عارفة انه يحب اختها ووافقت يعني بتتحمل نتيجة قراراها لا مسكينة ولا شيء المفروض هي الي ترفض مو اهل الولد |
رد : اخي خطب اخت من يحبها
....................................الواحد لو عمره 80 سنه يجون أمه وابوه وقت الخطبه ثاني شيء كيف بالله اخوك خطب وتستحين تكلمينه شيء عجيب اسئليه هو عن السبب
|
رد : اخي خطب اخت من يحبها
اهل البنت عارفينةبالحب القديم
الخطيبة بتعرف اهلك عارفين ومع هيك تمت الخطبة اشي بطلع المخ خلينا نقول اهلك مابايدهم اشي طيب اهل البنت كيف وافقو عواحد عينو عبنتهم المجوزة وكيف اختها وافقت ععلمهابهالامر اناشايفة العيلتين اغرب من بعض اما لحق ينسا .... فغالبا الرجال مابنسوو الحب والعشق الي من هالنوع بظن المراة ملهاش الاخيارواح جوزها ..،لهيك بتحبو وتنسا غيرو اما الرجال كون انو ممكن يكونةله خيارات التعدد ،،،، وجود عدة نساء بحياته فهادا يعطيه حرية اكتربمشاعره لهيك غالبا الحب الحقيقي بحياة وقلبةالرجال موجه لانسانةوحدى بس ،،،حب قلبه وعمره اكيد اخوك مانسيها الالوكان مراهق طائش غيرناضج أديش عمره؟؟؟ |
رد : يا شباب اخوي وخطبته الغريبه!قلت مابيفهمه
اقتباس:
وراحت امي وخطبت له اختها بطلب منه هو واهل البنت رحبوا في اخوي جدااااا يعني اذا اخوي غريب في طلبه لكن نعطيه مخرج انه ممكن نسي حبيبته اما المخطوبه واهلها فالشرهه الحقيقيه عليهم هم لانهم يدرون بالسالفه كلها ومع ذلك وافقوا صح ولا انا غلطانه ؟! |
رد : يا شباب اخوي وخطبته الغريبه!قلت مابيفهمه
[QUOTE=نسياان;3148395]
اقتباس:
|
رد : اخي خطب اخت من يحبها
اقتباس:
يزورهم ويتصل عليهم ويوجب مواجيبهم حتى اخو (خطيبته الحاليه) كانت ملكته الاسبوع الماضي وكان اخوي اول الحاضرين ووقف مع اخوها وقفه قويه والله ماقصر مع اخوها ابد |
رد : يا شباب اخوي وخطبته الغريبه!قلت مابيفهمه
[QUOTE=الزمرد الاخضر;3148702]
اقتباس:
الله اعلم |
رد : اخي خطب اخت من يحبها
هذا ليس تصرف سليم
هذا ردة فعل وعزاء للذات اخوكِ يتصرف بدون تفكير واعلمك شي اخطر : سيأتي يوم وتسمعي خبر مزعج ممكن مشاكل بين الاخوات او مشاكل مع خطيب البنت اللي كان يبيها نصيحة : ما في رجل يعشق كما وصفتي ويتحمل يشوف حبيبته مع رجال غيره بالمختصر : تصرف اخوكِ غلط واظن والعلم عند الله براسه موال يبي يغنيه |
رد : اخي خطب اخت من يحبها
[QUOTE=kooki3;3148761]
اقتباس:
اقتباس:
|
رد : اخي خطب اخت من يحبها
مادام ما بيدج شي
سكري ع الموضوع وخليهم يكملون حياتهم الله يسخره لها سؤالج ماراح يفيدج بشي ممكن نقولج الرجال ينسو ووو الخ ويطلع اخوج مانيى وممكن نقولج العكس ويطلع نسى وتعلق بالثانية أكثر فالامر كله مرجعه لاخوج بس وشخصيته |
رد : اخي خطب اخت من يحبها
الرجال قلبهم واسع يتسع لأربع نساء
الامر عادي.. اطمئني و دعيه يعيش حياته بسعادة |
رد : اخي خطب اخت من يحبها
ليش يعني هالبنت ماتدري انه كان يعشق اختها؟؟ خلها تتحمل نتيجة قرارها ،،،اخوك غلطان وهي غلطانه بالموافقه
|
رد : اخي خطب اخت من يحبها
اقتباس:
رجعنا البيت امي مستغربه منها مدري ليه |
رد : اخي خطب اخت من يحبها
اقتباس:
ويستنكر موافقه الاخت بكل بساطه وبرود |
رد : اخي خطب اخت من يحبها
الغلط كل الغلط على الأخت اللي وافقت وتتحمل نتيجة قرارها المأساوي ... خذيها مني مستحيل ينسى حبه القديم وتلاقيه لو سمع صوتها فز قلبه راح تندم خطيبة اخوك بس بعد فوات الآوان .
|
رد : اخي خطب اخت من يحبها
الحب مع العشرة وبكرة لو تزوجو وحبها بينسي اختها لانه ماعاشرها مجرد حب في الهوا
وحده اعرفها كانت تحب شخص خطب اختها بالبداية زعلت بس بعد ماتزوجت وعاشت مع زوجها حست حبها كان شي تاااافه مقارنة بحبها لزوجها |
رد : اخي خطب اخت من يحبها
سالفتكم غريبه
كان من المفترض ما توافقون من البدايه ولا تروحون تخطبون له واهل البنت المفروض يرفضون والاخت المفروض تفرض علشان ما تخرب العلاقات بين الخوات الحين أي كرم او هدايا من الزوج راح يقهر خطيبته الأولى وتشب ناار ان زارهم في البيت وصار محبوب عند العايله راح تنقهر خطيبته الأولى والخوات راح يحسدون بعض وتشب نار في البيت كله واخوك غالبا يبي ينتقم من خطيبته الأولى والله اعلم بالنوايا راح يخليها تتحسف انها رفضته حتى لو اضطر يمثل شخصيه مو شخصيته وزوجته راح تغار عليه يعني متوقع عداوة بين الخوات والله اعلم |
رد : اخي خطب اخت من يحبها
( الحب أعمى )
بالنسبة للحب أمره عظيم .. إذا الرجل حب فتاة من قلب .. حبها وحب أخوانها وأهلها وحتى عيال عمها وحارتها وسياراتهم وجيرانهم وكل شيئ يذكره بحبيبته.. القصة فيها غرابة نوعاً ما. ووجه الغرابة من جهة عائلة الخطيبة .. هم يعرفون بحب الشاب لابنتهم السابقة فيزوجونه ابنتهم الثانية ..هذا الغريب!! أما هو فزواجه بالبنت يذكره بحب الحبيبة الأولى .. وربما هو حَبّ البنت الأولى إعجاباً وحباً بالعائلة كَكُل إما لمكانة إجتماعية أو لأي غرض كان ..! لعله إن يسر الله زواج أن ينسى أو يتناسى حبيبته الأولى .. والغريب هذه الفجوة بينكِ وبين أخوكِ ايضا.. !!!! عموماً لا أجدني إلا أن أدعو له بالتوفيق وأن ييسر الله زواجه ويسعده . |
رد : اخي خطب اخت من يحبها
اقتباس:
ام هو العكس؟ بأن حبه لفلانه جعله يُحب كل مايرتبط بها حتى اختها ؟ اتمنى جوابك لاني بالفعل استغرب كيف يُحب فلانه ويرضى يربط حياته بأختها ؟ اي حُب هذا ؟ و انتم رجال وادرى بقلوب بعض لو يحبها من قلب كان اعتزل الزواج ! وبالفعل استغربنا ترحيب وموافقه الخطيبه الحاليه واهلها بل وفرحتهم بالموضوع ! والفجوه بيني وبين اخي ليست فجوه ,بالعكس , لكن فارق العمر بيننا كبير نوعا ما فقط لاغير |
رد : اخي خطب اخت من يحبها
اقتباس:
موافقتهم بكل بساطه استغربناها اما خطبتنا له فهو من طلب واصر وقال ابيها اخطبوها لي وبالفعل العلاقات بين الخوات احس راح يصير فيها حسد وبغض |
| الساعة الآن 11:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©